(龔水) <若躲不過燁緣>

1001 回覆
226 Like 40 Dislike
2019-01-19 11:50:54
多謝 個人最中意係寫呀龔跑左又要扮冇跑 同劇一樣 最中意睇佢奔向媽呢空
2019-01-19 11:54:01
我睇既時候係直頭腦補到 佢見到阿水就急停扮野慢慢行 再一路整佢個髮型既畫面
2019-01-19 13:54:49
2019-01-19 14:57:48
每句說話都有聲 有畫面
畢業禮最尾影相嗰度好sweet呀
繼續支持
2019-01-19 21:14:01
第十三章 <天使的回禮>

彈珠臺市場部會議室

經過數個月的努力,市場部取得不俗的成績。於是,龔燁在會議室召開會議。

「今日開呢個會,除左係想你地繼續匯報進度,亦都係想表揚一下大家係過往幾個月所付出嘅努力。直至而家,我地已經成功爭取到成為超過五十個學會嘅全年贊助商,大家比啲掌聲自己。」龔燁揚起笑容讚賞道。

大家都大力鼓掌,過往幾個月的努力付出總算得到上司的青睞。

「我亦都想係到讚下新黎嘅trainee,你地只係黎左幾個月,就可以咁快上手。特別係Mary 同 Mandy,你地係爭取到最多學會合作嘅 trainee ,大家請再次比啲熱烈嘅掌聲呢兩位新人。」

