【大清亡國關慈禧蛋牛治】第一回

明明係贏，就變咗輸……

由於德國響第一次世界大戰死得咁不明不白，再加上之後響法國巴黎舉行嘅《#梵爾賽條約》，協約國完全亂柒咁嚟，胡亂劃界，企圖一嘢打巢德國人，但高傲嘅日爾曼民族就係心有不甘，結果十幾年後，德國人就推咗一個參與過第一次世界大戰嘅奧地利窮人士兵上臺，力圖挽回德國人嘅聲譽，同你玩玉石俱焚玩攬炒，呢個士兵叫 #希特拉。

妖！講咗歐洲歷史添，要返番去中國，1918年4月，#馮國璋 想停戰，#段祺瑞 就想繼續打南北戰爭，加上一戰德國戰敗在即，段祺瑞嘅聲望與日俱增，4月22號，段祺瑞於南北交界嘅漢口市召集大規模軍事會議，召集北洋系統七省督軍代表，強調北洋派要團結一致統一中國，必須強硬對南方軍閥繼續進行作戰，並提出第四期作戰計畫。

但段祺瑞確係黑仔，開完會後，25號晚，當佢乘坐「楚泰」號軍艦離開漢口，進入長江下游嘅時候，因為天氣惡劣，護航嘅「楚材」號攔腰撞沉咗一隻叫「江寬」號嘅大型客貨輪，黑輪上有乘客1000人，船員105人。意外發生後，招商局派船前往出事地點搶救，但只係救起200幾個乘客同50個船員，其他人全部葬身江底……依一場，亦都係中國民初歷史上，一場最大嘅海難。

1918年4月18號，一個湖南有志青年 #毛澤東 響長沙組織咗一個叫「#新民學會」（唔係葉瘤個新民黨），佢聚集咗20幾個志同道合嘅朋友一齊搞，「新民學會」立會宗旨係「革新學術、砥礪品行、改良人心風俗為宗旨、要求會員不虛偽、不懶惰、不浪費、不賭博、不狎技」。無可否認，1918年嘅毛澤東一定係一個心中抱有救國救民理想、無懼挑戰強權、道德非常高尚嘅100%正直青年。當時嘅佢，已經堅定地相信只有「馬克思主義」「共產主義」先能夠挽救中國。佢冇錯，做實驗之前，冇人知道個結果係啱定錯。

信奉共產主義同馬克思主義嘅信徒，喺十月革命之後，響中國呈現爆炸式嘅增長（亦都唔單止係中國，全世界共產主義信徒同知識份子都被十月革命所鼓舞），湖南青年毛澤東只係其中一個。啱啱取得政權嘅列寧同 #托洛斯基，當時亦都相信俄國革命只係世界革命的第一步，佢哋要解放嘅並非只係俄國嘅貧苦大眾，而係要解放全世界受苦受難嘅勞動人民。

「#第三國際」「Third International」#英特納雄內爾 亦都快將成立（1919），俄國共產黨要向全世界輸出革命，佢哋會派出黨內嘅理論專家同戰略專家前往當地，動用人力物力，出錢出力協助當地勞動階層成立共產黨並壯大，靜待時機推翻現有資本主義政權！

遊戲格局已經展開，迎接英特納雄內爾之前，中國仲有一場 #五四運動 要發生！

#常威 #大軍閥平反系列  #大軍閥 #民國歷史



【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ


【常威近代史】第三部《東方維多利亞女王之死》實體購買
https://www.382now.com/product?id=165

我有睇架！支持你

【常公子歷史頻道237回：大清亡國關 #袁世凱復出 蛋牛治】

♐武肺全球擴散，政客名人紛紛中招，全球經濟停擺五成以上，名苻其實攬炒狀態，美股兩度跌到熔斷，睇嚟呢個三月份，係全球爆發嘅高峰，各國央行紛紛放水，中国尋日亦宣佈降準，大水灌入市場，頂住個雞頭，以免經濟進一步崩盤！印鈔機再開動，利用印銀紙解決問題，我長久以來嘅觀點，如果印銀紙可以解決問題，全世界都冇問題。

♐啱啱讀咗國師陳雲一篇FB，佢講廁紙價格問題，本來一條32蚊嘅廁紙，經過香港人一輪恐慌性搶購panic buying，抬價抬到40蚊條，但係現在搶救潮過去，市面上貨源充足，但係調（炒）咗上去嘅厠紙售價，就冇跌返落嚟，變相無聲大幅加價。當頭棒喝，其實又好有道理，全球經濟萎縮中，理論上紙價、租金、人工、運輸成本只會減少，唔會增加，咁點解廁紙又會加咗十幾個%價？國師仲有個point，市民積存廁紙在家中，又變相為廁紙批發商慳返唔少倉租，要知道響香港做生意，地方租金係最大成本。

♐睇嚟，「恐慌」本身亦係一種推銷商品手段，其實我認同陳雲一種睇法，新型冠狀病毒武肺重症率同死亡率事實上並非太高，同我哋日常所見嘅流感其實差唔多，甚至比肝炎低，現在炒作到衝擊環球經濟，其實某程度上係誇大咗事件，而且武肺傳染力極度強大，好可能未來全球會有一半人口染病（染病唔代表病發），必然會成為全球大流行Pandemic嘅風土病之一，大家唔習慣都要習慣。武肺並非核子戰爭，冇理由可以帶嚟核子戰爭觸發嘅相同後果？咁唔合常理。

♑當然國師話戴口罩係鳩戴，我就不敢認同，畢竟保護自己保護他人係必須，冇人想被傳染或傳染人，染病事小，隔離事大，而且將口罩當成時尚嘅一種，亦無可厚非，大家可以見到，香港人個個戴口罩，其實每一個人都靚咗好睇咗，整體市容美觀咗，大家又衛生咗，除咗武肺之外，其它相關嘅日常傳染病亦都因為個個鳩戴口罩會大幅度減少，其實係一件好事，喺炎夏未來臨之前，我自己仍然繼續鳩戴，sorry，偶像國師！

