(龔水) ＜若躲不過燁緣＞

樓主呢個故真係好正，成日睇到我忍唔住甜笑
仲叫埋啲fd一齊睇添呀
加油樓主

多謝你幫我叫多啲人睇啦

因為有糖會激動啲
其實講得通嘅話，唔集集糖都ok架，寫內心諗法好睇 ，了解個角色多咗，加油呀！！

第六十章 <酒入愁腸愁更愁>

若水見龔燁久未回來，便乘電梯到樓下大堂晃晃悠悠，剛走了幾步，便聽到身後隱隱傳來熟悉的人聲。

她稍一駐足，轉身回望，遠遠就見Macy與龔燁在樓梯處不斷拉扯。Macy 硬要抱住他，黏在他身上那戀戀不捨的眼神，瞎子都能看得出來。若水躲在一旁，看得咬牙切齒，擔心龔燁也會眷戀Macy的溫柔鄉，無法自拔。

幸好，她最後目睹的是龔燁一手掙脫她的懷抱，頭也不回的離開，只剩下Macy在原地哭得梨花帶雨。那樣子，的確是有點我見猶憐，相信絕大部份男人都難以抗拒。

但死賤精並沒有令她失望，她登時鬆一口氣。

她靜靜尾隨著龔燁，回到宴會廳。

雖然聽不見他與Macy 聊的一字一句，但憑他掙脫她雙臂的那股力度，以及那銳利冷冽的眼神，她感覺到他心底正有一股躁動的情緒在不斷滋生繚繞。

他回到座位，熱情地為眾人斟茶添酒，像要掩飾自己的憋屈與愁緒。此刻的他，就如海面依舊平靜如鏡，但底下波瀾卻暗暗湧動，快要掀起軒然巨浪。

「今次傾得成單生意，大家都勞苦功高，我係到先自隊三杯為敬。」

「呀龔好野！」大家紛紛起哄。

席間觥籌交錯，歡聲笑語。

三杯乾過後，他再次添酒，又舉起了酒杯，準備要往嘴裡灌，若水立馬伸手阻止。

「喂，你飲左三杯啦，夠啦。」

「你估我係你啊？我出名係酒筲箕黎。」他臉頰微紅，眼眸深沉的看著她。

他拿著酒杯，像婚宴的主人家在滿場飛，逐桌逐桌與人舉杯暢飲。他雖與人言談甚歡，但神情卻隱隱滲出哀愁，想掩飾也掩飾不了。

約莫十時多，晚宴終於結束。龔燁已經喝了很多，醉得滿臉通紅，靠在座位上，不省人事。

「睇黎呀龔今晚真係好開心喎。」Rebecca 說。

「係囉，識佢咁耐都未見過佢醉成咁。」Ivan 和應。

Mandy 附在若水耳邊道：「明明上次頒獎禮你飲醉酒，他仲勁大聲咁鬧你。點知自己而家咪又係飲到咁。」

「佢有鬧過我咩？」若水吃了一驚。

「有啊，不過你個陣飲到咁醉，鬼會聽到咩。」

「呀龔係咪有渣車黎？」Rebecca 問。

「佢咁嘅款仲點渣啊。我落去截架的士，車佢番去啦。」Ivan 提議。

若水也自薦，「我陪埋你啦，多個人幫手比錢都好啊。」

「好啦。」二人將龔燁兩邊手臂，各自搭在自己的肩膀上。酒醉的他猶如一條軟皮蛇，完全將沉甸甸的重量都卸在他倆身上。

幾經辛苦，終於將他送返家。

若水在他西裝褲袋裡不住地翻，終於掏出一串門匙。

打開了大門，他倆行得踉蹌，合力將他移到沙發，狠狠地將他摔下，不禁鬆一口氣。

「嘩佢真係完全不省人事喎，一啲力都唔出下嘅。」若水額頭都滲出汗來，便用手拂掉。

「咪就係。Mary 啊咁我走先啦，唔阻你地啦。」Ivan 向若水挑挑眉，笑容竟帶點蠱惑。

「咩唔阻我地啊？講左去邊啊？」若水擰著眉頭，橫他一眼。

「心照啦大家。你好好照顧呀龔啦，我走啦。」Ivan 拋下一句，便急急打開門走了。

「喂搞錯啊，有冇義氣架你。」若水向著門口怒吼，也是徒勞無功。

她再轉頭，看著爛醉的他，也一臉茫然，完全無從入手。

她蹲下身子，俯瞰著他的臉。燈光映照下，酒醉的龔燁臉頰微紅，仍是一如既往的俊朗動人。昏睡著的他，眉宇間已不見凌厲，只摻雜了一點憂愁。她用手指輕輕摩挲著他的眉心，傻傻的想為他拂去一點愁緒，心中也有股酸楚湧了上來。

