【大清亡國關慈禧蛋牛治】第一回

【大清亡國關 #飯碗 蛋牛治】

😃人類生存好多時候為咗個飯碗，現在香港更加唔使講，少個崩你都好大鑊。我識得唔少嘅朋友，日日開工開到好夜，尤其是年青人，竟然有人話畀我知可以深夜一點收工，第二朝老細就要求你九點返工，其實老細呢個無理要求，喺文革時代係要搦去跪玻璃。而家香港，其實好多人唔止八小時工作，白領階層情況更加嚴重，一日做十幾個鐘，唔痴線或痴肥有鬼。

😏我講過，工時過長，亦都可能係統治階層意識形態嘅操控手段之一，日做夜做，生活比份（西）工所完全佔領，咁就會冇咁多時間諗咁多嘢（問：喂，聽日上街遊行啊！ 答：Sorry…我要加班。），每個個體諗嘢嘅時數減少，參與政治活動嘅時間減少，個社會就會越趨穩定，大家營營役役，返工放工，朝九晚九，社會機器不斷運行，替資本家同統治階層不斷製造財富，一部完美嘅印銀紙機器就係咁樣出現，當然印出嚟嘅銀紙，係由少數人落袋，資本主義話畀你聽嘅公平同多勞多得嘅概念，就係咁解。

😃有一個老生常談，就係存在（Being）為咗啲乜？我哋生存喺呢個世界上面，究竟目的係乜嘢？德國哲學家海德格（Martin Heidegger）講得好好，佢話存在就係「煩」，存在就一連串憂慮同埋煩惱嘅混合物。我未必認同海德格嘅講法，存在同樣可以感受快樂，但係我可以肯定一句，一個人嘅存在，就一定唔係為咗嗰份西工，亦唔係為咗幫其他資本家繼續掠水……

♎#大清亡國關慈禧蛋牛治】語音導航！請大家幫手「#訂閱」我條常公子YoutubeChannel！同埋介紹多啲人睇睇！好快！好快！衝上2000訂戶！

🍳http://yt1.piee.pw/DLWRB

🍳https://youtu.be/oZswh_3zCWQ

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【常威中史】為慈禧平反系列（一百一拾八回）

1901年，距離辛亥革命爆發仲有10年時間，奪命書生會取得最後勝利。做人真係唔可以心急，撈革命事業都係，由1895年孫文玩第一次，1900玩第二次革命，都係失敗收場。1900年10月嘅惠州武裝起義，奪命書生以三合會成員作骨幹，用香港做總指揮基地，背後金主明顯係日本人同南洋愛國華橋（漢族本位主義者）。原本計劃係革命軍配合日本人武裝行動，響福建廈門建立據點。

日本人記載咗奪命書生嘅藍圖：「孫逸仙及其徒衆，計畫目的以江蘇、廣東、廣西等南清六省作根據獨立共和體，漸次北清伸揚，愛新覺羅土崩瓦解，支那十八省從之，東洋大共和創立。」咁熟口面嘅？係！孫文嘅目的，亦係日本人自1899年戊戌政變期間嘅目的，就係搞「合邦」，要大清（或中國）加入日本主導嘅「大東亞共榮圈」世界裡頭，依個「大東亞」之夢，亦係由日本人打贏甲午戰爭後成為暴發戶產生嘅新戰略成果，拉開糖衣，赤裸裸表述就係：「我日本人要做亞洲大佬！」

而當時日本人亦冇錯，以日本嘅軍事經濟實力同文明水平，佢的確係亞洲嘅大佬，而一直抑壓日本大東亞之夢嘅，反而係西方列強，響日本人嘅眼光裡面，當時已經係白種人同黃種人之間嘅鬥爭、係西風壓東風嘅問題。

奪命書生作為大東亞戰略中嘅其中一粒棋子，一直履行著日本人嘅佈局。中國近代史將依段歷史稱為「日本民間友人對孫中山革命事業的幫助」，其實有非常大嘅誤導性，要赤裸裸表述，其時孫文係同日本政府做嘢，係員工、有僱傭關係、有利益輸送、亦係主僕關係。孫文係唔係勾結外國勢力賣國？係！不過佢係賣滿洲人嘅清國。你今日都可以賣國，只要唔賣中華人民共和国就唔犯法，上街燒青天白日旗同美國旗我諗警方除咗告你縱火之外都唔會追究你咩嘢。政治就係政治，就係咁解。