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/2pe2mdtDpPc

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百一十九回）
大軍閥平反系列

1918年中，隨著俄國 #十月革命 出現，歐戰進入尾聲 ，世局出現大洗牌。

列寧托洛斯基等人領導嘅無產階級革命，成功取得俄國政權，鼓舞全世界嘅工人階級同無產者，再次發動一次自1848年以來嘅革命大高潮，依股高潮，亦都迅速吹入四分五裂嘅中華民國，中國工人也快要射了！1918年5月，上海就出現咗英美煙草公司同祥生船廠嘅工人罷工，追求勞工權益，之後罷工浪潮不斷發生，蔓延全國，而 #馬克思主義 及 #共產主義 亦喺全中國各地火熱朝天，信奉嘅民眾越嚟越多，一股全新嘅反動群衆力量醞釀形成，好快就會天翻地覆。

之前講過，由2月開始，廣州中華民國軍政府已經出現內訌，以桂系軍閥 #陸榮廷 等人為首，希望架空革命KOL #孫文，控制軍政府主導權，但係經過多番努力，仍然冇達到完全控制軍政府嘅目的，#伍廷芳 同 #唐紹儀 大力斡旋下，加以桂系嘅壓力，軍政府國會再推出改組條例，孫民大為不滿，兩次向國會提出反對方案但唔成功。

4月上旬，部分國會議員提出將新改組軍政府方案交由國會審議，國會投票當日，桂系調動大批憲兵闖入國會會場監視議員投票，結果改組方案以四票優勢獲得通過。孫民嬲到仆街，於5月4號，宣佈正式辭去中華民國廣州軍政府大元帥之位，佢咁講：

「故吾國大患，莫大於武人之爭雄，南北如一丘之貉，雖號稱護法之省，亦莫肯俯首於法律及民意之下。」

槍桿子出政權，孫文進一步明白鳥，孫文辭去大元帥一職後，隨即又返番祖家日本，另謀打算。講真，「#法統」都需要槍，當時嘅中國，甚至100年後嘅中國，都未能進化到一個唔用武力支援就可以獨立存在嘅「文人民主政府」。當然其實全世界度度都一樣，問題只在於文人政府是否能夠操縱軍隊？軍隊遠離政治權力交替又有幾遠？軍隊有槍、警察都陀鐵、可以殺人、有鎮壓民眾嘅基本武力，其實要響一個城市奪權易過借火。今日香港，實質統治權官方話語權唔係已經俾警察奪去了麼？大家心知肚明喇。

你話控制到警方？其實你邊忽控制到警方？由你第一日放權畀警察釋放暴力平亂開始，你已經失去左主導權。可能你冇讀過乜嘢書，唔知道乜嘢叫「#槍桿子出政權」？或者當你知道嘅時候，你已經冇得返轉頭了……

孫文都明白，要再一次奪權，一定要有更大嘅武力backup，時局嘅發展，亦令佢不得不走上軍事獨裁者嘅道路。

【常公子歷史頻道237回：大清亡國關 #孫文回歸 蛋牛治】

♐環球經濟受到武漢肺炎疫情打擊，出現崩盤狀態，事前邊個又會諗到？疫情到達歐美西方世界，竟然一發不可收拾？一衆先進文明國家嘅醫療系統，又竟然不堪一擊？對西方世界嘅美好文明形象，真係有重新考量嘅必要，畢竟日子過得太安樂太富裕，人就會對危機缺乏警覺性，人類有懶惰食老本嘅傾向，官僚系統運行如常就會腐化，當危機一旦來臨，自然難以應付，人之常情。托洛斯基講「不斷革命論」其實有其小小道理，怪不之得比人叫做「先知」。

♑疫情災難面前，各國底牌終於揭開，身光頸靚浸響水面，原來水底下冇著底褲？就我個人而言，對西方世界嘅自由民主價值觀嘅擁抱同信念，永恆唔會變，不過由「管理」角度去睇，西方自由民主世界有啲事的確令我好失望。尤其是面對經濟下滑，全世界央行來來去去亦祇有一招，就係放水，不斷放水再放水，印銀紙量化寬鬆頂住個雞頭，前日美國又再放水7000億美圓挽救經濟，力度話唔夠大，市場唔收貨，觸發尋日美股再下跌3000點，創下自1987年股災以來，第二單日最大跌幅。一夜之間，蒸發整個美國股市13%總市值，正式宣佈結束自2008年金融海嘯後美國最長一次「牛市」周期，賬面回復到奧巴馬剛剛上臺時市值，一場遊戲一場夢。

♉其實由2008年開始，放水行動一直冇停過，美國聯邦儲備局嘅資產負債表（即美國國債），由2009年不足one trillion，即一萬億美圓，去到現在4個trillion，折算32萬億港圓，上昇四倍，金錢大洪水到，創造十一年牛市不斷上界經濟奇跡，經濟欣欣向榮全球一枝獨秀；到現在，一場武肺，崩盤在前，只有繼續放水，4T變8T？16T？相信已經沒有關係，反正只係數字遊戲。好多人連one trillion都未搞清係一之後幾多個零？（正確答案係10嘅12次方，一之後12個0）

♈歷史不斷重複，永劫回歸。又要講多次，如果印銀紙可以解決問題，咁根本冇問題。上一次1930年代經濟大蕭條，所有景況正正現在不斷重複中，上一次，人類最後要用一場毀滅性嘅世界大戰推倒一切重來，今次呢？臨兵鬥者，皆陣列在前，李居明講嘅。


♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/Tkj4af9XdC4

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百二十回）
大軍閥平反系列

1918年5月16號，中日簽訂《中日陸軍共同的軍事協定》，5月19號，中日訂立《中日海軍共同防敵軍事協定》，北京中華民國政府全盤靠攏日本，呢個亦係第一次世界大戰中國加入「協約國」陣型向「同盟國」陣型宣戰嘅結果，一切由日本人背後促成，日本人咁樣做，係為咗進一步加強對中國嘅控制，自從袁世凱簽訂21條，加埋馮國璋段祺瑞政府通過對德宣戰案，日本人如願以償，全天候加強喺中國嘅影響力，當時西方列強，尤其是大英帝國處於一戰嘅血腥泥沼之中，無力兼顧東方事務，冇直接參加第一次世界大戰嘅日本乘機擴張勢力，一躍成為最大在華利益嘅國家。

