【大清亡國關慈禧蛋牛治】第一回

【198回：大清亡國關 #唯一敵人 蛋牛治】

♉20世紀初期，清帝國嘅唯一敵人，係日本。日本人自從打贏甲午戰爭，就千方百計想吞拼大清帝國，就算進入民國時代，日本人亦冇將吞併中國呢個企圖放棄過，直至1945年，成個遊戲先至正式結束，歷時接近半個世紀，當中帶嚟嘅災難同埋人命財富嘅損失，無法估量……

♐世界嘅局面瞬息萬變，到咗今時今日，中國嘅唯一敵人，係美國。諗返起幾年前，當奧巴馬仍然在位嘅時候，實際上冇人會諗到今日翻天覆地嘅變化。當胡錦濤同奧巴馬主政中美嘅年代，大家仲係朋友關係，偶爾有詏撬，但係萬事好商量，但習近平同特朗普上臺之後，形勢就產生180度嘅變化，下下對著幹，當中人嘅意志似乎主導著一切，依一點依乎毋庸置疑。

♈究竟當中發生乜嘢事哩？我嘅好朋友財經大師周顯先生就認為，一切都係因為2008年發生嘅一場「金融海嘯」，金融海嘯為美國帶嚟嘅財富損失其實無法計算，而美國修補嘅方法就係量化寬鬆，狂印銀紙修補洪水缺口。造成嘅後遺症係，美國必須向全世界其他國家輸出其通脹以及搜掠財富，之後日子，全世界資產泡沫氾濫，但經濟卻不斷向下行，似一點大家喺金融全開放型嘅城市香港可以充份見到，嚟到今日，全世界均陷入經濟衰退局面，只有美國嘅經濟一枝獨秀，你就可以睇到，當中政經金融操作又是何等厲害……

♐用更簡單嘅語言去講，二次世界大戰之後頹垣敗瓦嘅歐洲能夠經濟復興，因為美國肯買嘢；戰後日本躍升成為世界上第二大經濟體系，亦因為美國買嘢；就算係80年代中國嘅改革開放，經濟飛騰，背後嘅原因都係美國買嘢；更加唔好講蔣介石嘅臺灣、南韓或者香港，冇咗美國呢條終極大水喉，所有嘅經濟奇蹟根本唔會發生。但呢條大水喉（全球經濟火車頭），經過2008年一役，已經缺水。佢要由「買嘢」嘅身份，變成「賣嘢」嘅身份，由「放水」變「回壠」，一來一回、一收一放、一買一賣嘅角色轉變，就造就咗今日翻天覆地嘅世界形勢。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/t-azDfkISlM

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百七十八回）
袁世凱平反系列

蔡鍔（1882-1916）係根正苗紅的革命分子，中國近代史上享有極高聲譽，有「軍神」稱號，亦係第一個享用「中華民國」國葬待遇嘅風雲人物。佢嘅經歷，差唔多係20世紀初期中國一眾軍閥嘅典型，首先佢亦係湖南人，曾到過日本接受軍事訓練，已清帝國軍人嘅身份加入過同盟會，改朝換代嘅革命，佢一直有份參與。

1911年辛亥革命時，佢響雲南昆明起事，將雲貴總督李經義（1860-1925）逮捕，成立「大中華國雲南軍都督府」，從此掌握雲南軍政大權，擁兵自重，割地稱王，佢承認中華民國北京中央政府主權，但唔代表接受中央政府管轄，國民黨發動「二次革命」，蔡鍔甚至企喺袁世凱一邊對抗孫文黃興陣型，其實蔡先生嘅所作所為，就係百分百「軍閥主義」，亦係國家分裂嘅最重要原因，袁世凱臨死前拋出洪憲帝制，其實真正要對付嘅，就係依一類當時喺中華民國國土上面嘅「分離主義者」。

蔡鍔所代表嘅係雲南軍事勢力，1912年10月，袁世凱嘗試杯酒釋兵權，將蔡鍔從雲南召入北京，畀個大官（參政院參政、全國經界局督辨）佢做，希望收復佢成為自己人，可惜蔡鍔從來不羈放縱愛自由，血統上亦並非袁世凱嫡系，到咗最後，佢成為反對袁世凱帝制最主要嘅軍事領袖。

槍桿子出政權，當時嘅世界，軍人服從嘅係軍令，而非政令，軍人服從嘅人係地區司令員，並非中央政府領導人，所以先有「軍閥」依種角色存在。如果中央政府冇辦法收歸各地軍閥嘅軍權，咁分裂狀態係唔會結束。成個中國近代史，自1860年曾國藩李鴻章為咗平定太平天國之亂，建立所謂民間軍紳地方軍隊制度之後，其實所謂中國，已經進入大分裂狀態。地方軍隊由地方勢力供養，中央冇錢到，邊個出糧，邊個就係老細，情況簡單到飛起。南北長期分裂，亦係呢個原因。

我再講多次，中國大分裂軍事割據狀態一直要去到1949年中共建國之後先結束。中國共產黨，或者指毛澤東本人，完成咗中國歷史上一次最成功嘅「杯酒釋兵權」大動作，建國之後，中共將各地解放軍軍頭全數調返北京做文官，封你哋做「十大元帥」，其實係將離散嘅軍權收歸國有，大一統成功建立。當然當時中共杯酒釋兵權，亦唔係百分百成功，東北軍頭高崗（1905-1954）初初就唔肯就範，之後當然有一個好悲慘嘅下場。

1949年共產黨杯酒釋兵權之能夠成功，全因為中共手腕夠硬淨，亦冇任何妥協空間，當然背後有蘇聯史太林嘅大力支持亦係非常重要嘅因素，不過如果要我解說，我會覺得「意識形態」響當中擔當住更重要嘅角色，中共起兵搞革命，所用嘅「-ism」口實，係共產主義馬克思主義，團結軍心上前線打仗，主要用嘅係「意識形態」驅動，並非百分百利益交換，而「意識形態」主導權嚟自中央政府，呢個就係中共49年能夠杯酒釋兵權嘅最重要理由。

