【大清亡國關慈禧蛋牛治】第一回

【183回：大清亡國關 #鬥爭 蛋牛治】

♉在網絡上看見一首詩，把它抄下，今天真的不想寫什麼……

♊『答我，如果時間真的可以逆行
死去的人是否會在升降機門打開的一刻
向你輕快地打招呼、說早晨
答我，若泥濘太濕、砂石太尖銳
你是否還會被赤足走向
那一無所有的大海，那永遠的黑夜
答我，要敲碎多少塊玻璃才得知真相
要焚燒多少座車站出入口我們才能
稍稍向理想中的世界移近半分
不，不要答我關於烏托邦的一切
我只想你答我死去的是甚麼
而活著的又是甚麼。答我，如果你還願意
讓這一切從頭開始好不好
我們首先把花還原到它們被折的枝上
把斷掉的手足黏合回去他們的軀體
答我，如果這些都永遠無法復原
我們該拿甚麼面對明天。如果死去的
不是一個人，而是一座城市裡
所有的人︰我不是要誰來答我存在的意義
我要的正正就是
那一無所有的大海，那永遠的黑夜
答我以潮浪、答我以漆黑…...
答我』——熒惑2019/10/14 — 19:50

♐沉冤待雪……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/fcym1yXOl9s

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【💣香港關 #中英聯合聲明 腿蛋治 第十三回 七十年代】

♒終於講到麥理浩出場，邁向香港嘅七十年代。七十年代係一個撥亂反正嘅年代，67年暴動，左派聲名掃地，共產主義影響力正式響香港消失，中共嘅極左主義亦無以為繼，美國打越戰打到驚，打到要取消金本位，大家都在積極找尋出路，找尋新發展空間。

♉結果，又係由美國向全地球扔下一個政治大核彈，尼克遜訪問中國，同周恩來機場握手，中美建交。美元取消金本位、中美建交，意味著整個世界嘅經政格局要有翻天覆地嘅巨變，美國由越戰退場，重新起步；中國亦放棄文化大革命極左路線，一步步探討右轉修正主義可能性，美國放棄金本位，美金任印，整個世界同美國水原充足，我好相信當時嘅五角大廈已經諗到拖垮蘇聯嘅方法。

♊中美建交，亦都帶協摯咗香港呢個為處於中國最前線嘅橋頭堡同中共當時向外唯一通風口，麥理浩作為一個遠東專家同埋西方資本主義陣營中一個重要嘅外交官，一定要將七十年代嘅香港搞得好好睇睇，當然佢本身宅心仁厚同有小小傾左亦都好有關係，香港進入70年代，可以講得話係無端端發達，時來運到，要避都無得避，天時地利人和配合之下，終於大放異彩。

♍當然，70年代唔係乜都好，麥理浩嘅「高地價政策」，利用土地收益補貼教育醫療福利開銷，亦埋下咗香港被「樓市」終身捆綁嘅惡毒詛咒。而70年代之後嘅二、三十年，一群因為經濟高速發展、大陸改革開放而肚滿腸肥嘅上岸人士，或者我哋叫暴發戶，亦都徹底改變咗呢個城市嘅面貌，佢哋以為自己好叻，認為自己嗰套好得，佢哋唔慣勞動，亦唔鍾意用腦，因為炒炒賣賣啲錢就可以隨手可得，佢哋唔明白，佢哋嘅財富全因為時勢而來，其實同佢哋嘅能力無關，佢哋亦冇核心信仰，只係凡事向錢看向樓看向股看，終於行到21世紀，香港因為呢班人再無法再嚮前多行一步。

♍依群人嘅出現或者依群人所持嘅意識形態，或多或少亦都同麥理浩爵士十年嘅施政有關，凡事都無完美，凡事有up side，就有down side。

🇬🇧https://youtu.be/PgMUhokY4Wg

【常公子近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】（二百五十九回）

袁世凱平反系列

天祐香港。

最近思緒混亂，上集應該要講上海租界問題，今日補充返，講埋租界問題，先去敘述孫文創立中華革命黨，終極翻盤。

上海當時嘅租界，主要係講公共租界，喺中國國內「國中之國」，完全自治，係一個特別行政區，畀我嘅感覺係一個百份百嘅「自由城邦」，租界之內嘅法律貿易管治等制度，完全行歐洲模式。大部份人理解，公共租界係由英國人話事，但真實情況並非完全如此，去到20世紀，當時嘅上海租界你可以理解成係一個聯合國，一個小型歐洲，唔同國家嘅人出入求財、務求發展機會同貿易機遇，萬眾一心只搞經濟不談政治，欣欣向榮，去到20世紀初期，上海租界甚至喺地球上數一數二嘅金融中心股票市場，亦係整個遠東財富嘅集中地。

滄海桑田，上海同香港都係從1842年《南京條約》簽訂嗰日開始發展，1840年嘅香港只有區區2000人口，同樣1840年嘅上海，亦只不過係長江出海口嘅一條小漁村。冇人能夠想像，經過半個世紀高速發展，上海同香港會成為遠東主要金融貿易中心。所有一切，托賴冇中國人玩，如果有中國人叉隻腳埋去搞局，應該又會玩到一pat屎，你可以話我崇洋媚外，但事實上的確如此。你叫隻馬騮去寫博士論文，佢應該都係無能為力。推根究底，係能力問題。

上海唔係好似香港一樣，從來冇割讓出去，屬於中國（清帝國或中華民國）領土，但係由1842年開始，通過各國領事頒佈一系列嘅「土地章程」手段，上海租界呢個「自由城邦」逐漸拓展成形，好多時候係先做咗改變，先至畀北京政府正式批准，而北京亦不得不作為既定事實而接受。理論上，係對中國土地主權嘅一種「軟性侵略」，呢個係不得不承認嘅事實。常用嘅手法係，逐步逐步嚟，逐小逐小咁蠶食你，起初係建造租界外嘅道路，然後係鋪設自來水管同埋電力，最後就係實施徵稅同埋行使警察嘅權力。

軟性侵略你，逐小逐小蠶食你，等你唔覺唔覺慢慢流失血液，係聰明嘅統戰做法。一次過奪去你所有，往往會引起好大嘅反作用力。用50年時間半個世紀慢慢食埋你，係正常嘅設計，係聰明人嘅選擇，但有人太心急，想嗱嗱臨吞曬，終於引爆炸彈。

當時管理租界嘅行政機搆，叫上海公共租界工部局（Shanghai Municipal Council，簡稱SMC），起初SMC祇不過係租界納稅人會議嘅執行機構，但它逐漸擴大權限，最後取得租界行政管理嘅具體權力，其中包括向租界內中外居民徵稅同埋維持治安嘅警察權力，順帶一提，工部局唔可以徵收「土地稅」同「關稅」，因為土地仍然屬於中國，依兩項稅款要由中國自己徵收番，但除此以外，SMC差唔多完全話曬事，我哋睇CCTVB民初劇，租界內嘅「巡捕房」，即差館警局，就係由SMC直接管轄（唔關中國政府事）。

20世紀初期，SMC嘅9個成員（議員），係由租界內嘅外國有錢人用選票選出，選民只係佔咗所有外國居民大概10%，華人與狗當然冇份，真真正正小圈子選舉。而且SMC透明度非常低，仲成日唔開會，基本上只係一個核心小圈子俱樂部，主要係英國人，代表租界內工商界嘅利益。而當時，公共租界嘅市政僱員絕大部分係英國人，20世紀初期僱員總人數為 1076人，其中有965人係英國人，人數並不包括巡捕房中嘅792個印度警察，事實上，當時維持租界治安嘅係英藉印度人（錫克教徒，所以包頭），冇中國人，民初劇裏面巡捕房有中國探長，純粹係我哋中國人自己打飛機嘅想像。

