【大清亡國關慈禧蛋牛治】第一回
常公子
1001 回覆
108 Like
23 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
推一推
【常威考証】為慈禧平反系列（四十三）
中國同日本係世仇，19世紀中葉，兩國斷交已近300年。日本曾經做過中國（明朝）嘅朝貢國，即係比錢跟大佬要大佬保護自己。1433年日本幕府將軍足利義滿（70後回憶，機靈小和尚一休裡面嗰個大將軍呀！）接受咗向大明朝貢，直至1549年幕府覺得冇face，所以無聲無息結束咗依段關係，從此兩國不相往來，之後倭寇日本海盜則不斷騷擾中國沿海，最後比大英雄戚繼光打到收皮，相信大家亦聽過鳥。1644年大清建國，多朝以來亦從來未認真處理過同日本嘅外交關係。
1870年明治政府初建，試圖向大清正式建交，因為兩國貿易額唔細，每年大清從日本進口大量嘅銅，日本亦進口中國陶瓷，而且亦有大量中國人響日本居住揾食。李鴻章當時就認為有必要同日本建立平等外交關係，但最後大清高層並冇做到。
明治政府當時基本嘅對外政策，就係模彷西方帝國主義，響亞洲大陸進行侵略擴張，而朝鮮並唔係佢哋第一個目標。早響1874年，日本就成立咗「遠征臺灣統帥部」，由重量級人馬大隈重信做大佬。同年日本軍利用琉球（今日香港人最鍾意去玩嘅冲繩）問題登陸臺灣，賊佬試沙煲，一試大清水溫。
當時，臺灣只係一個未開化嘅島嶼，島上住咗啲土人（原住民），日軍登陸後，李鴻章命福建船政大臣沈葆楨防守臺灣，兩軍對峙並冇發生大規模軍事衝突。但日本就要求大清約束臺灣原居民，因為之前有原居民殺咗琉球水手，仲要求中國賠償咁話。1874年9月10日，大久保利通到達北京同大清談判。最後由英國人出面調情（停），儍逼恭親王愿意賠償50萬兩（折算1億5000萬港幣）比日本，10萬兩賠償人命損失，40萬兩贖買日本響臺灣起嘅臨時兵營。哇！寫到似處火都嚟埋，有個賊入咗你間屋，然後響大廳中間搭咗個帳幕，跟住叫你俾錢買番個帳幕，仲要唔俾報警！有冇攪很錯？咁嘅情況，明眼人都知道，個屋主一定係--------
低能嘅！
日本人都知道了，既然大清嘅智商係80樓下，亦急不在一時，臺灣已經係囊中物鳥。比20年時間自己預備，一舖吞拚朝鮮，直取中原！當然大清衰極仲有個豆斗，當知道日本野心後，決心傾盡國力組建北洋水師防範日本，於是兩國就開始咗長達20年嘅海軍軍事競賽。到咗1894年，終於要一決雌雄。
哈，今日又叉開咗添，下集再繼續講講李鴻章為朝鮮危險所作嘅外交努力……
中國同日本係世仇，19世紀中葉，兩國斷交已近300年。日本曾經做過中國（明朝）嘅朝貢國，即係比錢跟大佬要大佬保護自己。1433年日本幕府將軍足利義滿（70後回憶，機靈小和尚一休裡面嗰個大將軍呀！）接受咗向大明朝貢，直至1549年幕府覺得冇face，所以無聲無息結束咗依段關係，從此兩國不相往來，之後倭寇日本海盜則不斷騷擾中國沿海，最後比大英雄戚繼光打到收皮，相信大家亦聽過鳥。1644年大清建國，多朝以來亦從來未認真處理過同日本嘅外交關係。
1870年明治政府初建，試圖向大清正式建交，因為兩國貿易額唔細，每年大清從日本進口大量嘅銅，日本亦進口中國陶瓷，而且亦有大量中國人響日本居住揾食。李鴻章當時就認為有必要同日本建立平等外交關係，但最後大清高層並冇做到。
明治政府當時基本嘅對外政策，就係模彷西方帝國主義，響亞洲大陸進行侵略擴張，而朝鮮並唔係佢哋第一個目標。早響1874年，日本就成立咗「遠征臺灣統帥部」，由重量級人馬大隈重信做大佬。同年日本軍利用琉球（今日香港人最鍾意去玩嘅冲繩）問題登陸臺灣，賊佬試沙煲，一試大清水溫。
當時，臺灣只係一個未開化嘅島嶼，島上住咗啲土人（原住民），日軍登陸後，李鴻章命福建船政大臣沈葆楨防守臺灣，兩軍對峙並冇發生大規模軍事衝突。但日本就要求大清約束臺灣原居民，因為之前有原居民殺咗琉球水手，仲要求中國賠償咁話。1874年9月10日，大久保利通到達北京同大清談判。最後由英國人出面調情（停），儍逼恭親王愿意賠償50萬兩（折算1億5000萬港幣）比日本，10萬兩賠償人命損失，40萬兩贖買日本響臺灣起嘅臨時兵營。哇！寫到似處火都嚟埋，有個賊入咗你間屋，然後響大廳中間搭咗個帳幕，跟住叫你俾錢買番個帳幕，仲要唔俾報警！有冇攪很錯？咁嘅情況，明眼人都知道，個屋主一定係--------
低能嘅！
日本人都知道了，既然大清嘅智商係80樓下，亦急不在一時，臺灣已經係囊中物鳥。比20年時間自己預備，一舖吞拚朝鮮，直取中原！當然大清衰極仲有個豆斗，當知道日本野心後，決心傾盡國力組建北洋水師防範日本，於是兩國就開始咗長達20年嘅海軍軍事競賽。到咗1894年，終於要一決雌雄。
哈，今日又叉開咗添，下集再繼續講講李鴻章為朝鮮危險所作嘅外交努力……
【常威考証】為慈禧平反系列（四十四）
當上天註定你仆街，你便非仆街不可。
大清係註定咗要響甲午年仆街。當時1894年中日經濟同軍事實力相比，大清事實上佔有些微優勢，日本除咗紡織業外，重工業仍落後於大清，鋼鐵同機器製造量都比中國低，國家收入同資本都唔及大清（當然大清大過佢好多），大清當時財政收入亦非常唔錯，之前借落嘅外債差唔多全部還清。軍事方面，日本擁有戰艦55艘，排水量6萬噸，同北洋艦隊差唔多，北洋仲要多DD，日本常備陸軍22萬，未及大清一半，武器裝備兩國大致相同，夾硬比，大清仲要略佔優勢。
所以，以漏精光緒同翁同龢條契弟為首嘅「主戰派」唔驚日本仔亦有道理，民間當然一致要打。官吏中所謂「清流派」嘅一班儒吏更成日笑鳩李鴻章係綏靖主義者失敗主義者，依班清流，講就現實做就碌柒，事事道理行先，全冇諗過實際情況，大清要亡，其實都係亡響依種成口仁義道德理念哲學成頭光環嘅撚樣手上。咁豆斗呢？佢係聰明人係馬基維利主義者，對日本人佢一清二楚，同李鴻章一樣都唔贊成打。可以拖就拖，可以以外交途徑解決就以外交途徑解決。
李鴻章一心希望取得西方列強同情，施壓要日本以和平手法解決朝鮮半島問題，俄國駐華公使曾經答應調情，但最後冇任何具體行動，俄國嘅態度好有可能一早就同日本有默契要玩謝大清，而且俄國沙皇亞歷山大三世病重，換屆在即，可能亦冇咩心情攪依單嘢。（同年11月亞歷山大三世駕崩，羅曼諾夫皇朝亡國之君尼古拉二世繼位）。李鴻章轉向英國求助，英國提出中日兩軍同時撤出朝鮮首都再談判，但日本拒絕，轉頭就向英國人保証，若戰爭爆發，必然保証上海安全同中立，並全力保障同尊重英國在華一切商業利益！英國人利益得先，亦唔想捲入戰爭，一聲拜拜食花生。
外交手段冇取得任何成效，反而嚴重影響咗大清軍事準備工作。1894年上半年，日本已經全面進入戰爭狀態，總動員22萬名軍人，國內亦招聘15萬軍夫作後勤補給，日以繼夜、夜以繼日橫渡日本海向朝鮮增兵……
