(龔水) ＜若躲不過燁緣＞

等到喇

龔燁＋Stanley crossover

龔燁同Stanley嘅性格mix埋一齊 好可愛
鍾意洗頭水絲寫嘅呢啲橋段
上次凍左嘅著仔都係

龔燁同Stanley嘅性格mix埋一齊 好可愛
鍾意洗頭水絲寫嘅呢啲橋段
上次凍左嘅薯仔都係

自膠

我都中意寫 寫得好過癮

我見到上次拆禮物live 嘅summary 呀 勁親切
好波呀絲

日常輕輕一推
Stanley最鍾意嘅Figure出現喺龔燁屋企

未有文

等緊新一章

第五十三章 <一百分女友>

彈珠臺市場部，臨近下班時間

市場部的同事許多都下班了，零零星星只剩數人。趁人少，龔燁從房間步出，輕叩若水的桌面問：

「喂，就收工啦，陣間去食飯？」

若水收拾著細軟道：「我今晚唔得啊，約左人。」

「約左邊個啊？緊要得過你男朋友？」

若水抬頭一暼，「約左呀爸撐枱腳啊，係咪唔得啊？」

「Tree Gun嘅話⋯咁我就放你走啦。」

「你叫我呀爸做咩話？」若水一臉訝異地問。

「Tree Gun 囉！熊樹根呀嘛，咪即係Tree Gun！」

「點解你連我呀爸全名你都知架？」

「上次上你屋企食飯，Tree Gun 同我講佢miss左個旅行社大抽獎嘅deadline，咁啱我有朋友係嗰到做，我咪叫佢比啲個人資料我，我叫我朋友破例幫佢參加囉！」

「你地幾時變到咁熟架？」若水張口結舌地問。

「係架，佢有時仲會打比我，問下我黎緊百貨公司有咩優惠添。」

若水無語︰「唔係呀嘛，佢個女我都係到做架喎，問你都唔問我？」

「咁就好心你檢討下啦，肯定係因為你太惡死，成日叫人食蕉連皮。學下我咁，人見人愛，咩長輩都冧得掂！」

若水斜他一眼，「又懶醒。」

「咁聽日星期六，我全日留左比你架啦，你想做咩？」

「第一次正式出街，呢啲唔係應該係男仔諗架咩？」若水蹙眉問道。

「我呢啲叫尊重女朋友。」

「好囉…」

若水思量了一會，有了決定：「我想番大學。」

龔燁挑眉，嘴角微微上揚問：「番大學？做咩啊，你想同我懷愐下學生時代啊？」

「總之我就係想番去啦。嗱下晝節目我諗左架啦，夜晚你諗掂佢啦。」

「包係我身上，保證唔會令你失望。著靚啲啦。」

若水其實並沒有約樹根。她推卻龔燁，為的是參加砌模型班。

班上不乏女性學員，相信大家都是為了討男友歡心而來的。學員們全神貫注地砌模型，若水暗暗在旁觀察打量。有些女生已手勢純熟，手握模型專用剪鉗，由裁剪、接合零件，到噴上顏色等步驟都一絲不苟，該是日子有功，技巧已爐火純青。

「熊小姐，你今日第一堂喎？」老闆朝她走過來，坐在她旁問。

「係啊老闆。」

「以前從來未砌過模型？」

若水一臉迷惘，「未啊，完全係一竅不通。」

「咁你又知唔知龔生最中意係咩模型啊？」

「上次好似聽佢講過下啦，不過我都唔記得哂。」

「如果想氹佢開心呢，最好就係砌呢款比佢啦。」老闆從身後拿出一盒絕版聖鬥士星矢模型。

「佢好中意架？」

「係啊。佢周圍撲左好耐架啦，其實我上個星期係日本搵到，我知你會黎上堂，突登唔通知佢住，留番比你親手學砌黎送比佢。」

「好啊，咁我地開始啦。」

若水一直照著老闆的吩咐去做，用鐵鉗小心翼翼的裁剪零件，之後手也緊張得微微顫抖，撿起零件，戰戰兢兢的黏在他指定的位置上。在老闆的指導下，砌了數個小時，她聚精會神得眼珠都快要向內偏斜，終於完成任務。

