【大清亡國關慈禧蛋牛治】第一回

【133回：大清亡國關 #辛丑條約 蛋牛治】

😄辛丑條約，往往畀中國人自己形容為百年恥辱，但係如果大家有睇我條頻道，認清歷史，都知道其實係清國自己唔啱在先，縱容義和團暴徒屠殺外國人，外國軍隊入北京拯救同胞，其實合情合理。離開嘅時候，要你賠償軍費同損失，亦冇話唔啱。你調轉頭話人哋侵略你，其實完全說唔通，當時真正有侵略清帝國意圖嘅，其實得俄國人，大家睇落去，就會一清二楚。

😏今時今日，貿易戰打得火熱，美國接連出手，目的都係為咗報復中國，美國嘅講法係，報復佢2001年簽咗WTO之後，不但冇全面開放市場，促進公平貿易，而且處處玩蠱惑，自肥坐大，傷害其他國家貿易利益，仲利用其他手段，竊取他國科技，而且加上人權同自由問題，中國終於成為美國同西方世界陣型嘅對立面。

😄中國固然好有問題，平心而論，美國亦唔好得去邊，一連串over動作，只不過係阻止中國嘅經濟崛起，維持自己世界霸主嘅地位。而且敵人往往係要「被」製造出嚟。1991年蘇聯解體之後，全世界進入單邊主義時代，美國一國獨大多年，難得有對手出現，我諗其實美國係深感興奮嘅。有競爭，先有進步，尤其是對一個好勝嘅人嚟講。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/ZmdNwsb2eWM

【常威近代史】第二部《中國一百年前第一次開放改革》

https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》

https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買

https://www.382now.com/product?id=87

【常威中史】慈禧平反系列（一百八十一回）

星星之火可以燎原。

經過1906年嘅平靜，1907年起，清帝國內發生多宗起義事件，當中有同盟會參予嘅，亦有其他團體自發進行。06年12月，江西萍鄉，湖南醴陵、瀏陽都爆發咗小規模民衆起義活動，起義者都拎住「中華民國」或「新中華帝國」嘅名義做嘢。由此可見革命黨「中華民族」嘅意識形態宣傳活動已經收到一定成效。

呢幾場起義好快被地方政府震壓落嚟，之後各省政府亦都開始逮捕同埋殺害革命份子，結果長江流域、湖南一帶黃興班底嘅同盟會組織受到極大打擊，一時之間難以回復元氣。呢個時候，仲係湖廣總督嘅張之洞已經將黃興列為頭號通緝犯（湖南匪目），懸紅500兩黃金做花紅。大家睇到，清政府係將革命黨叫「匪」，唔係共產黨先係「匪」啊！

1907年夏天喺安徽發生咗另一次並非由同盟會發動嘅起義，呢次起義係光復會領導人之一浙江人徐錫麟發動嘅。點解要特別搦出嚟講呢？因為呢件事喺道德上好有爭議。徐鍚麟係1906年4月響日本留學返嚟，佢得到滿人安徽巡撫恩銘嘅賞識，得到提拔成為安徽巡警學堂會辦。1907年6月6號，巡警學堂舉行畢業禮，徐鍚麟竟然當埸槍殺恩銘，並且企圖逮捕所有到場官員，最後事敗被捕。

徐錫麟被捕後曾經咁樣講：「爾等言恩銘是好官，待我甚厚，但我既以排滿為宗旨，即不能問其人之好壞。」簡單啲講，就係唔理係好人定壞人，就係因為你係滿州人，所以就要殺，所謂「殺盡滿人」。

咁究竟係啱定錯呢？二次世界大戰，希特拉覺得猶太財閥係整個世界背後嘅金融黑手最大既得利益者，結果佢下令殺咗500萬猶太人，我哋冇辦法話佢做得啱掛？如果用呢個角度去睇，徐錫麟一定係做錯。因為我哋冇理由因為一個人嘅種族外貌或所屬嘅國家或團體而判佢死刑，當然歷史上大部分嘅大屠殺事件，都係用呢種理據做依歸。

野蠻國家裡，你殘忍，我比你更殘忍，徐錫麟被斬首後，恩銘嘅下屬挖咗佢個心出嚟祭恩銘。

徐石麟嘅安徽起義事件，仲牽連到一個人，佢叫秋瑾（1875-1907）。秋瑾有份同徐錫麟一齊策劃事件，佢曾經留學日本，係1905年加入同盟會嘅第一批日本留學生，佢亦曾經喺黃興設於橫濱製造炸彈嘅機構工作過。回國後，秋瑾喺女子學堂任教，佢係中國第一批女權先導者。秋瑾經常喺公眾場合著住男裝，提倡女權，佢創辦過《中國女報》，到處演講，極受民眾歡迎。1907年佢喺暴動基地大通學堂被捕，第二朝未正式經過法律程序審訊，喺紹興行刑處古亭軒被殺，終年三十六歲。

我想講，滿洲官員恩銘係好人，除錫鱗都係好人，秋瑾都係好人。但係大家因為政治立場嘅不同，最後自相殘殺統統走上絕路。道德有時候好難講，乜嘢係啱？乜嘢係錯？好多時候要睇你身處於乜嘢時代？乜嘢環境？做緊乜嘢事而決定。

我都好大個先知道，世界上面大部分恐怖份子其實都係好人。包括拉登，真正嘅壞人一定係鬼鬼鼠鼠，唔會拋個身出嚟對抗強權。響20世紀初，清帝國國內最大嘅恐怖分子就係孫文同黃興。如果冇辛亥革命，清帝國君主立憲可以走落去，佢哋就係拉登。

下次繼續……

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【134回：大清亡國關 #賽金花 蛋牛治】

😄八國聯軍統帥瓦德西迷戀京城名妓賽金花，當德國人愛上中國人，之後瓦德西減少殺燒搶掠，北京市民方能在聯軍佔領北京市安然渡過，最後重歸大清懷抱，言下之意，名妓用其肉體救國，非常符合中國人章回小說嗰種俠義精神，呢個故事，比起Ironman Tony Stark壯烈犧牲更加動人心弦，原因Tony係大有錢佬，而賽金花只是區區一個妓女。

😃個故仔當然係老作居多，八國聯軍入京，我諗當時北京嘅妓院生意一定好到飛天。有人話，八國聯軍入京之時，北京市市民係開城門歡迎，唔知道統治咗北京接近一年半時間嘅八國聯軍，最後離開嘅時候，有冇人對北京城依依不捨呢？我個人相信，北京市民一定唔捨得佢哋走，但天下無不散之筵席，聯軍最後留低嘅就係一個現代化嘅潘朵拉盒子，等待慈禧太后返京打開，大清帝國最後一步現代化步伐。

