(龔水) ＜若躲不過燁緣＞

洗頭水絲點解仲未出㗎狂㩒F5中

佢可能去左中環
我都等緊

Sorry未番到屋企 夜啲出

以為今晚冇

未等到 唔訓住

第六十八章 <可憐小男職員的小學雞報復>

若水從貨倉出來後，到洗手間洗了把臉，平伏情緒。剛才公開認愛實在是太丟臉，這應該是她活了二十多年來，第三次想掘個大洞將自己埋藏起來。

而且，三次都與龔經理有關。

她心不在焉，無心工作。回到座位發了一陣子呆，Mandy 便過來搭訕。

「點啊，琴晚計劃成唔成功？」

若水用手支住額頭，苦惱道：「唉唔好提啦。我係嚇到佢，不過搞著自己呢！琴晚我地兩個比馬漢鎖左係貨倉一晚，今朝先出番黎咋！」

「下，咁你地有冇…擦槍走火啊？」

「火你個頭啊！我而家就真係火都黎啦！」

Mandy 掏出手機，語氣驟然低沉，「我諗你睇埋秘密網嘅話，你會更加火。」

若水一愣，「咩事啊？」

「有個叫可憐小男職員嘅人，啱啱出左個post, 爆料話有個女下屬暗暗傾慕男上司多時，琴晚白色情人節終於情難自禁，困左男上司係公司貨倉一晚，仲公開示愛。邊個周圍唱你啊？」