見到日本咁，大清國內「主和派」完全失去周旋空間，「主戰派」大力向李鴻章施壓，要求佢同日本決一雌雄！寫到依處，大家係咪以為當時大清嘅統治階層已經全情投入戰事呢？其實又唔係喎，因為仲有另一件比中日開戰更重要嘅大事同時發生中，係乜？之唔係慈禧六十大壽囉。打仗還打仗，豆斗六十大壽就唔可以推遲，打仗同賀壽，兩件事嚟嘅……
舉個例子，當日本軍隊同大清軍隊響朝鮮對峙嘅時候，1894年2月到3月左右，光緒帝合共發佈上諭（聖旨）30條，其中三份一13條係關於豆斗賀壽嘅，北京同各地官員都努力攪緊豆斗六十大壽壇嘢，忙於粉飾太平、送禮疏通。光緒自己同所有重要官員亦將豆斗大壽當成第一優先處理。當一個國家將最高領導人嘅生日當成最重要嘅事，就證明咗個國家嘅上層建築已經腐敗到發霉發臭嘅地步。日本人當然亦考慮過豆斗大壽嘅因素，所以佢哋嘅參謀部，亦將戰爭發動嘅時間推到1894年。
你以為甲午係偶然？真係唔係囉……
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
當上天註定你仆街，你便非仆街不可。
大清係註定咗要響甲午年仆街。當時1894年中日經濟同軍事實力相比，大清事實上佔有些微優勢，日本除咗紡織業外，重工業仍落後於大清，鋼鐵同機器製造量都比中國低，國家收入同資本都唔及大清（當然大清大過佢好多），大清當時財政收入亦非常唔錯，之前借落嘅外債差唔多全部還清。軍事方面，日本擁有戰艦55艘，排水量6萬噸，同北洋艦隊差唔多，北洋仲要多DD，日本常備陸軍22萬，未及大清一半，武器裝備兩國大致相同，夾硬比，大清仲要略佔優勢。
所以，以漏精光緒同翁同龢條契弟為首嘅「主戰派」唔驚日本仔亦有道理，民間當然一致要打。官吏中所謂「清流派」嘅一班儒吏更成日笑鳩李鴻章係綏靖主義者失敗主義者，依班清流，講就現實做就碌柒，事事道理行先，全冇諗過實際情況，大清要亡，其實都係亡響依種成口仁義道德理念哲學成頭光環嘅撚樣手上。咁豆斗呢？佢係聰明人係馬基維利主義者，對日本人佢一清二楚，同李鴻章一樣都唔贊成打。可以拖就拖，可以以外交途徑解決就以外交途徑解決。
李鴻章一心希望取得西方列強同情，施壓要日本以和平手法解決朝鮮半島問題，俄國駐華公使曾經答應調情，但最後冇任何具體行動，俄國嘅態度好有可能一早就同日本有默契要玩謝大清，而且俄國沙皇亞歷山大三世病重，換屆在即，可能亦冇咩心情攪依單嘢。（同年11月亞歷山大三世駕崩，羅曼諾夫皇朝亡國之君尼古拉二世繼位）。李鴻章轉向英國求助，英國提出中日兩軍同時撤出朝鮮首都再談判，但日本拒絕，轉頭就向英國人保証，若戰爭爆發，必然保証上海安全同中立，並全力保障同尊重英國在華一切商業利益！英國人利益得先，亦唔想捲入戰爭，一聲拜拜食花生。
外交手段冇取得任何成效，反而嚴重影響咗大清軍事準備工作。1894年上半年，日本已經全面進入戰爭狀態，總動員22萬名軍人，國內亦招聘15萬軍夫作後勤補給，日以繼夜、夜以繼日橫渡日本海向朝鮮增兵……
見到日本咁，大清國內「主和派」完全失去周旋空間，「主戰派」大力向李鴻章施壓，要求佢同日本決一雌雄！寫到依處，大家係咪以為當時大清嘅統治階層已經全情投入戰事呢？其實又唔係喎，因為仲有另一件比中日開戰更重要嘅大事同時發生中，係乜？之唔係慈禧六十大壽囉。打仗還打仗，豆斗六十大壽就唔可以推遲，打仗同賀壽，兩件事嚟嘅……
舉個例子，當日本軍隊同大清軍隊響朝鮮對峙嘅時候，1894年2月到3月左右，光緒帝合共發佈上諭（聖旨）30條，其中三份一13條係關於豆斗賀壽嘅，北京同各地官員都努力攪緊豆斗六十大壽壇嘢，忙於粉飾太平、送禮疏通。光緒自己同所有重要官員亦將豆斗大壽當成第一優先處理。當一個國家將最高領導人嘅生日當成最重要嘅事，就證明咗個國家嘅上層建築已經腐敗到發霉發臭嘅地步。日本人當然亦考慮過豆斗大壽嘅因素，所以佢哋嘅參謀部，亦將戰爭發動嘅時間推到1894年。
你以為甲午係偶然？真係唔係囉……
【大清亡國關慈禧蛋牛治】實體購買https://www.382now.com/product?id=87
【大清亡國關慈禧蛋牛治】https://play.google.com/store/books/details?id=C3hjDwAAQBAJ
好睇，繼續幫你推
免費睇你咁多字覺得唔好意思，
所以幫襯咗常兄買咗電子書
所以幫襯咗常兄買咗電子書
多謝
【常威考証】為慈禧平反系列（四十五）
外交途徑冇力解決朝鮮問題，豆斗又要做大壽同時，身處漢城嘅袁世凱多次向李鴻章要求增兵提高談判籌碼，可惜事情一拖再拖，5月中，日本已經完成朝鮮半島內嘅軍事佈署。袁世凱當時35歲，佢嘅談判對手係日本外相陸奧宗光（1844－1897），陸奧有剃刀大臣（カミソリ大臣） 外號，剃刀，割你老母喉嚨咁解！日本明治中期向外擴張戰略，陸奧係主要推手，伊藤博文第二次組閣，就揾咗佢担任外相，任內主力征服朝鮮同大清開戰工作，到咗現代，陸奧仍然係唔少日本人嘅偶像。陸奧宗光嘅外交能力同辭令都響李鴻章同唐紹儀（袁世凱老友，1895年後成為大清駐朝鮮總領事）之上，開戰前大清外交處處失利，陸奧宗光就係贏你九條街。仲有，西方列強始終由頭到尾嚴重高估李鴻章對大清皇室嘅影響力。 其實響豆斗同一衆滿蒙權貴心目中，漢人李鴻章始終都係一條狗。
戰爭終於無可避免，6月3號，李鴻章簽發向朝鮮增兵命令，直隸提督葉志超率領2500名士兵由陸路入朝。6月17號，袁世凱離開漢城返國，朝鮮進入戰爭狀態。由6月到7月間，中日兩國繼續交涉談判，李鴻章仍然唔想正面衝突，但日本人半步不退，咄咄逼人，到咗7月中，李鴻章己被逼入死角，唔打唔得，1894年7月25號，大清租用三艘英國蒸汽船，響三艘中國戰艦護航下運載士兵打算登陸牙山支援葉志超，不過其中一艘汽船「高升號」響朝鮮灣被日本海軍擊沉，950名中國士兵陣亡，有人死鳥，大清冇得唔打，8月1日，中日雙方同時向對方宣戰，甲午戰爭正式開打！
北洋海軍同陸軍，其實係李鴻章自己嘅私人軍隊，李生靠團練淮軍鎮壓太平天國起家，佢嘅嫡系部下，多年嚟盤鋸整個大清軍事系統，你睇北洋艦隊大佬丁汝昌，北洋陸軍大佬葉志超全部都係鎮壓太平天國嘅淮軍將領，但係太平天國之亂係19世紀60年代嘅事，甲午戰爭係1894年，過咗三十年鳥，你後生係iron man都冇用，現在都變咗老屎忽，而且中國古代軍人仲有世襲制，軍藉可以父傳子、子傳孫。可想而知，李鴻章嘅嫡系部隊嚟到1894年，己經係食老本、係另一枝大食懶「八旗子弟」，部隊中一係廢老一係廢青，咁嘅班底打硬扙，死得喇。佢哋嘅表現亦響之後嘅戰役中表露無遺。