得到上司的鼓勵及認可,以及所有同事的掌聲,若水與Mandy 都相視而笑。

「當然,我作為一個好上司,唔會得把口嘅。我決定請大家食餐飯,慰勞下你地。」

「好啊,多謝呀龔,我地一定會繼續比心機!」Mandy 說道。

「咁就下個星期啦,我最近冇咁忙,應該都得閒。時間地點你地簡啦,麻煩 Mandy 你幫手統籌,有冇問題?」

「冇問題!」

「好…咁我地繼續傾番個 project, Jessica 你個邊進度點?…」

市場部辦公室

「Ivan, Jessica, 你地下星期四晚得唔得?差你地咋。」Mandy 問道。

「冇問題!」

「我都冇問題!不過冇記錯嘅話,呀龔好似就係下禮拜四生日,我地順便幫佢慶祝?」已入職市場部數年的Ivan 提議道。

「好喎比個surprise佢!買咩蛋糕好呢?」

「我知道有間整糖皮蛋糕好靚架,一係我去訂?」若水主動請纓。

「好啊,咁就交比你啦Mary!」

「包係我身上!」

下星期四晚

放工後,市場部一行人就準備前往慶功。

「喂媽呢空,夠鐘啦喎,你唔一齊行?今日去慶功,唔駛扮勤力喎。」龔燁行近若水的桌面,順便拿起他送她的緣份天使摸了摸。

「我有啲事約左人啊,你地行先啦!」

「咁好啦,陣間見。」

其實若水是要先去取蛋糕,因為那間糖衣蛋糕店實在太有名了,訂單太多,實在應接不暇,所以說晚上才可交收。

尖沙咀 星里一bar

「呢間bar 幾好喎,又大氣氛又好,仲有buffet食, Mandy 你簡得好好啊!」龔燁讚不絕口。

「呀龔,個邊仲有好多野玩,好似掟飛標,足球機咁,陣間過去玩啦!」Mandy 提議。

「係喎,話時話,都8點幾啦喎,Mary 仲未到嘅?駛唔駛打個電話比佢?」若水久久未到,龔燁已有點心繫著她。

「佢啱啱whatsapp 左我,話黎緊架啦,叫我地食住先!」

酒吧採用了自助餐的模式,有數十道佳餚可供選擇,龔燁夾著菜,也體貼地為若水夾了一盤食物,等她來到。

他們一邊吃得津津有味,一邊在喝酒猜拳,甚是歡樂。可能因為若水未到,龔燁總是覺得有點納悶,也提不起勁跟他們耍樂,於是坐在一旁,靜視著大門等它打開。

突然,桌上電話的聲響喚回了出神的龔燁。

「喂何姑娘?係…你話咩話?好…我而家即刻過黎!」

龔燁收到電話,立即收拾公事包。

「各位唔好意思,我爸爸係老人院出左啲事,我要即刻過去,你地繼續玩,張單照入我數。」龔燁交代過後便馬上衝出房門。

「呀龔就咁走左,咁 Mary 個蛋糕點算啊?」Ivan 突然想起還未到的Mary。

「係囉。咦佢打黎啦。」Mandy 接聽若水來電。

「喂 Mandy, 我啱啱終於攞到個蛋糕啦,而家趕緊過黎。 」若水急忙說道。

「你唔駛趕啦,呀龔爸爸係老人院有事,走左啦。」

「下,冇咩事呀嘛?」

「唔知啊,佢好急咁衝左出去,都冇交低咩事。」

「咁知唔知佢爸爸係邊間老人院?」

「好似係公司旗下係天后個間。你想去啊?」

若水其實是有點擔心龔燁,但又不想表露於人前。

「係啊,咁生日佢係主角嘛,個蛋糕好貴架,點都要攞去比佢。」

若水一手捧著蛋糕,一手拿起手機搜尋著老人院地址,便向著天后方向出發。

(待續)
2019-01-20 00:30:38
好好睇!
2019-01-20 13:08:17
可唔可以出快啲 好正
2019-01-20 14:03:54
好正 support
2019-01-20 16:18:24
等得好苦,出快小小就好
2019-01-20 17:17:59
已經每日一篇啦喎 而家出啦
2019-01-20 17:18:15
出啦而家
2019-01-20 17:19:43
第十四章 <爸爸的心願>

憂心的龔燁緊皺著眉頭,坐在爸爸龔友床沿,看到他額角上的膠布和面上的瘀傷,他本想稍微薄責,也把字句咽下去。

「呀爸啊,今次又咩事同人打交啊?」龔燁沒好氣地問道,龔友已不只一次與院友發生衝突。

「係嗰個老野出手推我先嘅,我先還手咋嘛。」龔友盤起雙手,鼓起雙頰,沒有正視龔燁一眼。

「咁你咩事得罪佢啊?」

「我…我唔記得啦。總之我睇見嗰隻野就唔順眼。唉我眼訓啊,你走啦!」話音剛落,龔友便掀起被子,把自己蓋住。

「次次都係咁嘅,叫我黎又要趕我走。」龔燁不禁嘆氣搖頭,把床邊的小燈關上,便行出房外。

「龔生!」龔燁一出房外,迎面便看見何姑娘。

「何姑娘。」

「爸爸冇事嗎?頭先我地已經幫佢搽左啲跌打酒同痴左膠布。」

「佢冇咩大礙,已經訓左啦。係呢,佢今次又因咩事同人打交?麻煩到你地,真係唔好意思。」龔燁一臉內疚。

「龔生你唔好怪你爸爸啊,今次真係佢被人挑釁在先。」

「咩事?」龔燁睜大眼,疑竇頓生。

「我聽其他院友講,你爸爸記得今日係你生日,佢話你細個個陣你地一家三口會去金雀餐廳慶祝,所以佢今晚死都唔肯食飯,話一定要等齊人先。你知佢個死對頭傑叔一向都妒忌你地父慈子孝架啦,所以佢就加把口,話佢老婆一早走左佬,唔會再番黎同佢食呢餐飯,先激到你爸爸咁嬲,之後就口角繼而動武啦。所以你都唔好怪佢啊。」

龔燁蹙起眉頭一直聽著,黑溜溜的眼睛也變得深沉,深不見底似的。

「原來係咁,唔該哂你何姑娘。日後如果可以,你盡量將佢同傑叔分開得遠啲啦,廢事再麻煩到你地。」

「我地會小心架啦。係呢龔生,你食左飯未?我地有啲生果,你出去食啲?」

「哦唔駛啦,我食左。麻煩哂。」龔燁禮貌地婉拒。

龔燁隨即離去。他垂下頭來,目光渙散,何姑娘的一番話一直在他心頭縈繞。爸的情況又嚴重了,記憶甚至倒退到他小學時期,他們一家三口歡天喜地去慶祝生日那段日子。那時雖不算富足,卻是龔燁最想回到的時光,因為那畫面有爸、有媽、有他。