1900年嘅武裝起義失敗，最重要嘅理由係日本突然之間放係喺廈門進行軍事行動，冇日本軍裡應外合，單靠三合會幫衆嘅農民式武裝暴動，失敗就係必然。事後唔少參予革命嘅好朋友被清廷（南方封彊大吏）誅殺，只能嘆一句時機未到。但1900年革命義士流嘅血，亦建立咗一套新嘅「血酬契約」，10年後辛亥革命成功嘅基礎亦響依處。

依次起義失敗，令孫文同一班革命黨人明白咗幾件事。第一，南方士大夫封僵大吏李鴻章張之洞等人其實不可倚靠，佢哋嘅奴性冇得改，永遠唔係自己友；第二，起義過程中，義軍得唔到廣大民衆支持，「漢族本位中華民族」嘅意識形態概念仍未得到廣泛認同；第三，平民唔支持，三綱五常儒家哲學擁護者普羅知識分子亦都唔支持先大件事，大部份有識之士仍然相信清國可以從內部進行政治改革而產生民主政體（或君主立憲式議會政治）；第四，日本人嘅助力並唔係想像中咁大同咁徹底……（日本人始終將自己嘅利益放響第一大前提，其實又冇錯嘅，你清國革唔革命？清國子民有冇好日子過其實關我忍事咩？）

奪命書生係聰明人（毫無疑問，你見佢可以平安終老就知），佢吸收晒1900年革命失敗嘅教訓，明白要革命響未來要成功，單靠顛覆同滲透、同外國勢力勾結未必可行，大藍圖必需要加深民族主義基礎教育，要將「中華民族」概念再大力promote，利用年青人反傳統嘅力量，同埋建立一套「教義」同「理論」，取代儒家三綱五常根深蒂固嘅金剛圈，引發大清內部自爆。

不過，講真，孫文同革命黨要推倒嘅大山，其實亦唔係清國政府或者乜嘢意識形態問題，而係只是一個女人，嗰個女人叫豆斗，豆斗一日未死，佢一日仲未有機會……

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約


【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

【常威中史】為慈禧平反系列（一百一拾九回）

作為我常公子心目中最偉大嘅三個馬基維利主義者之一嘅豆斗（第三位），其實係深不可測。1900年到1901年大清國破家亡咁滯，佢仲可以將大清統治權牢牢掌控。全國大部份官吏、民衆都仍然支持佢執政，你當然可以話中國人奴性重（唔識變，唔知點變），但係某程度上，豆斗民意支持度仍然係長期高企，呢個係冇辦法否定嘅事實，直至佢1908年死嗰日為止都冇變過。

事實上，豆斗嘅西安流亡政府，差唔多係歷史上最成功嘅流亡政府，如果大家有其他例子請講比本公子知。豆斗嘅魅力同凝聚力，甚至超越「法國人嘅皇帝」拿破崙（Napoléon，1769-1821），直逼神壇上嘅毛澤東。但要記住，毛澤東係有整個中共官僚喺後邊全力拾卜，至少仲有周恩來做佢白面同佢擋箭，而豆斗背後嘅滿蒙貴族集團，好話唔好聽全部都係垃圾同埋有輕度智障嘅物體，權力核心嘅威權力量，好大程度上係靠豆斗一個人嘅魅力獨力支撐。

1901年，辛丑談判期間，豆斗喺西安不斷接見來自全國各地嘅大清官員，戲佢交足嘅，經常七情上面，歷史記載佢接見官員嘅時候經常大喊流馬尿，話自己連累大清同全國人民受苦受難，喊係女人專利，一哭二鬧三上吊依招一向駛得，豆斗非常懂得利用女人嘅身份，要令文武百官感覺佢無助，要呵護佢、原諒佢、甚至繼續支持佢。

唔信？佢個例子，之前梁振英執政搞到滿城風雨，又佔中又暴動，正反兩面大鳴大放，全力開火攻擊對手，社會大撕裂。上邊見一鑊熟嘅時候，即刻推個女人出嚟執政，兩年前林鄭月娥一上臺，咪成個社會安靜曬囉。大家就算要鬧林鄭，都會因為佢係女人而留有一手，你退一步我退一步就自然海闊天空。表面好打得，內裡稀和泥，一出手，無聲放暗器，慢火煎魚，溫水煮蛙，最後化骨綿掌將你打巢散功，得咗！（曾江聲）女性從政某程度上有一定政治優勢，就係咁解。

當然我唔係將慈禧同林鄭月娥比較，咁咪侮辱咗豆斗嘅雄才大略？西安渡過嘅一年時間，豆斗隔空操縱北京政局，將流亡嘅危機轉化成為有利自己權力嘅因素，國破家亡不但冇損害到豆斗嘅權力，反而仲增加咗佢嘅權威性，咁你話佢係唔係天下間最聰明嘅女人吖？（仲唔可以接受？仲未明白慈禧係咩水平？仲以為佢係一個普通阿嬋，Sorry，大錯特錯囉。）

