【大清亡國關慈禧蛋牛治】第一回

仲有一件事關於魯迅細佬、中國民族學始創者周作人（1885-1967）嘅故事，想同大家分享吓。

1919年3月當時係北京大學文學系教授嘅周作人，喺北大組織咗一個叫「新村北京支部」，宣傳「新村主義」，噉乜嘢係新村主義呢？新村主義由日本白樺派代表作家小路實篤（1885-1976）所創立，宣傳「烏托邦思想」同「愛」，1918年小路實篤喺日本九州建立咗一座鄉村，想創造一種無政府、無剝削、無強權、無壓迫、無意見對立嘅社區，周作人前往參觀後，非常嚮往，返到中國響《新青年》發表《日本的新村》，大力鼓吹。

其實，「新村主義」亦係另一種形式嘅平均主義共產主義，嗰個無剝削無強權無壓迫嘅絕對公平烏托邦世界，亦即係「人民公社」嘅雛形，搞一個絕對公平嘅公社式烏托邦鄉村，到咗今時今日亦都成日有，荷里活電影同美劇都出現過唔少。但係歷史上真正搞大型人民公社運動，要將人民公社集體農莊貫徹全國執行，史太林曾經係20世紀30年代蘇聯做過，我哋嘅偉大領袖紅太陽毛澤東亦喺50年代末期做過，結果前者死咗500-600萬人，後者更加餓死咗起碼3000萬人。

有陣時講，好心做壞事，我諗呢個亦都係歷史上邊話畀我哋知一個最偉大嘅例子。

但係當時嘅人並未察覺到共產主義嘅巨大破壞性，唔少人會覺得——尤其是係高級知識份子——共產主義不但可以拯救中國，而且可以拯救全世界，當時嘅中國軍閥割據，戰禍連綿，七國咁亂，被整個國際社會欺壓（至少中國人自己係咁樣諗），國內大部份地區都係無政府主義狀態，天災人禍不斷發生。

舉兩個例子，1919年4月，廣東雷州半島俾海盜襲擊，焚掠3000多戶人，400人被屠殺；同月安徽省發生兵變同大火，四處都有暴動，暴徒焚燒搶掠，屠殺群眾。我諗如果我身處當時嘅世界，我都會係共產主義嘅堅實信徒。

4月30號，仲有一件大事發生，就係中國新文化運動嘅代表人物胡適，佢嘅師傅（博士論文指導老師）美國實用主義大師哲學家杜威（John Dewey，1859-1952）從日本前赴上海講學，風頭一時無倆。

4月結束，就係5月，1919年嘅5月4號，中國爆發咗一件開天闢地的大事。


#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百三十四回）
大軍閥平反系列

社會上最能夠保守良知嘅人係學生，因為成年人好多時候經過社會嘅磨蝕，會變成冷血動物或者大滑頭，良知畢竟唔可以當飯食？因此往往對社會不公平現象作出反抗嘅，通常都係學生，2019年嘅夏天，香港嘅年青人同學生就發動咗一場逆權運動，提出「五大訴求」！高舉「光復香港，時代革命」旗幟，以武勇無懼之姿挑戰當權者！企圖扭轉香港嘅政經局面！

無可否認，本質上，2019年發展至今嘅逆權運動亦係一場「學運」，因為參與者好大成份係學生，佢哋懷住一片赤誠，以最純粹嘅動機出發想改變世界（香港），只可惜，「學運」每每會被當權者抹黑同打壓，2019年今日，逆權運動定性為暴動（有23條就已經係反革命顛覆國家），好多學生同年青人將會以暴動罪被起訴，有人要坐十碌！2020年時局稍為平靜，有人就開始大規模秋後算賬，濫捕濫告，不僅唔想修補撕裂，反而想擴大裂縫至不能回頭，擴大仇恨，想將香港推入深淵，行為之卑劣，令人髮指。

同樣情況亦發生在1989年，北京學運最後更加演變成解放軍屠城，死傷無數，至今仍然未能被平反！但係發生係1919年嘅學運「五四運動」，則被統治階層搬上神枱供奉，無論係國民黨或共產黨執政，都將五四運動定性為一場愛國民主運動，地位超然，但其實，細心推敲，五四同八九，或者同今日香港發生嘅事，本質上並無分別。

話語權永遠掌握在統治階層口裡面，佢哋話黑你就係黑，佢哋話白你就係白。不過世間上唔係淨係得統治階層上層建築一把尺，每個人心中都有一把量度良知嘅尺，所以，凡事請用良心去看事物，投資決定千祈唔好信老千，要信自己。

其實我認識唔少身邊嘅人，都係身在藍營心在黃，只不過唔想打爛飯碗，口中說不，心裡一直非常誠實。情況一如藍店扮黃，要繼續開門做生意，實在無可厚非，鬼叫統治階層繼續擴大撕裂，逼人選擇立場同暴力割蓆，有時候「講一套做一套」並非中國人DNA本性，而係由統治階層上層建築威逼利誘而發生，邊個唔想打開良心講眞心説話？中國人傳統，其實係想人頂天立地、從一而終、光明磊落做個真君子；但係真相卻往往要人成為一個口裡不一、埋歿良心，只懂縱情物欲、拜金弄權嘅虛偽禽獸。但我仍然相信，活到現在都相信，我哋仲有選擇權，可以選擇做一個人？抑或做一頭禽獸？

1919年4月30號，巴黎和會上，由英、美、法三巨頭組成嘅三國會議，響事先冇徵求中國代表同意嘅情況下，對山東問題作出最後裁決，決定將德國喺山東嘅一切權益轉讓予日本（梵爾賽條約第156，157，158條）。解決山東問題嘅方案完全按照日本嘅意願而發生，而中國方面維護自身權益嘅爭辯，則冇人理會。

塵埃落定，又一次喪權辱國任由宰割！面對殘酷現實，中國人終於喺「公理戰勝強權」嘅幻想中清醒過來。

✅本土唯一香港土話近代史文本

❤【常威近代史】第一部《大清亡國關慈禧蛋牛治》，全面開放，免費下載， #freedownload！

Free下載連結🔽

https://play.google.com/store/books/details?id=C3hjDwAAQBAJ

【常公子歷史頻道252回：斷送共和關 #衝上雲霄 蛋牛治】

♉因為一場武漢肺炎疫情，美國加快圍堵中國戰略，戰爭機器一經啟動，多方面出手，其他盟友亦需要推波助瀾，大家要揀好排邊條隊，想做騎牆派收兩家茶禮，兩年前仲可以，過咗2020年應該冇可能。就連中國係西方世界最好嘅朋友法國，法蘭西係西方世界中最先承認中共政權嘅國家，足足比美國日本早成十年。最近法國總理馬克龍都出聲指責中國隱瞞疫情，日本亦提供經濟資助幫助日本企業撤出中國，大佬有order，大家要做嘢。

♑中國共產黨亦唔係紙紮嘅，面對美國同整個西方世界嘅大力圍堵，近日亦都郁手，先響新疆羅布泊傳出核試消息，似乎係要提醒返全世界知道，中國係一個核武國家；海南省於南沙同西沙群島，即海南三沙設立「市轄區」，名正言順講到明係中國領土，企硬姿態，似乎係想講你知，如果要打我係會奉陪咁話。當然我唔相信會打，國際外交上從來都要企硬，冇人可以展示軟弱一面，畢竟大家博弈中，你退一步對方就會進一步，絕對唔會手軟。

