【大清亡國關慈禧蛋牛治】第一回

【191回：大清亡國關 #君主立憲 蛋牛治】

♉發生響1906年慈禧太后提出嘅君主立憲運動，其實係滿清統治階層為咗回應民間不斷升溫嘅反對聲音而提出嘅降溫手段，當然係唔見棺材唔流眼淚嘅措施，如果清帝國識得響1860年，同日本一齊起步搞君主立憲政體，我諗成個世界歷史都會改變咗。歷史無如果，十九世紀日本人能夠放棄一切傳統文化、全面擁抱西方價值，因為佢哋冇文化包袱。而當時清國人，或者叫中國人，永遠覺得自己嗰套儒家哲學體系天下無敵，係世上最高端嘅政治行政產品。講真，如果真係得，就唔會之後搞到一鑊泡。

♊今日香港，仍然有唔少人好愛好擁護中國文化，好反西方文化，覺得洋腸都係唔好，係我哋自己中國人嗰套嘢先啱我哋中國人自己，對於有依種睇法嘅人，我冇嘢可以補充，我亦唔會同佢哋講道理，亦唔會嘗試扭轉佢哋嘅心態，畢竟人各有志，各有所好，百貨應百客。我覺得西方文明比中國文明優越，只係我自己嘅想法，我都可能會錯。

♑中國文化或者儒家哲學係咪好東西？其實我答你「係」，只不過要深切去理解儒家哲學嘅好處同埋深度，需要嘅文化背景比較強，簡單啲講就要讀多啲書，睇得明唐君毅牟宗三，你先至可以明白儒家思想係一個幾咁優越幾咁高尚嘅文化系統。否則流於表面，不求甚解，淪為教條主義，或接收埋當權者畀你嗰啲錯誤信息，你就只會得到儒家哲學唔好嘅嗰部份，啲堅嘢，你永遠無辦法得到。

♑西方文化優越之處，在於簡單易明，自由、民主、公義、三權分立……每一樣事物都非常容易理解，亦都切合人性所需。總括一句，中國文化的確係博大精深，但係問題在於深得濟、型過龍。要如實理解，其實好艱難，亦有好高要求，普通人應該做唔到，既然係咁，不如乾脆退而求其次，擁抱西方文明同普世價值，其實係一條簡單有效易明嘅道路。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/sOniCAWd-sM

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【192回：大清亡國關 #岳飛 蛋牛治】

♉由今年6月9號一場反修例200萬人大遊行開始，香港進入一個全新時代，逆權運動遍地開花，而且越演越烈，暴力不斷升級，社會撕裂情況非常嚴重，黃藍兩邊完全冇偈傾，呢個亦都係發生喺我身邊嘅事情，早幾個月，雖然大家政見唔同，但都可以進行討論，但發展到今時今日，我實在冇辦法認同某些朋友嘅政見，畢竟人命關天，所謂道不同不相為謀，大家只有少啲見面，或者見面嘅時候避開政治敏感話題，唯有咁樣，亦都非咁樣不可。

♐早幾年，喺網絡上成日俾人笑嘅「勇武派」，或者叫「焦土派」到今日成為運動主流形式，「攬炒」漩渦已經形成，社會經濟深受打擊，年尾就快到，相信裁員結業核彈亦會好快爆炸，明年2020年會變成點？應該冇人會預測得到，我個人並不太悲觀，畢竟重新洗牌未嘗唔係一件好事，所謂有危先有機，太平盛世，通貨不斷膨脹，樓價上昇到兩萬蚊一尺，完全脫離一般市民嘅承受能力，其實先至最得人驚。

♏而家上街抗爭嘅年青人，好多都同我抱有相同諗法。太平盛世，其實邊有機會向上爬？既得利益者永遠肚滿腸肥，佔據有利位置者亦永遠唔會願意主動離開。處於食物鏈嘅最低層，其實冇嘢好輸，細訴歷史，上一個世紀90年代機會處處，其實都係因為一場8964，六四事件令好多香港人對中國共産黨失去信心，於是擁有資產者高薪厚職者紛紛移民加拿大，人走咗就有位置空出嚟畀後面嘅人上位，真相殘酷但係天經地義。

♑地覆天翻，時勢出英雄，火鳳凰終於會浴火重生，身為土生土長嘅香港人，我完全未驚過。未來一定更好，大家唔好悲觀，身處亂局當中，當然會擔驚受怕，但係亂局過後，日月自然就會換新天，未來一定會更好，唔知你信唔信呢？反正我就相信了。我常公子係一個樂觀主義者，我喜歡讀歷史，因為歷史上邊發生嘅事情，會令你更明白今天面對嘅嚴峻局面……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/RWESu7D0zC4

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

滿洲人亡國咪好囉

【193回：大清亡國關 #馬騮甩繩 蛋牛治】

♉常公子嘅香港近代史暫停一個禮拜，儲下稿先，今日繼續出蛋牛治，大清亡國嘅故事講到，慈禧太后為咗平息社會上嘅革命聲音，於1906年開始搞君主立憲回應國民，冇錯，你冇聽錯！當日嘅慈禧太后真係回應咗國民嘅訴求，大清國民要求開放政體，慈禧太后就答應開放政體，推動君主立憲運動，至於點樣開放幾時開放？拖唔拖你？做唔做得足十成？係另外一回事，總之你有訴求，我就嘗試回應你。

♑今日香港，民間嘅訴求已經好清楚，但政府嘅講法係「佢哋唔會屈服」？其實我好唔明，政府係為人民服務，人民嘅訴求就係政府應該做嘅嘢，邊有話屈服唔屈服？大家係公平嘅，你寄張稅單嚟，我照足稅單上嘅銀碼去交稅，平日奉公守法，有盡公民義務去投票，做足一個公民嘅本份。咁，我對你有訴求係合情合理，你要回應我嘅訴求，
亦係你嘅責任同本份，乜嘢叫做屈服呀？林鄭月娥你忽上腦嗎？

