大家好，開心速遞我最中意睇龔水線，因為佢地係最有火花嘅一對，自己又有啲手痕想寫下故仔，就借龔水試下寫。
其實網上已經有好多根據電視劇藍本而寫嘅文章，我唔想重覆，所以想寫下年輕版龔水。人物性格大致相同，但故事內容同電視劇完全唔同，情節都係結合自己小小親身經歷再加啲幻想寫出黎。大家有興趣就睇落去啦。
第一章 <初出茅廬的若水>
2013年夏
熊若水—香港島大學初出茅廬的市場管理及公關系學生，矢志成為一個實幹型公關奇才。
「呀爸由細到大最錫熊心如，就係因為佢讀書叻，考到獎學金，幫屋企慳到錢。而家終於到我畢業，我一定要吐氣揚眉，搵份高薪厚職，等呀爸另眼相看！」
果然，若水憑著她三寸不爛之舌，把自己當成一件商品，將自己的優點長處統統推銷給面試官，最後成功擠身2013年度彈珠臺集團市場部訓練生行列。
某一晚，熊家
「Everybody 我有個好消息要宣佈！」若水一歸家便喜上眉梢，手舞足蹈地嚷著。
「二妹，你番得黎岩啦，今日我整左九大簋，快啲埋黎幫手開飯啦！」樹根捧著一大盅花膠燉湯緩緩從廚房行出來，香味四溢，令人食指大動。
「嘩！呀爸你未卜先知咁勁嘅！你又知有開心野要慶祝?」若水搓搓手，抿抿嘴唇，一副準備大快朵頤的模樣。
「緊係有啦！其實我都一早估到心如會攞到傑出學生架啦！嗱心如，呀叔敬你一杯啦！ 」樹仁與心如碰杯，再細細品嚐馥郁芬芳的82年Laquk。
「呀爸，呢枝咪你枝珍藏? 你連我考到香港島大學個陣都唔捨得開架喎！」若水拿起酒瓶細看，不忿地道。
「咁枝酒擺起到咁耐啦，其實我都想搵個機會飲左佢架啦！你知啦，屋企呢幾年又冇咩大事要慶祝，等你地嫁得出呢又唔知要等到幾時啦，咁不如趁今日咁人齊，乾左佢啦！」
「呀爸，你又知我唔會好快嫁得出?」
「呀水呀，你眼角咁高，洗碗強魚蛋基都被你嚇走哂啦，你邊會肯咁快嫁呀。」樹仁忍不住搖搖頭插嘴道。
「呀叔，我講過唔好再係我面前提魚蛋基呢個人！」若水怒目而視。
「呀水，話哂你同魚蛋基都曾經上埋同一枝莊呀，再見亦是朋友，唔好咁小器啦！」
「咩再見亦是朋友呀，我係唔會同呢啲人渣做朋友架！」
博士看見若水這樣生氣，連忙向樹仁打眼色，示意他不要再說下去，並趁機轉移話題。
「係呢呀水，你頭先又話有好消息要宣佈? 咩事咁開心呀?」博士嘗試緩和若水的情緒。
「彈珠臺集團岩岩請左我做市場部訓練生！」
「彈珠臺集團? 係咪個間出哂名面試要過五關斬六將先入到嘅公司? 咁呀水你真係好勁喎！」
「緊係啦，你都唔知我又要筆試，又要幾輪面試，又要玩埋哂啲咩團隊遊戲，先可以係成千人入面脫穎而出咋！」若水連忙訴著自己找工作的辛酸。
「成千人? 濕濕碎啦。三姨咪仲勁，傑出學生全港得十個都比佢攞到，仲要有成萬個學生參加，遲啲電視台仲會搵三姨接受訪問添！」安仔始終都要調侃一下若水才心息。
「其實呢我地屋企都唔係第一次有人上電視啦。之前你都試過同啲同學上電視玩問答比賽，不過呢就輸到街知巷聞，如果香港有個廢青選舉呢，你都應該贏硬呀！ 」若水妙語連珠回敬安仔。
「好啦你地講咁耐唔口乾架咩? 啲餸凍哂啦！」樹根試圖制止這一場沒完沒了的爭拗。
「我已經谷到一肚氣，飽哂啦！唔食啦！」若水放下碗筷，一個箭步便衝回房間。
「二姨唔食，咁我食埋佢個份啦！ 」安仔眼神離不開桌上的鮑魚，提起筷子準備大快朵頤一番。
「我去睇下佢，你地食先啦。」博士也隨即離座。
若水房間
「叩叩」 博士敲敲房門。
「我入黎啦。」仍是沒人理睬。
「做咩有花膠都唔食呀? 你唔係咁易比佢地激親呀嘛?」博士進了未有上鎖的房間，溫柔地問道。
