【大清亡國關慈禧蛋牛治】第一回

而係軍政府中，亦有一個人平步青雲，權力開始逐步上昇，成為軍政府大元帥孫文身邊嘅得力助手，佢就係繼承黑社會大佬陳其美留低所有政治遺產嘅蔣介石，1917年9月20號，蔣介石就向孫文提交《對北軍作戰計劃》，似乎獨獨割據南方廣州，以長江劃界，同北京平分天下並非中華民國軍政府嘅最終政治目的，發動北伐，打返上北京，先係最後目標。孫文當時未必係咁諗，因為有好多歷史痕跡都講咗畀我知，大軍閥孫文同其他好多軍閥一樣，喺一個地方主義者，佔領廣州控制廣東，佢其實覺得OK and Fine。不過我差唔多好肯定，佢身邊嘅蔣介石並唔係咁諗，蔣介石嘅氣魄同野心，其實大過孫文好多。

之不過當時南方嘅軍事勢力，就算可以集中統一，要打贏北方嘅龐大北洋系統，其實完全冇可能。「北伐」美夢，要到好多年後、發生咗好多事之後先能夠實現，起碼要等到列寧成立世界上第一個共產主義政權先講啦。

要補充返一點，引發黎元洪段祺瑞「院府之爭」攤牌嘅「對德國宣戰問題」，廣州軍政府似乎同中央政府採取統一口徑，9月22號，廣州國會非常會議議決對德宣戰案，26號對德國同奧匈帝國宣戰。不過軍政府咁樣做都無可厚非，畢竟軍政府要生存落去，就唔可以得罪「協約國」成員，特別係日本同英國。時間亦去到1917年年尾，1918年第一次世界大戰就會結束，而德國果然係戰敗國。當時中國兩個政府都算落啱注，我亦都唔夠膽想像如果一戰嘅戰勝國係德國，中國會發生乜嘢事？讀過歷史嘅朋友都明白，去到1917年年底，其實仲冇人知道第一次世界大戰嘅勝利者屬於邊邊？所以，後來德皇威廉二世突然宣佈德國投降，德國國內嘅人民其實冇辦法相信同接受。

9月29號，北京政府下令通緝孫文，不過你有你通緝，我有我做大元帥，革命就係這個意思。政治混亂，天災亦都從未停止過，9月全中國十多個省份都有水災，災民達到430萬，不過天災人禍，已經係常態，亦係普羅市民日常生活嘅一部份，完全避無可避。

今集最後要補充1917年9月，中國出現咗一個明星，佢喺美國完成博士學位返嚟（真的，因為當時大部分人的學位都是假的），年僅26歲，聰明靚仔，又由我哋嘅共產主義之父北大文學院院長陳獨秀鼎力推薦，北大校長蔡元培破格聘用，佢叫胡適（1891-1962），當時佢喺北京大學教授外國文學、英語修辭學同中國古代哲學三科，胡適響美國嘅博士論文題目係《中國古代哲學方法之進化史》，胡適亦都係第一個利用西方哲學學理解讀中國哲學嘅人，最後得出嘅結論係「中國哲學冇撚用」，中國文化應該全盤西化，胡適嘅出現，亦成為好快會發生「五四運動」嘅新文化運動嘅主將。

#常威 #大軍閥平反系列  #大軍閥 #民國歷史

❤【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常公子歷史頻道229回：大清亡國關 #十次革命 蛋牛治】

♐最近有幸同周顯大C拍檔做一個叫「新闻联播」Youtube節目，講吓時事，真係獲益良多，大C洞悉世情，思考敏捷，見識廣博，我學到唔少嘢，好多謝個天俾個咁嘅chance我，肺炎疫情蔓延全世界嘅時候，估唔到遇上一個咁好嘅機會學習，有危就有機，真係冇錯。尋日睇新聞，二手樓樓宇成交為過去四個月最高，有人劈價吐現，亦有人乘機掃平貨，世界仍然需要運行，只不過改咗另一種方式啫。

♐有危先有機，疫情下又有商機，口罩生產又變成本地大生意，工作不忘娛樂，抗疫不忘官商勾結，政府撥出14億增加本地口罩生產量，又用三蚊一個天價回購生產商口罩，工聯會睇嚟係最大嘅得益者，一條生產線先2-3百萬支助，開20條就係4-5千萬，袋袋平安，而且生產出嚟嘅口罩仲有政府天價包銷，保你唔輸，真係唔發都幾難？現在唯一希望嘅係本地生產口罩，生產出嚟嘅貨品要好好睇睇，唔好甩皮甩骨錯漏百出，需知道你班人點做嘢，我哋市民心知肚明。

♉利用生產口罩利益輸送工聯會小事一樁，其他人亦唔執輸，創科局楊潤雄嗱嗱聲喺政府350億抗疫基金提取8億cash，話研究高科技重用口罩？我唔係話你唔得，但你啲創科局高科技專才研究得嚟，再投入生產線，我恐怕疫情已經過去，當然八億你哋一早已經分曬，劇本已經做完，拜拜。

♏有好多人唔明白點解咁多人可以咁富貴？去淺水灣深水灣游水就一清二楚，上面嘅豪宅究竟係乜嘢人住？用打工仔嘅角度每個月出糧去計算，係永遠冇辦法到達嘅思考領域，其實喺個社會上，好多人「財來自有方」，未必一定係打工，亦未必係做生意。當然你唔會聽到任何風聲，因為佢哋都唔會講出嚟話你知啲錢點樣嚟？講咗畀你知啲錢點賺，你學到，仲得了？

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/K0LR9bQnS-k

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十一回）

大軍閥平反系列

聰明靚仔嘅胡適，係安徽人，茶葉富商之後，1910年留學美國常春藤聯盟康乃爾大學（Cornell University）選讀農務系，1915年進入多倫比亞大學哲學系，跟隨實用主義哲學大師杜威（John Dewey , 1859-1952）寫博士論文。

所謂實用主義（Pragmatism），根據《劍橋哲學詞典》的定義，「這種哲學強調理論與實踐的關係，並把透過有方向行動的結果，而顯露出來的經驗同自然的連續性，看作反省的起點」，「因此，知識乃是被利益與價值所引導，既然客體的實在不能先於經驗而被了解，那麼，唯有將真理之宣稱視為在實驗上決定的條件之滿足，亦即視為探究之結果，才能加以證成」（註）（唔知講乜？大家千祈唔好讀哲學）。

簡單啲講，實用主義係「工具性」，佢哋只係認同後天（形而下）嘅經驗，而不認同先天（形而上）嘅存在，所有嘅「真理」同埋「價值」，只因為佢哋能夠喺某程度上令人滿意地解決「實際問題」而存在，「真理」只係喺經驗過程中被確信嘅信念，係會出錯，係可以進一步被修正同竄改（同基本法一樣）。實用主義係一種唯物主義，唔相信價值同埋真理係先天性嘅存在，同共產主義馬克思主義一樣，一切皆從現實物質條件而決定。

而我個人認為，「實用主義」比「馬克思主義」更冷酷無情，因為馬克思主義基本上係出於「人文關懷」而出現，係希望解決無產階級貧苦大眾嘅苦難而誕生，以實用主義本身則認為，如果可以解決問題，「行惡」都可以成立。其實現代世界，就係一個以「實用主義」運行嘅世界，大家為咗解決唔同嘅問題，可以唔分黑白善惡，所謂道德同人文價值，甚至可以柄埋一邊，或者只係純粹用作意識形態宣傳物同 惡行嘅掩飾品。而杜威作為美國實用主義大師，隨著美國嘅國勢喺二次世界大戰之後統治全世界，實用主義亦都響全世界橫行無忌。