😃現實同想像有時候永遠係兩回事，尤其是喺政治層面。常公子雖然係80後，但係都經歷過九七回歸，1997年前我做過搬屋工人，每日嘅order，就係去同人搬成屋傢俬雜物入貨櫃，97年前幾年，好多人舉家移民英美加拿大，上至山頂豪宅，下至公屋富戶，真正雞飛狗走，點解要走得咁急？驚八國聯軍入城囉，驚共產黨囉，驚生命財產唔受到保障囉。當時嘅嘢香港人話移民加拿大，係買個保險，坐完移民監做完太空人就會返嚟繼續撈嘢，不過有本外國護照喺手，個心就會定好多，有啲乜嘢事都走得切，又唔驚共產黨秋後算賬。現在20幾年後諗返起呢啲事，真係恍如隔世，原來大家一直擔心嘅問題，都係真的。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/SuxD1VdTbeU

【常威近代史】第二部《中國一百年前第一次開放改革》

https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》

https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買

https://www.382now.com/product?id=87

【常威近代史】第二部《中國一百年前的第一次改革開放》實體書正式上架！

請大家支持我常公子的近代史寫作計畫，大家一齊推廣香港人保存粵語文化運動！有你有我！高山流水，沒齒難忘！

Ching喺兩登貼哂本書啲內容
實體仲多唔多人買

銷情不算理想，但唔駛蝕，都ok

【常威中史】慈禧平反系列（一百八十四回）

今日想叉開一筆，講講西藏問題，時間仍然停留喺1905年。

西藏問題到今日都係問題，其實所謂一個國家，必須由一群語言文化大致相同嘅人湊合而成。呢個係意識形態問題，亦係統戰問題，今日上頭要香港人唔講粵語講普通話，要培養一批「新香港人」，亦都係依個問題。

西藏，長期以來有別於漢本位中原文化，藏人有自己一套生活方式，佢哋用嘅係藏語，信奉嘅係藏傳佛教，1949年前，甚至政治制度都係另一套玩法，以玩投胎轉世宗教教主達賴喇嘛為最高政治領袖，以地主農奴制度做社會基本結構，以政教合一方法管治民眾。二十世紀前，名義上西藏係大清帝國一部份，但其實係自治特區，係特別行政區，係一國兩制，藏人治藏。

19世紀末期，大清帝國嘅好朋友0005大英帝國就曾經入侵西藏，當時西藏依塊亞洲腹地，係沙俄同大不列顛圍繞英屬印度同俄屬中亞之間嘅過渡地帶，大英帝國唔希望俄國勢力進入西藏，因為越過西藏，就會嚴重威脅大英帝國嘅罌粟花大寶藏--英屬印度。沙俄亡國之君尼古拉二世登位之後，不斷向外擴展勢力，之前已經講過西伯利亞鐵路伸手入遠東，同時沙俄亦開始滲透西藏高原，於是大英帝國決定先下手為強！（英國人醒目就係咁解囉）

1888年，由於英屬鍚金同西藏嘅邊界糾紛，英軍攻擊駐守爭議領土
隆吐山嘅藏軍，軍備武器有相當距離下，大獲全勝，史稱「第一次英國侵藏戰爭」，戰後清帝國派遣駐藏大臣前赴印度同英國簽訂咗《中英藏印條約》，承認鍚金係英國嘅保護國，從此以後，英國就不斷喺西藏玩嘢。

1904年，由於貿易通商糾紛，英國人榮赫鵬（Younghusband，1863-1942）帶印度兵攻陷拉薩，史稱「榮赫鵬遠征西藏」（Younghusband expedition to Tibet），或「第二次英國侵藏戰爭」，中間少不免又有大屠殺，跟住清政府同英國簽訂《中英續訂藏印條約》，條約都幾搞嘢，英國承諾撤軍並且唔再侵略西藏，但同時清帝國則要保證唔准其他國家侵佔西藏？言下之意，即係英國人玩曬。

同一時間，英國人最擔心嘅對手沙俄，亦都係1905年清帝國國內打輸日俄戰爭，元氣大傷，千萬唔好忘記，日俄戰爭，大英帝國同美國嘅猶太財閥係日本軍費嘅主要出資者！（英國人醒目就係咁解囉）

1911年辛亥革命之後，中華民國對西藏嘅管治更加鬆散，西藏嘅主權問題變得非常唔穩定，英國人就曾經鬼鬼鼠鼠，多次運用外交手段，呃呃氹氹，希望將西藏獨立出嚟，想西藏成為一個受佢哋控制嘅獨立國家，可惜一直未能成事。直至1949年底，我哋中國最偉大設計師鄧小平領軍進入西藏，中國共產黨稱之為解放西藏人民，從此以後，西藏再一次穩定落嚟，長久成為中華人民共和國嘅一部份至今。

宜家流亡國外嘅十四世達賴喇嘛丹增嘉措（Tenzin Gyatso，1935－），就係1949年支持中共和平解放西藏嘅重要人物，但喺1959年，佢同中共政權決裂（決裂原因簡單啲講，就係達賴喇嘛認為中共冇俾到承諾過嘅自治權俾藏人），流亡國外至今，1989年六四事件發生嗰年奪得諾貝爾和平獎。

今日叉開一筆講西藏問題，我只係想講一樣嘢，一個地區或一群人能否獨立，自己建立一個國家，其實係一樣非常之複雜嘅事情，我好相信現在西藏人民或海外藏民裡面，都有人都想西藏成為一個獨立政治個體。但民心取向係一回事，實際操作亦係一回事，一個地區要脫離一個巨大國家獨立出嚟，背後牽涉好多問題，亦絕對唔係人民高呼「獨立」，上街嗌吓口號就可以成事。軍事力量固然係一個大問題，國際社會嘅外交關係先至係更重要嘅問題。

有興趣獨立議題嘅朋友，可以睇睇近代亞洲歷史上一個最成功嘅例子，就係新加坡1965年獨立事件，當然，當中發揮最重要力量嘅，係一個雄才大略擁有高度智慧嘅人物，佢叫李光耀，如果有機會，我常公仔真係想講講佢，當然佢都係一個心狠手辣嘅獨裁者。

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【135回：大清亡國關 #十月圍城 蛋牛治】

😄十月圍城嘅故事，大家都清楚。孫文口裡面嘅第二次革命，事實上係同日本政府全面合作，最後嘅目的地係想喺福建夏門建立軍事據點，利用海路，從日本殖民地臺灣輸入日本帝國支援同埋武器，從南方出發，由南至北，一步一步推翻清帝國。當然大計如果成功嘅話，新政府應該要同日本、好似1898年咁搞「合邦」，新中國勢必成為日本亞洲大藍圖大東亞共榮圈裡面嘅其中一個成員。