仲有，依班淮軍將領多年以來，南征北伐，以鎮壓內亂為主，係明苻其實嘅維穩勁旅，打自己人打中國人打長毛打捻軍打回教徒打農民撈油水就天下無敵，而且出曬名凶殘成性，至於為國爭光打同外國人交手，Sorry！未贏過囉！正宗門口狗，專咬自己人，有賊入屋，give hand hand就叻！北洋軍隊最後一敗塗地，李鴻章依種狹隘嘅嫡系思想要付上大部份責任，不過用人唯親益自己友係中國人DNA嚟嘅，本性難移，冇得話佢錯。
對面日本軍人其實都唔好得幾多，甲午之前，日本亦冇乜同外國人交手嘅機會，佢哋嘅陸軍亦係響國內維穩事業中取得戰爭經驗，至於東鄉平八郎主持嘅海軍更加係一支freshmen部隊，賽前全無實戰經驗，初試啼聲揾啱大清做對手，日本人係有運行，亦係最正確嘅選項。
外交途徑冇力解決朝鮮問題，豆斗又要做大壽同時，身處漢城嘅袁世凱多次向李鴻章要求增兵提高談判籌碼，可惜事情一拖再拖，5月中，日本已經完成朝鮮半島內嘅軍事佈署。袁世凱當時35歲，佢嘅談判對手係日本外相陸奧宗光（1844－1897），陸奧有剃刀大臣（カミソリ大臣） 外號，剃刀，割你老母喉嚨咁解！日本明治中期向外擴張戰略，陸奧係主要推手，伊藤博文第二次組閣，就揾咗佢担任外相，任內主力征服朝鮮同大清開戰工作，到咗現代，陸奧仍然係唔少日本人嘅偶像。陸奧宗光嘅外交能力同辭令都響李鴻章同唐紹儀（袁世凱老友，1895年後成為大清駐朝鮮總領事）之上，開戰前大清外交處處失利，陸奧宗光就係贏你九條街。仲有，西方列強始終由頭到尾嚴重高估李鴻章對大清皇室嘅影響力。 其實響豆斗同一衆滿蒙權貴心目中，漢人李鴻章始終都係一條狗。
戰爭終於無可避免，6月3號，李鴻章簽發向朝鮮增兵命令，直隸提督葉志超率領2500名士兵由陸路入朝。6月17號，袁世凱離開漢城返國，朝鮮進入戰爭狀態。由6月到7月間，中日兩國繼續交涉談判，李鴻章仍然唔想正面衝突，但日本人半步不退，咄咄逼人，到咗7月中，李鴻章己被逼入死角，唔打唔得，1894年7月25號，大清租用三艘英國蒸汽船，響三艘中國戰艦護航下運載士兵打算登陸牙山支援葉志超，不過其中一艘汽船「高升號」響朝鮮灣被日本海軍擊沉，950名中國士兵陣亡，有人死鳥，大清冇得唔打，8月1日，中日雙方同時向對方宣戰，甲午戰爭正式開打！
北洋海軍同陸軍，其實係李鴻章自己嘅私人軍隊，李生靠團練淮軍鎮壓太平天國起家，佢嘅嫡系部下，多年嚟盤鋸整個大清軍事系統，你睇北洋艦隊大佬丁汝昌，北洋陸軍大佬葉志超全部都係鎮壓太平天國嘅淮軍將領，但係太平天國之亂係19世紀60年代嘅事，甲午戰爭係1894年，過咗三十年鳥，你後生係iron man都冇用，現在都變咗老屎忽，而且中國古代軍人仲有世襲制，軍藉可以父傳子、子傳孫。可想而知，李鴻章嘅嫡系部隊嚟到1894年，己經係食老本、係另一枝大食懶「八旗子弟」，部隊中一係廢老一係廢青，咁嘅班底打硬扙，死得喇。佢哋嘅表現亦響之後嘅戰役中表露無遺。
仲有，依班淮軍將領多年以來，南征北伐，以鎮壓內亂為主，係明苻其實嘅維穩勁旅，打自己人打中國人打長毛打捻軍打回教徒打農民撈油水就天下無敵，而且出曬名凶殘成性，至於為國爭光打同外國人交手，Sorry！未贏過囉！正宗門口狗，專咬自己人，有賊入屋，give hand hand就叻！北洋軍隊最後一敗塗地，李鴻章依種狹隘嘅嫡系思想要付上大部份責任，不過用人唯親益自己友係中國人DNA嚟嘅，本性難移，冇得話佢錯。
對面日本軍人其實都唔好得幾多，甲午之前，日本亦冇乜同外國人交手嘅機會，佢哋嘅陸軍亦係響國內維穩事業中取得戰爭經驗，至於東鄉平八郎主持嘅海軍更加係一支freshmen部隊，賽前全無實戰經驗，初試啼聲揾啱大清做對手，日本人係有運行，亦係最正確嘅選項。
【常威考証】為慈禧平反系列（四十六）
將打敗仗隻鑊卸比豆斗，真係無銀厘頭，因為當時慈禧已經好似李嘉誠咁退咗休。卸落李鴻章身上都有小小道理，因為北洋海陸軍其實係李生嘅半支私人軍隊，不過冇乜人話係翁同龢條契弟唔啱嘅？其實當時大清最高領導人係光緒，大清最高權力機關係紫禁城內嘅軍機處，而當時軍機處負責人係翁同龢同李鴻藻，職級上，話事係佢兩位，而一直主戰要打仗嘅人亦係佢兩位元老重臣。
前面講過，吳人翁同龢同淮人李鴻章係天敵，好似毛澤東同周恩來咁嘅關系，明爭暗鬥咗幾十年。比我係契弟翁我都識諗，推李鴻章去打日本人，打贏咗，我咪威威，因為我係主戰派首領；打輸咗，李鴻章就仆街，都咁happy，無論贏輸我翁同龢都有著數就係咁解。你咪以為依亭仆街做唔出呀，睇咗咁耐歷史，最陰濕嘅就係依種斯文敗類。總之一句，遇到著住老西滿口仁義道德又賺到盤滿砵滿嘅人，就要小心！冇錯嘅！
1894年7月25號嘅「豐島海戰」，成千人響東海浸死，結果增援牙山葉志超嘅清軍只有1300人，朝鮮半島內嘅清軍合共只有3880人。兩日前23號凌晨，日本人打入朝鮮皇宮，打死40幾個宮衛隊，佔領皇宮，軟禁國王高宗及一衆大臣，皇宮落入日本手中，其時袁世凱已經離開朝鮮，避過一劫。
收到漢城淪陷，駐紥牙山嘅葉志超聶士成清軍開始行動，向漢城推進，仲響通往漢城嘅重鎮成歡初次同日本兵交手，大敗！葉聶兩軍向平壤撤退，沿途洗劫朝鮮平民，平民怨聲載道，民心開始傾向軍紀嚴明嘅日本軍人，日本完成控制朝鮮首都漢城、仁川一帶佈防。
戰況加劇，李鴻章調派四支軍隊由陸路入朝鮮，8月6號同葉（問）志超聶士成殘兵會合，清兵合共15000人駐紥平壤，開始建立防禦工事。依個時候，葉問仲同朝廷虛報戰績，話自己之前赤手空拳擊斃日軍2000人，講大話日軍大舉登陸，自己部隊英勇扺抗幾萬日軍，寡不敵衆先撤退平壤咁話……實情係清軍戰死500人，日軍戰死39人，葉問除咗功夫好，仲識吹水吹到飛天，朝廷見葉問一個打十個咁「近」，仲打賞咗佢二萬兩白銀（600萬港幣）做獎金，錢一到手，葉先生就響平壤叫雞飲酒，夜夜笙歌……（佢老味葉問之後唔駛斬首真係天冇眼）
可憐嘅李鴻章同大清仲信曬葉問，以為清軍真係同日軍有得打，李鴻章仲繼續委任自己人葉問做平壤最高統帥，平壤內嘅其他將領一早睇穿葉問壠嘢，內部矛盾爆發，軍隊風紀渙散，士氣低落。
9月12號，日本大將山縣有朋率領14000人，向平壤進軍，要將清軍逐出朝鮮半島……
事情發展到依處，北京紫禁城內班滿清權貴仲未知死，全力攪緊豆斗六十大壽壇嘢，有心人上疏要求停辦幾個大壽項目，留啲錢應付中日戰爭，豆斗一聽，嬲咗！講咗句「今日令吾不歡者，吾亦將令彼終身不歡」（語譯：邊X個令我今日唔happy，我就要佢成世都唔happy），去到咁盡，仲有邊位敢出聲？
平壤大戰在即，日本聯合艦隊亦開始駛向黃海，位處威海衛同旅順港嘅大清最強北洋艦隊亦進入全面作戰狀態。
🤓【大清亡國關慈禧蛋牛治】實體購買
https://www.382now.com/product?id=87 ;
🤓【大清亡國關慈禧蛋牛治】
https://play.google.com/store/books/details?id=C3hjDwAAQBAJ