「唔係呀嘛？呢件事得龔燁同保安部知架咋喎！」

Mandy 細心分析，「鐵面陳咁口密，佢唔似會做啲咁八婆嘅嘢，周圍唱你喎。」

「唔通係王朝馬漢？」

「咪住先，會唔會係呀龔嬲你用死曱甴嚇佢，所以專登出post 整蠱番你啊嗱？」

若水感難以置信，「唔係掛，死賤精咁趕盡殺絕？」

「唔出奇啊，你話過佢成日都想公開架嘛。佢呢啲職場強人，爬得愈高個心就愈壓抑，絕對有可能做埋哂啲小學雞嘢黎發洩啊！」

「咁點先查到係咪佢啊？」

Mandy 翻了個白眼，「小姐啊，你而家係佢女朋友黎架，要check佢電話有幾難啊？」

「你又啱喎，咁我而家即刻去約佢食lunch先！」若水迅即站起來想衝去龔燁辦公室。

「喂咪行住啊，你睇下自己先啦，仲係著番琴日套衫。你咁樣係公司行黎行去，一定穿煲啦。快啲躥落街買過套衫先好番黎啊！」

若水一瞟自己衣著，頓時醒覺過來，「係喎。Mandy, 你真係我軍師黎！最醒係你啦！」

她激動地摟了Mandy一下，便心急火燎的衝去買新衣服替換。

午膳時間

若水照原定計劃，約了龔燁到公司附近的咖啡廳午膳。

龔燁挑眉問：「媽呢空，約我黎呢間食飯，唔驚比同事撞到咩？」

「咁我今朝都公開認左啦，比人撞到都無所謂嘅。」

他露出個老懷安慰的笑容，「你一早識咁諗咪好囉，拍拖拍到偷偷摸摸咁，有乜謂呢。」

「都係嘅。係啦，你有冇睇今朝秘密網個熱門post? 」若水嘗試探口風。

他佯裝不知情，「秘密網？我成朝都勁忙喎，仲邊到得閒睇啊。 」

「今朝有人係秘密網出左個post, 話有個女下屬係白色情人節情難自禁，困左男上司係公司貨倉一晚，仲公開示愛。係咪你出架？ 」若水怒瞪著他質問。

「痴線，我邊有咁無聊啊。我不嬲係秘密網都係CD-rom黎架咋。嗱唔信，我比部電話你check下啦。」

龔燁乖乖遞上手機，若水立即打開秘密網應用程式仔細翻查，發現他的確沒有登入記錄。

「真係唔係你？」若水再抬頭打量他的神情，仍疑心重重。

「都話唔係囉。唉成部電話比你慢慢check啦，我去個廁所先。」

龔燁步進洗手間後，立即從西裝外套暗袋掏出另一部公司專用手機，登出秘密網帳戶。

他登時鬆口氣，「好彩佢醒唔起我有第二部電話姐。」

另一邊廂，若水繼續抽絲剝繭地翻查。此時，他手機突然響起，屏幕顯示的是…Tree Gun？

若水感愕然，「呀爸打比佢做咩啊？」

她一接聽，樹根便道：「喂，呀龔啊？」

「呀爸？你打比龔燁做咩啊？」

「咦二妹，點解係你聽電話嘅？哦，你地撐緊枱腳啊？」樹根一聽見若水接聽龔燁電話，便覺他倆關係匪淺，立即嘴角上揚。

若水急忙掩飾，「咩啊，我地成班同事食緊lunch咋嘛。佢去左廁所啊，你搵佢做咩？」

「上次呀龔幫我參加旅行社抽獎，抽中左啊，我想請佢上黎食餐好嘅多謝佢。」

「下，真係中左？」

「係啊，有免費澳門船飛酒店啊。橫掂都係，你搵晚就帶佢上黎食飯啦，等我煮啲鮑參翅肚佢食下。」

「哦，咁我同佢講啦下。」

掛線後，龔燁便從洗手間回來。

「喂，頭先我呀爸打比你，話想請你上我屋企食飯。」

「下，Tree Gun想請我食飯？」

「係啊，佢話上次你幫佢填form抽獎，真係中左免費澳門船飛酒店啊，所以佢話要整啲鮑參翅肚比你食，多謝你囉。」

龔燁將身子挪近她，甜笑問：「咁我係咪即係可以正式用男朋友嘅身份上你屋企食飯啦？」

若水微微一笑，「我叫得你上黎啊，佢地都估到啦。」

他有點心灰意冷地道：「唉，估唔到第一次正式上你屋企食飯，竟然唔係你叫，係要Tree Gun 請我。」

她撇撇嘴，「都係一樣姐，最多我整番樣拿手小菜你食啦。」

經過昨夜一事，現在若水說些甚麼，他都覺得內裡有陰謀。

他不安地問：「你唔會又係想整估我呀話？」

若水斜他一眼，「唔信我你咪唔好食囉！」

龔燁，昨夜若水的惡作劇只是小兒科，更大的考驗正在前面等你呢⋯

（待續）

睇嚟我之前許嘅願即將成功
邊個叫你咁小學雞出post 仲要用部水水唔記得咗嘅電話
等睇小學龔點拆招同埋同大家姐正式見面

係咪同john一樣用第二部電話扮晚孃

真係好小學雞

明明兩個都好小學雞 但睇得好開心

睇下小學龔點應對Tree Gun暗黑料理

最中意睇/寫佢地互撚

日常輕輕一推

掛住loop 534同睇返之前咁多集龔水唔記得入嚟推添
互撚小學雞日常真係好好睇

可以係情人面前做番自己真係好正
支持小學雞couple

第六十九章 <鹽焗雞恐懼症候群>

龔燁快將應樹根邀請，上熊家吃飯。若水隆重其事，一下班就到街市買新鮮雞，準備回家好好鑽研鹽焗雞做法。

這天，她又在街市賣雞攤檔碰見食屎陳師奶。

「咦，你又黎買雞啊？琴日先見完你。」陳師奶好奇問。