😃唔知係幸運定係不幸，歷史冇畀呢件事發生，1900年嘅革命，日本帝國最後縮沙，原因冇人知點解。後世亦都冇中國歷史學家去研究呢件事點解會發生？日本點解會縮沙？究竟有乜原因令佢哋縮沙？冇人知道，亦都冇人有興趣知道。歷史非常奇怪，1911年辛亥革命嘅成功，又唔關中國革命嘅最大幕後金主日本事，純粹係保路運動、加埋武昌士兵嘩變再加袁世凱因素達成。結果中華民國創立，日本冇機會叉隻腳埋嚟揾食，直至去到二十條事件，隻鑊又比袁世凱狽，有理由相信，應承俾日本帝國好處嘅人，好大可能係革命成功前嘅奪命書生孫文。

😃1900年，慈禧太后著草西安，天下大亂，政權極度不穩定，但孫文嘅第二次革命同湖南唐才常嘅自立軍起義都失敗；反而去到1911年，大清現代化成功，迴光返照國泰民安之時，辛亥革命又得咗，歷史真係相當吊詭。當然其中有一個重要因素，就係1900年慈禧太后仍在生，1911年太后已經歸西，所以話慈禧就是魅力沒法擋，understood？

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/7o60YCJ7j8w

【常威近代史】第二部《中國一百年前第一次開放改革》

https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》

https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買

https://www.382now.com/product?id=87

1907年冬天，發生咗一件小事，話說有一日豆斗坐轎由頤和園去西苑，冰雨路滑，發生交通意外，轎伕跌倒，豆斗被拋出轎外，當時嘅豆斗已經係一個72歲嘅老人，大家都知道，老人家跌一跌，真係會好撚大鑊……

個轎夫有咩下場

歷史冇講

【常威中史】慈禧平反系列（一百八十六回）

豆斗慈禧一直係一個頭腦非常靈活、身體非常健康嘅老友記，但係從1908年開始，佢跌一跌後，身體狀況就不斷向下滑，佢打得贏所有人，就打唔贏個天。

踏入1908年，大清國內經濟欣欣向榮，君主立憲時間表出咗，1916年就有國會選舉誕生，冇人知如果慈禧捱多幾年，清帝國會變成點？個天真係有啲玩謝中國人，我有陣時諗，如果毛澤東早死十年，就應該冇文化大革命十年浩劫。

豆斗在世嘅最後日子，仍然努力捍衛清帝國主權，佢最大嘅敵人係鬼鬼鼠鼠嘅日本仔。之前已經講過，日本人早已經大力滲透清帝國，除咗收編傳媒玩意識形態，佢哋仲收賣咗唔小統治階層裡面嘅重要人物，其中一個叫岑春煊（1861-1933）。1901年豆斗西逃之時，岑春煊護駕有功，帶兵保護豆斗，於是得到豆斗信任留響北京辦事。岑春煊係一個正直嘅官員ICAC，經常彈劾貪官，當時嘅人送佢一個綽號，叫「官屠」，與「錢屠」張之洞、「士屠」袁世凱並稱「清末三屠」。

顧名思義，張之洞就對付有錢佬，袁世凱就負責對付革命黨人，分工都好清楚。

但之後，豆斗發現岑春煊同日本人眉來眼去，而且仲發現佢同康有為、梁啟超、犬養毅秘密通信。豆斗對佢嘅處置方法，亦都非常咁善良，只係將佢調出權力核心北京，仲畀個兩廣總督佢做。大家千萬唔好以為豆斗係個心狠手辣嘅女人，佢要殺一個人係逼不得以先殺，可以唔殺就儘量唔殺。論殺人率，同之後民國中共嘅當權者相比，豆斗尾燈都見唔到……

其時，豆斗亦改組大清最高權力核心軍機處，佢解除咗林紹年（1845-1916）嘅軍機大臣職務，因為林紹年係岑春煊保薦嘅，踏上君主立憲程序嘅新軍機處，主要由三位新任開明派軍機大臣處理，佢哋就係張之洞、袁世凱同載灃。之前已經講過，豆斗調張之洞同袁世凱入北京，其實係明升暗降嘅安排。

喺大清貴族階層裡面，日本嘅主要代理人係肅親王善耆（1866-1922），佢係中國警察制度嘅締造者，佢本身係個改革派開明牌，而且非常能幹，唔係一般只係識得食大煙玩女人嘅滿蒙大食懶。佢創立清帝國警察部隊嘅時候，有個顧問叫川島浪速。善耆仲將佢第14個女契咗比川島浪速做養女，呢個BB就係之後人人都識嘅川島芳子（1907-1948），大家都知道，川島芳子係漢奸，1948年佢畀國民政府以漢奸罪名响北京槍決。

睇返件事都好奇怪，川島芳子明明細細個已經係畀一個日本人養大，仲改埋日本名，佢成世人都係認為自己係日本人，咁，身為一個日本人替日本帝國做事其實又好正常，最後被打靶，都應該係以一個「戰犯」嘅身份被定罪and打靶，冇理由係一個「漢奸」。仲有死還死，死咗之後國民政府仲要將佢曝屍街上，供民眾欣賞同吐口水。仲有一點要提，川島芳子論血統都只係一個滿洲人，之後去滿洲國做嘢，佢從來冇認同過蔣介石嘅國民政府合法性，你夾硬話佢係漢奸，係中國人，其實就完全冇理據。不過我咁評論都係多嚿魚，喺中國人嘅世界，從來唔需要講理據嘅。

川島芳子被打靶火化後，骨灰一半葬於北京，另一半被日本僧人古川大航送回日本。連骨灰都要分開兩邊擺，你話身份認同嘅嘢，有時候幾重要呢？

講返肅親王善耆，當豆斗知道佢係日本嘅代理人，就即刻解除咗佢北京警察大佬嘅職務，改由袁世凱接手，但善耆並冇離開北京，唔玩警察局玩消防局，之後佢更加秘密串連日本人，趁住慈禧就快釘蓋，密謀營救光緒玩復辟……

衹要劉晶掌權，就可以合邦鳥........

下次繼續……

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【136回：大清亡國關 #女人執政 蛋牛治】

😄慈禧太后執政近半個世紀，大清江山靠佢頂住。熟讀歷史，你就會知道慈禧有幾咁重要，同埋有幾咁強大。現代世界，女性執政大潮流緣起於80年代英國首相鐵娘子戴卓爾夫人，就係佢同中國洽談中英聯合聲明，製造1997香港回歸，你話係咪要多謝佢呢？

😃戴卓爾夫人另一個偉大成就，就係同當時美國總統朗奴列根，合作製造蘇聯91自爆，從此以後，改變咗整個世界嘅政治格局，結束咗長達40幾年嘅冷戰格局。當然你亦可以認為，蘇聯解體係因為1989年中國六四事件嘅伸延結果，即所謂「蘇東波」。眨吓眼，所有嘅一切都已經發生咗好耐……