SMC呢個租界裡嘅最高行政機關，要到1928年，蔣介石北伐成功佔領上海之後，先有中國人可以參加成為代表。SMC嘅行政權力，亦冇你想像中咁大，SMC經常會同上海各國領事館同北京外交使團發生衝突同磨擦，當然牽涉嘅，多數係利益分佈嘅問題。

外國人係租界內嘅生活，完全歐化，佢哋日常生活嘅必需品，差唔多都係由歐洲直接入口，外國人響租界所過嘅生活，同響歐洲可以講完全冇分別，唯一嘅分別就係更正斗！同大家嘅印象非常相似，租界同租界外完全係兩個世界，租界之內是繁華先進歌舞昇平，而租界之外就係貧窮落後極權恐怖。兩者代表住貧富懸殊，階級壁壘分明。

由於租界享有領事管轄權，喺20世紀初期前後，成為咗唔少異見者同革命者嘅避難所，從梁啟超康有為、到孫文黃興，甚至後來的共產黨人，都多次利用租界逃避執政者嘅追捕通緝、或者響租界之內策動叛亂、周轉現金、買賣軍火或經由租界港口著草他鄉。

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【185回：大清亡國關 #革命文體 蛋牛治】

♉今集youtube，會講講咩係革命文體？無論時代點樣向前行，語言文字始終都係建構我哋意識形態嘅主要工具同媒界，用現代人嘅講法，就係冷氣軍師嘅文宣，就係鍵盤戰士。今個夏天，香港人嘅抗爭運動，文宣佔咗一個好重要嘅位置。

♐革命文體，就係要鼓動抗爭者嘅鬥心同意志。唔需要實際理據，最緊要旗幟鮮明，簡單口號式最好，「光復香港、時代革命」或「以暴制亂」就係最佳例子，至於內容係乜？其實唔係重點。

♑玩革命文體，過去玩得最好嘅係中共，中共利用馬克思主義列寧主義作藍本，重新建構一套新語言解釋中國社會，灌輸幾代中國人意識形態，我諗20世紀之前，冇人知道「無產階級」或「階級鬥爭」係乜？去到1949年之後，整個中國所有人我諗冇人會唔知係乜。文化大革命係革命文體嘅高峰期，「口號式」治國到達人類歷史之究極，但自此之後，革命文體就一落千丈，個人感覺，大概係文革傷人太甚，又由於中共第一號文膽、毛澤東機要秘書陳伯達落馬有關；第二個個人感覺，中共有三份一江山其實係由陳伯達一枝筆打返嚟，信不信由你。（如今後繼無人，情何以堪？）

♑革命文體去到20世紀末期開始式微，似乎大家都再唔相信單純用口號煽動民心依種玩法，人類聰明咗，資訊發達咗，需要有理據support嘅內容，需要FC後先相信。但進入21世紀互聯網時代，情況又好似改變咗，革命文體有死灰復燃之勢？有人話新世代嘅人蠢咗，其實真相係新世代嘅人太聰明，聰明到懂得繞過事實，撇除中間FC繁文縟節，直接了當表述意愿。不過又係，和你飛飛坐埋同你傾，一傾就係20年，其實係玩緊和稀泥，其實係用緊拖字訣，新世代喇，拖字訣？outdate呀！

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/V43IbdiK-VM

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】（二百六十回）
袁世凱平反系列

1914年6月28號，塞爾維亞學生 #普林西普（Gavrilo Princip）響波士尼亞首府薩拉熱窩，開槍打死奧匈帝國皇儲 #費迪南大公 （Franz Ferdinand von Österreich-Este，1863－1914）。觸發 #第一次世界大戰，呢單槍殺案疑點重重，有興趣嘅朋友可以深究，你絕對發現會係大陰謀。其實火藥庫已經擺滿火藥好耐，只係等邊個點打火機啫。

一戰爆發，影響全球經濟，中國亦唔例外，天津上海等重要商埠，因為一戰參戰國互相經濟制裁禁運，貿易貨運量大減，連帶關稅收入亦都大量減少，個社會真係唔可以亂，一亂就會衝擊經濟！常識吧！

1914年7月8號，孫中山喺日本人支持下，籌建新政黨「#中華革命黨」，取代原有「#國民黨」，事實上自從1913年秋天國民黨巨頭著咗草去日本之後，國民黨嘅領導危機亦都日益嚴重，國內被袁世凱大力打壓，瀕臨崩潰，兩大巨頭孫文同 #黃興 出現不和，幾個月唔見面。但孫文冇放棄，主力策動終極翻盤計畫。

事實上東京政府礙於國際壓力，表面追隨西方列強支持袁世凱北京中央政府，但內裡佢哋非常擔心日本會響中國嘅影響力日漸式微，因為袁世凱由頭到尾都唔buy日本人，睇返袁世凱執政期間，佢冇特別黐埋邊個西方列強度，佢真係想走中國人自主之路，可惜一路行嚟始終唔得，就冇辦法。

而且，日本好多資本家都唔滿意日本1912年6月加入 #國際銀行團，日本企業原本所擁有嘅行動自主，已經受到國際銀行團嘅約束。情況一如你今日加入世貿 #WTO，就要遵守某啲規則，有權利就有義務。當時，日本有好多人認為，直接訴諸軍事或者外交干涉更符合國家經濟利益，無論係經由武力或者政治顛覆，目的就係要推翻袁世凱，然後再以日本扶持嘅地方勢力取代袁世凱，於是佢哋紛紛支持孫文翻盤大計，大力掟錢比國父去搞。

響1913年至1914年間，孫文受到日本政府熱情接待，佢乘坐專列，入住一流酒店，串連日本各大銀行、資本家、法院高官及 #大隈重信 內閣閣員，「他被接待的規格之高、排場之大，是其他國家非親王等級之代表從未享用的。」（註），有日本全面支持，孫文決定改組國民黨，佢認為之前國民黨響政治上嘅失敗，源於不夠團結，欠缺紀律，各有各做，#兄弟爬山，其實未必可行。所以喺佢新一round政治藍圖中，決定玩 #獨裁，以鐵腕手段建立黨內秩序。自己友要不分化不割蓆，團結一致，先有機會挑戰袁世凱中央政府。孫文嘅主張其實冇錯，但從來獨裁鐵腕統治就係咁樣出現。

新創建嘅「中華革命黨」，以「摒斥官僚，淘汰偽革命黨」為宗旨，根據新黨章，黨員視其革命資歷長短而分為三級：

1.凡在他日發動嘅討袁戰爭之前入黨嘅，名為「首義黨員」，在新國家中，佢哋被稱為「元勛公民」，享有參政執政嘅優先權。

2.凡響討袁戰爭爆發期間，新革命政府未成立之前入黨，係新國家嘅「有功公民」，享有選舉權同被選舉權。

3.凡係革命政府成立以後入黨嘅，名為「普通黨員」，係新國家嘅「先進公民」，有選舉權但無被選舉權。

上述公民資格嘅劃分，一旦憲法頒佈之後，即「#憲政時期」即行廢除。但係「憲政時期」必需等待「#軍政時期」同之後嘅「#訓政時期」結束以後先能夠開始。咁後來新國民黨嘅「憲政時期」幾時開始呢？歷史講俾我哋知，係去到20世紀80年代臺灣 #蔣經國 結束「訓政時期」先開始……陰公。