想著想著,他雙眼也變得通紅。沒想到生辰,竟要如此落寞地度過。

龔燁,不是這樣的。

你的天使正在途上。

(待續)
2019-01-21 01:09:59
一直好鐘意睇依pair
2019-01-21 03:13:53
好好睇呀 好似睇緊喺平行時空嘅佢地咁
2019-01-21 07:12:09
天使快啲去陪阿龔啦


好睇但唔夠喉啊
2019-01-21 13:24:36
大家係咁催 今日早啲出

第十五章 <生辰快樂>

走到七樓大堂,自動門打開,龔燁怔住了。

他分不清這是幻象還是真實—此時此刻,他最想見到的人出現了。

他行一步趨上前。

「媽呢空,點解你會係到?」

「冇啊,啲同事話你黎左老人院。其實我地今日諗住同你慶生架,咁我又唔想哂左個蛋糕,所以…」

「淨係唔想哂左個蛋糕?咁你可以聽日攞番公司架。」龔燁凝眸看著她問。

「咁…蛋糕緊係要生日食架啦,過左有咩意思啊。」若水眼神帶點閃縮,胡謅過去。

「係呢,世伯冇事呀嘛?」

「佢同啲院友嗌霎下,所以整親少少。冇乜野。」

雖然龔燁口這樣說,但若水看出他眼泛淚光,雙眼佈滿紅絲。

突然咕嚕一聲,從若水的肚子發出。

「你未食野咩?我攞左一碟比你架喎。」

「我冇去到啊,直接拎個蛋糕過黎。」

龔燁揚起久違的笑容,「出面花園有幾張枱,我地出去食啦。」

小花園擺放著幾套木餐桌及椅子,桌子上插著太陽傘。花園不同角落還掛了幾盞老式煤油燈,釋出微弱昏黃的燈光,增添幾分唯美與浪漫。

若水打開盒子。這是個用糖皮做的立體蛋糕,蛋糕上面有著依照龔燁深藍色西裝造型來做的糖皮公仔,十分可愛。

「嘩,有我個樣嘅,你遲黎就係因為要攞佢?」

「係啊,個蛋糕咁靚又咁貴,一定要拎黎比你睇。」

「咁你即係叫我食左自己姐,定係你想食左我?」龔燁露出點狡猾的眼神望著若水。

「係啊,想切開你十碌八碌添啊!你快啲吹蠟燭啦。」

龔燁閉上眼睛,誠心許願,他希望龔友情況能不再惡化,還有的是,身旁的人兒能每年伴他度過生日。他傾前吹吹蠟燭。

「食得啦!」

「咪住先!未影相啊。比部電話我,我幫你影啦。」

龔燁乖乖遞上手機,讓若水幫他拍照。

「我地自拍啦!」

龔燁拿回手機,若水慢慢將頭靠近,對鏡頭綻開可愛的笑靨。在旁人眼中,二人大概與情人無異。

若水環顧一下花園的環境,說道:「呢間老人院竟然連花園都有,頭先我入黎,已經覺得呢到裝修得好有氣派,成間酒店咁啊!」

「係架,以酒店級數黎講,呢到絕對係一間五星級嘅老人院。」

「咁咪好貴咯?」

「原價三萬幾蚊一個月,減番公司比我嘅員工discount, 二萬七到啦。」

「二萬七?我成個月糧都冇咁多啊。」龔燁的話讓她嚇了一跳,嗆到了,睜大眼捂著嘴一直咳嗽。

「冇辦法啦。嗰個我呀爸黎,我要番工又冇人照顧佢,我都想佢晚年生活過得好啲。」

「咁伯母呢?」

「佢係我中學個陣,跟佬走左喇。」

若水一句無心之話戳中龔燁痛處。

「Sorry 啊,我無心。」

「唔緊要。」

「但係出面都應該有啲唔駛咁貴,質素又有保證嘅老人院架?」

「我唔放心。我一定要比最好嘅我呀爸。你知唔知,我呀嫲就係係老人院病死。」龔燁眼內似罩著一團陰沉的霧。

「因為咩病啊?」若水惻然。

「佢係老人院感染到細菌,搞到嚴重肺炎而死。我仲好記得我去到醫院嘅時候,捉起佢隻手,指甲已經好耐冇剪過,入面竟然⋯仲有屎跡。」其實龔燁未曾向外人提起過家人的事,但不知為何,他看見若水,就很想將抑壓在心頭多年的擔子卸下。