😃今時今日，最偉大嘅女性政治家毫無疑問係德國嘅默克爾，佢嘅政治手腕，實際上係高明到得人驚，以超卓智慧周旋於複雜嘅國際政治環境中長期執政，依一位出身成長於共產東德嘅偉大政治家，亦都係因為蘇東波事件，德國統一後，先至出位。不過並唔係所有女性執政都係好，臺灣嘅蔡英文總統上任嘅時候，民意非常高企，好多臺灣人都對佢寄予厚望，但係我上次去臺灣，個的士司機竟然用咗一個鐘頭時間車程小爆蔡英文，總括一句，臺灣人民覺得佢做得唔好，而且作風非常獨裁，現在佢嘅民意支持度反應曬。

😭千萬唔好唔記得，香港都係女性執政。但係我真係唔想討論，亦唔想寫任何嘢評論佢，佢做咗乜嘢出嚟，大家有眼見。我只係想講一句，其實要搵工，有好多工可以揀，份工唔啱你做，其實最好唔好做，尤其是你嗰份工會影響到好多人……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/scTBAbTiPpQ

【常威近代史】第二部《中國一百年前第一次開放改革》

https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》

https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買

https://www.382now.com/product?id=87

【常威中史】慈禧平反系列（一百八十七回）

善耆係第十代肅親王，即係富十代（富二代富三代可以慳啲），但基本上唔係一個衰人，仲係一個大好人。其實如果你有機會識啲有錢人（真係有錢嗰啲（過億），唔係得一兩層太古康怡收租也文也武嗰隻暴發戶），你會發覺佢哋其實好好人，好Nice，好有修養，好有禮貌，冇他嘅，唔使憂，冇嘢好爭，生活冇乜憂愁，好食好住，個個人都會變好人，做衰人做賤人，其實都係一個窮字，男盜女娼，由窮出發，有錢嘅男人唔會做賊，有錢嘅女人亦唔駛做雞。

我識得有人以為會有女人為興趣做雞？條友一廂情願谷精上腦，唔通有男人會為興趣做賊，傻的嗎？

呢啲事中西方都屬常見，最近睇Netflix越戰紀錄片《越南戰爭》，當1966年越南戰事升級，詹森總統（Lyndon Baines Johnson，1908-1973）決定大力增兵到越南（20萬），軍方要招募大量年青人加入軍隊，為咗補充新血送去被越共屠宰，聯邦政府開始響大學裡面募兵，個節目講，當時美國政府都係向貧苦大眾就讀嘅一般社區大學、仲要向成績差嗰批學生埋手，當中拉丁裔同黑人就係主要嘅招募對象，有錢人同白人只佔少數，當時如果你有錢，就算服兵役，都唔使去越南嘅，相反去越南前線送死掘地雷嘅其實都係貧苦大眾勞工階層有色人種嘅仔女，世界係公平嘅咩？Bull你個Shit喇！

講返富十代肅親王善耆，佢歷任崇文門稅監、步軍統領、民政部尚書。佢最出名嘅事蹟，就係1908年宣統初年，親自審訊密謀刺行監國攝政王載灃、後來比蔣介石抹黑成為中國史上最大漢奸嘅汪兆銘，即係中華第一美男汪精衛，之後善耆欣賞汪精衛嘅愛國心，唔使佢人頭落地，其間仲默許汪精衛條女陳璧君探監，咁仲唔係好人？你試吓今日有人行刺習近平同李克強，我諗大家都冇機會響法庭見到佢個樣，佢已經被人間蒸發……

上回講過，善耆唔搞警察局搞消防局，其實佢都有一個諗法，佢曾經話畀個friend知，佢隊北京消防隊，其實係一支正式操練嘅小型軍隊，係諗住當豆斗差唔多嘅時候，借住救火為名，衝入瀛臺，擁護光緒帝復辟，劉晶呢條絕世Kai子，真係有好多人爭住要。

仲有一件事同大家講吓，1907年底，專搞小動作嘅日本送咗隻火輪（蒸汽船）畀豆斗，話等德高望重嘅豆斗可以響頤和園昆明湖遊吓船河咁話，如果大家今日去頤和園，都會見一隻石製嘅輪船泊喺湖邊，我諗就係隻火輪嘅重鑄模型。當年，慈禧太后冇辦法拒絕日本政府嘅一番「好意」，結果日本工程師技術員就進駐頤和園，全面考察昆明湖通往京城高粱河嘅距離，計吓水深、闊度同清除障礙物。火輪喺日本完成，部件於1908年5月底送往頤和園組裝，日本人仲請豆斗同隻船名命，豆斗叫佢做「永和」號。永和號上全部係日本船員，醒目嘅豆斗梗係推三推四，從來未上過船一次，有啲嘢，畫公仔唔使畫出腸嘅，大家心知肚明。

但明眼人都睇得出，呢單嘢又有陰謀，日本人遲唔送早唔送，等豆斗大病、就快歸西先送，擺到明係派間諜出入頤和園，選擇適當時候，第一時間知道豆斗幾時死，就第一時間聯合善耆等人，推返劉晶出嚟玩合邦。所以睇返歷史你就會知道，劉晶並唔係真正一個真Kai，佢其實一直有秘密聯絡佢嘅黨人，等待大姨媽到位佢就復出，可惜佢嘅政治對手係慈禧太后，佢最後都冇呢個機會斷送大清江山比日本。

豆斗真係就快死，我哋下次繼續。

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威中史】慈禧平反系列（一百八十八回）

馬基維利主義者慈禧太后一生以捍衛滿清貴族同埋愛新覺羅家族皇權為己任，從來未有動搖過半分，身為滿洲鑲藍旗出身嘅葉赫那拉氏豆斗，從來未做過騎牆草，佢做嘅每一件事，都係不斷維護住愛新覺羅家族與及所有滿蒙貴族嘅利益，以及延續緊佢哋脆弱嘅生命。豆斗嘅性格同林鄭月娥都好似，林鄭作為一個高級公務員，其實努力捍衛緊老細嘅利益，當然佢老細唔係香港人亦唔係特區政府，係中央。至於佢份糧係香港納稅人俾嘅，又係另一回事。

你屌林鄭，冇理據嘅，搵得你做香港特首，第一樣嘢就係要忠心，宣誓效忠中華人民共和國，就要從一而終，至死不渝。一百年前豆斗都一樣，1905年後，佢積極培養佢嘅接班人軍機大臣載灃（1883-1951）承繼佢嘅政治遺產，載澧係開明派，年紀好輕，辦事能力一般，但係佢勝在夠忠心，忠於滿清皇族。豆斗死後，載灃個仔末代皇帝溥儀（1906-1967，中文名穆麟德，英文名Henry）承繼大統，載灃做咗攝政王，之後斷送大清江山。

之後有件事，民國期間日本人支持溥儀成立（偽）滿洲國，於是溥儀由北京紫禁城去咗滿州，戴起副溥儀眼鏡做現代滿洲國皇帝，但係當中十二年間，佢個親生老竇載灃只係去過滿州國探過佢一次，大家完全冇偈傾，明顯載灃並唔認同溥儀嘅做法，即係唔認同滿洲國嘅合法性，認為滿洲國只係日本人嘅傀儡政權，由依一點你就可以知道佢其實係一個忠於大清國嘅人。忠於一個政權，有時候唔係講吓愛國就得，身體力行先係最重要。

