(龔水) ＜若躲不過燁緣＞

終於等到啦!!!!

唔洗寄刀片啦

Lopp最後幾分鐘夠啦

正劇終於修成正果老懷安慰呀！！ ！

送個世紀之吻比大家希望大家繼續睇到佢地結婚生仔

洗頭水絲今日個龔心計會唔會有今日咁甜

第六十六章 <白色情人節之龔心計 (上)>

今天是白色情人節。午膳後，若水回到座位，瞥見龔燁正在房內埋頭苦幹，便向他發了個短訊。

「喂，知唔知今日咩日子？」

見到她的訊息，龔燁立即放下手頭上工作，回覆道：

「314呀嘛，做咩，想約我啊？」

「咁啲人話，314女仔要回禮架嘛，我都有嘢想送比你。」

「對我咁好？」

「不過，今晚我想刺激啲。」

「刺激啲？」龔燁立即看出房外，見到若水泛起一個曖昧挑逗的笑容，不由得咽了一口口水。

「係啊，你唔中意咩？」

「…中意。」

「咁今晚收工貨倉等，不見不散。」

擱下手機，他的目光一直在停留若水身上徘徊不去。

「貨倉？媽呢空想點呢？唔通想同我係密室…」

一直想著，心裡就如燎原般的灼熱，他甩甩頭制止自己再胡思亂想，繼續埋首工作。但何時才挪到下班時間呢…

位於公司地庫的貨倉燈光很暗，陰陰涼涼濕氣又重，還彌漫著一股酸酸醙醙的倉庫氣味。有潔癖的龔燁一進去就感到渾身不自在，不禁打了個哆嗦。假如不是媽呢空的一句「想刺激啲」，撩得他心癢癢的，想知她葫蘆裡賣甚麼藥，他平常絕不可能踏進貨倉範圍半步。

他在貨倉內晃了晃，若水又傳來訊息。

「你而家一直行，行去第三排最尾嗰個架到啦。」

他依照著若水的指示，一直走到第三排最深處。他用手指擦拭一下貨架表面，立即灰塵飛揚，嗆得他禁不住咳嗽。他再仔細看看，瞥見一個粉紅色的心形盒子藏在貨架最深處。

「媽呢空究竟想玩咩啊？」

此時，手機屏幕又彈出通知。

「見唔見到有個心形盒啊，你打開黎睇，係我嘅回禮。」

他不虞有詐，一打開粉紅色的盒子，驚見一堆死蟑螂屍體，發出陣陣惡臭，噁心透頂。他驚嚇過度一滑手，將盒子丟下，蟑螂屍體旋即散在他西裝褲和那雙光潔的皮鞋上。他嚇得在原地不住彈跳，拼命甩走所有蟑螂。

