【大清亡國關慈禧蛋牛治】第一回

成立「馬克思學說研究會」，就係籌建共產黨主要嘅步驟之一，以研究學術作為包裝，「研究會」遂成為北京共產主義小組領導下嘅一個群眾組織，當時會員有20幾人，幾乎全部係進步青年知識份子（第一階段黃俄），佢哋開始有組織發表文宣出版刋物，以及以研究馬克思主義為名，開始展開公眾活動，例如開講座討論會讀書會，真正目的當然係要招攬新人。歷史並無明確講俾我哋知，依班人同「第三國際」有冇實際關係，但係明眼人應該一清二楚，馬克思主義本來就唔係一種純粹學術研究，而係一種政治活動。

正如馬克思所講，哲學並非純粹用嚟認識世界，而係要用嚟改變世界。

俄國共產黨布爾什維克，亦開始對中國有所動作，3月26號，北京政府正式收到蘇俄發表嘅《俄羅斯蘇維埃聯邦社會主義共和國對中國人民和中國南北政府的宣言》。《宣言》內稱，俄國共產黨廢除同日本、中國以及前各協約國締結一切密約；將沙皇政府從中國人民手中掠奪嘅一切交還返畀中國人民；拒絕接受庚子賠款；廢除對華一切特權；並且建議中國政府立即同蘇維埃政權建立外交關係。

其實呢份《宣言》1919年7月已經簽好落實，只不過俄國處於內戰狀態，要去到今個月23號，俄方先將抄本拍發至北京。北京徐世昌政府收到宣言之後，秘密派出專員，前赴海參崴同蘇俄代表作非正式接觸，呢一次亦都係中華民國北京中央政府同蘇聯共產黨嘅第一次外交接觸，隨後遍地開花，就係後話。

北方馬克思主義團體由「第三國際」指示下秘密成型，偉大的「中國共產黨」胚胎出現。我諗當時身處於湖南嘅毛澤東先生並未知道，1920年3月，毛澤東喺湖南長沙組織做一個叫做「湖南改造促進會」，主張廢除都督制同裁兵，促進省內人民民主自由，要求高度自治，甚至提出「湖南獨立」口號，今日嘅台獨分子同港獨份子，其實某程度上都係模仿毛澤東，追隨紅太陽，講真點會有錯？

但當時北京嘅李大釗陳獨秀，應該冇將南方青年毛澤東放喺眼內，亦都冇人估到，就算第三國際，史太林都估唔到，只係區區幾年後，毛澤東會變成中國推動共產主義運動嘅主要發電機。

更加冇人會估到，呢個只係區區30歲左右，仍然滿口自由民主嘅中國「半知識青年」，會成為共產主義歷史中一個最重要嘅代表人物，會由一個凡人，變成一個高高掛在天空上，照耀萬民、足以融化世間所有一切嘅霹靂紅太陽！！！

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常公子歷史頻道265回：斷送共和關 總統選舉 蛋牛治】

♉時局瞬息萬變，短短幾日，香港又起了翻天覆地的大變化。為咗平反亂局，唔畀好似去年6月嘅事再重蹈覆轍，中央政府藉兩會舉行要替香港立國家安全法，用基本法18保權限，將內容加入附件三，內地國安法直接喺香港使用，5月28號嘅人大表決應該毫無懸念，睇情況，9月立法會選舉前亦都會全面施行。

♈我成日所講嘅大洪水到，亦都真係到咗，讀歷史你會知道，中共係一個唔會讓步嘅政權，你硬佢更硬，況且今時今日亦唔係2003年，香港嘅作用，或者作為國際金融中心對中國嘅影響力，亦遠不及從前；更何況，比起你作為一個顛覆基地，同一個金融中心的地位比較；前者嘅嚴重性，遠遠超越後者。況且，香港作為中國經濟起飛火車頭嘅作用，響21世紀前已經用完，今日中國架火車已經燃料充足，快速嚮前，超英趕美。

🔯作為一個百分百嘅實用主義者，用唯物辯證法思考。香港嘅「顛覆基地」問題始終要處理，實際嘅情況係，當你有利用價值嘅時候，不妨遷就你多啲，但當你利用價值降低嘅時候，就未必要遷就你更多。成件事嘅轉捩點發生響2008年，雷曼爆煲，金融海嘯令全球經濟引擎停上運行，中國時來運到，而且能夠把握機遇，成為最快復甦嘅經濟體系，亦由嗰日開始，中國經濟規模同國力迅速飛騰，起碼拋離咗成個歐洲同日本。亦由嗰時候開始，香港作為中國金融心臟嘅地位，迅速式微，本來存在嘅互相遷就同尊重嘅情況，亦徹底改寫。

♎一國兩制，早已經名存實亡，「國安法」要到，香港亦會為23條繼續立法工作，亦有可能係開天殺價落地還錢技倆，要香港人選擇由內地立法抑或由香港自行立法？兩害選其輕下，於是爭拗已久嘅廿三條順利過關。尋日開始，好多人好驚，但係我唔明驚啲乜嘢？大家所驚嘅國安法出現後所產生嘅問題同埋現實嚴打情況，唔係喺去年至今已經全部出現曬嘅咩？行雷閃電，閃光會俾雷聲早到，因為光速快過音速，實際上洪水一早到咗，現實早已經發生齊全，現在出現嘅問題，只係文本上嘅修補工作。

♍曾俊華話齋，自保時代開始，希望在明天，變幻才是永恆，不要怕，亦冇得怕，香港人「真係乜嘢風浪未見過？」，共勉之。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/lEM9B6gyN-Q

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常威近代史】（三百四十九回）
大軍閥平反系列

直系、皖系嘅矛盾醞釀多時，衝突無可避免。尤其是中間KY潤滑劑馮國璋死後，直系嘅「後起之秀」，我哋嘅民國關公，第一個登上美國時代雜誌嘅風雲人物——吳佩孚！以勇武雄姿，帶頭反段，1920年2月，帶兵從南北內戰前線北歸，矛頭直指北京直隸一帶段祺瑞皖系勢力，發動「清君側」鋤奸行動，誓要打倒段祺瑞徐樹錚，撥亂反正！

或者喺度首先補充少少吳佩孚嘅資料，吳佩孚生於1874年3月7日，係一個商人家庭之後，自幼接受儒家傳統教育，係一個100%讀書人，考得秀才功名，係少數有中國傳統文化背景嘅大軍閥，寫得一手好詩，亦作得一手好文章，佢接受咗儒家哲學系統嘅光明面，一生行事光明磊落，係一個大人物。如果中國人個個都係蔡元培吳佩孚，整個銀河系早已經是我們的了。

1898年吳佩孚投筆從戎，投效天津淮軍聶士成部隊，考入北洋武備學堂開平班學習步兵科，1902年入保定陸軍速成學堂學習測繪科。吳佩孚彈起於日俄戰爭，一個戰爭清帝國表面中立，其實係暗中支持日本打俄國佬，吳佩孚同16名從武備學堂畢業嘅青年軍官加入「倭人偵探隊」，同日本情報人員秘密組成「中日混合偵探諜報隊」，前往煙臺接受日本軍官守田利遠大尉訓練，再化裝成普通小販混入街頭刺探俄軍情報。