♊由80年代開始，美國全力扶植中國經濟發展，其目的係想中國有一個共產主義社會變成一個資本主義社會，從而永遠同共產點義大佬蘇聯割蓆，大戰略成功，蘇聯於1991年正式倒臺分裂，從此不再成為美國世界霸權威脅。重申一次，六四事件發生後第一個解除對中國貿易禁制嘅係美國，美國繼續扶植中國經濟發展，真正嘅想法一定係想中國由經濟制度轉變，逐漸演化成政治制度轉變；但係多得蘇聯解體經驗，中共明白絕對不能夠喺政治上展現弱勢，否則亡黨係必然。當年戈爾巴喬夫展現弱勢，希望與西方世界達成和解，前後不過幾年間，蘇聯就玩完。

♉所以由90年代開始，中國一方面大力發展經濟，但另一方面喺政治上完全冇放鬆，亦隨住經濟發展，人民生活水平不斷上，反而令更多中國人真心擁護共產黨統治，香港亦如是，從而演化到今時今日嘅地步。但時代轉捩點，似乎由一場大瘟疫開始，出年2021年，係中共建黨100週年，佢哋亦都要開始面對一個最嚴峻嘅挑戰，仗冇可能會開打，但係更大規模嘅博弈，就一定會發生。香港係雙方戰場嘅前線，動盪亦係必然，依一點絕對唔會有錯。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/M1AhuJXey38

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百三十五回）
大軍閥平反系列

寫五四運動最令人痛心疾首嘅地方，再同今日比較，凡事千祈唔好比較，正如一個普通人千祈唔好羡慕李嘉誠嘅身家，因為比較只會令自己帶嚟痛苦，何必呢？

1919年5月4號，警察鎮壓學生示威，「防暴到！防暴到！好走快兩步！一畀佢睇到你，你變暴徒！」！32個學生被拘捕，全北京各大專院校校長連成一線，向政府施壓要求放人，第一輪營救並唔成功，蔡元培及部份大學校長宣佈辭職。

5月6號，聲援學生活動蔓延全國，天津、濟南、上海、武漢、長沙、廣州等地方，民眾同學生紛紛上街遊行示威，並通電支持北京學生，不單止係民眾，連全國各地大部份嘅報章一致譴責政府鎮壓學生，晚上，迫於各界壓力，北洋徐世昌政府亦驚明日5月7日，全國會爆發大規模「五七國恥紀念日」大遊行，於是警察總監吳炳湘終於肯見蔡元培，並答應釋放學生，但提出兩個條件：第一，學生唔能夠喺5月7號參加集會；第二，要學生全部複課。

5月7號，被捕32個全部學生獲釋，喺蔡元培力勸下，各校學生複課。

一定要叉開一筆，寫到呢度，我眼眶有淚（堅喊）。100年前，個社會同政府如何對待學生運動？大家有眼睇到，今時今日，香港呢個世界上最文明（自己話）最富裕嘅地區之一，喺過去半年，究竟做咗啲乜嘢事出嚟？100年前都唔會使用對待學生嘅暴力，今日係家常便飯，有冇死人我唔肯定，但係如果真係冇，就唔該要成立獨立調查委員會查清查楚，提出具體證據，還你警隊一個清白！無數年青人過去半年神秘墮樓跳海，全部無可疑？瓜田李下，你叫人點相信？

我常公子都有家人係警察，我都想還佢哋一個清白！我好明白，如果選擇遺忘，事件總會過去。但係如果輕易抹殺良知，人心就會崩壞，繼續發展落去，只會響未來帶嚟更巨大嘅災難同傷害。

除咗警暴，現今香港社會上更有太多人抹黑學生，唔去憐憫佢哋之餘，仲要落井下石，抹黑赤子之心，情何以堪？香港人嘅質素高在哪裡？事實上係連一百年前嘅古人都不如。大家撫心自問，今日年青人同學生嘅不滿同憤怒嚟自何處？就係我哋呢班成年人製造出一個拜金扭曲嘅社會，卑躬屈膝討好上頭擦鞋出賣下一代人利益同機會，唔去好好檢討自己責備自己？反而將責任推響一群十零二十歲毫無社會經驗嘅人仔身上，話佢哋驕驁無知，特登搞亂個社會？有呢種諗法嘅成年人，不如死X咗佢好過！

更加唔好講統治階層班狗西，刻意製造社會撕裂，尸位素餐，個個肚滿腸肥，卻煽動窮人鬥窮人，佢哋其實冇資格被納入人類語言討論嘅範圍。

呻完。

蔡元培成功營救學生，但係佢仍然係5月9號辭職，悄然離開北京前赴天津，呢件事喺北京教育界引起極大震動，北大全體學生致函教育部，要求政府同教育總長挽留蔡元培，5月11號，北京大專院校教職員聯合會成立，全體教職員一致要求政府挽留蔡元培。喺強大嘅社會輿論壓力底下，大總統徐世昌不得不下達命令，要求身在天津嘅蔡元培復職。

我講過，其實蔡元培頭像先係真正有資格印響中國銀仔紙上面，十張「蔡元培」，真係好聽過十張「毛澤東」好多好多。

上述5月4號到5月9號呢5日內發生嘅事情，就係「五四運動」嘅第一波。事後分析，如果用今日嘅角度，學生「私了」政府官員及放火燒曹汝冧間屋，一定係暴徒行為，全部要判十碌；但係當時嘅徐世昌政府，同廣大中華民國人民，最後都係用愛國心嚟體諒學生嘅過激行為，亦冇秋後算賬。「五四運動」亦比後世歷史學者推上神枱，永遠供奉，成為一個永垂不朽嘅典範模型。凡事其實都係觀點與角度，冇話啱定錯？如何定性？係意識形態問題，亦係政治問題。正如今日，亦有人堅持警察係「正義」，學生係「邪惡」，Sorry，但我接受唔到，其實都係意識形態問題。

但五四運動餘波未了，整個5月，全國各地為咗響應北京學生嘅愛國行動，上海、天津、武漢、廣州等地方相繼成立學生聯合會，佢哋希望「期合全國青年學生之能力，喚起國民之愛國心，用切實方法，挽救危亡」！全個學生及廣大群眾，一致要求徐世昌唔好喺巴黎和會上簽字，不同意青島由日本處置，廢除21條，嚴懲賣國賊曹汝霖和章宗祥等親日官員。

民衆及學生提出訴求，徐世昌政府進退兩難，一於拖住先，亦冇好似今日特區政府咁樣死撐。

時局動盪，亦製造出最好嘅土壤醞釀共產主義，5月15號，中國共產主義之父李大釗，響當時全國第一號意識形態刊物《新青年》上刋登《我的馬克思主義觀》一文，內裡以系統性形式介紹咗馬克思主義嘅三個主要構成部分，包括「唯物史觀」（唯物辯証法）、「政治經濟學」同「科學社會主義」三大範疇，並且按照當時俄國布爾什維克托洛斯基嘅革命思路，利用「階級鬥爭」將上述三者有機結合起來，《我的馬克思主義觀》依一篇文章亦係中國人對馬克思主義體系及基本觀念所作出嘅第一次系統性完整描述，具有劃時代意義。