孫文的確係一個100% #共産主義者，先前佢已經有「#平均地權」嘅主張，現在更加將平民劃分等級，等於玩「#社會信用評分」，將未來社會設計分成不同階段演化，完全係馬克思主義唯物辯證法，用西方人自由民主嘅角度，完全係極權統治方案。

不但如此，佢仲要玩個人崇拜，「中華革命黨」黨章第一part規定，黨員入黨必須發誓效忠孫文，「附從孫先生」，並要宣誓署名打手指模，即使以前出生入死嘅同盟會同埋國民黨員，現在要加入「中華革命黨」亦都需要重新立誓。簡單啲講，就係要玩一人獨大，發展到咗呢度，乜撚嘢「#法統」、「#自由民主」，東京孫文同北京袁世凱一樣，早已經拋諸腦後。

孫中山 #希特拉 上身，另一個革命巨頭黃興有乜嘢反應？我哋下次講。

註：Morrison, 《Correspondence》, 2:0101.

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【186回：大清亡國關 #請客食飯 蛋牛治】

♉革命並唔係請客食飯，呢句說話係毛澤東講，意思即係話你知，如果「反抗」到達一個「革命」嘅地步，咁就絕對唔會一個斯文嘅行為，係去到你死我活，無所不用其極打到對方嘅層次，為咗打倒對手，可以不擇手段，甚至背離道德，利用謊言同陰謀、出賣同滲透，總之用盡一切方法，務求得到最後勝利。「革命」的確係要不擇手段，所以一日未有依種覺悟，一日尚未可以發動革命。

♑今時今日，好多人話反共，要反對中國共產黨嘅管治，甚至將中共冠以「赤納粹」嘅名字。但到底，大家反緊嘅係乜嘢呢？打開心窗說亮話，其實大家未必係反緊「共產主義」，因為「資本主義」也不是什麼好東西，似乎令人深痛惡絕嘅並唔係共產主義，而係「官僚主義」，咁官僚主義係啲乜嘢？以下一段王亞南講嘅說話，睇下啱唔啱聽？

♑『官僚政治是一種特權政治，在特權政治下的政治權力，不是被運用來表達人民的意志，圖謀人民的利益，反而是在「國家的」或「國民的」名義下被運用來管制人民、勞役人民，已達成權勢者自私自利的目的。』（註）

♉我諗大概冇錯，大家最憎嘅係「官僚主義」同「特權階級」，而官僚主義同特權階級，亦並非共產主義國家所獨有，大家現在所唾棄嘅係，上層建築利用其政治特權剝削人民勞動人民而自肥，賺到盆滿缽滿後，將資產外移西方自由民主世界，然後舉家移民美加，做個堂堂正正嘅美國人或加拿大人，依種人，先係最令人厭惡嘅物體。

♈當日辛亥革命所推翻嘅，就係嗰批滿清貴族統治集團特權階級；1949年中國共產黨所推翻嘅，亦係一個佢哋口中所講嘅「國民黨貪腐特權階級」。用托洛斯基嘅講法，推翻一個特權階級後，亦都意味著係另一個特權階級嘅誕生，歷史已經講咗畀我哋知，呢個惡毒嘅循環的確係存在。

註：王亞南，《中國官僚政治研究》，中國社會科學出版社，1981年，頁190。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/Gfu-2uBhVHc

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百六十一回）
袁世凱平反系列

1914年暴力主義蔓延全球，和你飛飛唔係大潮流。一戰爆發，孫文響日本成立獨裁政黨「中華革命黨」，改組重新統合國民黨，要所有人重新效忠（附從）孫先生一人，作為孫文多年戰友，同佢一齊創立同盟會嘅革命大佬黃興，Completely唔贊成孫文嘅做法，兩個人亦開始分道揚鑣，正式世紀割蓆。

孫文年長黃興八年，黃興一直以「大哥」稱呼佢，革命路途上難免有所爭執，但由始至終，黃興都係尊重孫文嘅決定，有幾次都係黃興親自讓步，消解紛爭，論勇武同能力，黃興完全係孫文之上；個人修養同革命凝聚力，黃興亦不下於國父。但孫文今次改組國民黨，要完全拋棄「法統」兩個字，搞專制獨裁，一人獨大，則係黃興所唔能夠接受。

對於以建立現代民主法統政體為宗旨、而啱啱推返一個君主專制王朝嘅革命黨人嚟講，要佢哋再重新宣誓效忠一個人，接受獨裁統治2.0，難以接受可以理解。黃興對孫中山嘅所作所為，曾經極力反對，佢覺得孫文咁樣做係違反民主革命精神。黃興講，黨員係為革命事業而奮鬥，並不是為咗一個人。另外要喺誓約上打手指模，對老黨員更加係一種侮辱。

黃興拒絕加入新黨，對黨內團結當然係嚴重打擊，為此，孫文曾經努力尋找一個妥協方案。曾經有人提議，凡係前同盟會會員，都不必再宣誓同打手指模。而中華革命黨誓詞中，「附從孫先生」應該改為「附從總理」，再唔係孫文個名。但係孫文拒絕考慮對佢原有嘅方案作咗任何更改，完全企硬唔take嘢！黃興亦都無可奈何，祇有離開革命核心。追隨黃興離開嘅，仲有好多革命元老同志，孫文要清黨，亦都實現咗佢嘅既定目標。

孫文做嘅嘢亦都唔係錯曬，國民黨真係需要改組同整頓，亦都係毋庸置疑，自從1911年武昌起義爆發後，的確係有唔少投機分子加入國民黨，想撈政治油水。如今要淘汰一啲唔能夠堅決為革命事業效力嘅黨員，亦都係合情合理。「二次革命」嘅失敗，孫文歸咎於係國民黨嘅秩序散漫同夠統一，呢個亦都係佢要組織一個有嚴格紀律嘅黨組織機嘅有力理由。同時孫文覺得，國民黨過去嘅失敗，係因為同志唔肯100%服從黨魁，意見太多，而糾正過去錯誤嘅唯一辦法，就係要所有人「附從」佢一個人嘅意志。

呢條拋棄「法統」嘅路一打開，就無法回頭。附從孫文嘅意志，後來變咗附從蔣介石嘅意志，到咗最後附從毛澤東嘅意志，到咗今時今日就要附從「黨」嘅意志……

而革命巨頭並唔係得佢一個，起碼仲有個真國父黃興同佢咁高咁大，孫文玩清黨，老實講係清除黃興，清除革命元老，一山不能藏二虎，睇過杜琪峰黑社會都知，一個字頭亦唔可以有兩個「話事」，咩叫獨裁呀？一人獨大啊！黃興嘅態度亦都同過往一樣，叫得你一聲大哥，就再次忍讓，最後嘅選擇，係為革命大局著想，急流勇退。

黃興嘅選擇，係大仁大義大勇嘅表現。佢要響日本同孫文鬥，你估佢無料咩？但係如果開波，國民黨一定出現大分裂，咁中國革命事業就會毀於一旦。而且黃興感覺是時移世易，佢同已死嘅宋教仁一樣，堅信嘅理念從未動搖，但世局變化出乎佢想像之外，行法統自由民主之路，一路行嚟的確係唔得。退一步，成就他人同伴「今天我……」，海闊天空，毫不戀棧權位，一心為大局著想，成個中國近代史，又有幾多個可以做得到？