吳佩孚曾經建議用多條普通漁船，日夜不停地對俄國艦隊進行騷擾、試探，趁其麻痹之際，再將情報船混在漁船中送到日本海軍指揮艦，為後來日軍殲滅俄軍陸上要塞做出了貢獻。吳佩孚因屢次立功，獲得「單光旭日勛章」一枚。

1906年，吳佩孚加入袁世凱建立嘅新軍，任北洋第三鎮步隊十一標第一營任督隊官，後又任第三鎮曹錕協炮兵第三標第一營管帶。第二年，曹錕成了第三鎮嘅統制。吳隨曹錕駐防吉林時，曹錕要用東北地圖，結果整個第三鎮只有吳有一張在日俄戰爭時期自己繪制嘅東北地圖，由此曹錕對吳開始關注，派吳到與俄國交界的吉林興凱湖測量、繪圖。

1916年，吳隨曹錕入川與西南護國軍作戰，升任旅長。1917年7月，吳任討逆軍西路先鋒，時馮玉祥任東路先鋒，參加討伐張勳復辟。1918年護法戰爭時，吳任北軍第三師師長，隨曹錕進入湖南前線作戰，攻岳州，攻陷長沙，占領衡陽。馮國璋死後，曹錕同吳佩夫立刻成為直系嘅重要領導人物。

響直皖戰爭發生前，1920年3月，北京中央政府發生「安福系倒閣事件」，當時國務總理係靳雲鵬（1877-1951），靳雲鵬本來係段祺瑞心腹，「四大金剛」之一，但係佢因為同徐樹錚爭權，一山不能藏二虎，變得水火不容，於是直系、奉系勢力利用靳雲鵬抵制徐樹增，支持靳雲鵬內閣，由於靳同段祺瑞日漸疏離，又受直系奉系支持同唆擺，政府內安福系人馬視靳雲鵬為直系喺中央嘅代言人，一直積極策劃倒閣行動。

3月4號，靳雲鵬召集國務會議，安福系閣員臨時逃席，導致流會。9號，安福系財政總長李思浩、交通總長曾毓雋、司法總長朱琛提出集體請辭，向靳雲鵬逼宮，3月31號，國務總理靳雲鵬提出請辭。

但係安福系倒閣行動，遭到直系奉系堅決反對，直系大佬曹餛同奉系大佬張作霖、以及八省軍閥紛紛致電中央，要求挽留靳雲鵬及其內閣，大總統徐世昌亦表示堅決挽留，迫於各方強大壓力，段祺瑞同意挽留靳雲鵬，倒閣行動以失敗告終。

上述依一次安福系逼宮倒閣行動，相信大家並唔陌生，喺現代西方民主自由國家，呢啲事屢見不鮮，屬於正常民主機制下嘅政治操作，其實100年前嘅中國一早已經做緊。好似好混亂咁，又好似充滿陰謀同鬥爭，但係始終大家都係依法行事，法律程序仍然淩駕係個人意志之上。

近年有小粉紅同大粉紅不斷歌頌所謂「中國模式」，認為西方世界經濟不景氣，係同佢哋嘅自由民主政治制度有關，因為民主制度製造太多爭拗同黨派鬥爭，沒完沒了，好似腥港咁，直接拖慢政府施政效率，冇辦法及時應對時勢。

而所謂「中國模式」，打開心窗說亮話，就係極權統治囉，變相一言堂，上下齊心，領導話乜就做乜，結果政府產生極高嘅辦事效率，亦都解釋咗過去30年中國經濟不斷向上飛騰嘅曠世奇蹟。

依種On 9說法，用嚟呃儍仔婆仔完全冇問題，正如蛇齋餅粽係民建聯最大票源，但奇就奇在，過去十年，有唔少有識之士知識份子甚至紅鬚綠眼嘅鬼佬，都喺度讚揚「中國模式」，仲話全世界必須要向中國學習，你可能會話好多人收咗錢做嘢，但我個人好相信有人冇收錢，係真心膠，真心相信西方「自由民主」已經過時，新世界需要用新嘅統治方式經營，先至有出路。

整個世界經濟下調係鐵一般嘅事實，因為印銀紙已經印得太多，中國模式暫時獨佔鰲頭，亦係無法否定嘅事實。但係咁樣，係咪代表民主自由可以被一嘢拋棄呢？當你好肚餓嘅時候，見到森林裡有個捕獸器上面有一舊麵包，你就伸手去攞麵包食，到頭來比捕獸器夾斷你隻手，如果比喻，件事應該就係咁勒？經過最近COVID-19一役，唔通大家仲唔明？

如果你真係唔明，你未免太蠢，我建議你去搵腦科醫生check check大腦。

其實不單止整個世界經濟下調，人嘅智力亦都不斷下調中，正如太多人相信「中國模式」可以挽救世界，就係「失智狀態」最具體嘅表象。我常公子建議大家多一啲讀書，唔好成日玩電話，錢冇咗可以搵返，條女或條仔走咗可以揾第二個頂，但係智力一旦失去，Common Sence一旦崩潰，你依世人就會玩完。切記，珍重，my Hongkongers！

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常公子歷史頻道266回：斷送共和關 世紀大DQ 蛋牛治】

♉經歷咗2019年逆權運動，加埋2020年武漢肺炎襲地球，好多人都會有「我們已經不能回到從前正常的香港」那種慨歎，近一年，變化係巨大嘅，無可否認，「不能夠回到從前」係真嘅。但係我想講，任何時候，我哋都係「不能夠回到從前」。王家衛《一代宗師》裡講「從今後，我只有眼前路，沒有身後身。」任何人其實祇有眼前路，懷緬過去，純粹係一種虛構想像。

♑過去總係美好？真的嗎？人總愛粉飾過去，來表達對當下嘅不濟，事實上人嘅腦部記憶體有限，對於過去嘅印象，其實非常模糊，或者我哋只係懂得選擇美好嘅過去部分記下來，將唔好嘅事統統忘記，透過依種記憶過濾，「過去」永遠成為「美麗回憶」，而並非「真相」。歷史係一種研究過去嘅人文科學，我哋渴望尋找逝去事物嘅真相，藉此真確地將過去保留落嚟，或者再進一步，希望響整理過去嘅時候，能夠得出一啲結論或者軌跡，幫助我哋去面對未來嘅挑戰。我有時諗，歷史大概沒有存在嘅必要，是「無用之學」，雖然莊子《人間世》曰「人皆知有用之用，而莫知無用之用也」。