【199回：大清亡國關 #刺殺 蛋牛治】

♉「行刺」係20世紀初期常用嘅政治手段，當時作為政治人物，的確係九死一生，第一次世界大戰導火線，就係1914年6月28號，奧匈帝國皇儲斐迪南大公響薩拉熱窩被塞爾維亞民族主義者普林西普刺殺身亡開始，之後有2000萬人、加埋奧匈帝國同鄂圖曼帝國陪葬，可以講係歷史上最經典嘅刺殺事件。

♋慈禧太后咁X衰，一生人我諗亦試過有好多人想行刺佢，最後都唔能夠成功，我哋歷史上見到嘅，可能只係佔咗整體行刺數量嘅少數。今集youtube所講，保皇黨康有為派刺客行刺慈禧太后，我諗光緒皇帝冇可能唔知，冇光緒批准，康有為應該唔敢咁做。歷史上將光緒帝描述得太正面同太被動，但實際上佢亦都係一頭政治動物，會張牙舞爪，只不過佢嘅對手係馬基維利主義者慈禧太后。

♉史上最靚仔嘅美國總統約翰甘迺迪，死於刺客之手。佢嘅細佬羅伯特甘迺迪亦遭受同樣命運，一門雙傑皆死於冷槍之下，令人嘆惜，我個人認為並唔係偶然，真相同埋幕後黑手至今仍然係一個謎團。最後一個曾經被行刺嘅美國總統，係1981年朗奴列根，佢中槍大命不死，然之後亦再冇美國總統被行刺過，世界係文明咗？抑或係保安嚴密咗？或者兩者都有關係。

♊中國近代史上，毛澤東傳聞1970年比林彪個仔林立果策劃行刺過，佢哋打算炸毀毛澤東乘坐嘅專列火車，最後無成功到。但成件事到底係唔係真？亦都無辦法證明。我講過，正如林彪政變失敗後，逃亡乘坐飛機投奔蘇聯，最後飛機撞山爆炸，中共幾年後發表嘅新聞圖片，仲可以見到林彪一家人嘅完整燒焦屍骸？可信嗎？反正我就相信了。

♉早幾年，亦有傳聞中國國家主席習近平曾經被行刺，話佢腰部中槍，成兩個幾月冇出現喺公眾場合，言之鑿鑿。可信程度亦都相當高，不過又係無辦法被證實真偽。無論如何，活著嘅始終活著，死咗嘅你可能永遠唔會知道。就好似今日嘅香港，好多人話有好多年輕示威者被自殺被失蹤，同樣言之鑿鑿，係真定係假，至今仍然冇辦法證實。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/_q-BEW5FxL8

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

Lm

【常威近代史】（二百七十九回）
袁世凱平反系列

蔡鍔英年早逝，搞掂咗袁世凱自己亦都瓜埋，實齡33歲，因此成為「軍神」，連同個填房小鳳仙，都成為中國可歌可泣嘅愛情經典，成為民國歷史一位大英雄，我自己好相信，如果佢長多30年命，佢應該只會係云云鹹濕「大軍閥」許冠文中嘅其中一人，歷史人物要死嘅時候就應該死，要退嘅時候應該退，先進民主制度優越嘅地方，就係「時限性」，執政人物有時限，政黨執政亦有輪替時限。賴死唔走通常得一個結果：遺臭萬年。

你又可能會問，點解長期執政一定會出事？其實道理亦都好簡單，因為政治本身涉及太多利益同權力，或者政治根本就係處理利益權力分佈嘅遊戲，一個執政黨或者一個領導人，如果長期戀棧高位，必然會因利益權力不住隨時間累積而成為特權階級或獨裁者，中國人叫尾大不掉，特權階級就會必然發展到極權統治（歷史必然性），就算係以公平主義掛帥嘅共產黨，大家都可以睇到，到最後，權力同利益只會因為缺乏競爭者監察或輪換機制，而不斷收窄集中到小部份人手裡。

1991年蘇聯解體，就係因為特權階級膨脹到妨礙國家經濟政治發展；1966年毛澤東發動文化大革命，目標亦都係直指黨內因建國以來不斷膨脹嘅列寧式官僚特權階級同志們；到咗現代中國，更加唔使講，改革開放之後，官僚特權階級以盜賊式資本主義（Robbery Capitalism）寡頭壟斷國內所有經濟利益，其實亦都係今日中國被西方世界視為洪水猛獸嘅理由（之一）。

但係1915年，袁世凱推出洪憲帝制改革國體，目的又係唔係單純為咗自身利益咁簡單呢？袁世凱真係想千秋萬世？我睇未必。我講過，就算唔做皇帝，當時嘅袁世凱已經係中華民國國內擁有最大權力嘅第一人，佢可以輕易解散國會，任意制定法律，亦擁有最強軍事力量北洋集團backup，清洗國民黨之後，佢已經係一個獨裁者，但係將名號由「大總統」變為「皇帝」，動機又係啲乜嘢呢？

以我嘅分析，袁世凱並唔係傻仔，洪憲帝制，本身就係想復興「儒家哲學」呢個意識形態，你睇後嚟佢登基，或之前祭孔祭天，全部都係想行返周禮格局，佢想重新恢復儒家哲學體系嘅正統意識形態位置。1911年辛亥革命後，冇人再相信儒家哲學，忠君愛國嗰套嘢，畀民主自由法統所取代，但係意識形態大轉移，卻製造出驚天亂局，國家進入大分裂狀態，分裂唔緊要，但當時嘅中華民國係世界上一個弱國中嘅弱國，多弱差，人口太多軍力太弱經濟太差，如果再加上分裂，完全被列強瓜分，係遲早嘅事。

皇帝係一個意識形態表象，目的係為咗製造威權，只有威權先可以產生民眾嘅恐懼，而恐懼本身，基本上係國家團結嘅大前題。

放喺當時袁世凱眼前，就係一個國家崩分離析嘅局面。心急推行帝制恢復大一統統一國家，另一個冇乜人留意嘅因素，可能性係第一次世界大戰。

當時一戰打到水深火熱，1915年底歐洲大陸，英國、法國、俄國與德國全程投入戰爭，雙方死傷人數接近300萬，對中華民國嚟講，呢個係一個好時機處理國內亂局，否則英國法國俄國德國將注意力回歸遠東時，弱國中國只有進一步任人魚肉，冇一個獨立主權嘅國家體制，根本亦冇可能同列強周旋談判任何事情。睇返歷史，就一清二楚，自從一戰爆發之後，西方列強的確少咗閒情逸致侵蝕中國利益，只有冇直接派兵參戰嘅日本仔，仲有性趣乘機搶奪東三省（二十一條）。

