【大清亡國關慈禧蛋牛治】第一回

佢冇咁大影響力

【常公子歷史頻道259回：斷送共和關 #真凶 蛋牛治】

♉今集分析殺死宋教仁嘅真正兇手，個人認為袁世凱機會唔大，因為如果真係袁世凱做，佢就係搦起舊石頭砸自己隻腳，袁世凱係聰明人，唔會咁蠢會做。所以我幾乎可以肯定，宋教仁係死於南方內鬥，亦即係話死於籠裏雞作反，好似陶成章一樣，死於革命黨內派系權力鬥爭，至於兇手係邊個？或者兇手背後仲有冇人？聰明嘅讀者，應該心知肚明，得罪方丈，從來沒有好下場。

♊凡事凡物，包括政治在內，最高境界係「表面做一套，內裏做一套」，表裡不分，你中有我，我中有你，敵我難分，只談利益，不談道德或原則，視為馬基維利主義者。現代世界，有兩位仁兄都玩呢招，一個叫特朗普，另一個叫金正恩，詐傻扮懵，口沒遮攔，不按常理出牌，其實精過冇尾蛇，最鍾意表面講一套，內裏做一套，當所有人係白癡，任佢魚肉。其實簡單終結一句：「就係要我摸你唔透」，從來不見底牌，就冇辦法預測佢下一步嘅行為，大數據時代，人類一切依從大數據，預測未來，制定應變方案，你依常理出牌，就即係俾敵人摸通你嘅一舉一動。

♉現代政治，在於解決當前問題，並非主要實踐意識形態理念。新冷戰時代唔同舊冷戰時代，時代進步咗，世界亦都複雜咗，如果你仲以為新冷戰時代係左右之爭，係共產主義門資本主義，你就大錯特錯。社會主義或共產主義理念基本上已經唔存在，共產主義運動一早響上世紀八十年代，戈爾巴喬夫掌政、及鄧小平開放改革後已經壽終正寢，從此只剩下外表軀殼，沒有靈魂存在。新冷戰格局，係中國想挑戰美國世界霸權，美國固然要維持世界霸主地位，中國亦要分一杯羹，或者只你唔想俾你成世揸住個春袋做人。

♉疫情快將結束，全世界開始解封，可以預見，一個全新嘅時代快將出現，有人好驚會係天翻地覆，中美之間會鬥個你死我活，但我可以講比大家知一定唔會發生，鬥還鬥，但絕對唔會撕破臉，亦冇必要撕破臉，動武打仗嘅代價非常昂貴，中國美國都唔會咁做，中國固然冇錢打，美國經過越戰嘅教訓亦都唔會貿然開拖，所以雙方只會維持「鬥而不破」嘅狀態，一直玩落去，至少玩到2047。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/NdWz1FUHwnA

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】（三百四十二回）
大軍閥平反系列

其實1919年徐世昌主政嘅中華民國中央政府同今日特區政府都幾相似，經濟不能獨立自主，銀根操縱係外商手上；今日香港何嘗不是？2020年2月嘅現在，武漢肺炎疫情擴散，本土經濟大受打擊，但樓股不跌，紅色資金國家隊背後大力托市，真相係普羅民眾收入下調，但資產價格維持不變（變相低下階層中產階級生活越嚟越艱苦），真係「掃平貨都冇你份」，大方向拒絕洗牌，階級仍然壁壘分明，大家要清楚明白。

自從2003年一場沙士開始，紅色資本大量流入香港，取代原本佔據主導地位嘅英資資本同本土資本，十年人事幾番新，滄海桑田，今日0700騰訊取代咗0005匯豐，阿里巴巴取代電訊盈科，所有龍頭股差唔多都係紅底，好似摩根士丹利嗰啲大型投資公司，全部高層都係有大陸官場人脈嘅「海龜派」，普通香港仔（港大畢業又點）根本冇份玩，樓市更加唔使講，超級毫宅業主十個有五個係內地富豪，所以全面封關？No way喇！唔知大家明唔明？一切都同經濟有關。市民生命安全嘅考慮，充其量只能排第二位。

徐世昌政府經過一場「五四運動」，同樣香港特區政府經歷一場2019「逆權運動」，大家處理平民百姓示威同訴求一樣同樣失策一樣暴力鎮壓，水晶狐狸徐世昌當然仲好過串嘴紙板人林鄭月娥（因為佢嘅智慧高過林鄭），但兩個政府所面對嘅問題都係統冶威信蕩然無存，人民普遍唔相信政府，真正面對管治困難，其實政府做乜，人民都唔會啱聽唔撚妥，因為基本上唔信你，覺得你樣衰口臭黑人憎，先入為主，做乜都死！武漢肺炎疫情發生，大家有眼見。呢個特區政府其實只有倒臺一條路，或者將班底全部換血，先有少少生機。

唔好去咁遠，去返1919年9月，著名企業家浙江寧波人虞洽卿（1867-1945）將「上海交易所」改稱為「上海證券物品交易所」，其實「上海交易所」前身為1891年創立嘅「上海掮客公會」（註：掮客，即係經紀），1904年易名為「上海交易所」，裡面可以炒股票炒國際公債，孫文同蔣介石就係客仔之一（唔知係咪魚？）。

但1918年開始，日本資金大規模入侵中國，日商響上海成立「上海取引所」，響北京亦設立咗交易所，證券（股票）同商品期貨交易業務迅速發展，上海一眾華人資本家睇見唔對路，知道再唔迎頭趕上，就會俾日資操縱一切。

於是1919年4月，虞洽卿邀請紗業工會會長聞蘭亭、皮毛公會會長鄒靜齋、雜糧油餅公會會長張樂君、花業公所董事沈潤挹及商界名人顧馨一、盛丕華等人，集合華資力量，再度發起籌辦「上海交易所」，其實虞洽卿做嘅事，孫文1916年做過，但唔成功。（補充一點，如果當年孫文搞交易所成功咗，我諗佢唔會再搞革命！）

虞洽卿等華商向北京政府重申設立交易所嘅必要，定立為股份有限公司，經營全國證券商品期貨交易，而商品嘅內容包括棉花、棉紗、布匹、金銀、糧食、油類六項。1919年6月29號，農商部批准開辦上海交易所證券部份申請，但未同意經營其它商品期貨。

於是虞洽卿等人唯有將交易所改名，將經營業務縮窄為證券、棉花、棉紗、金銀四項，繼續向商務部申請物品經營權。同時，決定全盤仿效日本做法，所有制定交易方法同規章制度，照抄日本所辦嘅「上海取引所」，甚至向日本挖角，聘請日本人培訓工作人員，積極籌辦，誓要同日本資金爭一日之長短。