談判另一個重要嘅角色係赫德先生（Sir Robert Hart，1835－1911），因為佢係洋腸，歷史上抹殺咗佢對大清嘅偉大貢獻，如果唔係佢喺關稅上同西方列強不斷交涉討價還價，辛丑條約冇可能落實，大清條爛數亦冇可能計得掂，之後1902年到1911年嘅迴光返照期亦冇可能出現。

1901年4月慈禧響西安成立咗「督辦政務處」，作為規劃大清全新改革嘅機構，辛丑條約簽訂後，八國聯軍撤出北京返國，慈禧於1901年10月6號，正式啟程回北京。

一個新時代亦都同時展開。呢個時候豆斗身邊嘅敵人消失曬，政敵死嘅死，走嘅走。西方列強感受到豆斗重新起步嘅熱情，全力支持大清新一輪現代化開放改革。豆斗終於可以實踐佢一路落嚟嘅夢想，全力同國際社會接軌！

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約


【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關 #大姨媽 蛋牛治】

😃光緒皇帝完全唔知道慈禧太后嘅心意，其實慈禧太后做嘅一切，無非都係為咗佢。60多歲嘅慈禧，當時的確冇重出江湖奪權嘅諗法，依一點我絕對肯定。但只不過光緒親政時間，成績實在太差。當然大清嘅衰亡，亦同光緒無關，光緒嘅能力就算強上十倍，亦都無辦法逆轉時代嘅潮流，20世紀初期嘅世界，封建王朝嘅生存率已經去到極低。同清帝國一同步向衰落命運嘅，仲有位處歐亞大陸之間鄂圖曼帝國，鄂圖曼帝國崩潰之後帶嚟嘅中東亂局，維持到100年後嘅今時今日……

😎常公仔頻道不經不覺已經去到99回，下一回就係100回，係一個好值得紀念嘅日子，響呢度，我想講一啲心裡嘅說話，首先我要多謝拍檔阿潮，仲有阿潮個老婆，因為頻道裡面嘅片，都係由佢哋製作出嚟，製作嘅時間一定要比想像中長，佢哋兩位付出嘅心力無比巨大，而且長年累月嘅戰鬥，的確需要巨大嘅意志力，我哋嘅目標，係要製造一條全球最強嘅廣東話近代史粵語Youtube頻道，要實現呢個目標，仲有好漫長嘅路要走，過去200日，只係起步。大家共勉之，我始終相信，有目標嘅人生，先至係美好人生。

😎所以，請睇到我上述一段文字嘅朋友，幫幫我哋三個手，邀請多啲朋友訂閱頻道，令常公子歷史頻道可以壯大落去。認識近代史或有興趣中國近代史嘅人越嚟越少，我再講多次，歷史係一面鏡，唔明白歷史就會唔明白自己所處嘅世界係點樣形成。未來世界，一定唔會係一個想像中嘅美好景況，當有一日要面對難關，歷史一定可以幫到你解決問題。我想講嘅嘢，就係咁多。

♎#大清亡國關慈禧蛋牛治】語音導航！請大家幫手「#訂閱」我條常公子YoutubeChannel！同埋介紹多啲人睇睇！好快！好快！衝上2000訂戶！

🍳https://user35103.pics.ee/FXNDU

🍳https://youtu.be/kXFTPgejTgI

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

【常威中史】為慈禧平反系列（一百二十回）

翻查史料先知道，原來大清帝國市民係將「佛陀」叫做「佛爺」，咁豆斗慈禧外號叫「老佛爺」，其實當時已經係一種神格嘅稱呼，事後證明，清國官僚系統同人民對慈禧嘅擁護態度，其實已經將佢當成係神去膜拜。我諗呢個亦係西方列強叫張之洞建立新政權唔成功嘅理由之一。

中國人嘅基因裡面，好鍾意將領導人神格化，其實領導人本身都係人類，同我哋都冇分別，或者佢哋嘅智慧係高啲，能力係強啲，視野係廣啲……但無論如何都唔識飛或刀槍不入，咁點會係神呢？喺豆斗之後，中國再出現咗兩個神，佢哋係蔣介石同毛澤東，無可否認佢哋神格自己嘅能力（Marketing），遠遠超越咗慈禧。事實上，神格化領導人係一個意識形態問題。中國普羅民衆希望有神嚟打救自己領導自己管治自己，潛臺詞係佢哋根本唔相信民主或議會嘅力量能夠做得到。更有甚者，甚至有人覺得橫掂都係貪，橫掂都係俾人搵笨柒，畀一個人搵笨柒好過俾成班人集體搵笨柒嘛（Sorry，呢個概念係深咗少少）。但係將人過度神格化，搞個人崇拜，好多時候亦都係大悲劇嘅主因，歷史話比我哋知，中國人一而再再而三捧神出嚟，其實中國人從來都冇反省過自己，政治世界更加冇。