⛎再講，人類嘅生活真係有「正常」咩？所謂「正常」到底係啲乜？2019至2020年，如果你感覺不快樂、感覺很不正常，難道過去又好快樂好正常嗎？但所謂正常又究竟係甚麼一回事？貧富懸殊係正常嗎？人工20000元一個月，樓價20000元一呎，又係正常嗎？剝削是正常嗎？靜靜地被剝削也是正常嗎？如果你覺得上述我所講嘅嘢係不正常，咁反抗先係正常，混亂先至係正常。用統計學嘅方法講，如果你認為群體中大多數人表現出嚟嘅生活特徵就係正常嘅話，咁集體主義極權主義係正常嘅，強調個體嘅思想自由應該係不正常才是。

♍我得出嘅結論係，唔好懷念過去，因為凡事冇得返轉頭，有早知就冇乞兒；第二，所謂「正常」其實係不存在，世界上從沒有一種所謂人人有共識嘅「正常」生活狀態，所謂「正常」完全主觀，你覺得正常人哋覺得你不正常，而且世事瞬息萬變，變幻才是永恆，未來不可預測；因此引申出第三個結論，由於未來不能回預測，所以依從過去嘅歷史、經驗同教訓試圖去舖排未來之路，好多時候難免註定失敗收場；因此再引申出第四個結論，歷史真係冇用，純粹自娛同打發時間。

♈如果要我講歷史有乜實際作用？我反而會咁樣答你，人係一種需要娛樂嘅動物，你要想辦法娛樂自己，但娛樂需要付出代價同成本，於是需要找尋一種廉價而且有持久性嘅娛樂活動，閱讀歷史係其中一種，買書借書睇，相比起其他娛樂活動實在便宜得多，如果你係一個窮人嘅話就更加適合。懂得閱讀打發時間（不論是否讀歷史也好）其實係一種比較聰明同廉價嘅娛樂方法。上述意見並非我所原創，呢番說話係一個擁有博士學位嘅人同我講，應該夠權威性。想返轉頭，原來都係廿幾年前嘅事情，到今日我仍然牢牢記住。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/1lmYXDdgcNQ

【常威近代史】（三百五十回）
大軍閥平反系列

清楚返形勢先，20世紀初嘅中國南北戰爭一直持續，主要戰場喺湖南長江流域一帶，戰事規模時大時細，斷斷續續，和中有戰，戰中有和。我講過，基本上唔算係大規模嘅內戰，如果同之後發生嘅戰爭比較，直情係冇得比，二次世界大戰結束之後國共內戰，就係真真正正嘅大規模內戰，唔係你死就係我亡嗰隻，死成千萬人，先至係真正嘅內戰，civil war。

一直代表北京中央政府喺最前線作戰嘅軍人，代表人物係民國關公吳佩孚，隨住喺前線嘅日子越嚟越長，吳佩孚嘅實力亦都不斷坐大，槍杆子出政權，邊個有兵邊個惡係真理。

自從1918年8月，吳佩孚已經不斷發表「罷戰主和」嘅輿論，同北方段祺瑞皖系主張武力統一中國背道而馳，吳佩孚亦同佢嘅伯樂直系大佬曹錕，拉攏其他軍閥，包括奉系張作冧，組成「七省聯盟」，主張喺前線撤軍北歸，實行「清君側」行動，當然要打到嘅對象，就係段祺瑞嘅整個皖系，段祺瑞多次向吳佩孚作出警告同斥責，甚至叫佢做「秀才造反」，但革命無罪，造反有理，你中央政府做得唔好，人民就有權推翻你，屬於民主基本邏輯。

之前已經講過，為咗阻止吳佩孚大軍北還之路，段祺瑞曾經想奪取河南省嘅領導權，但捉蟲入屎忽，本來中立嘅軍閥趙倜唔想軍權被褫奪，反而轉向投靠直系，結果「七省聯盟」變成「八省聯盟」！

1920年4月，「安福系倒閣」事件失敗告終，令段祺瑞同安福俱樂部聲譽再度受創，我諗支持度跌到同今日嘅林鄭差唔多。直系大佬曹錕乘機以追悼湖南陣亡將士為名，喺保定召開八省聯盟會議。出席會議嘅人，包括直隸督軍曹錕、江蘇督軍李純、江西督軍陳光遠、湖北督軍王佔元、奉天督軍張作霖、吉林督軍鮑貴興，黑龍江督軍孫烈臣、河南督軍趙倜，同關公陸軍第三師師長吳佩孚。

八省聯盟從此結成，直系首領曹錕同吳佩孚喺會上牽頭，策劃倒段行動，各省督軍意見雖然不盡相同，但反對安福系態度一致，認為推翻安福系呢個貪汙政治聯盟，段祺瑞就會不攻自破，會議通過三項決議：

1.擁護靳雲鵬內閣，以抑壓安福系繼續坐大，暫不直接反對段祺瑞。

2.各省前線軍隊一律撤回原防地，即係按章工作，但係要保證南方軍隊不會乘機進攻。

3.宣佈安福系罪狀，致電中央政府請求解散安福俱樂部，即係所謂「清君側」行動。

八省聯盟提出嘅訴求亦都相當溫和，但係獨當一面嘅段祺瑞又點會俾你班蛋散要脅呢？你有「八省聯盟」好叻咩？段祺瑞亦同時間拉攏其他軍閥，組織咗「十一省聯盟」，多你三省，吹咩？當然所謂十一省聯盟純粹係政治花瓶，只係畀面派對，功能有限。大家壁壘分明，正如今日香港有「黃店」同「藍店」之分，到頭來睇下邊個多人幫襯，就係民意所在囉。

直系同皖系正式紮馬，大戰一觸即發。其他勢力當然係擔定凳仔食花生，南方孫文繼續組織佢嘅「中國國民黨」活動，繼續call舊客幫襯革命老字號。響北方，來自俄國嘅共產主義勢力，亦都正式有組織性地向中華民國滲透。

四月，由陳望道譯出嘅《共產黨宣言》全文，第一個正式官方中文版正式發表，佢係參考戴季陶提供嘅日本版本、同參考陳獨秀提供嘅英文版本將全文譯出，由「上海社會主義研究社」出版，作為社會主義研究小叢書第一種。

《共產黨宣言》（The Communist Manifesto），係國際共產主義運動最經典文獻，沒有之一，可以同佢相提並論嘅，只有後嚟嘅《資本論》同《毛語錄》，由馬克思同恩格斯寫於工人大革命遍地開花之年1848年，亦係整個世界共產主義信徒嘅共同行動綱領，表明要利用暴力革命推翻資本主義，解放所有無產階級，消滅貧窮壓迫和剝削，建立一個公平平等、互助友愛嘅共產主義烏托邦，最著名口號係：