「乜係你呀。」若水語氣夾雜點失落。她以為樹根會進來哄她出去吃飯。
「其實你都知佢地架啦，窒少人一陣都唔安樂嘅。你大人有大量，唔好同佢地計較啦。」
「咁真係堅嬲呀嘛，我咁辛苦考入間公司，佢地好似覺得理所當然咁嘅，一句讚下我嘅說話都冇呀。你唔知咋，我有幾多大學同學連面試機會都冇呀。」
「知你美貌與智慧並重先考到啦。咁幾時正式番工呀?」
「下星期一呀。我仲要去買過啲新衫，執番正個人先番工呀。」
「咁一係星期一我早啲起身，車左你番工先去送貨啦，你一定唔會遲到。」
「嗱你話架！有時都係到諗，其實你係咪先係同我有血緣關係個個呢，點解對我最好個個永遠都係你架。」
若水一番話就如一抹春風在博士的心頭掠過，博士嘴角不禁微微上揚。
「一於咁話啦，快啲出去食飯！」
(待續)
(龔水) ＜若躲不過燁緣＞
Channelno6
1001 回覆
226 Like
40 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
支持
我來了
推
支持
支持
Lm
支持
支持
留名及支持
為左多謝大家支持，再po一章
<初遇>
今天就是若水第一天上班的大日子，她一早起床整理妝髮，配襯好一身雪紡襯衫及西裝裙，整裝待發。
「今日第一日番工，一定要比一個好印象人！ 之後再搵番個筍盤！熊若水，你要加油！」若水對著鏡子裡的自己碎碎念著。
「我到你樓下啦，快啲落黎啦。」博士傳來訊息。
熊若水趕忙下樓，博士已在座駕等候。
「果然係好準時喎。」若水微笑道。
「緊係。食左早餐未? 未嘅話我買左粢飯豆漿。」
「食左啦。呀爸知我今日第一日番工，就整左超豐富嘅早餐比我食啦。」若水樂得開懷。
「都話根叔始終都係好錫你架啦！」
「緊係！我係呀爸嘅寶貝女！」
若水的公司離家不是太遠，不消十五分鐘便到了。
「唔該哂！出左糧第一個請你食飯！拜拜！」若水下了車，對博士揮揮手。
「今朝一早去買嘅早餐，睇黎都係要自己食啦。」博士凝視著粢飯豆漿，不禁苦笑。
「不過你笑番，就無所謂啦。」博士目送若水慢慢步進大堂，便駕車離去。
若水甫走進大堂，掛在天花中央的一盞巨型水晶燈映入眼簾，光源穿透一串串晶瑩通透的吊飾，在鏡面中互相折射，綻放耀眼奪目的光茫，盡顯跨國公司的氣派。
「我相信我係到一定會有好嘅發展。」一向外貌協會的若水心想。
今天雖然是第一天上班，但尚未開始正式工作。彈珠臺集團一向重視同事間的團隊合作，故此安排了一個迎新活動，讓今屆的訓練生互相認識，與此同時也找了市場部經理級或以上的同事擔任訓練生的mentor，令他們更快熟習公司運作。
今屆市場部訓練生一共有12人，9女3男，男女失衡的情況也頗嚴重。而且其他女訓練生都相當「戰鬥格」，打扮得花枝招展，個個在爭妍鬥麗。
「嘩，使唔使第一日番工就著Channel裙，戴卡住罅手錶呀，咁有錢唔使黎番工啦。」若水打量著對面的女人，心中暗暗思索著，擔憂自己是否太過樸素，被比下去。
公司把他們分成四組，每組各三人，由一位mentor帶領著。若水被編與兩女一組。
「唉，偏偏就係我個組，一個男人都冇，真係冇癮。不過都好彩，個隻咁嘅炫富女唔係我個組，係到篤眼篤鼻。」若水鬆一口氣。
「大家好，我叫Mandy，好開心同大家做到同事呀！」
「我係Jessica，黎緊合作愉快！」
「我係Mary呀，唔知公司會做啲咩同我地迎新呢。」若水嘗試打開話匣子。
「係囉，諗起我地面試個陣已經要過五關斬六將，玩埋啲咩城市遊蹤，真係折磨死人！」Mandy忍不住抱怨。