入返正題，豆斗開始返北京，之前佢廢咗溥儁大阿哥（皇位繼承人）嘅名號，將佢流放。一來保番住劉晶嘅地位，二來亦係向西方列強獻媚，因為西人普遍都like改革者劉晶。曾國藩孫女婿吳永響過去一年，出錢出力對豆斗流亡政府幫助極大，豆斗亦都冇忘記佢嘅恩情，臨別之時畀咗個肥缺佢做，派去廣東做大官，去得廣東就係代表大把油水撈，大家明嘅。

返北京就真係大陣仗，流亡政府足足用咗三個月時間先返到北京，據說流亡政府帶返去北京嘅物資，就用咗二千幾輛馬車先裝得晒。1902年1月7號，豆斗乘坐京漢鐵路最後一段返京城，呢次亦都係豆斗一生人第一次搭火車。

入京嘅情況相當低調，跟住豆斗就去咗天壇祭天拜祖先，追封翻臨走嘅時候，俾佢下令推入井嘅珍妃做貴妃，咁樣做都係為咗安撫番劉晶嘅情緒。

1901年11月7號，當豆斗正在返北京途上，李鴻章過身，享年七十有八。李生一生嘅功過好難去定奪，我甚至覺得，整個晚清史其實就係李鴻章起伏嘅歷史，冇咗李鴻章，清帝國絕對唔可以延續到20世紀，但係亦因為李鴻章，整個民族嘅悲劇先會不斷延續落去，前人種樹後人可以乘涼，但係前人埋下嘅地雷，後人一樣可以踩得中。李鴻章最大嘅過失係將中國嘅金融市場同貨幣主理權拱手奉送比大英帝國同埋西方列強，清國資產階級從來冇辦法係佢當政之下興盛起來，從來冇產生過主宰過自己市場嘅力量，好似今日「港人冇得治港」，處處受制於人，你話大唔大鑊先？歷史係唔公平嘅，倫敦白金漢宮前連一個李鴻章銅像都冇，冇人去紀念佢為大英帝國付出嘅努力同貢獻，講真！真係唔啱囉！

面對國際大環境，清國被迫全面開放市場，就好似今日Donald Trump想對中國做嘅事一樣，乜嘢貿易戰呀通通只係表面嗰浸，美國人嘅真正目的係想中國全面開放金融商品市場。但其實全面開放金融商品市場，全面實施貨幣自由流動，係好事定係唔好事的確係冇人知道……喺當時1902年嘅清國，向全世界全面開放，對大清嚟講，將會係一件大大嘅好事！

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

支持埋佢【誰偷走了我們半塊芝士】
https://play.google.com/store/books/details?id=_0NtDwAAQBAJ

【常威中史】為慈禧平反系列（一百二十一回）

俄國人一向係中國人嘅好朋友，到咗今日都係，兩國友好邦交千秋萬世，互相扶持，聰明嘅朋友會睇到俄國人對我哋實在太好。冇俄國人中國亦冇共產主義出現！1902年，當大清帝國同國際社會拆掂數之後，其實仲有俄國仲未擺平。

1900年7月，趁住八國聯軍入京天下大亂，俄國人以恢復滿洲秩序同鎮壓拳民為籍口，派遣20萬大軍進駐東三省，即大清祖墳滿洲地區，強行佔領。如果歷史上真係有所謂西方列強瓜分中國，咁唯一做出實際行動嘅就只有俄國人（嚴格離講俄國人唔算係西方列強，因為佢係東方隊代表），佢哋經過三個月嘅軍事行動，實際上將滿州完全佔領，之後時間，李鴻章不斷同俄國人談判討價還價，但係李鴻章冇幾耐就死咗，俄國人一心將佔領滿洲成為既定事實。

1901年2月16號，俄國人提出十二款條約，名義上將滿州還比大清，實際上通過將俄國軍隊偽裝成鐵路駐軍，合法佔領滿洲，而且俄國人擺到明同全世界玩對台，佢哋禁止其他國家喺滿洲修築鐵路同開礦。俄國嘅粗暴侵略行為引起西方列強嘅強烈不滿，尤其日本（Sor…日本係東方隊代表）。1901年辛丑條約簽訂後，豆斗返京，大局既定，西方列強開始向俄國施加壓力，要求俄國完完全全撤出東北，呢個時候李鴻章已經入土為安，代表佢同俄國繼續談判嘅係慶親王同大學士文韶。