將打敗仗隻鑊卸比豆斗，真係無銀厘頭，因為當時慈禧已經好似李嘉誠咁退咗休。卸落李鴻章身上都有小小道理，因為北洋海陸軍其實係李生嘅半支私人軍隊，不過冇乜人話係翁同龢條契弟唔啱嘅？其實當時大清最高領導人係光緒，大清最高權力機關係紫禁城內嘅軍機處，而當時軍機處負責人係翁同龢同李鴻藻，職級上，話事係佢兩位，而一直主戰要打仗嘅人亦係佢兩位元老重臣。
前面講過，吳人翁同龢同淮人李鴻章係天敵，好似毛澤東同周恩來咁嘅關系，明爭暗鬥咗幾十年。比我係契弟翁我都識諗，推李鴻章去打日本人，打贏咗，我咪威威，因為我係主戰派首領；打輸咗，李鴻章就仆街，都咁happy，無論贏輸我翁同龢都有著數就係咁解。你咪以為依亭仆街做唔出呀，睇咗咁耐歷史，最陰濕嘅就係依種斯文敗類。總之一句，遇到著住老西滿口仁義道德又賺到盤滿砵滿嘅人，就要小心！冇錯嘅！
1894年7月25號嘅「豐島海戰」，成千人響東海浸死，結果增援牙山葉志超嘅清軍只有1300人，朝鮮半島內嘅清軍合共只有3880人。兩日前23號凌晨，日本人打入朝鮮皇宮，打死40幾個宮衛隊，佔領皇宮，軟禁國王高宗及一衆大臣，皇宮落入日本手中，其時袁世凱已經離開朝鮮，避過一劫。
收到漢城淪陷，駐紥牙山嘅葉志超聶士成清軍開始行動，向漢城推進，仲響通往漢城嘅重鎮成歡初次同日本兵交手，大敗！葉聶兩軍向平壤撤退，沿途洗劫朝鮮平民，平民怨聲載道，民心開始傾向軍紀嚴明嘅日本軍人，日本完成控制朝鮮首都漢城、仁川一帶佈防。
戰況加劇，李鴻章調派四支軍隊由陸路入朝鮮，8月6號同葉（問）志超聶士成殘兵會合，清兵合共15000人駐紥平壤，開始建立防禦工事。依個時候，葉問仲同朝廷虛報戰績，話自己之前赤手空拳擊斃日軍2000人，講大話日軍大舉登陸，自己部隊英勇扺抗幾萬日軍，寡不敵衆先撤退平壤咁話……實情係清軍戰死500人，日軍戰死39人，葉問除咗功夫好，仲識吹水吹到飛天，朝廷見葉問一個打十個咁「近」，仲打賞咗佢二萬兩白銀（600萬港幣）做獎金，錢一到手，葉先生就響平壤叫雞飲酒，夜夜笙歌……（佢老味葉問之後唔駛斬首真係天冇眼）
可憐嘅李鴻章同大清仲信曬葉問，以為清軍真係同日軍有得打，李鴻章仲繼續委任自己人葉問做平壤最高統帥，平壤內嘅其他將領一早睇穿葉問壠嘢，內部矛盾爆發，軍隊風紀渙散，士氣低落。
9月12號，日本大將山縣有朋率領14000人，向平壤進軍，要將清軍逐出朝鮮半島……
事情發展到依處，北京紫禁城內班滿清權貴仲未知死，全力攪緊豆斗六十大壽壇嘢，有心人上疏要求停辦幾個大壽項目，留啲錢應付中日戰爭，豆斗一聽，嬲咗！講咗句「今日令吾不歡者，吾亦將令彼終身不歡」（語譯：邊X個令我今日唔happy，我就要佢成世都唔happy），去到咁盡，仲有邊位敢出聲？
平壤大戰在即，日本聯合艦隊亦開始駛向黃海，位處威海衛同旅順港嘅大清最強北洋艦隊亦進入全面作戰狀態。
🤓【大清亡國關慈禧蛋牛治】實體購買
https://www.382now.com/product?id=87 ;
🤓【大清亡國關慈禧蛋牛治】
https://play.google.com/store/books/details?id=C3hjDwAAQBAJ
睇晒成本書，希望可以出到下一本。
好奇一問，當常兄搜集資料時，面對有唔同講法嘅史料，會點判斷邊樣可靠啲？
同埋對於啲比較陌生嘅名詞，可否加返啲備注？唔使我再GOOGLE，
例如縱陣、陸奧個老婆係乜水。
好奇一問，當常兄搜集資料時，面對有唔同講法嘅史料，會點判斷邊樣可靠啲？
同埋對於啲比較陌生嘅名詞，可否加返啲備注？唔使我再GOOGLE，
例如縱陣、陸奧個老婆係乜水。
對於唔同史料睇法，我純粹用主觀判斷，所以千祈唔好對我寫嘅嘢太認真
用食薯片嘅心態去睇就啱曬喇
用食薯片嘅心態去睇就啱曬喇
【常威考証】為慈禧平反系列（四十七）
大清原本想用開赴平壤嘅援兵，同牙山葉問聶士誠部隊匯合，向中央嘅漢城形成南北夾擊之勢，但葉聶軍隊成歡一役大敗，只有退到平壤會合大清四營援兵，固守平壤同日軍死過。
1894年9月8號，以打遍天下無敵手嘅葉問（志超）為首嘅清軍，已經完成平壤城嘅禦敵佈署，等待日軍嚟攻城。照常理，雙方實力相近，各有15000人左右，裝備亦大同小異，大家千祈唔好以為日本人裝備勁過清兵好多，其實當時大家所用嘅武器水平同火力大致相同。既然係咁，睇過拿破崙兵法都知，攻城嘅一方完全冇著數，反而守城一方先係佔上風，但認真你就輸了，清軍不但輸，而且輸得好撚好撚肉酸。
12號到15號，日軍支援力量響仁川登陸，配合陸路而嚟嘅陸軍部隊，陸續到達平壤外圍。15號浚晨4點，日軍開始向清軍發動猛烈進攻！雙方激戰，旗鼓相當，守城清軍並未處於下風，清晨時份，鎮守平壤城北牡丹台嘅大清將領左寶貴，英勇作戰，見陣地被日軍佔領，決意以身殉國，換上大清卸賜朝服，身先士卒，親自操火炮迎敵，最後被炮彈碎片擊中身亡！日軍非常佩服左寶貴嘅勇猛，之後仲響佢陣亡嘅地方立咗塊石碑紀念佢！
如果大清將士人人係左寶貴，大清點會亡國吖？可惜一百個將軍，左寶貴得一個，其他九個係葉問！九十個仲食緊鴉片吹緊水！成個上晝，清日雙方繼續駁火，清軍藉住防禦工事同堅固堡壘，守住平壤不失，其實稍佔上風。
但係依個時候，葉問忽然叫曬所有將領開會，商量撤兵大計，佔緊上風仲要走佬，你聽過未？驚死嘛！除咗馬玉昆外，其餘人都贊成棄城撤退。下晝4點，平壤落起大雨，清軍停上炮擊，而且響城頭扯起白旗投降，日軍派出使者同清兵交涉，要求清兵開城門受降，單係扯旗唔可以當真，清軍以落雨同入黑為理由，同日軍講第二朝先開城門投降，日軍恐防清軍玩嘢，保持戒備狀態，但停止炮擊平壤城。
傍晚6點，已陸陸續續有清兵擅自逃亡出城，8點，葉問自己亦第一時間拜拜，主帥都閃咗，其他清兵仲唔發顛，完全冇曬秩序雞咁腳作鳥獸散，逃出嘅清軍仲比日軍伏擊，傷亡慘重。次日黎明5點，日本軍佔領平壤空城，取得勝利！平壤一戰，打咗24小時就結束咗！清軍大敗，四散逃走，留低大量物資，單係火炮就留低30門、子彈就留低76萬發、黃金100公斤、銀錠540公斤…………咁究竟大清想點Jet？
平壤一戰，清軍約有2000人陣亡（1500人死於黑夜撤退），日軍僅有200人左右戰死。依一戰亦係中日正規陸軍部隊第一次大規模短兵相接，結果日本人睇穿曬大清隴嘢，原來大清軍隊係「低能」嘅，冇情報參謀系統、冇醫療後勤系統、零戰術運用，同傳說一樣，停留咗響18世紀乾隆時代，完全缺乏保家衛國嘅基本能力，雖然擁有精良武器裝備，但戰術落後，軍紀衰過小學雞，完全唔具備十九世紀現代化軍隊嘅一切條件，從此以後，日本人再唔怕大清，食硬你就係必然！
葉問執番條命渡過鴨綠江返中國。之後被炒魷就一定，但李鴻章仲要求繼續比佢留職出糧，光緒睬你都生臭狐，次年葉問被送去北京監斬。但李鴻章力保佢，結果踎咗幾年，1900年獲大赦還鄉，次年逝世。
