(龔水) ＜若躲不過燁緣＞

等文等文

推

第四十六章 <天使的抉擇>

熾熱的晨光透過窗簾的縫隙，照到龔燁臉龐上。昨晚，他將自己困於房間，隔絕了外間所有聯繫，一覺睡到日上三竿。隔了一夜，胸腔憋著的悶氣也好像消散了一點。生意沒了大不了再找，憑他的才智與人脈，要追回生意額有何難事。加上自己已為公司拼博數年，工作表現有目共睹，早已獲得朱生無條件信任，成為他的心腹，在彈珠臺的地位不會輕易被動搖。

冷靜過來，他回想起昨日對媽呢空的語氣，似乎真是重了一點。她那憋著眼淚可憐兮兮的模樣，仍深深烙印在他腦海中。她無非是著緊這筆生意，著緊他在公司的地位而已。

自己身為頭兒，一早答應過無論生意談成如何，他都會請大夥兒吃頓好的，以慰勞他們通宵達旦加班的辛酸。

趁未離開上海，他決定今晚作東，宴請大家到上海有名的豫園吃南翔小籠包。

梳洗過後，他走到隔壁媽呢空的房門口，按下門鈴。

「叮噹。」

沒反應。

他再輕叩了幾下門。

「黎緊，邊個啊。」若水打開門，剛睡醒的她頭髮散亂，面目浮腫。

「早晨。」

「龔燁？咩事啊？」若水頓了頓，為何總被他看見自己素面朝天的樣子。

龔燁清了清嗓子，道：「冇，想同你講聲對唔住姐。」

「無啦啦做咩要同我講對唔住？」

「我知我琴日語氣係重左，你都係緊張單生意。所以我準備好比你鬧番架啦，你盡情咁叫我食蕉連皮啦。」

若水嘴角微翹，「我都冇擺係心到，我明架喎，嗰個Vincent 根本有心留難你。」

「所以注定傾唔成。」龔燁輕笑一聲。

「咁世事嘅野話唔埋嘅，可能佢會突然改變主意呢。」若水提高嗓音，樣子滿懷希望似的。

「你真係要改名，叫天真水。」龔燁不禁搖搖頭。

若水抬起眼皮盯著他，「點啊，你係黎同我道歉架，係咪又想激嬲我？」

「Sorry! 係我錯。咁比個機會我賠罪啦，今晚我想請大家去豫園食南翔小籠包，慰勞下大家咁辛苦。」

「今晚？」

「我唔得啊。」若水猶豫了片刻，道。

「你有咩要做啊？」

「我上海有個朋友，想搵我敍下舊啊，你地食得開心啲啦。」

「咁一係我改聽日啦？」

「你傻左啊？我地聽日要走啦。」

「係喎，咁快就四日啦。」

「所以你地照食啦，唔駛等我。」

「咁我番到香港，再補請你啦。」

「你話架！」

「長島酒店好未？」

「一言為定。」

「咁我過埋隔離房同佢地講聲先啦。」

「嗯，拜拜。」

龔燁離開後，若水關上房門，用背抵著，心裡思緒起伏。自昨天開始，她腦海中就像有兩把聲音在拉鋸不止，彷彿快要將她頭顱撕開兩半。她其實有丁點懼怕，但又想為他略盡綿力，把生意扳回來。

「希望我真係可以幫到你。」

上海豫園可以算是每位觀光客定必造訪的地方，南翔小籠包店享譽國際，未到傍晚時份，外頭已經人龍蜿蜒。

幸好龔燁早就訂好一桌，他們才不至於等到石化。

等了一會，他們被帶到最高檔次的三樓瑞鑫樓，價錢最貴，但小籠包的內餡、外皮及包工都是最上乘的，龔經理果然闊綽。

「大家隨便叫啦，唔駛同我慳荷包。」

「咁我唔客氣啦，勁想食蟹粉小籠包啊！」

Mandy 率先拿起菜單，盡情點了五六款小籠包。雖然昂貴，但價格果然不負美譽，跟外頭的絕對不可同日而語。

吃到半途，Ivan 的手機傳來通知聲。

他一瞟手機屏幕，一臉疑惑地按開頁面。

「做咩啊？」龔燁問道。

「咦，點解我個滴滴打車app話我book架車已經到左酒店嘅？」

「下咁奇怪？你幾時有book過車？」Rebecca 疑惑地問。

「係囉，仲話係去…上海酒莊？」

「咪即係Vincent間酒莊？」

龔燁一聽，臉色一僵。

「咪住先，我前幾日一黎到上海想book車，唔知點解login唔到，就借左Mary部電話黎login, 唔通佢唔記得logout, 用左我個account黎book車？」