1915年聖誕節，雲南宣佈獨立脫離袁世凱中央政府，以蔡鍔、唐繼堯為首嘅護國軍向袁世凱宣戰。蔡鍔嘅動機無比高尚，係要反抗袁世凱行帝制獨裁舊路，護國戰爭，所保護嘅係「中華民國」法統，亦即係民主自由議會政制。口號太靚仔，所以一呼百應，除咗護國軍嘅西南軍人，仲有孫文嘅中華革命黨、國民黨嘅溫和派、甚至之前stand by大總統、梁啟超等人嘅進步黨，亦紛紛響應反袁號召，組成聯合戰線，一齊對付袁世凱。

袁世凱決定1916年1月1號舉行登基大典，12月下旬，洪憲皇朝大規模封爵，北洋軍閥集團大批文武官吏均被賜予封賞爵號，其餘每個省份嘅重要領導人物，都一下子成為洪憲皇朝貴族成員，袁世凱依一著為咗籠絡人心，希望有更多人真心支持佢做皇帝，可惜人心不古，重名節多於實利嘅「儒家君子」時代已經過去，血肉森林裡面，名譽唔再重要，身份亦唔再重要。實權，即係錢同軍力先係最重要。儒家哲學本來係一件人皮，用嚟覆蓋野獸成為人類，人皮脫去，其實每一個人都係野獸。

好有可能袁世凱千辛萬苦，就係想當時嘅人穿返番上件人皮做番人類，唔再做野獸你爭我奪。佢自己當然明白呢個道理，因為佢亦都係其中一個。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【💣香港關 #中英聯合聲明 腿蛋治 第十九回 #總結麥理浩時代】

♒今集我總結一下麥理治時代，香港第25任港督麥理浩爵士在任嘅11年間，所做嘅事情或作出嘅貢獻實在係同今日林鄭月娥一樣，四個字——「罄竹難書」，不過前者所做嘅統統都係好事，惠澤社群；而後者所做嘅全部係壞事，徹底破壞咗香港依個美好嘅地方。

♏我響Youtube中講過，其實香港呢笪地方，係由麥理浩一手打造出嚟，佢先至係香港嘅國父同埋上帝，其實冇錯，冇咗麥理浩嘅十一年，香港唔會變成今時今日咁，喺麥理浩管理香港嘅期間（1971-1982），佢嘅祖國大英帝國則江河日下，對比殖民地香港，則欣欣向榮，大家有眼睇，可能係時勢造英雄，亦可能係同個人嘅魅力同埋智慧管治能力有關。放返響今日嘅香港，最近半年，林鄭月娥同佢嘅管治班底完全露咗餡，一手一腳以弱智式嘅統治操作將香港一|步一步推入深淵，呢個唔係我個人嘅見解，係大部份人嘅民意，佢想避都無得避。好彩香港係玩聯繫匯率，同美元掛鉤，若然香港嘅貨幣係自由浮動，我諗已經跌咗5-10%。

♉可能你會為林鄭月娥辯護，話佢根本冇話事權，佢頭上面仲有中聯辦中央政府中國共產黨，佢只係一個扯線木偶，完全冇自由so that冇責任。但當年嘅麥理浩難道又係一個獨裁者嗎？佢頭上都有倫敦政府殖民地部、有英國首相有英女皇，但係佢管治香港嘅期間點解會有咁大嘅自由度呢？一言以蔽之，呢個就係民主制度同極權制度嘅分別，麥理浩係一個民主制度之下嘅殖民地港督，林鄭月娥即係一個極權制度之下嘅香港特首，兩者一比較，大家就一清二楚，唔使再多講。

♑當然麥理浩並唔係完人，佢同夏鼎基七十年代所堅持嘅高地價政策補貼社會福利開支，亦將香港變成一個樓宇炒賣嘅無間地獄，遺禍至今，完全冇得返轉頭，對於依一點，我要強烈譴責佢。2019年去到年尾，半年動盪之下，所有第四季經濟數據出現史無前例嘅向下走勢，但攬炒成功了嗎？股市仍然堅持喺二萬六七，樓價同租金只係輕微調節咗5-10%，年尾流流，亦會有好多食肆同零售做唔住，政府派糖，但政治上堅持唔肯妥協，情況踏入2020年，未許樂觀。

🇬🇧https://youtu.be/KaPM_zORbTE

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百八十回）
袁世凱平反系列

時間去到1916年1月1日，本來元旦日袁世凱正式祭天，登基稱帝，成為中華帝國開國之君。但因時局動盪，決定暫時押後登基大典（儀式嚟啫）。同日，北京環城鐵路通車，整個北京市有鐵路連接，中國歷史進入新紀元。冇人知道如果洪憲帝制行到落去，中國會變成點？大家只係知道帝制失敗，整個國家就進入大分裂時代，之後30幾年，戰禍延綿，死傷無數，就係放喺眼前嘅事實。

你本來搞國慶，人哋同你贈興。1月1號，雲南都督唐繼堯發佈討袁檄文，列出袁世凱19條大罪狀，號召全國人民「翊衛共和，誓除國賊」。唐繼堯誓言維護《中華民國約法》，主要訴求係，取消帝制，重新召開國會，選舉國家新元首，實行民主政治原則，尊重地方議會，促進國家統一，實行聯省自治。一句到尾，要搞美國聯邦制，唔要獨裁。隨後貴州都督、前黔軍領導人劉顯世（1870-1927）響應，脫離中央嘅西南省份增至三個。

袁世凱洪憲帝制，對內唔受歡迎，對外亦都未有國際承認，1月3號，袁世凱下令對外仍稱「民國」，對內則稱「洪憲」。所謂名不正言不順，一定路難行。第一次世界大戰打到如火如荼，歐洲諸國理鳩你死，老西唔表態住，冇參戰嘅強國日本，事前聲明支持袁世凱，首先將你推入火坑，但冇任何實質動作。反而美國駐華公使，積極要求美國聯邦政府承認中華帝國，支持袁世凱統一國家。