♉今日特區政府嘅問題，就係領導階層永遠覺得自己冇做錯，永遠覺得自己係做得最好，你哋班柒頭，以咁嘅身世同知識水平辦事能力收世上最貴嘅公務員人工，其實撫心自問，你哋醜唔醜？放你去美國，我諗你連做一個聯邦政府中級公務員嘅資格都冇，既然有高薪厚職，反而唔去好好檢討自己，永遠覺得自己嘅能力天下無敵，覺得所有問題係市民嘅問題。如果真係，之前個社會就唔會累積民怨？樓價亦都唔會升到二萬蚊一尺？你哋真係冇責任，Sorry，我唔覺喎，如果所有問題都係市民嘅問題，如果一切問題可以由市民自行內部協調解決，你哋班柒頭亦都冇存在嘅價值……

♍如今社會民怨沸騰，動盪不已。但係統治階層冇人問責、冇人落台、冇人認錯、其實係一個奇蹟。實際上，冇人要推翻呢個政府，普羅市民只係想政府回應訴求，大家以一個合情合理嘅態度，和平理性去解決深層次問題，永遠淨係識得以硬碰硬，以暴制亂，與民為敵，製造撕裂，香港冇運行，其實又係理所當然。

♊其實道理好簡單，並唔複雜。你哋係要用你哋嘅智慧同能力去解決香港現今嘅問題，唔好將個波傳去市民腳下，因為收緊二十幾三十萬港幣一個月人工的人係你哋，並唔係我哋。


♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/Phw6zQuiM50

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百七十一回）
袁世凱平反系列

香港人加油！

政治係為解決當前問題，並非要解決長遠問題。

每個人都知道一個自由民主行嘅法統社會係最正確嘅選項，但係行自由民主法統能否解決當前嘅問題，又係另一回事。1911年辛亥革命後，中華民國曾經嘗試行法統，行議會政治，但所面對嘅嚴重問題並冇辦法解決，國家陷入分裂狀態，軍閥各據山頭，經濟不景氣，人民民不聊生，分裂主義抬頭，政黨內鬥不絕，國力嚴重內耗，袁世凱中央政府權威無法建立，引發外來敵人放肆侵略，日本人以21條吞拚東三省，已經係一個嚴重嘅信號。

所以放喺袁世凱眼前嘅問題係，要如何處理亂局呢？佢更加會諗，究竟自由民主係咪適合中國人？會唔會行返帝制，情況會好返少少？用現代人角度，你行帝制梗係十惡不赦開倒車。但1914年嘅世界，其實大部份西方強國都係行緊帝制君主立憲，例如英國、日本、德國、奧匈帝國同鄂圖曼帝國（奧斯曼帝國），全部都有皇帝，有啲係虛君，有啲係實君，真正行緊自由民主議會政治嘅強國只有美國同法國。

所以袁世凱選擇回歸帝制，用當時人嘅眼光，並唔係一個離經叛道、完全唔能夠接受嘅選擇。正如今天嘅中國，有唔少人都擁護中共極權統治，如果習近平未來稱帝，相信支持嘅人亦有唔少。畢竟最緊要有飯開，只要社會經濟欣欣向榮，中國人理鳩你行乜撚嘢政治制度？大部份人嘅生存邏輯係，你寧願喺極權世界有啖飽飯食？抑或係一個民主自由嘅社會裡面挨餓呢？（請各位喺心裡面認真答我依個問題），呢個世界嘅嘢，共富貴好容易，共度時艱睬你都有味。中國人無辦法打破依種實用主義嘅迷思，永遠冇辦法邁向自由民主之路。

1915年中，雖然袁世凱身邊有唔少人唔支持佢行帝制，佢手下第二號大將段祺瑞，甚至以辭職明志，但似乎袁世凱已經決定咗要搏一鋪。袁世凱唔係一個普通政客，我個人相信，佢行帝制一心係想解決國家當前嘅問題。後世歷史學者講佢係野心作祟，做皇帝係為咗謀求更高嘅權力，千秋萬世，完全係自私自利嘅行為。但係我覺得依一個判斷可能有錯，畢竟無論以任何形式或身份，以袁世凱當時坐擁嘅軍事勢力，佢已經喺中華民國中權力最大嘅一個人。大刀闊斧改革政治體制，可能一心只為國家好、為人民生活好。當然做唔做得到，又係另一回事。

1915年6月，有好消息沖喜吓，就係外蒙古庫倫活佛哲布尊丹巴（1869-1924）宣佈取消外蒙古獨立，自1911年辛亥革命之後，庫倫活佛一直喺俄國暗中支持下，玩緊外蒙古分裂活動，企圖建立一個獨立國家蒙古國。但係1915年佢停止佢嘅分裂活動，願意接受中華民國大總統袁世凱嘅冊封，暫時留響中華民國聯邦。當然大家都知道外蒙古到最後都係分裂咗出去成為獨立國家直至今日，不過已經係以後嘅事。要記得一點，守住外蒙古領土嘅人係袁世凱，而放棄外蒙古嘅人係蔣介石。後世歷史調轉嚟講，係顛倒黑白是非。

6月份，仲有一件重要歷史事件發生，由蔡元培（1868-1940）、吳玉章（1878-1966）等人，響法國首都巴黎組織「勤工儉學會」，以「勤於工作，檢於求學，以增進勞動者之智識」為口號，招攬中國青年前赴法國半工讀。自從1912年起，中華民國陸續派遣留學生赴法求學，第一次世界大戰期間，法國響中國招募華工，留喺法國嘅中國人數目激增，「勤工儉學」運動自此逢蓬勃興起。21條出現後，去日本留學已經唔係大潮流，要去就去法國！

