(龔水) ＜若躲不過燁緣＞

忍唔住播住for someone睇

哩首歌真係超有feel

啲歌詞樓主自己作架 ？
點解搵唔到

緊係冇咁勁啦 你search David Goldsmith & River Saint June 就有架啦

第十九章 <擂台上的對峙>

終究要遇見他了。

化作灰燼也認得他。

隔別數載，狹路相逢，終於要正面交鋒。

若水以往一直反覆思索著，即使有天面對面碰上了，也不應浪費眼神看他一眼，直接別過身，帥氣地跑開吧。

這個動作已在腦海中練習了無數遍，但始終派不上用場。為何這麼不中用？

「Mary, 好耐冇見。」魚蛋基從若水正前方走來，她連溜都沒地方溜。

目光停留在他的面孔上，若水整個人像被點了穴道似的，動彈不得。

「好耐冇見。」若水語氣嚴峻冷漠。

「你又會係到嘅？入左邊間公司？」魚蛋基語氣輕柔，但聽在若水耳中，只覺噁心又刺耳。

「彈珠臺。」

「哦，冇記錯，呀龔都係個間？」

「係。」

「我入左接龍做trainee。大家公司都係中環，有時間一齊食個飯？」

「我諗冇咁嘅必要。」若水依舊不敢看他一眼，聲線完全沒有靈魂。

「都過左咁多年啦，點解你仲要起哂鋼咁呢？」

「唔好意思，我份人就係咁，對住值得我善良嘅人，我可以好善良；對住啲人渣，我唔會枉費自己嘅善良。」

「你對我仲有感覺？」

「你知唔知你自大嗰個樣，真係好乞我憎。」若水板起面孔。

「其實當初我都係迫於無奈姐，唔係你死都唔信啲錢係Candy 偷，堅持要係會上公開所有野，我都唔會同你一拍兩散。」

「係，係我錯，最錯就係識左你呢個人渣。」

「唔好開口埋口都人渣啦，你問心個句，你又好得我幾多？」

「你又想講咩？」若水胸腔醞釀中的怒火開始被他挑撥起來。

「我知你嬲我背住你去追Candy，我承認，我係感情上處理得唔恰當，虧欠左你，不過你都背住我同呀龔有野啦，大家咪當打和囉。」

「你講咩啊？你又想屈我啊？」

「我諗唔係呀龔係彈珠臺做經理，你都唔會入到黎啦。」

「你可以侮辱我嘅智慧，但唔該唔好侮辱我嘅人格，我入到去全憑我嘅實力。」

「實力？我見你畢業都係得second low, 有可能入去咩？」

「彈珠臺係好著重面試臨場表現。況且我未入去之前，根本都唔識佢，點樣拉關係？」

「你唔識佢？你講笑話自己唔笑，都幾得意架喎。」

「不如你有咩直接講，我唔想哂口水同你兜圈。」

「當初佢為左個單野，突登黎打左我一身，仲唱開哂比中學啲師兄弟知，話我擺佢上枱，叫佢地以後唔好同我來往。乜一個男人會為左個三唔識七嘅女仔咁做咩？」

「佢打你？」若水愣住了，疑竇頓生。

「我知佢幫你出氣，先冇同佢計。所以照道理，你條氣應該順哂啦，唔好再擺一個受害者嘅姿態出黎。」

「Mary, 你朋友啊？」Mandy 與 Jessica 捧著食物和幾杯白酒回來了。

「咁 Mary 我地再聯絡啦。」魚蛋基別轉身就走掉。

在過去幾分鐘的對話，若水全身神經扭作一團，彷彿已用盡全身的精力，快要支撐不住了。這仿如在擂台上與他對峙，悄一不慎，又或者反應不及以回敬他的惡言相向，就會被徹底擊潰。她嘴唇微抿，睫毛輕顫，面頰漲得通紅，魂魄也隨思潮一同跑掉了。