後世歷史學家稱呼日本人嘅舉動叫「侵略」，其實並無錯，只不過日本人當時仍未明刀明槍，事實上如果日本人當時選擇打仗，以武力侵華，所謂中華民國其實一早已經滅國。

1918年嘅日本政局處於大正時代，大正時代係一個日本自由主義運動嘅時代，政治權力由舊嘅明治時代寡頭政治集團轉移到日本帝國議會同民主黨派手上，呢個過渡期，令成個日本的確有一番民主新氣象，「軍國主義」仍處於萌芽階段，所以對中國嘅侵略政策（侵略你就係梗架喇），大正年間主要採取間接同迂回曲折嘅手段，只可惜大正天皇（1879-1926）體弱多病，細細個就患過腦膜炎，後來更加變咗半個癲佬，而且佢本身亦唔係一個強勢嘅天王，大權好快旁落到皇太子裕仁親王手上，而年紀輕輕嘅裕仁親王，即係日後嘅昭和天皇（1901-1989），依條杏加橙毫無疑問係一個100%軍國主義者。

（個人感覺，裕仁能夠逃避二次世界大戰嘅戰爭責任，無疑係人類歷史上一件最大嘅奇案。）

1918年中，日本已經趕走曬青島上邊嘅德國軍隊，日本人開始自己建設青島，佢哋修築咗長達1700米嘅堤岸，恢復青島對外貿易，加強對中國嘅經濟掠奪。日本人嘅野心，所有中國人都睇到，慢慢蠶食你，一忽一忽割走你啲肉，唔覺唔覺，遲早食曬你。

春江水暖鴨先知，歷史上一早講咗畀我哋知，永遠最早感覺到危機存在嘅都係大學生；正如股票市場永遠都係快過新聞反映出市況。好有可能係大學生冇乜嘢做，（又唔做嘢又唔讀書），好多時間思考問題同觀察世界，1918年5月21號，北京就有2000個大學生前往總統府示威，要求廢除《中日軍事協定》，政府當然唔理學生嘅訴求。但「五四運動」嘅雛形，已經形成當中。

世界上差唔多所有嘅民主逆權運動，都係由大學生首先起動，包括2019年香港亦唔例外，大學生擁有赤子之心，動機高尚純潔，所以最能夠煥發民心，香港2019年嘅逆權運動，亦喺轟轟烈烈嘅「佔領中大」同「佔領理工」事件後趨於平靜，現在幾千個抗爭者被捕，好大部分都係學生，但我哋嘅特區政府似乎並冇愛護學生之心，理工圍城，任由佢哋捱饑抵餓跳橋捐屎渠逃亡，秋後算賬，濫捕濫暴，亦毫不手軟，全無愛護憐惜年青人之心。吓吓話講法治，做到不近人情，仆你個雞，成班冷血動物，難怪過去香港畀你班畜牲領導、搞到雞毛鴨血……

南北戰爭，打打停停，停停打打，各個軍閥各有各做。1918年7月5號，伍廷芳、唐繼堯、陸榮廷、岑春煊、林葆懌五人響廣州就任軍政府總裁，宣佈中華民國軍政府改組完成。之前已經講過，非常國會響桂系軍閥操縱下，根據軍政府組織法修正案，進行咗總裁選舉，一共選出七人，但係非常國會選舉中，得票最高嘅孫文同另一個人唐紹儀，就拒絕就職，最後只有五個軍政府總裁上任。

其實呢個時候，被奪權嘅大元帥小軍閥孫中山已經返去日本，話專心從事學術著述咁講，當然佢亦會睇準時機，隨時預備東山再起。中華民國軍政府暫時落入桂系軍閥操縱中……

今集仲有少少時間，講吓當時中國嘅教育發展，根據北京教育部統計，去到1918年7月為止，全國一共有129,739間註冊學校，當中包括各中小大學，全國學生總人數亦達到4,294,251人，中國教育事業嘅發展，進入民國年代後可謂一日千里，民眾嘅識字率亦開始大大提高，成個國家，開始真正擺脱愚昧封建落後野蠻狀態，舊嘅一套全部唔適用，一個全新嘅世界快將降臨。

仲有一種古老事業，亦開始喺中國蓬勃起嚟，就係娼妓生意，根據統計上海灘就有大量合法妓院妓女，而且遍地「野雞」（流動娼妓），而且從事妓女嘅人數，一年比一年暴增，按照服務種類同埋收費級別，上海灘嘅妓女竟然分為十幾種，當中包括「書寓」、「長三」、「么二」、「臺基」、「野雞」、「花烟間」、「咸水妹」、「拆白黨」等等……真係五花八門，你想點玩都得，想玩高文化傾偈談情又得，想玩即食即場爆房又得，長包又得，短聚又得。

妓女生意蓬勃發展，亦代表社會經濟欣欣向榮，畢竟男人有錢先可以叫雞，有人話民國初年戰亂頻生，人民生活苦不堪言，但係我想講俾大家知呢個並唔係真正事實，當時嘅人民，政治還政治，生活還生活，其實分得好開，你有你打，我有我做工開飯，大家互相遷就，各不相干。係直到後來嘅蔣介石同毛澤東，先將人民生活同政治問題捆綁起嚟，即係「黨國合一」思維，亦由黨國合一嗰日開始，中國人民先真正步入水深火熱嘅痛苦狀態……

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道238回：大清亡國關 #南北議和 蛋牛治】

♐一場疫情，令全世界露底，大潮湧退，原來全部冇著底褲，中國固然醜態盡露，擺出一副暴發戶面口全球討厭，但一直對西方世界嘅美好期盼，亦因為今次疫情打曬折扣，畢竟世上無樂土，原來天下烏鴉一樣黑，今次疫情，講畀大家知，其實成個地球都好危險，當真係攬炒發生，大家其實無處可逃。