點解要提依壇嘢？因為呢場「勤工儉學」運動打造咗一個歷史巨人，1920年，一個16歲嘅中國中學生，就去咗法國勤工儉學，佢響法國冇乜讀過書，主要搞學生運動，佢喺當地認識咗周恩來，更加信奉咗共產主義，加入共產黨，佢個名叫鄧小平。事實上，「勤工儉學」運動係中國共產主義發源嘅溫床，唔少曾經去過法國勤工儉學嘅學生，後嚟返番中國，都成為中國共產黨嘅中堅。

7月，珠江上游出現堤圍崩缺，加上暴雨連場，中國南方邊陲第一大城市廣州，出年有史以來最大一場天災大浩劫，廣州居民死傷3000人以上，房屋損毀2000間，財物損失達到200萬兩白銀，似乎上天警示，即將有重大歷史事件發生。

要採取深度嘅政治改革，必須有民意支持，就算你係極權統治，亦唔可以將民意完全不理。袁世凱行帝制，如箭在弦，1915年8月，中華民國國內出現咗一個「籌安會」，就係發動民間輿論力量，支持袁世凱改朝換代，行洪憲帝制。

下一集，我哋會講講呢個好似今日香港「愛港力」、「為港發聲」嘅由政府背後資助、民間五毛政治團體「籌安會」點樣搖旗呐喊，將中華民國拉返向帝制。細讀歷史，的確令人回味無窮，駕駛高達嘅阿寶（阿姆羅·雷、アムロ・レイ，Amuro Ray）講得啱，人類總係不斷重複錯誤，直至今時今日，毫無進取。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【194回：大清亡國關 #憲法大綱 蛋牛治】

♉1908年清帝國頒佈憲法大綱，為君主立憲作好法律準備，憲法大綱一開始，就講出人民有集會結社嘅言論自由，而且採用西方三權分立制度。悲哀嘅係，110年過去，所有當時憲法大綱講嘅嘢，仍然未曾響現代世界中國社會落實。

♎三權分立係西方民主自由制度嘅基石，行政、立法、司法三權各自獨立，互不干涉，係一種良好嘅制度。近年有唔少香港人，反對這種已經行咗幾百年嘅有效政治社會運作制度，因為行政可以干預司法同立法，所謂三權，最後要為最高政權而服務。對於有這種想法嘅人，我冇嘢可以補充，既然佢哋可以認為入後波可以高速行曬成條屯門公路，我實在冇嘢可以講，「開倒車」係近年香港社會嘅常態，復古似乎係大潮流趨勢，過多一段時間，行返帝制或者君主立憲一啲都唔奇。因為真係好多中国人真心相信，中国真係需要有皇帝管治。袁世凱當年行番洪憲帝制嘅想法可能根本無錯，只不過佢係行得太前。

♉世界上並無一種政治制度係完美，哲學概念，世界上亦無一樣事物係絕對完美，西方三權分立當然亦有佢缺陷嘅地方，自由民主亦都好容易會產生「民粹社會」。思考世界和人生，並唔係要思考「那種東西那種選擇才是最好」嘅問題；而係要思考「那種東西那種選擇所帶來的壞處是最少」嘅問題，即所謂「兩害選其輕」。

♉比較「自由民主」同「極權統治」，壞處當然係前者比較少，呢個就係我選擇前者嘅理由，我並唔係話「民主自由」係世上最好係天下無敵，但係比較「極權統治」，前者無疑係優秀百倍。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/Rl-OzpB7588

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百七十二回）
袁世凱平反系列

香港人加油！

大家其實有冇諗過，所謂「民意」究竟係乜嘢嚟？所謂一個社會民心嘅共同取向，或大部份人所持嘅社會共識，究竟又係乜嘢嚟？統治階層要推行一切政策，無論係極權社會都好，其實都需要民意支持，換句話說，即係普羅大眾要支持你。

但係真相係，普羅大眾大部份都係中性，缺乏獨立思考能力，佢哋相信嘅事物或觀點，係可以被技術操縱，依一種叫意識形態操控技術，今日世界，只要你能夠控制傳媒同出版、或者互聯網，就能夠輕易控制民眾嘅思考方法、輕易能夠過濾畀民眾知道嘅資訊、從而控制民眾嘅意識形態，已達到統治階層嘅管治目的。cctvb做緊，蘋果日報都做緊，響古代，我哋叫「愚民政策」。我講過，大清帝國康雍乾盛世三代唔肯同西方文明接軌，好有可能係唔想民眾聰明起嚟，因為民眾一旦太聰明，愚民政策就唔work。

去返1915年，袁世凱稱帝如箭在弦，佢需要民意支持。但當時嘅世界，所謂民意更加虛無縹緲，全國人口之中，有95%以上仲係文盲，佔總體人口極小部份嘅統治階層精英階級，其實就係民意所在，普羅大眾其實識條鐵。袁世凱幕僚之內，已經有好多人反對復興帝制。我諗袁世凱當時抱住個心態係，你淨係識反對，咁你有冇辦法提出一個新嘅方案去解決問題呢？自由民主法統，行咗幾年，一鑊泡，國家陷入經濟不景同分裂狀態、外國勢力入侵，咁點樣搞落去先？

今日嘅香港都係一樣，大家對目前嘅環境同社會制度都極度唔滿意，咁解決嘅方案究竟係點？變就一定要變，我個人覺得「香港獨立」唔係好嘅選項、亦都係一個冇可能實現嘅選項，「美國」「英國」我基本上信唔過，儘快履行基本法承諾香港嘅「雙普選」，真正落實高度自治，港人治港，可能係一個比較好嘅方案。（我咁講，又有冇操縱緊你嘅意識形態呢？）