於是乎，當社會出現問題或動盪，實用主義者就可以名正言順不擇手段去解決當下問題，例如鼓吹警察使用暴力，濫暴濫捕濫起訴、可稱之為「以暴止亂」，放一萬枚催淚彈，打議員打傳媒打學生打女人行緊急法蒙面法停駛地鐵……通通只不過係為咗解決問題，為咗想社會平靜落嚟，所有行惡手段，只不過係為咗達到目的而存在，於是乎，其實係冇錯嘅。又或者，用實用主義者嘅邏輯，香港人追求民主自由平等公義等概念性事物，其實都係虛無嘅，只不過係中咗美國人計，被美國人挑撥離間，最後用作於中美之間貿易談判賭枱上嘅談判籌碼。（利申：實用主義係美國人發明嘅）

由於是乎，因為印銀紙，即量化寬鬆，可以解決眼前嘅金融問題，所以銀紙可以繼續狂印。問題暫時解決咗先算，至於之後嘅大洪水，係之後世界嘅事情。再退一萬步，不斷發展工業同製造消費品，可以將資本主義經濟不斷嚮前推進，至於造成地球資源枯竭或製造出巨大嘅環保污染問題，並唔係當下要解決嘅問題，對於之後發生嘅嘢，之後再解決。「活在當下」係實用主義者堅定不移信奉嘅邏輯。

實用主義同中國嘅儒家哲學比較，更加係完全背道而馳，儒家哲學相信天道人性，認為天有其道，萬物有其位，人性本善，強調個人道德修養。放響實用主義者嘅立場，完全係Bull Shit！人為何要為善？個人道德修養可以當飯食嗎？其實係多撚餘！如果人人都係禽獸，男盜女娼，但個社會又可以不斷向前行，經濟繼續高速發展，咁人係應該成為禽獸，並冇錯，如果社會因為人民行惡而發展進化向上，咁個社會係應該唔存在任何道德價值。上述講嘅嘢可能大家覺得好荒謬，但其實過去二三十年，大家有眼見，真係如實發生緊。

美國人係實用主義擁護者，而實用主義往往到最後會成為數學算式。舉一個例，二次世界大戰，1944年太平洋戰爭結束，日本完全唔夠美國揪，戰敗投降係遲早嘅事，但係美國人計算若然要用地面戰爭佔領日本本土，可能會帶來更多美軍傷亡，以及時間會拖長。於是佢哋決定投落兩枚原子彈於長崎與廣島大量平民百姓聚居之地，利用極端威嚇手段快速結束戰爭。

另一個例子，越戰期間，美國五角大廈參謀部又有一條算式，認為只要殲滅北越軍人數目，能夠超過佢哋可以補給嘅數目，就可以打贏越戰。所以下令進行瘋狂空襲轟炸，甚至使用「橙劑」化學武器大量殲滅敵人。當然事後證明佢哋條數計錯咗，美國都係打輸咗越戰。

當今世代，其實所有人都係實用主義者嘅信徒，不單止是美國人。而1917年，正正就係胡適，將佢師傅杜威的「實用主義」哲學帶嚟中國，而且大受歡迎，中國傳統嘅儒家哲學，由於未能喺當時現實社會中發生實質作用，於是完全無還手之力。而實用主義強調嘅「唯物性」「科學性」，亦都快速取代中國人傳統堅信嘅「禮義廉恥」，「唯物主義」短時間內取代「唯心主義」，於是好快，嚟自俄國嘅「共產主義」思潮就響當時嘅中國高速傳播……

註：羅柏特．奧迪等著，【劍橋哲學詞典】，臺北，貓頭鷹出版社，2002，頁977

#常威 #大軍閥平反系列  #大軍閥 #民國歷史 

❤【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道230回：大清亡國關 #十次革命 蛋牛治】

♐今集開始講廣州黃花崗革命，黃花崗72烈士相信人人都聽過，咁究竟呢場革命嘅內容係乜嘢呢？我會為大家詳細講講，事實上，發生響1911年3月嘅黃花崗革命，對推翻整個滿清王朝作用有限，這場革命嘅影響力比後世歷史學家嚴重誇大，當然，所有嘅事情，其實係一種說法。我最喜愛嘅歷史學家之一劉仲敬講過，所有歷史，只要你稍微編輯及取捨（甚至根本唔需要改寫），都可以引申出唔同嘅結論，歷史如是，人生亦如是。

♑好朋友周顯同我講，世界上最幸福嘅國家係不丹，真相係咪咁樣呢？而不丹呢個富裕、人人豐衣足食嘅小國，之所以變成今日咁嘅幸福狀態，其實背後係經過一場非常殘酷嘅階級大清洗；情況一如今日緬甸，我哋嘅民主女神昂山素姬對清洗羅興亞人離開緬甸，亦不遺餘力；中國過去30年嘅高速經濟發展，亦其實係建國以後所有大混亂同所有人民大苦難嘅大補償。我最喜愛歷史學家之一楊繼繩先生講過，凡有歷史大災難，之後必有歷史大補償發生，相反亦然，其實係一種等價交換。

♏新型冠狀病毒Cornoavirus，仍在全世界不斷擴散，international攬炒狀態，或者可能真係會發生都未定，疫情所造成嘅災難，亦冇人可以預見。我早講過，過去十幾二十年全世界不斷印銀紙頂住個雞頭，其實大家都喺度醞釀緊一場經濟大災難，COVID-19會唔會係一條藥引，引爆最後嘅火藥庫呢？我唔知道，真心亦都唔想。希望經過今次疫情，所有人都諗清楚，再唔可以用銀紙去解決問題——不厭其煩再講多次：如果印銀紙可以解決問題，世界基本上冇任何問題。

♏歷史行到今日嘅位置上，愚蠢嘅我終於明白第一次世界大戰同第二次世界大戰係點解會發生？其實過去，我一直唔明……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/TgR7v95Uw4U

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十二回）
大軍閥平反系列

眾所鳩知，中國人最鍾意講一套做一套。今日香港好多人表面上攞個良心出嚟做嘢，實際上揞住個良心做事；表面上完全失控，實際上係醞釀一次大洗牌同推23條；網絡上亦有不少人黃個黃飛鴻，但其實是暗共，目的都係為咗叫群衆散水返屋企瞓覺；相同道理，美國人表面上捍衛香港人民主自由，實際上將香港當成貿易戰籌碼利用……

意識形態操控有一招「多重龍門」，就係將政治問題高度複雜化，模糊焦點，令一般人無所適從。呢一招會令好多水平唔夠嘅人感覺到是非黑白難辨，到頭來乾脆乜都唔理，而退出政治討論或對政治完全失去興趣，畢竟每個統治者都知道，一個普羅大眾唔談論（或不懂談論）政治嘅城市，先至係最容易管治（香港上世紀七八十年代就係最佳例子）。當然依一招好高深，做得唔好會弄巧反拙，香港目前2019年發生嘅情況，大概如此。

你可能會問，阿常公子，咁究竟真相係乜？

我就會答你，大方向上，中央最想喺香港推行23條國家安全法立法，因為佢哋覺得只有23條立法，先可以將外國反動勢力完全清洗出香港，最直接啲講，就係合法地封咗蘋果日報依個影響力最大嘅反動傳媒機構。

咁美國呢？

我唔覺得美國想完全推翻中共統治，佢哋現在只係唔接受習近平。美國人最想嘅就係保持過往三十年嘅狀態，即係美國同中國嘅「從屬關係」，即主客分明，美國係莊，中國係閒。只要習近平下臺，換上另一個比較「冇咁有所作為」嘅領導班子，美國人絕對會接受。而且「保障香港嘅民主同人權」同「美圓作為世上唯一交易貨幣」兩者重量比較，係天淵之別。畢竟美國要繼續印銀紙發債維持其世界霸主地位，任何想挑戰佢嘅人，佢哋都會全力反撲，直至打到對手一棟都冇為止。