北洋陸軍平壤一役total lost……北洋海軍呢？下次繼續甲午戰爭戲肉！
大清原本想用開赴平壤嘅援兵，同牙山葉問聶士誠部隊匯合，向中央嘅漢城形成南北夾擊之勢，但葉聶軍隊成歡一役大敗，只有退到平壤會合大清四營援兵，固守平壤同日軍死過。
1894年9月8號，以打遍天下無敵手嘅葉問（志超）為首嘅清軍，已經完成平壤城嘅禦敵佈署，等待日軍嚟攻城。照常理，雙方實力相近，各有15000人左右，裝備亦大同小異，大家千祈唔好以為日本人裝備勁過清兵好多，其實當時大家所用嘅武器水平同火力大致相同。既然係咁，睇過拿破崙兵法都知，攻城嘅一方完全冇著數，反而守城一方先係佔上風，但認真你就輸了，清軍不但輸，而且輸得好撚好撚肉酸。
12號到15號，日軍支援力量響仁川登陸，配合陸路而嚟嘅陸軍部隊，陸續到達平壤外圍。15號浚晨4點，日軍開始向清軍發動猛烈進攻！雙方激戰，旗鼓相當，守城清軍並未處於下風，清晨時份，鎮守平壤城北牡丹台嘅大清將領左寶貴，英勇作戰，見陣地被日軍佔領，決意以身殉國，換上大清卸賜朝服，身先士卒，親自操火炮迎敵，最後被炮彈碎片擊中身亡！日軍非常佩服左寶貴嘅勇猛，之後仲響佢陣亡嘅地方立咗塊石碑紀念佢！
如果大清將士人人係左寶貴，大清點會亡國吖？可惜一百個將軍，左寶貴得一個，其他九個係葉問！九十個仲食緊鴉片吹緊水！成個上晝，清日雙方繼續駁火，清軍藉住防禦工事同堅固堡壘，守住平壤不失，其實稍佔上風。
但係依個時候，葉問忽然叫曬所有將領開會，商量撤兵大計，佔緊上風仲要走佬，你聽過未？驚死嘛！除咗馬玉昆外，其餘人都贊成棄城撤退。下晝4點，平壤落起大雨，清軍停上炮擊，而且響城頭扯起白旗投降，日軍派出使者同清兵交涉，要求清兵開城門受降，單係扯旗唔可以當真，清軍以落雨同入黑為理由，同日軍講第二朝先開城門投降，日軍恐防清軍玩嘢，保持戒備狀態，但停止炮擊平壤城。
傍晚6點，已陸陸續續有清兵擅自逃亡出城，8點，葉問自己亦第一時間拜拜，主帥都閃咗，其他清兵仲唔發顛，完全冇曬秩序雞咁腳作鳥獸散，逃出嘅清軍仲比日軍伏擊，傷亡慘重。次日黎明5點，日本軍佔領平壤空城，取得勝利！平壤一戰，打咗24小時就結束咗！清軍大敗，四散逃走，留低大量物資，單係火炮就留低30門、子彈就留低76萬發、黃金100公斤、銀錠540公斤…………咁究竟大清想點Jet？
平壤一戰，清軍約有2000人陣亡（1500人死於黑夜撤退），日軍僅有200人左右戰死。依一戰亦係中日正規陸軍部隊第一次大規模短兵相接，結果日本人睇穿曬大清隴嘢，原來大清軍隊係「低能」嘅，冇情報參謀系統、冇醫療後勤系統、零戰術運用，同傳說一樣，停留咗響18世紀乾隆時代，完全缺乏保家衛國嘅基本能力，雖然擁有精良武器裝備，但戰術落後，軍紀衰過小學雞，完全唔具備十九世紀現代化軍隊嘅一切條件，從此以後，日本人再唔怕大清，食硬你就係必然！
葉問執番條命渡過鴨綠江返中國。之後被炒魷就一定，但李鴻章仲要求繼續比佢留職出糧，光緒睬你都生臭狐，次年葉問被送去北京監斬。但李鴻章力保佢，結果踎咗幾年，1900年獲大赦還鄉，次年逝世。
北洋陸軍平壤一役total lost……北洋海軍呢？下次繼續甲午戰爭戲肉！
【常公子假如電話亭】之《以左寶貴代替葉志超》
常公子以絕對唔嚴謹嘅方法談論歷史，純粹個人喜好，不喜勿插，啱傾就參予討論。
今日又叉開一筆，問叮噹（唔係多拉A夢）借個假如電話亭，試吓如果平壤之戰由左寶貴代替葉問會有咩效果，歷史冇如果，大家千祈唔好咁認真，因為身處依個時代，認真你會輸了。
李鴻章信葉問，因為嫡系問題，假如當日左寶貴兵諫成功，踢走葉問做總指揮，歷史可能會全盤改寫。首先左寶貴唔會比葉問推去日軍攻勢最猛烈嘅城北而陣亡，以左先生戰意，平壤亦唔可能響24小時內淪陷，以雙方投入戰力估算，清兵不戰而降機會好細，平壤之戰會拖延落去，進入拉鋸狀態，日軍1894年9月16號未能佔領平壤，9月17日黃海之上，相信亦唔敢主動挑釁北洋艦隊，黃海海戰根本唔會爆發，冇咗依場毀滅性嘅大海難，大清仍保有健全軍事實力，絕對唔會一敗塗地。
平壤之戰拉鋸得十零廿日後，大清一定會從陸路加派軍隊渡過鴨綠江增援平壤，日本人未能將清軍成功驅逐出朝鮮，就會開始同大清談判朝鮮前途問題，以李鴻章同豆斗求和不求戰嘅性格，最後又係賠錢了事（三、四百萬兩應該可以擺平日本人），大不了將朝鮮主導權交畀日本，日本人得到朝鮮半島，已經達成之前戰略佈署，相信亦會暫時滿足收手，繼續發展工業，增強國力，力求及早脫亞入歐。
咁冇咗甲午一敗，李鴻章最多俾人叫賣國賊漢奸，唔需要落馬。由佢繼續揸旗，開放改革會順住行落去，當然百日維新同戊戌政變亦唔會出現，慈禧會真係響頤和園退休成為真正老佛爺取代釋迦牟尼，昇上神枱。光緒就算再遇到梁啟超、康有為同六君子等人，都只係會令佢視野更開闊，明白學習西方世界先係發展王道，分分鐘有機會踼走翁同龢條老不死，同洋務改革派嘅李鴻章行得更埋。同埋以當日大清經濟情況估計，1894年左右已經還清外債，之後嘅收入只會遂年上昇，冇咗一系列政治風波，中國會進入全面工業化發展階段，有咗錢，軍事投資相對增加，國力加強，西方列強同日本人更加唔敢予取予攜，任意進出，瓜分中國。
踏入二十世紀初，國家安定繁榮，人民相對唔係太窮後，乜嘢革命思潮更加冇市場。大清繼續統治中國，但會學習英國日本，進入君主憲時代，議會政治誕生。歐洲戰爭頻繁爆發，帝國主義者亦會響亞洲退場，大清自主性更強後，以大清人口嘅巨大勞動力，如果全面投入工業生產，振興出口，大清可能響二十世紀三四十年代已經成為亞洲一級強權。
只係將葉志超換咗左寶貴，就會將中國歷史完全改寫？吹吓水就得！認真你就輸了。
過去百幾年，中國人嘅苦難其實大部份係自己問題。對內張牙舞爪，對外貪生怕死，打自己人最叻，打敵人腳軟。歷史上唔係剩係得葉志超一個。人始終都係主導歷史嘅源頭，一個人嘅所作所為，分分鐘會影響億萬人嘅生死榮辱。
常公子以絕對唔嚴謹嘅方法談論歷史，純粹個人喜好，不喜勿插，啱傾就參予討論。
今日又叉開一筆，問叮噹（唔係多拉A夢）借個假如電話亭，試吓如果平壤之戰由左寶貴代替葉問會有咩效果，歷史冇如果，大家千祈唔好咁認真，因為身處依個時代，認真你會輸了。
李鴻章信葉問，因為嫡系問題，假如當日左寶貴兵諫成功，踢走葉問做總指揮，歷史可能會全盤改寫。首先左寶貴唔會比葉問推去日軍攻勢最猛烈嘅城北而陣亡，以左先生戰意，平壤亦唔可能響24小時內淪陷，以雙方投入戰力估算，清兵不戰而降機會好細，平壤之戰會拖延落去，進入拉鋸狀態，日軍1894年9月16號未能佔領平壤，9月17日黃海之上，相信亦唔敢主動挑釁北洋艦隊，黃海海戰根本唔會爆發，冇咗依場毀滅性嘅大海難，大清仍保有健全軍事實力，絕對唔會一敗塗地。