復興帝制，喺袁世凱當時選擇嘅解決問題方案，佢要重新塑造權威，等中國出現一個類似明治天皇、英皇同德皇之類嘅角色，以無尚威權，響全國分裂狀態中追求統一同最後的仲裁權力。後世歷史學者以「野心」兩個字囊括袁世凱所做嘅一切，無疑太膚淺。

1915年8月14號，立憲派政客楊度（1875-1931）串聯孫毓筠（1872-1924）、李爕和（1873-1927）、胡瑛（1884-1933）、劉師培（1884-1919）及嚴復（1854-1921）六個人，響北京舉辦咗一個組織，叫「籌安會」。呢六個人，都係當時社會上邊響噹噹嘅知識分子，一代奇人虎禪師楊度你可以唔識，但係嚴復一定要聽過，佢係大清帝國北洋水師學堂嘅校長同創辦人喎。籌安會發表宣言，支持帝制，並聯名通電各省，邀請各省代表（當然係自己友）嚟到北京，共商國事。

袁世凱憲法顧問美國人古德諾先生（1859-1939）同時發表《共和與君主論》，支持袁世凱復辟帝制，籌安會之首楊度亦獲袁世凱接見，8月23號，「籌安會」響北京石駙馬大街正式宣佈成立，上述六人，史稱「籌安六君子」，佢哋支持袁世凱做皇帝，係三毛五毛，佢哋立會嘅宣言中有以下嘅講法，可供參考：

「我國辛亥革命之時，國中人民激於情感，但除種族之障礙，未計政治之進行，倉猝之中，制定共和國體，於國情之適否，不及三思，一議既倡，莫敢非難。深識之士，雖明知隱患方長而不得不委曲附從，以免一時危亡之禍。故自清室遜位，民國創始，絕續之際，以至臨時政府正式政府遞嬗之交，國家所歷之危險，人民所感之痛苦，舉國上下，皆能言之，長此不圖，禍將無已。」（註）

一句到尾，自由民主法統唔得，唔啱中國人國情需要，「籌安會」嘅意思係「以『籌』一國之治『安』」，社會需要穩定，更加需要秩序，唔可以亂，要穩定壓倒一切，袁世凱做皇帝，佢係救世主，將會普度眾生，理所當然。

講真，《籌安會》只係袁世凱背後策劃嘅宣傳機器，民意被製造出來，國家機器全力配合宣傳下，響社會製造輿論，一時間北京城內唔同團體紛紛拿拿臨企出嚟站排支持帝制。

呢啲場面，大家應該一啲都唔陌生，100年前咁發生，100年後嘅香港，一樣係咁發生。是非黑白可以顛倒，總之講出嚟就有人信，有人肯掟錢宣傳，就會有一定效果，情況同相信飲檸檬水雙氧水可以治癌一樣，正如1915年只有8歲嘅納粹宣傳大師Joseph Goebbels戈培爾（1897-1945）講過，只要謊言不斷重複，就會成為事實。歷史講畀我哋知，中國人仍然處於100年前嘅思想狀態，就係咁解。

做人，真係要讀多啲書。《籌安會》嘅楊度，係一個要講吓嘅奇人，我哋下次講講佢。

註：《籌安會成立宣言》，見《君憲紀實》，北京，法輪印書局，1915年。

#常威 #斷送共和關袁世凱蛋牛治  #袁世凱 #民國歷史

【💣香港關 #中英聯合聲明 腿蛋治 第十七回 #現代化之旅】

♒《香港關中英聯合腿蛋治》第17回相隔了一個禮拜先同大家見面，兄講聲對唔住。今集我會講麥理浩1979年嘅北京之旅，同鄧小平見面，依一次，亦都係中英兩國關於香港1997問題拉開嘅序幕。

♐對英國同中國嚟講，香港從來都一個辣手嘅問題，97年前，英帝國為咗點樣光采地放棄香港嘅殖民統治，費煞思量。97之後，中華人民共和國亦都因為想順暢管治香港，而費盡心神。香港理所當然地、因為歷史問題，變成咗形勢極度複雜嘅一個地區。呢個情況到今日仍然冇改變過，2019年發生的連串混亂事件，其實統統都係歷史遺留落嚟嘅問題，九七回歸22年，其實好多問題一直冇解決過，只是大家對問題本身視而不見，以為隨著時間嘅推移，問題就會自行解決。但真相話畀我哋知，呢個並唔係正確嘅認知，香港嘅問題從1997年不斷累積，由上一代人延續到新生代，終於發展到今時今日嘅混亂地步。

♈綜合各種原因，我會認為香港今日嘅問題其實冇辦法解決。其實當年雄才大略嘅鄧小平已經提出最穩妥嘅解決方法，就係十二個字：「一國兩制、港人治港、高度自治」。中華人民共和國只係處理香港嘅國防同外交，其餘一切事務交由香港人高度自治，2047年前，50年不變，有乜嘢50年後先講。對於鄧小平嘅想法，有識之士都會明白係一種卓越高見。

♉可惜鄧小平1997年前已經西遊，偉人留低嘅說話同指示，後繼嘅人似乎並無絕對遵從，由21世紀開始，中國不斷插手香港事務，所謂「港人治港、高度自治」其實並唔存在。香港今日出現亂局，其實係大家違背咗鄧小平留低嘅指示同意願。而家搞到「要放棄一整代人」？拉曬啲年青人？撫心自問，其實究竟係邊個嘅責任呢？

♋有一個問題要搞清楚，從來社會出現混亂，責任並不在於普羅市民身上，而在於統治階層。但今日香港，統治階層成日擺出一個姿態，係佢哋冇錯，凡事已經做得好好好perfect。祇不過係社會上太多「刁民」同「暴民」，身在福中不知福，刻意搗亂。言下之意即係話責任喺民眾身上，並非係統治階層嘅錯。對於依種不負責任同傲慢嘅講法，我冇嘢可以補充，我亦非常歡迎佢哋用呢種唔願意承擔錯誤嘅態度管治落去，因為炸彈一日唔拆，始終會一日再爆。