♉農曆新年期間，香港初爆疫情，唔少有錢人飛出香港，前赴歐美避疫，關人隱士，點知現在喺嗰邊染病倒灌回流返香港，真係邊個估得到？你原本以為最危險嘅地方變成咗最安全嘅地方？世事的確無絕對。

♑前日港大微生學系講座教授袁國勇發表文章，認為病毒源頭係中國人嘅劣根性，因為中國人好食野味，中國人民以食為天，背脊向上都可以食落肚，到底係咪民族劣根性？抑或係生存優勢？我並唔知道。但據我所知，好多人去食野味係為咗壯陽，好多人認為食完野味個身慶烚烚、碌嘢發發聲，就係千真萬確。點解要壯陽？可能因為本身性無能，又或者去滾唔想蝕底，唔想一炮就算；亦有正面動機，想生仔抱孫，其實一切都係人之常情，輕易抹殺人情世故，就係極權主義。

♒人類係充滿dark side嘅動物，人性中唔見得光嘅部分比見得光嘅部分多，如果將地球每個民族作出劣根性排名，中國人亦唔見會包尾，大概會喺中間咁上下，臨介於合格同唔合格之間，脫去左膠大愛外衣，世上固然有好多民族比我哋優越太多，但同樣亦有好多民族在我哋中國人之下，而且一個民族要由野蠻落後變成文明先進，好多時候係一個好漫長嘅過程，由上一個世紀80年代起計，中國人只係啱啱行咗半個世紀未夠啫。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/BFdb6YZGnao

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百二十一回）
大軍閥平反系列

時間去到1918年8月，第一次世界大戰快將結束。中華民國北京政府，仍然處於馮國璋同段祺瑞之間嘅權力鬥爭，想用武力統一中國嘅段祺瑞擁有強大軍事力量，主和派馮國璋完全控制唔到佢，其實佢兩兄弟，都係跟住袁世凱出身，一個叫北洋之虎（留學日本），一個叫北洋之狗（留學德國），袁世凱在生期間，兩兄弟仲畀面大佬，表面上合作愉快。袁世凱一死，串燒三兄弟另一個北洋之龍王仕珍又冇興趣玩一人獨大，反而馮國璋同段祺瑞兩兄弟，就要一決雌雄，爭做武林盟主，樹倒猢猻散，就係咁簡單。

時任中華民國代理大總統嘅馮國璋，亦做得相當無癮，當時佢並唔係想治理好國家，而只係想儘快打殘段祺瑞條沐契。孫文中華民國廣州軍政府唔承認嘅北京政府新國會亦快將召開，新總統會係邊個？暫時未知。

8月1號，俄國共產黨布爾什維克黨魁、共產主義之父列寧先生委托齊切林回信比孫文，對孫文恭祝列寧十月革命成功嘅賀電表示感謝，信中稱呼孫文為「偉大嘅中國革命領袖」。

有睇開我寫嘅近代史都知道，其實孫文係一個百分百嘅共產主義支持者，列寧響俄國創立世界上第一個共產主義政權，對孫文嘅鼓舞非巨大，孫文決定要行列寧嘅路，所以孫文亦都好快暗地裡加入之後1919年成立「共產第三國際」陣型，成為世界無產階級共產主義革命嘅其中一個實質執行者。

今日你講孫文係共產黨，一定會俾人屌爆！但問題係佢係，由始至終都係，但真相冇得避，亦冇可能被扭曲。冇孫文，列寧嘅共産主義勢力唔會咁快響1920年進入中國；冇孫文，亦冇所謂蔣介石嘅「聯俄容共」政策出現；冇孫文，之後中國國民黨亦唔會同中國共產黨合作，一齊打1926北伐內戰，消滅一衆萬惡食人吸血嘅大軍閥。

最重要嘅係，冇孫文，就唔會有所謂「黨國合一」嘅政治思維傳入中國。「黨國合一」有乜唔好？其實冇乜唔好！正嘢嚟嘅！好到加零一！但問題係，玩「黨國合一」，就要放棄「法統」，政黨利益會淩駕國家利益，政黨意志可以超越法律同憲法，政黨嘅生存權利大過人民嘅生存權利，過去嘅日子，香港人已經逐漸認識黨國合一嘅好處，而未來嘅日子，我哋會更加清楚瞭解黨國合一的優越性，大家拭目以待。

長江後浪推前浪，舊人開始退場，新一代政治明星快將誕生，出嚟指點江山，先有孫文身邊嘅軍閥蔣介石，再有共產主義者毛澤東周恩來，但佢哋未出場之前，先有個民國關公大軍閥吳佩孚（1874-1939），香港都有個吳佩孚，睇風水嘅。民國時代嘅軍閥吳佩孚，係中國第一個登上美國Time時代雜誌封面嘅男人，佢係文人出身，中過清帝國教育系統中嘅秀才，寫得一手好字，亦作得一手好詩，佢仲有一個專長，就係識畫地圖，識得將測量同埋繪圖技術應用係實際戰爭當中。

佢由曹錕一手提拔，係北洋系統內部嘅東北通。佢同曹錕一直支持段祺瑞，但南北戰爭開打後，吳佩孚嘅態度開始轉變。1918年8月，正響南北交戰前線湖南省指揮北洋軍作戰嘅吳佩孚，突然宣稱段祺瑞「武力統一」中國係亡國政策，而且大力斥責段祺瑞徐樹錚背後操縱的「安福系」偽造民意，企圖控制新國會選舉，釀成國難當前。

1918年8月12號，北京新國會開幕，響段祺瑞第一號頭馬徐樹錚幕後指揮下，「安福系」以各種非法手段，包括金錢行賄收買、政治要脅以及偽造選票等等……操縱新國會議員選舉，結果「安福系」大獲全勝，472個國會議員之中，「安福系」人馬佔咗384席！