亦由依一篇文章開始，一直只喺高階學術圈子裡研討嘅馬克思主義社會主義共產主義，開始傳播民間，成為時尚。馬克思主義同一般哲學唔同，基本上佢唔係愛嚟討論，而係愛嚟實踐。正如馬克思自己都曾經講過，「哲學不單只令人認識世界，而係要改變世界」！呢個係馬克思主義偉大嘅地方，亦係最可怕嘅地方。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常公子歷史頻道253回：斷送共和關 #民主之路 蛋牛治】

♉政府班子大換血，大規模整頓開始，由去年6月所發生嘅事情開始，必須有人負責，即所謂承擔政治責任，好多人有一個錯誤理解，以為響民主自由世界做官先要承擔政治責任，而響極權制度下，官員反而唔使駛承受任何政治責任。

♈但事實上啱啱相反，服務極權政治，其實先係如履薄冰，稍一不慎，就會粉身碎骨。喺西方世界民主自由制度下，政治官員承擔政治責任落臺後，往往過幾年就會用另一個身份東山再起，當然犯法或貪污坐監另計。但在極權制度下，主子失去對你嘅信任，亦即係宣判你政治上嘅死刑，乖乖地退休當然可以，但想東山再起就冇可能。

♊疫情進入尾聲，大肅反行動開始，展開秋後大算賬，特區政府統治班底亦都要高度政治化，換人係要配合鐵腕行動，全天侯打擊反對力量，之後將會毫不手軟，周顯講得冇錯，大家敢行出嚟對抗政府，就係唔驚你共產黨，覺得你共產黨冇料到，唔敢開槍亦唔敢做嘢，因為怕咗美國同整個西方世界制裁同圍堵？

♈但問題係，真相係咪咁呢？共產黨真係紙老虎？佢似乎要話畀你知，我並唔係冇料到，你要打交我絕對奉陪，你話百倍奉？還我都會同你百倍奉還！情況應該係咁，你唔驚就打到你驚，你再出嚟就打到你唔敢再出嚟！實用主義原則，並無計算任何感情因素在內，呢個情況，叫打仗，叫戰爭。

♈中共係一個意識形態政權，所謂意識形態政權，就係以政治為第一優先，以黨嘅生存權利為第一優先，佢哋經過嘅風浪太多，實戰經驗亦都太豐富，尤其是係打意識形態戰爭方面。我再重申一次，佢哋唔會咁容易鬆手，亦唔容許一個好似上世紀80年代戈爾巴喬夫嘅溫和改革派當權，因為歷史已經得到教訓，一軟下來，就會兵敗如山倒。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/flP_HXai3gw

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百三十六回）
大軍閥平反系列

全城抗疫，祝大家平平安安！我常公子對一衆喺前線工作嘅醫護人員，奉上最高規格嘅敬意，同最大嘅祝福！祝大家平安，香港人共度時艱。

1919年發生嘅「五四運動」，係中國文化一次巨大嘅衝擊同轉型，亦係中國人思想轉變嘅轉捩點。五四之前，中國文化始終由儒家哲學系統所主導，儒家哲學強調個人修養同人與人之間所建立嘅社會關係，當中以「道德」作主軸貫穿整個思想脈絡；但眾多歷史因素同中國國勢嘅下滑，令普羅大眾或高級知識分子，發現原來嗰條路係行唔通，所以要另覓新途，而大家都明白，新路向一定係來自西方哲學。

五四運動所謂嘅巨大文化轉型，就係由「唯心主義」移轉去「唯物主義」一場開天闢地嘅變革，而整場文化轉型，最後以中國共產黨改朝換代，1949年建立共產主義政權作結束，其實有跡可尋。

就我個人觀察，五四運動係一場由「一地三人」起動嘅巨大文化轉型。

所謂「一地」就係指新文化病毒爆發嘅源頭「北京大學」，自辛亥革命後，北大已經成為一間全中國最現代化嘅西化高等學府，全國思想中心，西式嘅學術土壤，孕育咗三個人物，促成咗五四運動嘅發生。

首先最重要嘅一個人，係1917年擔任新任北大校長嘅蔡元培（我常公子認為可印響銀紙上嘅人物），蔡元培生平嘅經歷跨越新舊兩個時代，佢係古老清帝國兩榜正途出身，25歲時就響翰林院以研究經典學術而聞名，對舊文化，蔡元培無比熟悉，但係佢不甘心成為一般儒家哲學系統中士大夫之流，辛亥革命前佢加入咗同盟會成為一個革命者，之後去咗德國學習四年西方哲學。

回國後，1912年擔任中華民國首任教育總長，推行大刀闊斧嘅西化教育改革，1917年上任北大校長後，主動引進並歡迎全世界嘅各種思想進駐北大，而且最重要，係佢大量聘用咗唔同經歷嘅年青知識份子擔當教職員，為中國傳統古老陳舊嘅教育模式投下毀滅性核彈。

五四運動嘅發生，可以講全因蔡元培而嚟，之後佢繼續領導北大至1940年，喺最動盪嘅時代，將中國人融入世界，提昇咗中國人嘅知識及文化水平，不至太落後於世界大潮流，如果之前嘅古老中國係落後於世界100年，咁蔡元培同我哋追返50年左右喇。

第二個人物，我選擇咗當時知識界嘅領袖、北大文學系主任陳獨秀，陳獨秀同蔡元培一樣，都係橫跨新舊兩個時代，曾經去過日本同法國留學，參與過1911年同1913年嘅革命，佢最重要嘅貢獻係1915年創立刊物《新青年》，而佢被北大聘用後，仍然繼續同其他共產主義信徒編輯呢一份刊物，《新青年》重要性相信大家都清楚，刊物對當時年青知識份子影響之巨大，無法替代。

陳獨秀同《新青年》，不但改變咗一代人嘅意識形態，催生新文化轉型運動，最重要嘅係將馬克思主義共產主義引入中國，改變咗無數人命運。陳獨秀之後更加身體力行，成為中共第一代黨總書記，領導初期係中共。無論之後大家對佢嘅評價係點，佢對中國文化轉型嘅重要性，實在非常巨大。

「一地三人」中最後一個，我選擇胡適。胡適同蔡元培陳獨秀一樣，都接受過中國傳統嘅儒家教育，後嚟佢去美國留學，係1910年到1917年之間佢響康奈爾大學同哥倫比亞大學學習哲學，成為一代實用主義大師杜威嘅入門弟子，返到中國後被蔡元培聘用喺北大任教，由於外形討好，成為咗一般年輕知識份子嘅偶像。

胡適最偉大嘅成就係提倡白話文寫作，佢深深明白束縛中國人知識文化發展嘅障礙，好可能係語言文字本身，傳統中國文字，晦暗難明，歧義甚多，毫不精準，胡適提倡「我手寫我口」，提倡白話文寫作，認為白話係現代思維同埋領導民眾接受教育嘅一種極為重要嘅文化傳遞工具。佢指出，拋棄只有學者先能夠理解嘅深奧古文，提倡日常語言嘅講法同埋詞彙，其實係同文藝復興時期歐洲人拋棄拉丁文一樣。