如果中國多幾個黃興，或者更多中國人能夠去認識黃興嘅所仁義智勇，中國人點會搞到今時今日咁丫？屌……

既然唔可以再喺埋一齊，黃興就離開日本，遠赴美國「靜養」。臨走之前，黃興答應孫文，雖然佢暫時離開國民黨（或稱呼為中華革命黨），但之後絕不分化，各有各做，兄弟爬山。

臨走前佢咁講：「最後之勝利，終歸知吾黨……所抱之主義發揮而光大之，不為小暴動以求急功，不作不近情言以駭流俗，披心剖腹，……庶吾黨之信用漸次可以恢復。又宜寬宏其量，……使異黨之有愛國心者有所歸向。然後合吾黨堅毅不拔之士，學識優秀之才，歷百變而不渝者，組織幹部，計畫久遠，分道進行。」

用現代人話去講，就係要同孫文建立聯合戰線，招攬人才，為未來革命繼續努力，直至睇到中國有民主自由法統實現嘅一日！

而孫文亦答應黃興畀兩年時間佢辦事，要黃興到外地靜養兩年，如果孫文自己搞唔掂，兩年後就將國民黨領導權交返畀黃興。不過講就咁講，都係想大家有個下臺階啫。仲有一樣嘢要提，孫文答應兩年後交還權力，但兩年之後，即1916年，黃興就因為胃出血而死，死嘅時候，只有42歲……

世事何其巧合？兄弟咁樣對你，你就咁樣對兄弟……全中國人叫緊你國父呀……

下次繼續講黃興，冇辦法停筆！

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【💣香港關 #中英聯合聲明 腿蛋治 第十四回 麥理浩的政改】

♒麥理浩爵士喺70年代喺香港開展嘅政改方案，的確係將民主選舉嘅概念帶畀香港人，喺70年代之前，香港人對政治極端冷感，血腥嘅一場六七暴動，其實進一步削弱香港人對中華人民共和國嘅認同感同信任度，當時嚟講，香港人嘅自我身份認同出現咗危機，因為一直落嚟，寄居於香港嘅人，佢哋大部分都視中國為故鄉，香港只係一個避難嘅避風港。

♊既然唔想做中國人，咁又可以做乜嘢人呢？70年代正正係一個轉捩點，亦係「香港人」呢個新生族群真正誕生嘅年代，新一代嘅香港人，並唔認同佢哋係百份百中國人嘅身份，更加唔奢求成為一個英國人（二等公民BNO就有份），比上不足，比下有餘，就做個自由香港人喇。呢個係當時好多人嘅想法，港督麥理浩捉住呢個point，大刀闊斧進行各項改革，終於成功將個真正嘅「香港」打造出嚟，其實麥理浩，係一個真正嘅政界絕世高手。

♐對於中國總有一日要收返香港嘅事實，我相信70年代嘅麥理浩亦都唔會唔知道，不過當時嘅中國正處於文革嘅後期，社會動盪，下一步係點走就連中國人自己都唔知道。我亦唔反對一個講法，如果唔係1979年政治強人鄧小平成功向華國鋒奪權，行改革開放。大英帝國可能會長期管治香港，或者用政治手段最後據為己有都唔係一件奇事。不過現實係，麥理浩離任前始終搵到答案，就係中國一定會回收香港主權。

♐最後，我本【東方維多利亞女王之死】，即係我嘅「常威近代史」第三部實體書已經出版，請大家支持我，到書局買一本睇，順手買多幾本送贈親朋戚友，當課金畀我繼續我嘅「廣東話近代史寫作計劃」，這是一場漫長嘅戰鬥同試煉，響捍衛香港人母語大戰場上，我需要更多的戰友和支援，謝謝大家。

🇬🇧https://youtu.be/1KH3FM5ojds

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【187回：大清亡國關 #美好世界 蛋牛治】

♉今集youtube中，講咗個故事，就係眼前有座山，人們總係覺得山後面有更美好嘅事物同更美麗嘅世界，於是千辛萬苦跨越眼前呢個山，但去到山頭，睇唔到美好嘅新世界，只係睇到另一個山，於是人們繼續想攀越眼前另一個山……

♉今個夏天，毫無疑問香港已經攀過咗一個大山，整個社會亦都出現咗巨大嘅變化，未來亦冇可能返轉頭。最近社會上開始有人問「然後點？」，香港下一步應該點樣走？中國對香港又會採取乜嘢態度呢？最後係喜劇定係悲劇收場？我唔知道，要翻越下一個山，先有答案。

♑好多人懷念逆權運動未發生之前嘅香港，或者佢哋口裏面稱呼嘅「安定繁榮」、「平穩社會」……但係我想問，之前又有幾好呢？樓價飆升到兩萬蚊一尺，完全脫離香港一般中產階級嘅收入水平，薪金無上昇，如果冇老豆照住，做醫生律師都買唔起樓……做生意嘅環境好好？啲鋪租同成本貴到仆街，我就未見過最近幾年有人創業成功，反而仆街就大把，個個返工做到隻狗咁，後生仔又睇唔到未來。又係嗰一句，如果個社會之前真係咁美好，點解會有人咁憤怒？

♎然後點？其實從來冇「然後」，人生在世就係「活在當下」，所謂政治，亦都係傳因爲要解決眼前問題，連眼前問題都未解決到，要去講十年後二十年後要發生乜嘢事情？其實純粹鳩吹。畀個希望你，只係要你活得心安理得，正如五十年不變港人治港高度自治，亦祇不過係97年回歸時解決眼前問題嘅口號，短短20年，所有嘅說話同承諾已經淪為空談，下一個20年，根本冇人會知道發生乜嘢事？既然問題已經發生咗，就想辦法去解決。然後可以點？係以後嘅事情……

♊如果香港嘅城市真係有其存在價值，如果香港人真係有能力，根本乜嘢都唔使怕，香港人一直適應能力極強，兵來將擋，水來土掩，其實未驚過，況且整個世界已經開始沸騰，銀紙已經印得太多太多，新一輪全世界資產泡沫爆破，差唔多已經成為定局，唯有平常心面對，畢竟亦唔係小行星撞落地球，將要發生嘅事情，只係純粹永劫回歸……

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/jEBBOW-rbRg

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【188回：大清亡國關 #革命家 蛋牛治】

♉馬克思主義中歷史唯物辯証法，認為歷史嘅進程並非是由人力所能操控，但歷史證明，人、或個人嘅意志往往係構成歷史發展最重要嘅因素，中國過去150年，出現咗三個好重要嘅人物，分別係洪秀全、孫中山同毛澤東，粗略去講，呢三個人帶來咗三場開天闢地嘅大革命，今集youtube，我嘗試將三個人比較一下……

♑今日係萬聖節，亦喺香港過去幾十年一個最嚴峻嘅萬聖節，群魔亂舞亦難敵警察社會鐵腕統治，成為金屬靈柩嘅太子站中午封站，中環站六點收皮，蘭桂坊四面楚歌周圍封路，偉大而正確嘅港鐵亦只係服務到11點，連一年一次嘅海洋公園哈佬喂亦冇show，大前題係穩定壓倒一切，最好大家喺屋企瞓好覺，第二朝乖乖準時返工返學，或者乖乖哋坐定定睇TVB膠劇繼續放送，成條街冇人，全個社會靜曬，咁就最啱聽。