平壤之戰拉鋸得十零廿日後，大清一定會從陸路加派軍隊渡過鴨綠江增援平壤，日本人未能將清軍成功驅逐出朝鮮，就會開始同大清談判朝鮮前途問題，以李鴻章同豆斗求和不求戰嘅性格，最後又係賠錢了事（三、四百萬兩應該可以擺平日本人），大不了將朝鮮主導權交畀日本，日本人得到朝鮮半島，已經達成之前戰略佈署，相信亦會暫時滿足收手，繼續發展工業，增強國力，力求及早脫亞入歐。
咁冇咗甲午一敗，李鴻章最多俾人叫賣國賊漢奸，唔需要落馬。由佢繼續揸旗，開放改革會順住行落去，當然百日維新同戊戌政變亦唔會出現，慈禧會真係響頤和園退休成為真正老佛爺取代釋迦牟尼，昇上神枱。光緒就算再遇到梁啟超、康有為同六君子等人，都只係會令佢視野更開闊，明白學習西方世界先係發展王道，分分鐘有機會踼走翁同龢條老不死，同洋務改革派嘅李鴻章行得更埋。同埋以當日大清經濟情況估計，1894年左右已經還清外債，之後嘅收入只會遂年上昇，冇咗一系列政治風波，中國會進入全面工業化發展階段，有咗錢，軍事投資相對增加，國力加強，西方列強同日本人更加唔敢予取予攜，任意進出，瓜分中國。
踏入二十世紀初，國家安定繁榮，人民相對唔係太窮後，乜嘢革命思潮更加冇市場。大清繼續統治中國，但會學習英國日本，進入君主憲時代，議會政治誕生。歐洲戰爭頻繁爆發，帝國主義者亦會響亞洲退場，大清自主性更強後，以大清人口嘅巨大勞動力，如果全面投入工業生產，振興出口，大清可能響二十世紀三四十年代已經成為亞洲一級強權。
只係將葉志超換咗左寶貴，就會將中國歷史完全改寫？吹吓水就得！認真你就輸了。
過去百幾年，中國人嘅苦難其實大部份係自己問題。對內張牙舞爪，對外貪生怕死，打自己人最叻，打敵人腳軟。歷史上唔係剩係得葉志超一個。人始終都係主導歷史嘅源頭，一個人嘅所作所為，分分鐘會影響億萬人嘅生死榮辱。
畀幅地圖巴打及及
【常威中史】為慈禧平反系列（四十八）
千祈唔好將北洋陸軍同海軍當成同一樣嘢，兩者嘅層次相差成幾層樓，李鴻章嘅北洋陸軍由淮軍道友、廢青廢老班底組成，但北洋海軍基本上係一支聯合國部隊，內裡除咗中國軍人，仲有僱傭兵同洋人。由於海軍當時係大清重量級投資，上得船嘅軍官同水手，都唔會係文盲李同道友強（最低要求起碼要識聽英文指令囉）。為咗駕御依枝世界級艦隊，李鴻章除咗輸入外地勞工，佢仲響1880年響天津成立「北洋水師學堂」，專門訓練北洋海軍運作所需要嘅人才同技術人員。
中國啟蒙思想家嚴復（1854-1921），就係北洋水師學堂嘅校長，由1880年開張到1900年收皮，學堂一共train咗二百幾人出嚟，其中唔小之後都成為中國嘅棟樑，好似後來嘅中華民國大總統黎元洪（1864-1928）就係北洋水師學堂畢業。
人比人，比死人，講辦軍事教育中國係落後日本九條街，北洋水師學堂二十年來只有兩百幾個畢業生，數量只係日本海軍學院一年畢業生嘅數目。依一點，我好唔明！冇人咩？冇錢咩？抑或好似副學士咁冇人報讀呢？貴精不貴多？但中國最多嘅就係人喎！甲午之敗，教育係一個大問題。
不過當年報考北洋水師學堂嘅人，因為唔係讀四書五經「兩榜正途」做官，所以會比大清主流社會視為「撈偏門」或走投無路。講真，又係儒家哲學意識型態累事。所以日本明治維新第一件事，就係要踢開儒家哲學依條又老又臭嘅阿婆紥腳布。
北洋水師，收入豐厚，而且官階好高，上得戰船撈嘅都有大清四五品官職待遇。當年除咗洋人同僱傭兵外 北洋水師裡面嘅中國人大致分為兩類，第一類係福建人，佢哋都係有錢有背景嘅官商子弟，精通水性，講英文仲流利過講北京官腔（即現今嘅普通話發音標準），對大清朝廷冇乜忠誠可言，只將當兵當成職業賺錢（似個亦係十九世紀現代化軍隊嘅正確心態），嚴復就係代表人物；第二種係好似黎元洪嗰類中原冒險家亡命之途，佢哋有一定家底、頭腦同能力，唔怕死唔怕惡，但又冇讀四書五經八股文嘅天份，太平盛世會成為黑社會收陀地攪黃賭毒，天下大亂就會係反賊革命家，好話唔好聽，依類人除咗當兵就係做賊，好聽叫英雄好漢豪傑，難聽叫流氓軍閥共匪！過多十零年，二十世紀初大清倒台後，之後嘅幾十年就係佢哋玩曬囉。
北洋艦隊上依群人，絕對唔係流料！不過命運冇機會俾佢哋發揮專長，1894年9月17號黃海一役，係佢地初次啼聲，代表大清最強海軍出戰日本聯合艦隊，然而對好多人嚟講，亦係最後一次……
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
千祈唔好將北洋陸軍同海軍當成同一樣嘢，兩者嘅層次相差成幾層樓，李鴻章嘅北洋陸軍由淮軍道友、廢青廢老班底組成，但北洋海軍基本上係一支聯合國部隊，內裡除咗中國軍人，仲有僱傭兵同洋人。由於海軍當時係大清重量級投資，上得船嘅軍官同水手，都唔會係文盲李同道友強（最低要求起碼要識聽英文指令囉）。為咗駕御依枝世界級艦隊，李鴻章除咗輸入外地勞工，佢仲響1880年響天津成立「北洋水師學堂」，專門訓練北洋海軍運作所需要嘅人才同技術人員。
中國啟蒙思想家嚴復（1854-1921），就係北洋水師學堂嘅校長，由1880年開張到1900年收皮，學堂一共train咗二百幾人出嚟，其中唔小之後都成為中國嘅棟樑，好似後來嘅中華民國大總統黎元洪（1864-1928）就係北洋水師學堂畢業。
人比人，比死人，講辦軍事教育中國係落後日本九條街，北洋水師學堂二十年來只有兩百幾個畢業生，數量只係日本海軍學院一年畢業生嘅數目。依一點，我好唔明！冇人咩？冇錢咩？抑或好似副學士咁冇人報讀呢？貴精不貴多？但中國最多嘅就係人喎！甲午之敗，教育係一個大問題。
不過當年報考北洋水師學堂嘅人，因為唔係讀四書五經「兩榜正途」做官，所以會比大清主流社會視為「撈偏門」或走投無路。講真，又係儒家哲學意識型態累事。所以日本明治維新第一件事，就係要踢開儒家哲學依條又老又臭嘅阿婆紥腳布。
北洋水師，收入豐厚，而且官階好高，上得戰船撈嘅都有大清四五品官職待遇。當年除咗洋人同僱傭兵外 北洋水師裡面嘅中國人大致分為兩類，第一類係福建人，佢哋都係有錢有背景嘅官商子弟，精通水性，講英文仲流利過講北京官腔（即現今嘅普通話發音標準），對大清朝廷冇乜忠誠可言，只將當兵當成職業賺錢（似個亦係十九世紀現代化軍隊嘅正確心態），嚴復就係代表人物；第二種係好似黎元洪嗰類中原冒險家亡命之途，佢哋有一定家底、頭腦同能力，唔怕死唔怕惡，但又冇讀四書五經八股文嘅天份，太平盛世會成為黑社會收陀地攪黃賭毒，天下大亂就會係反賊革命家，好話唔好聽，依類人除咗當兵就係做賊，好聽叫英雄好漢豪傑，難聽叫流氓軍閥共匪！過多十零年，二十世紀初大清倒台後，之後嘅幾十年就係佢哋玩曬囉。
北洋艦隊上依群人，絕對唔係流料！不過命運冇機會俾佢哋發揮專長，1894年9月17號黃海一役，係佢地初次啼聲，代表大清最強海軍出戰日本聯合艦隊，然而對好多人嚟講，亦係最後一次……
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
