(龔水) ＜若躲不過燁緣＞

Pish

買定花生等後續

絲打好勤力日日都更新 真係句句都有聲
阿龔塞張單人相俾阿水，仲要佢放銀包好霸道
雖然我都想要

好奇問下預計有幾多章？

我都想
本身預60到 但係寫到興起可能會繼續 我都唔係好捨得完

咁希望絲繼續橋如泉湧唔好完

希望有拍拖番外篇睇

如果想橋如泉湧，咁樓主要買返個觀自在雙下巴天使擺吓先得。話晒在沒有龔水或總監大人花式自殺的日子，我們都靠你嘅文章來止渴

會努力供水

第三十五章 <學習溫柔>

彈珠臺會議室

燈光調暗了，唯一的光源來自大屏幕。會議室內人人屏氣凝神，目光聚焦於同一地方。這次是朱生正式與所有同事一同觀看新鮮滾熱辣的招聘宣傳片。

影片播放完畢，人人拍案叫絕，朱生首先揚聲稱讚，

「今次Macy 同呀龔應記一功，非常合拍，令到條片好有noise!」

Macy 坐在朱生旁邊，接收著所有人讚嘆的目光。她是公關部頭兒，這條宣傳片的主要創作概念及方向，都是她與部門上上下下經過多番商討的心血結晶。

「你過獎啦朱生，都係production house 拍得好，同埋多謝呀龔咁配合。」

Macy 望向龔燁，兩人目光在空中交錯，很快又各自轉開。

「條片出左兩個星期到，已經吸引左好多application 啦。」Helen 報喜道。

「反應咁熱烈，咁Application 幾時截止？」

「過年前就會截啦。」

「好，辛苦哂人事部嘅同事啦。講開過年，今年公司團拜我打算年初三係我山頂別墅搞，大家記住留番嗰日，唔好約人啦。」

大家登時一片歡呼，齊聲說好。

會議後

Mandy 湊到若水耳邊呢喃：「朱生間山頂別墅呢聽聞係全港最貴十間豪宅之一黎架。」

「真係？我咁大個女都未去過山頂豪宅架，山頂纜車我就搭過姐。」

「朱生咁有錢呢，我諗佢個日派利是都會好疏爽姐。」

「正，你估有冇四位數字呀嗱，我睇啱左對鞋想買好耐。」若水眼睛驟亮。

「快啲買啦，新正頭要踩小人啊！」

「你啱，不過似乎都冇乜小人係我地身邊姐。」

「就算冇小人都要踩走哂啲情敵啦，你都想新一年有桃花架。」

「唉，呢啲嘢都係隨緣啦。」

「隨咩緣啊，幸福要靠自己爭取架，喂話時話，你送比佢棵富貴竹，有效未姐？」

「唔多覺有咩用喎。」

「好心你咪成日同呀龔鬥嘴啦，你係對人有嘢嘅，就唔該溫柔少少。」

「我都控制唔到架，有時佢串我一句，我就忍唔住窒番佢十句。」

「唉你有啲危機感先得架，你睇到幾多女同事圍住佢個牌影相就知啦，而家連個ex都入埋同一間公司，佢比人搶埋呢你唔好後悔。」

「咁係你就係你架啦，邊有得爭架姐。」

「你再係咁唔嗲唔吊，儲定錢買姑婆屋啦。」Mandy 狠狠逸出一句，便離去。

午膳時間

午膳時間的麥當勞人頭湧湧，繁忙的上班一族爭分奪秒，大多湊合地咬兩口漢堡包就趕回公司繼續拼博。

是日的若水也是如此。

但她不愁寂寞，排在付款隊伍前的幾個正是龔燁。