♎我成日喺度諗，搞到今時今日咁X樣，其實特首林鄭月娥要負上最大責任，6月9號百萬人上街遊行，要求撤回逃犯條例，但係當晚林鄭月娥就第一時間九秒九衝出嚟柒，表示一定要將逃犯條例送入議會三讀通過，你哋屌都係冇用架腥港人，完全違反民意，亦當成百萬腥港人冇到，結果激發巨大民怨大爆炸，先產生6月12號暴力升級，警民首次大衝突，然之後發生嘅事情，就係一連串骨牌效應。邊個話人嘅意志冇辦法左右歷史，如果唔係林鄭月娥當日嘅舉動，我諗事情唔會發展到一發不可收拾。

♍既然犯下彌天大錯，就要承擔政治責任。不下臺總要下臺，下一任特選人選謠言滿天飛，有人話呢個三煞位，邊個做都係一樣。我則認為未必，做一個領導人，個人魅力同個人能力的確好緊要，甚至乎，魅力比能力重要得多，邊個會成為下任特首修補當前嘅亂局？我當然唔知道，但我認為依個時間邊個敢行出嚟坐呢個位，淨係呢份勇氣，已經值得稱讚。

♍因為如無意外，個位一定好難坐得安樂……（唐英年是你嗎？）

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/rFx2OMN7Pjk

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【💣香港關 #中英聯合聲明 腿蛋治 第十五回 ICAC 】

♒貪污同上下其手係中國人嘅民族劣根性，所謂「公平公正」每個中國人都識講，但係真實好少人真心認同，口裏說不，身體就是最誠實，大家都應該一清二楚。斂財貪腐，當然並唔係單單係中國人嘅問題，只不過係中國人特別嚴重的問題。

♉香港曾經是世界上最貪腐城市之一，70年代之前，所有人參與貪污當食生菜，係日常生活唔可以缺乏嘅一種生存原則，尤其是當年嘅警隊，根本就係一個有組織性嘅巨大貪腐系統。第25任港督麥理浩爵士，於七十年代一手將整個貪腐局面改變過嚟，成立廉政專員公署ICAC，獨立於公務員系統之外，亦由嗰日開始，香港呢個地方先真真正正文明起嚟，從此以後，能夠擁抱西方普世價值，融入大世界，成為世界文明人類嘅其中一員。

♐九七回歸前夕，當時好多人擔心嘅，就係貪腐問題會再一次喺香港滋生，平心而論，當時人嘅憂慮，並無大規模發生，過去20年，廉政公署仍然運作正常，繼續擔任起肅貪倡廉嘅任務，依種情況，要多得港英殖民地政府留下嘅優良制度、以及喺廉政公署工作嘅工作人員嘅專業態度，進一步睇，亦都係「高度自治」嘅一種正面表現，其實非常值得讚許。

♐貪污問題，一直係中國大陸改革開放後面對最大嘅挑戰，1989年嘅六四事件，其實本質上就係反官倒、抗議特權階級貪腐、導至民不聊生貧富懸殊問題叢生、人民嘅一次大型反抗。但六四之後，隨住中國經濟高速生長，人民生活水平顯著提昇，先將嚴重嘅貪腐問題互相對冲抵消。但貪污問題從來無解決過，甚至失控爆發，直至習近平上臺，先至用強硬政治手段大力打貪，因為佢明白，再唔控制各大山頭嘅巨大貪腐行為，整個國家，遲早一日會被唔同嘅山頭貪腐勢力崩分離析，最後亡黨亡國。

♈依一個原因，就係習近平要將所有權力集中於一身嘅理由之一。

🇬🇧https://youtu.be/U31yPnYL1d0

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百六十五回）
袁世凱平反系列

香港人加油！

國父孫文工作不忘娛樂，一邊收日本人錢組織獨裁政黨中華革命黨，1914年10月25日，一邊同英文秘書上海實業家宋嘉澍Charles（1861-1918）個女宋慶齡Rosamond（1893-1981）私奔，喺日本東京上野精養齋結婚。依一段明顯係政治婚姻，宋慶齡係孫文第三個老婆，孫文已有原配盧慕貞以及大月薰，老婆真係唔怕多，一個官人七個妻，正常啊。呢段婚姻，亦正式將宋家帶入中國歷史之中，從此以後不可分割，關於宋家嘅事，以後大把機會講。

叉開小小講吓宋嘉澍牧師，佢非常反對呢段婚姻，宋慶齡係私奔同孫文響日本結婚，掌上明珠淪為他人三奶，情何以堪？宋嘉澍夫婦更從上海追去日本反對，據日本人士回憶，宋嘉澍曾經響孫文屋企大門口叫喊：「我要見搶走我女兒的總理！」孫文行出嚟，宋嘉澍突然跪低，磕了幾個頭講：「我不懂事的女兒就拜託你了，請千萬多關照！」，之後轉頭就走。米已成炊，做老竇嘅亦冇辦法，耶穌亦幫唔到佢，捉隻老鼠入米缸係你自己之前嘅選擇，過兩年宋嘉澍仲死埋，死嘅時候得54歲。

身為國母宋慶齡，明顯係百分百嘅馬克思主義者同志Comrade，孫文同佢結婚之後，思想更加左傾，之後孫文同蘇聯結盟，我諗宋慶齡喺當中扮演非常重要角色。宋慶齡喺孫文死後，更加成為中國共產黨喺國民黨內最大一條針，由於國母身份，連蔣介石都唔夠膽喐佢。1949年中共建國，國母宋慶齡功不可沒，建國之後，宋慶齡曾經擔任國家副主席和代理國家主席，1981年獲授予「中華人民共和國名譽主席」稱號，實至名歸。

講返袁世凱，1915年頭，日本秘密向佢提出21條，要中華民國成為日本附庸國，而且講明唔可以爆響口，認真鬼鼠。袁世凱梗係唔應承，亦暗中將消息透露畀全國同全世界知道，希望外國勢力介入，可惜一戰爆發，時勢幫咗日本人，袁世凱由1915年2月開始，繼續同日本秘密會談五十幾輪，希望力挽狂瀾，其實一心為中華民國好，被抹黑成賣國賊，後世中國人其實用屎忽諗嘢。

21條被國民知道後，成個中國熱血沸騰，日本作為中國侵略者嘅身份，亦正式被100%確認。當時，中華民國甚至掀起一股捐錢救國潮，民眾紛紛捐款救國，可惜杯水車薪，始終無辦法取得實際效果。

4月26號，日本向中國提出21條最後修正案，主要作出嘅修訂係第二部份，降低咗對掠奪東部蒙古嘅要求。其餘一、三、四部份，基本上內容不變。而第五部份，即係全盤接手中國內政經營部份，日本同意與此次交涉分開，容後再談。即係一定唔肯講「撤回」，永遠保留一線生機。

21條交涉期間，上天並冇保佑中華民國有片刻安寧，外憂內患不絕，國內旱災水災內亂從來未停止過，四處有暴動，周圍有罷工，天災人禍，死傷無數。袁世凱就算係生神仙，亦都冇辦法處理混亂局面。另一方面，整個中華民國亦在混亂中，不斷嚮前高速發展，1915年3月，美國政府為咗慶祝工程浩大嘅巴拿馬運河完工，舉行萬國博覽會，同時舉辨咗一場國際物產博覽大會，中華民國應邀參加，帶有濃烈東方色彩嘅中國展覽館由農商部主持開幕，中國參展嘅產品，主要係絲綢瓷器同茶葉，響博覽會上出盡風頭，獲獎無數。