「全世界無產者聯合起來！」

「無產階級所失的不過是他們的鎖練，而得到的，是全世界。」

要補充小小戴季陶（1891-1949）花邊，原名良弼，通稱戴季陶，中國國民黨元老之一，中華民國國旗歌作詞者，亦係中國馬克思主義最早研究者之一。1913年二次革命失敗，佢逃亡日本，同蔣介石係結拜兄弟，兩人響日本住埋一齊。戴季陶有一位日本籍護士女友重松金子，傳説重松金子與戴、蔣二人均「過從甚密」，之後重松金子未婚替戴季陶產下一子，經過同蔣介石商量，決定過繼給蔣介石，即日後之蔣緯國（1916-1997）。（好似講過，但唔記得鳥）

同月，有更重要嘅事情發生，「共產國際」，即「第三國際」代表團抵達北京，主持人維金斯基（1893-1953），中文名叫「吳廷康」，唔係吳浩康，開始負責協助組建「中國共產黨」，當時嘅北京中華民國中央政府並無「黨禁」，普羅市民仍然可以自由組織政治團體，只要你唔係反中央政府就可以。

又係咁巧合，吳廷康又係俄裔猶太人，又係猶太人！真係唔恨得咁多！佢係「共產國際」創立初期一個有影響力人物，本身亦係中國研究專家，佢應該係第一個將「第三國際」嘅實質經濟支助引入中國嘅人，亦係得到第三國際嘅金錢資助同組織咨詢，中國共產黨——即我們偉大的党——才得以順利響中華民國內成立。

我哋下次繼續，建黨大業敍述。

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常公子歷史頻道267回：斷送共和關 羅福星 蛋牛治】

♉中美全面開火，香港無可避免變成Condon，歷史再一次證明，無論任何時候，香港都係一個重要嘅角色，孫文推翻滿清皇朝統治嘅中國革命，由1895年嘅香港開始；大江大海1949，香港成為中國國民黨同共產黨之間嘅緩衝區；中共鎖國期間，香港成為中華人民共和國唯一嘅對外窗口同埋外貿進出嘅方便門；80年代中國開放改革，香港更加為中國Boost起第一輪經濟火車頭提供資金同技術來源；1989年六四，香港係唯一一個地方長期紀念；去到1997，香港係全世界第一個「一國兩制」嘅實驗品；2019年風起雲湧，更加唔使講……

♉有幸活於香港，成為一個香港人見證大時代，可說是終身無憾。今日中美關係，用外媒嘅形容，正處於「自由落體」階段，跌至自1989年六四後嘅新谷底，甚至比當時更甚。昨日美國國務卿蓬佩奧更加向國會陳述香港已經失去其自治地位，意味美國對香港嘅「特殊待遇」將會取消（現在未取消），而香港一直享有嘅「單獨關稅區」（Separate Customs Territory）地位亦可能唔存在。依一招，無論對中國同香港經濟嚟講，都會係嚴重衝擊，我亦唔敢想像若然成真，香港嘅社會政治同經濟結構會發生乜嘢巨大變化？

⛎名苻其實「攬炒」狀態，香港有人求仁得仁、有人焦噪不安。面對大時代，各自表述，有人會移民離開就一定，社會會出現大洗牌，有人會一鋪清袋，有人一朝富貴，階級產生變化，向上流動嘅機會就會出現，其實未必一定係壞事，我一直強調，社會嘅怨氣係來自所謂「太平盛世」，嚟自「欣欣向榮、形勢大好」時利益分配不公，嚟自階級剝削，深層次問題唔想辦法解決，問題會一直存在。你唔去解決「問題」，「問題」本身就會自發性找尋路徑解決自己（同對手）。

♎目前唔適宜對「美國對香港」問題評論太早，要睇多幾日形勢發展，畢竟「大國博弈，枱底一定有交易」，如果美國或西方世界「真係」同中國徹底割蓆，咁就意味住要打仗，打仗就乜都唔使傾，亦唔需要有枱底交易，直至場仗打完勝負已分，大家先可以再傾，但無論如何都必須傾，只係睇下點傾？同幾時傾？

♑天祐香港。🙏🙏🙏另外，【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/ZBafwvCilu8

👉最新上架⏩【常威近代史】第五部《霹靂大忠臣對決無敵大買辦》Round two
http://shorturl.at/dW145

⏩最新上架，請大家課金支持💪💪

❤【常威近代史】第五部《霹靂大忠臣對決無敵大買辦》Round two

https://play.google.com/store/books/details/%E5%B8%B8%E5%A8%81_%E9%9C%B9%E9%9D%82%E5%A4%A7%E5%BF%A0%E8%87%A3%E5%B0%8D%E6%B1%BA%E8%B6%85%E7%B4%9A%E5%A4%A7%E8%B2%B7%E8%BE%A6_ROUND_2?id=puXmDwAAQBAJ

支持你雖然得好少人睇，唔好放棄

況且當時嘅英國倫敦已經係歐洲最先進文明嘅地方，工人階級嘅狀況亦不堪入目，其他嘅地區可想而知。當然事後睇返，共產主義並非良方妙藥，甚至係一劑更毒嘅毒藥，不過如果我身歷其境，我必然會係一個共產主義信徒，至少會係一個激進左翼。

講番吳廷康，響北京同李大釗同有關人士見面後，佢認為中國建立共產黨同加入「第三國際」嘅條件已經成熟，之後佢去咗上海，會見另一個更重要嘅人物，就係陳獨秀，吳廷康同陳獨秀討論咗中國社會嘅改造，以及建立中共嘅具體問題，之後吳廷康留咗喺上海，幫助陳獨秀籌備中共建黨嘅工作，與此同時，吳廷康更加將大量嘅馬列主義書刋傳入中國。

我個人亦認為，1920年4月，吳廷康同有關嘅人士已經聯絡上身在湖南長沙嘅毛澤東，邀請呢個有志嘅年青人加入中共。而中共嘅另一個重要人物周恩來，當時正因為參與社會運動被拘捕，身處天津拘留所內同其他同伴進行絕食，抗議警察對佢哋嘅暴力侵犯及不公平對待。無法否認，當時周恩來依位受過高等教育、及有志改革社會拯救民間疾苦嘅年青人，正正就係今日香港我哋口中嘅「暴徒」。

政治冇所謂黑同白，亦冇所謂對與錯。喺現今香港，無論「藍絲」抑或「黃絲」，其實好多人嘅出發點都係為咗整體社會人民好，希望每一個人都可以安居樂業同得到快樂，只不過大家彼此嘅視野唔同，所睇見嘅係兩個完全唔相同嘅平行世界。況且階級立場唔同，所爭取嘅事物亦都會唔同，有人認為「搵食」比「自由」重要，亦有人認為「自由」係淩駕一切價值及物質條件之上，因為每個人背景、所經歷嘅事物同思想都不同，所謂「存在決定意識」，並非「意識決定存在」，所以不能調和及產生爭拗亦係理所當然，。