「Mary 你個樣好唔妥喎，飲左酒黎？」

「冇啊。正想飲。」若水隨手拿起一杯白酒，一飲而盡。

「喂你唔好飲咁急啦。」

轉身走掉的魚蛋基，迎頭就撞上龔燁。龔燁若無其事的走過，正眼也不看他一眼。

若水做不到的，龔燁做到了。

她扛不住的重擔，他會幫她扛住嗎？

但龔燁見他自若水方向走來，心感不妙。

（待續）

眨下眼就睇完

啊啊啊點解我咁快睇完

寫阿水心理好中 睇到感同身受
見到有仇前度個種如臨大敵feel

原來阿龔當年咁MAN打左佢一身
唔知阿水知道之後會點呢

我寫個陣都有種拿住拿住嘅感覺
敬請期待

唔介意你由頭睇多次架

忍唔住又睇完

已經特登儲多幾日先睇
但又一眨眼就睇曬

好睇

輕輕一推
追故

第二十章 <不願見你爛醉的模樣>

「呀龔，同啲舊同事social完啦？」Mandy 問道。

「係啊。Mary 個樣做咩咁呆嘅？」

若水將手臂放在桌上枕住下巴，目光獃滯而空虛。

「唔知佢啊，頭先佢一嘢隊哂成杯白酒，跟住就咁啦。」

「唔飲得就唔好學人飲咁多啦。好彩陣間唔駛佢上台攞獎。」龔燁不禁搖頭，慨嘆若水不懂照顧自己，亦暗自憂心魚蛋基的出現是否牽動到她的情緒。

過了一會，大會司儀上台。

「各位來賓你地好，歡迎你地蒞臨2013年全港傑出市場策劃獎頒獎典禮。我地嘅頒獎儀式即將開始，請各得獎單位代表黎到台前嘅座位就座。」

「我要去攞獎先啦，你地幫我睇住佢，唔好比佢再飲。」

說罷，龔燁便上前就座。

「跟住落黎有請傑出市場策劃獎銀獎得主，彈珠臺市埸部嘅龔經理上台，接受嘉許。有請。」

龔燁在一片掌聲雷動之中上台，他有禮地向頒獎嘉賓握手致謝，再接過獎狀，對鏡頭一笑。但他的眼神，迅速便移向角落的若水。

下台後，龔燁在遠處朦朧地瞥見若水似乎又想舉起酒杯，於是以迅雷不及掩耳的速度奔向角落。

「Mary 啊，呢杯我架，你唔好再飲啦！」Jessica 連忙制止道。

「我好口渴啊，比我飲啦。」若水搶去Jessica的白酒，又試圖仰頭一飲而盡。

「媽呢空！比我！」龔燁一手搶去若水手中的酒，語氣帶點強硬，他平生最討厭女人不懂分寸和自愛，他不想若水成為他眼中厭惡的女人。

這次，到他把酒一飲而盡，再猛地把空杯擱下。

「搞錯啊，一滴都唔留番比我。」若水抬眸厲了一眼龔燁，但很快雙眼又似開似閉，快要盹著似的。

「你要飲嘅話，出去飲到啤啤夫我都唔會理。但呢到係頒獎禮黎，你嘅一舉一動都係代表緊公司，我就要干涉。」龔燁冷峻地說，見到若水這個德性，他也不知為何無名火起。旁邊的Mandy和Jessica也從未見過如此惱怒的龔燁，也不期然膽怯。