我成日同人講，中國要挑戰美國嘅霸權，係早咗10-20年，中國最偉大嘅結界師鄧小平響1979年講過，要真正超英趕美，係改革開放後50年至100年後嘅事，今天係過早發難，習主席無疑係心急咗一啲。

講返歷史，1917年底段祺瑞重新上臺，清除黎元洪勢力後，佢亦追究之前搞復辟嘅亂黨，口講嚴懲佢哋，通緝佢哋，但係統統通而不緝，就算係張勳本人，抑或保皇黨康有為梁啟超，全部長期逍遙法外，之後甚至仲參與返政治遊戲。事後睇返，全部嘢好似一個局，祇不過係想棟（動）黎元洪一個啫。

而所謂「向德國宣戰案」，參與第一次世界大戰，亦只不過係另一筆大借款嘅口實，段祺瑞北洋政府只係派咗幾十人去歐洲打咗個白鴿轉，就當參與咗一戰。日本人再次向段祺瑞政府借出鉅款，段祺瑞則利用借返嚟嘅錢加強自己皖系嘅軍事力量，企圖進一步鞏固權力。而日本則利用中國欠債，進一步控制中國嘅內政同經濟，對日本同段祺瑞嚟講，叫雙贏局面。

【常公子歷史頻道231回：大清亡國關 #黃花崗起義 蛋牛治】

♐新型冠狀病毒蔓延全世界，似乎已經去到一發不可收拾嘅地步，要控制亦都控制唔到，未來兩三個月，可能大家都要習慣「病毒」會成為我哋生活嘅一部分，再冇辦法切割，就好似「感冒」同「肝炎」一樣，大家始終都會習慣共存，生活始終要繼續，只不過大家身邊多咗一種病毒啫。

♐人類對好多事物都會產生習慣，產生慣性。即係話，初初發生響你身上嘅時候，你可能會感覺好難受好討厭，甚至要奮起反抗，但當你發現無論你做乜嘢都無辦法改變現實嘅時候，你就會開始產生慣性，開始習慣承受，甚至產生認同感，最後愛上或者擁抱你之前反抗厭惡嘅事物，或者你更會加入成為佢嘅一員，然後協助對方將痛苦和恐懼加諸於其他人身上，你心裡面嘅目的，其實係想拖埋其他人落水，既然自己不好過，為什麼其他人可以好過呢？

♉極權統治，就係上述所講嘅狀態，要實施極權統治，並非某個領導者或某群人嘅意志就能夠實行，而係要整社會上，有大量平民幫手協助極權、極權統治先可以成為現實操作。而人民認同極權統治，可能大部份並非真心出發，而是一種慣性嘅表現，從受害者嘅身份、變成習慣者身份、最後再變成幫兇，我個人認為基本脈絡大概如是。

♉以納粹德國為例子，我相信當時大部分德國平民百姓非真心認同納粹黨嘅所作所為，祇不過當小部份人真心擁抱納粹，其他人祇有趨炎附勢，避免被孤立及迫害，當支持者基數越來越大，原本中立嘅沉默大多數，響「羊群效應」下，陸續加入不斷滾大嘅大雪球之中，最終心甘情愿成為幫兇，協助納粹產生人類歷史上最可怕嘅一場大災難。

♏我不斷強調獨立思考嘅重要性，重點就喺呢度。要謹記，大多數人認同嘅東西並非一定正確，所謂正確或不正確，要用自己嘅思考力去判斷，要用自己嘅良心作為量尺，而且謹記一件事，就算你對極權統治出現習慣同慣性，願意去接受，之後亦不要多行一步，成為幫兇。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/FtfjyqAAerQ

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十三回）
大軍閥平反系列

1917年10月，中國內戰再一次爆發，依一次係孫文口中嘅「第三次革命」。幫助大家記憶，第一次革命就係「#辛亥革命」，「第二次革命」就係1913年討伐 #袁世凱 違反「#臨時約法」，而第三次，就係今次嘅「護法戰爭」，目標係北京政府嘅揸Fit人 #段祺瑞。孫文一生人好鍾意搞革命，由1895年開始搞，搞到佢死嗰日1925年仲搞緊，搞足30年，死嘅時候輓聯係「革命尚未成功，同志仍需努力」。

所謂第三次革命，即係北洋系中央政府集團對西南軍政府軍閥集團之戰，主要嘅戰場係響湖南同四川，其實又係一場 #南北之爭。不過非常有趣嘅係，由於北洋軍閥集團內部，亦分裂成為主戰嘅 #皖系軍閥（即段祺瑞）同主和嘅 #直系軍閥（即 #馮國璋）兩個陣營；而對面亦唔好得幾多，所謂護法軍內部陣營之中，不同派系響「護法」問題上嘅態度同表現亦都唔一致，甚至有人根本唔係為咗護法，只係驚唇寒齒亡又或者殃及池魚，所以被迫企埋響同一陣線開火。

#毛主席 講得無錯，大矛盾中有小矛盾，小矛盾裡面亦有更小嘅矛盾。唔同嘅政治派系因為各自嘅階級成分同埋觀點立場相異，矛盾難免會出現。因此要將個別嘅勢力統合起嚟，需要一個「#口實」或「#藉口」。當時北方段祺瑞，就用「國家統一」；而南方嘅孫文，則用「維護憲法」為口實，各自統合唔同陣型同派系，聯成一線，對付「大矛盾」中嘅共同敵人。

2019年嘅香港亦都好似，之前所謂泛民陣營，本來已經崩分離析，但特區政府好衰唔衰推「#逃犯條例」，為敵方製造咗統合力量嘅「口實」，結果所有反對派成功統合成統一戰線，共同發動逆權運動反對政府，反抗中央。而反對派響今次運動中亦都學精咗，由一開始已經強調「#不分化」、「#不割蓆」，要以大局為重，「#和勇同路」、「#各自爬山」，共同進退，打仗需要團結一致，歷史上大部分戰爭打輸嘅理由，都唔係因為唔夠打，而係因為內部出現分化。

但係唔分化，就會出現「#大臺」統合各方反對勢力。2019年發生嘅逆權運動，好多人認為係一次冇大臺、純粹由民間自發嘅反政府活動，但係大臺一定有，祇不過今次嘅大臺隱藏喺好後，今鋪背後嘅大臺係唔係「美國政府」？我實在唔知道。

去番1917年10月發生內戰，呢次嘅內戰特色係，因為大家雙方交戰嘅內部都有矛盾分化，所以並唔係一場認真嘅戰爭，成日出現忽戰忽和、和中有戰、戰中有和嘅情況。除咗少數嘅戰役，其實大部份嘅戰事都係好hea，並唔係生死相搏、玉石俱焚嗰隻。我相信段祺瑞係想堅打，但佢嘅partner暫代大總統无馮國璋，就完全不合作甚至消極抵制；而南方軍閥，基本上更加係一盤散沙，各自為政，各自為鞏固自己嘅地盤同利益打算。所以話第三次革命，其實本身係一場戲，亦都唔係錯曬。

【常公子歷史頻道232回：大清亡國關 #七十二烈士 蛋牛治】

♐經過一年時間嘅籌備，1911年3月29號發生嘅廣州黃花崗武裝革命，其實係徹底失敗，原來革命黨嘅部署，真正能夠實行嘅不足5%，到最後真正進攻兩廣總督衙門嘅革命黨人，其實只係屬於少數中嘅少數，好多人睇見唔對路，臨時縮沙，情況好似達明一派好多年前一首歌「十個救火的少年」，原本答應參加革命嘅人因為不同理由最後冇上到前線，然而真正行到最前嘅人，最後只有孤獨無助、葬身火海之中。