🇬🇧https://youtu.be/9o0hMdB-aTM

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百七十四回）
袁世凱平反系列

繼續講公共知識分子楊度。

1906年，楊度一下子成為清國嘅憲政專家，用今日嘅學術標準，以佢嘅學歷（degree都冇個），真係好難backup同有說服力，不過有陣時嘅嘢，你識我唔識，大家鬥吹，只要行快人一步，邊個都可以成為專家。

同年楊度發表14萬字巨論《金鐵主義》，其實所鼓吹嘅係半個「軍國主義」，佢解釋西方列強嘅強大，由於擁有巨大經濟力量同軍事力量，要達到呢個目標，必須行「君主立憲」，全力發展工業（金）同擴軍（鐵），佢又喺同一篇文章中，首先提出「五族共和」依一個政治理念，其實亦為之後辛亥革命中華民族嘅建立打下基礎。

一登龍門，升價十倍。1907年佢響家鄉湖南組織湖南憲政公會，起草《湖南全體人民民選議院請願書》，上奏北京，領導潮流，開創咗民主請願上訪運動嘅先河，之後袁世凱同張之洞聯合保薦陽度，進京做個四品大官，更加由佢向一衆滿清皇族權貴演說立憲精義，一時之間佢由一個普通讀書人變成一個「奇人」，搭直升機直通上天，人生嘅際遇，真係不可思議。

好多年後，又一個人出名搭直升機昇天，佢係四人幫嘅王洪文（1935-1992），佢由一個毫無官場背景嘅普通上海工人，因為一場文化大革命，因為全力實踐毛主席階級鬥爭精神，短短幾年間，撈到中國共產黨中央委員會副主席同中央政治局常委，睇返成個中共黨史，真係絕無僅有。今時今日，你冇水冇背景冇人撐腰，你想進入統治階層權力核心，我諗你一定發緊夢。你睇根正苗紅嘅董建華同梁振英咁叻，都只係撈到政協主席同政協副主席咋。

有陣時，天下大亂有天下大亂嘅好處，太平盛世就會階級分明，英雄莫問出處，亂世先有英雄。

1911年成立嘅「皇朝內閣」中，楊度做到統計局局長（高級政府公務員），佢非常之感激袁世凱對佢嘅知遇之恩，所以1911年辛亥革命後，佢正式成為袁世凱幕僚，你話佢係狗其實唔啱，袁世凱作為佢嘅伯樂，扶佢昇天，所謂受人因果千年記，其實係中國文化中嘅美德之一。亦由於佢有日本背景，同孫文黃興等革命黨人都有交情，所以經常作為雙方矛盾嘅和事老角色，真正左右逢源，中華民國建立初期，楊度負責調停南北之爭。1912年，真國父黃興曾經響北京邀請佢加入國民黨，但楊度拒絕咗，佢始終係袁世凱嘅人。

1914年，袁世凱打走國民黨曱甴，解散國會，要行專制獨裁，楊度任參政院參政，次年佢發表《君憲救國論》，主張「中國如不廢共和，立君主」，主力為袁世凱洪憲帝制鋪路。之後同籌安六君子籌辦《籌安會》，更加背後一手策劃咗一大堆請願團上京請願，製造假民意，要求袁世凱做皇帝。請願嘅人五花八門，有「乞丐請願團」、「妓女請願團」、「人力車伕請願團」……楊度更加寫過《國賊孫文》、《無恥黃興》兩本小冊子，每本印十萬書，全國通街派，又主理出版政治小說《袁世凱》，煲起袁世凱、鼓吹恢復帝制……楊度所做嘅嘢，成為近代史一個大笑話，可惜依種笑話，從來冇停過落嚟，直到今時今日21世紀，成班演員收錢做場大show示威製造民意，利用媒體抹黑政治對手等等繼續發生，香港人最清楚。

楊度為袁世凱洪憲帝制製造輿論，其實同佢八年前為清帝國鼓吹立憲嘅做法一模一樣，其實佢先係中國第一代政治宣傳先驅，可惜個世界已經變咗，第一次Do，你就係奇人，第二次照版煮碗Do多次，就斷送咗一生聲名。

袁世凱之後稱帝失敗，香埋之後，楊度受千夫所指，被冠上「漢奸」「賤人」之名，佢更被黎元洪新政府指為「帝制禍首」通緝。更加有傳聞講，袁世凱死前大叫一聲「他誤了我！」，「我」可能指楊度咁話喎，但我常公子對依一類抹黑系街坊傳聞，一向一笑置之。袁世凱係乜嘢人？點會比個三流文棍「誤」呢？

既然個社會唔需要我，楊度就去咗出家，披髮入山，學佛參禪，但由於真係好吹得，立憲又得，帝制又得，佛學都ok，所以又吹咗個「虎禪師」靚朵返嚟，你真係吹得佢脹咩？時移世易，佢之後復出，響亂世嘅政治環境中繼續打滾，當然影響力已經大不如前，蔣介石北伐之後，上一代人徹底收皮，佢亦係其中之一。1931年死於上海，55歲，算短命。附帶一提，佢死前曾經想加入中共……

楊度嘅故事，亦係當時中國公共知識份子嘅典型，揸筆搵食，要做社會良心、道德量尺其實好難，畢竟人都係需要搵食，遇上維穩力量收編，有糧出有官做，好多公共都抵唔住誘惑，畢竟「公知」都需要「工資」，我嘅好朋友周顯講過，今個夏天過去之後，來自上頭嘅維穩費一定會大力投資香港，嚟緊嘅世代，維穩係大事業，社會上會有大量維穩公知出現，當然收阿爺「工資」嘅「公知」，又可唔可以叫做「公知」？其實冇人知……