當然「意識形態」都係一樣可以改變、可以操控嘅東西，所以文宣係最重要，我同好朋友周顯都認為，中共及特區政府做得最差嘅就係——文宣。

註：《托洛茨基全集》第13卷，第38-49頁

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道268回：斷送共和關 五毛 蛋牛治】

♉Rainy day，就像23年前一樣，香港回歸的夜晚，也是一個雨夜。剛剛美國總統Donald Trump宣佈以下措絕：

1⃣與WHO割蓆，正式取消全部撥款。
2⃣直接抽擊中國偷取科研成果和隱瞞武漢肺炎疫情害死全球無數生命。
3⃣將會禁止某些從事間諜活動的人物入境美國
4⃣將會加強監管中國金融機構
5⃣香港為民主前哨(bastion)
6⃣開始取消香港關係法，香港不會有特別待遇，重審香港獨立關稅區
7⃣將會制裁所有中國以及香港有份破壞香港自治權的官員

➡最後，Trump指出20年前，歸還香港比中國係希望可以帶領中國民主化，而唔係令到香港成為中國一部份。

♈美國向中國全面開火，香港果然成為兩陣對峙最前綫，是禍是福仍然未知，但肯定香港響之後嘅日子，會成為全球焦點。有幸活於大時代，見證歷史轉捩點，也未知是喜是憂？香港人未來要步步為營，迎接全新一頁，亦係無可逆違嘅事實。

♐其實任何變化，責任都唔喺香港人身上，香港只係一個被動角色。一切的根源嚟至2008年金融海嘯，之後全世界為修補金融黑洞，全球瘋狂印銀紙，但印銀紙唔可以解決問題，今時今日嘅困局同中美決裂，其實亦係「印」出嚟。

♍距離2047仲有27年，相信呢一刻，冇人可以預料會發生乜嘢事情，可能最後和稀泥當冇事發生過，但若然會演化成戰爭狀態，亦一啲都唔出奇，中美如果割蓆，雙方共同利益減少，鬥爭分分鐘越演越烈，冇人想向對方跪低，一山不能藏二虎下，情況未許樂觀。

♑天祐香港。🙏🙏🙏另外，【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/BhDidg1eu4Y

👉最新上架⏩【常威近代史】第五部《霹靂大忠臣對決無敵大買辦》Round two
http://shorturl.at/dW145

【常威近代史】（三百五十二回）
大軍閥平反系列

時間去到1920年4月，吳廷康來華，積極協助李大釗同陳獨秀籌組中國共產黨，「第三國際」顯然係幕後金主，但與此同時，工人運動即在全世界遍地開花，布爾什維克軍事上嘅勝利，大大鼓舞咗全世界嘅無產階級同工人階級士氣，無數人紛紛投入依個建設世界大同烏托邦嘅偉大夢想上中，甚至粉身碎骨都在所不惜。

當時嘅英殖香港，亦開始發生工人運動，1920年4月頭，香港機器工人舉行同盟大罷工，一共有5000人參與，佢哋要求加薪、增加工人福利以及反對辭退工人，依一次大罷工，亦都埋下之後1925年「省港澳大罷工」嘅種籽。

其實平民以罷工手段抗衡政府施政，一直都係最有效同最和平嘅方法，到咗今日都從未變過。不久之前香港就有醫護人員罷工，反對政府唔封關，2019年下半年逆權運動，亦有人號召「三罷」向當權者施加壓力。當然好容易理解，如果全香港真係有一半人以上罷工，政府無論點咁強硬，一定要跪低！

好可惜，香港嘅三罷並唔成功，真正嘅原因喺背後無一個巨大嘅工會統籌同埋組織、或者發放罷工工人需要嘅基本生活費，呢一點好重要，唔返工都要食飯，你雖然罷工，但係去7仔買包純薄荷萬寶路一樣要畀59蚊。不過如果大家要「拆大台」嘅話，全港三罷永遠唔會有成功嘅一日。（智力門檻：80）

我已經講過，好多人唔明白現代西方自由民主世界工人罷工嘅威力，其實係由於佢哋往往背後都有巨大嘅工會力量support，外國嘅工會勢力可以好龐大，資金亦都相當雄厚，因為加入工會嘅工人，每個月都有一定百分比嘅薪金投入工會運作。

如果你唔明，可以睇返最近Netflix馬田史高西斯導演嘅《愛爾蘭人》（The Irishman），裡面嘅劇情，就係描述五六十年代美國運輸業貨車工會裡嘅權力鬥爭，其實絕對唔係香港「工聯會」或「職工盟」嘅模式同規模。

重申一次，再講多十次都唔厭，香港呢個世界上最先進文明的大城市，到咗今時今日，仍然未立法給予工人合法嘅「集體談判權」，因此工會從來無辦法做大，加上一直受政權操縱嘅「工聯會」多年來假扮「工會」經營，大量吸納工人階級，等好多工人以為自己已經加入咗「工會」，殊不知只係加入咗「建制」嘅一部份，所以亦從來唔知道真正「工會」嘅權限同威力，係遠遠超過佢哋所能夠想像之外。

仲要提返大家，香港多次關於「集體談判權」嘅立法無法成事，除咗親政府嘅議員會投反對票之外，其實好多口裡成日話關注民生拯救貧苦大眾脫苦海嘅民主派議員都係投反對票。有好多人唔明白乜嘢叫階級利益？「存在決定意識」，其實你只要睇某啲事情嘅結果，你就會一清二楚。

1920年嘅5月1號，亦都係中國人第一次大張旗鼓慶祝嘅「五一勞動節」！五一勞動節由由「第二國際」所創立，早響19世紀末葉西方歐陸國家成為工人階級嘅重要節日，當時外國就有輿論話，中國人從來唔知道五一係乜嘢來？但係經過「五四運動」，馬克思主義傳入中國，中國工人階級嘅政治意識開始蘇醒，1920年嘅五一勞動節，全國各地工人紛紛以各種形式舉行慶祝活動。

喺上海，喺陳獨秀嘅籌備下，5000多個工人召開咗「世界勞動紀念大會」，活動原本喺公共體育場舉行，但係遭到軍警阻止，最後改到租界內嘅精武體育會舉行，但係軍警死咬不放，又到場阻撓，幾經波折，工人繼續舉行活動。各界代表在會上發表演說，提出八小時工作、八小時休息、八小時教育嘅「三八制」要求，並且集體高呼「勞動者萬歲」、「中華工界萬歲」等口號。

所謂「三八制」，喺今日世界係天經地義，但係當時中國，絕對係工人階級嘅奢侈品；當然今日香港，八小時工作亦並非常態，不過犯賤呢家嘢，響SM性虐遊戲中受虐者角色中，其實係一種至高無上嘅享受。

響北京，李大釗領導咗以北京大學為中心紀念活動，北京大學學生罷課一天，校內召開咗有500名校工同學生參加嘅「五一勞動節紀念大會」，發表演說後，北大學生代表等人出發到王府井等鬧市地區派發《五月一日北京勞工宣言》，但隨即畀軍警以尋釁滋事罪拘捕，你話個政府幾驚工人運動丫？大家到底明唔明呀？

