(龔水) ＜若躲不過燁緣＞

但我自己接受唔到用強吻去表白，仲要強吻完人後話'你唔enjoy咩'….

除咗呢part仔，其他好OK!

其實我都係覺得"你唔enjoy咩?"呢句有啲啲怪, 一秒間有少少狗公嘅感覺. 但整體真係寫得幾好. 多謝Channelno6!

第四十九章 <富貴竹的秘密>

今天訂情，這一個擁抱，彷彿要抱到天荒地老。

不知過了多久，兩人終於捨得鬆開手。

「過黎啦，我幫你包紮。」

他們兩個一殘一廢，真是天作之合。

他倆相互攙扶著，緩緩走到床邊坐下。

「坐係到唔好郁，我攞個first aid kit過黎。」

若水拿著急救箱回來，看到他臉上的傷痕，心就如被針扎的一疼。

「乜佢地咁重手架，想攞你命咩？」若水從急救箱中拿了幾顆棉球，沾濕紅藥水後再輕輕擦去傷口周圍的血跡。

「啊。」龔燁眉毛都皺得扭曲。

「整痛你啊？」若水神色緊張。

「係痛架，不過又覺得好甜。我今次都被人打得值嘅，話哂未見過你咁溫柔對我。」

「點啊你，又想我叫你食蕉連皮？」若水用棉球輕力壓了兩壓他的傷口。

「啊，痛啊痛啊。」龔燁縮起兩臂，身子都捲曲成一團。

「睇你以後仲夠唔夠膽亂講野。」若水狠狠的盯著他。

「叮噹，叮噹…」突然，房外傳出門鈴聲。

龔燁好奇一問：「邊個咁夜啊？」

「Mary 開門啊，我攞左枝跌打酒比你啊。」Mandy 在門外喊著。

若水一怔，慌忙地道：「死啦，我頭先同左Mandy講我拗柴，佢黎攞跌打酒比我啊。」

「咁都唔駛死架？」

「唔得，唔可以被佢見到你係到架，佢個大喇叭，唔知佢會講咩出去架。」

「叩叩…叩叩…」Mandy繼績拍門。

「等等，我係廁所出緊黎啊。」若水向門外大喊。

「你呢去去邊好呢…我知啦！你呢入衣櫃先啦！」若水掃視一下房內可以藏身的地方，立馬拉龔燁起來。

「呢入衣櫃？」

「係啊，你將就下啦下。」若水連忙推著龔燁進衣櫃。衣櫃空間狹窄，他被迫屈曲身子，弄疼了傷口，又不禁喊出一聲。

「殊！唔好出聲啊，辛苦你啦，我好快打發佢走。」若水見時間緊迫，唯有飛快地在他臉頰上落下一吻，就如媽媽在安撫發彆扭的小孩子。龔燁被這突如其來的吻嚇得獃滯，反應過來後心頭一熱，嘴角完全止不住向上揚，便肯乖乖就範。

若水深呼一吸，撥一撥頭髮，便開門。

「Mandy，攞左跌打酒黎啊？」

「係啊。點啊你隻腳，冇事呀嘛？」Mandy 攙扶著若水進房，一邊審視她的傷勢。

她們緩緩走到床邊坐下。

「冇乜事，係扭親少少。」

「等我幫你捽啦。」Mandy 想扭開跌打酒瓶蓋。

若水一手搶過跌打酒道：「唔駛啦，我自己黎得架啦。其實都夜啦，不如你番去訓啦。」

「邊到夜啊，十一點幾咋喎。我有好多野想同你講啊！係啦你打番比呀龔話你最後冇去到未啊？」

若水一愕，道：「哦啱啱打左啦。」

「頭先你電話冇電，知唔知我打左幾多次比你啊？呀龔食食下飯，知道左你要去Vincent個酒莊，佢個樣嬲到好似想殺人咁啊！仲連我都鬧埋，搞到我都眼濕濕。」Mandy回想起龔燁勃然大怒的模樣仍是心有餘悸。