與死蟑螂一輪博鬥後，他怒不可遏的致電若水，一開口便破口大罵：

「熊若水！你係咪玩嘢啊！送份咁嘅回禮比我？」

「中唔中意啊？啲死曱甴我專登叫群姐幫我係公司後巷坑渠搵番黎架，搵得好辛苦架！」她的聲音愈來愈近，已不像從電話裡傳來。

他聽到身後隱約響起腳步聲，步伐輕盈，不急不緩。

他一轉身，就看到笑得有如春風拂面的若水，正掛斷電話，朝他步近。

「駛唔駛咁大整蠱啊！你咁對你男朋友？」

「你咪又係咁對我！你知唔知而家成個保安部都以為我係女淫魔，個個男人見到我都生人勿近咁啊！」

「咁你都唔駛玩到咁大啊！明知我有潔癖架啦！」

「我就係要見到你咁嘅樣，我條氣先順得番啊！」

「呢個世界得你一個女人係會咁對男朋友！」

「呢個世界夠係得你一個男人會咁對女朋友囉！」

他們兩個唇槍舌劍，徹徹底底互相傷害一番後，都像已耗盡體力，將身軀挨在貨架上，再也沒有說話，只聞見對方的低喘聲。

「點解同你拍拖可以咁攰？」隔了一會，龔燁再度開口。

「不如我地暫時停戰，同你嘈交真係死好多腦細胞。」

「你自己攞黎嘅。」龔燁斜睨她一眼。

若水回以一個不屑的眼神，片刻又陷入一片沉寂。

突然門外傳來「咔嚓」一聲，他倆立即對視，露出惶恐的神情。

「唔係鎖左呀話？」

之後，貨倉內的燈光也隨即熄滅，只剩下貨架上的小燈還亮著。

他倆立即跑出外，驚見捲閘門已完全降下，嚇得完全傻眼。

「喂，呢到仲有人架，唔好鎖住我地啊！」若水不住大力拍著閘門，高聲呼救。

「啊，你呢啲係咪叫自食其果呢。」龔燁盤起雙手，身子挨在捲閘上，臉上浮起一個譏諷的笑容問道。

「而家唔係講呢啲嘅時候囉，快啲幫手嗌啦！」

「嗌乜鬼，打比鐵面陳咪得囉。」

他不慌不忙的掏出手機，撥給鐵面陳：

「喂鐵面陳啊，你班手足鎖左我係貨倉啊，快啲番黎開門比我啦。」

「咩話，你話抽鎖匙唔係你到，比左馬漢？」

「咁你快啲叫佢番黎開門啦！」

「下，佢一收工就趕住過大海，聽朝先番？」

「咁好啦，我即刻打比佢！」

掛斷電話後，龔燁立即撥給馬漢，可恨的是撥了數十通電話，都沒人接聽。

他絕望地放下電話，再狠瞪她一眼，「今次真係多得你唔少啦，熊若水！」

（待續）

今集真係睇到我嘴角上揚 到而家都未落番黎
睇到佢地終於修成正果 真係老懷安慰
314 送呢篇比大家 今日係一個好值得紀念嘅日子
以後終於唔駛靠自己寫地下情 電視都有得睇啦

今集個表白kiss同樓主之前寫佢哋係上海個表白kiss一樣㗎
都係進龔大人黎
樓主變咗預言家

太抬舉我啦 編劇寫得細膩好多
我愛黃秀清

日常輕輕一推

龔水小學雞互相傷害日常好正

可能佢都有睇你個故呢

今日真係龔水放題
唔知點解我覺得佢地又會食曱甴

推

我都愛死黃秀清
亦都愛死洗頭水絲
龔水萬歲

今日個故完係咪ending bgm 係年少無知

期待今晚密室play孤男寡女乜乜乜

第六十七章 <白色情人節之龔心計 (下)>

平白被連累要困在貨倉裡的龔燁，一想到今晚要在這幽暗又冷森森的地方過夜，頓覺有道火憋在胸腔難以排解。但一看見始作俑者熊若水也落得跟自己一樣的下場，自己又無端賺到了一個跟她過夜的機會，心裡又不禁暗爽。