面對敵人經濟入侵，絕對不能坐以待斃，否則本土銀根一旦被完全操控，全體國民就會肉在砧板上，之前大清帝國嘅覆亡，其實係亡於19世紀中葉以後，白手套買辦階層大力引入外國資本進入清帝國，最後帝國失去經濟自主貨幣獨立權，到最後唯有喪失統治權倒臺。

中日金融戰爭亦只係啱啱開始，1920年，由上海股票商業公會改組成立「上海華商證券交易所」，中國人進一步想保住自己銀根，不過1920年嘅事1920年拜山先講。

金科玉律係，當國家經濟動盪不堪，人民就會左傾，一戰後如是，二戰後如是，今日亦唔例外。

1919年9月3號，梁啟超主編嘅《解放與改造》半月刊喺北京創刊，梁啟超宣傳佢一個全新嘅政治概念叫「第三種文明」。所謂第三種文明就係指基爾特社會主義（Guild Socialism），基爾特社會主義於20世紀初期出現於英國，簡單解說，就係一種介乎「資本主義」同「共產主義」之間嘅過渡狀態，梁啟超主張喺中國資本主義制度下，施行勞資協調、辦文化教育事業、組織合作社、實行改良政策。梁啟超認為「第二種文明」，即係資本主義已經完全破產，全世界必須依照「第三種文明」嚟改造。

佢亦提出中國只適宜採取「改良主義」，希望喺資本主義制度下進行修正同改良，而唔應該走俄國布爾什維克馬克思共產主義嘅道路，梁啟超嘅講法，當然引起當時中國共產主義信徒嘅不滿。而且人類嘅政治立場同取向從來只係識得分黑白兩隻色，你唔係我嘅朋友就係我嘅敵人，政治光譜上，中間派騎牆派從來最不受歡迎，呢個情況到左今日都冇變過。

其實相當有趣，人類嘅行為好多時候都唔係黑白不分，大部分人處於灰色狀態，但係一去到政治立場就會黑白分明，其實我都唔明，今日香港唔係黃絲就係藍絲？其實中間仲有冇粉絲？肉絲？魷魚絲？我唔知……

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道260回：斷送共和關 內戰開打 蛋牛治】

♉今個星期熱門話題係政府派發嘅銅芯口罩（CuMask），千呼萬喚始出來，在疫情已經平復嘅時候，一個高科技防疫布口罩橫空出世，人人有份，的確係香港人之福。想講幾件事，第一呢個高科技防疫口罩研發耗費八億，之後政府仲會泵水，值唔值？見仁見智，八億小數目，反正成單交易有市民受惠，有人發達，有人有錢落袋，呢啲叫促進經濟，叫消費，無可厚非。你話係黑箱作業？社會上瀰漫白色恐怖，有黑就有白，使乜咁奇怪！或者簡單少少，就係因爲要搞黑箱作業先至要搞白色恐怖，要令到整件事情黑白不分，到處都係灰色地帶，最重要嘅係，你睇我唔到，就算睇得到亦都吹我唔漲，掹我唔長。

♑有一件事都好開心，耗費超過百億，成立咗六七年嘅創科局，終於有一件產品出現，依件高科技防疫布口罩CuMask，或者可以改變整個香港嘅政治經濟局面都未定，既然CuMask咁威猛，外國人一定同香港爭住要，香港可能憑依件高科技大賺外匯，就好似apple i-phone同華為手機一樣，揚威國際，諗起都開心！好希望創科局同香港特區政府能夠大力promote呢隻榮獲日內瓦科技設計金獎高科技防疫產品CuMask，暢銷歐美大中華，到時香港作為原產地大量出貨，做番起「Made in Hong Kong」個牌頭。正！

⛎個口罩亦都大受歡迎，上網3日，就有超過成300萬市民登記，有著數嘅嘢，香港人真係唔會放過。當然這一個布口罩唔係一個普通嘅布口罩，佢採用咗可以循環清洗60次嘅銅芯過濾層，利用高科技技術殺滅細菌同病毒，絕對安全何靠，衹要帶咗，好可能百毒不侵，唔使錢又可以攞返個傍身，香港人點會錯過。

♈CuMask事件，令我常公子有一個覺悟，本來我以為自己活於一個現實世界，原來我係活於一個虛幻同荒謬嘅世界之中，獲得1982年諾貝爾文學獎嘅哥倫比亞作家馬奎斯所寫嘅《百年孤寂》，被譽為「魔幻現實主義」代表作，我一直睇唔明，現實如何魔幻化？但當我有機會帶住個CuMask再睇《百年孤寂》嘅時候，我相信我有機會睇得明。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/eElP-eOzSKI

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十三回）
大軍閥平反系列

當梁啟超響中國推銷「第三種文明」，即係響資本主義框架下作出修正同改良方案，希望民眾唔好投靠信奉紅色共產主義極端思潮，但係大趨勢係共產主義先係時尚思維，尤其是係年青一代知識份子，共產主義更加係佢哋認為係唯一解決中國問題嘅良方妙藥。

1919年9月16號，有天津學生聯合會、女界愛國同志會等20餘人組成嘅「覺悟社」成立，並開始出版《覺悟》雜誌，宣傳共產主義。但點解要提？因為「覺悟社」嘅發起人，就係大名鼎鼎、啱啱喺日本留學返嚟嘅革命巨人周恩來（1898-1976），仲有周恩來後來嘅妻子、終身革命伴侶鄧穎超（1804-1992）。近代中國歷史共產主義運動中嘅重要人物亦開始漸露頭角。

亦有理由相信，五四運動之後共產主義思潮響中國迅速蔓延，其實亦都同俄國布爾什維克成立「第三國際」（The Third International）背後大力組織同
泵水有關。

首先同大家講講乜嘢「第三國際」？第三國際本名為「共產國際」，1919年3月2號喺莫斯科成立，當時俄國內戰已經到達白熱化，由托洛斯基領導嘅紅軍擊敗白軍，節節勝利，俄國革命可以講已經成功鳥。但係當時嘅共產主義者，佢哋嘅夢想並唔係於個別國家建立共產政權，而係要發動世界革命，推翻整個資本主義制度，建立一個共產主義世界共同體，所以就有「英特納雄耐爾」（international）嘅堅持。