♏所謂黃花崗七十二烈士，就係一群行得最前嘅革命先烈，響當時清政府眼中，呢班人不單止是「暴徒」，而是極端「恐怖分子」，仲危險過ISIS，革命成功之後，改朝換代，「恐怖分子」全部變成「革命英雄」，新政權同歷史重新塑造他們嘅身份同埋評價，佢哋原本係乜嘢人？上前線嘅時候究竟諗緊乜嘢？相信再冇人去理會。

♌其實閱讀歷史，好似閱讀小說，好多嘢都係虛構而嚟，好多角色除咗佢哋嘅名字同生卒年份之外，其他所有嘅內容根本係後世人強加於佢哋身上邊嘅想像同劇情，或者憑住佢哋生前所做嘅某些事情而創作故事，為咗營造歷史劇力，或襯托其他主角，有時候甚至將當事人完全改頭換面，更具體嘅創作方法，就係用幾個句子或幾段文字概括一個人物嘅一生，從而判定佢係好人定壞人，或放於適當嘅歷史位置上面，令佢哋能夠發揮最大嘅「操控人民意識形態影響力」。

♎我用自己嘅母語廣東話將中國近代史行一次，其實係想自己更加深入歷史脈絡，令自己更清楚歷史本身嘅內容究竟係乜嘢？我冇呃你，我其實係想為自己解答兩個歷史問題，因為所有書本裡面提出呢兩個歷史問題嘅答案，我都並唔認同，我甚至有被瞞騙嘅羞辱感，呢兩個其實都係好簡單嘅問題：

1⃣第一個，希特拉嘅納粹黨點解會屠殺500萬猶太人？

2⃣第二個，發生喺中國50年代末期都60年代初期嘅大饑荒，點解能夠餓死3000萬人以上？

♐或者有一日，當我真正知道上述兩個問題答案嘅時候，我就會放棄閱讀歷史都未定。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/AZRhwxDxxic

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十四回）
大軍閥平反系列

1917年11月，世界發生了一件大事，就係由列寧托洛斯基領導嘅「布爾什維克」共產政黨，成功發動政變，推翻俄羅斯克倫斯基大失民心嘅臨時政府，建立世界上第一個共產主義政權。共產主義支紅旗仔，正式插喺世界上！

呢個時候，歐洲打緊第一次世界大戰，戰壕中軍人血肉橫飛！中國當然立立亂！成個世界，淨係得美國同日本可以置身事外，於是佢哋嘅經濟急速發展，國力大增，開始拋離歐洲大陸其他對手。

1917年11月2日，美國同日本簽訂咗一份叫【藍辛——石井協定】，藍辛係當時嘅美國國務卿，而石井菊次郎即係日本特使，佢兩位喺華盛頓展開談判，調解美日在華衝突，雙方達成協定，其主要內容係：「美國承認日本在華嘅特殊利益，而日本則保證美國響中國維持門戶開放同機會均等政策」，兩個國家，都是中國係一塊肥豬肉，睇下大家點樣分贜，情況同之後蘇聯同納粹德國睇波蘭好相似。中國北洋政府外交部向兩國提出抗議，不過只係提出抗議，並冇好似今日中國咁沙pop，因為特朗普簽署咗【香港民主及人權法案】，祖國大力制裁美國，唔畀佢哋嘅軍艦喺香港停泊維修，又大力制裁美國嘅NGO，嚇到美國人差啲瀨尿！

今日中國之強大，實在不能與過去相提並論。

籠裏雞作反，馮國璋直系部隊唔打，段祺瑞討伐西南軍閥計畫全盤失敗，宣佈下野。南北開始議和，依場「第三次革命」南北戰爭，其實幾hea，傷亡數字好低，戰爭規模亦相當細，純粹大家做戲俾各自背後金主睇……當時南軍，提出十項停戰訴求：包括立刻恢復約法、重開國會、黎元洪做返大總統、組織合法內閣、懲辦張勳帝黨、取消清室優待條件、解散非法參議員、反對向外國借款、厚恤護法軍陣亡將士、以及取消逮捕叛黨。並且強調十大訴求，缺一不可！否則絕對唔會停戰，一定要打到去北京。

但係十大訴求，北京政府同今日特區政府一樣，睬你都生臭狐，據我所知，馮國璋執掌嘅中央政府，就一項訴求都冇做過。所以南北之戰其實冇正式停戰，偶然仲會發生小規模軍事衝突。不過堅打，就冇人再做。

11月中，北京中央政府召開「臨時參議院」會議，代替原有舊國會功能，不久仲通過埋「修正國會組織法」同「參眾兩院議員選舉法」，實行另起爐灶，搞一個新國會出嚟。同一時間，孫文致電（報）章太炎等人，商討西南兩廣局勢，希望軍閥唐繼堯即日宣佈就任元帥，並促請陸榮廷與廣州軍政府connect，孫文並且通電全國，堅持以恢復約法及舊國會為南北議和嘅首要條件，十大訴求，已經變咗兩大訴求。

其實當時孫民代表南北軍閥發言，聲就夠大，但實質能力有限，因為孫文組織嘅廣州中華民國軍政府，其實兵力有限，充其量只係其中一支南方軍閥代表，南方嘅局勢，仍然係一盤散沙，各自為政。

但係北方嘅局面亦好唔得幾多，段祺瑞嘅皖系同馮國璋嘅直系兩大系統宣佈正式決裂，其他嘅北方軍閥，好似曹琨同埋張作霖，即喺側邊食花生，等好戲上演，企圖漁人得利。當時中國已經正式進入軍閥割據時代，無論南方同北方，十多個唔同嘅軍事勢力各有各做，真係兄弟爬山。

11月尾，馮國璋大權在握，佢第一件做嘅事，又係借錢，佢先同美國簽訂《運河借款合同》，先借600萬美金。陸軍部又再同日本泰平株式會社訂立《軍械借款合同》，再借1600萬日元，袋袋平安。又係嗰句，借返嚟嘅錢係唔係用於國家？你個腦袋係咪有問題呢？用國家名義借返嚟嘅錢，以馮國璋貪財嘅性格，梗係自己袋咗先。中國人傳統，永遠冇得改。

最近睇到消息，港珠澳大橋營運十個月，收入2億，使費22億，真正蝕大本，咁點算呢？其實冇關係，因為盤生意已經完咗，起橋期間，各大持份者早已經用唔同嘅渠道同手法，將千億公帑袋袋平安，所謂過咗海就係神仙，條橋起咗出嚟，賺蝕已經同佢哋無關，反正條橋每年蝕錢，香港政府亦要埋單。又好似偉大嘅基建迪士尼樂園一樣，起好咗十幾年，從來無為香港特區政府同香港廣大市民賺過一分一毫，反而年年蝕錢，庫房又要找數。唔知我講乜？唔緊要喎，記得年年交稅就得啦。

好慘啊……天冇眼咯！

如果美國接管香港就一天都光曬啦！而家好多人咁樣諗，但我想提出一個例子，終生成為美國保護國嘅南韓，舊年美國向南韓政府索取嘅軍費，係336億美元，折實2500億港紙，南韓政府朝野上下無不譁然，不過最後都要照俾，難道佢哋唔驚金正恩又再騎白馬上白頭山咩？

金錢永遠係世界運行流動嘅血液，講多次，所以叫「政治經濟學」。唔談金錢只談理念，係唯心主義，係錯誤嘅想法；相反只談金錢，不談理念，係唯物主義，其實係啱，但係市儈，買相難睇，好難sell 客，都係死。喺兩者之中能夠取得平衡，嗰種人我哋叫成功嘅政治家。1917年嘅中國，連部基本嘅憲法都未能夠寫出嚟？又何來有政治家呢？

finally，1917年11月，毛澤東離開北大，返番去湖南長沙，開辦工人夜校，教授歷史同宣傳共產主義；同一年，會響未來成為中國最偉大嘅政治家周恩來先生，行年18歲，正前往日本留學學習日語。鄧小平12歲，就快小學畢業。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ


【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道233回：大清亡國關 #與孫文割蓆 蛋牛治】

♐「割蓆」近年成為新興詞語，典故嚟自一句成語「割席絕交」，個「席」字同個「蓆」字相通，不必咬文嚼字。出處係世說新語德行篇：「管寧、華歆嘗同席讀書，有乘軒冕過門者、寧讀如故，歆廢書出看，寧割席分坐，曰：『子非吾友也！』」，典故相當文雅，講讀書一定要專心，否則同你老母割席！

♉去年逆權運動發生之時，「割蓆」成為潮語，意思係「和理非」絕對唔會同前線「勇武」分家，普羅市民支持激進示威者嘅街頭抗爭行動，有所謂「永不割蓆」，和勇一家，「核爆都唔割」，顯示萬眾一心嘅團結精神，唔搞內部分化唔捉鬼，「唔割蓆」依種想法，響整個逆權運動中擔當住重要嘅意識形態指導角色，既然大家都認同「拆大台」，唔要領導，咁共同行動綱領必須有巨大嘅自發精神，而「團結」「不分化」則成為群眾之間最重要嘅意識形態紐帶。

♊雖然整場運動暫時停止落嚟，但係呢份團結精神，唔割蓆嘅精神，亦將香港人團結起嚟，用香港人嘅術語講，經過今次運動，有深黃變勇武；有人淺黃入深黃；有人中間變淺黃，亦有淺藍變中間……政治光譜出現嚮右移傾向，大家睇區議會選舉結果就一清二楚。團結香港人固然係後果之一，但係更大嘅後果係，經過一場民主運動，大家真係可以睇清楚極權統治嘅真面目，睇清楚權力係由暴力而衍生，而暴力響政治面前，竟然係合理嘅手段。

♑運動發生之前，仍有好多人口口聲聲話自己可以遠離政治，經濟係經濟、生活係生活、民生係民生，可以全部同政治無關，但係比大家認清嘅真相係，其實一切都係政治，冇一個人可以離開政治而生存，亦冇一個人可以唔表態。區議會選舉之後，年中會有立法會選舉，逆權運動帶來嘅餘波能否扭轉現在立法會內議席嘅分佈，大家拭目以待，最後一句，團結就係力量。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/Vf_9jQZvznM

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十五回）
大軍閥平反系列

段祺瑞因為主張「武力統一」政策受挫，而於1917年11月22號辭去內閣總理職位下野，返番去佢嘅根據地天津（佢就成日兩面走），大總統馮國璋以為大權在握，但段先生並非紙紮燈籠，12月頭，段祺瑞頭馬徐樹錚多番串連後，以直系曹錕同皖系張懷芝為首嘅北洋派十二省督軍，喺天津召開另一次「督軍團」會議，商討對西南停戰嘅問題。

上集已經講過，西南軍閥提出十大訴求，呢啲訴求係北方軍閥所不能接受，所以呢次督軍團會議，主戰派大佔優勢，一致要求組織另一次強大兵力，再一次進攻四川同廣東，「統一中國」。而督軍團會議主戰嘅決定，又將矛頭直指主和嘅大總統馮國璋，令佢非常狼狽，直皖兩系的矛盾日趨激化。

加上南方兩大軍閥陸榮廷同唐繼堯根本唔想繼續打，佢哋暗中接洽馮國璋，要求主和，及早結束孫文口中所謂嘅「第三次革命」南北戰爭。但係段祺瑞又想打，咁怎麼辦呢？各大軍閥各有想法，情況撲朔迷離。於是馮國璋迫於無奈，12月18號重新起用段祺瑞，任命佢擔任「參戰督軍」，全權負責有關參與第一次世界大戰嘅各項事務，馮國璋咁樣做有兩個動機：第一，將參戰嘅問題卸畀段祺瑞，咁就關人撚事；第二，藉此打破僵局，緩和直皖兩派嘅矛盾。

段祺瑞欣然接受依個任命，從表面睇，「參戰督軍」權力唔大，但係由於呢個職位不隸屬於內閣，而參戰事務涉及到政府各個部門，咁就可以令佢實際上擁有隨意向中央政府各部門下達指示權力，輕易達到左右政局嘅政治目的；其次，可以利用參戰督軍合法身份，以編練參戰軍做藉口，乘機向日本借錢、調配政府資源發展自己嫡系部隊嘅計畫。

此情此景，同今日嘅香港警察都非常相似，警察系統浚駕行政會議，超越特首，唔係一直發生緊咩？

段祺瑞得到甜頭，「武力統一」中國亦拋諸腦後，佢向馮國璋讓步。於是，12月25號聖誕節，中華民國代理大總統宣佈停戰令，「南北戰爭」暫時結束。當然南方所要求恢復舊國會，平返黎元洪等等，中央政府亦都冇理到，中央繼續主張以「臨時參議會」代替「國會」行使職權。

一場「鬧劇」，即係南北戰爭，終於喺古靈精怪局面之下宣佈結束。世局瞬息萬變，尤其是當俄國發生「十月革命」，列寧共產黨上臺執政，發生喺歐洲大陸第一次世界大戰戰局，亂過亂世佳人。皖系段祺瑞就睬你都有味，積極勾結日本人，用日本人嘅錢、用日本人嘅軍事顧問、全盤用日本嘅軍事裝備同武器，積極編練佢嘅皖系嫡系部隊，即係所謂「第一次世界大戰中國參戰軍」。

馮國璋當然唔like，佢千方百計用行政手段希望抑壓段祺瑞軍力坐大，因為佢知道，自己無論點，遲早都要同死對頭段祺瑞打一鑊甘！

亦喺依個寒冷嘅聖誕節，中國北方地區爆發大規模鼠疫，呢次爆發嘅鼠疫同1910年東三省所遭遇嘅鼠疫類型相同，均屬於肺鼠疫，患者受感染後，爆發猛烈咳嗽，好快吐血致死。呢次鼠疫響北方流行咗七個月，去到1918年夏天先至平靜落嚟，染病死者大概有17000人。

好！又要睇下我哋嘅國父孫文做緊乜鳩？之前已經講過，KOL孫文聲就夠大，以「中華民國廣州軍政府」大元帥自居，經常代表南方軍閥發表講話，但軍政府實力有限（嚴格嚟講，當時南方大軍閥係陸榮廷同唐繼堯，孫文充其量只一個小軍閥），孫文基本盤只有程璧光嘅海事戰艦部隊，陸軍部隊仍然未能成立，其時要涿鹿中原，冇陸軍係冇偈傾嘅，所以去到1918年，孫文決定大力組織陸軍，擴大自己實力。

孫大炮終於發炮！1918年1月3號夜晚，孫文下令駛至廣州大沙頭嘅「永豐」、「永翔」同「楚豫」三艦開炮，向觀音山廣東督軍處發炮50枚，廣東督軍莫榮新（1853-1930）沒有下令還擊……

第二日，孫文將屬於桂系嘅莫榮新召到大元帥府，指責佢將廣東搞到民不聊生，莫榮生恭敬認錯，並答應孫文要求，將廣東財政收入一部份畀軍政府使用，講白啲，就係勒索囉。

桂系軍人莫榮生，一直夾X住孫文，唔畀佢喺廣州坐大，佢曾經派出殺手行刺孫文，但唔成功。而孫文為擴充陸軍部隊，派員到廣東各縣市招募民兵，莫永生就通令各地將孫文嘅招兵人員以「土匪」罪名，就地槍決，歷史記載，單係增城一地，就有69個人被打靶。真係大矛盾裏邊有小矛盾，小矛盾裏面又有更小嘅矛盾。