如果你細看歷史，你會發現美國人一直好正路，真心想幫中國。更加唔好講之後全力支持蔣氏政權、或二次世界大戰全因為美國嘅原子彈投落廣島長崎而結束。今時今日，中國人民將當日列強施加於中國嘅侵略行為，全數轉嫁俾美國人，其實完全唔公平，係過於簡化嘅愚昧動作。

唯恐天下不亂，想從中撈油水，美國人從未做過。反而日本人就真係仆街，1月15號，日本帝國反檯，宣佈不接待袁世凱政府賀禮贈勛特周自齊，日本內閣並發表聲明，要求袁世凱延遲緩帝，否則出手干預。袁世凱亦深深瞭解，唔平定西南局面，帝制好難上馬。於是，頒佈討伐令，對雲南護國軍正式用兵，發動戰爭平定亂局。

1月中，新華宮（袁世凱大殿）內，設置「臨時軍務署」，袁世凱親自主持佈置三路大軍進兵雲南，希望以北洋系統強大軍事力量，一舉顛壓西南顛覆活動。

三路大軍，分別是由曹錕、張敬堯、李長泰所率45000人，正面進攻四川，作為打擊雲南護國軍嘅主力。

第二路大軍由馬繼曾、范國璋、唐天喜以26000人進攻湘西。

第三路大軍由粵軍龍覲光由廣西打貴州作側擊。三路大軍，動員接近100000人。征滇大軍總司令係曹錕（1862-1938）。

至於敵人護國軍，亦分為三個部份，基本上由兵力約為20000人嘅滇軍基礎上擴充而成，由軍神蔡鍔、李烈鈞、戴戡分統。蔡鍔領軍入四川，迎戰北洋軍主力部隊；戴戡經貴州打湘西；李烈鈞經廣西打廣州。實行實牙實齒，同袁世凱北洋討伐大軍決一死戰！

戰爭未開打之前，純粹以人數同軍事力量比較，北洋軍隊秤高何止一班？但個戰果大家都知道係乜，上一次已經講過，蜀道難，四川易守難攻，北洋軍遠道而嚟進攻，護國軍以守為攻，高下立判，其實係地理問題。

戰爭具體情況，下次再講。但想補充一點，打仗需要龐大金錢，蔡鍔同唐繼堯嘅護國軍，軍費從何而來？歷史記載，當時護國軍嘅軍費，係由廣大酷愛民主自由法統嘅海外華僑同埋四川雲南當地民間商家籌集得嚟。但我個人相信，以蔡鍔嘅濃厚日本背景，又以日本咁X想搞亂局從中撈油水，打仗嘅軍費日本人一定有份資助，當然一切證據一定被抹走，要fact check都無得fact check。

另外一個point，係由網友提供，我純粹發夢。雲南一帶，同越南寮國老撾緬甸泰國柬埔寨邊境接壤，到咗今時今日，雲南嘅毒品交易市場亦係無比龐大。中華民國建立後，袁世凱中央政府已經全面禁煙，即係話本來合法嘅鴉片毒品貿易，變成完全地下化，唔可以大搖大擺由上海廣州等重要商埠合法進口。但係大家可以想像，禁煙令只係行咗兩三年，而當時整個中國四五億人口，大大話話仲有四五千萬人係道友，亦由此可以相信，雲南一帶當時亦有可能已經成為鴉片貿易重鎮，毒品交易牽涉嘅金錢數目非比尋常。雲南護國軍反袁活動，其實背後係咪有大量鴉片貿易嘅黑金支持？當然歷史已經冇辦法冇講比我哋知。

用相同思路，60年代嘅越南戰爭，其實會唔會亦都同毒品貿易有關？有一套電影推薦畀大家睇，2007年，由丹素華盛頓主演《犯罪帝國》（American Gangster），如果裡面描述嘅事情都係真相，咁就真係觸目驚心。

下次繼續護國戰爭！

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常公子歷史頻道200回：大清亡國關 #西藏 蛋牛治】

♉不經不覺，常公子頻道「為慈禧平反系列」已經做到200回，喺呢度，首先要多謝我嘅拍檔阿潮，仲有佢老婆對頻道嘅無限付出。常公子頻道到目前為止，並唔係一條好受歡迎嘅Youtube頻道，因為講中國歷史，畢竟係冷門題材，但我總覺得，所有人都應該認識中國歷史，特別係中國人，無論你願意或唔願意都好。為咗還原歷史真相嘅使命感，我同阿潮都會加油，繼續努力，希望有一日，常公子頻道可以大放異采....

♉今集叉開一筆，講西藏問題，西藏一直存在住分離主義，原因好簡單，因為西藏人無論外貌、文化、宗教、語言以及生活習慣，都同中原大漢族主義嘅漢人完全唔一樣；響中華人民共和國，除咗西藏嘅藏人，仲有新疆嘅維吾爾族人，都有分離主義嘅元素包含其中，踏入2019年，仲有一笪地方出現分離主義聲音，就係我哋身處嘅香港。

♉大家都知道，為咗去除新疆維吾爾族人嘅分離主義情緒，中國倒行逆施，逆違世界潮流，再次搞「集中營」嗰套拘禁維吾爾族人進行再教育，對於呢件事，我唔作評論，讀過歷史都會知道，搞嗰個一定冇好下場。不過，玩「集中營」仲未夠，早兩日仲發生另一件事，響甘肅某圖書館，政府玩高調「焚書」，當衆燒燬一批不良內容書籍，希特拉做嘅嘢你又做，秦始皇做嘅嘢你都做，其實真係冇辦法，冇人會幫到你。

♊現今嘅中國當權者做咁多嘢，都係為咗控制人民嘅意識形態，其實操控意識形態工程，無論中國抑或西方世界，每一個政權都喺度做緊，分別只係點樣做？同埋做得好睇定難睇？中國政府就做得相當難睇。就以甘肅燒書事件為例，我想問，何必「當衆焚書」？「偷偷下架」或「出版審查」唔係一直已經做緊嘅咩？多此一舉，上埋國際頭條，破壞國家形象，究竟係有人玩嘢？抑或真心膠？如果係後者，就真係大件事。控制意識形態嗰班人自己都係傻嘅，咁搞落去，唔一鑊熟就有鬼。

