(龔水) <若躲不過燁緣>

1001 回覆
226 Like 40 Dislike
2019-01-22 19:54:58
我唔應該咁早撳入嚟
2019-01-22 20:36:51
Fb呢段睇到我都好好奇
2019-01-22 22:00:51
呢幾次更文走嚟越緊湊 好有追看性 支持
2019-01-22 22:16:32
劇情越黎越好
搞到我好想草埋幾次先睇 但又忍唔住
等下禮拜一同等更文都好痛苦
2019-01-22 22:28:20
多謝支持 努力寫緊架啦 希望keep住每日一更
2019-01-22 22:46:51
支持樓主
文筆好好 睇得好舒服
2019-01-22 23:14:05
加油呀樓主 我會每日都黎睇下你po左新文未
2019-01-23 00:59:41
好睇呀 加油
2019-01-23 15:56:29
真係好好睇!加油呀
2019-01-23 19:02:35
第十七章 <小黑裙>

又一個忙碌的星期一,若水整個早上都在忙著籌備聖誕宣傳活動的事宜,既要撰寫計劃書,又要聯絡管理利東街的公司,忙得不可開交。

「唉,終於寫好。可以抖下氣。」若水伸了伸懶腰。終於有點空閒時間,她打開了手機上的facebook。

一打開,第一則帖文:「Kung Yip 更換了大頭貼照。」是昨夜凌晨的事。

「咪係我幫佢影個張。」相中龔燁手捧著糖皮蛋糕,笑意盈盈。

相片配以一句:「今年的生日,很難忘。多謝同事為我送上的蛋糕。」

「很難忘。」是因為有我在旁嗎?

「同事。」是指大家,還是我一個?

我在他心中只是同事嗎?

若水鼓起勇氣,在照片按下了讚好。

隔了一會,龔燁走出房外。

「媽呢空?辦公時間玩電話?」龔燁拿起手機,指指他在facebook 的個人頭像說道。

「唔好意思囉,吊頸都要抖下氣架。」若水知道他一定是看到她剛才的讚好。

「唔駛唔好意思,同你講下笑姐。都要多謝你,影得我咁靚仔。」

「咁都要你底子好嘅。」

「你讚我啊?」

「吓?」

「好難得聽到你讚我。」

「咁你係我老細,適當嘅擦鞋都係必需嘅。」

「你終於明白係呢個職場生存嘅道理啦。咁好啦,我就講個好消息比你聽啦。」

「咩好消息?」

「我地市場部拎到 2013年全港傑出市場策劃獎嘅銀獎,12月初有個頒獎禮,到時我會帶哂你地呢班新人去見識下,同其他公司嘅精英打下交道。」

「嘩,呢個頒獎禮一向都係行內最有認受性嘅,終於可以去見識下啦!」

「係啊,咁你個日就扮靚啲,唔好失禮公司。」

「得啦!」

午膳時間

「Mandy, Jessica, 你地有冇聽呀龔講起我地要跟佢去傑出市場策劃獎頒獎禮啊?」

「有啊,頭先佢係pantry 仲同我講公司好重視呢個獎,叫我著得好好睇睇!」

「咁不如陣間食完飯,我地去行下街,睇下啲靚裙囉?」若水一說起華衣美服,便兩眼發亮,喜上眉梢。

「好啊!我知Channel 新番左好多秋冬裙,我地一於去睇!」

Channel 店內

「嘩Mary 你睇下呢條裙啲cutting幾靚,一定可以將你嘅美好身材表露無遺啦!」Mandy 拿起一襲白色低胸連衣裙,拼在若水身上。

「嘩你睇下個價錢先啦,仲靚啊!我地成個月糧啦!仲有,頒獎禮已經係12月初啦,著呢條想我凍死咩!」若水忙不迭搖搖頭。

「咁又唔係咁講啦,個晚見到好多名人架,咁大場面,捱下冷都要啦!」

「係囉,隨時鈞到隻金龜,以後唔駛做添啦!」

「有咁易啦喎,發下夢好啦!我覺得呢條黑色中袖通花裙幾好啊,又大方得體,重點係幾千蚊有交易啦。」若水拿起那襲黑色裙子,對著鏡子滿意地說道。

「咁保守,仲要係上季嘅款黎喎。」Mandy 始終對那襲白裙情有獨鍾。

「成兩萬蚊買條裙,仲要唔可以係啲同事面前翻著喎。我夠知個條靚啦,買唔起呀嘛,等我升到經理啦,就可能會考慮下嘅。」

「都唔駛等到升經理嘅,你搵番個經理級人馬做男朋友,叫佢送比你咪得囉!」Mandy 對若水擠眉弄眼。

若水知道Mandy 又在有意無意的提起龔燁,只好嘆氣,但嘴角洋溢的甜蜜已出賣了她。

「冇你咁好氣啊!我入去試裙。」

名店不愧為名店,女職員紛紛來服侍若水,幫她撥好頭髮,拉好拉鍊,扶正肩膀等等。若水轉身照照鏡子,也頓時明白難怪女人肯不斷花錢裝扮,華衣美服真令人脫胎換骨。

這襲及膝小黑裙以蕾絲做襯,袖口繡有荷葉邊作點綴,束腰設計勾勒出若水的完美身形。

「就呢條啦!」

不知當晚出席的那位男士,會否被她驚艷到呢?