世界革命係列寧同托洛斯基嘅理想，佢哋認為共產主義唔能夠只於個別國家實行，否則毫無前途可言。世界革命思潮，要去到列寧死後、史太林擊敗托洛斯基執政，先至煙消雲散。

1919年3月嘅第一個星期，列寧喺古老帝國法院召開國外各個左派社會主義團體嘅大型會議，一共有40幾個代表參加，佢哋分別嚟自布爾什維克（俄國共產黨）以及差唔多世界上每個國家包括德國、奧地利、匈牙利、芬蘭、波蘭、愛沙尼亞、拉脫維亞、立陶宛、白俄羅斯、烏克蘭、捷克、保加利亞、羅馬尼亞、塞爾維亞、瑞典、挪威、丹麥、荷蘭、比利時、瑞士、意大利、西班牙、葡萄牙、英國、愛爾蘭、美國、澳大利亞、日本嘅共產主義者代表（特別一提，共產國際第一次代表大會中國並未派代表出席）。呢啲代表能夠到達莫斯科，其實經歷重重封鎖，有人偷盜潛入俄國，亦有人中途被捕。

會議嘅目的其實好唔清楚，或者係要宣告成立「第三國際」，或者係為此作出初步預備。其實除咗俄國共產黨之外，其他出席會議嘅代表，組織力量都非常薄弱，根唔能夠組成一個羽翼豐滿嘅國際性共產主義組織，為此，俄國共產黨擔當起牽頭作用，落實以俄共布爾什維克嘅政治力量，全力支援其他國家嘅共產主義活動發展，亦由「第三國際」成立嗰一日開始，整個世界嘅共產主義運動開始被組織化、規範化起嚟，再唔係各有各搞，亦即係講畀大家知，此後推動世界共產主義革命背後嘅金主，就係俄國布爾什維克。

咁第三國際個「第三」係點解呢？喺呢度講埋。

所謂「第一國際」，即係「國際工人協會」（International Workingman's Association, IWA），成立於1864年，係共產主義之父馬克思有份始創建立嘅「國際工人聯合組織」，1871年第一國際參予並領導巴黎公社運動，巴黎公社失敗後，大會總部遷移去到美國紐約，並於1876年喺美國費城召開嘅會議中宣佈解散。

而所謂「第二國際」（The Second International），正式名稱係「社會主義國際」（Socialist Intetnational），響巴黎成立於1889年7月14號，恩格斯（Friedrich Engels，1820-1895）係其中重要嘅牽頭人物，「第二國際」係一個由世界各國工人政黨組成嘅國際聯合組織，組織宗旨以罷工作為工人嘅鬥爭武器，第二國際所作出嘅影響，包括宣佈每年嘅5月1號為「國際勞動節」，每年嘅3月8號為「國際婦女節」，並創立咗「八小時工作制」運動，其主張比較溫和同務實，希望喺資本主義框架內作出改良同修正，藉此改善工人階級福利以及減少無產階級數目，循序漸進，利用和平手段過渡共產主義。

第二國際嘅主張，其實就係梁啟超所謂「第三種文明」嘅主張。1916年，因為第一次世界大戰同埋組織內部分裂，第二國際宣佈瓦解，一戰結束之後，原本第二國際左派激進分子，有唔少就投身咗之後嘅「第三國際」；而中間派隨役亦都建立咗「社會黨國際工人聯合會」，亦即係「維也納國際」，或共產主義者口中嘅「第二半國際」；亦有部分右派人士重組「社會主義國際」，或稱「黃色國際」繼續運作。

要提提大家，「第二國際」其實曾經聲勢浩大，一戰之前，「第二國際」中最有影響力嘅「德國社會民主黨」曾經擁有108萬黨員，喺德國議會中擁有111個議席，成為議會中最大黨！當然之後比資產階級大力打壓同滲透，聲勢日益歿落。

而「第三國際」成立，主要係要區分佢哋同「第二國際」嘅分別，「第三國際」稱呼後者為「修正主義」、「妥協主義」。或者簡單啲講，「第三國際」要搞嘅係正統馬克思主義共產主義革命，而並非社會主義革命，共產主義同社會主義並唔係同一樣嘢，兩者強度唔同，更重要嘅係，共產主義要求發動武裝革命推翻資本主義，而社會主義則追求政治改革來達到目標。

順帶一提，「第三國際」於1943年5月15號解散，1991年蘇聯解體之後，歐洲大陸亦都出現由社會主義者組成嘅「第四國際」同「第五國際」等政治團體，其中「第四國際」曾經喺21世紀歐盟歐洲議會選舉中獲得議席，當然只係屬於少數派。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道261回：斷送共和關 大借款 蛋牛治】

♉想像永遠係美好，現實永遠係殘酷，宋教仁之死，令革命黨人發動「第二次革命」，即所謂討袁戰爭，其實當時軍事實力比較，革命黨南方軍隊取勝機會連一成都冇，相反北洋系統軍事力量財雄勢大，事後證明戰果亦都同想像一模一樣，南方革命軍基本上係連打都冇得打，負責埋「第二次革命」單嘅係南京城平民百姓，慘被北洋軍搶劫一空。

♐不過為咗應付戰爭，袁世凱亦都急急借錢周轉，向外國銀行團借款2500萬英鎊，我片中已經講咗2500萬英磅係一個天文數字。按情理，袁世凱無可能驚咗南方革命黨人發動戰爭？佢本身係一個軍事強人，對自己擁有嘅軍事實力同戰爭大局嘅洞察力，絕對超越普通人。為咗籌備戰爭借款，好可能亦都係搵一個藉口維持中央政府正常運作，有仗要打喎，就可以借多啲，反正本身都係唔夠錢經營，我諗袁世凱要多謝革命黨。

⛎純粹推測，我個人相信，1913年中依一筆2500萬英鎊嘅貸款，亦好有可能係袁世凱為咗籌備自己稱帝所用，係佢心目中新王朝嘅後備金同金融基礎。細讀袁世凱，會知道佢係一個心思縝密、深謀遠慮嘅職業軍人，籌備洪憲帝制絕對唔會係一個倉促嘅決定，或者如後世人所認知，喺佢個仔呃鳩佢令佢行差踏錯？這是沒有可能的。1913年中，距離佢稱帝嘅1915年底，大概有兩年時間，用兩年時間去籌備一個新王朝嘅誕生，其實已經非常唔合情理（時間太少）。

♎有早知冇乞衣，袁世凱稱帝失敗遺臭萬年係人都知道，其實睇返轉頭，就係準備時間不足嘅問題，太心急上馬，如果袁世凱有耐性籌備多十年八載，能夠拉攏更多嘅軍閥支持自己，佢成為皇帝嘅機會會大好多。可惜袁家有短命基因，生命時限不等人，袁世凱唯有放手一搏。正如當日林彪提早發動政變推翻毛澤東，亦都係同自己嘅身體狀態有關，否則等多五、六年，毛澤東自然死亡，江山亦都係林彪嘅。中國儒家哲學講戒慎恐懼，就係提醒人要有充足嘅戒備心同準備，先可以去做大事，羽翼未豐，根基未厚就去挑機打大佬，好多時候失敗收場亦都係歷史上常見嘅事例。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/FtRuADfz_uY