♉近年中國政府強調要行一條自己發展嘅社會主義道路，同西方嘅普世價值打對台。鄧小平搞改革開放，就係要同整個世界再一次接軌，但放喺眼前嘅事實係，當今中國嘅領導人，似乎係想脫軌，回歸鎖國，行返鳥籠經濟，自給自足，自我感覺良好。不過現在整個世界，已經係一個全球資本體系，想去返三四十年前，走自己完全自給自足嘅舊路，已經係完全冇可能。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/qyhjTOzDQpU

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百八十一回）
袁世凱平反系列

雲南起義，護國戰爭爆發，袁世凱派遣十萬北洋大軍，兵分三路，圍剿廣西雲南一帶叛軍。本來係強弱懸殊嘅一場戰爭，出現反高潮。北洋軍隊不但無出現預期嘅輕易勝利，而且同敵人拉鋸不下，成為僵持之局。

軍神蔡鍔起朵亦因為呢場護國戰爭，兵又少，彈藥唔夠，補給又唔足，憑著士氣對付敵人進攻，真係唔講得笑。當時蔡鍔所率領嘅護國軍團共分為六個梯隊，總人數只有3130人，吓？而且攜帶嘅軍糧不足兩個月用，但係佢竟然可以同曹錕、張敬堯所率領嘅二萬幾人北洋部隊打成平手，以一敵十，守住雲南不失，咁唔係神？乜嘢係神。

同軍神一齊起朵仲有一個人，當時佢三十歲未足，畢業於「雲南陸軍講武堂」，參加過辛亥革命，佢隸屬蔡鍔護國軍第一軍第三梯團第六支隊任步兵第十團團長，佢虎背熊腰，以勇猛見稱，從2月19號到3月7號，佢率領嘅部隊係棉花坡一帶同北洋軍進行咗16日16夜嘅背水之戰，一戰成名，之後率領部下直插北洋勁旅張敬堯大本營，呢個人叫朱德（1886-1976），佢亦都係後嚟中國共產黨嘅軍事奠基者，中華人民共和國國父，同毛澤東合稱「朱毛」！

講真，其實真係打，北洋軍隊點會打唔贏？人多過你，軍備強過你，錢多過你軍紀好過你，why？西南戰局成為拉鋸局面泥氹狀態，只係北洋軍戰意唔夠，指揮官同士兵大家都唔想跟車太貼，用技術性語言去講，係意識形態灌輸不足。當時打仗打陸軍地面戰，戰意好重要，埋身肉搏，吓吓要攞條命出嚟教飛，一定要有真正嘅信念。人哋有你冇，你咪打唔贏囉。

不過打仗，係敵我雙方為了實踐政治目的嘅最後手段（當時未必係，打仗係一般手段啫），但係一打仗，其實最受苦受難嘅就係無政治立場嘅平民百姓。當時護國戰爭，有人用文字記載咗以下一幕：

「棘為鞭，鉄為鏈，破柴門，行調遣。母伏林頭避，婦驚灶下竄。縛手棄家赴兵站，老者運糧，少者肩彈。肩彈最要速，還糧不妨慢，危岩千尋，狹路如綫……鳥飛絕，人跡亂，君令嚴，誰能怨？夜無住宿，日食餐飯，老男嘔血死，瘦男骨折斷，壯男獨笑言，背地指天嘆：愿娘勿念妻勿戀，今生已矣來生見。」

上述文字，講嘅係農村拉戰伕情況，軍隊去到邊，就喺農村捉人入伍補給兵源，壯大聲勢，唔理你係乜嘢政治立場，農村子弟多數係文盲，冇知識冇文化，亦冇所謂政治立場，拉你入嚟，老嘅負責搬運做咕喱，後生嘅就上前線掘地雷，放響最前排度衝，直接用血肉迎戰對方第一輪火炮。死咗算數，用完即棄，唔使戰爭賠償，唔使負任何責任，反正中國農村就係地大物博、人多勢衆，之後亦會再拉人補充。呢個亦都係中國打仗嘅常態，幾千年傳統，直至蔣介石去到臺灣，對岸中華人民共和國建立，五六十年代解放軍軍制完全確立，軍人進入全職時代，情況先有進一步改善。

1916年1月中開打嘅護國戰爭，的確拖住袁世凱行帝制嘅後腿，所謂風乘火勢，一沉百踩。全國輿論不斷升溫，反對帝制，有陣時輿論嘅嘢，大家都係跟風，風擺邊邊向邊邊，普羅民眾正常生理反應，所以勇武好重要，文宣更重要，意識形態工作必須放喺首位，你唔認同都可以，事實總會講畀你知真相是什麼。名不正則言不順，凡事凡物必須要理念支持，理念可真可假，可虛可實，亦都因時而變，前言可以不對後語，最緊要有實用成份，能夠煽動民心就ok！

袁世凱搞唔掂個局面，西方列強開始縮沙，原本積極支持袁世凱稱帝嘅大英帝國，亦開始轉變態度。現在首先分析一下英國人嘅心理，英國人諗嘢好簡單，就係唔想中國太亂，因為如果亂，就冇生意做，如果亂，日本人就會進一步侵蝕中國，嚴重傷害英國人在華既有利益，所以當初大力支持袁世凱行帝制，就係想中國有一個政治穩定嘅狀態，實用主義者立場，風向邊邊擺邊邊，畢竟英國唔係東華三院，從來唔係開善堂嘅。

袁世凱另一個重要支持者，喺美國。美國人嘅支持態度比英國人更堅實得多，背後出錢出力。袁世凱1月時暫緩帝制，美國人係表示失望嘅，官方辭令係「深表遺憾和惋惜」。

德國人、俄國人同法國人全力打緊第一次世界大戰，所以並無任何實際表態，佢哋口講係支持，不過真正態度係靜觀其變。

袁世凱稱帝成敗，其實關鍵在於日本人。日本仔好仆街，呢一個係無法否定嘅現實，陰陽兩面，一邊做好人，另一邊壞事做盡，係日本人一向嘅做事原則。袁世凱拋出洪憲帝制，起初日本全力支持，但係當帝制上馬，佢哋就立刻改變態度。1915年12月15號，袁世凱接受帝位嘅第四日，日本人就反枱，忽然邀請英、法、德、意、俄五國公使，向袁世凱帝制發出嚴正警告，並表示一旦帝制令中國發生內亂，佢哋會響保護日本權益條件下，主動派兵干涉中國內政。