下一集，正式邁向洪憲帝制，中國最後一個皇帝粉墨登場。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【196回：大清亡國關 #鄰舍 蛋牛治】

♉區議會選舉塵埃落定，泛民壓倒性大勝，短兵相接單對單，六四黃金比其實戰無不勝。我有好多朋友對今次嘅選舉勝利，帶出未來更多嘅憂慮，我冇諗咁遠，贏咗先算，反正政治只係解決當前問題，反正有班建制派大食懶食老本要落台年尾流流冇糧出，大量年青人上臺換血，參與政治，響實戰中汲取經驗，無論點睇都係件好事。

♐今次嘅勝利其實係一場慘勝，係用大量前線抗爭者嘅鮮血同埋刑責作為代價換取返嚟。截至目前為止，幾千人被拘捕，數百人以暴動罪被起訴，佢哋好多人可能會面對長達十年的監禁。食咗饅頭嘅泛民，希望佢哋得到更多嘅資源後，可以更加積極協助抗爭者，千萬唔好用完即棄。大家同路人，亦希望各位喺各自能力範圍內、能夠做更多嘅嘢去幫助佢哋。需知道「敢教日月換新天」嘅，其實行喺最前線嘅人，以我自己為例，只係坐響冷氣機下坐享其成，其實我無時無刻感到羞愧。

♉今集我為好朋友梁文道平反，諗返轉頭已經係好多年前嘅事，梁文道寫過一篇《仇人也是鄰舍》，結果引發本地文壇鋪天蓋地嘅攻擊，最後淡出香港文化圈，轉戰內地發展。諗深一層，篇文其實叫你connect警察，如果今時今日connected，我諗解放軍早已經出動，香港或者早已經變天都未定，一直強調嘅「最後防線」，就係咁解。「仇人」同「鄰舍」永遠唔會站於同一陣線上，意識形態大戰略，睇得通透嘅人又有幾多？

♌記憶回溯到更久更久嘅以前，某一個秋涼嘅夜晚，我同梁文道響吐露港單車徑，遙望住馬鞍山嘅萬家燈火。當時梁文道發夢話可唔可以搞一個教育機構，唔去教授一般嘅知識，而專教另類嘢，例如教人賭馬炒孖展炒樓、或者教人鬥蟋蟀撚雀、或教人如何成為一個成功嘅大耳窿或古惑仔……諸如此類。佢問我如果真係有一個咁嘅教育機構叫乜嘢名好？我就答佢中國共產黨最鍾意將知識份子打入牛棚接受再教育，不如就叫「牛棚書院」。

♉好多年後，我已經同梁文道冇再聯絡，某日我路經土瓜灣，睇見真係有一間「牛棚書院」成立咗，當時個感覺真係非常夢幻。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/T9gng1xXx8M

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百七十五回）
袁世凱平反系列

時間線先去返1915年9月，袁世凱稱帝大計如火如荼，事在必行。佢係覺得「中國人是需要管的」，放任民主自由，只會造成大亂局。你話袁世凱食古不化，其實類似嘅觀念，到一百年後今日仍然冇改變到，「自由」呢亭嘢，有好多人仍然唔覺得中國人應該擁有或有資格擁有，香港人亦唔應該擁有。

大亂局之中，共產主義嘅苗頭終於出現。1915年9月15號，畢業於日本早稻田大學（有正式學位），公共知識份子陳獨秀（1879-1942）喺上海創刊《青年雜誌》，依一本刊物，亦都係中華民國國內最早期一本鼓吹左派思想嘅經典代表作。

陳獨秀喺《青年雜誌》創刊發表《敬告青年》一文，向當時中國嘅年青人提出六大寄望：

1.自主而非奴隸的
2.進步而非保守的
3.進取而非退隱的
4.世界而非鎖國的
5.實力而非虛文的
6.科學而非想像的

陳獨秀希望中國年青人響保守、退縮、閉塞嘅思想之中解脫出嚟、樹立起積極、進取、追求實利同科學精神，向腐敗保守嘅儒家哲學封建意識進行鬥爭同反叛。

陳獨秀提出嘅論調，亦即係之後「五四運動」所追求嘅事物，佢嘅諗法，亦令佢之後成為五四運意識形態領袖。當時佢嘅觀點，前衛而大膽，喺《青年雜誌》第二期，佢又發表咗《今日之教育方針》一文，提出教育嘅四大主義：

1.現實主義：用科學同現實生活嘅教育，取代古代迷信嘅理想主義教育模式。
2.唯民主義：用民主主義嘅教育取代專制主義嘅教育。
3.職業主義：用職業教育取代空洞嘅倫理說教傳統儒家思想教育。
4.獸性主義：強調意志頑強、善鬥不屈、體格強健、力抗自然、信賴本能、不以他人為活、率性純真、不飾自文 。

「-ism」好重要，孫文有三大主義建國，陳獨秀有對青年人教育方針嘅四大主義。任何一個社會，年青人都係最重要嘅角色，因為未來係屬於佢哋，年青人嘅率直同純真，向來亦都係改革社會嘅最大原動力。放返響今日嘅香港，過去嘅日子，特區政府施政一直漠視年青人嘅需求，思想保守，政策傾斜於財閥資本家既得利益階層利益，終於儲氣成功，2019年夏天全部爆曬出，一發不可收拾！

坊間好多人話現今香港年青人係被寵壞，生活過得太好，身在福中不知福。我對呢種講法非常反感，上岸嘅人，唔可以嘲笑仲響水裡面掙扎求存嘅人。

【常威近代史】（二百七十六回）
袁世凱平反系列

人老了就會做錯事，腦筋會唔精明，最近呢個情況響我身上面發生。

一代軍政強人袁世凱，可能亦知道自己時候無多（家族短命遺傳基因），要響死前完成稱帝大事業，創立雄立宇宙之間嘅主權獨立國家「中華帝國」！就算佢身邊最親近嘅人唔贊成佢，外圍仲有幾多難題未解決，佢都完全冇理，決心要響1916年將洪憲帝制擺上中華歷史舞臺。