白話文運動空前成功，去到1920年，教育部已經規定全國中小學校要用白話文教學。除咗提倡白話文成就，胡適所提倡嘅科學主義（賽先生）同民主主義（德先生），亦都對中國人影響甚深。帶住美國學術背景嘅胡適，當然唔buy共產主義，佢嘅後半生，亦全力喺學術界發展，儘量不涉足政治。佢係中國第一個撰寫「中國哲學史」嘅大人物，論學術成就，佢係三個人中最高。

無獨有偶，蔡元培、陳獨秀同胡適都係哲學系（Philosophy）出身，去到今日嘅香港，年青人嘅偶像，首先提出「時代革命」口號嘅梁天琦都係哲學系畢業。

我常公子好明白，讀哲學其實一啲用都冇，有人就講哲學係「無用之學」，但係當一個社會或整個民族迷失方向嘅時候，就只有讀哲學系出身嘅人最清楚自己嘅位置喺邊度？

知道自己位置喺邊度？其實相當重要。廣義去睇，唔會輕易隨波逐流，人云亦云；狹義觀照，能夠安於其位，滿足現狀，心安如海。其實做人，有時候只係追求一點安心即可，無需要太多。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百三十七回）
大軍閥平反系列

繼續五四運動，1919年5月，除咗北京發生學潮，仲有美國實用主義哲學家、胡適博士論文指導老師杜威響中國巡迴演講，佢先後到過江蘇、浙江、奉天、直隸、山東、山西、江西、湖北、福建、湖南、廣東十一個省進行講學，引起巨大轟動。

各地報章紛紛報導杜威嘅活動，《新青年》出版咗《杜威專號》，發表部分哲學講稿，報刊爭相連載，杜威講學嘅題目包括「社會哲學與政治哲學」、「教育哲學」、「思想之派別」、「現代的三個哲學家」、「倫理講演紀略」等等，響社會上廣泛流傳，成為每一個知識青年必讀文章，哲學家杜威響中國嘅講學歷時超過一年，直至1921年7月，佢先至返番美國。

杜威講學帶來嘅震撼前所未有，當時嘅美國工業經濟發展已經領導世界，美國人信奉嗰套「實用主義」，凡事講求效率及效益，深深震動咗當時愚昧落後嘅中國民眾，中國人開始反省自己嘅傳統文化，得出嘅結論係，傳統儒家哲學所謂「三綱五常」其實毫無價值，妨礙中國嘅經濟同文化發展，必須要徹底被摒棄，「打倒孔家店」成為時尚，當時差不多所有中國人都相信，中國要強大起來，不再受列強欺壓，必須嚟一個翻天覆地嘅意識形態大轉型！

而杜威喺中國講學嘅一年之間，亦都係中國新文化運動及群衆運動嘅高峰，舊文化舊思想舊文字被打到一棟都冇，毫無還手之力。事實上喺胡適杜威出現之前，中國人係以日本作為模仿對象，但隨住日本對中國嘅經濟侵略日益加深，以及巴黎和會嘅結果，中國人開始仇視日本（理所當然），轉移鍾情美國，同時亦都種下之後中日戰爭全面衝突嘅種子。

同年5月，仲有一件事可以反映出當時中國人嘅仇日情緒。件事發生喺上海嘅香烟市場（泛指捲煙，即係用紙捲起煙葉吸食），當時香烟係重要嘅消費品。一直以嚟上海一帶嘅香烟市場由英美煙草公司主宰，但當時國產嘅南洋兄弟煙草公司，以「國貨」為號召加入競爭行列，而且成績斐然。於是英美煙草公司收買商界名人黃楚九（1872-1931）製造謠言，訛稱南洋公司煙草產品其實係日本貨，假冒國貨，南洋公司頓時備受群眾指謫，隨後更被農商部吊銷執業執照。

南洋公司於是立刻澄清，出示文件駁斥謊言，表明自己係真正國貨，並非日貨，經過一輪調查終於真相大白，重新恢復註冊，但係生意已經大受打擊。又一次「政治經濟學」完美示範，經濟同政治可以分開講？一定唔可以！最近有香港人倡議創造「黃色經濟圈」，亦都係「政治經濟學」嘅另類演繹。而當時外資英美烟草公司製造謠言打擊本土對手，正正就係不擇手段追求商業利益，之唔係就係美國人嗰套「實用主義」嘅哲學原則囉。

北京學運尚未停止，1919年6月1號大總統徐世昌為曹汝霖、陸宗輿及章宗祥三位親日官員賣國行為辯護，並且申請禁令，禁止學生繼續罷課滋事，北京大學生對此非常不滿，決定重上街頭抗爭。

6月1號同時喺武昌，學生亦都舉行抗日大遊行，政府派出軍警鎮壓，同學生群眾發生激烈衝突，混亂中軍警用刺刀槍柄毆打學生，拘捕40幾人，其中有18個學生重傷，8人之後因傷死亡。

6月2號，北京警察拘捕咗七名上街演講嘅學生，加埋武昌顛壓學生事件，激起民憤，北京學生聯合會決定組織更多學生演講團上街，繼續宣傳抗日及拒絕喺巴黎和會上簽字。並且聲言任何團員被捕，其他團員亦都要伴隨坐監，絕對唔可以俾政府嘅強權所威嚇！結果北京各大街頭都出現咗學生演講團演講，大批群眾支援支持學生抗爭活動。

但同林鄭月娥一樣，你硬我更硬，政府派出大批軍警（黑警）以武力驅散聽演講群眾，並且大規模拘捕演講學生，直至6月4號，短短兩日間，軍警拘捕學生800幾人，由於警察局同監獄都容不下眾多學生，於是軍警進駐北京大學，將部分被捕學生關押在校內，為禁止學生再鬧學潮，北京政府建議全北京大學提前放暑假！

北京學生出事，全國群衆聲援，6月4號大狩捕消息傳出，全國民眾大為震怒，上海工人開始罷工，並舉行大遊行，單係上海日資紗廠，就有15000工人罷工上街示威。上海商人為支援學生，亦開始罷市，自租界起，上海市各大商店一律關門唔X做生意，市政府出面調停，希望商人復市，亦無任何效果。

罷工罷市罷課，「三罷運動」迅速波及全國二十個省一百多個城市，其中包括天津、唐山、杭州、武漢、南京、濟南、長沙及廣州等重要城市。邊個話三罷冇用？而且北京市內，有5000個市民同學生自動投案自首，要求入獄同學生共同進退，政府基於群眾嘅巨大壓力，6月5號，將包圍北京大學嘅軍警撤退，並且釋放所有被捕大學生。

五日後，全國示威三罷活動繼續，6月10號，為平息全國民憤，徐世昌政府跪低，下令免去交通總長曹汝霖、駐日公使章宗祥及製幣局總裁陸宗輿所有職務，並且宣佈撤銷執行親日政策，以及檢討所有同日本人之前訂立嘅協定同條約。

大家睇到未？團結就係力量！100年前群眾嘅勝利，就係全國群眾團結一致，逼政府跪低順應民情。所以大戰略係，一開始就要喺群眾中間製造分化製造矛盾，唔俾你有任何意識形態或藉口團結埋一齊做嘢！人民在進化，但極權統治術亦都喺度進化緊！

更加大鑊嘅係，各種病毒都喺度不斷進化緊……今日年初五，祝願大家平安，勤洗手戴口罩，自求多福！

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常公子歷史頻道255回：斷送共和關 #富人窮人 蛋牛治】