8月12號朝頭早9點30分，北京政府參眾兩院議員齊集眾議院，到會參議員106人、衆議員358人，超過兩院議員半數，新國會正式宣告成立，中華民國代理總統馮國璋同段祺瑞先後致辭後，同日下午，使命完成嘅臨時參議院宣告解散。

安福系王揖唐（1877-1948）成為衆議院院長，交通系首領梁士詒（1869-1933）成為參議院院長。新國會畀段祺瑞安福系控制，後世稱之為「安福國會」，之後段祺瑞通過王揖唐派片，按月津貼參加安福俱樂部嘅參眾議員，真係大家happy，人人有工開。

段祺瑞既然已經控制國會，第一時間就係要對付馮國璋。馮國璋係當時嘅中華民國代理大總統，要響段祺瑞「安福系」控制嘅國會選舉中得到足夠票數成為正式大總統，根本冇可能。於是佢答應下野，但開出個條件，就係要段祺瑞一齊下野，要死都要攬埋好兄弟入棺材先安樂，北洋直皖兩系決裂全面化，天下皆知，當時如果段祺瑞夾硬出嚟想選總統，佢一定會夠票，但政冶嘅嘢，唔係咁簡單，就算想隊冧你，表面功夫都要做足架。

於是乎，馮國璋同段祺瑞兩個人協商，推舉咗手中並無兵權、德高望重嘅北洋元老水晶狐狸徐世昌先生競選大總統，而佢兩人就同時相繼下野。8月底，徐世昌響安福係議員嘅支持下以425票壓倒性當選中華民國第三任大總統，10月10日正式上任，而馮國璋亦結束咗佢大概一年嘅代理大總統任期。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道239回：大清亡國關 #南北議和 蛋牛治】

♐香港爆發第三波疫情，早前去咗歐美避疫嘅朋友陸續回港，香港再次出現社區爆發，未來兩三星期，相信會係高峰期，人心惶惶，社會上結業潮出現，失業率上昇，加上全球大封關，香港係開放型經濟，2020年，難免會進入一個艱難時期，不過我始終相信，有危先有機，社會上出現大洗牌現象，先會造就階級向上流動。正能量嘅講法，係大家奮勇面對疫情，積極求存；負能量嘅講法，既然大家希望攬炒，現在就嚟個全球大攬炒，又睇吓係好事？抑或係壞事？

♑今次疫情正好考驗一下「全球化」，所謂國際資本主義主宰下嘅世界，到底韌力有幾強？自上世紀80年代開始，「新自由主義」思潮蔓延全球，加上90年代蘇聯解體，中共轉型，互聯網出現，資訊普及，促成世界經濟全球化成為現實，全球經濟逐步開放，自由貿易推動下、商品、資本同勞動力不斷流動，仔細分工，好處是商品成本同效益急增，普遍提高咗地球村村民嘅生活水平；但壞處係，從此以後，整個地球所有地域結成一線，亦即係我哋習主席口講嘅「世界命運共同體」宣佈誕生，世上再無一個地域可以獨善其身，每一個國家必須依賴其他國家先可以生存同競爭，牽一髮動全身，有錢齊齊印，但係如果要受（好似今次疫情），就要大家一齊受，當中亦冇所謂無辜者同受害者。

♈所謂全球一體化，其實早已經喺我哋心中根深蒂固，記得小時候，睇日本動漫，面對外星人或其他勢力來襲，就有地球聯邦軍對應，好多時候，「地球」係以一個單位出現，大家無分彼此，並無國族之分，同心協力，對付敵人。當然戲劇只係人類一廂情願嘅幻想投射，真相係，全球一體化後，總有某些國家所獲得嘅利益高於大部分其他國家之上，就如《動物農莊》所言，森林裡嘅動物基本上係平等嘅，只不過某些動物比其他動物更加平等一啲。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/L1YEXxLX5ek

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（三百二十二回）
大軍閥平反系列

1918年8月底，徐世昌響北京安福系控制嘅新國會總統選舉中成功當選，成為中華民國大總統，馮國璋下野，並通電南北全國，要求所有人擁載新總統依法執政，段祺瑞同時下野，兩大軍事強人表面上退出政壇，但實情當然唔係咁樣，軍權仍然操縱喺直系同皖系軍閥手上，某程度上徐世昌只係一個德高望重嘅高級傀儡。

南方，暫時由桂系軍閥陸榮廷、唐繼堯操縱嘅廣州中華民國軍政府立刻有反應，宣佈是次總統選舉不合法，因為佢哋根本唔承認新國會嘅代表性，南方軍閥並致電徐世昌，要求佢唔好上任做大總統。當然徐世昌冇理會，10月10號正式宣誓就任。

9月1號發生咗件事，前衆議院院長，中國首席和理非湯化龍先生，響加拿大維多利亞港中華會館門前，比刺客行刺，身中兩場當場斃命，刺客係國民黨人，叫王昌。

湯化龍（1874-1918），湖北浠水人，係清末最後一科進士，兩榜正途出身，係清末到民初立憲派嘅頭號領軍人物，即係著名政治家、法學專家、社會賢達知識份子代表，1908年，34歲嘅佢就成為湖北諮議局議長，係清末時期立憲聲音嘅代表人物，辛亥革命後，佢擔任過北京臨時參議院副議長，1913年更響袁世凱支持下，當選成為國會眾議院議長，袁世凱洪憲稱帝，湯化龍則為保聲名，宣佈暫時退隱。

袁世凱死後，名流湯化龍復出，成為段祺瑞領導嘅皖系政客活動，響西原借款同對德宣戰問題上，湯化龍全力支持段祺瑞，張勳復辟失敗後，段祺瑞上臺執政，湯化龍任內務總長，成為佢一生所能到達最高嘅政治位置。後嚟1917年直系馮國璋得勢，湯化龍辭職，而響徐樹錚築建嘅「安福俱樂部」系統中，元老級人物湯化龍被新人排擠，於是佢失望之餘，去外國散散心，點知去到加拿大就出事，死嘅時候只有43歲，英年早逝。