「啲姑娘點做野架,由得個老人家咁樣,指甲都唔剪。」若水帶點氣憤地說。

「所以我唔可以比呀爸行我呀嫲條舊路。」

「睇唔出你平時份人咁輕佻,講起屋企人會變得咁認真。」

「我仲有好多面呢係你唔知架。」龔燁與若水再次四目交投,二人臉龐蒙上了一抹微弱的燈光,浸沉於曖昧的氛圍當中。

「你食完啦可。我打包番去,聽日分比啲同事。」若水率先劃破這份旖旎。

「好啊,順便留件比我呀爸。」

若水捧著蛋糕盒,在遊離狀態中步出花園。龔燁緊隨其後,並沒有與她並肩而行,也許,他也察覺到氣氛的不妥。

「駛唔駛送你番去?」二人一直行到老人院外,龔燁打破寧靜問道。

「唔駛啦,我屋企係附近。」

「咁聽日見啦。」

他轉身離去。

「龔燁!」

他被她的聲音喚回頭。

「生日快樂。」

這大概是十多年來,龔燁最難以忘懷的生日。

P.S. 撞唔正23號先出呢篇添,唯有係到預祝Stanley生日快樂 大家都講啦 (順便幫我推下post )
2019-01-21 15:42:31
愛回家忠實fans留名

生日快樂啊龔
2019-01-21 16:59:27
Stanley,Happy Birthday 🎂🎊🎉🥳🎁
2019-01-22 09:59:41
愛回家入面最鐘意睇佢地條線
2019-01-22 10:45:17
係啊,好耐冇試過咁中意一對Tvb cp
2019-01-22 15:05:39
啱啱諗起好似劇入面都冇特別講過佢兩個慶祝生日嘅情節?!
利申 我中途加入,冇睇晒咁多集
2019-01-22 15:38:43
冇啊,所以先自己寫補番
快啲追番之前個啲啦
2019-01-22 15:50:51
如果有就正,近排龍家都有 我有開始搵返有龔水嗰啲嚟睇,諗緊好冇從頭睇好,好似好癲咁,冇諗過會睇處境劇睇到中毒

btw 你真心寫到好好
2019-01-22 16:35:03
我最初都冇諗過會跌落呢個坑
緊係要重頭睇啦
多謝支持,你地中意睇我都好滿足
2019-01-22 19:42:04
第十六章 <他的過去>

彈珠臺市場部

「大家唔好做野住啦,過黎食蛋糕先啦!」若水拿出昨晚吃剩的蛋糕。

「Mary, 琴晚你親自攞個蛋糕比呀龔,佢係咪好感動先?」Mandy 略略揚起眉毛問道。

「邊有姐,佢話多謝大家夾份送比佢啊。」若水搪塞過去。

此時,龔燁聽到外面熱鬧的聲音,也走出房外。

「呀龔早晨,你爸爸冇野呀嘛?」Ivan 關心地問。

「冇咩嘢,有心啦。真係唔好意思琴晚走左,掃大家興,不過好多謝大家送嘅蛋糕,好靚!」

「你多謝Mary得啦,係佢上個禮拜親自去訂架,琴晚仲等左成個鐘先攞到。」

「辛苦哂。」龔燁又以跟昨晚一樣熾熱的目光望向若水。

若水只好淡笑回應著。

「大家食完蛋糕,10點鐘我想開個會,傾傾黎緊聖誕宣傳活動嘅事。」

會議室

「黎緊聖誕節,上頭想我地係街頭擺放攤位,仲想我地好好運用社交媒體,加大宣傳效果。想問下今屆trainee,入左黎公司幾個月,like左公司嘅facebook page 未呢?」龔燁問道。

若水,Mandy 及Jessica 面面相覷,不好意思地搖搖頭。

「咁實在太唔應該啦,作為公司市場部未來棟樑,好應該出一分力,幫公司係社交媒體推廣。所以我決定加你地三位做公司facebook page嘅管理員,以後出 post 宣傳嘅重任就交比你地啦。」