「算啦，我地入到呢間大公司，前景都有保障好多，我聽講前個幾屆啲師兄師姐，有好多已經做到經理級啦！」看來Jessica已經收集了許多關於這家公司的情報。
突然，大門一開，全場的眼光都一致地移向該處。一個留有一頭及肩長髮，穿著一身寶藍色筆挺西裝的男士拿著咪高峰走進來，感覺自信十足，揮發著一股懾人魅力。
「大家好，歡迎加入彈珠臺呢個大家庭，我係呢到嘅市場部經理，龔燁，大家可以叫我呀龔。」
「龔燁...呢個名咁熟嘅，係邊到聽過呢？」若水心神一愰。
「我地已經將你地分成四組，每組會去唔同嘅team，由個team嘅呀頭做你地mentor，大家有咩唔明都可以隨便問。以下落黎嘅時間將會比你地互相認識一下。」
言畢，龔燁便放下咪高峰，然後徐徐往若水的方向步近。他愈走愈近，身上瀰漫著一股煙熏檀香木的古龍水味，但帶點刺鼻，來勢汹汹，令若水精神為之一振。他挑了若水隔壁的空位坐下。
「早晨！不如你地介紹下自己？你先？」龔燁望向若水。
「大家好，我係Mary Hung，係今年fresh grad。」
「我係Jessica，我畢左業都幾年啦，老餅一個。」
「我係Mandy，都係fresh grad，係呢Mary，你邊間大學架?」
「我係香港島大學讀Marketing架。」
「咦，我都係喎，我咪係你師兄?」龔燁插嘴道。
「哈哈你邊屆架?」若水問道。
「我咪係2010年個屆囉，一畢業就入左黎呢間公司啦。」
「嘩咁呀龔，你好勁喎，用左三年時間就做到經理呢個位。」Jessica 讚嘆地道。
「其實好平常姐，公司一向比好多資源去培訓我地，我相信假以時日，你地都可以做到呢個位。」
「係呢，咁我地呢team 主要係負責啲咩?」Mandy好奇地問。
「我地公司旗下有各式各樣嘅產品，需要接觸到各個年齡層，而我地team 就係負責sell比年青一代嘅消費者，搞唔同嘅function去做宣傳嘅。」
「正喎，我地都係fresh grad，最明白啲後生仔諗咩架啦。」若水對於自己仍然是青春無敵感到沾沾自喜。
「咁呀龔，我地跟住落黎有咩大 project要跟呀?」Jessica問。
「黎緊你地真係身負重任呀。好快就到大學開學嘅季節，係我地宣傳嘅好機會。每年我地公司都會盡力去爭取做贊助商，今年我收到風，接龍同商心小棧都投放多左資源係年青人市場，想同我地分一杯羹，所以公司嚴陣以待，落哂order 想我地落力啲宣傳，順便當係考驗你地嘅第一個任務。公司對你地好有期望，你地爭取得愈多贊助番黎，對升職加人工就愈有幫助。」呀龔仔細地解釋。
「咁我地第一步要點做?」若水一聽到升職加人工就兩眼發亮，焦急地問。
「我已經計畫好架啦，我地team有十幾人，都係黎自本地八間大學。所以我決定安排大家用校友嘅身份，去主動聯絡你地母校唔同嘅學會，盡量去爭取做佢地全年活動嘅贊助商。等你地入職，一切就可以開始。」
「聽落好有挑戰性咁呀！ 」Mandy 道。
「係架，絕對考驗到你地嘅能力。不過聽日先開始啦，今日當係迎新，下晝我帶你地周圍行下公司，再介紹啲同事比你地識。」
突然，有位女同事拍拍龔燁的肩膊，說道: 「呀龔，呢個環節都差唔多啦，跟住落黎輪到人事部簡介下公司架構。」
「哦好呀，咁交比你地。我地下晝係35樓見啦。」龔燁向他們道別。
「呀龔都幾nice喎，又醒目又靚仔，感覺佢會幾照顧我地，遇到呢個上司，我地真係行運啦！ 」Jessica 眼裡快要冒出心心。
「係呀，真係好少見人連長頭髮都carry得咁好睇，佢好似有啲似個個明星...伊面呀！ Mary你話係咪呀?」