湯化龍就係嗰類和理非非，認為一切嘅政治紛爭都係應該透過政治協商同妥協去解決（其實冇錯），萬事都有得傾，唔啱傾到啱，於是有皇帝嘅時代，佢就係最先進嘅立憲派開明派，但係到咗民國時代，時代嚮前行，開明變落後，湯化龍依種和理非，最後只係淪落成為政治黑手嘅職業政客，做咗舊「政治海綿」，作用係吸收淡化社會激進力量，成為一塊散水餅，專同老細食死貓，同香港泛民非常相似。

【常威近代史】（三百二十三回）
大軍閥平反系列

1918年10月10號，徐世昌喺北京宣誓就任中華民國大總統，同時與馮國璋舉行新舊總統交接典禮，同日徐世昌發表上任後嘅第一道命令，准予免去段祺瑞內閣總理職務，由內務總長錢能訓（1869-1924）暫行代理，北京政府實現咗馮國璋同段祺瑞同時下野，徐世昌上臺主政嘅局面。

實際上馮國璋喺事實上困倒咗段祺瑞；段祺瑞喺法理上擊敗咗馮國璋；可謂兩敗俱傷，鷸蚌相爭，一直處於清客地位嘅徐世昌坐收漁人之利，水晶狐狸果然名不虛傳。馮、段二人下野變成平民百姓後，再沒有政治官名法理嘅枷鎖，變返純粹嘅兩條大軍閥，所以積極備戰，大規模戰爭即將爆發。

事實上徐世昌嘅北京新政府（文人政府）權力非常有限，國會控制喺徐樹增背後指揮嘅「安福俱樂部」手中，段祺瑞先係影子總統，佢除咗積極培植自己嘅政治勢力，佢亦不斷牟取日本方面嘅資金、軍備援助、搏命發展自己軍事實力，控制由北京至天津，直隸一帶，勢力染指關外；馮國璋直系坐陣根據地南京，控制華中富裕地帶；東三省奉系張作冧如日中天；南方軍閥唐繼堯、陸榮廷、譚浩明、莫榮新、劉顯世、熊克武等人結成脆弱嘅南方聯盟，再加多個中華民國軍政府做宣傳機器；除咗皖系（北）、直系（北）、奉系（北）、桂系（南）、滇系（南）五大勢力外，仲有唔少軍閥割地稱王，好似閻錫山、馬福祥、馬麒等人，整個中國陷入軍閥割據時代大分裂狀態，七國咁X亂。

1911年辛亥革命後，滿清皇權倒臺，取而代之嘅並非「法統」，而係軍人政治，邊個有兵邊個惡邊個有槍邊個話事，其實又無錯，混亂時代當然要以暴力行先，今日香港亦唔例外，警權無上限，警察話啱，冇人夠膽話錯，從來所謂「正義」，「解釋權」都祇不過係操縱係揸槍嗰位仁兄手上。所以從來中國最高領導人，除咗要做「國家主席」、「黨總書記」外，最重要一定要兼任「軍委會主席」控制中國人民解放軍。

毛澤東曾經講過：「外國的資產階級政黨不需要各自管領一部分軍隊，中國則不同，由於封建的分割，地主或資產階級的集團或政黨，誰有槍誰就有勢，誰槍多誰就勢大……所以辛亥革命後，一切軍閥都愛兵如命，他們都看重了『有兵則有權』的原則。」（註一）

「有兵則有權」，即係「槍幹子出政權」。凡係共產主義者，都係唯物主義者，唯物主義者只相信經驗事實，唔相信理念概念化、虛無飄渺嘅嘢，所以中共執政，一定要牢牢手握軍權，絕對唔可以鬆手（99.9%控制率都唔可以接受），原則係紅軍始創者托洛斯基教毛澤東嘅。軍權除咗控制軍隊，仲有警察同紀律部隊，香港人要明白依一點，先能夠充分理解今日警權典解可以無限大？甚至浚駕政府其他部門同特首嘅惡劣局面。

1918年政治嘅腐敗，由另一件事可以睇得到，話說選出大總統後，仲要選個副總統。段祺瑞就想推舉傾向直系嘅曹錕做，以換取曹錕對「武力統一中國」政策或皖系嘅支持。但可能段先生黑錢唔夠派，或者安福俱樂部嘅議員畀其他人收賣咗（原則係：可以用錢收買嘅人，其他人同樣亦可以用錢收買佢），「安福系」國會議員經常缺席流會，令副總統選舉幾度流產。有一次，有人組團帶咗百幾個國會議員一齊去天津叫雞，企圖唔會出席國會副總統選舉。

1918年10月15號，衆議院議長王揖唐就派人去天津，「獵捕叫雞國會議員」，佢哋先去到天津各大旅館，見一個拉一個，再響各大妓院雞竇狩獵國會議員，全部押上車禁錮，被捕嘅國會議員，連夜用八輛汽車運回北京，「被」參加第二日嘅副總統選舉。

淨係睇呢一場「狩捕議員」鬧劇，就知道當時嘅政治腐敗程度，逃避選舉，但選擇叫雞？老實講，議員叫雞其實天經地義（原則係：邊個有錢人唔叫雞？），但議員叫雞亦係死穴，傳聞今日香港，之前就有唔少立法會議員及其家屬因為喺大陸衰叫雞，而比上頭捉住痛腳，不過傳聞啫，未必係真，議員們佢哋人格咁高尚，又點會叫雞呢？

不過段祺瑞嘅想法始終未能實現，因為政治分贓不勻，大家各有所需，曹錕始終做唔成副總統，奉系張作霖亦自動放棄（醒目），副總統之為暫時懸空，冇咗副總統阻手阻腳，水晶狐狸上臺之後，第一時間反轉豬肚，推翻段祺瑞「武力統一中國」嘅尚武政策，尋求南北和解之路。睇返段祺瑞嘅政治生涯，真係行得幾崎嶇，或者佢真係一個好軍人，但絕對唔係一個做政治家嘅材料。