睇返時間線，袁世凱無疑係太心急，從打走國民黨反動勢力，有洪憲帝制概念出現開始，即1914年初，到1916年初真係稱帝，前後只係兩年時間，籌備時間實在太倉促，真心想幫手，其實稱帝依單嘢，應該要用十年八載去籌備，咁就會好好睇睇，完全唔可以心急，袁世凱心急上馬，有人話係佢個仔袁克定想做太子向老豆迫倉，我嘅意見係袁世凱知道自己就快死，一個真正強者，當然亦對自己嘅身體狀態一清二楚。

做事真係唔可以心急，過去日子，中國經濟急速發展30年，國力從一無所有第三世界國家水平，到咗地球前列（純粹計國力唔計人民生活質素），其實係創造咗人類歷史上罕有嘅政治奇跡，但中國雖然係咁強，雖然係咁勁，但係唔代表中國有能力可以挑戰美國嘅世界霸權。早幾年推出嘅「一帶一路」、「亞投行」計畫，無疑喺觸動咗美國嘅霸主神經，地球上二次世界大戰之後、或者講91年蘇聯解體之後，奉行一個「中央」政策，呢個「中央」，就係「美元中央」，美國係世界上唯一嘅大佬，做得大佬，剝削細嘅就一定架啦。（邏輯問題：唔係做大佬托炮咩？大佬好多嘢搞架。）

但係習近平上臺之後，雄心勃勃，明顯決心挑戰美國嘅美金霸權，想拉攏世上所有唔妥美國嘅國家，另設「人民幣中央」，一帶一路亞投行，決心分庭抗儷，唔畀你一個人獨大玩曬。

習先生嘅原始動機可以話冇錯，錯就錯在佢太高估咗自己嘅實力，之前我同一個朋友傾偈，佢提出一個好好嘅意見，佢話如果中國肯再等20年至30年先至發爛挑戰美國，咁樣贏面就會大小小，「人民幣」取代「美元」，成為世上最主要流通交易貨幣，亦都完全唔係話冇可能。但係今時今日就發爛，講真叫羽翼未豐，亦係當美國紙紮嘅，一句到尾，衰衝動！

而且軍事實力上，核彈大家都有，但係因為唔會動用，所以有等於冇。唔計核彈，就要計航空母艦戰鬥群（Carrier battle group，CVBG），中國啱啱先識得一個航空母艦戰鬥群服役，隻烏克蘭航空母艦瓦良格號仲要係二手，燒柴油，第二個戰鬥群仍然準備中。人哋美國就有十個航空母艦戰鬥群服役，佔領五大洋，全部核動力，兩國比較，海軍實力仍然差天共地，如果真正要拉開戰線打實體戰爭，唔輸有鬼。而且美國擁有航空母艦嘅國際盟友，仲有英國、法國、意大利同印度。

當然你可以反駁，中國亦有俄羅斯。其實1945後嘅冷戰格局仍然存在。

叉得實在太遠，Sorry！去返1915年10月，袁世凱感覺時機成熟，刻意營造嘅社會輿論成形，於是10月8號正式公佈《國民代表大會組織法》，規定不再召開國民會議，即國會，改由各省代表進行國體投票，所謂「國體投票」，就係一次復興帝制嘅全國性公投，當然一啲都唔會透明公正公平。1915年11月2號，由袁世凱控制嘅北京參議院通過議案，規定全國各省國民代表大會立刻進行國體投票。

又既然球證旁證助理旁證球迷同埋評論員都係我嘅人，而且每個省嘅國體投票都有國家軍警監督下協助進行、投票程序亦無任何組織監察，個結果就會非常明顯，以100%全票贊成恢復行帝制。大家又唔好怪袁世凱，所謂「公平投票」呢個概念一直唔存在喺中國人嘅意識裡面，直到今時今日仍然如此。

民主程序係一個長時間嘅鍛煉同考驗，不過中國人行民主程序，足足考驗咗成百鳩幾年，實際上又係太長時間。合法程序就做足，袁世凱正式改革國體稱帝，建立中華帝國，要雄立宇宙之間，可惜可能真係太雄糾糾扯旗扯得太勁，百幾日就軟X咗。

同一時間，中華民國另一金融重心亦有大件事發生，坐鎮上海嘅袁世凱心腹鄭汝成（1862-1915）亦都俾革命黨人於白渡橋行刺，除咗掟炸彈，佢仲比刺客近距離喺頭部連開十槍擊斃，同月，袁世凱亦頒佈《懲治盜匪法》，血腥鎮壓革命黨，雙方真刀真槍，真真正正血淋林嘅鬥爭。

好啦，故事發展到呢度，袁世凱最大嘅敵人孫文又喺日本做緊乜呢？之前佢成立咗所謂獨裁政黨「中華革命黨」，同年佢仲喺日本友人梅屋莊吉大力資助下，響滋賀縣近江八日市成立咗空軍部，一間專門訓練航空戰鬥人員嘅飛行學校。學校有一架雙翼機，一架單翼機，招收咗47個青年學員參加。講真，成立空軍反擊袁世凱真係浮誇咗少少，但宣傳效力就十足十，KOL即係KOL，我成日講孫文係一個宣傳大師、籌款大師，就係咁解，不過你唔好理，吹吓吹吓，過咗幾年真係衆籌成功，反攻大陸，你又吹佢唔漲嘅。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