「下咁Mary去酒莊做咩呀？」

Mandy 剛喝了口茶，在旁一聽，臉色突變，立刻咕咚一聲吞了下去，被一眼關七的龔燁逮到了。

「Mandy你老實答我，你係咪知發生咩事？」

「下⋯冇啊⋯」Mandy 結結巴巴地道。

「我而家以上司嘅身份命令你講。」龔燁厲盯著她，語調突變得冷冽。

「呀龔你唔好迫我啦⋯Mary叫我唔好同你講架。」Mandy 皺起眉頭，面有難色。

「佢真係去左搵Vincent？」

她頭愈垂愈低，不敢吭聲。

龔燁語氣愈發激動，咄咄逼人的追問：「答我啦！佢有咩事咁點？」

「我諗都唔會有啲咩事嘅，佢都係應承做佢partner咋嘛…」Mandy 完全不敢直視他，聲音也愈壓愈低。

「咩partner？」

「聽講佢酒莊有個wine tasting，Vincent話如果Mary 肯陪佢去，單生意就有轉機。」

龔燁用手抵住額頭，嗔怒地道：「佢癲你又陪佢癲，你做咩唔阻止佢啊？」

「你知佢硬頸起上黎，冇人阻到架啦。」

「我咪話左呢單生意冇左就算，點解仲要插手？」

「Mary 都係唔想我地team孭鑊姐，做下partner應該唔會有事嘅。」Mandy 的眼睛都被他的怒色惹紅了。

「你地真係天真，你地清楚嗰個Vincent係咩人咩？」

龔燁牙關狠狠地逸出一句，便急急奪門而出，差點將椅子也推跌了。

他沿著餐廳樓梯一邊往下跑，一邊致電若水。電話接通了，一聲又一聲，在他耳畔響起，卻久久沒有人接聽。

「對不起，您撥的電話暫時無法接通……」

他心急如焚，努力剋制著自己想將手機扔出去的衝動，便伸手攔了輛出租車。

「司機大哥，麻煩上海酒莊，開快一點，十萬火急。」

（待續）

推

啊停喺呢度好難受
阿龔為咗阿水咁緊張仲發火好型

Pish

電視冇得睇 唯有自己寫

日常一推

你停喺呢度...
我聽日會忍唔住每個鐘都嚟睇一次有冇update

停喺呢個位 樓主你於心何忍啊

因為已經成2000幾字啦

你地想我早出定遲出 早出你地等後日嘅時間又耐左

+1

推推推

千祈唔好等多日啊！

停在最緊張關頭太痛苦la

黑化龔果然好正
之後要霸道腹黑龔上線?