其實當時，日本對中國嘅影響力已經完全超越其他西方列強，冇日本人say yes，袁世凱稱帝計畫一定會失敗收場，所以當日本人態度轉變，袁世凱唯一可以做嘅就係討好佢哋，上一集，我講過1月中袁世凱派出農商總長周自齊為外交特使，前赴日本，祝賀新日皇123代大正嘉仁天皇加冕大典，其實佢有重要任務在身。

任務係乜？我哋下次再講。

#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常公子歷史頻道201回：大清亡國關 #老人家 蛋牛治】

♉眨眼之間，慈禧太后嘅故事亦都到達尾聲。任何事情都有完結嘅一日，香港半年前至今所發生嘅事情，亦都有平靜落嚟嘅跡象，既然事件已經暫告平息，跟住落嚟就係善後工作。

♉《獨立調查委員會》成立，亦都事在必行。不過我擔心嘅反而係，市民希望委員會調查警暴，追究當權者責任，但政府可能利用呢個機會，將之前發生嘅事上綱上線，對反對派作出清算，秋後算賬，最後乘機推出廿三條，確立國家安全法響香港實施，仲有大力推行國民教育……製造更大嘅民意撕裂，加深香港深層次困局。以當權者嘅智慧，佢哋真係有可能咁樣做。

♉或者大家覺得我好悲觀，但事實上如果你明白特區政府統治階層嘅權限同智力，你就會知道上述所講嘅嘢真係會發生。最好嘅局面係，所有事情一直拖住，一直拖落去，直至大家和稀泥為止，不過呢個可能性唔高。

♈我個人亦相信，大約半年至一年之後，待事過境遷，特區政府嘅統治班子同埋本地嘅政治代理人團體將會進行一次大換血。畢竟党中央認為，香港嘅局面失控，就係呢班人嘅責任，換過批新，希望有一個全新嘅局面出現。當然仲有一點，可以用嘅人有限、有才能嘅人更加有限，稍為有啲骨氣同智慧，都唔會揦屎上身，香港嘅未來，我仍然抱住悲觀嘅睇法。

♏不過歷史往往係出人意表，你以為有好事發生，就會出現連串壞事；相反你以為未來一片黑暗，卻可能出現曙光……經過半年嘅動盪，股市完全唔跌，樓價同租金，到目前為止只係作出有限度調整，政治同經濟本來就係同一樣嘢，香港嘅深層次問題，其實係經濟問題，香港冇辦法喺過去嘅一直運行如常嘅經濟模式中轉型，產生混亂其實都係正常，某程度上，亦都係一種自癒嘅方法，不過係震盪式啫。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/ckmzoCBSxk0

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

2月15號有一件重要事件發生，#儒家哲學 嘅代表人物孔夫子，一向響中國人心目中地位超凡，袁世凱搞帝制，就係想復興儒家禮教傳統搞大一統。一個叫易白沙嘅作者，響《青年雜誌》發表一遍「孔子平議」，為中國之人打開批孔第一步。文章指出中國自漢代罷黜百家、獨尊儒術以來，其實係摧毁緊整個中華民族學術自由，帝王尊孔，只不過為咗極權統治。易白沙稱孔子為「百世之傀儡」、又話佢「重作官，不重謀食」，「孔子尊君權、漫無限制，易演成獨夫專制之弊」。其實又講得冇錯，凡事睇你企喺乜嘢角度去睇。文章講到明「真理以辯論為名，學術由競爭而進」。一方面反袁稱帝，另一方面亦為之後好快會發生嘅「#五四運動」打開批孔大門，依一批，竟然批咗六十年。

只不過孔子係批唔死嘅，70年代大陸「#批林批孔」，戰神 #林彪 被鞭屍，但孔子生命力仍然無比強大，中共21世紀到咗最後搞 #意識形態，對內團結民族主義，對外宣揚國威，卻發現冇嘢好用，亦只能夠喺屎坑度執返孔子儒家哲學上嚟，重新除臭建構重新科水供奉。「#孔子學院」全世界開到成行成市，要宣揚國威，除咗有錢，仲要有一種代表整個民族嘅意識形態世界觀，老實講，中國人亦從來未離開過儒家哲學嘅思想約束，況且儒家哲學強調忠君愛國，君君臣臣父父子子，亦符合習主席復興帝制意識。

2月下旬，日本進一步施壓，表示袁世凱如果唔撤回帝制，就會派兵干預中華帝國內政，並承認 #蔡鍔 #護國軍 為「交戰團體」。同時，日本向孫文借款70萬日元，作為討袁經費，中華革命黨人繼續到處起事，袁世凱腹背受敵，#洪憲帝制 註定胎死腹中……

註一：白蕉，《袁世凱與中華民國》，人文月刊，1936，頁291-292。

#常威 #斷送共和關袁世凱蛋牛治 #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常公子歷史頻道202回：大清亡國關 #仆街 蛋牛治】

♉中國響尋晚深夜11點鐘突然召開記者招待會，宣佈中美就外界高度關注嘅兩國經貿第一階段協議達成一致，落實簽字。中國表示，達成的協議文本包括序言、知識產權、技術轉讓、食品及農產品、金融服務、匯率同透明度、擴大貿易、雙邊評估同 爭端解決，最終條款合共九個章節，而美方於協議簽訂後，將履行分階段取消對中國產品加徵關稅的相關承諾。

♉前前後後，#中美貿易戰 發生差唔多兩年時間，終於落實協議，叫做終於有個結果。當然細節執行，仲有排傾。而且美國將會響協議內加入條文，若然中國未能遵守承諾，美國將會重新即時向中國產品徵收懲罰性關稅。中國對依一類國際協議，經常只講不做，或者打折扣去做，之前加入世貿組織，就發生類似問題。今次中國會唔會遵守承諾？抑或再玩和稀泥嗰招？真係冇人知。不過美國今次就唔會同你講玩，莊閑要分明，中國如果玩嘢，美國今次一定會奉陪到底。