♉一場武漢肺炎，徹底將整個世界格局改變，歷史冇人可以估到，以美國霸權為首嘅「百國聯軍」圍堵中國，新冷戰格局定型，似乎冇人可以獨善其身，中國自上世紀80年代開始改革開放，接近40年嘅高速經濟增長，亦將會面對一個最大嘅難關，不過鬥爭從來冇停止過，以為世界可以和平，大家可以和睦共處，從來只係人類天真嘅一廂情願。

♊有人嘅地方就有鬥爭，有人嘅地方就有政治，似乎無法避免。如果西方陣營有一日真係同中共徹底撕破臉，以中共嘅個性，亦唔會卑躬屈膝要求和解，反正鬥爭係我強項，大不了鎖國，回復到80年代開放改革之前嘅陳雲主導鳥籠經濟狀態，又唔係未試過？當然呢個係最壞嘅情況，我亦唔相信有咁嘅一日，畢竟過去嘅事不能夠回頭，如果人類真係懂得從過去嘅經驗同歷史中獲取教訓同借鑒，從而規劃未來，世界亦唔會搞到今時今日咁樣。

♉我個人漸漸唔相信陰謀論，亦唔相信有人有政權有好長遠嘅睇法同部署，其實世界上每一個國家、每一個領導人，都係煮到埋嚟就食，餐飲餐食餐餐清，未來一個月嘅問題都冇辦法解決，有乜可能想像以「年」作為單位嘅問題清單呢？我好記得，當四年前特朗普聽見自己贏到總統選時候嘅表情，係「一臉愕然」，如果大家記得嘅話，我諗佢同全世界人當時從來冇諗過Donald Trump真係會做美國總統，但係煮到埋嚟就食，亦無辦法。

🔯香港嘅情況亦都係一樣，去年6月，冇人會諗過一條逃犯條例會激起千重浪，半年混亂過去，我又好記得2019年聖誕節前夕，有人提出係時候回復經濟，聖誕市道消費非常重要，農曆新年前更應該回復正常，點不知道原來真正嘅原子彈係一場Covid-19，對經濟的破壞力甚至遠在去年六月開始嘅逆權運動之上，而且仲要係全球化一齊攬炒，有冇人可以估得到先？

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/SztdiH7nLdc

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百三十八回）
大軍閥平反系列

1919年，的確係一個民主自由嘅時代，同今日完全兩回事，時代明顯退步咗，全國示威三罷行動，6月10號逼得徐世昌中央政府跪低，免去三名皖系親日官員職務，跟住落嚟，就係巴黎和會上如何發落？

6月11號，陳獨秀及李大釗等人制定嘅《北京市民宣言》，要求政府取消中日密約，唔拋棄山東經濟權利。佢哋派傳單嘅時候，被警察拘捕入獄，足足踎咗三個月，到9月中先獲釋，冇穿冇爛算係咁。

五四愛國運動風潮冇冷卻跡象，6月頭，上海一個叫妙蓮嘅妓女牽頭，聯絡鑒冰、笑意、金書玉等上海名妓，組織咗一個叫「青樓救國團」，佢哋上街遊行派發傳單，傳單裡面咁講：

「我們花界，斯也雖賤，愛國則一。願我同胞，抱定宗旨，堅持到底。國賊弗除，學生不放，誓死不休。」

仗義每多屠狗輩，當妓女都想上街嘅時候，就可以知道已經好大鑊。黑社會都有愛國，當年六四事件，協助學生領袖同民運份子逃亡國外，香港嘅黑社會出力不少。拜開關二哥嘅人，知道乜嘢叫忠義？反觀今日，鄉黑官警一體，製造出元朗721事件，何為忠義？睇嚟響利益面前，已經被拋諸腦後，新世紀中國拜金model氾濫世界，學古惑仔烏鴉話齋：「關二哥，你outdate喇！」

拋棄道德，有時候可以好大鑊。你可以反駁，「實用主義」係美國人用得最好，點解人哋行只講求利益同效率嘅「實用主義」可以同道德取得平衡，而中國人唔可以？

要我答你，我答第一個係DNA問題，第二個係智力問題，而第三個係宗教信仰問題。

中國人DNA裡有強烈嘅「自私」基因，實用主義追求嘅利益，並非純粹個人利益，但係中國人就只會追求個人利益，你睇吓今日國難當前，人人哄搶口罩，藥房食人血饅頭就係最佳例子。

至於智力問題亦唔使我多講，畀手好牌你，這智力唔夠唔識打，一樣食唔到糊，民主自由可以變成貪污舞弊，實用主義可以變成拜金主義，共產主義又可以變成極權統治，三番四次好多例子都講畀我哋知，中國人係智力不足，太複雜嘅問題係冇能力去理解同處理，包括疫情在內。

宗教信仰更加重要，美國人行實用主義，但係佢哋背後有傳統基督新教作道德backup，而中國人嘅宗教信仰其實就係儒家哲學，當1919年拋棄儒家哲學嗰一刻，我哋就開始全盤拋開宗教信仰，隨後嘅共產主義馬克思主義基本上係唯物主義無神論，宗教信仰進一步被摒棄。當然1949年共產黨建國之後，其實馬克思主義係一種宗教信仰嘅代替品，但係1980年鄧小平開放改革行返資本主義之後，就連馬克思主義亦被揚棄，結果整個中國變成了一個完全冇宗教信仰嘅民族，後果有幾嚴重？相信大家今日已經一清二楚，唔使我再多講。

去番1919年，響全國嘅強烈反對聲中，徐世昌政府再無堅持簽約嘅主張，反而將個波交返比身處法國巴黎和會上嘅中國代表團。「國內局勢緊張，人民要求拒簽，政府壓力極大，簽字一事請陸總長自行決定」，陸總長即比利時人陸徵祥，呢隻水晶狐狸徐世昌，的確有計。

6月28號下晝三點，巴黎和會喺梵爾賽宮舉行「對德和約」（梵爾賽條約）嘅簽字儀式，順帶一提，依條《梵爾賽條約》內，除咗中國嘅山東問題，其實內裡好多嘢都係亂鳩咁嚟，從此以後歐洲被胡亂分割，終於埋下咗更可怕嘅第二次世界大戰核彈。

當日，中國代表團致函大會主席不派代表出席簽字儀式，同時對外發表宣言：

「中國代表團既多方調和而不可得，復鑒於一切可保國家體面之遷就辦法無不見拒，則惟有遵循其對於國家及對於國民之義務，與其因畫押之故而承受所視為不合正義公道之第一百五十六、七、八各條，則不如不往畫押。中國代表不得已而為此舉，致似有傷於聯盟共事各國之團結，頗以為憾。然無奈除此之外，實無一可保中國體面之途徑，故此舉責任不在於我，而在於人之不合公道。和平會議既於山東問題之解決，未與中國以公道，復於本日使中國非犧牲其正義公道與愛國之義務簽畫和約。中國政府愿陳其原委，以挨世界之公論。」（註一）

12日後，1919年7月10號中華民國大總統徐世昌將中國代表佢簽和約嘅消息通告全國，去到呢度，五四運動兩個最直接嘅訴求，即「內懲國賊」同「外爭主權」，都由人民取得勝利，民主自由萬歲！因為五四運動最後由人民取得勝利，所以佢嘅地位之後亦都被捧上神檯，奉為民主經典！