上集已經講過，到咗1908年中，日本方面已經響各方面蠢蠢欲動，隨時預備等豆斗歸天配合光緒帝劉晶條仆街仔復辟。七月，豆斗病情日趨嚴重，「背間忽涼忽熱，牽引臀部，兩目垂重，肢節軟倦，頭有微暈，耳有金聲」，史書冇記載佢有乜嘢病，但應該係1907年冬天跌一跌（拋出轎外）有關，豆斗嘅身體出現嚴重退化。

喺呢個時候，日本人亦都積極做嘢，佢哋響殖民地朝鮮建造碼頭，而且修建鐵路直達鴨綠江邊，仲藉口話，中朝邊境不時有反日嘅朝鮮武裝組織出現，「中國地方官對該暴徒等若怠於檢束，並萬一有煽動利用情事，在日本自不得不行適當之處置」，講到明，隨時會派兵入大清，當然係要配合北京宮廷嘅變化。

7月18號，日本「情報戰之父」福島安正（1852-1919）亦都嚟到清國國境，福島中將響日俄戰爭期間，擔任陸軍情報部門主管，熟悉清國事務同國際形勢，佢1908年入境，積極串聯清國國內同日本人有關係嘅高級官員同人物，你覺得佢想點呀？唔通咁好心同豆斗籌備白事咩？擺到明又有陰毛啦。

同一時間海外康有為嘅保皇黨亦都有所動作，佢哋加強宣傳君主立憲，籌集資金，康有為仲有打算喺慈禧死後返去清國，扶持光緒（自己做首相？），當然佢咁諗係佢自己嘅事，分分鐘又係用呢個藉口向佢嘅南洋華橋金主籌款掠水。

7月24號，係劉晶37歲生日，佢嘅身體狀態亦好唔得豆斗幾多，條友仔身體不嬲都好虛好弱，軟禁咗成九年，期間豆斗有冇同佢落藥冇人知道，但係三十七歲嘅佢肯定唔係一個正常男人體魄。生日前後，就傳出佢亦都患有重病，全國各地名醫被召集入京，同佢睇醫生，有啲嘢，大家應該心知肚明。

好地地突然之間死，就一定係落毒。但係你話畀人知佢都病咗一排，咁忽然之間暴斃，就情有可原。

下次繼續……

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【137回：大清亡國關 #升上神枱 蛋牛治】

😄慈禧太后叫做老佛爺，一直係一個民間笑話。但係有一次我翻查史料，無意中發現原來晚清北方人民，唔係叫釋迦牟尼做佛祖，或者佛陀，而係叫佢做「佛爺」，即係話，叫慈禧做老佛爺，其實係一個神格嘅稱呼（嚴格嚟講，俾釋迦牟尼仲要高一級），亦將慈禧太后擺上神嘅地位。於是就可以解釋到，點解慈禧以一個女人嘅身份可以長期執政達半個世紀？

😄得出嘅結論係，慈禧太后喺晚清其實民意支持度相當高企，一定高過今日嘅林鄭月娥，呢個亦都可以解釋到，點解之後八國聯軍入京，慈禧流亡西安，仲可以牢牢掌握政治實權。政治世界，運氣所占嘅比重比較少，實力先係最重要。慈禧嘅個人魅力同重要性，其實遠遠超過後世歷史學家所描述。

😄所以有人叫慈禧係東方維多利亞女王，其實又無錯。佢嘅民意支度同重要性，其實同當時另一面大英帝國維多利亞女王一世（1819-1901）不遑多讓。成個19世紀，世界上大部份人口（大英帝國加大清帝國）都係由兩個女王管治，呢段時間，亦都係人類文明發展史上面嘅重要時刻。到咗20世紀，兩個偉大女王先後駕崩，從此天地大亂，1914年第一次世界大戰爆發，亦都預示咗，人類嘅文明步進最黑暗一頁……

😍我唔知道20世紀上半葉一連串殘酷戰爭，同兩個女王唔再掌權有冇關係？一切純粹靠估，純粹吹水。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/3DLRPC4xOFQ

【常威近代史】第二部《中國一百年前第一次開放改革》

https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》

https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買

https://www.382now.com/product?id=87

【常威中史】慈禧平反系列（一百八十九回）

趁住豆斗同劉晶就快齊齊歸西，係時候總結吓佢兩個嘅關係。好多人覺得，劉晶嘅一生係無比悲慘，因為佢俾老巫婆慈禧太后控制住，慘過做性奴，但其實並唔係咁銀樣。

劉晶光緒帝係豆斗扶植嘅第二個皇帝，1861年咸豐皇帝死後，西太后豆斗垂簾聽政，指點江山，佢揀咗一個三歲嘅白痴仔同治繼位（揀佢嗰陣未知佢係白痴仔），但同治的確係一個白痴仔，智商好有問題，佢唯一嘅政績就係「微服叫雞」，正所謂爛泥扶唔上壁，早死都係應該。同治只係過渡人物，其時豆斗如日方中，正值人生歷練最高峰之際，一場開天闢地嘅洋務運，佢係一心想將大清搞好邁向現代化，向列祖列宗交待，將最高領導權交畀一條低能白痴仔，相信成個皇族冇人贊成。

1875年同治死後，豆斗揀咗另一個細路仔承繼大統，佢就係光緒帝劉晶，劉晶比同治叻得多，腦筋正常，自細聽話又肯努力讀書，心裡面有救國救民嘅志向，毫無疑問佢係承繼大統嘅好人選，但係佢天生有一個問題，就係身體虛弱（細個成日驚行雷閃電，響被竇內漏精）。

所以身為大姨媽嘅豆斗，為咗劉晶順利成功親政，做咗無數功夫，其中一樣就係同李鴻章創建北洋艦隊，令到大清擁有當時國際社會上邊嘅先進武力，1889年，搞掂晒北洋艦隊啲嘢，豆斗先肯退休。佢冇再爭權，真係將最高權力交畀光緒，功成身退。退休期間豆斗所做嘅嘢，都係輔助緊光緒。

可惜由1889年到1895年期間，劉晶自己一事無成，仲響契弟翁翁同龢嘅唆擺下，為咗抑壓李鴻章坐大，刻意拖慢北洋艦隊嘅基建工作，結果一場甲午戰爭，徹底將兩個國家嘅命運改寫，大清帝國被拖入深淵，從此註定仆街收場。