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十四回）
大軍閥平反系列

經過1919年發生嘅「五四運動」，中華民國民眾似乎已經對1911年辛亥革命至今嘅社會局面投下不信任票。重申一次，我上述所講嘅「中華民國民眾」係指國內十幾個重要城市中嘅城市人或者知識份子，或者叫「識字嘅人」，我相信當時中國四億人口中，超過95%係處於愚昧無知嘅狀態，佢哋大部份係文盲農民，其實國家由邊個管治？管治成點？對佢哋一啲關係都冇。

有個故事我想講多次，1949年共產黨取得江山之後，派到農村嘅宣傳工作隊，係話「毛澤東坐殿了」（即係毛澤東做皇帝了），向農民宣傳政權易手。中國農民擺脱愚昧無知嘅狀態，要去到80年代鄧小平改革開放先開始，四十年過去，君不見今日中國好多古靈精怪非理性嘅事情，其實都係發生喺農村鄉鎮。

中國嘅問題，始終係人口太多。由上而下，要改變一啲事情，往往係非常漫長，要改變意識形態或固有想法觀念，更加可能要用到「世紀」作為計算單位。當然我認為互聯網同智能電話嘅出現，會大大加快改變嘅速度，用左派大愛中華膠嘅說法，係「會有更多中國人甦醒過來反抗極權統治」，呢個亦係我早幾年嘅想法。事後證明，極權國度使用互聯網科技同玩弄人性到達出神入化之境，不但冇更多人醒覺過嚟反抗，反而有更多人被操控，無論個人行為或意識形態上。

有一點絕對正確，群眾想法嚮前行同時，極權國度統治術亦同步進化，戰爭本來就係這麼一回事，動員嘅能力其實最重要。

1919年10月10日，孫文脫離南方廣州軍政府另起爐灶，宣佈成立「中國國民黨」（Kuomintang），當時控制廣州軍政府嘅桂系軍閥，或者北方嘅段祺瑞馮國璋張作霖，對手上籌碼不多嘅孫文呢個動作可能起初嚇一跳，然後得啖笑，不過佢哋萬萬估唔到，只需要兩三年貨仔，孫文竟然可以反攻廣州，重新取得南方政治主導權！革命KOL嘅魅力同政治能量，的確出乎人類意料之外。

一切要多謝布爾什維克同第三國際，我自己亦好相信，孫文於1919年成立中國國民黨，其實佢已經對俄國內戰有所洞察，預計到托洛斯基領導嘅紅軍會取得全面勝利，俄國共產政權將會喘定。我講過，國父孫文其實係個百分百共產主義者，而且布爾什維克崛起，同托洛斯基組織紅軍嘅故事，相信對當時孫文心裡面嘅未來大計藍圖，亦都有所啟發。

當時候中華民國基本上係一個農業國家，工業發展雖然一日千里，但仍然冇辦法追得上發達國家水平，仲有一個致命傷，就係中國冇石油生產。所謂「黑色嘅黃金」石油，係當時任何一個工業化社會嘅生存命脈，到咗今日都未變過。二次世界大戰大日本帝國的覆亡，亦係同石油供應息息相關。

甚至去到今日21世紀，美國惡成咁，亦係因為發現墨西哥灣嘅巨大石油眝存，令美國本土已經足夠生產自己工業所耗用嘅石油量，甚至一躍成為石油出口國。二十世紀初中國冇自己石油生產，但係1919年，已經有人開始思考呢個問題。當年北京政府地質調查所所長翁文灝發表學術文章，對中國石油資源嘅分佈做咗宏觀評估，簡單講，佢結論係中國一定有豐厚石油儲存。但係有還有，要勘探出正確嘅地點同順利開採投產又係另一個問題同另一筆大投資。

由評估、磡探、到最後中國自己能夠生產出石油，中華民國始終未能做到，要去到1959年先至發生，足足係半個世紀後，1959年世界十大油田之一黑龍江省大慶油田投產，用周恩來嘅說話，中國終於能夠擺脱「洋油」嘅束縛，我諗潛臺詞係「中國終於能夠擺脱蘇聯克魯曉夫嘅束縳」，亦由發現大慶油田開始，中國亦正式擺脱蘇共制肘，步上獨立自主之路。

提一提大家，大慶油田投產之後，曾經有一段時間所出產嘅石油的確夠中國自己工業用，不過去到改革開放，中國工業飛騰發展加上人口不斷攀升，現今中國仍然需要大量入口中東石油先可以維持工業生產同國民經濟所需，而中國喺中東最大嘅石油Partner就係伊朗，所謂「一帶一路」project同中國喺南太平洋軍事擴張，亦係要保持一條絕對穩健嘅石油天然氣運輸管道。

否則同二戰嘅日本帝國一樣，當太平洋被美軍控制，切斷石油輸入路綫，最後只有一敗塗地，明白石油對日本嘅重要性，你亦會明白點解1941年日本要偷襲珍珠港？，所以話，讀政治一定要識小小經濟。

10月10號當日仲有一件事發生，天津有幾萬人為咗紀念國慶，發起遊行示威，遭到武裝軍警阻撓，雙方發生衝突。混亂間，學生被警察毆打，有人受傷亦有人流血，10月11號，天津各大院校集體罷課，抗議警察以武力鎮壓市民。

100年前嘅中華民國警察濫用暴力係家常便飯，蔣介石國民黨執政之後，甚至可以周街將共產黨就地正法打靶，共產黨濫用暴力更加唔使講。但我萬萬想像唔到，100年後嘅香港，警察濫用暴力竟然成為我哋日常生活嘅一部分，百年鳩做冇講錯！上文講過，「改變」過程會好漫長，但某啲情況，正如香港警察濫暴，其實係一夜之間發生。

結論係，當民眾有所覺悟嘅時候，極權統同樣高速進化以應對問題發生……

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道262回：斷送共和關 蔣百里 蛋牛治】

♉人類要掌握任何事件的本質及意義，就需要有語詞及概念。人類似乎唔能夠脫離利用語言思考，或利用語言建構概念。一個自由民主、文化豐盛的國家（或社會），語言應該是多元及多樣化的，概念也應該比較豐富，當語言同概念比較豐富及多樣，人類先能夠進入更深層次嘅思考。逐步將語言簡單化，或將詞語減少，某程度上就係削弱緊人類嘅思考力。

♑知識份子能夠思考更深入嘅問題，更能夠清楚事物嘅本質，並非因為佢哋比其他人聰明，而係佢哋能夠使用嘅「語言」同「概念」數量比較多，而「語言」同「概念」嘅數量，唯有透過閱讀同記憶先可以得到，讀書的用途大概在此，而不在於致富。