但係中國唔簽字，並唔代表山東問題已經解決，山東最後都係落入日本人控制。而中央政府中以段祺瑞皖為首嘅親日派政府官員同國會議員人人成為過街老鼠，人見人僧，終於埋下1920嘅直皖戰爭導火線！

註一：天津歷史博物館編，《秘笈錄存》，中國社會科學院出版社，北京，1984，頁224。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道256回：斷送共和關 #孫大炮 蛋牛治】

♉孫文有一個花名叫孫大炮，話佢好鍾意車大炮，佢吹水吹得最大嗰嘢，就係關於當時中國鐵路嘅建設藍圖。對於孫文嘅為人，近代史已經講得好清楚，尤其是過去十幾二十年，因為臺灣政治開放，好多屎料重新被發掘，隱藏喺孫文背後嘅黑暗面逐步浮現。過去作為國父嘅孫文，一直係一個高不可攀嘅道德形象，係一個近乎完美人格嘅政治偉人，但係真相並唔係咁樣，孫文係一條變色龍，某程度上亦都係一個馬基維利主義者，佢為咗實踐政治目的，往往能夠不擇手段，依一點毋庸置疑。

♐孫文身處嘅世界，係一個非常危險嘅古代世界，作為一個古老帝國嘅異見者，十幾年流亡生涯，將佢鍛煉成為一個超級陰謀家，亦都無可厚非。如果佢真係一個正直嘅君子，我諗佢永遠唔會係權力鬥爭中能夠脫穎而出，甚至流芳百世。好人唔適合做政治家，只適合做社工或者教師，玩政治就係玩權謀，你要打低啲奸人，衹能夠比佢哋更奸；你亦唔可以有一絲仁慈，否則就會死無葬身之地。點解「和理非非」唔得？亦都係因為呢個理由。

♐孫文最成功嘅地方，就係得到國民黨同共產黨兩者嘅認同，兩邊都唔夠膽詆譭佢抹黑佢，結果齊齊捧佢上天，令孫文成為近代史上少有兩黨都buy嘅政治道德人格典範；孫文一手扶起蔣介石，蔣介石當然唔能夠抹黑孫文，係道義上嘅問題；而孫文本身就係一個百分百嘅共產主義者，中共能夠做大，全因為孫文聯俄容共，所以孫文亦係中共嘅大恩人。而且孫文實在死得太合時，死於北伐之前，死於蔣介石同共產黨反面清黨之前，我個人亦好相信，如果孫文冇死，亦唔會有血腥清黨事件，成個中國嘅政治局面，亦可能會完全扭轉。一個人要生得逢時，亦都要死得合時，孫文就係一個好例子。

♎世人今日對孫文的印象，或者不及從前那麼神聖不可侵犯。但係孫文始終係一個聰明人，佢嘅政治智慧喺佢身處嘅世界其實行得好前，佢用西人嘅政治思考方法喺中國政治環境中打滾，所以佢做嘅嘢，亦都比其他人有效，起碼係個人宣傳、意識形態一環上，孫文領先其他政治對手九條街（好可能係孫文英文好，夠閱讀英文書籍），而且由一開始，作為一個堅貞共產主義者，佢始終無改變過自己嘅立場，佢嘅行為手段如果不計算在內，孫文其實好值得欣賞，亦好值得尊敬。作為一個政治符號，佢絕對勝任有餘，畢竟同時代中能夠同佢相提並論、做壞事比佢做得少嘅人，並唔係太多。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/TxSICyBsVkQ

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ


❤【常威近代史】第一部《大清亡國關慈禧蛋牛治》，全面開放，免費下載， #freedownload！
https://play.google.com/store/books/details?id=C3hjDwAAQBAJ

【常威近代史】（三百三十九回）
大軍閥平反系列

武漢肺炎疫情嚴峻，少啲出街見人柄喺屋企，繼續宣洩一下感情，免得負面情緒蔓延影響生活，請大家見諒，今集唔講中華民國歷史住，繼續講講香港同自己嘅感覺……

「國破家亡」究竟係一個乜嘢嘅感覺？相信活響21世紀嘅我哋永遠無辦法知道。香港2019下半年發生嘅逆權運動，再加多個武漢肺炎，相信我哋先有少少覺悟，但係覺悟度，我諗唔會超過10%。

我嘅養父養母都經歷過中日戰爭同國共內戰，佢哋細個逃難嚟到香港澳門，真正感受過國破家亡嘅感覺，對我養父所講，1950年佢初到香港西環上岸，十歲人仔連褲都冇條，賓周揈揈行去投靠親戚。所以佢哋嘅「危機感」都非常強烈，尤其是對所有人都唔信任，當然包括政府在內，當然佢哋嘅文化水平極低係一個原因，但係我好相信，有「國破家亡」覺悟嘅人，佢哋嘅想法會同活喺「和平盛世」日子裡面嘅人完全唔同。所以香港人由去年6月至今所經歷嘅一切，我好相信已經將香港人全部改變。

至少大家應該明白，所有嘅不安同躁動源頭究竟喺邊度？並非印度或彌敦道，而喺嗰度，嗰度係邊度？嗰度叫「上頭」，或者叫「上面」。如果上頭或上面嘅做事態度同意識形態永恆不變，災難我諗只會不斷發生，永不止息。

2020庚子開局，已經爆一場武漢肺炎大家嘆吓，你都咪話唔驚？中美貿易戰亦都會沒完沒了，全球經濟下行，由80年代新自由主義種下嘅豐饒果實已經全部被人類吃光，中國加多場大瘟疫，漣漪效應將會出現，工商、金融、旅遊、飲食、零售等業務大受打擊，企業機構廠房只能抵押資產借貸過渡，為求自保亦會大肆削減開支，倒閉潮、避險調資、遷冊、移廠、失業率必定爆升！

北京亦知大撚鑊，尋日2月2號宣佈動用1.2萬億人民幣救市，叫做「維護疫程防控特殊時期銀行體系流動性合理充裕和貨幣市場平衡運行」，亦都係中華人民共和國史上最大規模嘅「公開市場逆回購操作投放資金」，千萬唔好俾term fake到，「量化寬鬆」即係「印銀紙」，上述的講法叫做「國家隊出手」、「掟錢救市」，最重要係托住股市，唔可以比股市崩盤；第二再放寬借貸，等各大企業可以繼續吊鹽水，「捱得就捱」，輸人唔輸勢。

不過問題係，掟錢救市又有幾多效果呢？不斷咁掟，又可以掟幾耐呢？我唔係專家（否則我已經發咗），我只係用common sence去問。

中國經濟大鑊，香港只會更大鑊，由2003年（應該講1997）開始，其實香港經濟已經同大陸經濟融為一體，再無分彼此。如果你認為香港同中國嘅經濟真係可以彼此切割，然後香港人創造一個「黃色經濟圈」，行經濟自主獨立，當然唔係話冇可能，但係由今日開始最少要用10至20年時間全力以赴，可能未搞到，已經到達終點2047。