「呀龔，你唔好咁嬲啦，我諗 Mary 都係酒量差先會咁，我帶佢去洗個面先。」Mandy 連忙帶若水離開現場以緩和氣氛。

「我頭先傻左？做咩會對佢發咁大脾氣。」

冷靜下來的龔燁看到被拖著行走，身軀軟軟地癱倒在Mandy肩膀的若水，不禁質問自己。幸好，喝到酩酊爛醉的若水根本聽不到一字一句。

洗過臉後的若水神情仍帶點呆滯，但臉上的紅霞已稍稍褪到耳後。

「飲咁多做咩啊？又唔係唔知自己唔飲得。」龔燁似乎對自己剛才的語氣感到愧疚，頓時變得溫柔。

「邊個話我唔飲得啊？我一啲都冇醉！」若水斜瞥龔燁一眼，嘴扁扁地道。

「精神病人都唔會認自己有精神病嘅。」

「呢張咪係獎狀。」若水一手奪去龔燁手中的獎狀。但未幾，她則嘔吐大作，將一灘穢物統統吐在獎狀上。

「喂你做咩嘔落去啊！張獎狀我星期一要拎去比朱生睇架！唉！」龔燁幾乎想發火，但看見半夢半醒的若水，還是按捺著脾氣。

「呀龔唔好嬲！應該有得補領架！其實個頒獎禮都差唔多完，不如我帶Mary走先，廢事佢再出醜。」Mandy 連忙安撫龔燁。

「你一個女仔點送啊，佢又唔係輕，等我渣車送佢番去啦。我同啲舊同事講聲先，你地落大堂等我。」

說過道別後，龔燁便往停車場取車，準備接她們返家。

酒店大堂外

「呀龔，咁Mary就交比你啦，你唔駛送我地啦，快啲車佢番去。」

「好啦，咁你地自己小心。」

龔燁打開車門，用手小心護著若水的頭顱，送她上車，再幫忙系好安全帶。

駛了一段路，若水好像又稍為清醒過來點，便打開車窗，任由涼颼颼的風在她臉上肆意掠過。

「喂，你飲醉酒就唔好開大窗吹風啦。」龔燁像個老媽子般在旁嘮叨。

「你唔好車我番屋企住，我有野想問你。」

「有咩要問等星期一番公司先啦。你要番去休息。」

「有啲野我今日一定要問清楚你，你駛埋一邊啦。」

面對如此倔強的若水，龔燁也無奈屈服。

此時車輛駛近維園，龔燁找了個位置泊車，若水隨意找了一張長椅坐下。

（待續）

等待下次更新

推

Pish

等左一日睇左一分鐘

第廿一章 <吞噬著我的回憶>

龔燁泊好車後，徐徐走到若水身旁坐下。

見她神情凝重，良久不作聲，他便開口，

「有咩一定要而家問？」

「有啲嘢，我想你老實答我。」若水一張嘴似有千言萬語要向龔燁問清楚。

「咩事？」

「我入到彈珠臺係咪因為你？你認得我，因為內疚先比我入？」

「乜我似係會徇私嘅人咩？仲有咁大間公司，請邊個唔係我一個人話事。」龔燁疑竇頓生，不明白為何若水突然冒起這種想法。

「頭先頒獎禮，我見到魚蛋基。」若水一提起他，連嘴唇都微顫。

「我知啊，你就係為左佢飲到咁？值得咩？」龔燁不忿，為何魚蛋基可以影響得她這樣深。

「佢話你當年為左我去打佢，有冇咁嘅事？」

龔燁聽完這話，沉默許久，不響。

「係，當年我係忍唔住打佢，但我都係因為睇唔過眼佢咁對一個女仔姐。」

「你知唔知，佢仲話我同你一定係有路，我先入到黎。」若水聲音苦澀，冷笑了一聲。

「佢講咩你就信？平時好有自信嘅熊若水去左邊？點解咁睇小自己？」

「咁佢係講得啱嘅，我second low畢業，又真係冇咩可能入到，佢要咁講，我都駁唔到。」她聲音變得更低沉，淚水徘徊在眼眶邊緣又不忍落下。