「唔通今晚真係要係到過夜？」若水無力的跌坐在地上。

「你話你係咪累己累人啊，諗埋哂啲咁嘅屎橋。」

「我諗住玩下你姐，點知會搞成咁架姐。」若水感到手腳冰冷，屈曲雙膝蜷成一團，不住用手摩擦著自己雙臂。

「點啊，凍啊？」

「係啊。」

龔燁步近若水，坐在她旁邊，再脫下西裝外套披在她肩上，緊緊摟著她。

「而家有冇咁凍啊？」他摩挲著她的手臂。

瑟縮在他的懷抱裡，感受到他的體溫，若水暖在心頭，不禁抬眸盯著他問：

「乜你唔嬲我啦咩？」

「嬲架。不過見係你，就算啦。」

她心虛道，「咁一係，我遲啲補番份真嘅白色情人節禮物比你啦。」

他語帶調侃道：「嘩，你唔冼我，我已經好多謝你啦。」

「咁唔係你玩我先啊，我都唔會玩番你啦！」

「咁我都係因為中意睇到你嬲個樣，我先忍唔住玩下你姐！」

「邊有人好似你咁，咁中意激女朋友架！哦，你係咪日日睇住十萬個激嬲女朋友嘅理由嗰個page！」

「你又知嘅，嗰個page比好多靈感我架！同埋你唔覺你嬲嗰個樣，好cute架咩？」龔燁笑得甜絲絲的凝望她，雙眼都快瞇成一條縫。

「cute你個死人頭啊！」若水鼓起雙頰睨著他。

「你嬲少陣，慳番啖氣暖下肚好過啦，要捱到聽朝先有人黎開門架。」

她忽然靈機一觸，道：「唔係喎，貨倉入面有嘢食架！」

若水立馬站起來，行到第二排貨架，過了一會，手便捧著一堆東西回來。

「嗱，食住先啦。」她將一大堆零食與啤酒丟在地上。

「你咁熟呢到架步嘅。」

「緊係啦，我呢啲低層員工成日要落黎攞嘢架，你估好似你咁咩。」

龔燁翻翻地上的零食，不禁皺眉道：

「嘩呢隻金幣朱古力，出名難食架喎。」

「有得食你就食啦，仲嫌三嫌四。」

他話中帶刺，「唔知係邊個搞成我地而家咁架呢？」

若水頓時垂下視線，無言以對。

他倆一直吃著，若水又開口道：

「而家都幾好啊，又有朱古力食，又有啤酒飲，幾應節啊。」

「原本我都諗住同你去長島酒店食嘅，而家大家攬炒啦。」

「攬炒不嬲都係我地熊家精神黎。」

「我真係好想而家就打比Tree Gun 話比佢聽佢個女係點樣對男朋友啊！」

「對唔住囉。白色情人節快樂啦。」若水舉起啤酒罐，想與他乾杯。

「真係唔慌唔快樂啦！」

長夜漫漫，啤酒開完一罐又一罐，最後兩個都不勝酒力攤醉在地上。

第二天一大清早，一縷光從門縫透入，突如其來的外來光刺醒了若水。

她揉揉眼，發現自己的頭枕在龔燁胸膛，弄得他領帶都歪歪斜斜，手則搭在他腰上。他一隻手被她壓住，另一隻手則僵直的攤在地上。

一拉開捲閘門，目擊此情此景的鐵面陳擔心龔燁安危，立馬將若水拉開，然後拍醒他。

「龔生起身啦！你有冇事？」

他雙眼半開半闔，道：「嘩你地終於黎啦，等左你地好耐啦。」

「係呢位女同事引你黎呢到？」鐵面陳指著若水，厲眼瞪她。

馬漢見到龔燁的襯衫和領帶都歪斜不整，隨即附和：「嘩真係世、風、日、下！道、德、淪、亡啦！你唔好叫熊若水啦，改名做熊抽水啦。」

「冇啊，你邊隻眼見到我抽佢水啊！」

「唉，而家啲女人真係猴擒，密室禁錮都玩埋。」

「我真係冇啊！龔燁係我男朋友，我駛乜去抽佢水啊！」眾目睽睽下，若水忍無可忍，終於脫口而出爆出了戀情。

一聽到她的話，保安部個個嚇得目瞪口呆。龔燁一聽見若水如此霸氣的公佈二人戀情，心甜得嘴角完全止不住上揚。

「龔生，呢位女同事真係你女朋友？」

「哈哈，係啊。所以冇咩性騷擾架，大家以後唔好再誤會啦。」

「唓，原來係兩公婆耍花槍。」保安部幾個頓覺沒癮，便出發繼續去巡邏。

陰涼的貨倉內又只剩他倆。

龔燁將頭湊近她，笑得狡猾問：「仲以為你想地下情多陣添，做咩咁心急要公開啊？」

若水撓著頭髮，撓到亂七八糟，「啊點解我會自己爆響口架，激死我啦！」

他止不住笑，「呢啲叫害人終害己啊！」

（待續）

推

睇完梗加期待星期一

我準備好黑超架啦 請無限派糖 要甜到糖尿

真心覺得淨係愛回家工水線都夠開一套830/930劇

一定要推到比編劇聽到！
呢章真係甜到漏其實我都好中意睇水水嬲個樣

訓喺心口搞到人地條tie又攬曬腰咁 諗下個畫面都覺得
阿龔一定好爽 女朋友攬住自己訓
一醒又有人霸氣自爆戀情