正當呢班仆街冚家剷契弟操縱汙糟邋遢政治同時，一班好有遠大理想品格高尚嘅知識分子（註二），正在中國境內積極傳播馬克思恩格斯，1918年10月31號，後嚟成為中國共產黨第一任領導人嘅陳獨秀同李大釗響北京組織社會主義研究會，布衣毛澤東亦喺湖南長沙繼續宣傳共產主義，而中共另一個最重要嘅人物周恩來，正在日本學習，積極用知識武裝自己，思想日漸左傾。

註一：毛澤東，《戰爭和戰略問題》，《毛澤東選集》第二卷，人民出版社，1952年，第534頁。

註二：品格高尚者，不代表不叫雞。

#常威 #大軍閥平反系列  #大軍閥 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道241回：大清亡國關 #有效管治 蛋牛治】

♐一場瘟疫到來，全地球人被殺個措手不及，中國爆完，到歐美爆，執筆之時，而我敬愛嘅威爾斯親王查理斯王子都中招，我忽然之間發現，原來歐美地區已經有好多名人中招，除咗足球員同NBA球星，仲有唔少政客名人紛紛瀨嘢，皇馬前會長仲瓜埋！連去西班牙愛斯賓奴踢波嘅中國球員武磊都領嘢？病毒真係無分國界，亦唔分階級。

♊但有一點大家有冇留意到，中國冇乜名人中招，統治階層更加唔使講，當然有一個可能性係我哋根本唔係好識中國啲名人係乜？但係亦都可以反映出中國真係好厲害，至於係邊一方面厲害？係抗疫工作做得好好？抑或係新聞封鎖做得好好？我並唔知道，但大部份香港人一定相信係後者。

♈事情發展到現在，美國開始牽動全世界向中國追究責任，所謂「spearding virus」同隱瞞訊息，美國仲打算向中國索償，當然索償問題只係外交辭令，純粹打嘴炮，但係煽動仇恨中國情緒就昭然若揭。全球排華情緒喺可見將來必然昇溫，身為中國人（香港特別行政區揸住特區護照嘅中國人），我當然唔希望見到，因為火燒連環船，殃及池魚對香港人一啲好處都冇。最近新聞，已經有唔少東方面孔響歐美被西人襲擊，真係睇見都驚……

♈今次疫情，亦證實咗我最喜愛嘅歷史學家霍布斯邦嘅講法，歷史的確係冇人可以預見，廣東人叫「鑊鑊新鮮鑊鑊甘」，但唯一可以預測嘅係，凡事凡物包括歷史進程在內，必定朝向壞嘅一方進發，人類並唔係飛蛾，唔懂得撲向光明，天性係擁抱黑暗。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/eM2jdnK52tQ

【常威近代史】（三百二十四回）
大軍閥平反系列

從段祺瑞、徐樹增埪制嘅貪污腐敗嘅「安福國會」出現，到上節講過嘅「天津狩捕叫雞國會議員」事件，都可以反映出當時嘅北京政府國會，政客腐敗嘅本質，其實呢班政客，全部都係由滿清皇朝過渡到民國，內裡有前朝官員、知識分子、老闆股東、大學教授同革命英雄，全部係社會上嘅精英分子（起碼識字），或叫做社會賢達，任何一個社會都需要呢班社會賢達做樁腳，去維持政權穩定性同合理性。

香港亦都唔例外，其實所謂精英階層社會賢達，通通都係既得利益者，代表住整個社會上唔同利益版塊或佢哋幕後金主嘅利益而從政。有時候，一個社會嘅墮落同貪腐，往往就由呢班社會賢達一手造成。其實佢哋以「政客」作為職業，性格「仆街」亦都無可厚非，因為「仆街」本來就係政客嘅本質之一，世界上冇唔仆街嘅政客，亦冇唔同客人上床嘅雞，問題只係價錢問題，錢唔夠咪齋打飛機囉。

滿清王朝嘅中國，係一個以儒家哲學禮教系統運行嘅古老帝國，雖然儒家哲學係條又臭又殘嘅阿婆紮腳布，但係儒家哲學傳統嘅道德枷鎖，或者讀書人仕大夫嘅懶高尚情操，唔多唔少仲能夠做成小小「狗鍊效果」，即係話隻衰狗仲有條狗鏈鎖住，唔會周圍痾屎同咬人。但係隨住滿清王朝崩潰，傳統儒家哲學意識形態大廈倒塌，條狗鏈終於唔存在，全部人撕去人皮外表，周街痾屎同咬人，實屬正常。

有人講政治唔講意識形態，其實全部錯曬。

政治本身就係意識形態嘅實質伸延，任何政權存在都要一套意識形態響背後配合。民國初年，大家信仰嘅係民主自由法統，但其實個個一知半解，當時大部份人見到嘅、羡慕嘅只係對岸日本如何強大起來，脫亞入歐，躋身西方列強之列，至於真正自由民主法治為何物，其實冇人知道亦冇人想知。況且日本強大，正正就係佢唔係行真正嘅民主制度，心中冇「天皇」呢個概念存在嘅中國人將日本當成藍本嚟模仿參照，唔死有鬼？

儒家哲學唔work，民主自由法統又得半桶水？點算？所以一場新嘅文化意識形態運動，亦響咁嘅背景下全面興起，四億中國人民（或者只係小部分精英階層知識分子），要重新找尋信仰同價值觀，結果有一部份人睇見列寧托洛斯基得咗，從西方意識形態超級市場貨架中搵到「馬克思主義」同「共產主義」信奉，堅定不移奉為圭臬去建造新世界。

但由始至終，我常公子都唔覺得中國人真係信奉過馬克思主義，大家要記住一點，「信」還「信」，「用」還「用」，兩回事嚟嘅，洋務運動期間，就有人提出「中體西用」，體、用未必要合一。正如信耶穌有飯派，就個個去信耶穌，唔係因為真心相信耶穌係救世主，而係因爲要食碗飯。

