(龔水) ＜若躲不過燁緣＞

甜度剛好，今日睇完劇，再睇埋呢篇，今日好圓滿了

知道大家好憎見佢 所以會拖多陣先

希望唔好因為阿龔所以Macy 先送上門俾Vincent, 唔想阿龔欠咗佢....

新讀者 一口氣睇曬
好正呀樓主

多謝請繼續追

咁樣已經重甜 無打鬧日常就唔係工水啦
等睇番到香港地下情

推
夠哂啦

有聲有畫面

第五十一章 <死賤精的小把戲>

窗外一縷晨光，從外透進房內，喚醒了酣睡著的若水。

這一覺，睡得份外香甜。

她一睜開眼，映入眼裡的就是他安穩的睡顏。近在咫尺的他，溫熱的氣息淺淺的噴在她臉上，多麼令人悸動。

帶點凌亂的長髮遮住前額，眼窩深邃，眼圈也很深，但無損他的魅力。

她凝視著他，發了好一陣子呆，腦海裡躥出一個念頭：「而家我算係有男朋友啦？」

感覺像夢境般，太不真實。她忍不住撫摸他柔順的髮絲，再用手指輕輕摩挲他的眉毛、鼻樑、嘴唇⋯以確認自己不是在做夢。

Macy 也曾這樣看著你嗎？

她又想起Macy初三晚上的話，心也隱隱作痛。

冰涼的指尖觸碰，有點癢癢的，喚醒了龔燁。

「早晨啊，媽呢空。」朝思暮想，日夜顧盼的女人睡在自己身旁，原來是這樣幸福。

四目只有一寸之遙，她像快要陷入他眼底下的深淵。

「早晨，你快啲番自己房啦。」

「下，咁早？而家幾點啊？」他雙眼半開半闔，一起床的聲音仍是低沉嘶啞。

「6點幾啊，你快啲趁佢地未起身偷偷番房啦！」

「駛唔駛咁驚啊。」龔燁揉揉雙眼道。

「你知佢地班友仔有幾八架啦，比佢地見到你朝早係我房出黎，一定唱到全公司都知。」

若水拉著他起床，龔燁只好乖乖就範。

「想我走都得。」龔燁指指自己的臉頰示意。

「下，我未刷牙架喎。」

「我都冇嫌棄你啦。」

若水還在思忖著，龔燁已飛快在她額頭上落下一個極淺的吻，一觸即離。

「我番過去啦，陣間見。」

送他離開後，若水關上房門，用背抵著，心頭微微一漾。

「死賤精啊，係都要做啲野令到人地個心唔知點咁樣。」

嘴上在罵他，心裡卻是暗甜。

梳洗過後，若水到酒店餐廳吃自助早餐。

「Mary早晨，你隻腳做咩拮下拮下咁嘅？」Ivan 關切地問道。

「琴晚拗柴啊。」

「係喎，你琴晚咪book車去酒莊嘅，最後有冇去到啊？」

「冇啊。」

「咁都好啲，你知唔知呀龔琴晚幾嬲啊，好似驚你比Vincent溶左咁啊。」

「總之我最後冇去到咪得囉。」

「你就話冇去到姐，呀龔琴晚咁嬲咁衝左出去，唔知會唔會去找Vincent晦氣呢。」Ivan 暗暗擔心龔燁會否對Vincent 不利。

「睇怕都似啦，你睇下佢。」Rebecca 指著自遠處走來的龔燁。