「話時話，點解佢會知嘅？」

「咪就係你大懵囉，未logout Ivan個account就book車， Ivan收到noti就比呀龔知道左。」

「係喎可。」若水搔搔頭，也不禁取笑自己的冒失。

「我睇得出呀龔真係好緊張你架，你真係要好好箍住呢個筍盤啊。」

「我會架啦。」

「唔好再靠埋哂啲咩富貴竹啦，想佢追你，你都要比多啲signal人架。」

「殊，唔好講啦。」一聽到Mandy無意泄露了她的秘密，若水的心倏地咯噔了一下。完蛋了，龔燁在衣櫃裡一定將她的話聽得一清二楚。

「怕咩姐，雖然佢係隔離房姐，呢到隔音咁好，佢唔會聽到嘅。」

突然，房間中隱隱傳來聲響，像是一些…嗤笑聲。

「咩聲啊？」Mandy 立即轉身，環顧著房間四周。

「邊有啊。」若水的心也莫名的漏跳一拍。

「點解好似係衣櫃傳出黎嘅？」Mandy 再將視線移向衣櫃。

「邊有啊，你真係要去check下隻耳仔。」

「唔係喎，你聽唔到咩？好似有人偷笑緊咁啊。」Mandy 站了起來，準備行近衣櫃。

若水已嚇得手心也冒汗，立馬截住Mandy，再拉她到房門口，「你一定係幻聽啦。其實我今日都搞左一輪，都好攰啦，聽日仲要搭飛機，我想早啲休息啊。」

「係咩。咁好啦，我走啦，你抖下啦。」Mandy 拍拍她的胳膊，便被若水開門送走。

終於打發了Mandy，若水關上了門，頓時鬆了一大口氣。

但你似乎忘掉了，送走了她，事情還未結束啊。

接下來要面對的…不是更糟嗎？

（待續）

直頭見到曬阿龔喺衣櫃好得戚偷笑個畫面

為咗安撫男朋友嘅錫錫好甜啊
阿龔被水水錫一秒順攤

少男龔一秒上線轉得勁快

見到水水話靠富貴竹個度真係幾好笑

富貴竹
打發完mandy走 阿水一定比阿龔無限恥笑

推

極期待下章 笑死但又好甜

好好睇

真係寫到好有熱戀期個feel原本已經唔記得咗個富貴竹，一講返笑死

其實我好期待mandy過去開衣櫃門

富貴竹話哂係促成呢段姻緣嘅功臣點都要提番比人無限恥笑

太快拆穿唔好玩 仲要地下情架嘛

好期待今晚更文呀⋯⋯快啲有得睇就好啦

努力等待中

原來琴日冇推到Po
日常輕輕一推
終於幫富貴竹加返戲份啦!!!