♒至於香港，作為整場中美貿易戰中間夾縫嘅談判籌碼，經歷咗過去半年嘅大混亂，亦告回復平靜。其他人點諗我唔知？但係我覺得香港同香港人某程度上係做咗Condom，中美達成貿易協議，同日英國保守黨 #約翰遜 壓倒性贏得大選，西方國家雙喜臨門；臺灣民進黨 #蔡英文，1月22日舉行嘅總統大選（智力測驗），因為香港過去半年發生嘅逆權運動令風向轉變，差唔多十成十可以贏到 #韓國瑜 連任，大家開心，但斯人獨憔悴。

♊香港呢？6000多人被捕，當中會有不少會被判長期監禁，經濟顯著下滑，大學教育系統癱瘓（同時將會面對大規模打壓秋後算賬），警民關係完全破裂，特區政府統治威信蕩然無存，社會黃藍撕裂擴大到無法修補嘅地步，昨日中央政府更加話要將澳門打造成金融中心（講就容易；做唔做到係另一個問題？兇你啫）……有冇開心嘅事發生呢？當然你可以話區議會選舉泛民大勝，係一場重大勝利。但如果用功利主義嘅角度去思考，區議會大勝背後，香港人付出的代價實在太大。

♐不過我總係相信，#有危先有機，#變幻才是永恆，變總好過不變，香港人，共勉之。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/DlpsJvKRryI

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常威近代史】（二百八十三回）
袁世凱平反系列

袁世凱帝制腹背受敵，點解你可以做大佬我唔可以？相信係當時好多人（軍閥）嘅想法。

政治紛爭中，社會仍然不斷嚮前行，1916年2月，有件里程碑式嘅事件發生，就係上海成立首間民族資本電器製造廠，始創人叫楊濟川，主要生產電錶，取其「中華民族更新」之意，叫「華生電器製造廠」，當時嚟講係高科技，過咗幾年「華生」甚至出產電風扇，係中國第一種行銷海外嘅電器，做風扇真係會發達，香港代表有劉鑾雄。

一個國家要強大，必須有巨大工業基礎。之前睇過一本書，話畀我知20世紀初期中國人係連生產火柴嘅能力都冇，食大煙都需要點火，1916年中國85%以上嘅火柴由日本入口（註1），單睇呢個數據你就明白當時中華民國有幾撚咁大鑊。香港今日面對嘅問題，就係冇工業，冇能力生產屬於自己品牌嘅產品，所以處處揸頸就命，冇任何談判籌碼。美國特朗普上任之後，就係要將工業回歸美國，南韓經濟嘅強大，亦都係由有自己品牌嘅工業，好似「Samsung」「LG」而開始，而家香港係乜撚嘢都冇，工業冇、高科技冇、淨係食老本炒樓炒股票，未來經濟發展嘅路，本公子一啲都唔樂觀。

日本人反轉豬肚，係洪憲帝制倒臺唯一理由（記住唔關孫文事），3月15號，廣西陸榮廷宣佈獨立，與此同時，袁世凱重臣徐世昌宣佈暫時「退休」，北洋之虎段祺瑞袖手旁觀，北洋集團內部亦都達到共識，3月20號，馮國璋、李純、張勛等五省北洋將軍聯名上書，密電袁世凱要求取消帝制。槍杠子嘩變，袁世凱大勢已去，當中日本人嘅作用有幾大，相信明眼人一睇亦都睇到。

四面楚歌，軍隊唔撐，袁世凱亦明白唔取消帝制，亦無任何出路，於是3月22號，佢召集徐世昌、段祺瑞、黎元洪等人召開緊急會議，決定撤回帝制，並致電護國軍要求停戰議和。由帝制1915年12月12號上馬到1916年3月22號撤回，歷時102日，仲快過林鄭月娥撤回逃犯修訂條例，洪憲帝制壽終正寢，亦成為咗中國歷史上其中一個歷時最短、最冇face嘅專制皇朝，其歷史意義在於，洪憲帝制係中國最後一個帝王國體，袁世凱亦係中國最後一個皇帝。雖然「皇帝」再冇出現，但係之後嘅中國歷史，仍然有人用唔同嘅身份包裝自己成為實君「皇帝」，到今時今日21世紀，個潮流仲未停止過。

袁世凱之後向全國頒佈《撤銷帝制令》，裡面講得好清楚：

「蓋在主張帝制者，本圖鞏固國基，然愛國非其道，轉足以害國；其反對帝制者，亦為發抒政見，然斷不至矯枉過正，危及國家，務各激發天良，捐除意見，同心協力，共濟時艱，使我神州華裔，免同室操戈之禍，化乖戾為祥和。總之，萬方有罪，在予一人！」

佢話行帝制係為咗鞏固根基，出自一片愛國情懷，希望利用帝制團結民心，矯枉過正、同心協力建設國家。既然大家唔贊成，我就化戾氣為祥和，結束帝制，一切責任，由袁世凱自己一個人承擔。無論你點唔鍾意袁世凱都好，佢最後都將一切責任由自己一個人承擔，唔係好似今時今日嘅特區政府，有乜嘢事就千方百計卸膊射波轉移視線借力打力，總之唔撚關我事，我從來冇錯，我只係負責出糧並唔承擔任何政治責任，畀啲咁嘅人領導香港，Hongkong唔死有鬼？

廢除「洪憲」年號，1916年乃是民國五年。但撤回帝制，並唔等於冇咗件事，民眾已經被惹怒，反袁怒潮亦一發不可收拾。3月底，袁世凱試圖希望同各方反對勢力會談，平息亂局，阻止中華民國分裂，但冇任何實制效果。唯一進展係3月31號，蔡鍔同北洋軍宣佈停火，而蔡鍔因為成為第一個出嚟反袁稱帝嘅軍閥，最後以「阻止袁世凱稱帝」勝利者行上歷史舞臺，流芳百世，奪取「軍神」稱號，最重要嘅係佢好快亦會死。