實際上，社會運作唔會停止，經濟活動亦唔會停低，因為人類始終要食飯屙屎，政治作為經濟活動嘅延續體，亦完全唔能夠淩駕於經濟而獨立存在。講多次，如果你仲認為政治同經濟無關，可以完全分開，咁你嘅智商唔適合讀歷史。

談判21條期間，外國勢力並冇如袁世凱所料介入，因為日本攞住最大籌碼，就係有乜風吹草動，佢就會同德國議和，脫離一戰協約國陣營，其他西方國家，好似英國、美國同法國，為咗顧及當時佢哋喺中國嘅經濟利益，紛紛向日本21條表示讓步，不加干涉。而且仲有一個附加條件，其實當時1915年年中，袁世凱已經積極研究拋棄共和、復興帝制嘅可能性，依一點，日本政府表示附和同支持，捉正咗袁世凱心理。

而且21條第五部份暫時「明日黃花」「壽終正寢」，中華民國嘅主權同行政權基本上可以維持響袁世凱中央政府手上。終於響1915年5月9號，袁世凱接受咗日本嘅最後通牒，承認喪權辱國嘅21條。當時北京政府內部所有人亦都無計可施，只有表示認同大總統嘅決定，唯獨我哋之後嘅大軍閥段祺瑞先生（1865-1936），曾經要求以武力相抗，可惜袁世凱亦都婉拒咗佢嘅要求，因爲要打，根本冇撚得打。鬼叫你窮？鬼叫你冇兵？

5月25號，中方代表外交部長陸征祥同日方代表日本駐中國公使日置益喺北京簽訂《中日條約》，落實21條，東三省正式成為日本管轄殖民地。政府承認21條消息傳出，民眾群情洶湧，愛國團體紛紛集會示威，不承認21條內容，全國開始抵制日貨。全國教育聯合會更決定，所有學校以每年5月9號為「國恥紀念日」！

日本21條隻大死貓，亦正式由袁世凱一個人食X曬！整個中華民國民眾，亦開始憎到佢仆街！不過睇返成件事，佢其實無得選擇！半年後，洪憲帝制出現，佢老母佢仲要做皇帝？點解會咁？點解袁世凱會蠢成咁？我哋下次慢慢分析……

#常威 #斷送共和關袁世凱蛋牛治  #袁世凱 #民國歷史

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【189回：大清亡國關 #愛因斯坦 蛋牛治】

♉1905年被稱呼為愛因斯坦奇蹟年，一個20多歲年輕猶太人腦袋，利用空想思考實驗，破解科學迷思，顛覆西方整個物理學界，為人類找尋對時間、空間同宇宙最後嘅答案。愛因斯坦當時身處奧匈帝國首都維也納，一個歐洲大陸最美麗最文明嘅城市。

♈我所作出嘅比較係，當愛因斯坦1905年為人類嘅科學帶嚟重大突破嘅時候，中國仍處於野蠻落後嘅原始世界之中。當時東西方嘅知識文化水平分野極其巨大。日本人明治維新用上40年時間不斷嚮前衝，終於僅僅搭上西方文明尾班車，成功脫亞入歐，擺脱野蠻落後。但當時嘅中國仍然未有日本嘅覺悟，仍自以為本身嘅文化極其優越同無法替代，實情係自己打飛機落後他人百九幾年，依一個中國人落後於西方文化嘅巨大鴻溝，一直冇辦法修補過嚟，真真正正輸在起跑線，一輸輸到今日21世紀……

♑1905年，亦係人類最美好燦爛輝煌嘅日子，歐洲大陸上，資本主義而生嘅帝國主義透過剝削同爭奪所創造嘅經濟繁榮，邁向最高峰階段，連帶科學、技術、文學、藝術、哲學及人民日常生活，一同步上歷史上顛峰，冇人能夠想像得到，只不過是短短十年後，整個歐洲會陷入入一次史無前例嘅世界大戰，超過1000萬人死亡，真係一句有咁耐風流，就有咁耐折墮……

♊然而第一次世界大戰，只係呢個殘酷世紀嘅開端，無數戰爭會響之後不斷發生，文明嘅人類，卻造出最野蠻嘅行為，甚至有人講，20世紀係西方歷史上最可怕嘅一個世紀。擺脱咗過去嘅愚昧落後，20世紀嘅世界人民其實證實同實踐咗所謂自由，公義、平等等種種理想，但係好多時候都只不過係短暫嘅曇花一現。

♉但係大家唔好灰心。自由、公義同平等等普世原則，並唔會因為災難、戰爭、極權而消失，我哋總有辦法將佢哋繼續存留響心裏，響適當日子從頭再開始，目前，就算喺最絕望最黑暗嘅情況下，亦都唔好喪志，加油！

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/0wRSbxvKGYY

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百六十六回）
袁世凱平反系列

香港人加油！

袁世凱 #21條 賣國，割讓東三省，正仆街！

之後仲想做皇帝，咁仲唔係一個十成十冚家鏟？

睇見條 #廢老 咁L墮落，本公子秉承專同衰人賤人平反風格，一於睇吓佢身邊有乜嘢人搞到佢遺臭萬年先。我講過，我哋唔可以將歷史責任推喺一個人或一小撮人身上，由今集開始，我會講吓大總統袁世凱身邊嘅 #幕僚 陣容。

袁世凱由1882年奉 #吳長慶 之命，為 #朝鮮王朝 訓練新軍開始，就開始組織自己嘅班底。我講過，呢個人有佢嘅獨特魅力，而且對朋友對下屬有責任有承擔，絕對唔係 #林鄭 689 之流，所以之後嘅日子，有唔少能人異士追隨佢，義無反顧協助佢打江山，最後推到佢做皇帝，只可惜歷史總係喜歡同人類開玩笑，有料嘅人遺臭萬年，古惑仔流芳百世，總係中華民國嘅不幸。

槍桿子出政權，唔使毛澤東 教，袁世凱一直相當明白，冇足夠嘅武力，亦唔可以爭取足夠嘅權力或談判籌碼。良知有用，和你飛飛有用，但槍支更有用。好似打機一樣，袁世凱身邊幕僚系統亦可以分為「#文官」同「#武將」兩個部份，而武將方面，則以「#北洋三傑」對袁世凱最為重要。

「北洋三傑」，分別是 #王士珍（1861-1930）、#段祺瑞（1865-1936）與 #馮國璋（1859-1919），當事人稱龍、虎、狗。呢三個人係袁世凱手中嘅軍事王牌，佢哋不約而同係由袁世凱一手提攜培養出嚟，所以對袁世凱忠心耿耿，但係最後帝制失敗，又係同呢三位仁兄有關，真係成也龍虎狗、敗也龍虎狗。

先講北洋之龍王士珍，王士珍係袁世凱喺軍事上最寵信嘅人，「亢爽有智略」，袁世凱稱佢為「第一號福將」。響清朝，佢最高嘅官職做過陸軍部大臣，響民國，曾任國務總理兼陸軍總長。論官職，佢唔及之後嘅段祺瑞及馮國璋，但係段、馮兩人，袁世凱唔係百分百信任，反而王士珍永遠義無反顧企喺袁世凱身邊支持大佬。