推下先 期待急不及待係衣櫃出黎嘅龔燁 同埋今晚嘅狗龔

今晚最後尾五分鐘好sweet.
俾電話阿水拎住，似足俾女朋友keep 自己手機咁呀

睇完狗龔就等更文
好幸福

第五十章 <坦明心跡>

龔燁在衣櫃裡屈膝久了，雙腿漸漸麻痹，真擔心自己會從衣櫃裡一頭栽出來。

到時，他倆的關係跳進黃河也洗不清。

送走了Mandy後，若水一拐一拐的跑去打開衣櫃。

「點啊你？快啲出黎啦。」若水扶著雙腿麻痹的龔燁慢慢站起來。

「你都算狠心啦，第一日拍拖，就窒你周身傷嘅男朋友入衣櫃。」龔燁按著酸軟的腿，狠狠睨著若水。

「我都唔想架，頭先情況危急呀嘛。」若水扶著他到床邊坐下，一臉抱歉地道。

「不過都好彩，呢個衣櫃唔係白入嘅。」

「下？」

「頭先我聽到哂啦，原來你送比我棵富貴竹係咁用嘅，等你仲係到話咩擺係我個位會旺市場部，唔好再吹大啲。」龔燁目光中帶著絲絲狡黠，毫無保留地恥笑著她。

若水無地自容，用手緊緊捂著漲紅了的臉。

「唔好再講啦。」

「其實你勇敢啲同我表白嘅話，我唔會拒絕你架喎。」龔燁拉開她捂著臉的雙手，雙眼都快要瞇成一條縫的盯著她。

「死賤精！係咪仲要講啊！」

「咁棵富貴竹又真係幾有用嘅。估唔到你真係冧我冧到要出埋呢啲招數。好嘢。」龔燁豎起大姆指，向她單了一眼。

「唓，你唔係咩，Mandy 話你頭先一聽到我去左搵Vincent, 嬲到想殺人咁啊。」

龔燁語氣篤定道：「係啊，我做得出唔怕認喎。我係好擔心你有事。」

他這句話令她心頭一熱，像有陣陣感動的暖流湧了上來。

「咁⋯你係幾時開始中意我架？」若水抬眸怔怔的望著他。

「點解你地啲女人個個都中意問呢條問題嘅？」

「咩個個啊，你有好多個咩？」若水狠瞥他一眼。

「又呷Macy醋啊？」龔燁失笑。

「邊有，你答左我問題先啦。」

「我都唔係好記得啦喎，可能係ocamp個晚，又可能係⋯第一眼見到你。」

若水驚訝問：「會員大會個陣？」

「係掛，我見到你咁慘，個心都唔知點解嗱住嗱住痛，仲為左你去打魚蛋基，而家諗番起都覺得自己衝動。」

「唔係啊，你做得好好喎，呢啲人渣唔打會身痕架。」若水瞬間眼冒火苗。

「咁你呢？你又係幾時開始對我有feel？」

若水思忖了一會：「唔⋯可能係畢業禮個陣掛。」

「個陣？就係因為我送左隻天使比你？」

「唔係啊，個陣你搭住我膊頭影相，我又好似覺得⋯幾岩feel咁囉。」要在他面前坦明心跡，若水嗓音都變小了，語調都帶點羞澀。

「你知唔知，個陣我一見到嗰個博士，我已經直覺覺得佢一定係中意你。」

「咁你都知？」

「真係啊，佢同你表白左？」若水一口承認，龔燁嚇得瞠目結舌。

「嚴格啲黎講，冇啊，我係佢想表白個陣⋯阻止左。」

龔燁挑起眉頭，得意地笑道：「你一定係因為個心已經有我，所以阻止佢啦。」

「啊你個樣可唔可以唔好咁得戚啊，想打你啊。」

「你再咁惡對我，我走架啦。」龔燁作勢要站起來。

若水立馬制止：「喂，你而家番出去，陣間比Ivan佢地撞到點算啊？」

「即係你唔想我走啦，咁我今晚一於留係到啦。」狡猾的龔燁掀起被子，自動自覺鑽進被窩裡面，露出一臉滿足的笑容。

「喂，乜你咁無賴架。」

「媽呢空，聽日要番香港啦，我地得番今晚咋，不如⋯」龔燁以調戲的口吻問道。

「你想點啊？」若水立馬將雙手護於胸前。

「想同你⋯促膝談心囉。你又諗咩啊？」

「死賤精！又玩我！」

若水隨手拿起枕頭，不住地打他。

龔燁一手搶去枕頭，再拉她到被窩裡，緊緊擁著她。

「最多我淨係攬住你訓，咩都唔做啦。」

「我咁索，你咪下巴輕輕喎。」

「你再亂講野，我就真係唔敢寫包單啦。」

「唓。」若水嗤了一聲，別過臉來，不理他的逗弄了。

始終是第一日戀愛，龔燁不敢太快對她造次。即使聞到她髮際馨香隱隱傳到鼻端，他也努力剋制著自己的慾望，閉上眼睛想快快入睡。他一隻手被若水的身軀壓住，另一隻手即僵直的攤在床上。龔經理果然是正人君子。

可能因為折騰了一天，他倦得很快入睡，酣然入夢。

龔燁從未試過這樣安心的，睡在一個人身旁。

也許因為，那人就是雙下巴天使。

（待續）

P.S. 如果想睇啲過甜嘅劇情，我諗呢個故會令你失望啦樓主始終覺得佢地唔適合太激情嘅戲碼一黎我唔識寫，二黎好似褻瀆左佢兩個咁都係小學雞式打打鬧鬧嘅甜適合佢地多啲

恰到好處

睇到係電視未睇到嘅修成正果工水
幻想到好多次工水點表白 希望不久之後係電視都睇到

日常輕輕一推

最鍾意龔水嘅日常小學雞式打鬧
睇嚟Macy又就快要出返嚟蒲下頭

閃到Macy 自動閃人!!!!