♉一個極權社會，通常都是一個簡單社會，通常亦都係一個語言同概念貧乏同乾涸嘅社會，能夠使用嘅語言愈少、表示概念愈少，產生嘅後果係市民普遍缺乏思考能力，咁民衆就會易於控制。今日香港，就政治生態而言，非常簡單劃分成「黃絲」或「藍絲」兩個範疇，非黃即藍，非藍即黃，剩低嘅第三種選擇就係「我唔理政治，亦都唔識」，呢個情況近年不斷加劇，甚至從政治層面、公眾生活深入到每一個私人生活之中，一個家庭都要分黃藍，有朋友有夫妻有父子因為黃藍不同而決裂，做法非常不智。

⛎政治概念越來越簡單化、二分化、非黑即白化，會為極權統治帶來無比方便，總之你唔係自己人就係敵人；你唔肯埋堆就唔侵你玩，經濟利益冇你份；你出聲抗議表達不滿，或採用和平手段示威遊行上街，你就係敵人，就係異見份子或者係「暴徒」，結果商場唱歌可以拉，無意中路過可以被帶上警車扣留48小時，情況不斷深化，民眾被迫歸邊，要選擇自己係藍定係黃，同路人先有溝通機會。其實發生呢啲事，喺中正極權下懷……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/h3adiDgtk0I

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十五回）
大軍閥平反系列

水晶狐狸徐世昌主理嘅中華民國北京政府，因為經歷一場1919年五四運動洗禮，變成一個被後世人唾駡嘅垃圾政府。但其實佢都做過一啲好事，祇不過再冇人會提起，起碼在捍衛中華民國領土主權上，徐世昌北京政府的確做過實事。

大家都知道，英國至19世紀末期開始，一直想將西藏獨立出嚟，作為俄國同印度之間嘅天然地理屏障，一戰之後，大英帝國國力急速衰退，自顧不瑕。自從1912年西藏發生嚴重叛亂後，由於英國從中干涉，西藏問題一直未能妥善解決，1919年10月，北京政府派出以朱綉為首嘅代表團抵達西藏拉薩，處理西藏去留問題，經過同十三世達賴喇嘛談判，本月十三世達賴喇嘛發表聲明，稱「誓傾心向內，同謀五族幸福」，承認中華民國北京政權，留返喺中國，西藏獨立問題暫時和平解決。

除咗西藏，仲有外蒙古領土問題，之前俄國沙皇政權不斷慫恿外蒙古一衆王公實行自治，脫離清帝國或中華民國政權，當然佢哋最後嘅目的，只係想吞併外蒙古，令其成為俄國領土一部份。1917年10月革命爆發，俄國陷於內戰狀態，徐世昌政府即刻做嘢，暗中派人同外蒙王公班仆街土豪劣紳進行交涉。

8月14號，外蒙王公喺庫倫召開會議，決心取消自治，服從中央，隨即向中國駐庫倫代表陳毅（呢個陳毅並唔係十共個陳毅）同西北籌邊使徐樹錚轉達咗呢一個決定。經過兩個月來回協商，11月22號雙方達成協議，北京政府重新加封外蒙古王公封號，回復舊制，外蒙古保留成為中華民國領土一部份，共享共和之福。

對於維護中華民國領土完整，又如果大家又真係認為維護領土完整大一統真係咁重要嘅話，咁徐世昌的確係做到嘢。

事實上徐世昌執政期間，中華民國北京政府表現並唔算太差，你話政府唔民主、打壓言論自由，「五四運動」又打死學生平民，相信亦係個別地區執法者嘅錯，徐世昌自己並唔想，況且當時中央政府對北京天津直隸以外嘅其他省市，直接控制同領導嘅能力非常薄弱，大家真係各有各做，同今日嘅中國或者香港完全無得比，而且100年前仲有女人紥腳、文盲率達95%以上嘅中國有差人「濫暴」，真係唔需要奇怪。最奇怪嘅反而係100年後嘅香港，一個先進文明、所謂法治完善、富裕無憂、又普遍市民教育水平高於世界平均值嘅國際化大都會，竟然都出現警察「濫暴」嘅情況。

不過又一啲都唔需要奇怪，警察濫暴後，今時今日仲有香港人哄搶廁紙，我常公子不禁對香港人嘅質素重新考量，凡事真係唔好露底，露咗底就會好大鑊、好肉酸。

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常公子歷史頻道263回：斷送共和關 討袁檄文 蛋牛治】

♉“1900-45年間，日本為中國帶來的利多於弊。你是否同意者說法？試參考資料C和D，並就你所知，解釋你的答案。”

♑呢條問題，有先天性嘅誤導性，因為佢講日本為中國帶嚟「利多於弊」，如果將「#利多於弊」，調轉成為「#弊多於利」，咁就唔會有任何爭拗，亦都唔會傷害咗廣大中國人民嘅感情。題目係 #DSE歷史科，有讀者留言叫我常公子答，但係我嘅歷史水平明顯冇能力作答這條問題，中六歷史科水平係好高，我敘述歷史大部分用common sence同低下階層用嘅廣東話演繹，水平大約祇有中二至中三程度，所以中六嘅問題我應該唔識答。

♈其實我唔想講今次DSE歷史科試題呢個問題，因為事關重大。與其深究條題目有冇問題？不如諗吓點解教統局會出聲屌自己人考評局，兩個部門息息相關，佢哋好多人係朋友或者同事，多年來兩邊調嚟調去。我亦好相信發現問題嘅一定唔係教統局本身，或者係能力卓越非常嘅楊潤雄局長，呢啲小事佢絕對唔會理。情況一定係收到上頭電話，要用條題目開火引起話題，惹來大眾關注，教統局同考評局都係被擺上神枱嘅拜神肉，好冤枉。

♏警號係，原來文字可以觸及禁忌，就算區區一條考試題目都可以引發軒然大波，亦即係話，白色恐怖開始進入文字審查階段，所有不適當嘅文字同語言喺今後都有可能被調查被批鬥被處理，今次係一個opening，係上頭叫大家小心睇路，小心所寫下嘅文字同埋日常嘅生活態度同言行，處處需要檢點同自我審查，用古老嘅語言，叫興「文字獄」，大家唔明咩叫文字獄？可以睇返金庸所寫嘅《鹿鼎記》，內裡有好詳細嘅描述。