「龔燁！」若水沒想過堂堂市場部經理居然也如此愛吃廉價麥當勞，上次才當場逮到他咳到天花亂墜仍在吃薯條，今日又在此碰到他。

「媽呢空？你都黎食m記？」

「趕住番上去做嘢呀嘛，是旦食啲，你呢？」

「我陣間都有個會要過九龍開，得番幾個字咋。」

「先生，想食咩？」櫃檯的收銀員打了岔。

「比個魚柳包餐，加大薯條，可樂。」

「咪住先，我好似聽到你呢排又咳番喎。唔好啦，比個漢堡包餐，可樂，轉粟米，要兩份啊。」

龔燁不禁竊笑：「媽小姐，連我食咩都要管啊？」

「我廢事你病左啲嘢要我幫你跟咋。」

龔燁眼中的笑意未褪，道：「你去霸位啦，我攞餐。」

若水選了角落的二人位坐下。

「食得啦。」龔燁捧著餐緩緩坐下。

若水咬了兩口漢堡包，問：「係呢，你陣間要開咩會？」

「同曹總傾下上架啲細節咋嘛。」

「曹總唔係Jason 嗰team跟開架咩？」

「原本就係嘅，不過我彈左另一個大客比佢地傾，我咪幫佢地跟呢單。」

「就係做洋酒批發嗰個客？」

「係啊。」

「個單大生意黎架喎，傾得成嘅話朱生一定好睇重我地team, 點解要彈比佢地？」

龔燁遲疑了一會，用吸管戳了戳可樂裡的冰塊，道：「私人理由。」

他垂下視線，不願再多作解釋似的，若水也識趣沒再追問下去。

他繼續戳著冰塊，一時失神，將整杯可樂翻倒，滿枱都是黑褐色的液體，沿著桌邊一直流到若水白色的襯衫上。

若水滿腦子髒話已到了嘴邊，但轉念一想，Mandy 今早才奉勸她要溫柔大方一點，便強咽了回去。

「Sorry 啊。」

「唔緊要，你冇心架嘛。」若水強擠出一個虛偽的笑容，拿起紙巾極速印著黏糊糊的可樂。

話音剛落，龔燁轉瞬間已奪過她手中的紙巾：「等我黎啦。」

他垂著頭，用他骨節分明又修長的手指，小心翼翼地一下一下印走襯衫上的污跡。他頭湊得很近，眉目間透出冷凜的英氣，若水從未覺得他是如此雋秀動人。

「今日少有喎，整到你咁都冇叫我食蕉連皮。」龔燁抬眸凝望著她，咧嘴一笑。

「乜我係你心目中真係咁惡死咩？」

「唔惡就唔係媽呢空啦。」

「食蕉連皮啦你！」

「嗱，都話你會忍唔住鬧呢句架啦！」

「你有心裝我嘅！」

媽呢空，當個溫柔女人這學問，怕你永遠學不來。

(待續)

push

推

睇到好緊張呀

推

屌樓上老母

快啲一齊啦 特別係正劇

樓上講故台盡量唔好quote文呀

Lm

G持G持

輕輕一推

再輕輕一推
等更新

唔惡就唔係媽呢空啦
好鍾意呢句
係mr cheap面前媽呢空可以展現自己最真一面
mr cheap亦會展現自己最抵死一面
鍾意依種冇隔閡關係（咁就唔怕拍拖前後兩個樣啦 ）

媽小姐唔適合行溫柔路線

第三十六章 <爛賭水重出江湖>

今年的農曆新年來得特別早，聖誕節剛過去，一轉眼又到春節。

年初三，彈珠臺上下浩浩蕩蕩出發到朱生的豪華山頂別墅拜年。龔燁今日一身紅色格紋西裝內襯白色冷衫，耀眼奪目之餘又有賀年氣氛，他還摒棄了一貫的金絲眼鏡造型，換上了隱形眼鏡。