俄國基於巨大嘅國際社會壓力，尤其係日本帝國嘅寸步不讓，1902年1月30號，日本同英國簽訂同盟協議，燒黃紙斬雞頭，一齊對抗俄國擴張，而且威脅俄國，如果俄國唔撤出滿洲，咁就不如大家真係瓜分咗清國，英國人佔領長江流域，德國佔領山東，日本人別無選擇，只有派出軍隊同俄國人隻揪隻，爭奪滿洲國嘅佔領權。一下子玩到咁大，俄國當堂畀人拋窒咗！

於是俄國被迫就範，答應分階段撤軍。一有「分階段」三個字，大家都知有蠱惑，香港民主派成日講分階段勝利，即係冇勝利過。美軍亦都分階段撤出阿富汗，足足用咗十年時間。俄國人用依招死拖爛拖，維持住自己佔領滿洲嘅既定事實，全世界明眼人都睇到。滿洲呢塊肥肉，日本人一早就想食入口但食唔到，我得唔到嘅嘢亦都冇理由送畀你架……而且東三省同日本殖民地朝鮮半島接壤，俄國人令到日本人坐立不安，終於之後兩個帝國要為咗爭奪滿洲，爆發日俄戰爭，決一死戰。

我常公子曾經講過，甲午戰爭之後，豆斗亦用「鐵路」作餌，不惜用大清祖墳龍脈之地，分階段引沙俄勢力進入東北，抗衡日本響東北嘅擴張。挑動兩個清國最大嘅敵人自相殘殺，依一招其實高到了極點，借力打力，不動武而屈人之兵，先係真正智慧嘅表現，你唔信豆斗有咁高？我信喎！日俄戰爭俄國會慘敗，但對大清帝國嚟講，兩個敵人死咗一個，始終係一件大好事。

當然，日俄戰爭嘅後遺症係，响之後嘅日子，日本人始終認為東三省係佢哋嘅，之後扶植張作冧或偽滿洲國政權，甚至同蔣介石政權爆發中日戰爭，呢個亦都係歷史遠因；俄國更加唔使講，日俄戰爭，某程度上斷送咗俄國沙皇政權，取而代之嘅係列寧建立嘅世界上第一個共產主義蘇维埃政權，亦因為蘇俄嘅存在，共產主義先會响民國年間輸入中國，最後產生中國共產黨，1949年後取得政權建立一個全新世界秩序。

今日最後叉開一筆講鐵路，好多人認為鐵路只係一種單純嘅運輸工具，其實大錯特錯，鐵路本身係一種集合經濟軍事政治於一身嘅統戰工具，你睇大清最後亡國，其實係忙於盛宣懷嘅鐵路融資失敗產生嘅保路運動。香港起高鐵，情況都係一樣，你以為只係為咗運輸，為咗一小時生活圈？大錯特錯鳥，高鐵本身就係一個戰略項目，亦係一種統戰手法。第一，透過一地兩檢，可以將中國法律施行喺香港自治區裡面，徹底打破一國兩制長期以來為香港製造出嚟嘅政治防護罩；第二，香港一直用緊嗰條鐵路，並唔適合用嚟運輸士兵同軍用物資，高鐵正正就做到呢一點，加埋連結石崗軍營嘅秘密基地，可以大膽講一句，高鐵通車後，駐港解放軍部隊亦冇存在嘅必要，有乜嘢事發生，一吹雞，一小時內就到位鳥！

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約

【常威中史】為慈禧平反系列（一百二十二回）

馬克思主義思路，呢個世界上所有問題其實都係經濟問題，而國家同國家之間嘅經濟問題，就係關稅（Tariffs）問題。最近炒得火熱嘅中美貿易戰，大家亦都係攞住關稅作為武器，一邊對打一邊傾，中美貿易大戰某程度上亦都係兩個超級大國嘅正面角力，基本上算係一場戰爭。

1901年所簽訂嘅庚子賠款，數目係4億5000萬兩白銀，其實呢個數目係大清帝國所不能夠承受嘅。收數佬話你知，收一條唔可能收嘅數基本上係冇意思嘅，你冇錢俾，唔通下下斬你麼？斬人刑事架，所以最好嘅局面係，你還得起就最好，想辦法令你還得起就最正，有交收有來有往先係單生意，冇交收何來有Jetso呢？