♈想講一個故事，好多年前我睇好多關於「#文化大革命」嘅著作，有個朋友同我講，問我研究文革嚟做乜？我答佢純粹只係個人興趣、基本上同研究「大腸結構同埋大便嘅軟硬關係」冇分別，我個朋友評論我，佢話文化大革命呢啲嘢，唔會再喺世界上發生，已經成為過去式，研究嚟實在冇咩意義，今日嘅中國已經邁步嚮前，絕對唔會重蹈文化大革命嘅覆轍……我當時點頭稱是，但係心裏面並唔認同我朋友嘅講法。

♈所謂 #意識形態 是什麼呢？意識形態最基本嘅載體就係文字同語言本身，上頭開始同你咬文嚼字，亦即係話畀你知統戰部要響香港開始新一輪嘅意識形態整頓工作，作為宣傳及散播意識形態最大嘅 #國家機器——學校——即教育系統，會係首當其衝被整頓嘅部份。上頭已經肯定，過去香港發生嘅混亂情沉，源頭出喺教育制度之上。怎樣的教育制度、怎樣的老師就會教導出怎樣的學生，要解決年青人新一代嘅反叛，要培養佢哋嘅愛國情懷，要從教育工作者及教育制度本身入手整頓。

⛎新一輪嘅意識形態戰爭已經開始，如果大家認為過去嘅日子可以繼續如常，我諗會係大錯特錯，變幻才是永恆，一種全新嘅生活形式同埋道德規範已經全面降臨，任何人妄想可以置身其外，又要講多次，「#碎肉機一經開動任何人難以獨善其身」；又要講多次，「#如果印銀紙可以解決問題咁世界上根本冇問題」，現在太多問題，有問題就必須要處理，而處理嘅手法有好多種，如果你有男朋友或女朋友、有老公或有老婆，你應該好明白身邊嘅另一半處理問題嘅手法往往唔會有太大變化，人係一種守舊嘅動物，用佛洛伊德嘅講法，人嘅個性係十前歲左右已經基本上敲定，唔會再改變。所以你嘅伴侶處理問題嘅手法，係精定係蠢？係硬定係軟？你應該一清二楚，而同佢相處多年嘅你，亦都非常明白你冇辦法改變佢分毫，你唯一嘅方法就係遷就佢，搞唔掂就分手或者離婚。

♈講多次唔怕厭，我最喜愛嘅歷史學家 #霍布斯邦 講過：「我們不知道自己正往何處去。我們只知道，歷史已經將世人帶到這個關口……有件事情相當簡單，人類若想要有一個看得清楚的未來，絕不會是靠著過去或現在的延續達成。如果我們打算在這個舊基敗垣上建立新的千年，必須註定失敗。失敗的代價，亦即人類社會若不大事改變，將會是一片黑暗深淵。」（註）

♑註：艾瑞克．霍布斯邦，Eric hobsbawm著，《極端的年代1914-1991（下）》，鄭明萱譯，臺北，麥田出版，1996，頁859-860

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

✅https://youtu.be/VbmMpwB6b94

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十六回）
大軍閥平反系列

時間進入20世紀20年代，1919年最後一個月12月，北京政府教育部頒佈《國音字典》統一全國漢字讀音，《國音字典》由學者吳敬恒主編，按照「讀音統一會」審定嘅標準編成一部收錄13000個漢字字典。呢部字典，亦都係中國第一部法定嘅漢字讀音標準字典，成為統一全國各地漢字讀音提供咗可遵循的依據，而「國語」（中華民國語言）一詞，亦都喺由1920年開始出現。

其實當時嘅中國，唔同嘅省份都有唔同嘅方言（到咗今日都係）。統一文字同發音，其實有助國家管治同威權擴張，亦係一個意識形態政治操作，係一種穩定政權嘅基本政治手段。1949年中華人民共和民建立之後，就積極推行「普通話」普及運動，目的都係一樣，當人民使用相同語言及發音，就有助增加民族認同感同對政權嘅忠誠度。

香港人相信非常明白，點解要小學生學普通話？甚至出現「普教中」教育政策，就係一種意識形態操作手段。正如港英殖民地政府時代，有「中文中學」同「英文中學」之分，水平低嘅學生就讀中文中學（當年含得撚喇），水平高嘅學生讀英文中學，玩法都係一樣，政權係要令民眾相信讀英文讀英文先係文化高尚先係有前途（事實上亦都係）。一句到尾，「廣東話」就係cheap，就係一文不值就係河馬腳甲泥。

97年前，你唔識英文就係低下階層，係社會上嘅「賤民」，註定一世捱窮。97年後，統治階層想將「英文」變成「普通話」啫，當然直至執筆之日為止，效果非常有限。

叉開一筆，我常公子係喺港英年代成長過嚟，其實當年所謂嘅英文中學，強調上堂用英文教要學生講英文，其實真相只有好少數嘅高級貴族學校能夠做到，大部份嘅所謂英文中學，除咗課本用英文，老師上堂都係70%廣東話+30%英文教學，就算去到大學，三大好未呀？廣東話亦都係相當重要嘅輔助教學語言，全程講英文，會相當趕客。相信有番三四十歲年紀，你一定會知道真相是什麼。

邊個話廣東話冇用？delay no more喇....

中國人嘅問題，永遠都係「上有政策，下有對策」，凡事七三開，即係上面叫你做100%，你就做30%，一層壓一層，同工程界判頭同工人嘅關係一樣，一判食七成，餘下三成再畀二判再食當中七成，最後剩低先出糧俾工人。你可能話，常公子你有冇誇張小小？七三開？我話你知，七三開已經好畀面，八二開九一開亦成日有，你唔明白或者唔相信，只係因為你太年輕、太唔世故（廢老語錄）。

1919年12月28號，仲有一件大事發生，就係「北洋之犬」，直系軍閥領袖馮國璋先生喺屋企北京帽兒胡同大宅病逝，終年六十有三。馮國璋係直隸河間人，1859年出生，畢業於北洋武備學堂，係一個職業軍人，1896年起協助袁世凱喺小站練兵，「北洋三杰」其中一個，係袁世凱嘅親信，袁世凱死後，佢同段祺瑞接收咗袁世凱留低嘅政治軍事勢力，分裂成「直系」同「皖系」兩大軍事系統。

1917年7月至1918年10月，馮國璋就任中華民國代理大總統，主政一年有多，期間與段祺瑞作權力鬥爭，最後攬住一齊死，雙雙下野，畀水晶狐狸除世昌冷手執個熱煎堆。下野之後，馮國璋於1919年春返回家鄉河間縣經營家業，投資開灤煤礦、中華匯業銀行，但身體狀態一直滑落，12月歸西見袁世凱，死前嘅遺願係：