無論喺袁世凱生前死後，王士珍都係忠於主人，佢平生不愛弄權，幾次有機會上台執掌大權，都係接受邀請，暫作調和亂局，當時勢唔需要佢嘅時候，佢就落台（今時今日邊個做得到？）。佢平生處理衝突無數，面面俱圓，邊個都唔得罪。佢正正就係我常公仔口裏面所講嘅 #溫和派，當社會邁向衝突兩極化，就需要有中間派溫和派出嚟調和衝突。

現在香港嘅亂局，就係特區政府一直落嚟沿用「#敵我矛盾」的左派鬥爭思維，政治光譜上，唔係我嘅朋友，就係我嘅敵人，你唔係 #建制，就係 #泛民。於是乎過去嘅日子，中間派溫和派逐漸消失，有事起嚟，得田氏兩兄弟肯講人話，想搵多個人救命或者做和事老講句公道說話都冇呀陰公。

王士珍安享晚年，佢並冇因為係袁幕僚嘅第一號人物而遭受任何人迫害或攻擊，反而人人畀返幾分薄面佢，做得龍頭大佬，果然有做大佬嘅風範。

北洋之虎段祺瑞，係一個百分百嘅專業軍人代表，佢係第一批接受過日本德國 #普魯士 正規軍事訓練嘅中國軍人，喺袁世凱嘅陣營裏，佢係第一號軍事專才，北洋軍系統差唔多係由佢建立同實際領導，無可否認，作為一個軍人，佢嘅表現卓越；作為一個部下，佢亦都係袁世凱嘅最得力助手。但去到袁世凱生命最後階段，段祺瑞開始感覺自己會係袁權力嘅承繼者，權欲膨脹底下，佢開始同袁發生衝突，上集已經講過，段祺瑞唔支持21條，之後佢亦唔贊成 #洪憲帝制，袁世凱稱帝失敗，段祺瑞作用頗大。

袁世凱死後，段祺瑞果然承繼佢嘅大部份政治遺產，成為 #皖系 軍事領袖，但係作為一個專業軍人，佢80分，但作為一個政治家，佢嘅視野同埋判斷力都唔合格40分，同林鄭一樣，作為港英殖民地技術官僚，好打得冇得頂80分。但要做領導人特首，大家睇到完全失敗收場0分。歷史學家 #劉仲敬，佢咁樣評價段祺瑞：

「他這種人如果生存在比較正常的社會，很容易成為優秀的軍官，足以發揮技術能力，卻不會暴露判斷力的弱點。他客串政治家，主要是時勢所逼和資歷所致，實際上害了他，也害了他的國家。他犯下的罪行比大多數同時代人更少，犯下的錯誤卻比大多數同時代人更多。」（註）

北洋三傑中最後一個馮國璋，被人稱呼作狗，大家就知道當時嘅人非常睇唔起佢。原因好簡單，因為佢係負責帶兵嗰個，無論係 #辛亥革命 武昌前線，抑或 #第二次革命，正面打擊江西都督 #李烈鈞，主要軍事行動都係由馮國璋負責。

上得前線衝，就係要承受千夫所指，無論係勇武派抑或警察，身上所中嘅箭係最多，流嘅血亦係最多，同樣承受的罪責亦都係最多，道德光環永遠係由背後 #冷氣軍師 同 #統治階層 所獨佔，有時候前線軍人，只係依從軍令辦事，上頭叫你加重暴力，你祇有照做，否則就係違抗軍紀，戰爭時期可以即刻拉去後巷打靶。

馮國璋除咗帶兵打仗叻，佢亦係中國首批軍事教育家，北洋軍系好多軍事教科書同埋專著審稿鑒定嘅工作都係由佢主理，其實佢文武雙全。對於袁世凱稱帝，馮國璋亦都唔支持，因為馮國璋嘅政治取態，似乎係忠於清室，佢希望清室復辟搞 #君主立憲，多過袁世凱做皇帝。所以洪憲帝制期間，佢消極面對。北洋三傑，有兩個人唔buy袁世凱稱帝，咁佢老母失敗收場亦都理所當然。

袁世凱死後，北洋派分裂成以段祺瑞為首嘅皖系，同以馮國章為首嘅 #直系，兩個人鬥得難分難解，同對手段祺瑞比較，都係冇乜高低，職業軍人做政治家，等於你叫個中文教師去搞核子彈，當然冇段好睇。最後馮國璋輸嘅係壽命，佢死得早。

今集講武將，下集講吓文官。


【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【190回：大清亡國關 #五大臣出洋 蛋牛治】

♉香港人追求民主嘅路途，由上一個世紀80年代開始，之前嘅香港人一直對民主毫無興趣，港英時代統治階層亦都冇積極發展香港嘅民主，雖然事後好多文獻都話佢哋本來想咁樣做，但真實情況係，港英政府一直採用愚民政策，政治嘅嘢，市民最好唔好理咁多。

♏情況到咗1984年，中英聯合聲明簽訂，英國人著手大力喺香港發展民主政制，與其話係大潮流所趨，不如講英國人一早就知道地雷要預先埋下，九七之前我發展香港民主係大功德，而97之後發生乜嘢問題，就係閣下嘅問題。經歷過上述轉變嘅人，都會一清二楚。

♉轉捩點係1989年發生嘅六四事件，我可以同大家講，六四事件之前其實全香港人大部分都好愛國，亦都相當支持中華人民共和國由鄧小平一手主導嘅改革開放政策，當時香港人幻想，中國會放棄社會主義，擁抱資本主義，中國會行上西方世界指定嘅民主自由發展之路，然後香港回歸，從此一帆風順，國家好香港好，大家安安樂樂過穩定繁榮嘅好日子。當然事後睇返，純粹只係香港人一廂情願。人生不如意事十常八九，現實世界亦如是，壞事佔九成，好事往往係曇花一現。

♊最後一任港督唔係一個普通殖民地官僚，而係當時嘅前保守黨黨魁彭定康，彭定康一到香港，就著手處理六四之後香港人要面對嘅回歸問題，大力發展民主，亦響香港20世紀90年代成為民間焦點。香港人嘅民主路，眨下眼一行就行咗30年，經歷咗九七回歸，到咗今時今日，我哋並唔能夠根據《基本法》規定，一人一票普選行政長官，立法局議員選舉，仍然有功能組別嘅不民主內容。細心計算，其實30年嚟，只係行咗半步都唔夠。今日香港人擁有嘅民主，其實係甩皮甩骨，笑當年慈禧太后，我哋一啲資格都冇。

♉過去幾年，香港嘅民主同自由不但無嚮前行，而且有倒退跡象，結果累積民怨，發生今年夏天嘅終極大爆發，下一round會發生乜事？我哋可以繼續嚮前行？抑或我哋嘅自由會被收緊？進入極權模式統治？老實講，我真心唔知道。但如果用讀歷史嘅角度去睇，壞事發生嘅可能性相當高。當然唔使太灰心，有一樣嘢，叫鬥長命。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/T5dqoUgJl8I

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百六十七回）
袁世凱平反系列

香港人加油！

上次講完袁世凱嘅武將龍虎狗，今次講吓佢幕僚裏面嘅文官。同樣今次都會講三個人，串燒三兄弟，因為其中兩個係兄弟關係，另外一個仲係袁世凱契哥添。

出嚟打江山，一定要有自己信得過嘅兄弟同班底。我唔係講緊黑社會社團活動，做任何事情、玩任何遊戲、無論政治同商業活動，兄弟班底其實好重要。現代世界有一批讀飽書嘅人，認為制度同埋金錢可以解決一切，真正「法統」代表隊，但真實世界裏面，尤其是中國人嘅世界，「人際關係」始終係決定成敗嘅重要因素。好話唔冇聽，就算你做生意做到要上市，都要搵「人頭」做執董白手套，你去炒樓炒鋪，都要搵信得過嘅人同你做「人頭」掃貨或擔保，股票都要有人做parking，就算升十倍都唔可以沽，馬雲都有十八羅漢，冇人冇物，單打獨鬥，或只有酒肉朋友，同人人保持距離，就算你老豆大把錢剩比你，你都唔會贏。