喺廣州，工學界亦舉行大型集會，有成五萬人參與慶祝會。此外唐山、哈爾濱、九江、汕頭、香港……等地方亦都舉行咗各種形式嘅五一紀念活動。

當時最時髦嘅《新青年》刋物，亦都製作咗《五一勞動節專號》，而且版頭係由孫文提嘅「天下為公」四個大字！

我早已經講過，孫文其實係共產主義信徒，這一點毋庸置疑，當1920年馬克思主義共產主義思潮大量滲透中國嘅時候，孫文同佢新建嘅「中國國民黨」，似乎重新找尋到政治意識形態嘅立足點，辛亥革命已經發生咗九年，「革命」呢個牌頭亦都畀唔同嘅人用爛咗，加上馬克思主義早就同孫文嘅政治意識互相吻合，孫文同俄國嘅布爾什維克 ，或者叫「第三國際」，早就註定要走埋一齊，一生一世，緣分係天註定嘅，而天註定係大曬嘅。

我個人好相信，如果孫文唔係短命，俾佢有七十歲，多二十年貨仔，中國或者一早已經變成一個共產主義國家都未定。

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常公子歷史頻道269回：斷送共和關 章太炎 蛋牛治】

♉世局變化太快，火燒連環船，美國發生連串暴動，相信冇人可以預見，陰謀論基本上唔可以成立，因為好明顯係偶發事件，庚子年唔係講笑，美國嘅種族問題一直冇辦法解決，係另一個火藥庫，藥引一到，就會爆炸。巨浪滔天，一個一個冚埋香港，先有逃犯條例，再爆發連串社會運動，再嚟新型冠狀病毒，國安法立法，美國制裁香港……一浪接一浪，真係要以平常心面對，因為睇嚟，更壞嘅情況亦會再出現，而且會變本加厲。

♈但好多問題，歸根究底都係經濟問題，一個「窮」字可以解釋曬，均窮其實冇問題，但貧富懸殊就係大問題，香港年青人嘅憤怒，嚟自睇唔到未來，睇唔到向上流動機會，加上物價高企，生活苦不堪言，心理異常抑壓。同樣情況亦喺美國出現，封城三個月，大量低下階層失業，怨氣積壓，一搵到渲洩口，不滿情緒就會排山倒海爆發出嚟，呢個唔係獨獨香港嘅問題，2008年金融海嘯之後，已經係全世界嘅問題。如果印銀紙可以解決問題世界就無問題，但係印銀紙只會拖延問題，而且將問題好似雪球咁越轆越大。如果上述嘅講法係事實，未來充滿危機。

🔯香港會變成點？我真係唔知，我記得去年11月，當社會狀況稍為平息時，茶敘之間有朋友講，「我諗最差嘅時候已經過去，我睇唔到再有更差嘅情況可以出現」，我好難忘記呢句說話，因為嚟到2020年夏天，一語成韱。究竟有冇「更差嘅情況」可以出現呢？答案一清二楚放響面前。

⛎攬炒變成現實，焦土亦已開始，最後嘅結果唔會好快出現，事情可以拖十零二十年，甚至二三十年，中美之間缺乏互信，而且競爭勢頭已經誕生，好難可以返轉頭，除非其中一方願意徹底跪低，俯首稱臣，但機會好低。就算未來兩者關係有緩和跡象，深層次矛盾亦唔可以解決，新冷戰時代無可避免會再次重臨。上一次冷戰時代，亦係二十世紀東西方發展嘅黃金時代，人類嘅生活水平同科技直線上昇，經濟發展充分彌補冷戰對峙間製造嘅危機感，繁榮同恐懼互相抵消，最後由1991年蘇聯無聲解體結束冷戰時代。

♏新冷戰時代，係一個全新嘅格局，下次有機會再分析。

♑天祐香港。🙏🙏🙏另外，【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/4Z05bvt99-A

👉最新上架⏩【常威近代史】第五部《霹靂大忠臣對決無敵大買辦》Round two
http://shorturl.at/dW145

【常威近代史】（三百五十三回）
大軍閥平反系列

南北分裂持續，北方方面，由曹錕、民國關公吳佩孚牽頭組成「八省聯盟」，引兵北歸，打算推翻段祺瑞同佢安福系政治系統，直皖戰爭一觸即發。本來北方陣營籠裏雞作反，對南方一衆軍閥，特別係廣州軍政府形勢相當有利，但係中國人就係唔鬥唔撚安樂，來自北方嘅軍事壓力減低同時，廣州軍政府內就發生新一輪權力鬥爭。

之前，1919年8月，孫文因為不滿廣州軍政府被雲南、廣西軍閥所控制，宣佈辭去軍政府總裁職位，脫離軍政府獨立，另起爐灶，另組「中國國民黨」。但逼走孫文後，廣州軍政府內，滇、桂軍閥摩擦加劇，1920年4月更出現內部分裂。

1920年2月，軍政府總裁之一、雲南督軍唐繼堯（1883-1927）免去駐粵軍長國民黨元老李根源（1879-1965）職務，將部隊交由老牌革命軍人李烈鈞（1882-1946）指揮。但桂系軍閥莫榮新（1853-1930）堅決不接受，於是，滇、桂軍隊發生衝突，軍政府另一總裁兼外交、財政部長伍廷芳（1842-1922）、趙藩相相繼脫離軍政府。

4月13號，李根源派兵包圍廣州軍政府參謀部，鳴槍示威，並派人入內搜查破壞，當時擔任參謀長嘅李烈均被迫立刻離開廣州，好明顯係一次軍事政變，與此同時，廣州非常國會參議院議長林森（1868-1943）、衆議院正副議長吳景濂（1873-1944）、褚輔成（1873-1948）及部份國民黨籍（並非孫文嘅中國國民黨，大家要分清楚）議員亦迅速離開廣州，前赴香港避難，佢哋到達香港後，發表聲明，否定軍政府嘅合法性。

本來好好哋一個廣州革命政權，自孫文去後，好快成為一盤散沙，你有陣時真係唔好話，革命KOL孫文個朵真係好堅，蛇無頭不行，個朵好重要！廣州軍政府嘅分裂，直接令孫文勢力坐大，因為好多革命黨人、國民黨人亦相繼投向孫文間新公司。

講起孫文，亦不得不提正在冒起中嘅蔣介石，佢嘅命中宿敵，身材高大精力充沛嘅毛澤東，正積極找緊佢嘅馬克思主義宣傳工作，中共成立在即，當然唔會少得佢一份。1918年，已經成為孫文親密戰友嘅蔣介石，被孫文委派負責指揮粵軍第二支隊，但係蔣介石明顯唔鍾意做呢份工，1919年整個上半年，佢以探望母親為藉口離開部隊，事實上整個1919年，佢好少留喺廣東，反而大部份時間喺上海同東京渡過。

