無音響子
2019-02-12 17:41:53
《新婚的我搭上了鄰家少婦》- Season 2
《第一百二十五章》
——————
「哈…羅生你一定有好多問題,我可以一一回答你。」 Dr Ko回答我,其他幾個研究人員木無表情的不住看住我。
似乎係依個青山研究所內,Dr Ko係最高話事人。
「我地係青山研究所內主力研發時空旅行同電子機械工程既高級人員。」Dr Ko雙手攤開同我講述眾人係青山研究所既工作。
「唔…你地10個人就係負責做時光機既人???」我問。
另一邊一個戴上粗框眼鏡既研究人員插咀:「唔係,我係做電子既,主力研究系統研究。 你識個一個古怪男人就係係未來既時間幫我手做野既下屬。」粗框眼鏡男停了一下再講:「姐係你地叫毒TOM果個人啊。」
「係依個時空既AI機械人…」我問粗框眼鏡男。
「係我地係背後做,其實美港係我地組織其中一個秘密研究所。」粗框眼鏡男回答。
果然! 我就估到毒TOM冇可能會自己做到AI出黎,有咩可能佢係未來黎到依個時空可以做到咁多AI初音出黎。
「哈!!! 你好叻啊。 我諗你都估到我地背後其實係有咩組織係度。」Dr Ko 笑笑口的向著我。
「…啤牌會?」我相信可以凌駕於政府之上而又咁有勢力到可以用青山精神病院既組織就只會係啤牌會。
「係! 哈…」Dr Ko 又再笑起黎,佢笑得好陰森。
「咁… 你地真係啤牌會既真正話事人?」 一想到依度,我內心一寒嚇一額冷汗。
我竟然同係世界上最可怕既組織領導人面對面接觸!!!
啤牌會係近百年暗地控制世界既組織,有傳說好多人禍。 例如暴亂政變等等亦係由佢地背後引發! 傳說佢地有儀器係太平洋某海島上,可以影到氣候,對太平洋多國造成風暴等天災。
「哈…哈…哈….」我一講出佢地係啤牌會既真正話事人,佢地咁多個研究員一齊笑。
Dr Ko笑住咁講:「哈… 你…咁講都錯唔晒…哈….」
我一臉疑惑的望住依一班研究人員…
「羅先生! 我地都知道你係未來既日子都同啤牌會有關係,你係初級會員,我諗你大約知道我地架構係點,你入會都係方便你同其他會員做生意。 而我地背後真正既目的係點你可能都有聽過。」 Dr Ko講。
「啤牌會係世界政府既傳說係真既? 背後其實係由猶太人控制住…. 佢地掌握住世界經濟既命脈,佢地目的係要統治全世界…」我答。
「唔~ 冇錯啊你講得好岩。」 Dr Ko笑笑口答。
「但…. 你地幾個…點睇都唔似係猶太人。」佢地分明就係華人既樣。 「唔通… 背後仲有人??」我問佢地。