當時關於大清還錢嘅方法，西方列強有多種睇法，有啲國家好似德國咁，佢哋認為大家各自佔領清國一笪地方，響當中攞返賠款。但係咁樣同瓜分中國完全冇分別？美國人講得好有道理，佢哋認為瓜分中國好容易（大清帝國實際上亦都冇任何能力反抗），但瓜分中國意味住係無止境嘅戰爭同埋龐大嘅駐軍費用，況且加深中國人對外國人嘅怨恨，只會令到騷動不斷增加，經過義和團運動嘅洗禮，大家都明白中國一亂起上嚟有幾得人驚，大清自己都驚啊（所以中國真係唔可以亂），所以瓜分中國攞債最後都被否決咗，當然內中都有國際外交角力存在，英國法國日本美國當然唔想正在崛起嘅德意志帝國進一步叉隻腳入東方世界，多謝香爐多隻鬼啊，而且呢隻鬼可能係當時全世界最惡嗰隻。

事實上當時嘅大清財政，每年嘅收入已經有四份一償還緊舊債（馬關賠款），再加上債務只會令大清帝國破產，其時大清大恩公赫德先生，同好多同情中國人嘅洋人，一齊想辦法幫清國找尋新嘅財源償還庚子賠款，關鍵就係關稅。1902年前，中國海關對外國商品所收嘅進口稅大概祇有3%，赫德先生成功同列強談判後，將進口稅大幅調整至5%，同時對一啲免稅嘅進口貨品徵稅，呢類商品大部份係供清國國內洋人享用嘅洋煙洋酒之類。有一個概念大家必須要改變，其實20世紀初，活動於大清帝國國內嘅洋人數目係非常之巨大。

庚子賠款，變相相當部分係由洋人自己承擔返，赫德估計提高關稅後，能夠令大清每年多賺1800萬兩銀白銀，多賺嘅錢愛嚟還錢畀息就搞掂。而當時庚子4億5000萬兩白銀賠款用39年分期攤還，每年嘅還款數目大概係2000萬兩白銀。

你可能覺得奇怪，呢招「羊毛出自羊身上」點解會work嘅？赫德先生嘅才能當然係其中一個重要因素，列強同情中國人當然亦有少少關係。但其實最重要嘅都係「收數佬理論」，我曾經認識一個人，佢做生意借吓借吓，爭人幾千萬，錢就當然冇得還。但係債主不但冇斬佢冇逼佢還債，而且仲繼續借錢俾佢做生意，點解？因為佢盤生意要繼續運作先有錢返，有錢返先可以還息，如果一旦宣佈破產，就大家一鑊熟鳥獸散。你唔信？咁咪你社會經驗唔夠囉。所以做人，千祈唔好爭人小小錢，幾十個一球半球人哋會追到你瘦！最好就爭人一個天文數字嘅數目！咁不但冇人追你數，仲反而會繼續借錢畀你run落去……

呢個例子世界上有一個，嗰個國家叫美國，當然仲有個大前提，就係債仔最好惡過債主……

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約


【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

【常威中史】為慈禧平反系列（一百二十三回）

1902年，慈禧返番北京，重新起步。

佢擺出個新姿態，認認真真同西方人做朋友，佢再唔敦起個款，將自己擺響高高在上嘅位置，1902年1月27日，外國公使團入紫禁城覲見豆斗同劉晶，豆斗今次再冇垂簾啦，大家仲有講有笑，西方公使都感覺到豆斗嘅態度徹底轉變咗……冇辦法啦，都衰到貼地咯，仲惡得乜嘢出樣吖？

話分兩頭說，其實可能豆斗一直想發生嘅情況就係咁樣，洋腸運動已經搞咗三十年，中間經過波折無數，大清帝國亦係時候放下身段，同整個世界社會接軌。當時響國際上，大清帝國並唔係冇競爭力，畢竟帝國人多，有充足嘅勞動力，資源亦都豐富，其實冇理由衰得咁緊要，其實要搞真係有得搞，問題係當然你點搞？

另一個豆斗要處理嘅問題係張之洞，1902年嘅時候，李鴻章已經死咗，另一個南方代表人物劉坤一亦都病重，半隻腳入咗棺材，剩低嘅張之洞之前曾經借住「東南互補」想搞獨立，但係佢最後都係選擇效忠大清。有傳說話1902年佢去到北京，三番四次想同豆斗道歉，佢好驚豆斗會秋後算佢賬。結果搖尾乞憐，繼續做豆斗腳下一個奴才，繼續發揮佢嘅奴性，陰陽兩面，響二十世紀初全面承繼李鴻章留低嘅政治遺產，同大清帝國頂住半壁江山。