【常公子歷史頻道242回：大清亡國關 #五族共和 蛋牛治】

♐疫情發展自今，的確出乎我意料之外，尤其是歐美國家嘅情況，相當令人憂慮，蘋果爛掉，似乎已經唔係今日嘅事，整個歐洲自從2008年金融海嘯之後，一直冇辦法復原，維持表面風光，直至今日大家終於睇通睇透，一場大瘟疫，完全清楚反映，希望全地球人能夠大步檻過，重新出發再上路。

♐當然對中國至今仍然未能坦白疫情，我係相當失望。作為世界第二大經濟體，理應履行大國任務，向全世界展示國格為何？可惜「鬥爭意識」仍然根深蒂固喺某啲人心裏，東西方冷戰格局，由21世紀重新出發，未來會否越演越烈？情況令人相當擔憂。

♈由上世紀80年代開始，新自由主義橫行世界，全球一體化格局形成，加上21世紀互聯網普及，connect全世界，國家與國家之間嘅界限，應該漸趨模糊，所謂東西方分野，亦應該唔存在先啱。但事與願違，情況並非想像一般咁發生？責任在誰身上？歷史會係100年後講畀我哋知道，到時我亦唔會存在喺個世界上。

♐響應政府呼籲，我亦會長時間留在家中工作，儘量唔出街，香港嘅情況，似好非好。今次全地球人共同面對嘅敵人，唔係一個普通嘅敵人，病毒傳播力度強大，似乎並非之前全人類所能預計得到，以目前所能夠睇到嘅事實，係香港嘅外放型經濟將會受到前所未有嘅巨大衝擊，整個2020及2021年，大家一定會非常艱難。上一次2003年沙士重病之後，有一劑「自由行」重藥救港，當然落重藥，就一定會有嚴重後遺症，今次呢？我暫時未見到曙光。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/SV3TVV0kGEY

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

首先比利時、羅馬尼亞、波蘭、烏克蘭同波羅的海各國國境內嘅德軍被清空；德意志、俄羅斯、土耳其帝國（或叫奧斯曼帝國、顎圖曼帝國）勢力被嚴重削弱；奧匈王朝被完全摧毁，匈牙利、保加利亞版圖縮小，大英帝國亦失去咗愛爾蘭嘅大部分；有新嘅國家被建立，奧地利同匈牙利分裂成兩個國家；塞爾維亞人達成咗佢哋嘅目標，建立咗一個南斯拉夫族嘅國家；克羅地亞人、斯洛文尼亞人、波斯尼亞嘅穆斯林都建立咗自己嘅國家；捷克、波蘭、立陶宛、拉脫維亞、愛沙尼亞同芬蘭成為獨立國家；意大利嘅版圖擴張咗；法國收復咗自1871年失去嘅土地。英國同德國亦都擴大咗殖民地嘅範圍，佢哋託管嘅名義接收咗敵國先前擁有嘅殖民地，敘利亞同黎巴嫩歸法國；伊拉克同巴勒斯坦歸英國，英國仲係當時致力係巴勒斯坦上建立一個猶太民族地區，亦即係後來以色列的前身。整個歐洲，勢力重新被分配，總括而言，最大得益者係英國同法國，而輸得最慘嘅就係奧匈帝國、顎圖曼帝國同德國。

而協約國另外兩個成員，日本同中國，響當時只係塘邊鶴角色，並唔係重心，尤其是中國，有分出席去開梵以賽會議，其實已經執到。第一次世界大戰結束，其實仲有一件事發生，就係美國已經成為英國作為世界銀行中心、貨幣中心嘅對手，美國亦已經企喺全球超級經濟強權嘅門檻之上，當時美國嘅威爾遜總統構想以「國際聯盟」同「國際法」為基礎嘅「世界新秩序」亦已經得到實現。

總括一句，1918年11月，整個世界秩序已經改變，德國被抑壓，英國同法國亦響一戰中損失慘重，國力開始走下坡，俄國變成咗共產主義國家。而美國同埋日本亦因為其他國家勢力削弱而高速崛起。所有人亦以為，混亂已經結束，但係冇人知道之後嘅世界，流血將會更多更多……

【常公子歷史頻道243回：大清亡國關 #民國成立 蛋牛治】

♐伊索寓言有一個叫「狼來了」的故事，內容唔想重複，故事嘅教訓係，如果你成日講大話，就會冇人信你。今次瘟疫，全世界大爆發，感染數字以幾何級數上昇，世界各國開始將矛頭指向中國，話罪魁禍首就係中國喺疫情爆發初期隱瞞真相，中國究竟有冇隱瞞疫情？或者佢哋公佈嘅感染數字或死亡數字係真唔係？相信唔使多講，香港人或國內嘅人一定明白。

♊尋日湖南火車出軌，導致4節車廂翻側，車頭着火。當局表示，事故最少造成1人死亡、4人重傷、123人輕傷。你又信唔信？反正我就相信了。容許我再引用索忍尼辛的一段名言：「我們知道他們在說謊，他們也知道自己是說謊，他們也知道我們知道他們在說謊，我們也知道他們知道我們知道他們說謊，但是他們依然在說謊。」

♉其次，鄧小平說過「實踐是檢驗真理的唯一標準」，疫情在歐美先進國家爆發，情況一發不可收拾，對比之下，武漢發生嘅疫情，官方數字造假嘅可能性一目了然，難道你認為武漢嘅醫療系統會比紐約同倫敦先進同有效？

♉冇人希望係一個謊言嘅社會裏面生存，因為唔能夠接觸到真正資訊，對自身存在係一件非常危險嘅事情，口裏說不，身體卻很誠實，較早之前海底撈老闆已經成為新加坡公民，早幾日中國又有一個百億富豪移民加拿大，入籍成功，有你冇你，走咗先算，走唔甩嘅人，唯有用幻想安慰自己，畢竟都係人之常情。世界畢竟亦都衹是人類幻想出來嘅事物，閉上眼，世界可以不存在。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上3000訂戶！

🍳https://youtu.be/mEsrSPsBetk

👉最新上架⏩【常威近代史】第四部《霹靂大忠臣對決無敵大買辦》Round One
https://play.google.com/store/books/details?id=Np3PDwAAQBAJ