馬關條約簽訂之後，豆斗正式復出，目的只係想震住個局面，唔畀大清亡國，不過響劉晶眼中，大姨媽就係轆出嚟奪權。呢個時候，豆斗更發現劉晶話事期間，國家現代化停滯不前。於是豆斗重提改革，1898年發動戊戌變法，全盤向西方學習。戊戌變法百日維新又響劉晶手中變成一權鬥，劉晶自組新黨，同日本人眉來眼去，想取代原有滿蒙貴族舊勢力，想將大清江山送畀日本，結果最後自己被一鋪清袋，從此軟禁瀛臺。

到1899年，劉晶嘅作用其實已經玩完，呢個時候出現咗廢立問題，豆斗的確係想搵一個新皇帝取代劉晶，可惜國際社會不斷加壓，唔畀豆斗咁做，亦由依件事可以睇到，劉晶絕對唔係一個無辜嘅人，佢一早已經被日本政府同大英帝國收買，要玩「合邦」。

而中間發生嘅義和團事件、八國聯軍入京、慈禧西逃……完全係一場一場大混亂，相信冇人可以掌握發展過程，而最終唯一能夠平定亂局嘅政治能量，仍然係嚟自慈禧太后。外國人（最重要係日本人）終於睇到，大清嘅支柱其實祇有一碌，就係豆斗！佢一日在生，你一日唔使旨意玩嘢，你想玩嘢，唯一嘅方法就係等待，等待豆斗歸西。

1902年豆斗重返北京，啟動新政。劉晶喺軟禁期間，仍然不斷向外勾結其他勢力，一心要諗住復辟，重新奪權。豆斗一直唔殺佢，一方面係唔想佢嘅死再引起政治動盪，另一方面我個人好相信，豆斗對劉晶有一定情義，其實要殺劉晶，三番四次都可以，逃出紫禁城時大混亂期間可以殺，去到西安山高皇帝遠更加殺咗你都冇人知，可惜性格決定命運，豆斗本來就係一個善良嘅人，到咗晚年篤信佛教（變咗老佛爺），我相信係出自一份慈悲心場，令佢一直留住劉晶條命，佢只係想呢個皇帝乖乖做人，唔好再玩嘢。而佢豆斗就可以一心一意搞好大清江山，延續愛新覺羅皇族收皮嘅時限。

但係劉晶明顯冇放棄到自己嘅野心，1908年慈禧太后身體狀態滑落之際，一切證據都顯示，劉晶同佢勾結嘅外國勢力將會捲土重來。而豆斗亦都預見到，如果自己死咗，政權重新落入光緒手上，大清嘅命運只會得一個，就係完全免費、拱手相讓畀日本122代天皇明治。

所以佢別無他選……下次繼續。

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【碌葛男人嫁得過】線上購閱
https://play.google.com/store/books/details?id=e1N7DwAAQBAJ

【常威中史】袁世凱平反系列（一百九十一回）

1908年11月14號，24小時之內，豆斗慈禧太后同劉晶光緒帝先後離開人間，亦都象徵著一個時代嘅終結。

劉晶死嘅時候，喺佢身邊嘅就係嗰個醜樣到爆燈嘅隆裕皇后，劉晶一生人最愛嘅人一定唔係佢，而係珍妃。珍妃享1901年慈禧太后西逃離開紫禁城嘅時候，俾人推咗落井，死。我諗劉晶一定非常傷心，劉晶嘅一生都係活喺慈禧太后嘅陰影之下，所有嘅事情不能自主，無論政治上或者愛情上。我諗佢心裡面一定非常之痛恨慈禧，有得俾佢揀，我諗佢唔會想生於帝王家，由頭到尾佢都係一個悲劇人物。

而家香港好多年青人都埋怨老竇冇錢，所謂「窮人唔好生仔」，好多人以為生於大富之家就係美好生活嘅保證，做貴族就最好。但我可以講俾大家知，活響大富之家並唔係一件容易嘅事，有錢嘅地方就有權鬥，有權鬥就會帶嚟痛苦，我認識唔少嘅有錢人，心理上都有好多束縛，起碼交個朋友，就怕佢有動機埋嚟黐金糠，談情說愛，更加唔知道對方係鍾意你抑或鍾意你啲錢。做個窮人，自己搵自己食，一切由自己自主，某程度上都係一份難得嘅自由。當然我咁講，都係一種自我安慰，活在香港，邊個唔想有錢丫？

光緒皇帝同查理斯王子都幾似，當然戴安娜靚過隆裕皇后好多好多，一生受制於他人，連愛情都不能夠自主，當然英國嘅皇室政治亦冇大清國咁恐怖（其實都大同小異），英女王懲罰親生仔查理斯嘅方法，就係要去做終身皇儲，永遠冇辦法帶上皇冠做大英帝國皇帝。

光緒死嘅時候都幾悽慘，身邊冇重要嘅大臣送佢上路，亦冇人紀錄佢臨終嘅時候有乜嘢想講，因為一切已經唔再重要。呢個時候，所有重臣齊集於皇太后床前，等候佢安排大清帝國嘅未來前途，慈禧太后指定載灃兩歲嘅仔溥儀承繼皇位，而載灃則被安排為攝政王承繼最高權力，載灃係光緒載湉水細佬，之前講過，慈禧將大權交畀佢，因為佢係一個對大清帝國全無異心嘅忠誠人物，慈禧所做嘅嘢，無非都係想確保滿清王朝愛新覺羅家族嘅統治權，美國文學家海明威講過「肉體可以被消滅，人不可以被打敗」。慈禧肉身雖然要死，但係佢一生捍衛嘅滿清王朝，一定要響佢死後延續落去，千秋萬世。

慈禧臨死之前，發出以光緒帝名義頒發嘅遺詔，呢份遺詔總結咗江緒帝任期內30年間嘅主要作為同埋目標，一切都同大清嘅現代化有關，「折衷中外之治法，輯和民教，廣設學堂，整頓軍政，振興工商，修定法律，豫備立憲，期與薄海臣庶，共用昇平」，遺詔最後更加提到，九年之後要實行君主立憲制，實行國會選舉，「恪遵前次諭旨，各按逐年籌備事宜，切實辦理，庶幾九年以後，頒佈立憲，克終朕未竟之志，在天之靈，藉稍慰焉。」

而慈禧太后自己嘅遺詔，亦講出佢臨終時候嘅心境，「回念五十年來，憂患迭經，兢業之心，無時或釋，今舉行新政，漸有端倪…前年宣佈預備立憲詔書，本年頒示預備立憲年限，萬機待理，心力俱殫…猶未敢一日暇逸……」，臨死嘅時候，慈禧講出佢一生都係為咗處理國家事務而奮鬥，最後終於實行新政，踏上君主立憲之路，為古老嘅大清帝國打開一個新方向，念念不忘，可惜沒有迴響……