龔燁一身杏色大褸造型，架著墨鏡，戴上口罩，緩緩走過來。

「呀龔你做咩帶哂口罩同黑超啊？琴晚比人打啊？」

「邊有啊，我琴晚唔小心仆親咋嘛。」一向重視形象的龔燁，絕不能在人前泄露出自己潺弱的一面。

「你唔係去左搵Vincent 咩？你唔係比佢打呀嘛？」

「咁我知Mary 冇去到，我都冇去到啦。」他連忙砌詞狡辯。

「乜你兩個又會咁啱嘅，一個就拗柴，一個就仆親。」Rebecca 笑道。

「係囉，真係天生一對啦。」Mandy 配合地戲謔。

「天咩生咩一咩對啊。」若水狠狠睨著她，龔燁始終是他上司，她不想被人說閒話。

眾人不禁偷笑。其實他倆有曖昧已是人所共知的事實，再加上眾人昨晚親眼目睹龔燁如斯緊張若水，他會與Macy復合的傳言也不攻自破了。

龔燁見若水如此抗拒與他湊成一對，心萌生玩念，決定好好作弄她一番。

「係囉，我係佢上司黎架咋，一啲關係都冇囉。」

話音剛落，他在桌底下緩緩將手伸過旁邊，緊緊握住若水掌心，將她手放在自己的大腿上。十指交纏，他手指紋絲不動，完全沒有要放開的跡象。

若水身打了個哆嗦，眼瞪一直，深吸了一口氣。

「Mary 你做咩啊？打冷震啊？」

「冇啊！我去攞野食先。」

若水用手指用力捏了他虎口位一下，便鬆開他手，裝作若無其事的去夾早餐。

龔燁緊隨其後：「我都去攞野食先。」

若水走近自助餐桌，拿起鉗子夾沙律。

「夾啲比我啊順便。」龔燁笑笑在她身後道。

「你係咪玩野啊頭先？冇啦啦咁拖住我，比佢地見到咁點啊。」若水回頭瞪他一眼，輕聲附在他耳邊呢喃。

「係幾好玩嘅，睇到你個反應。」他頃刻變回個小孩，流露出做了壞事被人逮住還一臉自豪的模樣。

「成日都要玩我。」

「乜你唔想公開咩？」龔燁撇撇嘴問道。

「唔係話唔想，只不過⋯唔係而家咁快囉。」

「哦，你想玩地下情啊？」龔燁語調蠱惑的問。

「點啊又，總之我想低調啲啦。」

「一係咁，我地玩地下情，不過又唔好收得咁埋。」

「Are you talking？點樣地下情又唔好收埋啊？」若水對著他，總是沒轍。

「咁收得太埋，第時一公開會嚇親大家架嘛。嗱我地番到香港，一於就前後腳去食飯，以後收工呢我就係隔離街等你…」

若水已不想搭理他，向前繼續夾著食物。

龔經理，看來你的地下情計劃，也是無法成功實行了。

一對剛譜戀曲的情侶，眉梢眼角所流露的甜蜜，是你想藏也藏不住的。

（待續）

第一

呢章早餐嗰到好有畫面呀

Macy初三番說話我都隱隱作痛

keep住呢個甜度

有聲有畫面

寫得很好，真係晚晚追。

如果正劇都係咁就好好甜

救命, 係我想睇嘅地下情情節

好正冇睇開愛回家都中意呢個故

地下情

甜到笑出黎啊!