「Mary...Mary！ 諗咩諗到入哂神呀?」Mandy在若水的眼前晃晃手。
若水回過神來，道 :「哦冇...硬係覺得佢好似熟口熟面咁，連把聲都有啲似曾相識...」
「係咪你係學校撞過佢咋，話哂你地讀同一科，佢係你師兄黎。」
「嗯，可能係啦。」若水敷衍地說，但她仍然覺得，自己曾在某時某地見過龔燁。
(待續)
<初遇>
今天就是若水第一天上班的大日子，她一早起床整理妝髮，配襯好一身雪紡襯衫及西裝裙，整裝待發。
「今日第一日番工，一定要比一個好印象人！ 之後再搵番個筍盤！熊若水，你要加油！」若水對著鏡子裡的自己碎碎念著。
「我到你樓下啦，快啲落黎啦。」博士傳來訊息。
熊若水趕忙下樓，博士已在座駕等候。
「果然係好準時喎。」若水微笑道。
「緊係。食左早餐未? 未嘅話我買左粢飯豆漿。」
「食左啦。呀爸知我今日第一日番工，就整左超豐富嘅早餐比我食啦。」若水樂得開懷。
「都話根叔始終都係好錫你架啦！」
「緊係！我係呀爸嘅寶貝女！」
若水的公司離家不是太遠，不消十五分鐘便到了。
「唔該哂！出左糧第一個請你食飯！拜拜！」若水下了車，對博士揮揮手。
「今朝一早去買嘅早餐，睇黎都係要自己食啦。」博士凝視著粢飯豆漿，不禁苦笑。
「不過你笑番，就無所謂啦。」博士目送若水慢慢步進大堂，便駕車離去。
若水甫走進大堂，掛在天花中央的一盞巨型水晶燈映入眼簾，光源穿透一串串晶瑩通透的吊飾，在鏡面中互相折射，綻放耀眼奪目的光茫，盡顯跨國公司的氣派。
「我相信我係到一定會有好嘅發展。」一向外貌協會的若水心想。
今天雖然是第一天上班，但尚未開始正式工作。彈珠臺集團一向重視同事間的團隊合作，故此安排了一個迎新活動，讓今屆的訓練生互相認識，與此同時也找了市場部經理級或以上的同事擔任訓練生的mentor，令他們更快熟習公司運作。
今屆市場部訓練生一共有12人，9女3男，男女失衡的情況也頗嚴重。而且其他女訓練生都相當「戰鬥格」，打扮得花枝招展，個個在爭妍鬥麗。
「嘩，使唔使第一日番工就著Channel裙，戴卡住罅手錶呀，咁有錢唔使黎番工啦。」若水打量著對面的女人，心中暗暗思索著，擔憂自己是否太過樸素，被比下去。
公司把他們分成四組，每組各三人，由一位mentor帶領著。若水被編與兩女一組。
「唉，偏偏就係我個組，一個男人都冇，真係冇癮。不過都好彩，個隻咁嘅炫富女唔係我個組，係到篤眼篤鼻。」若水鬆一口氣。
「大家好，我叫Mandy，好開心同大家做到同事呀！」
「我係Jessica，黎緊合作愉快！」
「我係Mary呀，唔知公司會做啲咩同我地迎新呢。」若水嘗試打開話匣子。
「係囉，諗起我地面試個陣已經要過五關斬六將，玩埋啲咩城市遊蹤，真係折磨死人！」Mandy忍不住抱怨。
「算啦，我地入到呢間大公司，前景都有保障好多，我聽講前個幾屆啲師兄師姐，有好多已經做到經理級啦！」看來Jessica已經收集了許多關於這家公司的情報。
突然，大門一開，全場的眼光都一致地移向該處。一個留有一頭及肩長髮，穿著一身寶藍色筆挺西裝的男士拿著咪高峰走進來，感覺自信十足，揮發著一股懾人魅力。
「大家好，歡迎加入彈珠臺呢個大家庭，我係呢到嘅市場部經理，龔燁，大家可以叫我呀龔。」
「龔燁...呢個名咁熟嘅，係邊到聽過呢？」若水心神一愰。
「我地已經將你地分成四組，每組會去唔同嘅team，由個team嘅呀頭做你地mentor，大家有咩唔明都可以隨便問。以下落黎嘅時間將會比你地互相認識一下。」