最後嘅時間，慈禧仍然處理工作，直至佢再無辦法講出一句說話為止，交代好一切，三個小時後，佢就離開人間去見老佛爺。

我常公子再唔想講啲乜嘢總結慈禧一生，事實上我已經寫咗三十萬字替慈禧平反，佢係一個好人？抑或係一個壞人？請大家用獨立思考理性去分析，但係隨住佢嘅死，中國歷史打開咗另一個局面，之後，我嘅重心會放喺袁世凱身上，依一個，亦都係一個唔能夠唔平反嘅偉大歷史人物。

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

🔥【常威近代史】第二部《中國一百年前的第一次改革開放》實體書正式上架！

🔥請大家支持我常公子的近代史寫作計畫，Facebook專頁、Youtube、電子書、實體書，我希望用唔同嘅新媒體，令香港人或用粵語為母語嘅朋友認識或加深對近代史嘅認識，過程會好艱辛，但係我唔撚怕，我會努力落去，直至寫到王光美接劉少奇骨灰為止，我會用我嘅母語廣東話，寫下香港人眼中嘅近代史，為香港人響歷史上留下一個小小腳印。

🔥請大家支持我，到書局買本實體書！download咗電子書嘅朋友，亦請多買幾本實體書，送禮自奉，大家一齊推廣香港人保存粵語文化運動！有你有我！高山流水，沒齒難忘！

【138回：大清亡國關 #高鐵 蛋牛治】

😄「六四」對我哋呢一代人嚟講，係一個疤痕。今日懷緬一下過去，六四事件發生之前，1984中英聯合聲明簽訂，香港回歸。當時嘅香港人，對中國嘅開放改革都抱有極大的希望，尤其是係胡耀邦同趙紫陽當政期間，中國似乎慢慢擺脱咗極權嘅面具，一片樂觀情緒。如果你去返80年代中期嘅香港，其實好多人都希望回歸祖國，大家一齊同步向前，民主自由嘅中國，喺當時人嘅眼光嚟講，並非遙遠嘅事物。

😄可惜天安門嘅槍聲，粉碎咗香港人對中共嘅希望。原來極權係會殺人？而且毫不手軟。你以為佢改變咗，其實佢一啲都冇變過。六四事件發生之後，香港人掀起移民潮，有錢有本事嘅人，走得就走，去英國去加拿大，不惜成為二等公民，都係為咗逃避共產黨赤禍降臨。1997依四個字，由充滿希望變成充滿恐懼……當中嘅轉折，今日睇返，恍如隔世。

😄每年舉行嘅六四晚會，上個世紀我都去咗好多年，近十幾年冇去喇，你問我原因？其實我同好多香港人一樣，並唔係選擇遺忘。而係發現，無論做啲乜嘢，放喺我哋面前嘅困局都係唔會改變。我常公子頻道裡面三番四次強調，由百幾年前開始，香港已經係某啲人眼中嘅顛覆總基地，呢個概念到今日都冇改變，香港人響血統上永遠係敵人，共產黨係一個以「階級鬥爭」為本質嘅政黨，敵我分明，非黑即白。香港人並唔係自己人，永遠都唔係，充其量只係被收編嘅對象。世界上有樣嘢叫宿命，呢個大約就係香港人嘅宿命。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/UIpggUBxTc0

【常威近代史】第二部《中國一百年前第一次開放改革》

https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》

https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買

https://www.382now.com/product?id=87

【常威中史】（一百九十二回）
袁世凱平反系列

新一頁開始。

家底好重要，背景亦都好重要，你老竇同阿爺嘅高度，亦都決定咗你嘅高度，唔單止係遺傳學嘅問題，仲係政治嘅問題。除非社會有大戰爭大災難大洗牌發生，否則和平嘅時代，一個普通人想攀上政治嘅高位，機會可以講極細。點解成日羡慕美國係一個好地方？因為喺美國先有「奧巴馬」依種現象出現。冇靠父蔭，白手興家，一個背景普通嘅黑人律師最後做到美國總統，我諗先算係民主制度嘅最具體嘅體現。

袁世凱（1859-1916）嘅背景好強，袁家喺響道光年間開始興起，佢嘅上嗰幾代，非常把炮，有准軍軍頭，亦有地方大員，袁世凱嘅出身，其實係一個富三代（或者四代），年輕嘅時候唔愁衣食，大把人照住。所以我叫佢做太陽電筒，因為身邊夠光，所以佢自己就能夠發光。依種背景出身嘅人，大部分都係仆街，或者係寄生蟲，但係袁世凱唔係，佢嘅一生如果要我比分，100分佢有85分。

近代史抹黑袁世凱抹黑得非常過份，原因好簡單，因為辛亥革命之後，袁世凱就係一個對照國父孫文嘅反面人物，一個黑臉，一個白臉，前者愈黑後者就會愈白。正邪二分法，係人類嘅基本意識形態，正如打機一定要有大佬。今日世界，美國人就要話畀我哋知，個世界係有個邪惡大佬存在，呢個大佬叫中國（之前叫蘇聯，早幾年叫阿爾蓋達或ISIS）。打低大佬就爆機出字幕，個世界就會和平，咁樣講，大家都會容易啲接受，太複雜嘅嘢，其實普羅民眾唔會明。

我開常威專頁講歷史，無非都係想打破這種老撚土嘅想法。

袁世凱嘅彈起，係因為佢喺朝鮮主政期間，為仆街李氏皇朝訓練咗一支新軍，從此以後，袁世凱就係一個「練兵大師」。袁世凱練兵咁掂，其實冇咩秘密，佢只係將德國練兵嗰套嘢Copy，搬過嚟照用，中間完全唔會加插任何中國元素落去，咁就搞掂。任何事情都係一樣，一個好好嘅湯底，只要你加咗中國元素落去，就會變咗毒藥。寫【醜陋的中國人】嘅柏楊講過，中國係個大染缸，任何美好事物傳入嚟就會被汙染，而變成另一樣嘢。民主制度如是，共和如是，馬克思主義亦如是。

1895年清帝國打輸甲午戰，政局大洗牌，李鴻章落馬，豆斗搵咗佢嘅政治新partner榮祿頂替直隸總督兼北洋大臣，榮祿就推薦袁世凱畀豆斗用，當時大清帝國武力被清空咁滯，豆斗派咗袁世凱去天津小站，訓練一支帝國新建陸軍，而呢個亦都係袁世凱一生嘅發跡點，呢支普魯士式現代化裝備新軍，就係之後嘅北洋軍閥班底，天津小站練兵時嘅袁世凱，30歲都未夠，真係年青有為。

之前講袁家底夠厚，遺傳嘅嘢，真係冇得羡慕得咁多。但係袁家仲有樣嘢遺傳給袁世凱，就係短命基因，袁氏家族好多人都過唔到60歲，包括袁世凱自己在內，所以佢哋好多事都要喺60歲之前完成（包括稱帝建立中華帝國）。個人認為，袁氏家族應該有一個家族遺傳病，而近代醫學嘅發展，就將依種宿命打破，因為袁世凱個仔袁克定（1878-1958），就活到80歲。

