(龔水) ＜若躲不過燁緣＞

日常輕輕一推

違者食蕉連皮笑死
勁小學雞

今晚

多謝絲一次過追哂應該好爽

係你個名
佢兩個不嬲都係小學雞

小學雞先係佢哋兩個最正確嘅日常相處

咁樣好似睇文字版既愛回家
睇落都唔錯
愛回家出書有冇得諗
每一集一個小故事

如果佢出 我都好想睇啊
細個係圖書館見過唔記得係真情定皆大歡喜嘅書本版

等文等文

推

第五十六章 <媽呢空的隱藏身份>

飽餐一頓後，龔燁駕車載若水回家。

轉瞬便到熊家樓下，龔燁下車，為她打開車門。

「話咁快就到添，不如我地去附近行多陣？」第一次與媽呢空約會，簡直難離難捨。龔燁輕捏著她如軟玉的雙手，依依不捨地問。

「你去隔離公園等我啊，我有啲野想送比你，要上去攞。」

「正式拍拖嘅禮物啊？」龔燁眼眸微染笑意。

「可以算係啦。」

「對我咁好？」他寵溺的摸摸她頭。

「不嬲都好架啦。」

「咁我係到等你，一齊行過去啦。」

過了一會，若水攜著一個大袋下樓。

「咩黎架？」龔燁想探頭一窺。

若水急忙用手掩著，「陣間你咪知囉。」

繁星點點，靜謐的點綴夜空。

公園裡夜色漸暗，樹影婆娑。他們手牽著手，沿著一條蜿蜒的小徑，走得不急不緩，來到了一片空曠的草地，便停下步履。

「嗱，送比你。」若水雙手遞上袋子。

龔燁一窺，臉色已是一愣。他慢慢取出模型盒，眼神帶點湧動的看著她問：

「點解你會知我搵緊呢隻絕版星矢架？」

「我去左問模型舖老闆呀嘛。」

他再打開模型盒，驚見模型已經砌好。

「小心啲拎出黎啊，砌好左架啦。」若水不忘叮囑。

「邊個砌架？你砌架？」龔燁眼睜睜的盯著她問。

「係啊，勁呢。」

「你點會識砌架？你又話唔玩模型嘅？」他繼續追問。

她流露出得意的神色，「我熊若水咁冰雪聰明，有咩係難到我架。」

他皺著眉看著她，神情依舊是不相信。

她只好坦白：「其實係我琴晚去左上模型舖個模型班，個老闆教我，我咪識囉。」

他一聽，表情有點動容，「唔怪得之你今朝咁攰啦，你砌左成晚？」

「係啊。想趕起今日比你呀嘛。」

「點解要咁趕？」

「咁今日我地第一次出街，我又見你比朱生柄囉，咪想氹下你開心囉。」

平日沉斂冷靜的龔燁，完全被她的話打動到了。他眼中微波流轉，幽幽的凝視著她。

就在二人目光交錯的一剎，有一雙手，環過她的腰，從後方輕輕抱住了她。夜風徐徐，二人靜靜相擁而立，身軀緊貼，她能感覺到他胸膛的溫度，恰如一股暖流蕩過，將他倆連在一起，永不分離。草地上映出的，是兩道緊緊相連的影子。