師兄真心勁

Add oil 一直有睇你YouTube

【💣香港關 #中英聯合聲明 腿蛋治 第十八回 #麥理浩訪京】

♒美國總統特朗普簽署《香港民主及人權法案》，香港——呢個有特別歷史背景遺留落嚟嘅城市——亦正式成為中美「新冷戰時代」嘅戰略重要位置。對於依件事，一部份市民感到興奮雀躍，認為美國將會保護香港嘅民主同埋人權；但有另一部份市民，則覺得美國嘅措舉，係會嚴重損害香港嘅經濟前景。香港社會，目前處於史無前例嘅撕裂狀態，黃藍壁壘分明，任何人都需要選擇隊伍而跟隨，想兩邊下注，力保不敗，已然成為明日黃花。

♈法律是法律，但執不執行法律又係另一回事。美國政府會否響未來動用法案制裁香港及內地嘅官員，我個人非常有保留，我認為法案成立，宣傳意義大於實質用途。好似核武，主要用作威嚇同談判籌碼，一旦啟用，就玉石俱焚。一拍三散（中、美、香港）嘅局面，應該係大家都唔想見到。最好嘅局面係，內地政府會退一步，給予香港人更大嘅自治權，不過未來一兩年，我唔覺得呢個局面會出現。可以預料，中央對香港嘅態度，會再「硬」一段時間，睇睇實際效果，先會決定下一步點樣做。

♎但有一點應該已經發生，就係目前喺香港嘅中共代理人，即所謂建制派陣營，將會進行一次大換血。特區政府一路冇將區選壓後舉行，司馬昭之心昭然若揭，既然過去20幾年，呢班人冇辦法好好處理問題——即協助中央有效地管治香港，仲將問題深化至群眾起義暴亂嘅程度，佢哋嘅工作表現上頭一定唔滿意，俾著你做老細，你都想炒X曬佢哋。借住一場區議會選舉，一班建制派嘅地區樁腳已經變成失業大軍，舊嘅唔去，新嘅唔嚟，未來又係另一番局面。

♒尋日同一班朋友茶敍，佢哋話香港近半年發生嘅事情，根本係連最好嘅編劇都寫唔出嘅劇情，事實上的確係，劇情嘅發展往往出乎人嘅想像之外，以後會點？根本冇人會知道，但我個人傾向相信，事物嘅發展總會朝住壞嘅方向走，香港會唔會係一個例外？當然如果人類可以預測得到未來，歷史亦沒有存在嘅必要。

🇬🇧https://youtu.be/I-2X5nrnV0Q

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百七十七回）
袁世凱平反系列

醜婦終須見家翁，中國最後一個皇帝袁世凱粉墨登場，以極度樣衰姿態為整個中國帝制冚上棺材板，袁世凱其實係公子獻頭！告誡中國人民千萬別回頭恢復帝制！

1915年12月11號，上午北京參議院舉行「國體投票」總開票，全國各省1993人，以100%全票通過改變國體，恢復帝制，行君主立憲，之後全體參議員上書袁世凱，曰：

「恭戴今大總統袁世凱為中華帝國皇帝，並以國家最上完全主權奉之於皇帝，奉天見極，傳之萬世。」

哇！民意要你做皇帝喎！袁世凱第一個反應係假意推辭，參議院再三極力推戴，最後袁世凱「只好俯就民意」。上述大戲，每一次改朝換代都會做一次，新皇帝總會推三推四，擺出個姿態，係自己被逼做皇帝，自己根本唔X想，中國人就係咁X老土，DNA問題來的。

12月12號，一切準備就緒，連響北京紫禁城裡面嘅清室，都預先被收賣發聲明擁護袁世凱做皇帝，袁世凱通電全國，正式宣佈接受帝位，由1911年建立嘅「中華民國」，亦正式改名叫「中華帝國」！宣傳文件上，並宣稱袁世凱有六功，分別為「經武」、「匡國」、「開化」、「靖難」、「定亂」、「交鄰」，並將自己過去宣誓共和，解釋為「民國元首循例之詞」，同「就職儀文之一」，現在「國體已變，民國元首之地位，已不復保存，民國元首之誓詞，當然消滅」。中國人民自由民主法統之路，行咗未夠五年，宣佈暫時收皮。（其實個人感覺，係徹底收皮，收到今日。）

12月13號，袁世凱響中南海居仁堂接受文武百官朝賀，正式稱帝，換上皇帝裝束，接見文武百官。佢亦唔叫自己做「大總統」，叫做「大皇帝陛下」，所有官員，改稱為「臣」。總統府改名新華宮，並決定由1916年起，廢除民國年號，改為「洪憲元年」。並設立「帝祭大典籌備處」，籌辦1916年元旦1月1號嘅登基大典，趕製御座、龍袍、玉璽、金印，撥款2000萬元大洋，極盡奢華之能事，要做場大Show沖喜吓佢。

同日宣佈，下令從周禮天官成法，發思古之幽情，新皇宮內，廢除太監制度，改用女宮。女宮亦有嚴格詳細嘅招選章程，必須身家清白，品性純良，14歲以上，25歲以下，略具姿色，體質健全，冇暗病花柳，未婚，未訂婚，要未生個仔，唔煙唔酒唔賭，你老母，你家陣係咪tvb選香港小姐啫？

袁世凱倉猝行返帝制，其實係想復興儒家哲學，係派出一個「-ism」嚟平反全國亂局，係行「緊急法」，希望中國有一個新嘅開始。

辛亥革命之後，前後五年，中華民國大力引入西方自由民主法統思想，傳統儒家哲學被徹底揚棄，但得到嘅結果係啲乜嘢？戰亂頻生，整個國家崩分離析，要搞民主，就大家都有平等權利，有咗呢個口實，大一統冇可能，各自為政亦係理所當然，因為當時嘅人，覺得咁樣先係「民主」，覺得咁樣先係「自由」...