「嘩你做乜唔帶眼鏡啊？」若水感詫異。

「未見過呢，有冇比我電親先。」龔燁一雙漆黑瞳仁正看到她眼睛裡去。

「我淨係見到個好大嘅黑眼圈同眼袋咋喎。」若水回瞪他。

「赤口流流係咪想撩交嗌啊？」

「唓，你兩個平時都係咁架啦。」在旁的Mandy 不禁失笑。

別墅座落於山頂歌賦山傳統豪宅地段，背靠翠綠山嶺，可將浩瀚的維港景致盡收眼底。

一入門口，個個紛紛熱情地向朱生送上祝賀。

「恭喜發財啊朱生！祝你生意興隆！賺個盆滿缽滿！」

「彈珠臺生意蒸蒸日上！」

「萬事勝意，身壯力健啊朱生！」

同事們個個絞盡腦汁，施展渾身解數，務求逗得朱生眉開眼笑，多派幾封利是。

「多謝賞面！入黎隨便坐！」

一入門口，兩層挑空的屋頂上墜下偌大的水晶燈，顯得格外堂皇。門口左側就是開放式廚房，長方形的酒吧枱可圍坐十多人。飯廳設於廚房旁，大圓餐枱也可供十多人用餐。毗鄰飯廳的一區則是品酒區。全屋以雲石牆身裝潢，氣派十足，客廳一室古董絨毛梳化，予人份外瑰麗豪華之感。

大家輪流取過利是，朱生便道：「新年一定要開賭局，今日我做庄，預左派錢比大家，你地放馬過黎！」

大家移師到大廳。朱生拿出一大疊鈔票，看得眾人雙目發亮，口水直流。

「玩下大細先啦！買定離手！」朱生舉起骰盅猛搖。

「第一舖點都要買大嘅！就大啦！」若水押下五十元。

「好，我跟你！」龔燁隨即道。

「一二三，六點小啊！通殺！」

「第一舖就開細！唔得，繼續買大！」若水押下一百元。

「嘩你一黎就玩到咁大，因住陣間輸死你啊！」龔燁調侃道。

「我啋過你啊！乜你冇聽過霹靂無敵Double 大法咩？」

「聽過，上一舖輸嘅就要買double 贏番番黎呀嘛。不過我驚你咁買法，輸哂份賭本都未贏到番黎。」

「新正頭係都要輸輸聲架喎你！你放長雙眼睇啦！」

連開幾局小之後，終於開大，若水一次過將先前押下的賭注贏回來。失而復得的感覺，真好。

「睇到未啊？都話我個方法work架啦。」若水挑起眉梢，得意忘形地數著鈔票。

「服左你啦。你一埋到賭枱真係成個爛賭樣出哂黎啦爛賭水，因住嫁唔出啊。」

「講咩啊你，新年流流咒我！」若水狠狠地小捶了他兩下。

Macy 在賭桌一隅，一直觀察著二人不停地竊竊私語，打打鬧鬧，一股嫉妒不安的感覺向心頭襲來。

於是，她走過去搭腔：「呀龔 Mary，點啊贏好多？」

「又唔係好多，少少斬獲咁啦。」若水笑道。

「大細係易買過魚蝦蟹嘅，叫做有啲路捉。」

「Macy 你都有研究？」

「研究唔敢當，只係如果我地齊心，都可以煲到個庄。」

「點樣啊？」

「呀龔，記唔記得我地中學個陣，夾埋成班人一齊淨係買一邊，最後輸到Peter 攤攤腰啊？」

「記得，總之一開始落注就輕手啲，輸左就double，贏左就輕手番，最後真係夾手夾腳贏哂佢啲錢，挫哂佢啲銳氣。」

「如果我地咁樣去賭場玩，一定比人趕出黎。」Macy 咧嘴一笑。

「直程比人打橫抬出黎啦。」龔燁也被Macy 逗笑了。

「係啊，Peter佢地都搵過我，話想新年搵日出黎聚下，預埋你架啦。」

「好。」

「仲有你知唔知，Shirley好似就結婚啦。」

「係咩？咁快？」

⋯⋯

他們一直談笑風生，一時聊中學同學的近況，一時又聊以前中學發生的趣事，若水根本無法搭腔，只好慢慢退回一邊。

「Mary, 我地想打牌要湊腳啊，你快啲過黎啦！」

「哦好啊。」

若水轉身離去，眼角餘光仍瞥到他倆聊得興致盎然。

他們舊有的愛情，到底是已經畫上了句號，抑或只是沒完沒了的逗號，繼續延續下去呢？

(待續)

Macy你幾時先走呀 唔好阻住龔水啦