言畢，龔燁便放下咪高峰，然後徐徐往若水的方向步近。他愈走愈近，身上瀰漫著一股煙熏檀香木的古龍水味，但帶點刺鼻，來勢汹汹，令若水精神為之一振。他挑了若水隔壁的空位坐下。
「早晨！不如你地介紹下自己？你先？」龔燁望向若水。
「大家好，我係Mary Hung，係今年fresh grad。」
「我係Jessica，我畢左業都幾年啦，老餅一個。」
「我係Mandy，都係fresh grad，係呢Mary，你邊間大學架?」
「我係香港島大學讀Marketing架。」
「咦，我都係喎，我咪係你師兄?」龔燁插嘴道。
「哈哈你邊屆架?」若水問道。
「我咪係2010年個屆囉，一畢業就入左黎呢間公司啦。」
「嘩咁呀龔，你好勁喎，用左三年時間就做到經理呢個位。」Jessica 讚嘆地道。
「其實好平常姐，公司一向比好多資源去培訓我地，我相信假以時日，你地都可以做到呢個位。」
「係呢，咁我地呢team 主要係負責啲咩?」Mandy好奇地問。
「我地公司旗下有各式各樣嘅產品，需要接觸到各個年齡層，而我地team 就係負責sell比年青一代嘅消費者，搞唔同嘅function去做宣傳嘅。」
「正喎，我地都係fresh grad，最明白啲後生仔諗咩架啦。」若水對於自己仍然是青春無敵感到沾沾自喜。
「咁呀龔，我地跟住落黎有咩大 project要跟呀?」Jessica問。
「黎緊你地真係身負重任呀。好快就到大學開學嘅季節，係我地宣傳嘅好機會。每年我地公司都會盡力去爭取做贊助商，今年我收到風，接龍同商心小棧都投放多左資源係年青人市場，想同我地分一杯羹，所以公司嚴陣以待，落哂order 想我地落力啲宣傳，順便當係考驗你地嘅第一個任務。公司對你地好有期望，你地爭取得愈多贊助番黎，對升職加人工就愈有幫助。」呀龔仔細地解釋。
「咁我地第一步要點做?」若水一聽到升職加人工就兩眼發亮，焦急地問。
「我已經計畫好架啦，我地team有十幾人，都係黎自本地八間大學。所以我決定安排大家用校友嘅身份，去主動聯絡你地母校唔同嘅學會，盡量去爭取做佢地全年活動嘅贊助商。等你地入職，一切就可以開始。」
「聽落好有挑戰性咁呀！ 」Mandy 道。
「係架，絕對考驗到你地嘅能力。不過聽日先開始啦，今日當係迎新，下晝我帶你地周圍行下公司，再介紹啲同事比你地識。」
突然，有位女同事拍拍龔燁的肩膊，說道: 「呀龔，呢個環節都差唔多啦，跟住落黎輪到人事部簡介下公司架構。」
「哦好呀，咁交比你地。我地下晝係35樓見啦。」龔燁向他們道別。
「呀龔都幾nice喎，又醒目又靚仔，感覺佢會幾照顧我地，遇到呢個上司，我地真係行運啦！ 」Jessica 眼裡快要冒出心心。
「係呀，真係好少見人連長頭髮都carry得咁好睇，佢好似有啲似個個明星...伊面呀！ Mary你話係咪呀?」
「Mary...Mary！ 諗咩諗到入哂神呀?」Mandy在若水的眼前晃晃手。
若水回過神來，道 :「哦冇...硬係覺得佢好似熟口熟面咁，連把聲都有啲似曾相識...」
「係咪你係學校撞過佢咋，話哂你地讀同一科，佢係你師兄黎。」
「嗯，可能係啦。」若水敷衍地說，但她仍然覺得，自己曾在某時某地見過龔燁。
(待續)
lm支持
Im
支持
留名支持
藍色西裝
支持支持
最中意藍色
支持！
支持！
支持支持
支持
g持
兩篇就live咗
兩篇就live咗
Lm
不過「炫富」哩啲大陸term用翻「哂命」會好啲？
同埋佢大學畢業個陣都未出現哩個字
不過「炫富」哩啲大陸term用翻「哂命」會好啲？
同埋佢大學畢業個陣都未出現哩個字
Sorry 冇留意到添 掛住諗劇情
掛住諗劇情