袁世凱嘅文官班底中最重要嘅一個人，就係佢結義金蘭嘅契大佬徐世昌（1855-1939），關於徐世昌嘅故事，以前已經講過。佢同袁世凱識於微時，彼此不離不棄，有小小gaygay feel，徐世昌平步青雲，由袁世凱一手打造，響清朝，徐生撈到做協理大臣，即大清內閣副總理。中華民國袁世凱當權時代，官職對徐世昌已經唔重要，因為中央政府根本就係由袁徐兩契兄弟一手操縱，佢好似今日香港政局董建華嘅身份，呢位退休特首其實已經同香港冇任何關係，佢只係一個普通市民，但球證旁證都係佢嘅人，佢嘅影響力，1997年到今日其實從未退減過。

徐世昌呢份人非常聰明，做事面面俱圓，同北洋之龍 王士珍一樣，唔會得罪任何人又做到實事，受主人歡迎之餘，民衆對佢嘅印象亦好過陳帆，因此時人叫佢做「水晶狐狸」，水晶即晶瑩通透八面玲瓏，至於狐狸？大家明嘅，邊個做官唔奸呢？徐世昌可能係最奸嗰個添。

佢同共產黨嘅周恩來亦都好相似，生前死後聲明甚佳，但係又能夠充分發揮政治影響力，不過大前題係兩個人都有個大佬喺前面受靶就真。

袁世凱要稱帝，徐世昌並唔認同，同因為佢好清楚袁係撼頭埋牆，一定冇好結果。但係基於兄弟情誼，佢都出任咗洪憲帝制內嘅國務卿。有陣時做兄弟前線嘅嘢，知道要死都冇得縮。袁世凱死後，徐世昌繼續發揮影響力，做咗段祺瑞同馮國璋之間嘅和事老，曾經擔任過中華民國大總統，佢好長命，喺上海租界活到80幾歲先死。

文官第二把膠椅係楊士驤（1860-1909），安徽人，兩榜正途進士出身，本身係李鴻章幕僚，同八國聯軍議和就由佢同佢細佬楊士琦一手促成，李鴻章死後，楊氏兄弟加入袁世凱陣營，成為智囊，成為政壇舉足輕重嘅人物。兩兄弟都極具政治權謀，有人講，知道袁世凱最多秘密嘅就係楊士驤。滿清期間，袁世凱先後保舉佢成為直隷布政使、山東巡撫，後來佢更加做過直隸總督兼北洋大臣。楊家七兄弟，喺袁世凱嘅提攜下，每個都成為政壇顯要。楊士驤早死，捱唔到1911年，如果佢長命啲，影響力將會更大。

有個笑話要補充，楊士驤出名夠貪同怕老婆，平生冇立妾（都算奇跡），生前佢曾自撰挽聯，佢咁寫：「平生可入遊俠傳，到死不囿綺羅香」，大把錢冇女媾，真係俾佢笑X死。

至於佢排第五嘅細佬楊士琦（1862-1918），亦係奇人，晚清末年好多事都同佢有關，甚至有人話光緒皇帝就係佢親手落毒搞掂？民國建立，則成為咗袁世凱幕府內嘅特務頭子，楊士驤早死，楊士琦更被袁世凱器重。1912至1913年，南北議和之後，佢就留喺上海，代表袁世凱操縱南方大局，立大功之餘相信亦撈咗唔少油水。

洪憲帝制，楊士琦係主要推手。袁世凱死後，佢嘅權勢亦都跟住沒落，鬼叫你跟車太貼？隨後退出政壇隱居上海。

不過佢嘅故事未講完，因為實在太有趣。傳聞話特務頭子楊士琦有一種絕活，就係「必殺毒藥水」，傳説牽涉入宋教仁案嘅中國警察之父趙秉鈞就係俾佢用獨門秘方藥水毒死咁講。我個人對於依個傳言冇辦法相信，楊士琦是什麼身份，就算要落毒都不用親自出手吧？但係，用毒藥行刺政敵，又係當時常用嘅手法，我已經講過唔少，大家可以同朕check番。

不過最好笑嘅係，楊士琦自己就係俾自己枝毒藥水毒死喎。話說退出政壇後，佢隱居上海法租界，同兩個小妾小波菜同小白菜過著優哉遊哉嘅退休生活。但係有一日，佢撞破咗佢個仔同小菠菜小白菜響床上玩3P，佢嬲到仆街，聲言要處死兩條菜！於是小白菜一不做二不休，搵咗佢嗰支獨門秘方毒藥水，整咗幾滴佢歎吓，結果楊士琦飲咗即刻歸西，時值1918年9月27號，終年57歲，真係冤有頭債有主，呢單嘢即係當年轟動上海灘嘅大案。

其他文官，我哋下次再講。

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【💣香港關 #中英聯合聲明 腿蛋治 第十六回 ICAC 】

♒1971年11月9號，原來係香港第25任港督麥理浩爵士嚟香港履薪嘅好日子，最近都不停講麥理浩，每寫一筆，就感覺到麥理浩爵士當年嘅實務施政風格，十年時間其實話多唔多，話少亦唔少，麥理浩嘅十年，就做咗無數實事，徹底改變咗香港，亦帶領香港邁向光輝燦爛嘅年代，香港，真係需要一個好嘅領導人。

♐今集內容，講麥理浩如何拆解當年嘅警廉衝突，兵貴神速，做事絕不拖泥帶水，隻鑊爆咗，就短時間內頒佈特赦令，軟硬兼施，將一場警廉風暴化解於無形，由這一件事，可以睇出麥理浩嘅務實施政手。從此以後，香港警察嘅形象提昇至亞洲第一，甚至世界前列，今日香港警察形象一落千丈，究竟係邊個嘅責任？當權者真係要好好反省一下。當然警民關係破裂，亦係施行極權統治嘅大前提，否則警察同人民站於同一陣線上，如何可以施行極權統治呢？大家真係用心諗清楚，其實所有事情早有部署，完全唔係意外事件。意識形態戰爭，其實早已喺回歸後嘅香港發生緊。

♋當年麥理浩解決香港嘅嚴重貪污問題，係建立一個獨立於警隊、或獨立於整個公務員系統以外嘅「廉政專員公署」，即ICAC，杜絕咗警察自己人查自己人嘅陋習。今日香港，特區政府仍然堅持拒絕成立「獨立調查委員會」調查最近警察嘅嚴重違規行為，堅持用警監會自己人查自己人，其實係毫無作用，亦冇可能平息民憤。事情畢竟發生咗，想和稀泥冇件事，係國內嘅文化，並唔係香港人嘅習慣。我亦好相信，「獨立調查委員會」一定會成立，只不過係遲早嘅問題。當然就算將來「獨立調查委員會」能夠成立，大家亦唔可以寄予厚望。

♑最近搬屋，鎖事繁忙，《香港關中英聯合腿蛋治》第17回，將會延後一個星期先出街，請大家見諒。

🇬🇧https://youtu.be/HhdWC68czIo

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165