「到底咩事令你咁唔開心呢？」

（待續）

macy係咪收得皮
究竟醉酒啊龔會對阿水做啲咩

希望Macy帶俾工業的傷痛可以快D過去就好了

暫時收收嗱你唔好太多淫根

以為阿龔係扮醉 想呃Mary返屋企

佢會見到譚道德幫佢換衫抹身

長腳蟹離婚

希望戲裡戲外 呀蟹同呀水都可以真正搵到幸福
中意睇呢個故嘅你地 應該都好中意龔水呢pair
如果想支持呀蟹 希望你地會去佢ig留言同佢講聲加油

咩啊咪攬住講:mary我好愛你囉

但係啊龔冇去道德訓練營wor

許願劇入面接龍搞番個

考慮呢度搞一個
員工旅行

荷蘭農場

遲啲劇仲要拍長隆旅遊雜誌

日常輕輕一推

你個故都好貫徹Ivan花生友嘅形象

呀水三點式上陣 如果呀龔都有份去⋯

要貼近人設大家先睇得投入

去唔到睇到ig相都應該暈到一陣陣
如果龔水一齊去我唔介意睇stanley逐個旅遊景點介紹

第六十一章 <天使的懷抱>

也不知昏醉了多久，迷迷糊糊間，他感覺有一隻冰涼的手指，在揉著自己的眉心。他混混沌沌，努力睜開雙眼，在縫隙間隱隱看到一雙眼睛，在燈光暈染下摻著碎光，也怔怔的望著他。

「你醒啦？」一把輕柔的聲音在他耳畔響起。

「啊，我個頭好痛。」龔燁恢復了些意識，敲著頭沉吟。他頭痛欲裂，疼得像有人在裡面亂槍掃射。

「緊係啦，你飲咁多。」若水緩緩扶起他，他仍然是渾身無力的攤坐在沙發上，陣陣暈眩感覺朝頭部不斷襲來。

「我去攞條熱毛巾比你。」

他一手拉住她道：「咪住，我有啲想⋯嘔。」

「下！你唔好嘔係到啊！扶你入廁所先好嘔。」

若水弱質纖纖，花盡全身力氣才成功將他扶到洗手間。

關上門，他就用雙手撐住洗手盆，不住地吐著。酒喝得太多了，胃裡一陣翻湧，幾乎將剛剛吃過的東西統統吐了出來。若水還是第一次看到他如斯狼狽的樣子。他一邊吐，若水便一邊輕拍著他寬而厚的背。

「話左你架啦，係都要飲咁多。」

他扭開水龍頭，洗了把臉，漱過口，別過頭看著她道：

「你有資格話我咩？你好似係我面前都醉過兩次喎。」他不禁揶揄。

「咩姐。咁你男人老狗點同我啊，又會咁弱雞咁易醉嘅。」

龔燁垂頭不語。

「點啊，咩事要借酒消愁？」

「冇啊。傾得成生意，太開心咋嘛。」事到如今，他還在掩飾。藏在眼鏡背後的雙眼，卻如實出賣了自己的主人。

「而家得我地兩個，唔好再死撐啦。我明明睇住你見完Macy番黎就咁，佢究竟同你講左啲咩？」

他一怔，「你咩都睇到哂？」

「我仲睇到你推開佢添，總算你冇令我失望啦。如果你夠膽繼續比佢攬住，你會死得好慘。」若水睜大雙眼，狠狠的瞪著他。

他唇畔微勾，眼神迷濛的看著她，「乜你對我真係咁冇信心咩？」

「唔係⋯我係對自己冇信心姐。Macy 又靚又叻，又溫柔⋯」若水微微垂下頭來，嗓音也愈變微弱。

她那沒自信的模樣顯得份外可愛，龔燁忍不住湊近她臉孔，從下往上打量她道：

「唔係啊，你都好靚啊，係叫人食蕉連皮呢方面你都好叻啊。」他不禁嗤笑出聲。

若水用力跺他一腳，「係啊，食蕉連皮啦你。」

被她跺了一腳雖然痛，他卻甜在心頭，「好啊，食一世都願。」

二人目光再次對上。四目極近的凝視，龔燁再也忍不住俯首吻她。

這是他倆的第二個吻，比第一個來得更熾烈，更深入，更綿長，猶如熊熊烈火衝擊著二人大腦。他倆閉起眼睛，細味著彼此的呼吸交纏，吻著對方的每一寸靈魂，時間彷彿也靜靜凝止。