【常威中史】為慈禧平反系列（四十九）
中日海軍第一次交手，響1894年7月25號嘅「豐島海戰」，依一戰相對個半月後發生嘅黃海海戰，只係小兒科。「豐島海戰」中，大清德國制排水量2300噸巡洋艦濟遠號重傷，廣乙艦自爆沉沒，操江艦不戰而降被日軍俘虜，英國商船高陞號被擊沉，一千名清軍葬身大海。豐島實際係一場慘敗，同時亦暴露咗北洋海軍絕對唔夠日本聯合艦隊打嘅真相。
豐島海戰7日後，8月1號中日宣戰，光緒隨後向北洋水師提督丁汝昌責棍，要炒佢老母魷魚，但李鴻章力保佢，話暫時冇人可以替代佢個位，丁生得以繼續留任北洋水師提督，直至黃海海戰發生。不過丁汝昌其實只係塊神主牌，北洋艦隊實際領導人其實係被李鴻章話「才大可用」嘅副帥劉步蟾（1852-1895），劉步蟾係福建人，同日本聯合艦隊副帥東鄉平八郎一樣留學英國遊歷歐陸多年，其實係半個ABC鬼佬。
近代史上，劉步蟾亦係經常被抹黑嘅一個人，好多史料都話甲午海軍大敗，尤其係黃海一役，劉步蟾要付上最大責任（縱陣橫陣戰術爭議），但事實並唔係咁樣。
9月17號發生嘅東海大戰，百幾年來好多人都相信一個叫William Ferdinard Tyler英國人所寫嘅一本書《Pulling Strings in China》裡面嘅內容，William親歷黃海海戰，本回憶錄響1929年英國出版，已經係甲午戰爭嘅30年後。佢本大作，抹黑北洋艦隊同劉步蟾，亦抹黑咗成場黃海海戰中北洋海軍嘅英勇表現。一個人寫本書，又叫得回憶錄，吹水啫，冇責任架，呃吓稿費，就好似我常公子開個FB專頁講近代史，大家得啖笑啫，唔講邊有得笑先？響W筆下，北洋艦隊實際總指揮官劉步蟾係一個貪生怕死、有勇冇謀、胡亂指揮嘅白痴領導者，結果後世人個個信曬佢，真陰公。
查實W生於英國農村，學歷係小學未畢業，向祖家撈唔起，成年後以一個英國人身份到上海掘金，曾經做過赫德先生主理嘅中國海關一艘巡邏艇上嘅水手，後來北洋海軍要人，識講英文嘅佢就上咗北洋海軍旗艦定遠號工作，佢響回憶錄上自稱為定遠艦嘅副船長（Co-Commander），已經係吹大個波，屌你老母你小學未畢業喎。同時期另一個北海水師學堂畢業、德國留學返嚟、後來成為我哋中華民國大總統嘅黎元洪先生，當時都只可以響定遠號上做個炮兵放炮，W先生，你只係一個英國大力水手啫，低級官階，邊有可能響黃海海戰發生期間企響丁汝昌同劉步蟾身邊一齊指揮作戰呀？軍事會議都一定冇份開啦，至多咪比劉步蟾叫你去買奶茶記得找錢嗰位囉。
一條咁嘅英國小契弟，隔咗30後寫本回憶錄講黃海大戰，你話可信性有幾高？佢本書寫劉步蟾指揮北洋艦隊一字排開嘅「橫陣」，大敗於日本艦隊嘅直線「縱陣」係東海一役戰敗主因。真係將事情極度簡化同低B化……
下次，直入1894年9月17號中午東海大戰戰況，睇吓大清海軍嘅表現，其實並唔係你想像中咁流架……
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
多謝捧場啊
我會繼續努力做落去
做到王光美接劉少奇骨灰
中日海軍第一次交手，響1894年7月25號嘅「豐島海戰」，依一戰相對個半月後發生嘅黃海海戰，只係小兒科。「豐島海戰」中，大清德國制排水量2300噸巡洋艦濟遠號重傷，廣乙艦自爆沉沒，操江艦不戰而降被日軍俘虜，英國商船高陞號被擊沉，一千名清軍葬身大海。豐島實際係一場慘敗，同時亦暴露咗北洋海軍絕對唔夠日本聯合艦隊打嘅真相。
豐島海戰7日後，8月1號中日宣戰，光緒隨後向北洋水師提督丁汝昌責棍，要炒佢老母魷魚，但李鴻章力保佢，話暫時冇人可以替代佢個位，丁生得以繼續留任北洋水師提督，直至黃海海戰發生。不過丁汝昌其實只係塊神主牌，北洋艦隊實際領導人其實係被李鴻章話「才大可用」嘅副帥劉步蟾（1852-1895），劉步蟾係福建人，同日本聯合艦隊副帥東鄉平八郎一樣留學英國遊歷歐陸多年，其實係半個ABC鬼佬。
近代史上，劉步蟾亦係經常被抹黑嘅一個人，好多史料都話甲午海軍大敗，尤其係黃海一役，劉步蟾要付上最大責任（縱陣橫陣戰術爭議），但事實並唔係咁樣。
9月17號發生嘅東海大戰，百幾年來好多人都相信一個叫William Ferdinard Tyler英國人所寫嘅一本書《Pulling Strings in China》裡面嘅內容，William親歷黃海海戰，本回憶錄響1929年英國出版，已經係甲午戰爭嘅30年後。佢本大作，抹黑北洋艦隊同劉步蟾，亦抹黑咗成場黃海海戰中北洋海軍嘅英勇表現。一個人寫本書，又叫得回憶錄，吹水啫，冇責任架，呃吓稿費，就好似我常公子開個FB專頁講近代史，大家得啖笑啫，唔講邊有得笑先？響W筆下，北洋艦隊實際總指揮官劉步蟾係一個貪生怕死、有勇冇謀、胡亂指揮嘅白痴領導者，結果後世人個個信曬佢，真陰公。
查實W生於英國農村，學歷係小學未畢業，向祖家撈唔起，成年後以一個英國人身份到上海掘金，曾經做過赫德先生主理嘅中國海關一艘巡邏艇上嘅水手，後來北洋海軍要人，識講英文嘅佢就上咗北洋海軍旗艦定遠號工作，佢響回憶錄上自稱為定遠艦嘅副船長（Co-Commander），已經係吹大個波，屌你老母你小學未畢業喎。同時期另一個北海水師學堂畢業、德國留學返嚟、後來成為我哋中華民國大總統嘅黎元洪先生，當時都只可以響定遠號上做個炮兵放炮，W先生，你只係一個英國大力水手啫，低級官階，邊有可能響黃海海戰發生期間企響丁汝昌同劉步蟾身邊一齊指揮作戰呀？軍事會議都一定冇份開啦，至多咪比劉步蟾叫你去買奶茶記得找錢嗰位囉。
一條咁嘅英國小契弟，隔咗30後寫本回憶錄講黃海大戰，你話可信性有幾高？佢本書寫劉步蟾指揮北洋艦隊一字排開嘅「橫陣」，大敗於日本艦隊嘅直線「縱陣」係東海一役戰敗主因。真係將事情極度簡化同低B化……
下次，直入1894年9月17號中午東海大戰戰況，睇吓大清海軍嘅表現，其實並唔係你想像中咁流架……
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
多謝捧場啊
我會繼續努力做落去
做到王光美接劉少奇骨灰
推
支持歷史台
【常威中史】為慈禧平反系列（五十一）
1894年仲有一件大事發生，就係我哋嘅華橋領袖孫中山先生響夏威夷王國嘅首都檀香山組織咗一個叫「興中會」嘅革命社團，準備推翻大清，之後幾年佢會返番香港，入讀當時嘅香港華人西醫書院（College of Medicine for Chinese, Hong Kong），即香港大學醫學院前身，接受大英帝國醫學及民主議會思想訓練，為未來嘅辛亥革命大業奠定意識型態基礎。
9月17號中午，鴨綠江口的鳩登行動仲進行緊嘅時候，日本聯合艦隊已經殺到大東海溝，我諗北海水師提督丁汝昌當時嘅選擇只有三個，1.打。2.走。3.扯白旗投降。投降唔會揀（佢又唔係葉問，而且投降亦會有機會死），走？人哋航速快過你，機動性強過你，走得甩咩？假設比你走得甩，返到大清一樣要被責棍斬首喎。因此，丁汝昌同劉步蟾只可以硬住頭皮同佢賭一鋪大細，起錨！打啦！