寫到呢度真係好感觸，其實究竟係邊個驚邊個先啱呢？奴隸永遠都係鍾意效忠奴隸主，呢個亦唔係滿清人獨有嘅統治手段。中國（呢個世界如果真係有個地方叫中國）三千年嚟，自周武王伐紂封建制度開始，專制極權制度根本從來都係統治術嘅核心，分別只有係深同淺，強同弱。十六世紀文化水平較低嘅滿人（後金）入主中原之後，本來係遊牧民族嘅滿人系統地學習咗漢人，尤其係歷史上面最黑暗同埋最不撚知所謂嘅朱姓大明政府專制御民統治之術，從而成功建構咗一個專制龐大帝國，大清本身正係從漢人身上學會咗治理疆域同駕馭臣民嘅方法。

清朝統治之術，林林總總，其中最有機心最具效應嘅莫過於「以漢制漢」（港人治港），佢哋看清咗不少漢族官員都有著媚上欺下的奴隸劣根性，因而總能巧妙地加以利用。其實當時東南互保之後，南方地域隨時可以唔理大清自行獨立建國，以上海為財金基地開展一個模擬日本或西方嘅民主國家，只不過南方士大夫統治階層性格上奴性太重，鍾意做狗多過做人……（當然建國之後做得好唔好係另一回事，1911年後大家有眼睇，四個字：衰過以前！）

講開奴性，不得不提最近山竹肆虐香港，星期一香港人排隊返工，有人喺網上屌香港人就係奴性太重，但係我想公子唔係咁睇。趕住返工，只係驚冇咗份工，點解咁驚冇咗份工？只係生活開支實在太大，得間去屌受逼迫嘅奴隸們？解唔直接屌成班肚滿腸肥嘅奴隸主呢？究竟係邊個令到香港變成一個生活成本咁昂貴城市呢？又係邊個響生活成本世界第一最貴底下，都唔出一句聲反抗呢？

撫心自問，呢個係有雞先定有蛋先嘅問題。

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約

【大清亡國關慈禧蛋牛治】實體購買
https://www.382now.com/product?id=87

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【101回：大清亡國關 #外交能手 蛋牛治】

😃101回了，Youtube常公子開始新一頁，喺嚟緊嘅日子裡面，常公子頻道將會有更多新節目，大家留意。

😜最近感覺整個世界是黏著，好多嘢都停滯不前，中美貿易談判拖呀拖呀拖……英國脫歐亦都響度拖……香港更加唔使講，情況一直喺度拖，其實已經拖咗十幾年。冇樣嘢搞得成，八萬五搞唔成，數碼港搞唔成、中藥港又搞唔成、真普選又搞唔成、創科局又搞唔成……由最初想轉型，想唔好一味靠炒樓炒股支撐經濟，結果到咗今日，依然大炒特炒，冇人炒樓冇人炒股，我諗香港就會玩完。實體經濟病入膏盲，市民生活壓力沉重，目標前景空虛，為咗一處小小安身之地一層樓仔，費煞思量、傾盡所有。但係股市就不斷向上昇，香港嘅股市已經反映唔到香港嘅實際經濟情況，股票市場變成一個賭場，窮人賭馬，富人賭股，大家都響度日日賭，香港行區政府一方面叫人唔好倒錢落鹹水海，但另一方面佢哋就將香港塑造成一個大賭場，任賭唔嬲。

😳林鄭月娥上臺之後，個社會平靜咗好多。大家都好似一下子明白到，反對同反抗聲音都係冇用，只有平靜地任由他人擺佈，就係正常嘅生活態度。未來唯有寄望大灣區規劃，唯有寄望一帶一路帶來商機……問題是，你真心相信嗎？

♎#大清亡國關慈禧蛋牛治】語音導航！請大家幫手「#訂閱」我條常公子YoutubeChannel！同埋介紹多啲人睇睇！好快！好快！衝上2000訂戶！

🍳http://yt1.piee.pw/FPCEJ

🍳https://youtu.be/QSVuZ6qG5hE

【大清亡國關慈禧蛋牛治】https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

follow my instagram @historysandwich

Facebook 專頁：https://www.facebook.com/historysandwich/

一定了

載灃係光緒之弟，宗法制度上不能兄傳弟

歷史上只係出現過一次，就係趙匡胤傳畀趙匡義，但是這個額外的例子，是因為他們之前有了協定

點解孫中山 叫 奪命書生?