「係啊陳師奶。係喎，上次你咪攞左隻鹽焗雞上黎嘅，好好食啊，你係咪有咩秘訣架？」

陳師奶得意道：「鹽焗雞係我拿手小菜，都叫做有啲心得嘅。」

若水碰見救星，喜上眉梢，「咁就太好啦！唔知點解我整極，啲雞皮都唔脆啊！」

「你係咪冇用滾水淥下啲雞皮先攞去焗啊？」

若水驟然醒覺，「乜要架咩？唔怪之得我焗極啲雞皮都係淋啦！」

「緊係要啦，淥過啲雞皮先又脆又嫩架！」

「陳師奶你真係我救星啊！等我陣間番去攞幾枝豉油落黎當多謝你啦！」

言畢，若水趕忙歸家。她躲在廚房，依照陳師奶的秘訣繼續鑽研鹽焗雞的做法，務求做出一道無與倫比的鹽焗雞，令龔燁眼前一亮。

樹仁步經廚房，好奇探頭進內，看見若水又在做鹽焗雞，不禁皺眉發牢騷道：

「呀水啊，今日已經係我連續第五日食鹽焗雞啦。你咁樣，我就黎有鹽焗雞恐懼症候群架啦！」

她低著頭將鹽均勻地塗抹在雞身上，答道：「咩姐，咁鹽焗雞咁好食啊，食多幾次都唔怕啦！」

「幾好食嘅野都有厭嘅一日啦！呀水啊，求下你放過我個胃啦！」

她轉身睨著他，一句回敬，「咁你對左David咁耐又有冇厭啊？」

「啊邊有得咁比架！其實你整番鹽焗雞呢，係咪因為嗰個呀龔就黎上黎食飯啊？你地開始左幾耐姐？」樹仁步近她悄悄問。

「呀叔啊，好心你男人老狗咪咁八啦。」

「我都係關心你姐，你被魚蛋基飛左之後終於有著落喎，呀叔真係好戥你開心架！」

聽見樹仁又在扭曲事實，若水心中瞬即升起一股惱火。

「呀叔啊，我講過幾多次啊，係我飛佢架，唔該你搞番清楚啦！」

「好囉。不過其實你已經整得好好食啦，我諗嗰個呀龔收貨架啦，你唔好再整啦！」

「唔係囉，琴晚我焗個隻雞啲雞皮仲係淋架。不過好彩我問左陳師奶個秘訣，我今次一定得架！」

樹仁見她冥頑不靈，不聽勸喻，只好放棄。

「唉我今晚都係出街食啦，我廢事再食鹽食到我腎病啊！」

樹仁離開後，又到安仔步入廚房。

「二姨，又整鹽焗雞啊？」

「係啊。」

安仔湊近她耳邊問：「你咁緊張整好隻雞，係咪因為嗰個呀龔就黎上黎食飯啦？」

「啊你個金城安，幾時變到咁八架，中學咁教你架？」

「咁個個都知二姨你一整鹽焗雞，就代表你有拖拍啦！上次我食已經係幾年前你同魚蛋基拍拖個陣啦！」

若水隨手拿起叉子指向他，「嗱我警告你啊，個日龔燁上黎，你唔好亂講野啊，唔係嘅話，我個個禮拜窒你食雞啊！」

「嘩我好驚啊，我的媽啊！」

尚善在客廳聽見安仔在高聲呼喊她，也走到廚房一看究竟。

「又咩事啊？」

「媽咪，二姨又整鹽焗雞啦！」安仔緊挽著尚善手臂，露出驚慄的眼神望著鹽焗雞，猶如在看恐怖片。

「唔係呀話，呀水，你顧下我地感受好喎！」

若水語氣篤定道：「你比我整埋今次啦，今次一定成功架！」

尚善鄙視的睨她一眼，「你琴日都係咁講啦。」

若水自信滿滿道：「我問左陳師奶秘訣架啦！今次一定得！」

尚善轉向安仔，嘆氣道：「唉你二姨冇得救架啦，今晚我一於同你出去食啦！」

「喂啊，你地一個二個出哂去，邊個幫手食啊！」

「食唔哂，你咪聽日打包番去比嗰個長毛食囉，反正你整乜佢都唔敢話唔好食架啦。」

尚善拋下一句，匆匆與安仔逃離廚房，以免腸胃再遭受鹽焗雞之害。

若水氣得直跺腳，「一個二個冇義氣架！」

正當她繼續埋首弄著鹽焗雞，啤啤就跑到她腳邊磨蹭。

她俯身摸摸啤啤的頭，「啤啤，都係你最好。你想唔想食雞啊？」

啤啤立即轉頭，露出個「狗也不x」的神情。

她鼓起臉頰，「連你都嫌棄我！」

金城安，你的啤啤可能有性命危險，請別急著離家啊⋯

（待續）

推

日常輕輕一推

我都好想食水水整嘅鹽焗雞
睇到好肚餓添

個個都走哂得返工水
Btw聽晚又有工水

連啤啤都有戲份

啤啤係今次嘅MVP

其他熊家人唔食最後係咪俾曬啤啤

第七十章 <熊家的暗黑料理>

應樹根的邀請，龔燁再次到訪熊家。為了第一次正式見家長，他今天打扮格外講究，頭髮吹高了幾分，西裝熨得特別妥貼，皮鞋也刷得光滑潔亮，務求為未來外父留個好印象。

另一邊廂，若水也為了首次讓龔燁品嘗到自己的真正廚藝緊張不已，整個下午都在廚房與各種食材博鬥一番，才炮製出賣相不錯的鹽焗雞。

樹根為了答謝龔燁，準備的飯菜也豐盛得驚人，似乎已當龔燁是埃塞俄比亞的飢民，要將他多年來沒吃過的統統補回來。

「叮噹…」

樹根立馬去開門，「呀龔，黎左啦？」

「係啊Tree Gun！我仲帶左枝98年罅隙黎啊！」

「呢枝酒正啊，快啲埋位啦！」

「嗱，隻鹽焗雞我親手整架，快啲試下啦。」若水親手從廚房捧出她的拿手小菜。

「好啊。」

「呀龔，呢隻鹽焗雞你自己食哂得架啦。你都唔知二妹為左你上黎食飯，成個禮拜日日練煮鹽焗雞窒我地食，我琴晚發夢都比鹽焗雞追啊！」連續吃了一個星期，樹仁已患上鹽焗雞恐懼症。