講真，我之前真係唔明點解王家衛套戲叫「2046」？更加唔明點解梁朝偉同張曼玉幽會嗰間酒店客房門牌係2046？但係當我明白嘅時候，一切已經無得回頭，正如梁朝偉同張曼玉之間嘅愛情，亦都從來無辦法開花結果。

但係我畢竟老了，新一輩人可能有辦法改變大局，睇後生仔頭！

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道257回：斷送共和關 #姻親關係 蛋牛治】

♉出版人講我知，最好賣嘅書永遠都係財經書，因為好多人以為買本財經書，或者增加對金融嘅知識，就可以發達，對住部電腦炒下股票，就算唔可以飛黃騰達至少可以養活自己，達到財務自由，40歲退休嘅偉大目標。

♑有上述經歷嘅人，我見過，但萬中無一，佢哋能夠到達財務自由，好多時候亦唔係因為炒股票好叻，而係時來運到，重手買啱一隻升幾十倍嘅股票，簡單啲講係運氣問題。香港曾經有人求卵其其篤九個數字中三T贏幾千萬，機率其實係一樣。信我，千真萬確。睇財經書當然有用，個用途並唔係可以發達，而係增長你嘅金融知識，響關鍵時候冇咁易輸到仆街。

⛎我最近都明白一個道理，千真萬確親身經歷，好多人都知道，本公子因為出身貴族家庭，又係水師提督常昆個仔，自幼好食懶非，所以好鍾意跑馬，但係我發現，每當我用心去研究當日賽事嘅時候，我通常都會輸；反而全無時間，倒瀉屎求其玩亂咁篤就會贏。問題究竟在哪裏？似乎大家應該一清二楚，到最後不外乎係運氣同機率問題，你對馬嘅理解或對股票嘅理解可能反而令你輸錢。

♏但發達亦唔係好難，反而好容易，如果你嘅年紀有返咁上下，響社會上碌得十零二十年，你就會留意到大部分發達嘅人，都係透過姻親關係而發，嫁個有錢人，娶個有錢老婆，一登龍門升價十倍，告別從前日子，公屋去山頂，所謂英雄莫問出處，香港好多富豪都係咁樣彈起。同有錢人建立姻親關係，亦係機率同運氣嘅問題，同個人樣貌能力背景完全無關，不過大前題係你要有能力進入有錢人嘅圈子，識到有錢人。孫民同宋家嘅關係，亦都係一樣，大漢奸汪精衛個老婆陳璧君，亦係南洋馬來亞富商之女，政治同經濟永遠掛鉤。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/7hIOxZPvPHw

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】（三百四十回）
大軍閥平反系列

今集講返中國歷史，1919年中，五四愛國運動全國蔓延，後世歷史學者將五四運動視作一個中華民族文化轉型，認為五四運動係中國人邁向現代化嘅轉捩點，我對依一點唔認同，因為中國人邁向現代化，由1865年慈禧太后同李鴻章推行嘅「洋務運動」已經開始，但係一場甲午慘敗，不得不將所有嘢全面推倒重來。

「五四運動」實質上係一場以「民族主義」為號召嘅「反日運動」，焦點係抗議日本人響第一次世界大戰結束之後搶奪德國在華利益。其意義在於，響五四運動之前，日本其實係中國人所羡慕同模仿嘅對象，孫文多年以嚟就係日本嘅白手套兼KOL代言人。所以喺五四運動之後，日本由中國嘅朋友變成咗中國嘅敵人。中國嘅政客，包括孫文在內，都明白再靠日本就冇market，必需選擇全新嘅合作夥伴同金主，我諗，呢個亦係國民黨後嚟「聯俄容共」嘅最大前因。

冇五四運動作為橋樑同踏腳石，共產主義同第三國際（The Third International）勢力亦唔會高速滲透中華民國民衆。

1919年7月，社會局面漸趨平靜，民眾嘅罷工罷課行動亦相繼結束，徐世昌中央政府拒絕喺巴黎和約上簽字，但改變唔到日本接收德國一切在華利益嘅結果，五四運動嘅震盪，令中央政府內段祺瑞皖系班底即福安系國會議員變成一群親日過街老鼠，政治能量日漸消失。

7月21號，中國海軍「江亨」、「利川」、「利捷」同「利綏」四艘軍艦離開上海，遠赴松花江佈防。原因係俄國十月革命之後俄國內戰發生，俄國白軍艦隊喺黑龍江、烏蘇里江上任意侵犯中國邊境，劫掠中國商船，為此中國海軍作出反應派出軍艦示威，但係中國艦隊抵達海參崴，預備經由黑龍江駛入松花江之際，卻被白俄軍政府阻攔，艦隊被逼喺海上滯留。

9月25號，喺奉天大軍閥張作霖禁止向俄方供應糧食要脅下，白俄當局先畀中國艦隊駛入黑龍江廟街港站泊，其後由於俄國同日本多次阻撓艦隊離開，中國四艘軍艦喺廟街港滯留長達兩年時間！去到1921年白軍勢力完全瓦解後，先可以駛返去上海海軍基地。

又一次笑話式嘅軍事挫敗，歷史好少人講，當時嘅中華民國係有軍隊亦有武力，但係軍事行動上，面對外國人，其實無次好睇。一個唔打得嘅國家，自然冇人放你入眼內，讀歷史大家一定要明白，歷史只有強權，冇所謂公理。

7月1號有另一件事，山東半島上日本憲兵無辜逮捕咗齊魯大學嘅大學生王志謙，即刻引起民憤，成千人操去省長公署，要求省長沈銘昌向日本領使抗議釋放王志謙，但日本領使唔制，並且提出必須賠償日商喺抵制日貨運動中所蒙受嘅損失，並且擔保以後不再抵制日貨先肯放人，民衆聽到之後更加憤怒，呢個時候喺公署門外嘅示威群眾增加到5000幾人，沈銘昌再同日本領使交涉，對方最後先釋放王志謙！

上述嘅只係一個小例子，其實中國同日本之間嘅磨擦，喺民國時代不斷發生，雙方仇視對方嘅情緒亦都不斷加深，同現在香港嘅情況亦都好相似，人類係一種記仇嘅動物，恩怨一旦種下，就好難化解，而且記仇，中國人DNA亦都係世界第一.......

五四運動後成為中國年青人偶像嘅胡適響7月20號《每週評論》中發表《多研究些問題，少談些主義》一文。胡適認為空談好聽嘅「主義」(-ism)係極容易嘅事，阿貓阿狗都識，但空談外來進口嘅「主義」係冇乜用處，因為外來嘅「主義」並不適合中國國情，即使是馬克思主義 Marxism 亦不能夠解決中國根本問題，與其宣傳自以為能醫百病嘅「馬克思主義」，不如多啲研究問題徵結所在。

第二日共產主義者李大釗發文反駁，喺學術圈裡形成咗一股「問題」同「主義」嘅爭辯。

1919年8月，中國自行設計製造嘅第一架飛機喺馬尾誕生，這架名為「甲型一號」嘅雙桴雙翼水上初級教練機配備100匹馬力，最大飛行時速為120公里，設計飛機嘅人係蒙古青年巴玉藻，巴玉藻為此獲得大總統徐世昌嘅嘉獎令。

巴玉藻本身喺美國留學，佢回國之後，北京政府海軍部撥款五萬元喺馬尾船政局設立海軍飛機工程處，巴玉藻為主任，經過一年多嘅努力，巴玉藻終於製造出中國首架飛機，依一個係中國現代化嘅里程碑。當然巴玉藻嘅名字除咗我提起，相信大家都未聽過。