當時，日本聯合艦隊司令伊東祐亨（1843-1914）坐鎮旗艦松島，加埋海軍最高領導人樺山資紀（1837－1922）響巡洋艦西京丸號上親自督戰！日本以旗艦松島為首，率領吉野、秋津洲、千代田、嚴島、橋立、赤城、高千穗、浪速、扶桑、西京丸決戰北洋艦隊。
當中日軍船艦差唔多全部都係19世紀90年代落水嘅新船，時速全部到達18海浬以上，其中吉野號最新，航速更加到達23海浬。大清北洋艦隊平均時速只有15到18海浬，機動性完全處於下幾風。打仗，係打科技同打將領質素。響核武大家攬卵住死玉石俱焚依個概念未出現之前，打仗係以軍備技術行先，木船打鐵甲艦冇得打，刀劍打機關槍又係嘥氣。
下午12點50分，天晴，黃海海面風平浪靜，能見度極好。
北洋艦隊同日本聯合艦隊迎面接近，雙方合共為數約三十艘戰艦嘅超級大海戰即將爆發！北洋艦隊採用咗副提督英國海軍軍官琅威理（William Metcalfe Lang，1843－1906。都係William，但唔係1929年出書踩北洋艦隊嗰位William）嘅「鱗次橫陣」隊型，依個「V」字型陣法係1866年奧地利艦隊響利薩海戰擊敗意大利艦隊嘅著名陣法。而日本則採用英國海軍軍官尹古魯斯嘅「單縱陣」迎戰！
當雙方艦隊相距大約六公里時，大清旗艦定遠號艦長（管帶）劉步蟾一聲令下，30厘米口徑大炮先行發炮，炮彈響日本巡洋艦吉野號左舷數百米外炸出一條驚天水柱！
下次繼續，血肉橫飛！
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
【渠頭者聯盟ll：決戰外星人朗拿度】
https://play.google.com/store/books/details/%E4%B8%89%E5%B3%B6%E6%82%A0%E4%BA%9E_%E6%B8%A0%E9%A0%AD%E8%80%85%E8%81%AF%E7%9B%9FII?id=Emp2DwAAQBAJ
【碌葛男人嫁得過】線上購閱
https://play.google.com/store/books/details?id=e1N7DwAAQBAJ
1894年仲有一件大事發生，就係我哋嘅華橋領袖孫中山先生響夏威夷王國嘅首都檀香山組織咗一個叫「興中會」嘅革命社團，準備推翻大清，之後幾年佢會返番香港，入讀當時嘅香港華人西醫書院（College of Medicine for Chinese, Hong Kong），即香港大學醫學院前身，接受大英帝國醫學及民主議會思想訓練，為未來嘅辛亥革命大業奠定意識型態基礎。
9月17號中午，鴨綠江口的鳩登行動仲進行緊嘅時候，日本聯合艦隊已經殺到大東海溝，我諗北海水師提督丁汝昌當時嘅選擇只有三個，1.打。2.走。3.扯白旗投降。投降唔會揀（佢又唔係葉問，而且投降亦會有機會死），走？人哋航速快過你，機動性強過你，走得甩咩？假設比你走得甩，返到大清一樣要被責棍斬首喎。因此，丁汝昌同劉步蟾只可以硬住頭皮同佢賭一鋪大細，起錨！打啦！
當時，日本聯合艦隊司令伊東祐亨（1843-1914）坐鎮旗艦松島，加埋海軍最高領導人樺山資紀（1837－1922）響巡洋艦西京丸號上親自督戰！日本以旗艦松島為首，率領吉野、秋津洲、千代田、嚴島、橋立、赤城、高千穗、浪速、扶桑、西京丸決戰北洋艦隊。
當中日軍船艦差唔多全部都係19世紀90年代落水嘅新船，時速全部到達18海浬以上，其中吉野號最新，航速更加到達23海浬。大清北洋艦隊平均時速只有15到18海浬，機動性完全處於下幾風。打仗，係打科技同打將領質素。響核武大家攬卵住死玉石俱焚依個概念未出現之前，打仗係以軍備技術行先，木船打鐵甲艦冇得打，刀劍打機關槍又係嘥氣。
下午12點50分，天晴，黃海海面風平浪靜，能見度極好。
北洋艦隊同日本聯合艦隊迎面接近，雙方合共為數約三十艘戰艦嘅超級大海戰即將爆發！北洋艦隊採用咗副提督英國海軍軍官琅威理（William Metcalfe Lang，1843－1906。都係William，但唔係1929年出書踩北洋艦隊嗰位William）嘅「鱗次橫陣」隊型，依個「V」字型陣法係1866年奧地利艦隊響利薩海戰擊敗意大利艦隊嘅著名陣法。而日本則採用英國海軍軍官尹古魯斯嘅「單縱陣」迎戰！
當雙方艦隊相距大約六公里時，大清旗艦定遠號艦長（管帶）劉步蟾一聲令下，30厘米口徑大炮先行發炮，炮彈響日本巡洋艦吉野號左舷數百米外炸出一條驚天水柱！
下次繼續，血肉橫飛！
【大清亡國關慈禧蛋牛治】實體購買
https://www.382now.com/product?id=87
【大清亡國關慈禧蛋牛治】
https://play.google.com/store/books/details?id=C3hjDwAAQBAJ
【渠頭者聯盟ll：決戰外星人朗拿度】
https://play.google.com/store/books/details/%E4%B8%89%E5%B3%B6%E6%82%A0%E4%BA%9E_%E6%B8%A0%E9%A0%AD%E8%80%85%E8%81%AF%E7%9B%9FII?id=Emp2DwAAQBAJ
【碌葛男人嫁得過】線上購閱
https://play.google.com/store/books/details?id=e1N7DwAAQBAJ
💚【津津美食園】特別廣告提案
我常公子同阿潮平日觀塘返工，一定會幫襯津津美食園食晏食dinner，因為啲嘢實在太好食，唔落味精，食咗唔會口渴，價錢又平。
呢個時勢，大集團壟斷一切，小本經營好難做，所以我哋專登拍條片同佢做吓廣告。正所謂，四海之內皆兄弟，我哋要發揮香港人嘅互助精神，話畀全世界知道，香港人就係咁傻，同咁優秀。
去片！
🍍https://youtu.be/UsZmgSZEsnQ
#津津美食園 #觀塘 #反壟斷 #冇味精
我常公子同阿潮平日觀塘返工，一定會幫襯津津美食園食晏食dinner，因為啲嘢實在太好食，唔落味精，食咗唔會口渴，價錢又平。
呢個時勢，大集團壟斷一切，小本經營好難做，所以我哋專登拍條片同佢做吓廣告。正所謂，四海之內皆兄弟，我哋要發揮香港人嘅互助精神，話畀全世界知道，香港人就係咁傻，同咁優秀。
去片！
🍍https://youtu.be/UsZmgSZEsnQ
#津津美食園 #觀塘 #反壟斷 #冇味精
常公子有無去百里香
利申：中立非打手
利申：中立非打手
在那裡
睇咗咁耐歷史，最陰濕嘅就係依種斯文敗類。總之一句，遇到著住老西滿口仁義道德又賺到盤滿砵滿嘅人，就要小心！冇錯嘅！
民主黨
民主黨