「和平統一，身未及見，死有遺憾，希望總統一力主持，早日完成……願內外同心，化除軫域，和平統一，務底於成。」

北京政府為馮國璋舉行盛大國葬，設靈之日，北洋之虎段祺瑞仲貓哭老鼠去到靈堂前大哭大叫，都唔知係真心定係假意？要評價馮國璋呢個人物其實好難，因為後世人已經將佢抹黑得太緊要，叫得佢做「北洋之犬」，你就知道世人幾憎佢？我諗佢做得最錯嘅一件事，就係1911年武昌革命，佢負責北洋軍前線指揮，攻打武昌三鎮，於是同革命黨同國民黨人種下深仇大恨。

其實馮國璋依個人，只係一個普通軍人，聽上頭命令做事，唔會做多亦唔會做少，做事平穩亦有責任感，響佢1917-1918執政嘅一年期間，亦算太平無事，佢同段祺瑞最大嘅政見分歧，在於佢主張和平統一南北，而段祺瑞則主張用武力統一，佢本性唔好戰喎，咁點算係一個大軍閥呢？仲有一點可以證明，當馮國璋生勾勾，直皖之間仲可以keep住唔爆炸，佢一死咗，就爆發直皖大戰。

但係後世人對大軍閥嘅惡劣形象，馮國璋就係當中嘅表表者，話佢愛財貪錢話佢鹹濕三妻四妾？呢啲指控完全唔成立，做得呢啲位，有財有勢，邊個唔貪錢？邊個唔多女人？衰得過有人北伐成功後，發動清黨，當街屠殺曾經同自己一齊打到嚟上海嘅同伴？衰得過有人搞土地改革分田，屠殺咗大量平民百姓（下刪一萬字）……

要將馮國璋同之後嘅某些「偉大人物」比較，馮國璋連尾燈都睇唔到，但係中國歷史上，馮國璋就係大軍閥就係衰人賤種殺人王鹹濕佬，而滿手血腥嘅偉大人物則流芳百世？

有人講，一個民族如果冇哲學信仰，會空洞無物，無處立足。我常公仔就話，如果一個民族唔可以真正認識佢哋過去嘅歷史，亦會變成虛無存在，歷史本身是樑脊，能夠backup你今日嘅存在同價值觀，人需要樑脊先可以直立，否則四肢著地就係禽獸。


【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子有野講001】DSE歷史科爭議

♊拍左條片講DSE爭議，純粹抽水，不喜勿插。如果大家喜歡咁樣嘅談論節目，以後會拍多啲，希望增加條channel嘅收入，生活艱難，為夢想，頂硬上。

♉最近同好朋友兼恩人周顯怕住做「阿周電視」Youtube，畀網友留言話我無恥，之前扮黃，今日變藍。首先多謝佢批評，人都要喺批評中得到進步同反醒，至於我係黃定係藍？相信應該由網友讀者觀眾去評價？我嘅立場係乜嘢？相信大家都好清楚。

⛎有時候係為咗工作嘅需要，我並唔係有錢人，只係餐飲餐食餐餐清嘅月光族，生活上嘅選擇並不多，能夠做自己喜歡做嘅事、寫自己想寫嘅嘢、能夠講自己嘅真心說話當然最好，但好多時候，我亦唔可以百分百做得到。況且我係一個將「情義」睇得好重嘅人，我認為人與人之間嘅「情義」係應該淩駕於政治立場之上；正如我唔贊成行私刑使用暴力，唔認為一個家庭裡面應該因為政治立場而鬧翻，畢竟我哋需要同其他人建立良好關係，否則「團結就是力量」從何說起？

♈孤立自己，將自己同路人嘅數目減少，對事情完全沒有好處，遺世獨立當然是浪漫情懷，但浪漫不等於成功。當然我亦會迷失，大時代面前、人類——尤其是窮人——難免會產生選擇困難症候群，我好喜歡一本書，寫嘅係第一次世界大戰前夕1913年嘅奧地利首都維也納，當時歐洲一個靡爛到了究極嘅繁華大都會，所有人沉醉於20世紀初期由人類科技文明打造嘅美好生活之中，並唔知道一年後整個歐洲大陸將會天翻地覆，所有價值、信仰以及美好善良會喺一夜之間全部被戰爭打破。當時身處維也納有近代最偉大嘅文學家卡夫卡、亦有後嚟成為納粹領袖嘅希特拉、以及蘇共暴君史太林。

✅https://youtu.be/6T5gfIzOezg

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百四十七回）
大軍閥平反系列

馮國璋之死，代表直系同皖系軍閥派系正式決裂！亦代表一個時代嘅結束，時間線邁向20世紀20年代，總結中華民國建立頭九年，情況仍然係一片混亂，南北分裂不在話下，各方勢力不斷離離合合，似乎仍然冇人能夠足夠政治能量搵到真正嘅政治制高點，袁世凱短命，其實係中國人嘅不幸，佢死咗之後，每個軍閥諸侯之間，仍然冇一個有足夠武力同號召力成為共主。

20世紀20年代嘅中國，亦正式步向軍閥大戰嘅年代，政治爭拗變成明刀明槍嘅真實戰爭，廣大中華民國百姓正式步入水深火熱，不過一切只係開始同熱身，往後嘅日子戰亂會變成常態，家破人亡係生活嘅一部份，我個人相信，好多人開始懷念有慈禧太后在世嘅日子，可惜一切沒法回頭。

五四運動餘波未了，全面拋棄傳統文化同儒家哲學亦成為所有人嘅共識，一場意識形態大轉型開始發生，上集已經講過，北京中央政府開始統一全國語言讀音，「國語運動」上場。去到1920年1月12號，北京政府教育部頒佈訓令，全國學校小學一、二年級國文課本以語體文教學，白話文語體文開始全面取代文言文，同年4月，教育局頒令廢止文言文編嘅教科書。

文言文有幾咁艱深？相信大家都會明白。過往只有士大夫階層高級知識份子能夠書寫應用文言文，形成所謂文化壟斷，亦係所謂「文化貴族」同「平民百姓」之間分隔嘅意識形態工具，因為前者先有資格做官，後者註定一世係地底泥無法跨越階級界限向上流動。

然而「我手寫我口」嘅白話文運動興起，亦正式打破依種運作咗幾千年嘅文化魔咒，從此以後，教育開始普遍化同平民化，做官或者統治階層，唔一定要識寫文言文，同樣亦唔一定要係知識份子士大夫階層、或我哋籠統稱呼讀書人。後遺症係，統治階層未必一定要讀書，甚至唔識字都可以做，權力同知識文化水平從此正式脫鈎。