日常輕輕一推
阿龔經理應該都唔會收得埋

等更文

第五十二章 <最佳良藥>

一行人風塵僕僕，終於回到香港。

第二天一大清早，朱生又把龔燁召進了辦公室。

朱生繞過辦公桌，笑意盈盈，攤開手迎接他說：「一早叫你上黎，就係想你親自講好消息比我聽。」

龔燁神情一黯，微微垂下視線，斟酌詞句，開口道：

「對唔住朱生，Vincent 唔肯同我地簽約。」

朱生猛的頓住，臉色倏地變得鐵青，激動地問：

「下？點解會傾唔成？」

「我地已經盡哂力present, 但佢要求我要即場分到佢地旗下批發嘅酒。我棋差一著，冇準備到，所以⋯」他舌頭像打了結，平日自信滿滿的龔燁頓時消失得無影無蹤。

「我唔想聽藉口。呀龔你今次，實在係令我太失望。」朱生搖搖頭，眉頭緊皺。

「你放心啦朱生，冇左呢個大客，我會出盡百二分努力，搵多幾個客，補番筆生意額。」

「唉，下個星期我仲約哂佢地去打golf，實比龍敢威串我，你叫我仲邊有面見人？」

「真係好對唔住。」龔燁嗓音也愈壓愈低。

「早知係咁，我比Jason跟番可能仲好。冇你嘅事啦，你出去啦。」

龔燁垂頭喪氣地步出朱生辦公室，若水知道他一早被大老闆召見，也擔心不已，在朱生門外的接待處來回踱步等他。

「龔燁！」

「媽呢空，上左黎嘅？」天使總是在他失意的時候出現。

「我擔心你被人照肺呀嘛，咪上黎睇下你。」

「又話玩地下情，你咁緊張我，唔驚比人睇到咩？」龔燁冷不妨一下捉住她手，若水連忙甩開。

「喂啊，有CCTV架，比鐵面陳睇到點算啊。」

「駛唔駛咁驚啊。」

「點啊你，係咪比朱生噴到一面屁？」

「緊係啦。佢鬧我搞到佢冇哂面，都唔知點面對龍敢威。」他仍然愁眉百結，沒精打采。

「見你咁慘。我陪你去散下心啦，你想去邊？」

「唔⋯」龔燁思索一會，道：「陣間lunch time係公司後面幾條街個間模型舖等啊。」

今天是地下戀情開始的第一天。一到午膳時間，他倆便前後腳步出公司。

龔燁帶若水來到了他自兒時就最愛逛的模型店。

趁少人，他藉機握住她手走進店內。櫥窗後的各款模型，從小到大都是療癒龔燁心靈的幕後功臣。縱使現在，他已遇到一帖最佳良藥。

「我一唔開心，就中意黎睇動漫同模型，咩煩惱都即刻冇哂。」龔燁被滿牆的模型包圍著自己，那天真瀾漫的笑容絕對是打從心底裡發出來。

「咁你最中意係咩動漫啊？」

「我最中意Final Fantasy, 7係最好玩，六神合體啊，星矢都鍾意。我仲好中意龍珠同埋高橋留美子嘅漫畫。」

「嘩你好似講外星文咁，我完全聽唔明。」

「你以前拍拖，男朋友冇同你傾動漫咩？」

「冇啊。魚蛋基都唔中意呢啲嘅。」

「龔生，又黎睇模型啊？」模型店東主一見龔燁這個熟客，立馬出來招呼。

「係啊。上次我訂嗰個星矢，番左貨未啊？」

「你黎得啱啱好。番左啦。」

「終於等到你啦。」龔燁捧起他最愛的星矢，愛不釋手，笑得合不攏嘴。

此時，一名女熟客也步近櫃檯。

「咦陳小姐，你又黎買模型啊？」

「係啊，男朋友就黎生日，想比個驚喜佢。」

「你真係有心，由一開始咩都唔識，慢慢學砌，而家仲識噴油添。」

「全靠你地舖頭有開班教人砌模型，我先咁快學識咋。」

他們聊得起勁，龔燁插話道：「老闆，我地走先啦，下次再黎睇。」

「好啊，多謝龔生。」

步出模型店後，若水便道：

「你番去先啦，橫掂我地都要前後腳，我想去銀行撳錢。」

「好啦，office見。」

若水盯著他的步伐，相比剛才步出公司時，的確從容輕盈了不少。果然，每個男人心底裡都住了一個小孩。

與龔燁分別後，若水折返模型店。

「老闆，你地呢到係咪有開模型班？」

「係啊小姐，你想參加？哦你想送比龔生？」

「係啊，麻煩你幫我保守秘密。」

「一定，龔生有你呢個女朋友，真係幸福。」

若水看著報名表格，泛起一絲甜笑。

「希望你收到，會開心啲啦。」

龔燁這個人，雖然事業發展一帆風順，在公司的地位愈攀愈高，但他總是獨來獨往，孑然一身。若水未出現前，除了爸爸龔友，這個世界彷彿沒有甚麼人值得他去牽掛，也沒有甚麼人，會真正惦記著他。

從來遇上難關，他都是一個人撐著，一個人療傷，一個人復原。模型與動漫就是他的最佳良藥。

現在，雙下巴天使已步進他的生命裡。

龔燁，你以後再也不是隻身一人。

（待續）