蔣介石抱怨嘅地方係，佢已經無力對粵軍第二支隊進行改造，睇佢寫比好朋友粵軍參謀長鄧鏗嘅信中，蔣介石表示佢非常不滿，不滿嘅地方包括軍餉無端端被浪費、佢亦冇權力選擇軍官、而佢作出嘅任何建議都未被上頭（陳炯明）接納、而且部隊紀律散漫、內部派系鬥爭嚴重，總之情況簡直令人感到無可救藥，佢甚至認為應該要解散第二支隊。

1920年頭，為避免有人指責佢迷戀官職，蔣介石決定辭去粵軍第二支隊司令一職。喺蔣介石整個人生中，每當形勢不能如他所願時，佢就以辭職嘅方式以退為進。佢多次辭職，試圖以此證明佢係不可缺少嘅一個，結果往往亦都係，佢一旦復出，得到嘅職權同埋權力就更加大。呢一招「以退為進」，真係「有料到」先好做，如果你本身冇料，唔該安分守己打好份工食長糧好過。

對部隊嘅不滿，其實亦都係蔣介石對廣東王陳炯明（1878-1933）嘅不滿，蔣介石同陳炯明之間嘅矛盾，之後亦會越演越烈，當中嘅權力鬥爭，其實就係最後邊個能夠取得全部軍隊嘅主導權。勝利者會係邊個？大家當然心裡有數。

對蔣介石嘅離開，孫文表示大力挽留，喺一封信裡面，佢勸蔣介石留低，好好同陳炯明搞好關係，一齊為革命事業奮鬥，孫文咁講：

「執信忽然殂折，使我如失左右手，計吾黨中知兵事而能肝膽照人者，今已不可多得，為兄之勇敢誠篤，堪與執信比，而知兵則猶過之。兄性剛而嫉欲過甚，故常齟齬難合，然為黨負重大責任，則勉強犧牲所見而降格以求所以為黨，非為個人也。」

孫文比蔣介石年長，但仍以「兄」稱呼，俗語話「哥前哥後三分險」，亦由此可以睇到孫文真心重視蔣介石，因為講到打仗，孫文係識條鐵。但信裡面亦講出咗蔣介石嘅性格，佢係一個非常之難相處嘅人，「性剛而嫉欲過甚」，因為自視甚高，睇唔起任何人，「你憑咩嘢同我拗呀？」，依種人唔適合打工，最適合做領袖，亦適合做獨裁者。

另外喺呢封信中，「所以為黨，非為個人也」一句，睇得出孫文心中，「黨」（Party）已經淩駕喺「個人」之上，同今日一樣，「黨」嘅利益係大曬嘅，由呢個思路開始，「國家」係由無數個「個人」為單位所組成，既然黨可以淩駕於個人之上，黨亦都可以浚駕喺國家之上，「黨國合一」思維早已經喺孫文心中根深蒂固，加埋布爾什維克嘅勝利，一條獨裁之路，已經開始喺孫文面前舖起嚟。

孫文蔣介石嘅故事之後有排講，1920年5月，過完五一勞動節，響前線嘅吳佩孚宣佈撤防，即軍隊離開南北交戰最前線，今年初，吳佩孚甚至派員到廣東磋商撤防嘅具體辦法，廣州軍政府甚至撥出60萬，畀吳佩孚嘅部隊作為撤防費，真係敵人中有朋友，朋友中又有敵人，敵我難分啊。

北京政府喺段祺瑞嘅受權下，嚴禁吳佩孚部隊自由行動，2月底，吳佩孚喺曹錕支持下，將軍官家眷先護送返北方，並發出撤防通告，以示決心。上月八省聯盟通過一致倒段，各省軍隊撤回原地，唔同南方軍隊交戰，北京徐世昌政府亦逼不得已，只好致電吳佩孚，同意佢嘅部隊北歸，關公吳佩孚於1920年5月20號，大軍起錨，矛頭直指北京，打柒段祺瑞！

清君側！

#常威 #大軍閥平反系列  #大軍閥 #民國歷史

【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常公子歷史頻道270回：斷送共和關 大洋 蛋牛治】

♉新冷戰時代同舊冷戰時代嘅分別，在於20世紀二次世界大戰之後，東西兩大陣營都在戰後焦土中重建起來，人民渴望和平同生活安定，無論身處共產主義或資本主義世界，無論經濟同科技發展都欣欣向榮，結果抵銷政治爭拗同痛苦怨恨，展現出人類20世紀中葉一個「黃金時代」Gloden Era。

♉但隨著蘇聯解體，冷戰時代結束，世界響美國一國獨大之下前行三十年，為咗極限上繼續推高經濟流通，不斷印銀紙（印銀紙某程度上亦都係要找尋藉口繼續印銀紙），亦不斷消耗地球資源，為咗只係延續二十一世紀光輝燦爛嘅繁榮景象，但真相係，眼前的繁榮其實係透支咗未來嘅 Credit，無論天然資源上定金錢上，係一種冇抵押品嘅無上限借貸，政府都教過，借錢總要還。2008年嘅金融海嘯，就係大耳窿上門淋紅油收數嘅先兆。

♈上次金融海嘯，中國幸運地能夠獨善其身，雖然自己亦都印咗四萬億人仔找數，但相對美國同歐洲，已經係小數目。整個歐洲亦喺2008年後一蹶不振，歐洲央行雖然狂印銀紙亦冇辦法填補黑洞，大家有眼睇到。而美國嘅霸主角色亦都有所轉變，因爲要填氹，迫不得已要從「giver」嘅身份變成「taker」嘅身份，為求自保，右派當道，結果出現白人主義者特朗普上臺嘅現象，其實亦係無可避免。

♈中國唔係蠢人，佢一定係smell到美國有小小問題，於是乎想「彎道超車」，實踐東風壓西風之壯舉，或想改變整個世界以美國為主導、以美元為結算嘅基本遊戲規則，「亞投行」、「一帶一路」出手，挑戰美國霸權，當然我講咗好多次，係早咗20年，如果可以忍辱負重等多20年先出手，情況可能完全唔同曬。

⛎政治係一種講求時機嘅妥協藝術，同談戀愛一樣，當你60歲人先遇到最適合嘅靈魂伴侶，叫時機已過；但要喺最適合嘅時機做最適合嘅事，要在花樣年華好好談一場戀愛，就係命運同運氣問題。中華民族嘅運氣從來不佳，今次都唔例外，過早出手，觸動美國霸主神經，對方當然會坐以待斃，你要我同你分餅仔，你係痴心妄想，於是開打貿易戰，傾盡全力排山倒海反撲對手，一直放喺議程上嘅「新冷戰劇本」，亦順勢出臺，反而毫無突兀之感。

♍我個人相信，劇本已經一早寫好，只等待演員有期埋位拍攝，中國要挑戰，美國亦都擺好位同你隻抽。冷戰開始，相信雙方都有心理準備要玩半個世紀，至少玩二三十年。相同例子，其實日本帝國曾經做過，想東風壓西風嘅遊戲，一玩四十年，由20世紀初期玩到1945年，日本最後收兩個原子彈完敗收場，從此以後成為美國嘅附庸，直至今日。