1918年1月15號，「華法教育會」喺北京舉行會議，鼓勵有志青年留學法國，勤工儉學。留法勤工儉學潮流開始於1912年，但係只係自發性參加。到1917年，俄國十月革命成功，共產黨勢力積極參與及泵水下，留法勤工儉學工作開始步入正軌同常規化，之後嘅日子，一共有20批來自全國18省嘅學生抵達法國學習，佢哋響法國其實並唔係讀書，而係組織革命團體，學習馬克思主義，當中唔少人後來返番中國，成為中國革命嘅積極投身者，其中有周恩來同鄧小平。

同一日出版、影響當時年青人最深、陳獨秀等人主編嘅《新青年》刋物，全部改為白話文，並且使用新式標點符號。亦由嗰日開始，所謂逗號、句號、感嘆號、冒號、開引號閂引號……等標點符號，先真正響中國成為潮流。

一場開天闢地嘅新文化運動，亦正式醞釀誕生，傳統嘅儒家哲學同傳統價值觀，快將壽終正寢。取代傳統儒家嘅，除咗來自西方嘅「實用主義」、「科學主義」同「民主自由」之外，仲有「馬克思主義」同「共產主義」，舊嘅唔去，新嘅唔嚟。不過新一輪嘅文化大更替，所帶嚟嘅後果係——血肉橫飛！

而當時，當所有人要摒棄儒家思想呢塊阿婆紮腳布嘅同時，我諗大概冇人想到，足足100年後，孔子孟子會被重新擺上神枱供奉，作為挽救中國人道德價值觀大滑坡嘅唯一意識形態思想武器。

#常威 #大軍閥平反系列  #大軍閥 #民國歷史

❤【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【💣香港關 #中英聯合聲明 腿蛋治 第二十三回 #馬照跑 #舞照跳】

♒今日重提「馬照跑、舞照跳」六個字真的有恍如隔世的感覺，「馬照跑、舞照跳」是當年中共最強大實用主義者鄧小平向香港人開出的承諾，目的就係要令香港人相信九七回歸之後，呢度嘅一切生活方式不變，香港人民照樣可以賭馬，照樣可以去跳舞。我聽到呢六個字嘅時候，年幼的我仍未知道「跳舞」真正嘅意思係啲乜嘢？

♐滄海桑田，眨下眼40年過去咗，馬照跑舞照跳嘅承諾，已經係差唔多半個世紀前嘅承諾。今日香港果然馬照跑，永恆不變，就算疫情如何嚴重，賽馬活動仍如期進行；雖然香港人跳舞亦唔再係香港跳，返大陸跳，但係仍然可以跳。用呢個定義，馬照跑舞照跳嘅承諾，中共的確係向香港人履行咗……鄧小平並冇背信棄義，共產主義制度從來冇喺香港實施過。

♉同40年前比較，問心嗰句，香港人嘅生活方式仍然能夠維持基本不變，有人話中國嚴重干擾港人自治，亦都只係近十年先發生嘅事情（鬼叫2003年沙士之後，你需要大陸自由行救命），97回歸因為鄧小平嘅承諾順利進行主權移交，如果冇一場97年亞洲金融風暴襯托一下，1997係一件足以寫入世界歷史嘅大事。至於近年對香港治權嘅逐步蠶食嘅問題，亦唔係鄧小平果代嘅中國領導人責任，因為佢哋已經唔喺度，去見了馬克思，而新一代中共領導人嘅水平同上一代比較亦實在差得太遠，一蟹不如一蟹，凡事唔好比較。

⛎況且拋出馬照跑舞照跳嘅80年代，亦係中國最開放、最民主嘅一段時間，開明派趙紫陽胡耀邦當權，六四事件未發生，當年無數大中華膠，包括我自己，都以為中國會從此走上民主政治改革之道，經濟上放棄共產主義，繼而開放政治，撤銷黨禁，再過一段日，共產黨甚至會放棄一黨專政，實行多黨制選舉，或邁向類似美國嘅聯邦制，但凡事要一步一步嚟，由我聽見馬照跑舞照跳當日開始計算，大概三四十年後，就會成為美麗現實，你當然覺得我好傻好天真，但係當時嘅香港有一部份人，真係咁諗。

♈歷史是相當有趣的事情，差不多40年過去，大中華膠幻想嘅美麗結局始終冇出現，世界舞臺變成另一個模樣，大家嘅中國夢亦都有唔同嘅演繹方式，畢竟都係半個世紀以前嘅事，其實忘記大家亦不必介懷，寫下文字，有時候衹是為了紀念一下，美好回憶，本來就是苦難人生中的安慰劑……

🇬🇧https://youtu.be/tcN5BjLb1X8

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【高汁🔴華山論劍】

⏩周大C🐸與香港德州撲克高手斯文♠對話錄，你以為佢哋講賭博講德州撲克？🚯但其實佢哋講✅政治經濟學 講✅哲學，水平超越一般香港大專課程，全片長45分鐘🆓，聽曬佢，包你曉飛🐦

https://youtu.be/nmLZkvZPxLQ

【常威近代史】（三百一十六回）
大軍閥平反系列

1918年嘅中華民國，亂個篤屎，之前代理大總統馮國璋宣佈停戰，但係一啲效果都冇，南北雙方繼續邊談邊打，忽戰忽和，原因好簡單，因為大家分開做嘢，你有你打，我有我溝和，一邊打敵人一邊打劫勒索富商地主，亦冇話唔啱，畢竟做軍人就係要咁樣搵食。

俄國十月革命勝利後，北京政府內閣追隨協約國嘅外交策略，唔承認列寧蘇俄共產黨政權，而且下令封鎖中俄邊界，北京政府亦都醞釀乘機奪回之前沙俄響中國掠取嘅鐵路利益（可惜最後唔成功）。

1月27號，南北戰爭再爆發，南方護國軍出兵攻陷岳州，北京政府回應，下令進攻南方，大軍南下進攻湖北（鄂）湖南（湘）地區，重申一次，所謂打，其實唔係堅打，只係遠距離放吓炮，敵來我走，敵退我攻，大家非常禮讓，做場戲啫，做得唔好咪再做過囉……反正打仗只係藉口，打劫先係真實。

依種打仗模式，「打仗打劫混合體」亦係中國特有嘅軍事衝突模式，從1895年甲午戰爭開始，歷史多次講過畀我哋知，中國人打仗唔鍾意搏命，所以當時全世界，根本冇人睇得起中國嘅軍事實力，相對日本仔，更加係差天共地，日本人打仗，吓吓搵命搏，陣亡就榮光歸天皇長眠靖國神社！中國士兵上戰場，基本上係為咗自己嘅口糧同利益（或者俾人呃傻仔推上前線），背後冇意識形態理念support，生死相搏，要打戰意，中國軍隊就從來冇戰意。

依種惡劣超hea嘅情況，要去到1926年蔣介石北伐先有初步改善，抗日戰爭民族存亡之際，中國軍人先真係識嚟料，之後有共產黨馬克思主義意識形態加持嘅中國人民解放軍，先至真係堅！

南北戰事持續，1918年2月2號，廣州中華民國軍政府亦發生政變逼宮事件，之前講過軍政府大元帥孫文想擴充實力涿鹿中原，但係桂系自恃軍力強盛，想全面控制廣州軍政府，於是由元老岑春煊出面策動部分國會議員，提出改組軍政府。一場發生喺珠海嘅會議，將獨裁者孫文拉落馬，削佢去龍頭大元帥職位，改為「政務總裁」。而且所謂政務總裁並唔係只有孫文一個，護法軍各省軍派代表都係「政務總裁」，大家組成聯合會議，共同承擔軍政責任。

一句到尾，孫文又一次收皮，想做獨裁者但又一次失敗，但係革命KOL死而不僵，聲名猶在。老實講，當時支持孫文繼續存在嘅，其實係普羅民意，而並非佢自己嘅真正實力。所以玩政治，個「朵」好重要，冇「朵」冇人識你，十六座「大王」都係冇前途。