「冇問題!我地番去會叫哂啲親朋戚友like架啦!」Mandy笑道。

「咁就好啦,你地陣間寫低你地facebook email 比我,我晏啲加你地入去。跟住落黎想傾下場地問題,你地覺得係利東街搞好唔好呢?…」

下班後

為工作折騰了一天後,若水拖著疲憊的身軀,上了巴士準備小睡一會。

突然,手機的facebook 傳來通知。

「Kung Yip 向你提出一個交友邀請。」

若水頓時精神為之一振,睡意都被驅走。

「佢add我 facebook?」下午因為工作需要提供了facebook 電郵地址給龔燁,若水想不到他會私下加她為好友。

「唔得喎,唔可以accept住!我facebook 有太多黑歷史,要番去delete 先!」到站了,若水急忙下車回家。

一回家,若水急不及待打開電腦,從頭仔細檢視她在facebook的每一個帖子以及每一張照片。

「呢啲相影到我咁醜,我有咩可能會比佢地係facebook出現架!唉!」若水不斷刪除自己的舊照,尤其是中學時代那些不施脂粉又不顧形象的醜照。

「以前嘅我,到底係食錯咩藥,先會咁豁出去影呢啲相?」若水不住地搖搖頭。

確保自己的黑歷史都被刪後,若水深呼一口氣,按下了「接受」鍵。

一打開龔燁的facebook, 他的個人頭像就是一張帥氣的典型歐洲旅行照。

「平時見佢西裝骨骨,估唔到著起便服都幾好睇。」若水望著螢幕,嘴角泛起一絲笑意。

旁邊的個人簡介寫道 :

彈珠臺百貨公司市場部營運經理

2006-2007年度香港島大學市場學會主席

2004-2005年度香島中學學生會主席

「原來佢唔單止係學會主席,仲係中學嘅學生會主席。」若水眼中流露出一絲傾慕。

按下照片欄,一張一張的照片就彷似帶領著若水去一趟時空旅行,以認識龔燁的現在到過往。從他在公司的聯誼照、朋友生日照、海外旅行照、一直到中學時期的校園照,若水小心翼翼一張一張的看下去,生怕會不小心按錯讚好,讓龔燁知道她正在悄悄地檢視他的過去。

直至翻到他中學時期的舊照,若水怔住了。

那是一張在運動場上拍的照片,龔燁頸上掛了一道金牌,正神氣地向鏡頭展示勝利的笑容。旁邊站了一位女生,正親暱的伏在他肩膀上,梨渦淺笑。

那女生把頭髮乾淨俐落地全部攏在腦後,束了一條簡單的馬尾。鬢角襯在白皙的皮膚上顯得格外可愛,雙眼靈動有神,面頰像塗了天然的腮紅,清純可人。連若水也幾乎要被她迷到。再細看照片的回應欄 :

「叫聲呀嫂先!」

「郎才女貌」

「結婚啦!」

「我初戀呢係中四係學校發生嘅,對象係…女仔黎嘅。」若水腦海裡突然浮現龔燁在那夜說過的話,想必這就是他的初戀情人吧。

繼續翻翻照片,不難找到她的蹤影。

聖誕舞會,她挽著他手,輕輕依偎在他手臂上。

學校門口,他背著她,二人展現一致的笑容。

萬聖節派對,他倆裝神弄鬼,扮演鬼新郎新娘,十分登對。

若水可以確定,這女孩在他的中學生涯裡,定必佔了重要一席位。

不知出於出奇,還是嫉妒,若水按下了那女孩的名字—Macy Fung.

Macy, Mary.

Fung, Hung.

是巧合還是天意?只差一個字。

Macy Fung 的個人簡介 :

美國麻省理工學院工商管理碩士

香港島大學市場管理及公關系學士

2004-2005年度香島中學學生會秘書

「嘩,讀MIT (麻省理工學院縮寫) 喎,又係讀我間U,中學仲要同一個學生會…」

若水打開她的個人頭像,是一張散著飄逸長髮,在布拉格查理大橋 (Charles Bridge) 留影的照片。

「同樣都是以歐洲旅行的照片作為頭像,難道他們是結伴去的嗎?」若水不禁疑問。

再看一下照片發的時間,是約三年前。

再比對龔燁的那張。

他也是。

「關你咩事姐,唔好再睇啦。」若水甩甩頭,讓自己從紛亂的思緒中清醒,接著關掉視窗,蓋上屏幕。

(待續)
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