「公司一向都唔係最著重成績，最緊要係做到嘢，你之前幾個月咁辛苦搵左咁多贊助機會番黎，你唔記得哂啦？」龔燁嘗試將陷於低谷的若水拉上來。

若水雙眼濡濕，將自己的辛酸往事娓娓道來。

「其實我由細到大讀書都唔叻，心如永遠都係考第一，我就好辛苦先掹車邊入到大學。以為入到大學，所有野都會好啦，點知year 1比我識到佢，發生件咁醜嘅事，我心情好差，完全冇心機讀書，甚至走晒啲堂，唔想俾人認得我。就係因為咁，我GPA都唔過2。我之後個幾年好辛苦追hon，最後先拎番個second low。點知佢原來一直睇唔起我，覺得我cheap，靠關係先入到黎。我而家終於明白，一個女人最痛原來唔係個男人講唔再愛你，而係比佢睇唔起，踐踏到冇哂自尊。」

龔燁聽著她訴說自己的委屈，也心頭澀然，鼻子一陣酸。他緊緊掐住她的肩膊，把她身子扳過來，面向自己。

「媽呢空，你望住我，聽我講，以前你有幾唔開心都好，而家一切都過哂去架啦。你入左黎公司，前途將會係一片光明，你唔好再比佢影響到，好無？」

「我都唔想架。但我一見到佢，唔知點解就好似變左隻驚弓之鳥，我都唔知點解我要咁怕佢。其實我都係個女人仔黎姐，我得罪咗佢啲咩，點解佢要追住我唔放啊？佢係咪想我一世都忘記唔到佢？」若水邊說，眼淚就止不住汩汩而下，整個人抖得像一片深秋將落的枯葉，了無生氣。

龔燁看見被折磨得不像樣的她，也心如刀割，忍不住一手將她摟入懷抱當中。

若水還未反應得及，腰間已是一緊，被他牢牢摟住，整張臉都埋在他溫熱的肩窩上。

「有我係到，唔駛驚。」龔燁一下一下，慢慢輕拍她背。

若水就像一隻受重創的小狗，在他懷中瑟縮顫抖。滾燙的淚水和呼出的熱氣把他的襯衫都弄濕了。

此時此刻，一個擁抱，勝過千言萬語。

哭聲慢慢止住。她抬起淚痕斑斑的臉龐看著龔燁，連妝都糊掉了，驀然想起自己如斯狼狽的模樣已顯露於他面前，頓覺尷尬不已，便逃離他懷裡。

「唔好意思，整濕哂你套西裝。」若水連忙拭乾眼淚。

「唔緊要，你唔好亂抹，變花面貓啦。」龔燁在西裝口袋中取出紙巾，輕柔地幫她印乾眼淚。

他倆靠得很近，龔燁雋黑深沉的眼眸就像一個無底深潭，望一眼都彷彿要被吸進去，深陷其中，無法自拔。若水甚至隱約從那雙眸子裡看見自己的倒影。

龔燁的目光眷戀地逗留在若水的臉龐上，捨不得挪開，他多麼想時間就能從此凝住。

望著如此澄徹篤定的眼神，若水感到一陣溫暖感覺慢慢沁入心扉，傷痕也瞬間得到安撫。

龔燁心中已波瀾翻滾。他知道再這般對視下去，或許會按捺不住低頭便吻下去。他不想乘人之危，便不捨地拉開距離。

「喊完好啲啦係咪？車你番去。」

「嗯。」

哭了一大場的若水，閉上眼睛，連眼皮都感炙痛。被他摟過的肩頭，彷彿還殘留著餘溫，教人回味。她沒想過，在酒精驅使下，她竟會毫無保留地，向他訴說著這堆抑壓在心頭多年的回憶碎屑。也許這幾年來，她別無他求，只求有個人願意聆聽，有個肩膀讓她依靠，恰巧龔燁在她身旁，就這樣簡單。

（待續）

Pish

好正啊！！！

多謝啊 你地嘅回覆係我寫落去嘅動力

入嚟支持但忍住唔睇住
遲啲等你出多啲一次過睇

今晚愛回家又有龔水line

今晚會唔會有文 甜上加甜