「熊小姐，你都幾有天份喎，砌得有板有眼。」

「係咩，多謝。」聽到老闆的稱讚，若水心裡也暗爽。

「黎緊我地仲會開啲情侶模型班架，你可以同埋龔生一齊黎上堂，增進感情喎。」

「有機會，我拉埋佢黎啊。」若水禮貌地笑笑。

看著自己一手一腳砌起的星矢模型，若水也一臉滿足，展顏笑了。

不知道龔經理收到雙下巴天使親手砌的禮物，又會有何反應呢？

P.S. 其實樓主對模型一竅不通，都唔肯定我講嘅模型係咪真係要自己砌不過劇情需要雙下巴天使安慰呀龔，唯有咁寫啦

（待續）

遲下會交代

推

睇到話佢砌完諗住拉落去睇埋佢送，點知完咗

想快啲睇下章
樓主有冇諗住加碼多過六十章？

會啊 手頭上已寫多過60
未咁快完 放心

個老闆都幾識做不過佢有冇諗過呀水砌衰咗點算

日推 好想快啲睇到龔水放閃激死macy

砌成點龔生都要照單全收

高質故LM

好想快啲見到阿龔收到水水親手砌嘅模型個個樣

第五十四章 <記憶清洗>

正所謂職場失意，情場得意。

龔燁正是個活生生的例子。

龔燁失了大生意，也失了朱生對他的無條件信任。

可是，他賺回個雙下巴天使，可不是更划算嗎？

昨夜，若水聚精會神地砌模型，除了是作為初次約會禮物，也想為他工作的失意帶來苦中一點甜。老闆知道她想盡快砌起模型，也二話不說捱義氣幫她一同趕起。

一早約了龔燁在香港島大學門口等，趁他還沒到，若水毫不留力盡情的打了個大大的呵欠，滿眶都是淚水。

她完全在於一個站立都能盹著的狀態，頭往下猛地一點，驚醒了。睜開雙眼再張望，便看見她的男朋友迎面而來。

「做咩咁眼訓啊？到你做賊黎啊？」龔燁訕笑。

「琴晚訓唔著呀嘛。」

「同我第一次拍拖出街，太緊張？」

「係啦，滿意未？」

「話時話，你諗啲拍拖節目咁奇怪嘅？番黎大學做咩？」龔燁一臉疑惑地問。

「今日番黎，係有個任務，我同自己講過一拍得成拖，就要做。」若水一臉認真地道。

「咩任務？」

四個字緩緩自她口中逸出：「記憶清洗。」

她主動牽起他手，過了一會，突然感覺到一股猛力襲來，帶著灼熱的力度，她的手反而被他牢牢攥在掌心裡，十指交纏。

「都係中意我黎拖住你多啲。」

今天是週六，校園裡學生稀疏，十分靜謐，很適合戀人拍拖散步。

若水引領著他，來到了以前上莊的莊房。

自從大學一年級發生的那宗醜事，她再也沒有勇氣步近莊房百米範圍之內。

終於等到今天，有他在旁，她決定了卻一件心事，不再當驚弓之鳥。

「呢到仲係十年如一日，都係甩皮甩骨咁。」龔燁掃視著莊房外周圍，不禁嘲諷。

若水沿著走廊的宣傳欄，一直往前走。走了一小段，抬頭一瞥，看到牆上一幀照片，便停步了。

照片看起來已有些發黃。那是一張合影，有她，旁邊還有魚蛋基。

她把心一橫，伸手便將那張照片撕了下來。

「你做乜撕爛人地張相啊？」龔燁嚇了一跳。

「張相有我嘅，我有權唔比佢再係到出現。」

龔燁嗤笑一聲。果然，霸氣外露的若水才是最吸引。

他們沿著樓梯一直往下走，舊地重遊，來到了當時召開會員大會的禮堂。

他倆緣份初始的地方。

或許，龔燁就在此對若水一見鍾情。

「係上海個陣你話，第一眼見到我，就對我有興趣？」

「係掛。我當時就係企係呢到，睇住你頭耷耷，眼濕濕咁行左出去。」龔燁遠眺著面前的台板道。

若水輕輕感喟：「原來係我傷心到想搵窿捐個刻，個天已經安排好你出現。」

「做咩突然咁感性啊？」

「我係揼心啊，你個陣直接追出黎話中意我，咁我大學咪唔駛過得咁慘囉！」

「個陣你就會覺得我係痴漢架啦！同埋個陣我有Macy架啦嘛。」

「你可唔可以唔好提佢啊？」若水怒瞪他一眼。

「Sorry，我掌嘴。」

他倆再一直往新翼方向前進，又走到了荷花池邊。

「我同你嘅第一張單獨合照，就係喺到影。」龔燁指著荷花池道。

「明明只係幾個月前嘅事，點解好似過左好耐咁？」

因為曖昧期從來都是最漫長煎熬的。

看著波紋蕩漾的池水，龔燁靈機一觸。

「你咪話我搭你膊頭個陣，你就對我有feel嘅？即係原來我中意你，同你中意我，都係喺呢間大學發生。」龔燁拖起她雙手道。

「係喎，真係好神奇。」

龔燁眼眸清澈明亮，定定的看著她，眼內全是愛意。

若水抿了抿發乾的嘴唇，帶點羞澀地開口道：「多謝你。」

「做乜無啦啦要多謝我？」

「你幫我洗走哂係大學嘅記憶，咁以後我番黎，行每一個角落，諗起嘅都會係你，唔再係其他人。」

「咁樣黎借我過橋？」

「龔經理咁大方，唔會介意嘅。」若水緊挽著他手臂，綻開一個如沐春風的笑靨，幸福感油然而生。

大學時期錯過了你，不要緊。

緣份會為我引路，兜了多少個圈，轉了多少個彎，終究碰見的還是你。

今後，就讓我們不要再錯過彼此。

（待續）

今日送多章 大學小食亭番外篇

他倆逛到累了，肚子又有點餓，便到小食亭買小食。

「食咩好呢？」龔燁抬頭看著餐牌，思索著。

「我地有魚蛋，燒賣，仲新出左隻黑松露芝心丸啊。」小食檔檔主極力推薦。

「黑松露芝心丸幾好啊，有樣有內涵，幾似我喎。」龔燁自鳴得意地道。

「點啊，食個tea都要讚自己。」若水斜眼一睨他。

「比兩份黑松露芝心丸啊。」龔燁向檔主笑道。

正當他準備付錢，若水打了岔。

「咪住先，比多份魚蛋我啊。」

「魚蛋咁普通，平時成日食架啦。」

「唔係喎。我好多年冇食過啦。」

「咁奇怪？」龔燁不由失笑，轉頭朝向檔主，繼續付錢。

若水盯著他的側顏，眉峰很高，鼻樑挺拔，笑起來雋秀動人。

看著看著，一股暖意悄無聲息的湧上心頭，她嘴邊也慢慢綻開了一抹淺笑。

謝謝你走進我的生命裡。

有你在旁，我再也不懼怕吃魚蛋。

（待續）

有兩章 但送禮物未

56章送

無論點呀水都係冇揀燒賣博士