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】（一百九十三回）
袁世凱平反系列

要講袁世凱，一定要講北洋軍。

清代軍隊腐敗嘅問題，早響19世紀60年代已經有人睇到，恭親王奕訢鬼子六響同治三年已經上奏過「治國之道，在於自強，而審時度勢，則自強以練兵為要」，槍桿子出政權，國力亦由軍事力量所決定，呢個定律都今日都冇變過，點解美國咁強大？大家都是明白的。

可惜鬼子六講嘅嘢當時冇人理會。直至去到甲午戰爭進行期間，大清統治階層終於知道自己嘅軍隊衰成點，之前講過葉志超平壤一戰慘敗比日本人，平日也文也武，殘酷鎮壓自己友就最叻，面對外敵就屎都不如。1894年10月23日，豆斗將曾經參與黃海之戰嘅德國陸軍軍官漢納根（Von Hanneken）召入京，同佢商量改練新軍措施。漢納根提出練一支100,000人現代軍隊嘅構思，但比李鴻章否決咗，一來洗費太大，二來新軍嘅領導權冇可能操縱喺洋人手上。結果李鴻章就係搵咗自己友淮軍軍頭胡燏棻（1840-1906）開波自己搞大清陸軍現代化。中國人衰乜？衰圍爐囉。

甲午戰爭徹底慘敗後，軍隊西化更加事在必行。當時清政府外交顧問福仕達（John W. Foster）就寫咗份報告講「中國目前急務，需先整頓陸軍……陸軍未成，則不能使人遵守國家紀律」（講真，軍隊嘅用途最主要都係鎮壓人民）。1895年，中國第一支西化軍隊「定武軍」就由李鴻章嘅人胡燏棻搞出嚟，人數為4750人，當中步兵3000人、炮兵1000人、馬隊250人、工程隊500人。

咁胡燏荼都唔係流，佢真係認真搞。同年佢上奏一篇萬言書畀朝廷講軍隊改革，呢篇萬言書喺晚清軍制改革上一篇重要文獻，佢提出四個主要重點：

第一，設立武備學堂培訓軍人軍官，入學嘅人要通過考試，起碼要識字，身體強壯，學堂由洋人軍官教授，三年制，畢業之後可以得到文憑做勇（兵），成績出眾嘅，可以推薦做軍官。

第二，軍人要查家宅，唔可以再虛報軍藉出糧，廢除八旗兵淮軍系統沿用嘅軍藉世襲制。招募新兵年齡介乎16-20歲，40歲就肥雞餐要退休，入營之後，三年放一次大假返鄉下，但係國家要打仗，就算放緊假，都要隨傳隨到開工。

第三，大幅加軍隊人工，唔可以再上下克扣，要杜絕舊軍制之內嘅貪污情況，新軍人要享有合理福利，服役期間，全由國家供養，起碼要衣食無憂，咁佢哋先會同國家賣命。

第四，新軍全面採用洋化裝備，一切槍炮以外國貨（德國貨）為主。

上述四個條件之下，胡燏棻制定咗未來大清新軍編練嘅規模，北洋練兵50000人，南洋30000人，廣東湖北省各練兵20000人，其餘每省大概10000人，中間制度統一，互相調動，舊兵制完全撤銷。

朝廷通過咗佢嘅建議，上面講過清國第一支現代化軍隊「定武軍」出現，屯駐馬廠開始編練，1895年9月，定武軍因為營房不足，移到小站屯駐，小站係距離天津東南70里嘅一個小鎮新農鎮，就咁開始了所謂「小站練兵」，小站之前係淮軍駐扎屯田之地，開通咗一條九十里長嘅運河直達大沽海口，扼守進入北京城要道，鎮內有稻田60000頃，能夠為駐扎嘅軍隊提供足夠糧食。

同一時間，由張之洞主理嘅南洋新軍亦都開始編練，史稱「自強軍」，張之洞調離兩江總督後，自強軍被新任兩江總督劉坤一接手，依支部隊不久調動至直隸，編入袁世凱嘅北洋軍第四鎮。

講番小站嗰支「定武軍」，因為馬關條約簽訂後，李鴻章落馬失勢，1895年10月22號由榮祿向豆斗推薦嘅年青袁世凱接管，俗語所謂，冷手執個熱煎堆，一個人行起運上嚟，真係擋都冇得擋，前人種花後人收割，又一個好例子。

【常威近代史】第二部《中國一百年前的第一次改革開放》電子書
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》電子書
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【139回：大清亡國關 #關稅 蛋牛治】

😄中美貿易戰打得火熱，我講過，中美貿易逆差嘅問題一直都係問題，美國冇拎出嚟講，一方面同特朗普有關，另一方面亦都同美國印得太多銀紙有關，2008年嘅金融海嘯，引發次按危機，美國人嘅解決方法係「量化寬鬆」，亦即係狂印銀紙補窿，但每印一張銀紙，代表多一張美國債券，如果印銀紙可以解決問題，咁個世界就無問題。電視廣告都有講：「借咗錢一定要還，唔好畀錢中介」。印銀紙就係借錢，中介就係背後猶太吸血鬼主宰嘅金融機構。

😄為保持經濟繼續向上，中國亦都學美國狂印銀紙，因此過去十年，全世界走向一條不歸路（你睇吓啲嘢貴咗幾多你就知道啦）。中美貿易大戰，亦都係大家狂印銀紙之後嘅結果。今日大家攤牌，事實上亦都無可厚非，因為問題一定要解決，唔可以無限去拖。美國要減低國債（我諗佢哋從來冇諗過還，只係想減低利息開銷），目標亦都唔係只係單單一個中國。其實而家美國係同全世界發動緊貿易戰，要全世界向美國跪低，從而令到美國經濟再向上昇，補返前十年狂印美金製造出嚟嘅巨大金融黑洞。

😄依一招借錢過好生活，借錢去揮霍，係美國人發明，我嘅好朋友股票大師周顯講得啱，差唔多所有嘅金融伎倆，全部都係美國人發明，取消金本位嘅係美國人，向世界瘋狂發債自肥嘅亦都係美國人，甚至將虛擬貨幣擺上枱玩嘅，亦都係美國人。對於錢銀，對於如何喺虛擬中創造價值，美國人一向非常聰明同敏感，睇往績，其實全世界冇人夠佢哋玩。

😄中國夠唔夠美國玩？如果單睇往績睇經驗睇數據，中國一定輸梗，發動貿易戰，就目前嚟睇，美國人最後嘅目的係想中國開放國內金融市場，想人民幣自由浮動，從而收割過去30多年美國所印銀紙補貼中國經濟巨大崛起嘅肥美果實。之後會發生乜嘢事？我其實完全唔知，亦都無任何概念，因為我只係一個香港人（定義上係一個中國人），對於金融伎倆，其實所知有限，我實在唔知道美國人嘅金融智慧可以有幾高？

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/Z86dF2U35m8

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151