(龔水) ＜若躲不過燁緣＞

先推

Tree Gun表示老懷安慰

睇來地下情都唔瞞到幾耐
劇裡面要搞地下情應該穿得仲快
大家姐個陰陰嘴笑挑眉樣出咗來啦

日常輕輕一推

Tree Gun外父笑有畫面

早上一推
想知阿龔係咪真係去睇大家姐啲書學嘢

終於睇晒
要等好辛苦
樓主寫得好好啊

一口氣追咗6集

期待新一篇

第六十四章 <地下情曝光之三連擊>

昨晚照料酒醉的龔燁，弄得全身腰酸背痛，還只睡了數個小時。若水一早已感睏意不斷襲上腦海，呵欠連連，不住在捶著酸軟的肩膊及手臂。

「Mary 早晨啊！」Ivan 精神奕奕的向若水打招呼。

「你個死仔啊，琴晚拍拍籮柚就走左去，係唔係男人黎架你！」若水一見他便劈頭蓋臉的破口大罵。

「你應該多謝我啦，我廢事阻住你地二人世界咋！」

若水皺眉，用手指示意Ivan 將頭湊近，再輕聲附在他耳邊道：「乜我地真係好明顯咩？」

「嘩，盲嘅都睇得出啦，你地唔係仲想瞞呀嘛？」Ivan 在她耳邊大聲叫嚷。

「細聲啲啦死仔！你地個個都知道哂啦？」

「係咪個個我就唔肯定，不過有份去上海嘅，都一定睇得出囉。」

若水頓感難為情，用手抵著額頭，垂頭不語。

「見你頭先打哂喊露咁，琴晚係呀龔到過夜啊？」Ivan 笑得狡黠地問。

她一聽，反應甚大，「痴線！緊係冇啦！我有番屋企架！」

「係喎，仲諗住你今朝會著番琴晚套衫番黎添。」他譏笑出聲。

「死仔啊，係咪仲講啊，信唔信我叫你⋯」

「食蕉連皮呀嘛。唉呀 Mary, 好心你鬧人咪鬧黎鬧去都係得呢句先得架，蕉連皮呢係得呀龔先中意食架咋，唔啱我口味架。」

若水狠狠厲他一眼，「晨早流流唔想同人開火啊，番埋位啦你！」

她正想開始工作，桌面的手機忽地震動，來電的是龔燁。

「喂，媽呢空！」他聲音帶點急促。

「咩事啊？你仲未番到公司嘅？」

「我今日會遲到啊，你入我房枱面左手邊櫃桶第二格，攞份約出黎，幫我影印一份啦！」話畢，他便匆匆掛線。

反正要進他辦公室，若水順便拿著灑水水壺，幫富貴竹澆澆水。

「我唔黎淋水，你就真係好快玩完啦。」龔經理日理萬機，又怎會有心神照料富貴竹。但這始終都是促成這段姻緣的吉祥物，見證著他倆的愛情萌芽，若水絕不能讓它凋謝。

她一直澆著水，群姐便推門進來清潔打掃。

「早晨啊，群姐。」

「咦 Mary, 你又係到嘅？你真係好中意入黎龔經理個 "痾fi屎" 喎！」連群姐也在嘲笑她。

「你誤會啦，佢要我入黎幫佢攞份文件影印咋！」若水忙不迭澄清。

「係咩？成日都見你入黎幫佢淋花嘅！」

「都係順便姐。」

群姐笑得曖昧道：「其實你真係唔似佢下屬，似佢私人秘書多啲！」

「你亂講咩啊群姐？」

「群姐都後生過，想當年我同保安部個波比地下情個陣啊，你都未出世啊！」

「下？」若水大吃一驚。

「所以咪話我唔教精你，辦公室戀情呢啲嘢呢，都係小心啲處理好！」群姐一臉正經的教誨她。

若水一時語塞，頓了會才道：「群姐啊，你唔好誤會啊…」

「得架啦明架啦！我攞埋啲垃圾出去倒先！」

群姐一離開，若水靠到牆邊，懊惱得想一頭撞過去。

「群姐係彈珠臺嘅天地線，如果佢都知，咪即係成間公司都知？」

就在此時，遲到的龔燁終於回來。他看起來神色匆匆，頭髮還濕掉了，倒塌得完全沒有造型可言。

「嘩，你個頭點解濕嘅？」

「今朝我屋企爆水喉啊，搞到我幾邐迤(呢hea)啊。咁我十點有個會要開，咪拿拿臨換過套西裝飛的趕番黎囉，頭都唔得閒吹乾。」

「爆水喉？」

「係啊。我住左係到十幾年都未試過嘅，都唔知發生咩事。」

「琴晚我上過佢屋企，跟住就爆水喉，唔通又係我剋住佢？」若水暗自思忖著，臉色困惑不安。這注定是他無可避免的宿命嗎？

「發哂吽逗咁嘅，諗咩啊你？」

「冇啊。我幫你抹乾先啦。」

若水抽起幾張紙巾，幫他不住地擦。龔燁又怕她將自己的頭髮造型愈弄愈糟，便想搶過紙巾自己來抹。此刻的畫面就如兩人在拉拉扯扯，而龔燁又十分抗拒似的。

路過外面的鐵面陳正好目擊此幕，立即推門進來。

「呢位女同事，請你自重！」鐵面陳狠瞪著若水，向她嚴厲警告。

若水被他嚇得立即舉高雙手，明明自己清清白白，也誤以為自己是個嫌疑犯。

「龔生，你冇事呀嘛？」鐵面陳目光移向龔燁，一臉正經的問。