2月17號，北京馮國璋以代理大總統名義，公佈修正咗嘅《國會組織法》，根據修正法，參議院議員名額由原來的274人減為168人，其中138人由各省選出，30人由中央選出；衆議員由原來80萬人口選一名改為100萬人口選一名，由596人減為406人（有數得計，當時中國大約有四億人口）。原本參議院議員由各省議會選出，現改為由各省區地方選舉會選出。

2月22號，奉天督軍楊宇霆率軍至秦王島，將日本政府據中日軍事借款協定運畀北京政府嘅軍火截留，即打劫！除咗少數軍火放行，大部份軍火全數被打劫運往關外畀張作霖用，情況真係荒天下之大謬。據說又係蠱惑仔段祺瑞第一號頭馬徐樹增玩嘢，利用送軍火畀奉天軍閥張作霖，希望張作霖聲援皖系段祺瑞。我真係想問，軍火被打劫，日本方面又有乜嘢反應呢？可惜我冇辦法搵到資料。

1918年2月26號，仲有一件大事發生，就係香港快活谷馬場發生大火災，600幾人被燒死。當日係賽馬週年大賽日，馬場旁邊一個看臺因為觀眾擠擁忽然倒塌，棚架啱啱壓住一啲熟食檔火爐上，由於棚架係用木板同竹料扎成，所以立刻起火，火勢迅速蔓延，情況一片混亂。呢一場大火，亦都係香港1842年開埠以來一場最大嘅慘劇，死者大多數係華人。

事後，由本地慈善團體東華醫院負責脤濟工作，禮聘肇慶鼎湖山高僧響愉園建醮超渡亡魂，並與政府商議設立公墓，請求華民政務司撥出咖啡園地段，作為安葬罹難死者永遠墳場，四年後1922年8月正式動工，罹難者被悉數安葬在咖啡園墳場內，名為「戊午馬棚遇難中西士女公墓」，並建立馬棚先難友紀念碑作為紀念。

快活谷馬場嘅慘劇同殖民政府嘅善後工作，充分反映出當時香港嘅文明水平，相對於國內立立亂嘅戰亂狀態，形成鮮明對比。

同一日，2月26號，廣州軍政府海軍總長程璧光被人刺殺於廣州海珠碼頭。程璧光係廣東香山人，係孫文同鄉，生於1861年，曾任「廣甲」號管帶，參予過甲午戰爭，1895年加入興中會，係最早嘅中國革命支持者之一，1896年加入李鴻章主理清帝國海軍衙門任職，平步青雲累升至司長，40年管治海軍經驗，擁有高度國際視野，1916年由黎元洪推薦任北京政府海軍總長，其後護法運動開始，程璧光率領海軍第一艦隊追隨孫文南下廣州，建立中華民國軍政府，任護法軍政府海軍總長，佢一直支持孫文。但係後嚟，可能佢又睇穿孫文壠嘢，佢阻止過海軍聽命於孫文開炮懲罰莫榮新，又係桂系改組軍政府拉孫文下馬奪權一役，離棄孫文。

究竟邊個行刺佢？冇人知，一般屎料梗係認定桂系軍閥所為，但方丈份人不嬲好小氣，就算程璧光真係死喺佢手上，亦唔係第一個。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

❤【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常公子歷史頻道235回：大清亡國關 #袁六條 蛋牛治】

♐引用依段話開頭 "關於健康，世界衛生組織憲章（WHO Constitution）對它的定義是：「健康不僅為疾病或羸弱之消除，而是體格、精神與社會之完全健康狀態。」（Health is a state of complete physical, mental and social well-being and not merely the absence of disease or infirmity.）"

♐瘟疫來到，除咗考驗國民嘅體格，亦係最好嘅時機考驗政府嘅體格或心理狀態，響AI人工智能治國未成為現實之前，畢竟所謂嘅政府、或統治階層，都係由人去組成，一群人一齊工作，就會產生集體意識，所謂政府長官意志，其實都係人嘅意志。特區政府係今次香港嘅抗疫工作之中，充分展現出佢哋集體意識上嘅弱點，其實我個人感覺並非大奸大惡，純粹體現出所謂公務員系統官僚主義氾濫嘅弱點。

♈時間仍然停留喺70年代，所謂公務員鐵飯碗，坐定粒六打跛雙腳食長糧，係40年前嘅思維，亦都係今日嘅思維。總之上頭話乜就做乜，凡事多做多錯少做少錯唔做唔錯，睇定形勢，最緊要唔好孭鑊，畢竟只係打份工，高薪厚職最重要，你睇經濟大衰退同時，灰犀牛撞緊埋嚟，首先自己加咗人工先算，反正政府庫房大把錢，一定有糧出，月尾夠錢供樓，袋袋平安，關人隱事。

♉其實依一種純粹為自己利益計算嘅人格，係一種精神病。所謂香港高級公務員（中低級公務員不在討論範圍之內），收全世界最貴嘅政府公務員人工，某程度上應該對整個社會同廣大市民有所承擔，至於愛國愛黨、為國家民族效命，係更高一個層次嘅事物，佢哋除咗口講之外，應該唔會付諸身體力行，如果有一日國家真係要打仗，第一批舉家燒特區護照、移民去美國加拿大嘅應該亦係班人。

♐作為一個普通市民，我所要求其實甚為簡單，我只係覺得統治階層應該急市民所急，細心聆聽市民嘅心聲，施政時稍為符合市民嘅普羅意愿，其實已經相當足夠。嗰個月幾十萬你袋咗，就算你當自己係一個專業演員，戲亦需要交足，但現實所發生嘅事，係你班人下下同市民對著幹，將香港普羅大眾當成敵人看待，好學唔學，英國殖民地政府留低嘅「無為而治」「小政府施政概念」你哋全部拋諸腦後，硬係去學習一啲你哋根本從來唔熟習嘅「階級鬥爭」mode，馬克思當然從未讀過，毛主席著作相信你亦冇睇過，明明係資產階級大右派，夾硬為擦鞋放下身段扮無產階級鬥士搞鬥爭，結果到頭來四不像，左右不逢源，受苦受難嘅人係社會普羅大眾。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/a0uivRsMnMM

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十七回）
大軍閥平反系列

時間線去到1918年3月，時局仍然混亂不堪。

南北戰爭繼續拖拉，3月4日，上海《時事新報》增辟「學燈」版，專門刊載學術性文章，呢個亦係中國第一次喺民間報紙上出現純學術文章及評論，比起歐洲，足足慢咗100年，亦標誌住，中國人嘅文化水平開始拾級而上，脫離文盲野蠻人層次。同一時間，大量呼籲文學革命嘅文章開始出現，要求以新文體白話文取替舊文體文言文（但唔知點解今日嘅香港中學生都要讀文言文囉？），一場新文化意識形態更替運動亦好快會喺中國國內轟轟烈烈上演！

直系馮國璋同皖系段祺瑞之權鬥繼續發酵，上一個月17號北京政府公佈《修正國會組織法》，並命令內務部依修正法籌備新國會選舉，段祺瑞為鞏固佢喺國會中嘅力量，撥出重金，命令其頭馬徐樹錚（徐樹錚真係好多嘢做）幕後操縱，網羅社會賢達政府官員同政客，組成一個叫「安福俱樂部」嘅政治團體，目的在於收買議員、操縱選舉，取得大多數議席企圖控制國會。

咁似嘅？

政府出錢組織民間政治團體，企圖奪取議席，製造民意，咁咪即係腥港嘅《禮義廉》？冇錯，就係《禮義廉》！一直食阿公錢，個個肚滿腸肥，但有口鄉音就扮基層，控制議會控制社區。啱啱2019年區議會選舉一鋪清袋。但係啲樁腳又唔X洗驚，因為政府又話會用公職養住佢哋，上頭又會繼續出糧咁講。100年前發生嘅爛事，今日繼續發生，而且玩法基本上一樣。