可能會來多句“放開個女仔”
跟住一拳窩面

第四十七章 <為妳，我願赴湯蹈火>

大堵車。

若水坐在車裡，納悶地看著手錶，快要八點了，她還堵在大馬路上，一輛輛車擠得水泄不通，車龍蜿蜒數公里，到底要挪到何時才到呢。

紅燈綠燈不住交錯，前車都是紋絲不動。司機們都焦燥不安，喇叭聲響徹夜空。

「司機大哥，八點前可以到上海酒莊嘛？」若水用她很有限的國語來問道。

「看情況一定不行啦，起碼堵到九時多才到。」

「唔係呀嘛？遲大到嘅話，我肯做佢partner佢都唔肯比單生意我地啦。」若水暗自思忖著。

她手機又忘了充電，想撥去Vincent公司，通知他秘書她會遲到又不行。

「你要是趕時間，過了這條大橋，你在前面下車吧，一直往前走，走15分鐘就到。」

「好啊，謝謝你。」

再堵了十五分鐘，過了橋，司機找個位置放下了她。

一瞟手錶，已經八時多了。

若水腳踏著三吋高跟鞋，不理腳掌的酸軟疼痛，咬緊牙關開始奔跑起來。

她一直跑，忽然腳下一崴，鞋跟意外地卡在溝渠蓋縫中，腳踝都扭到了。她只好脫鞋，彎身用力將鞋跟拔出來，最終跌坐在地上。

手肘和膝蓋都擦破了，滿手是灰。她望著前路，渺渺茫茫。

「唔通連個天都唔想我去？」

----------------

街道幽深，杳無人煙。

另一邊廂的龔燁，也不約而同地，拚命在疾跑。

路燈昏黃的微光恍恍惚惚，往後飛逝。他一直跑，只聞陣陣颼颼風聲在耳邊掠過。

頃刻間，一陣雷聲劃過長空，天忽然下起了瓢潑大雨，前路被籠罩在茫茫雨霧中。

但雨下得再大，也澆不熄他心內想拯救若水的那團烈火。

挺著濕漉漉的身軀一直跑到酒莊門外，他頭也不回的直衝入莊園裡去。

門口的護衛伸手攔住了他的去路。

「先生，今晚是私人活動，請問你有沒有邀請函？」

「讓開。」龔燁猛地一下撥開護衛的手，此刻的他猶如一頭被惹怒的洪水猛獸，斗膽去招惹他只會自討苦吃。

有人倏地闖進來，在場賓客嚇到目瞪口呆，卻個個退避三舍，沒有一個膽敢去阻止他。

他跑到轉角一個暗黑樓梯處，聞到樓梯上腳步聲愈來愈近，沉穩而均勻。

Vincent 從上層走下來，再徑直朝他行過去。

眼內的笑意全是挑釁。

「龔燁？乜咁坐檔啊？我好似冇請你黎架喎？」

「Mary 呢？」龔燁眼神銳利的盯著他。

「我係有叫佢黎，不過被佢放左我飛機啦喎。」

「你係咪收埋左佢係邊？」龔燁緊皺眉頭，依然不信。

「你咁睇我架？乜你身邊啲女人真係咁中意送上門架咩？」Vincent 以一把輕蔑含笑的嗓音奚落他。

「你講咩啊？」龔燁一手將他推到牆上，胸膛貼胸膛緊緊的壓住他。

但他依然半點不慌，目光平靜幽沉。

「以前就Macy，而家就Mary，唔通你對M字頭嘅女人情有獨鍾？」Vincent 譏笑出聲。

龔燁胸腔裡彷彿有一枝火柴，被他雲淡風輕的句語點燃了。

他臉色鐵青，一把揪起他的衣領，幾乎要將他整個人提起。之後出了一記重拳，打得他嘴角都冒出鮮血。

身後的護衛終於追了上來，立馬拉開龔燁，猛力一推他在地上。龔燁處於下風，被揮舞的拳頭一下又一下揍著，打得面青鼻腫，衣衫襤褸。

「停手。」Vincent 一聲令下，護衛們才鬆手往後退。

他整理好衣領，抿抿嘴角腥甜的鮮血，再俯身盯著龔燁道：「可惜啊，你嗰位Mary 冇黎到，唔係嘅話，我一定有方法令佢乖乖地黎我身邊。」

「我地走。」Vincent 冷笑一聲，揚長而去。

-----------

再回到酒店已經是九時許，若水一瘸一拐地回到房間，先去洗了個澡。

從浴室出來後，手機終於充好電，在床上一閃一閃的亮著。她抓起手機，一瞥屏幕：

108個未接來電 - Kung Yip

26個未接來電 - Mandy

心莫名的漏跳一拍。

「唔通佢知道左我想去Vincent到？」

她心裡彆扭得慌，猶豫了片刻，回撥了過去，手指竟有一絲顫抖。

-----------

電話驟然響起。

一看到「媽呢空」三個字，倒在地上的龔燁立即回過神來。

「熊若水！捨得聽電話啦咩！」他一接聽電話，便向著手機咆哮，隔著屏幕都能感受到他的惱怒。

「咁惡做咩啊，你搵得我咁急咩事？」

「你唔係去左Vincent個酒莊咩？」

「我冇去到啊…點解你會知架？」

「你而家人呢？」

「番左酒店囉。」

「……」

「喂，喂？」

「做咩Cut我線啊。」若水擱下手機，一臉茫然的望著屏幕。

（待續）

多謝洗水絲今日咁早post

好後悔入咗嚟，一次過睇晒47章係好爽，但我而家點算好，點等??

P.S. 樓主你真係寫得好好

會的 請密切留意