「哦，冇事。」他斜瞥一下若水的反應，明明很想大笑出聲，也面沉如水的忍住了。

「呢位女同事，請你番出去，唔好騷擾龔生！」

「鐵面陳，你誤會哂啦，我…」

「係囉 Mary, 都話自己黎得架啦，你又夾硬要…唉。」龔燁說得曖曖昧昧，趁機戲謔一下若水。

「喂！你亂講咩啊！」若水神色慌張，就像被人在背後無聲無息的捅了一刀，卻完全無力還擊。

「龔生，需唔需要我向上頭申請，禁止呢位女同事再入你office 呢？」

若水聽得瞠目結舌，眼看事情發展完全偏離正軌，此刻的她只想掘個大洞讓自己鑽進去。

「咁又唔駛，始終大家一場同事，無謂搞到咁大啦。」始作俑者仍然一副想笑但又拚命憋住的模樣。

「咁好啦。呢位女同事，你仲唔番出去？」鐵面陳繼續神色嚴肅的盯著她。

若水含冤受屈，迫於無奈離去，臨走前狠睨龔燁一眼，輕聲嘀咕：「死賤精！你好嘢！」

（待續）

真係得阿龔中意食蕉連皮㗎咋 如果唔係佢邊會有蕉連皮味紙巾
歐陽波比係保安部 仲要同群姐拍過拖 isabella 傳授下經驗比水水啦
鐵面陳 mode: 依位男同事，請你自重，激嬲女朋友你真係要食蕉連皮

係我個故到實現下群姐嘅心願
蕉連皮得佢中意食 呀水搵唔番第個男人架啦

保安部嘅波比

我諗起今集鐵面陳抱住群姐落樓梯啊

新人留名 一次過追哂好正 絲打寫得好貼近人設令人睇得好有代入感

多謝g持

群姐又蝕底比佢波比：敢抽我呀群水

輕輕一推

日常輕輕一推

龔水: 我哋一齊咗呀
同事們: 哦 old news is so excited

第六十五章 <復仇大計>

午膳時間 茶餐廳

「Mary, 你就真係唔夠好姊妹啦！」Mandy 用吸管戳著檸檬，抱怨道。

「咩啊？」

「同呀龔明明一齊左，你竟然唔係第一時間話我知？話哂都係我帶你去求簽啊！」

若水心下一愣，「你地個個都睇得出啦？」

「點會睇唔出啊，呀龔琴晚食飯又淨係夾餸比你，佢飲醉酒你又爭住送佢番去，稍為有啲sense都知啦！」

「死啦，你知唔知連群姐都知啦！一定成間公司都知啦！」若水托著頭，一臉懊惱。

「其實公開咪仲好！呀龔呢啲筍盤，直程要話比全世界知你已經mark實左啦！」

「咁我想低調啲呀嘛，廢事比人講閒話啦。」

Mandy 嗤笑一聲，「比群姐知道左，你都唔駛旨意低調啦。」

「唉。」

「話時話，佢係幾時，點樣，係邊到同你表白嘅！快啲從實招來！」

若水思量了一會，決定籠統交代幾句便算，那些細節還是不可向外人道。

「咪就係個晚佢以為我去左Vincent 到，就好緊張咁跑番黎酒店搵我，跟住就…表白左囉。」

「個晚？我都黎搵過你架喎！係我走之前定之後？」

「之前啊。」

Mandy 回想起當晚在若水房中的情境，恍然大悟，「哦…唔怪得之我個晚聽到衣櫃入面有人偷笑啦！Mary 你曳啦！學人金屋藏嬌！」

「你講左去邊啊！我地清清白白架！」若水立馬澄清。

「孤男寡女共處一室，仲要啱啱一齊喎。咩都無發生？有冇咁純情啊？」Mandy 浮起一個蠱惑的眼神問道。

「先第一日一齊，你想有咩會發生啊？」

「好囉。咁黎緊白色情人節，諗住送咩比佢啊？」

若水瞬間眼冒火苗，「講起佢我就把幾火啦！唔使旨意我送野比佢啊！」

「佢又做左啲咩激親你啊？」

若水將頭湊近Mandy, 輕聲呢喃：「佢搞到鐵面陳以為我想…性騷擾佢囉！」

「咁大獲？鐵面陳一向最憎啲水性楊花嘅女同事架喎！你今次一定成為保安部嘅頭號針對人物啦！」

「唉，我而家真係想斬開隻死賤精十碌八碌啊！」

Mandy 挑挑眉，唇畔微勾問：「想報仇啊？」

若水瞪大雙眼，「你有辦法？」

「唔⋯不過你知唔知佢有咩弱點先，例如有冇咩係特別驚架？」

若水靜心回想一下龔燁平常的行為舉止，答道：「佢份人平時咁姿整，應該最驚污糟！」

Mandy 胸有成竹的笑了笑，「唔，咁就得啦。」

「你諗到計啦？」要復仇的念頭一旦在若水腦海扎了根，再也揮之不去。

「計就唔係冇嘅…不過我最近睇中左隻Panadol手鐲啊，你話如果有人肯送比我呢就好啦。」

「你都幾大想頭架喎。」

「聽完我條絕世好橋，你就會覺得多多錢都比得值架啦。」

「洗耳恭聽！」

「好，咁行動代號一於就叫做…龔心計。」

（待續）

推

推呀！！

推

推推推

又要講多次 樓主文筆真係好好