吻了一會，龔燁才捨得鬆開，再用鼻尖蹭著她的鼻尖，二人額頭相抵，甜笑著凝視彼此。

若水臉上仍隱隱泛起紅霞，再開腔問：「你都未答我，咁你頭先究竟咩事咁唔開心？」

他頓了一會，答道：「你知唔知點解Vincent 忽然肯比番單生意我地？」

「點解啊？」

「因為Macy 去搵過佢。」

「佢兩個咩關係啊？點解Vincent 會聽佢講？」若水一臉迷惘地問。

「一匹布咁長喎，你肯唔肯借對耳仔比我先？」

「講幾多都借。」

若水簡單一句，恰如一陣暖流在他心頭蕩過。

他微微一笑，「坐啊。」

他倆坐在浴缸邊緣，龔燁徐徐道來：

「知唔知點解係上海個晚，我知你去左Vincent 到，我會咁緊張？」

「因為你驚Vincent 會唔知對我做啲咩？」

「嗯。同埋我唔想又一個女人為左我有事。」

「Macy⋯曾經有事？」

龔燁續說：「大學個陣，我啊爸因為生意失敗，差人周身債。個陣有朋友介紹左Vincent 比我識。佢係有錢仔，有個俱樂部，我個陣就係去左做part-time 賺錢還債。Macy 想幫我，就跟埋我去，跟住就識左Vincent。」

「佢背住你同左Vincent 一齊？」

「都唔算一齊嘅，只係發展一種不可告人嘅關係。」

「下⋯點樣不可告人法？」

「有一日，Macy 突然比左一筆錢我，一次過就幫我還清筆債。我問佢點解會有咁多錢，佢話係跟朋友買股票賺番黎。起初我都冇懷疑，直至有一日撞番Vincent，佢突登黎潤我，我先知。」

他的說話太過令人驚詫，若水頓了一會才消化過來，再嘗試推敲，

「咁可能…佢個陣真係太心急想幫你還債？」

「除左幫我，佢都想幫自己。Macy 由細到大嘅心願都係過美國讀書，去MIT需要好多錢。Vincent 一向都對佢有意思，想乘機比一大筆錢佢，就可以係我手上撬走佢。有一晚，佢俱樂部有個wine tasting 活動，搵左Macy 陪佢去，之後嘅野⋯你都估到啦。」

他說出淤積於心底裡多年的話，頓覺身子也輕了許多。

「所以你一知Vincent叫我去wine tasting, 你就發哂癲咁黎搵我？」

「嗯。我好驚你比佢灌醉，又會出事。」

「就係因為咁，你個陣頒獎禮一見我飲到咁醉，就大聲鬧我？」

他微微一愣，「點解你會知我鬧過你？」

「Mandy 同我講嘅。」

他輕笑一聲，「係啊。我份人冇咩驚，最怕就係女人飲醉酒。一飲醉酒，又會出事。」

見他又想自責，若水搜腸刮肚想說幾句話來安慰他。

「其實都唔關你事，呢個係Macy自己嘅選擇，你唔好咩都攬哂上身啦。」

「但我每次諗番起，都覺得自己有今時今日，都係因為我間接推個女朋友落火坑而換番黎。」

「傻啦，你都冇諗過Vincent會係啲咁嘅人黎架嘛。如果你知，你一定會阻止佢去。」

「係，所以我個陣真係好驚你會有事。」他眼眶濕潤，無力地吐出一句。

見他對自己如此著緊，她情不自禁摟住他的頭，將他臉埋於自己的鎖骨裡，緩緩摩娑他的髮絲。

她嗓音溫軟地道：「有你係到，我又點會有事。正如有我係到，我都唔會比你一個人去面對。」

二人相互靠倚，兩顆心緊緊相依。雙下巴天使的一個懷抱，足夠他抵禦外頭所有的風風雨雨。

（待續）

我都知我錯重點，但嘔完再錫我真係想像唔到
阿龔肯講心底話表示老懷安慰

btw 樓主文筆點解可以咁好

雖然個kiss可能有D重口味，但成篇文章都好甜的，加油。

請自行想像佢𠺘左口先