「多謝你啊，媽呢空。」

若水笑而不語。

他將頭倚在她胳膊上，再柔聲在她耳邊低語：「其實，你已經係我最好嘅禮物。」

她掙脫他的懷抱，粗聲粗氣地道：「早講呀嘛，咁我唔駛砌得咁辛苦啦！」

聽到如斯綿綿情話，正常女人不是已經深受感動，哭得梨花帶雨嗎？熊若水，果真有別於一般女人。

龔燁哭笑不得，「點辛苦法啊？」

她撇撇嘴在抱怨，「我砌到差啲變鬥雞眼啊，啲gel甲都搞到崩哂啦，好貴架！」

他執起她雙手，輕輕摩挲她纖纖十指，再溫柔的往手背上落下一吻。

「咁有冇好啲？」

他憐惜的吻令她甜入心坎裡，她淡淡的笑了。

二人對視了數秒鐘，他再開腔問︰「知唔知點解我咁想搵到呢個模型？」

「點解？」

「呢個模型，係當年我呀媽應承買比我，做我十二歲嘅生日禮物。可惜到最後，佢都係走左，冇兌現到承諾。」他漆黑的眼眸裡映著細碎的光，隱隱摻雜點哀愁。

若水惻然，主動牽起他雙手，用她澄澈如水的眼睛凝視他雙眼道：

「咁你嘅心願，以後就由我黎幫你達成啦。」

他不由失笑，「咁你即係要我當你係呀媽啫？」

「咩呀媽啊？我唔要啊！」若水又被他惹怒，輕輕小捶了他兩下。

「媽呢空，都係有個媽字啫。唔駛分得咁清楚啦。」

「死賤精，媽你個頭啊媽！叫到我老哂！」

「嗱你唔好咁暴力啊下！」龔燁擺擺手，逐步逐步往後退，若水又開始對他窮追猛打。此刻的畫面，根本就是兩個小學生在公園嬉戲打鬧。

原來小學雞式的愛情，放在兩位職場強人之上，是可以毫無違和感的。

媽小姐，他的心門已經為你敞開，而且只為你一人。

以後就請你兼任母親的角色，走進他的心房，讓愛幻化作一針一線，好好縫補他內心一道又一道的裂痕。

（待續）

甜到漏啊佢兩個都係行小學雞路線走唔甩

送左個模型了，很窩心的媽呢空 。

推
推
推

幾感動都好 最後都係打交收場

小學雞先係龔水style
睇住佢哋一時sweet一時鬥氣令人會心微笑 ，幾時到正劇都有呢啲場景睇

今年內會有啦掛靜心等待中

新人留名
一次過追曬真係貼到漏油
期待樓主更新

甜到仆街

糖尿

如果正劇龔生肯得閒講下自己野就好啦

第五十七章 <藏不住的戀情>

龔燁一早回到辦公室，便將若水親手砌的星矢模型置於案頭，倘若以後她不在，都可以見模型如見其人，以解相思之苦。從房中的玻璃窗瞥見她正在埋首工作，他又忍不住撥電話召她進來。

他拿起話筒，飛快按下幾個鍵，道：

「喂，媽呢空？」他甜笑著看出房外。

「又點啊，龔經理？」她瞄向他，也回以一個淺笑。

「冇，你棵富貴竹話掛住佢個女主人，想叫你入黎淋下水姐。」

「淨係棵富貴竹掛咋？個男主人呢？」

「你咪入黎親自問下佢囉。」

一大清早的曖昧對話，特別令人精神抖擻，心曠神怡。掛線後，若水拿起灑水水壺，另外再隨手取了幾份文件作掩飾，便叩門進房。

「點啊，龔經理？」

「冇啊，想見下你咋嘛。」

她行近他桌，發現自己親手砌的星矢模型。

「咦，帶左個模型番黎啊？」

「係啊。掛住你個陣咪可以睇下囉。」

若水斜他一眼，上揚的嘴角卻出賣了她，「又係到口花花。」

「我口花花代表我心情好。我陣間就可能冇咁嘅心情架啦。」

見他語氣驟變，她便緊張問︰「做咩事啊？」

他神色一黯，道︰「下晝朱生又call齊全公司高層開會，今次都睇怕係要公審我。」

「就係因為冇左Vincent單生意？」

「係掛，唔係做咩要call齊人，可能係想當眾將我跟緊嘅project都過比Jason。」

若水頓時擔憂不已，「咁嚴重？咁你經理個位會唔會坐唔穩架？」

「我都唔知架，聽天由命囉。啊啲人話情場得意，職場失意，原來係真架喎。」他的笑有點苦。這話雖說得平靜，卻難掩他內心的酸澀。

若水不禁暗忖，「死啦，佢一同我一齊就搞成咁，唔通係因為我地水火不容，我剋住佢？」

見她突然呆滯，不發一言，龔燁便在她面前晃晃手，「喂媽小姐，又發咩吽逗？」

「冇啊，我諗緊⋯點樣安慰你咋嘛。」

「想安慰我啊？好簡單姐。」

他站起來，走到門前，「咔」一聲反鎖了門，再一手將玻璃窗前的百葉簾拉下。

見到他的舉動，若水片刻凝滯，睜大眼盯著他問：「你想點啊？」

他逐步行近她，突然將一雙臂牢牢圈在她腰間，不讓她有絲毫逃脫的機會，再低頭在她唇上輕輕一啄。這一個早安吻猶如蜻蜓點水，只是淺嘗輒止。

「嗱，咁樣就安慰到啦，幾簡單？」

若水立即舉目四顧，掩著嘴唇道︰「死賤精！呢到office 黎架！」

「怕咩姐，我呢到又冇CCTV，唔驚鐵面陳會睇到架喎。」

「出面班卡啦蘇可能會突然之間入黎搵你架嘛！」

「我都鎖左門啦。」

「咁仲死！無啦啦鎖門，佢地實以為我地唔知係到做咩啦！」

他再湊近她，眼神帶點狡黠，「會做咩啊，你覺得會做啲咩？」

聽到他漸趨過火的調戲，她臉上都泛起一抹緋紅，立馬用手抵著他胸膛，嘗試拉開距離道︰「唔知啊！我要番出去做嘢啦！」

「喂你男朋友陣間要去受靶啦，你陪多我一陣都得掛？」他再次圈緊雙臂，撇撇嘴問道。

平日桀驁不馴的龔經理竟然都有向她撒嬌的一日，簡直世界都變天，弄得她心都軟了，「一陣好啦！出面班卡啦蘇會懷疑架！」

「佢地邊有咁挑通眼眉啊…」

另一邊廂，好管閒事的Mandy 與 Ivan，一見若水步入龔燁辦公室，眼睛已再也離不開監視著房內情況。他倆怔怔的親眼目擊平時永遠保持開揚的龔經理辦公室，窗前的百葉簾竟突然被拉下，不禁面面相覷，泛起一個笑得蠱惑的笑容。

「睇黎公司又有一pair新情侶要誕生啦。」

「係囉，好心佢地就咪咁心急，呢到公司黎架，有咩番屋企先做啦。」

「唉真係世、風、日、下！道、德、淪、亡啦！」

（待續）

甜到 完全係有畫面

可以長多小小就好了

咦，我係咪錯重點，我竟然focus喺好擔心阿龔－陣開會唔知點，Macy都係高層，佢會唔會因為知道咗Mary同阿龔－齊對阿龔落井下石架？朱生會唔會架空阿龔架？好擔心啊！

譚道德客串