但弊在弊在，100年前識字率1%有人信唔奇，100年後識字率達99%嘅香港亦都大把人支持《禮義廉》建制派？你睇得票率就一清二楚，佢老母今次區議會選舉仲有百二萬票，香港仲有人覺得佢哋係真基層，真心為香港，真心代表貧苦大眾勞動階層出聲。

講真，今時今日喺香港仲支持《禮義廉》或《工聯會》嘅市民，其實真係有啲問題。雖然支持某個政黨或某種政治意見係一種自由，係真民主嘅體現方式。但係人情道理上，不斷俾人欺騙再欺騙仲繼續相信佢，大概就係智力嘅問題。

不過我其實智力都有問題，欺騙香港人嘅唔單止係建制派，泛民都一樣。我常公子成日用一個例子，真正能夠保障勞工階層（窮人）利益嘅就係「集體談判權」同「組織工會」法，但過去二三十年，每一次響立法局關於集體談判權嘅議案，都冇辦法夠票通過，除咗建制派投反對票外（順帶一提，工聯會係贊成嘅），民主派或泛民嗰邊，亦大多數投反對票或者乾脆避席，咁究竟又係一個乜嘢玩法呢？冇集體談判權同合法工會？如何能夠保障勞工階層低下階層嘅利益哩？依一點，我係百思不得其解？

伸延思考（智力門檻180以上）：咁中國內地工人有冇集體談判權呢？係冇嘅。但係理論，中國共產黨就係一個由工人及勞動階層組成嘅政黨，基本上你可以將佢睇成一個巨大嘅工會，佢係代表工人階級嘅利益，所以中共本身就係一個能夠充分保障工人同勞動階級利益嘅政黨，於是集體談判權同工會亦都冇存在嘅必要，understand？

【常公子歷史頻道236回：大清亡國關 #雙十革命 蛋牛治】

♐武肺全球擴散，連湯漢斯都中招，年青時睇阿甘正傳，非常感動，覺得阿甘精神可以改變世界，都算係一個美麗回憶，今日湯漢斯已經係老人家，希望佢福大命大，平安無事。

♐歐洲爆到唔清唔楚，尤其是係意大利，用佢哋國民嘅講法，國家進入最黑暗嘅時代，頭先睇新聞，佢哋官員矛頭直指中國，話中國之前交出嘅武肺疫情數據作假，令到佢哋判斷錯誤，因此爆發災難。香港人睇到呢段新聞，一啲都唔會奇怪，因爲我哋已經習慣咗，佢講眞話我哋先會覺得奇怪、先至驚，日日造假係常態，大家都懂得如何應對謊言，內地民衆比我哋更加熟悉應對手法，反正你講嘅嘢全部都係假，咁我就用常識去判斷真相係啲乜嘢，反而正確。

♐「謊言」係極權國家系統運行嘅重要血液，因為所有「真相」都無助維穩，既然穩定壓倒一切，政權穩定壓倒一切，咁「真相」全無存在價值，用前蘇聯諾貝爾獎得主作家索忍尼辛的一段話：「我們知道他們在說謊，他們也知道自己是說謊，他們也知道我們知道他們在說謊，我們也知道他們知道我們知道他們說謊，但是他們依然在說謊」。彼此都活在謊言裡，大家都用「潛規則」解讀世界，你ok我ok，不過最驚就係有小部份人「真心膠」，真心相信謊言真心擁護説謊者，這種人，最近幾年喺香港越嚟越多，響我身邊都出現唔少，老實講，我常公子真心驚。
 
♉Youtube Channel講到辛亥革命，真正令滿清王朝倒臺嘅革命終於發生，起因係武昌士兵嘩變，其實係一場軍事政變。武昌、武漢、漢口合稱「武漢三鎮」，一直係整個中國嘅工業中心，亦係中國嘅心臟地帶，適逢今次新型冠狀病毒爆發原點喺武漢，我又啱啱講到武昌革命，可算巧合非常，相隔100年，武漢再一次成為世界焦點，上一次促成改朝換代，今次我唯一能夠預見嘅係，一場全球性嘅排華運動，將會以武漢作為原點，蔓延發生……之後會發生乜嘢事？我唔知道。但係整個世界嘅政經基本格局因此會發生改變，就100%肯定！


♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/vwPzZncQ5l8

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十八回）
大軍閥平反系列

1918年嘅春天，歐洲大陸發生嘅 #第一次世界大戰 進入尾聲，這場人類歷史上面最殘酷嘅碎肉機式戰爭，將會改變整個世界嘅格局同運作方式。

喺 #意識形態 層面上，當時好多人都認為殘酷無比嘅一戰發生，係同「#資本主義」行到盡頭、衍生所謂「#帝國主義」瘋狂掠奪世界資源而產生嘅競爭有關。於是有識之士、特別係知識份子開始尋求響「資本主義」之外嘅另一種世界運作方式，最後出現咗「#共產主義」，希望透過國家權力將有限資源作更有效嘅集體分配，從而減低因為個體貪婪而出現嘅掠奪式災難。簡單啲講，就係用「#集體主義」代替「#個人主義」，矮化個人欲望同個別群體利益，強化集體同國家或階級利益嘅優先權。

呢場浩浩蕩蕩嘅共產主義實驗，由1917年俄國嘅「#十月革命」正式開始，之後整個20世紀，共產主義為人類帶來史無前例嘅巨大人道災難，去到1991年，終於由蘇聯解體而壽終正寢。就算係延續住所謂「共產主義國家」牌頭嘅 #中華人民共和國 同 #古巴，亦都響之後徹底揚棄共產主義經濟模式，目前整個世界上，真正嘅共產主義國家，大約只係剩低 #北韓 一個，#金正恩 騎白馬上白頭山，老實講，真係好有代表性，好有「眾人皆醉我獨醒」嘅氣勢。

1917年冬天發生由 #列寧 領導嘅「#布爾什維克」共產主義革命，亦徹底改寫咗第一次世界大戰嘅結局。俄國因為「十月革命」而退出歐戰，結果德國喺東線上取得嘅勝利太過巨大，所以有人講，「德國人之所以輸掉戰爭，正因為他們是如此接近勝利」。

點解呢？俄國唔打之後，約100萬德軍閑置在東歐，而西線方面卻非常絕需要支援，所以由1918年3月開始，德軍進行咗一次史無前例嘅軍事移動，就係將東線士兵投入西線戰場作戰，結果呢場由東至西嘅大行軍，令佢哋損失自1914年以來最慘重的傷亡，從3月21號至4月為止，140萬兵力嘅東線部隊陣亡超過五分一，死亡人數接近30萬。

德國人明顯係計錯數，以為有東線嚟嘅巨大支援，令佢哋可以喺西線發動總攻擊，但德軍喺西線發動嘅總攻擊，就令到東南同埋南方嘅友軍面臨敵軍致命嘅威脅，「#同盟國」嘅敗亡亦都由呢個時候開始。土耳其鄂圖曼帝國 兵敗如山倒，保加利亞 於9月底要求單獨停戰，同盟國軍事同盟高速瓦解，而同一日，德國方面亦急切提出停戰要求，因為德國參謀部已經發現戰況已經不可能逆轉，戰敗亦都不可能避免，而戰敗至少部分原因係由德國人自己造成。

德國人係奸有奸輸，大家都明白列寧經營布爾什維克幕後最大嘅金主就係德國人，之前，德國人希望利用俄國國內反動力量同「#布爾什維克」推翻沙俄政權（外國勢力干預），引發沙俄內部自爆，令佢哋退出東線戰場，劇本安排順利上演，但邊個會諗到，「東線嘅全部勝利」會係德國人打輸第一次世界大戰嘅致命原因呢？