(待續)
2019-01-23 20:32:05
繼續留名支持
2019-01-23 20:41:12
我決定嚟緊幾日都唔撳入嚟,等得實在太辛苦

樓主加油啊
2019-01-23 20:50:14
差啲唔記得 順便係到祝Stanley生日快樂 愛回家keep住添食
P.S. 劇透少少啦 呢緊幾章都係連住嘅 算係戲肉 我寫完都真係幾中意 大家密切留意啦
2019-01-23 20:51:26
好難忍喎
2019-01-23 21:30:20
真係好好睇呀,加油💪繼續追睇
2019-01-23 22:17:22
我都想不過忍唔到 想問下而家出到成個故事嘅幾多呀
2019-01-23 22:40:56
三分一左右啦 如果再有靈感 唔排除會寫落去
2019-01-23 23:40:29
推下先
2019-01-23 23:42:42
支持支持!
2019-01-24 00:34:06
繼續追
好正啊
2019-01-24 17:35:55
第十八章 <熟悉的陌生人>

12月9日 星期六

傑出市場策劃獎頒獎禮就在今天舉行。平日,若水淡施薄粉便上班了,但今晚的頒獎禮是隆重場合,她就要花點心思好好上個妝。由底霜粉底、到畫眉、塗眼影、抹腮紅、塗口紅,每個步驟都一絲不苟。她的肌膚細緻柔滑,容易上妝,妝容也貼服好看。

她再俐落地把頭髮輕輕盤起,紮成一個別致的髮髻,簡約中透出隨性。

準備出門了。

龔燁是位貼心的好上司,為免幾位女士狼狽地穿著晚禮服在大街大巷上跟人爭奪的士,他決定親自駕車接載她們。

差不多5時許,龔燁的座駕已到達若水樓下。

龔燁一身黑色西裝,白得耀眼的襯衫領上系了一條深藍色暗花領帶,散發一種神秘魅力。他悠閒地倚在車旁,風度翩翩的等候若水。

若水穿起一雙黑色閃石高跟鞋,徐徐從大廈門口步出。她的一襲小黑裙顯得身段凹凸有致,雖然未有珠寶點綴頸項,但那一抹白皙依然教龔燁挪不開目光。

「你咁早到嘅?要你等唔好意思。」

「唔緊要,男人等女人係天經地義架嘛。上車。」

龔燁紳士地為若水開了車門,自己才上車。

「跟住我地去接Mandy 同 Jessica?」

「係啊,應該趕到6點半前去到。」

車內又陷入一片沉默,龔燁便道:

「睇黎你真係好中意 Channel 呢個牌子喎。」

「你睇得出我條裙係 Channel?」

「睇得出,上年佢地個秋冬發佈會,我都有去。」

「比你知道左係上季嘅款添。」

「有咩所謂,最緊要著得靚。」

被他如此稱讚,若水臉也陣陣發燙。

「我仲聞得出,你今日噴嘅係 Channel No. 6 。」

「咁你都知?」若水嘖嘖稱奇。

「身為百貨公司市場部經理,緊係要對所有product 瞭如指掌啦。」

「好犀利喎,龔經理。」若水淺笑晏晏。

「但係平時都聞唔出你用嘅。」

「枝香水咁貴,我大時大節先捨得噴兩下架咋。」

「隻味幾襯你,噴多啲啦。」

若水心想:「佢今日把口𠺘過油黎?咁甜嘅?」

「不如聽下歌囉。」

「好啊。」

龔燁扭開車內音響,傳來耳畔的是一曲 <For Someone>。

Hey baby, Can't you see I've fallen?

Hiding in my thought I ever knew

For someone

Hey baby, you came to my rescue

Smiling cause you meant to

Steal my heart


這首歌真播得合時,像訴說著二人的心聲。

沿途碰上幾個紅綠燈,龔燁不時偷瞥一下若水,觀察她的反應。

若水隱隱感覺到他熾熱的眼神,便別過面孔,將眼光移向車外,嘴角泛起一絲絲笑意。

但甜蜜是很難隱瞞的。

接過他倆後,便向著會場進發。

頒獎禮在城中數一數二的五星級酒店舉行,坐擁維多利亞港景致,無柱大型宴會廳空間寬敞,典雅奢華。

今天受邀前來的都是市場公關界的翹楚,龔燁忙著將她們三個介紹給眾人認識。

之後龔燁碰上幾位舊同事,個個紛紛簇擁過來與他聊天,她們就被擠出外了。

「Mary, 我想去攞啲嘢食啊,不如你搵張枱等我地?」Mandy 提議。

「我都想去斟杯酒,我陪你啊,Mary 我幫你攞埋?白酒啱唔啱?」Jessica 說道。

「好啊,個邊角落頭有張枱,我去個到等你地。」

若水找了個安靜的角落等候她倆。

突然,遠處一個熟悉的面孔映入眼簾,那不就是魚蛋基?為何他會在這出現?二人目光碰上後,魚蛋基慢慢往她步近…

(待續)
2019-01-24 18:02:06
係咪魚蛋基會煩阿水 跟住龔總監英雄救美
好想睇啊
2019-01-24 18:38:16
可以腦補住遇到仆街ex係場面係點先
2019-01-24 18:40:19
Sweet到會心微笑啊
2019-01-24 20:38:26
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