袁世凱做唔成皇帝，但係民間聲音更加要佢落台。帝制撤回，但亂局就繼續……孫文中華革命黨，亦趁你病攞你命，夾著反袁聲勢同日本資金，正式回歸中國大陸，孫文預備再一次收割革命果實。

註1：胡毓鼎，《六七十年來我國外洋火柴進口統計及日本火柴瑞典火柴進口額比較》，《火柴月刊》第25期，1934年9月


#常威 #斷送共和關袁世凱蛋牛治  #袁世凱 #民國歷史

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常公子歷史頻道203回：大清亡國關 #善耆 蛋牛治】

♉對香港過去半年所發生嘅事情，中央政府所採取嘅態度，睇嚟係要重重地懲罰香港人，#習近平 主席啱啱先講過要將 #澳門 打造成為另一個人民幣結算金融中心；又話要響2020年，令 #上海 亞洲第一號金融中心，下下對著香港講，主席無非都係要話畀全香港人知，香港可以隨時被取代亞洲金融中心嘅位置，而且上頭絕對唔會留情。如果你哋仲唔乖乖哋，肯定有排要受……

♑對於呢種父權主義式家長式甚至係封建帝王式嘅威嚇，明眼人當然明白宣傳用途大於實際效力，畢竟要打造一個亞洲金融中心，並非話做就可以做，早幾年香港人咪乖乖哋，上頭已經設計咗一個「#前海」經濟特區，唔係話要和將前海打造成另一個金融中心咩？唔知大家有冇忘記？結果？係唔成功。而香港金屬中心嘅建立，係足足半個世紀，甚至百年時間，用上幾代人嘅努力，加埋時代嘅機遇同歷史嘅偶然先會發生。若然香港嘅地位又可以隨便被另一個城市所輕易取代，咁香港亦沒有存在嘅價值可言，對於依一點，香港人是會認命的。

♎當然好多人係非常之咁驚，認為大禍臨頭，香港會被取代，香港會仆街，從此冇運行。但我又冇類似感覺，畢竟整個世界銀紙已經印得太多，有咁耐風流就有咁耐折墮，環球經濟下行已經係無法避免嘅事，就算唔將中共嘅統治因素計算在內，香港嘅輝煌歲月已經過去，或者早響1997年，已經成為明日黃花。

♊到處有金執嘅年代已經過去，不務正業可以飛黃騰達，符符碌碌炒炒賣賣就有過億身家，亦唔係今天嘅劇本。但我認識嘅唔少香港人，仍然抱住僥倖嘅心態，仍然認為香港仍處於夾縫中間、大家可以左手交右手繼續做 #李鴻章 買辦角色過河濕腳，就可肚滿腸肥。但呢啲故事已經完結，亦已經過去，新嘅一頁歷史在前，大家要努力工作，如果香港人真係有個人之長，就要努力講俾全世界知我哋有幾威；又如果我哋真係需要他人慷慨施捨先有安樂日子過，咁我哋仆街又係絕對與人無尤。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/bkytFwivj3s

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165

【常公子歷史頻道204回：大清亡國關 #忠誠 蛋牛治】

♉「忠誠」係建立一個政權嘅基石，世界上任何一個政權有人去組成，而人類係一種心理不斷在變化嘅動物，甚至乎好難捉摸，正邪難辨。所以忠誠往往變得相當重要，個人能力反而係次要，慈禧太后臨死嘅時候，選擇載灃成為佢嘅承繼者，就係因為載灃對愛新覺羅家族嘅忠誠，然之後我哋都睇到，載灃並無辜負慈禧太后嘅期望，當然慈禧死後大清出事，亦都係因為載灃罷絀袁世凱而發生。

♉11月，鄧炳強走馬上任接替盧偉聰成為香港特區警隊一哥，隨即將警隊沿用二十幾年嘅口號「服務為本，精益求精」（We Serve With Pride and Care），改成「忠誠勇毅，心繫社會」（Serving Hong Kong With Honour, Duty and Loyalty）。有人認為，警隊更改口號，標誌著徹底放棄服務為本嘅公共服務方針，但我覺得唔應該過份解讀，畢竟警察返工出糧，就係要維持公共治安，如果要警察部隊成為鎮壓主力代替軍隊職能，咁警察部隊亦冇個別存在嘅必要……

♊但新口號中強調「Loyalty」忠誠就係真，中文版本加入個「勇」字，代表暴力升級亦係真。畢竟到咗今時今日，社會大撕裂嘅情況下，忠誠變得無比重要。鄧先生大學時代係崇基劇社嘅中流砥柱，話劇團出身，當然要明白要演出一套劇，「主旨」相當重要，要清楚表達訊息畀觀眾，當然觀眾並唔係香港人，而係話事嘅上頭中央政府。

♒無論你站喺邊一方，大家都最需要忠誠嘅夥伴，保持合作無間。和平盛世，成個社會都係灰色地帶；但進入戰爭交戰區，你唔係自己友，就係敵人。上述邏輯，所謂「非我即敵」，一定會令到撕裂加劇，不過「鬥爭」嘅基本玩法，就係要增加撕裂，敵我分明，製造矛盾，只有矛盾先能夠將民眾歸邊，易於分類，亦有助於管理。

♎【#常公子近代史】語音導航！請大家幫手「#訂閱」我條常公子YoutubeChannel！同埋介紹多啲人睇睇！衝上2000訂戶！

🍳https://youtu.be/pvKUoSBMc-s

【常威近代史】第三部《東方維多利亞女王之死》
https://play.google.com/store/books/details?id=GaGrDwAAQBAJ

【常威近代史】第二部《中國一百年前第一次開放改革》
https://play.google.com/store/books/details?id=_6KMDwAAQBAJ

【常威近代史】第一部《大清亡國關慈禧蛋牛治》
https://play.google.com/store/books/details?id=C3hjDwAAQBAJ

【常威近代史】第一部《大清亡國關慈禧蛋牛治》實體購買
https://www.382now.com/product?id=87

【常威近代史】第二部《中國一百年前的第一次改革開放》實體購買
https://www.382now.com/product?id=151

【常威近代史】第三部《東方維多利亞女王之死》實體購買
https://www.382now.com/product?id=165