🔯不過新冷戰時代一開始，就發生一場世紀瘟疫，相信冇人會有咁高手搞生化武器，純粹係天意使然，或者係整個地球上所有人共業而生的自然界反撲，冷戰雙方事前應該絕對估唔到，一場瘟疫，直接加速冷戰嘅前行速度，相信事前無人可知，歷史奧妙之處，亦在這裏。

♑天祐香港。🙏🙏🙏另外，【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/gV-6k161EEQ

👉最新上架⏩【常威近代史】第五部《霹靂大忠臣對決無敵大買辦》Round two
http://shorturl.at/dW145

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常威近代史】（三百五十四回）
大軍閥平反系列

1920年5月，直系民國關公吳佩孚離開前線後北歸後，中華民國亦正式步伐所謂「軍閥混戰」時代，亦即係中國近代史中，歷史學家成日講中國人最黑暗嘅日子，當然相比起之後嘅「日本侵華」或「國共內戰」，死傷其實小巫見大巫，響之後一段日子，全國各地爆發過無數場戰爭，軍閥之間為爭奪利益、互相攻擊，無所不用其極，依種極其混亂嘅狀態，要到蔣介石1926年北伐成功之後幾年，先至有顯著改善。

當然軍閥混戰年代，人民嘅生活並不好過，之前講過鳥，生靈塗炭係改朝換代必然付出嘅代價，如果你認為政權易手唔使經過流血同戰爭，只表示了一個事實，就係你睇得歷史太少；正如有人以為政權唔會對異見者秋後算賬，亦都係因為你太年輕，何況我哋面對嘅政權，係中共——基本上係由無數代人鮮血精煉沉澱而成嘅一個極權政黨，佢哋嘅先輩用無數生命同鮮血奪取政權嘅時候，今日異見者個老竇、或者佢老竇個老竇，亦只不過是某人睪完裡一條精蟲而已。

大家配合好，吳佩孚撤出湖南前線後，南方湘軍揮軍北上，搶佔戰略重鎮，同當時湖南督軍兼省長皖系嘅張敬堯（1881-1933）嘅北洋軍，喺湖南一帶展開激戰。

先講講張敬軒依個人，其實佢都毛澤東影響好大，歷史上記載張先生其實係一個仆街，真正大軍閥代表之一，統治湖南期間，佢放任下屬響經濟上巧取豪奪、摧殘教育、並且鉗制輿論，當然大家要明白，所謂抑壓言論自由，當日湖南張敬堯做嘅事，同後來國民黨共產黨或今日嘅中國，程度上仍然冇得比，尾燈都冇辦法見到，當時起碼湖南成省人做夠膽開聲小7佢。1919年中，湖南省就掀起咗「驅張運動」，民間公共知識份子發動集會遊行示威、出版刊物，宣傳舖張，誓要趕走張敬堯出湖南。

湖南知識份子同學生仲到處請愿，甚至上訪北京抗議，1919年中，一個到訪北京嘅「驅逐湖南軍閥張敬堯赴京請願團」中，湖南學界代表，就係身材高大、精力充沛嘅毛澤東。

大家可能奇怪，點解我會三番四次強調毛澤東嘅身材同埋精力，其實上述兩個身體條件，都係令到毛澤東最後能夠獨當一面嘅主要原因，180cm身高，喺當時貧窮落後普通人普遍營養不良嘅年代，絕對係高佬，加上毛澤東件頭較大，虎背熊腰，行出嚟講嘢零舍有氣勢；順帶一提蔣介石都係高佬，有170cm，至於精力充沛，更加係成功人士必要嘅身體條件，戰亂期間毛澤東可以不斷通頂，成日龍精虎猛，你睇下中共戰神林彪打東北戰爭，要服用鴉片維持精神，因此染上毒癮，晚年唔夠毛澤東砌，理所當然。

我哋嘅總結界師鄧小平先生，身高152cm，絕對係一個異數，不過佢嘅雄才大略彌補到佢身高嘅不足，凡事總有例外。

【常公子歷史頻道271回：斷送共和關 麥克馬洪 蛋牛治】

♉2020年嘅夏天，世界出現前所未有嘅躁動不安，地球上70%嘅人口生活出現巨大變化，相信亦係二次世界大戰以來一次最大嘅動盪，一場世紀瘟疫，令整個世界嘅經濟活動同交流陷於停擺狀態，大潮水退，邊個有著褲邊個冇著褲一清二楚，過去大家泡在水裏，祇有頭顱露出水面，仍然可以嘻嘻哈哈，底牌不給你看，就永遠有想像空間，當底牌要打開，就係完局分勝負嘅時候。

♈先講疫情，至今造成60萬人死亡，數字好大？但未必係真相，地球上每日有數以百萬計嘅人因為不同情況而死去，亦有數以百萬計嘅人同時出生替補，呢個係生死循環，係常態。美國總統特朗普一早睇通睇透，佢將新型冠狀病毒當成普通傷風感冒，或者係一隻比較重症嘅感冒，其實並無錯曬。佢曾經講過唔需要停市停課停工，作為一個商人，佢太明白經濟停擺所造成嘅傷害，可能遠比瘟疫所造成嘅傷害巨大，到咗今日，大家一清二楚。

♑瑞典由一開始採取佛系抗疫政策，不封城，市面繼續經營，鼓勵人民自我保護抗疫，調節生計，最後出嚟嘅效果，同其他周邊嘅歐洲國家感染率同死亡率大致上差唔多，但其他國家封城停市，經濟活動停擺，所付出嘅代價比瑞典大得多。就表面去睇，不太深究內容嘅話，封城停止經濟活動可能係一個錯誤嘅選項。其實好有可能，衹要全城80%至90%市民出街戴口罩，注意手部衛生，配合適當嘅社交禮儀調節，就好似香港同臺灣一樣，件事就可以順利過渡，不必蒙受巨大嘅經濟損失。

⛎不過上述講法都係事後孔明，事前我哋根本唔知道新型冠狀病毒嘅來龍去脈，有早知，當然全世界唔會輕易停止經濟交流活動。但我想講，經一事長一智，類似嘅病毒事件，之後會繼續出現，情況亦都次次唔同，呢個係人類破壞大自然環境要付出代價。

🔯下一次，全世界又會點樣面？我哋呢個脆弱嘅世界，又能否再面對下一次？或再下一次呢？

♑【常威近代史】第五部《霹靂大忠臣對決無敵大買辦》Round two電子書上架（條download link在下面），請大家課金支持我一直走落去，直至劉少奇骨灰到達北京王光美手上……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/tEziT4et13g

👉最新上架⏩【常威近代史】第五部《霹靂大忠臣對決無敵大買辦》Round two
http://shorturl.at/dW145

https://youtu.be/C_Vt6uTCnR8

👉最新上架⏩
【常威近代史】第五部《霹靂大忠臣對決無敵大買辦》Round two
http://shorturl.at/dW145