我唔驚平機會告我，但真實情況的確係咁，冇文化冇讀過書唔係知識份子嘅人做領導人，道德感必然薄弱，品格相對於讀書人一定低幾級，士大夫知識份子階層沒落之後，血流成河就係咁解。雖然儒家哲學道德系統好多時候祇不過係讓豺狼披喺身上面嘅一塊羊皮，但起碼奸人面對群眾仲有扮羊嘅需要，你OK我OK，大家共識可以脫掉羊皮，你老母連羊都唔使扮，咁就即係可以唔講道德喇，明刀明槍攞正牌殺人囉！結果可以周街清黨即場打靶，可以集體屠殺地主，直接分佢哋嘅田地。

1920年2月，喺段祺瑞徐樹錚安福系操縱之下，國務院通過河南易督議案，撤換河南都督趙倜（1871-1933），以吳光新（1881-1939）繼任，吳光身係段祺瑞老婆細佬，號稱皖系「四大金剛」之一，大總統徐世昌拒絕簽字認可國會決定。

【常公子歷史頻道264回：斷送共和關 名流內閣 蛋牛治】

眨吓眼，距離六月祇有一個月時間，原來足足過咗一年，由去年2019年6月開始，香港進入一場轟轟烈烈嘅逆權運動，社會動盪，香港甚至成為國際頭條，全世界人的注意力都集中喺香港，一年過去，似乎改變嘅嘢並冇太多，中共全面打壓，擺出一副你硬我更硬嘅態度，但係毋需奇怪，中共本身就係一個好硬同唔識轉彎嘅政權，如果佢識轉彎，亦唔會有今日嘅惡劣國際形象。

本來想繼續寫政治嘅嘢，但係我發現自己最近對政治嘅睇法同思維好枯竭好冷感，有時候，甚至唔想睇新聞，因為會令自己唔開心同有小小抑鬱。我唔係厭惡政治議題，但係可能係時候放低一陣，令自己心情平復，再從頭出發，可能會有再深一層嘅體會同埋一啲新嘅見解。

同樣，如果你覺得前路難行，或者睇唔到希望。我建議你不妨將事情放低一陣，唔再去想，亦唔再去諗。即所謂「退一步；海闊天空」，暫時放低唔代表永遠放棄，我哋只係需要時間休息同回氣，作反醒深思，等待自己狀態好番，調整好精神，再重新出發上路，可能對成件事比較好一啲。有時候人嘅抑鬱，就係想得太多，所謂鑽牛角尖，並非每個人都有成為戰士嘅本質，社會上大部分係普通人，普通人需要空間同時間淡化壓力，普通人亦唔係有能力做出超越太多自己精神所不能承受嘅行為同思考，所以喺適當嘅時候停一停休息，並冇錯。

我係一個好喜歡到泳池游水嘅人，如果可以嘅話差唔多每日都游，我記得十幾年前，有一兩個月時間我完全唔想游水，見到水都驚，後來先知道，嗰個狀態叫「厭水」，原來好多「游水嘅人」都經歷過，當你長時間進行某種重複性運動嘅時候，到咗某個階段，就會出現對每日日常訓練嘅強烈厭惡感覺，某程度上係一種心理同生理調節，係進入第二階段嘅身心準備同情緒反彈，只需要慢慢等待情緒回復，你就可以進入另一個新階段。當日我嘅厭水情緒維持咗大概兩個月時間，之後重新落水，一游就係十幾年，直至最近新型冠狀病毒疫情殺到封池為止。

我剋服得了心理，卻剋服不了外在環境，我已經三個月冇游水，今日泳池重開，我選擇第一時間重新出發。

【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

https://youtu.be/8pUc-ho0Jjo

【常威近代史】（三百四十八回）
大軍閥平反系列

「厘金」問題一直困擾住中華民國嘅經濟發展，所謂「厘金」，或稱「釐金」，係從清朝太平天國之亂開始，至1931年廢止嘅一種「地方商業稅」，因初定稅率為一釐，「1%」為一釐，故名釐金。又稱釐捐、釐金稅。

當初厘金稅嘅建立，係為咗實際軍事需要，以彌補戰亂期間每個省份嘅龐大軍事開銷，但久而久之，就變成咗每個省市、甚至鄉鎮、或每一股政治軍事力量所設下關卡嘅「買路錢」，商人貨物喺國內流通，需要向唔同嘅政治軍事勢力繳付五花八門嘅「厘金」，某程度上，其實即係「關稅」（tariff），不過並非使用「國家」做單位收你咁解。厘金稅有部份上繳中央，亦有部分自己袋曬，總之古靈精怪，令人無所適從。

同當時中國嘅政局一樣，亂過亂世佳人。你甚至可以想像，如果閣下當時有支槍、加埋十幾兩友生果老牛，有支五色旗仔，佔領咗一條村嘅村口，你就可以設立關卡，貨物進出條村，你就可以收「厘金」，而且價錢任你定，唔俾錢想出口或者入口，你就劈友見血！事情就係咁簡單（講笑啫，邊有咁簡單？你估錢真係咁易搵咩？）。用香港人嘅術語，叫「收陀地」，當然唔係個個都可以收陀地，過年你搦住盆桔上門，就以為可以收到封老毛，亦都未必人人得。大前提要夠惡，要有槍威嚇對方（同埋唔驚警察執法）。

呢個亦都係當時喺中國做生意嘅特色，但係既然所謂「中華民國」係一個統一嘅政治實體（當然其實唔係），北京政府亦有需要同義務去處理「厘金」依個歷史留下嘅問題。1920年2月，北京政府就「裁厘增稅」問題同各國公使團多次交涉，外國人早就唔妥厘金制度，「裁厘增稅」係外國人提出，佢哋想入口洋貨喺內地必須不再另徵任何厘稅，入口中國繳付一次性關稅就夠，本月，北京外交部表示同意其要求。

但係實行裁厘後，必然使財政收入銳減，即使增加關稅，亦無法彌補損失。而且口講「裁厘增稅」，中央政府又未能夠以武力統一全國，其實都係「鳩講」，真正要做到撤消所有厘金稅，係要去到1931年，蔣介石（稍為）一統江山之後嘅「黃金十年」時期先可以做到。

「大一統」點解咁重要？亦可以由依一點睇得出。

去到1920年3月，共產主義勢力進一步滲透中華民國，中國共產主義之父李大釗響北京大學秘密組織咗「馬克思學說研究會」，會中成員有鄧中夏、高君宇、何孟雄、朱務善、羅章龍及張國燾。

本年2月中旬，因為搞共產主義活動而被北京政府通緝嘅原北大文學院院長陳獨秀，為咗逃避北京政府嘅追捕，喺李大釗護送下，扮作商人，乘坐騾車離開北京，轉赴天津。途中，李大釗同陳獨秀討論響中國成立共產黨嘅問題，二人相約喺北京同上海分別進行籌建共產黨嘅活動，我們後來那个偉大的党，就是在這樣的情境下，開始建立其雛形。