若水狠斜他一眼，「呀叔，有時你知啲嘢唔駛下下講哂出黎架！」

龔燁不禁捂著嘴笑，「好，多多我都食。」

樹仁見到龔燁對若水如此言聽計從，忍不住問：

「呀龔，話時話啊，點解你會中意呀水嘅？你唔驚日日比佢叫你食蕉連皮咩？」

「呀叔啊，你講夠未啊！」

「哦唔驚，蕉連皮食好有益架，你冇聽過咩？」

若水插腔︰「聽到未啊，佢心甘情願架！」

「咁你啲口味真係幾獨特，呢個世界應該得你一個中意食。」

龔燁夾起一塊鹽焗雞，咀嚼了一會，感覺到一顆異物在口腔，差點被噎到，立即吐出來放在手掌看看。

「嘩，呢粒咩黎架，識閃嘅，差啲噎死我啦！」

若水一瞟，一臉心虛地道︰「對唔住啊，應該係…我啲gel甲到甩出黎。」

他狠瞥她一眼，「嘩，你真係想謀殺男朋友。」

「呀龔，咁唔好食鹽焗雞啦。試下呢隻鮑魚啊，特別為你炮製架，個個都冇，得你有。」樹根將熱燙燙的瓦煲推到他面前。

「多謝Tree Gun。」

他一揭開瓦煲蓋，神色一黯，挑眉笑笑問：

「啊點解隻鮑魚上面…有層綠色嘢嘅？」他一見那層類似發霉的綠色物質，都覺得倒胃口。

「哦冇嘢架，好似紅酒咁，鮑魚擺得越耐先越正，呢啲陳年精華，照食啦，冇相干架！」

「哈哈哈，一定係咁啦。」

對於樹根的盛情款待，龔燁不好推卻，只好勉為其難的咬了一口。若水見他吃得面目猙獰，五官都快要扭成一團，還要強擠出一個滿足的笑容，立即說道：

「啊呀爸，你廚房好似仲有煲花膠湯未攞出黎啊。」

「係喎，差啲唔記得添。」

趁樹根一離席，若水立馬從客廳拿來垃圾桶。

「快啲揼左佢啦！」

「下？」

「你係咪想有一百條命都唔夠死啊！啊自殺王！」

「哦！」

龔燁迅速用筷子戳著鮑魚，正想神不知鬼不覺的在桌底下將鮑魚丟到垃圾桶，尚善便用筷子截停他，凶巴巴地道：

「喂，你唔係想浪費呀爸一番心血呀嘛？」

若水立即護著龔燁：「大家姐啊，隻鮑魚發左毛架啦，你叫佢點食姐！」

「有咩問題啊？個陣潮偉都係咁食架啦！連呀爸特製嘅熊家暗黑料理都唔敢食，學咩人做我地熊家女婿啊？」

龔燁也被尚善的氣勢震懾住，不禁硬著頭皮道：

「好，我食。」

他閉上眼睛，深吸一口氣，一口便將整隻鮑魚鯨吞下肚。若水在旁也不忍看著這慘不忍睹的場面。

樹根從廚房一出來，喜見龔燁面前的瓦煲已空空如也。

「嘩呀龔，食得咁快嘅，好食呢？」

他苦笑道：「係啊Tree Gun, 真係好正啊！」

「你中意食，以後你每次上黎，我都整比你食！」

「…好啊。」

席上眾人不禁掩嘴偷笑，想勝任熊家女婿，要付出的代價真大。

晚飯後，大家移師到客廳，樹根突然從櫃子裡掏出一盒…速熊月餅，並坐到龔燁身旁。

「飽未啊？我仲有啲月餅比你做甜品啊！」

「Tree Gun啊，但係中秋都過左…就黎半年架啦喎？」

「冇嘢架，我地速熊啲月餅不嬲可以食一年，就係想大家全年都感受到中秋氣氛呀嘛！」

他嘴角強扯起一絲苦笑，「你呢個做法好啊，好warm啊真係。」

為了在未來外父面前留下好印象，龔燁又再次，將月餅放了進口。

若水在旁一看，都為他捏一把汗，但見他被樹根耍得團團轉，心中又有股酸爽。

花式自殺王果然是名不虛傳，為了討好未來外父，將生死都拋諸腦後。

龔經理，將來假若成為熊家一份子，尚有一大堆暗黑料理在等你，看來你真是性命堪虞啊。

但熊若水，請你也別要幸災樂禍。

他一旦有何不測，依崔auntie所言，你也很快變得鰥寡孤獨。

（待續）

日常輕輕一推

大家姐真係好狠 水水又係時候去買胃藥俾男朋友啦