[i劉家輝

啱

【常威中史】為慈禧平反系列（一百二十五回）

Luisa路易莎1903年初響巴黎返番北京，比豆斗召入咗紫禁城，佢成為咗豆斗嘅好朋友，佢另一個身份，就係豆斗嘅外交事務總顧問，呢個時候豆斗身邊終於有一個信得過，又有外國親身經歷嘅朋友響身邊，豆斗響佢身上學識咗西方先進國家各國政治同埋社會情況，加深對國際形勢嘅理解。

除咗路易莎，路易莎嘅兩個女兒，#德齡（1885-1944）同 #容齡（1889-1973）都一齊入咗宮，成為咗慈禧嘅貼身御前女官，路易莎精通外語嘅兩個女兒，成為咗豆斗嘅私人翻譯，幫豆斗同其他外國使節同埋官員溝通。其實本公子一直都有一個想法，之前好多不幸事情嘅發生，好有可能係一個「#翻譯」嘅問題。

信不信由你，雞同鴨講，你又唔知我講乜？我又唔知你講乜？中間做翻譯嘅人如果一有私心或冇料，辭不達意，往往可以製造巨大麻煩。而且仲有一個位，負責翻譯嗰個可能英文都係半桶水，英文嘅嘢，大家出嚟轆咗咁多年，心知肚明嘅，有部電話電腦喺身邊，你咪天下無敵囉，乜都冇？想聽到一個洋人講乜嘢？哈哈！心知肚明嘅……你有陣時睇吓電視上香港啲高官講英文，try my breast！搓吓個波，你就會一清二楚。

豆斗痛定思痛，全力向西方學習，一場大清帝國嘅真正改革正式開始。1902年2月1號，豆斗發出諭旨，取消咗滿漢通婚嘅禁令。係啊！漢人同滿人，喺20世紀初期先可以合法結婚架咋，之前係唔可以談戀愛架，電視劇嘅發生嘅情節全部呃你架，哈哈！

同一道諭旨之中，豆斗仲要求漢族婦女唔好再
#紮腳（#纏足），滿州人一直冇紮腳嘅傳統，但係漢族男人（特別係儒家哲學嘅愛好者）就非常鍾意隻腳好細嘅女人，有傳說話，我哋隻漆HI中嘅螢火蟲 #李鴻章 先生，辦公嘅時候最鍾意摸住佢啲小妾嘅小腳，一邊索住腳香一邊辦公，嗯，有幾變態得幾變態。（紮腳嗰隻腳有幾恐佈同幾醜陋，大家可以上網睇睇，我就唔想再睇第二次喇）可惜唔紮腳又係死罪，又比人抹黑比人屌，好多漢人根本冇依從，紮腳嘅傳統要去到 #中華人民共和國 成立之後先至完全喺中國銷聲匿跡。

同時，豆斗亦都將帝國嘅法律精簡化，模仿西方嘅法律訴訟系統，一步一步引入大清帝國，佢廢除咗浚遲、五馬分屍、腰斬等野蠻殘酷嘅刑，全面實現大清帝國嘅現代化，可惜，仍然有人（#革命黨人）覺得佢做得太慢，好多時候開放改革嘅嘢，都要係一步步嚟，架車開得太快，好容易車毀人亡。

就算要數古往今來世界上最成功嘅 #開放改革 例子，亦都唔例外，1980年代總設計師 #鄧小平 響中國推行開放改革亦都唔係一帆風順，當時中國共產黨內仲有大量嘅守舊派拉住鄧小平後腿，好似 #華國鋒 嘅「#三個凡是」理論，中共資深元老 #陳雲 （唔係國師）嘅「#鳥籠經濟」策略，亦都千方百計阻止鄧小平嚮右轉。佢哋擔心開放改革，外國嘅 #資本主義 勢力會將中國嘅 #社會主義 制度徹底粉碎，但係事實證明鄧小平係行啱咗路，中華民族嘅真正復興，亦都係因為一場引入外國資本同整個世界接軌嘅開放改革！

但係鄧小平搞開放改革人人都讚，慈禧搞嘅開放改革呢，就提都冇人提，仲要一隻一隻死貓質畀佢食，真係唔X公平！

#常威 #大清亡國關慈禧蛋牛治 #慈禧太后 #晚清歷史 #八國聯軍 #辛丑條約

【大清亡國關慈禧蛋牛治】
https://play.google.com/store/books/details?id=C3hjDwAAQBAJ

【大清亡國關慈禧蛋牛治】實體購買
https://www.382now.com/product?id=87

【常威近代史】第二部《中國一百年前的第一次開放改革》電子書正式上架，請大家熱烈捧場，課金幫吓細佬經營落去。細佬人窮志短，生活費唔夠分分鐘會投共，所以請大家幫幫我，上網買本第二部，四十零蚊，求求大家！

高山流水，沒齒難忘！

【常威近代史】第二部《中國一百年前的第一次開放改革》電子書
https://play.google.com/store/books/details?id=_6KMDwAAQBAJ