正如好多發生喺民國時期嘅好人好事，後嚟嘅蔣介石國民黨同毛澤東嘅中共亦都唔會再提起，大家只係需要一個印象，喺蔣介石1926年北伐之前嘅北洋軍閥時代，所有嘅事情都係汙糟邋遢、一無可取。或者另一個印象，喺1949年以前嘅中國，都係一堆垃圾一堆shit，但係真相又究竟係咪咁樣呢？

任何政權，只會寫出有利佢哋管治嘅歷史，以及宣傳佢哋推翻之前政權嘅合理性同合法性，蔣介石國民黨抹黑北洋政府同一眾軍閥，同樣共產黨亦都抹黑蔣介石嘅國民黨，但係真相係天下烏鴉一樣黑，其實大家都係大軍閥，基本問題唔喺「主義」度，而喺人心度。一群黑心人，好似林鄭月娥嗰種人，無論行共產主義抑或資本主？都一樣會為人民帶來大災難。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道258回：斷送共和關 #宋教仁之死 蛋牛治】

♉宋教仁之死，係中國民主里程上一樁最大嘅悲劇。中華民國第一次國會選舉，由年青人宋教仁領導下，「國民黨」（並唔係後來嗰個國民黨，亦唔係後來後來嗰個國民黨）取得全面大勝，喺國會取得大多數議席，身為黨魁嘅宋教仁預備北上，由上海搭火車去北京，根據自由民主議會規則，作為國會內最大黨嘅領導者，佢將會成為國家總理（Prime minister），同當時嘅臨時大總統袁世凱分享權力，好可惜，就喺宋教仁以勝利者姿態出發去北京當日，佢比神秘槍手行刺而死。

♉宋教仁之死，矛頭直指袁世凱，於是產生咗所謂「第二次革命」，亦係中華民國建國以來嘅第一次內戰，從此以後，南北徹底分裂，所有嘢冇得返轉頭，一直亂落去，直至全國人民走向地獄之門為止。我有陣時諗，如果宋教仁冇死，中國民主政治嘅發展路途，應該會全盤不同，歷史的確好鍾意同中國人開玩笑，特別係中國人。關於宋教仁之死，歷史上仍冇一個正確答案，邊個先係真正殺死宋教仁嘅兇手？其實並沒有人知道。

♈宋教仁喺火車站中槍後，並無即時死亡，彌留塵世期間，佢交代咗自己嘅身後事，同埋寫咗封信俾袁世凱，信中內容，Youtube片已經提及，唔想重複。但臨死之前嘅宋教仁，仍念念不忘國家民族嘅興衰，亦展現咗佢高尚嘅人格同風骨，從此以後，佢亦成為咗代表中國人對民主自由期盼嘅象徵人物。肉體雖亡，但精神不朽，中國儒家哲學對聖人嘅定義有所謂「三不朽」，即係「立功」、「立言」、「立德」。立德道德為「體」，立功立言為「用」，體用兼備，知行合一方為聖賢也，年輕人宋教仁響「立功」、「立言」、「立德」三方面，似乎都能夠做到了，所以如果被稱呼為「聖人」，也不枉為過。

♎宋教仁死嘅時候，只係剛剛滿30歲，係30歲！佢應該能夠成就更偉大嘅功業，同國家民族造出更偉大嘅貢獻，可惜上蒼冇畀個機會佢，猝然而逝，留低嘅係無限空虛，同埋南北之間一個永遠解唔開嘅仇恨死結。幕後主便殺死宋教仁嘅真兇，其實係呢個人親手斷送中國人嘅民主同共和，係呢個人唔畀中國人踏出民主自由選擇嘅第一步，如果地獄有18層，呢位仁兄要落第36層。而於佢係邊個？我並唔知道，亦都唔肯定。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/ds1GUKQtwPY

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】（三百四十一回）
大軍閥平反系列

時間去到1919年8月，8月5號，發生一宗「濟南馬雲亭慘案」，事源為響應五四運動，爭回山東主權，濟南名醫兼回教領袖馬雲亭（補充少少歷史資料，響古代，通常姓馬嘅，就同回族有啲關係，唔知馬雲係唔係）組織咗一個叫「回教後援會」，馬雲亭擔任會長。

上個月23號，由於時局混亂，北京中央政府命令山東實行戒嚴令，任命濟南鎮守使馬良為戒嚴司令，當局搗毀回教後援會，以暴徒名義拘捕馬雲亭等三人。本月3號，濟南各大專院校學生代表300幾人，齊集督軍署示威請願，要求釋放馬雲亭三人，軍警鎮壓，再拘捕多16人，兩日後，8月5號，馬良將馬雲亭、朱秀林同朱春祥三人拉去後巷秘密打靶！

邊個話愛國無罪？你唔用政府嗰套方式愛國，就係有罪，甚至係死罪。現在好多人都唔明白，一個政權本身乜嘢先係最重要？好多人會以為，一個政權要以管理好國家、維持社會秩序為第一要務？其實仲有樣嘢淩駕於國家同人民利益之上，就係「維持政權嘅存在」，即所謂「政治第一優先」，要維持政權存在，甚至可以犧牲人民、甚至犧牲國家。唔明我講乜？可以睇睇2020年武漢疫情事件，點解疫情爆發初期要刻意隱瞞事件？要搞新聞封鎖？因為一切以「政治第一優先」。總之政權嘅利益，先於人民同國家嘅利益。

咁咪好無恥？但係當權者會答你，政治穩定需要壓倒一切，因為祇有政治穩定（或政權穩定），國家唔亂，國家先可以平穩嚮前發展，人民先可以幸福生活，從而為廣大人民牟取最大利益。真正嘅幸福（其實幸福本身亦需要政權為你定義，你自己冇權為自己定義），係「大部份人可以安逸生活」，為咗達成呢個偉大嘅目的，「犧牲少數人」係必要嘅手段。Then make scence！Completed！

又唔啱聽？

其實好多人都係咁樣諗，就算喺香港，都有大部份人覺得「穩定」最重要，所以破壞「太平盛世」、「令樓價同股價跌」嘅人就係暴徒、就係曱甴、無論佢哋心裡抱住乜嘢崇高嘅理想，都係做錯事做壞事！於是乎就算有年青人俾人掟落街掟落海，都係合理嘅。抱住類似想法嘅人實在有太多太多，亦於是乎，樓價上到三萬文呎亦都係合情合理，牛肉賣到100文斤亦都係合情合理，抹殺良知良心亦都係合情合理。唔明我講乜？放心！你十年內就會明白，好快……

好多時候要一個人去明白一件事情，非要佢親身經歷不可，講係冇用嘅。

濟南馬雲亭慘案發生，全國譁然！響北京就有3000人去新華門前請願抗議，但人都死咗，唔鎮壓都鎮壓咗，又有乜嘢辦法呢？水晶狐狸徐世昌做事面面俱圓，但係佢做到中華民國大總統呢個三煞位，兼遇上一場五四愛國運動，就真係識飛都冇用。後世史學家將1919年間發生嘅好多事，全部賴曬比段祺瑞，其實已經俾面水晶孤狸。