「穿越+科幻+少甜」《新婚的我搭上了鄰家少婦》- Season 2

《新婚的我搭上了鄰家少婦》- Season 2 


《第六十章》


--------------------

「…」我雙手抖動地將信封打開。

「嘶….」緊緊地將信封貼上的膠紙被我慢慢地嘶去。

「?」 係一張白紙，潔白無暇既白紙。 點會係白紙一張? 寄比我既人，我相信只會係阿TOM! 佢比張白紙代表咩?

我完全唔明白係咩一回事。

「羅家寶? 你識家寶?」

「?」 我被人從沉思中叫回來:「下…?」

「家寶… 你知道邊個係家寶?」 係無音問我。

「…. 我唔明你講咩…」對於無音既問題，我要保持住扮演自己係羅大舟既身份所以要呃佢。

「唔…. 你真係唔識? 定… 你跟本就係….?」無音堅持覺得我同家寶係有關係。

「…」 點解佢會咁諗? 唔係，應該話點解佢會識羅家寶!? 無音佢冇可能會講得出得依個名!

唔通!?

「你係唔係家寶啊…? 我感覺到你同佢好似。 你唔好呃我….」無音緊張地問我。

從佢雙眼中我可以睇得出佢係真心感覺我係家寶。

「…. 係…. 但你點會知道?」 我有一個唔確定既想法。

「你真係家寶…? 啊… 好啦… 我終於係度搵到個相熟既人… 我諗你同我一樣都係未來人? 係咪啊?」無音就有如他鄉遇故知一般，高興地笑起來:「好啦… 你知唔知我有幾咁不安，自從返左依個時代!!」

似乎無音同我一樣係由2044年返左黎依個時間:「我地係度講唔方便，你入黎我屋企再講啦。」

係屋外傾自己係未來人唔係一個好主意，我請無音入左黎再傾。

我同無音坐到餐桌位置坐下，再放下廚刀。

「你…點解要拎刀出黎…?」無音見我放低刀才敢問我。

「哈…唔好意思… 因為我怕你係一個想害我既人….」 我尷尬地笑著。

「有人要害你….?」無音充滿疑問。

「係… 係殺我阿爸果個人 – 阿TOM….」一個由我自小至今一直結下不解之緣既人。

「呃…. 你指果時殺左你…. 啊…我指係你爸爸既人? 阿TOM….?」 無音似乎都識我爸爸。

「係… 唔… 我唔知做咩事會去左爸爸身體中。 你係唔係都識我爸爸架? 我指…羅大舟。」 雖然我唔肯定自己係唔係羅大舟所生，不過自己依家都係入左佢身體內，都想了解一下佢。

「唔…. 你爸爸係一個好人。 人好NICE! 可惜有左你之後佢就過左身… 如果唔係我估你一家會好開心。 但… 我想問點解你同我一樣會黎左依個時代? 但你係家寶? 又會上左你爸爸身??? 我又點會返左黎以前自己既身體之上?」 無音似乎有好多問題，我就先解答左我所知道既野比佢知。

「係2044年果日，我係屋企依度同阿媽過，我果日係結婚前一日….」講起自己係婚前一日返左黎，自己好唔開心。「但果一晚，果個痴線佬突然走左上黎我屋企想殺左阿媽….之後我同佢衝突之後佢就同我一齊跌左落樓…之後就黎左依個時代。」

「等一等先….你講果晚… 我知道!! 痴線佬阿TOM我識。 佢明明入左青山，唔知做咩事偷走左出黎，果晚保安部電腦認出左佢返左黎，我既下屬就通知左我，所以我立即報警同時係屋企趕左返黎。記得果日我趕到返黎準備上你地單位睇下咩事，之後我就唔知做咩事返左黎依個時代啦!!」無音一面無奈的樣子。

「唔… 我諗我可以解釋到….」 我回想返當日係阿怡屋企樓下捉住阿TOM問出黎事情。「我見過阿TOM，佢同我講果一晚佢同我跌落樓時開左時光機，時光機將我同佢送左返黎依個時代!」

「下….」無音既反應係O左咀。

「你唔信???」

「哈…唔係唔信… 我又點會唔信啊? 我自己都已經係一個例子!」無音無奈一笑:「唔通時光機同時將我送左返黎?」

「似乎係…」

「咁有冇得拎到時光機返去?」 無音認真地問我。

「… 我有次問過阿TOM，佢話冇… 因為時光機既運作只可以將人既意識靈魂送到唔同既時空。」 我大約知道阿TOM既時光機運作。

「下… 咩話?? 咁姐係點啊??? 我要留係依個時代???」

「唔…. 有樣野唔知真定假，阿TOM話被時光機送走既人係轉送時有一個條件…. 就係….」

「就係咩???」無音心急地問我。

我有點唔好意思講出:「阿TOM話時光機只會將當時就快死去既人既靈魂送走，所以…..」

「所…以…. 你…. 你意思係…. 我係果時已經死…左???」無音眼睛撐得好大，一個不敢相信自己聽到既事實的樣子。

保安

宜家得番少甜喇

保安懶到呢

<新婚的我搭上了鄰家少婦>
https://lihkg.com/thread/215255/page/1

《新婚的我搭上了鄰家少婦》- 外傳
https://lihkg.com/thread/276571/page/1

《新婚的我搭上了鄰家少婦》3
https://lihkg.com/thread/490881/page/1

《新婚的我搭上了鄰家少婦》4
https://lihkg.com/thread/592370/page/1

《新婚的我搭上了鄰家少婦》- Season 2
https://lihkg.com/thread/682797/page/1

唔該裘奇大大

保安懶到呢

<新婚的我搭上了鄰家少婦>
https://lihkg.com/thread/215255/page/1

《新婚的我搭上了鄰家少婦》- 外傳
https://lihkg.com/thread/276571/page/1

《新婚的我搭上了鄰家少婦》3
https://lihkg.com/thread/490881/page/1

《新婚的我搭上了鄰家少婦》4
https://lihkg.com/thread/592370/page/1

《新婚的我搭上了鄰家少婦》- Season 2
https://lihkg.com/thread/682797/page/1

唔該裘奇大大

響巴
你仲差落幾篇既文數
想幾時找

加班翻工應該構思到d劇情既

推post 等番d舊人番黎先
米缸巴

我翻左黎先
btw 米缸巴 BBG

好耐無睇 alice有無俾帽大舟

先正皮後睇故!

無端端整件無音

lm

真心 追左一年 好撚好睇

好睇過無限輪迴幾十倍

古天樂總要出場的

第一季: 有。家寶幾乎肯定係野種, 差在唔知邊個先係真正生父 (暫時Jeffrey嫌疑最大)

第二季: 應該冇。Alice同Jeffrey一齊+失蹤係同家舟分手後既事

多謝小喬同腥棟人支持

依家連 米缸巴 BBG都失蹤左


冇左佢地我好擔心，出唔到文啦...

失蹤夠72先搵Anson Sir啦

第二季 正確 Alice被分手後同左Jeffery一齊（手都未拖過說失蹤左，比Itom 咩咩左）

第一季 家寶生父係邊個呢？到底有冇可能有答案呢？

好啦
咁我休息72小時先

其實iTom係咪兩世人加埋都係宜家先破到處? 記憶中第一季只係講過佢要阿怡cosplay先打到飛機

根據身體器官特徵，乜唔係Anson sir先係家寶老豆咩？

第一季係因為呀恰太大 (C / D) 而嚇親 iTom 心中既初音
所以只用打丁黎解決