「穿越+科幻+少甜」《新婚的我搭上了鄰家少婦》- Season 2

842 回覆
52 Like 6 Dislike
2018-10-31 12:13:11
希望呢個唔係無音GE真實故事
2018-10-31 16:11:25
《新婚的我搭上了鄰家少婦》- Season 2 


《第九十二章》


-------------------

「哈...係我開始玩股票。 雖然明知道股票危險,但見住同事A買股票真係好似搵唔少咁。 睇返自己努力工作賺錢,但都冇佢炒幾轉咁好搵。」

「所以你就開始左玩?」我了解到佢既心態,一個男人煩惱都係得兩樣,錢同女人。 無音正正係因為冇左錢而失去左女人。 更加上佢身邊個個人都因為佢冇錢而離開。

不過我唔排除佢性格有少少問題而令朋友覺得唔太想同佢玩吧? 以我為例,我曾經讀過平民學校,之後到中學uncle ben要我入國際學校。

果一段時間我深明原來有錢同冇錢人小朋友都有好大分別。 思想生活模式係大大不同。

我小學係因為阿媽冇賺錢全力照顧我,所以只可以讀地區小學。 到我中學時,Uncle ben越搵越多,之後就安排我讀國際學校。

我經一段時間後終於適應到新生活。 但之後我發覺自己同小學同學既距離好似越來越遠。

慢慢佢地冇同我來往。我知道自己同小學班人係兩個世界既人...

而我估計無音可能係有錢,佢既朋友覺得自同無音係唔同世界既人吧? 好多人都係鐘音拎著數,而見人仆街又好開心。

「我炒到唔少錢,跟住班財演買賣!」

———————

《無音篇》 – 6

「吊~ 又升啦仆你個街!」同事B,C,D一齊係警衛室睇住個市。

我轉左做實Q,因為做實Q可以入房睇市,以前做酒店太嚴,冇可能炒到股!

我加入某大管理公司工作,另一個理由係,酒店有黑暗面。

某d女同事為上位會同上司...酒店內總會有幾間房係比高層留起左唔比人放出去比客入住。

即係我地工程部既人好難上位,只可以等老seafood退休先有機會升。只要老seafood一日係度我都冇可能上位,亦都只會比佢地點來點去做野。

反正炒股仲好搵,就離開了酒店。

「好,我去食野先!」我換返衫離開公司,係管理公司中比較得閒,可以出去食野,雖然只冇半個鐘。

我會出去股票行附近食,順便入下貨。

「嘩...經紀陳,依排都好好生意,我幾難迫到入黎。」

「係啊!吊日日升梗多人,依家真係最好搵時機啊! 我地好多客一日執幾萬!」

「幾萬? 買孖展啊?」我問。

「孖展、期指、輪都有賺! 總之你有錢放入去就點都有50-100%執。」

「但風險大呢...」我有了解過佢講既野。

「富貴險中求!你都想買靚樓揸靚車d女自動送上門架! 你戶口筆錢話多唔多,要升到買層樓唔係唔得,一係買細價股。 不過細價股仲危過期指果d啊。」

「下....細價股仲危過期指?」 我正正係有買細價股,聽財演介紹又真係執唔少。

「梗係啦! 一跌就跌到冇人買,比莊家壓到好低架。 期指唔同啊,點都放得到出去,一睇錯邊就立即走人,起碼易d走公平好多架,我幫你開戶啦! 開孖展同期指戶口啦,你放幾多錢做按金?」

「我諗下先啦...」話晒都係高風險野,我決定睇定少少先。

之後幾個星期,股市仍然好旺! 人人有錢賺,好多咩大學股神師奶炒家出現。

2008年,我同父母仲係住唐樓,我同佢地傾,不如大大注買股票,買我地可以買返樓住好唔好。

估唔到阿媽冇反對。

「好。 個市咁旺,就買啦!」

我同阿爸都呆左。 可能股市既魔力真係好大,連平日好唔鐘意股票既佢都改變左。
2018-10-31 16:15:51
08年, molamola, 今鋪唔跳樓都入青山
2018-10-31 19:02:37
唉 08年果次真係死唔少人
2018-11-01 09:35:45
Molamola
2018-11-02 07:46:06
2018-11-02 17:29:45
《新婚的我搭上了鄰家少婦》- Season 2 


《第九十三章》


-------------------
「2008 金融海嘯… 你唔通…輸光?」 作為一個金融人,我又黠會唔知道2008 金融海嘯?

「係… 果次真係輸突! 差間證券行好多錢啊…」無音回憶起一段痛苦既過去。

我心想,佢2008年中左一次招,會唔會係2018-2019年又中一次招? 大約10年一次既大股災唔係假既,係經濟周期既關係。 當然金融業既人好少會出事上身。

不過2008年一間叫雷曼兄弟既公司係果次死左…

———————

《無音篇》 – 7

「比返D錢我啊…..」 雷曼苦主係中環集會,已經坐左幾日。我唔知佢地依班有錢到買迷你債券既人冇左幾多錢有幾慘! 學友都係苦主,都冇你班友咁上街霸人地方,學友都只係話要出黎黎努力工作開演唱會搵返D錢。

我真係好想去小果班話要人賠錢比自己既人,你班友都係勁有錢既人,唔係點會買迷債?? 你班友都唔會好似我咁輸身家啦下話!!!! 準備去酒店返工既我心諗。

要上街叫人賠錢唔係應該係我上咩? 幾時到你班友???

輸錢皆因贏錢起係真既,我因為贏過錢心雄,之後向銀行借左幾十萬再加上父母既錢同之前股票贏既錢一筆過入左期指! 我係買佢起既。

就只係一日時間,真係好黑仔! 尋日買完個市已經升到高位,第二日就倒轉跌到仆街。只係一日時間冇左7-8成錢!!!

之後個經紀要我補倉,但我已經冇晒錢,之後就被斬左倉,冇仇報。

經紀同我講:「唉… 今次真係好多人要仆街啦…無音先生你都唔好太傷心,仲有好多人都係輸好多啊,真係估唔到咁大間公司都可以清盤….」

我仲記得當日我真係輸到喊左:「咁….點算啊…. ?」

「你戶口仲有少少錢既…. 一係等遲下再入返啦,總會升既。」經紀冷靜地回答。

「哦…..」我都唔知道可以點做….

「唉~ 你都唔好太傷心啦,我都輸唔少啦。 努力工作,之後仲有機會可以賺返既,放心啦! 你戶口留住先啦,遅下機會到就再買啦。 好啦,我都要做野啦,你take card~」

收線後就收到阿媽電話:「…..阿媽…….對唔住….」

「唔…. 阿仔….算啦…唔怕啦…. 我地慢慢感儲錢啦…」阿媽聽得出我好傷心吧。

問題係我唔係輸咁簡單,而係輸突左啊…. 我借左錢。 即係我地全家係冇晒錢之外仲要變左負數!!! 我仲要面對交租同生活既問題!!!! 最慘係我都唔知會唔會經濟差到比人炒…

但我只係沉左半日。 因為我必須要解決問題同還錢。 我需要多一份工!!!

而我就順理成章的返去以前做過既酒店搭路,睇下有冇散工臨時工做。 或者命不該絕吧!! 經濟唔好,酒店唔需要太多長工,反而對臨時工需求多左。 正正同我一拍即合。

我就係咁開始左非人生活! 夜晚做長工物業管理員。 而上午就會去酒店炒散,主力做返工程部、另外仲會做下執房同餐廳,散工關係,我會四圍去唔同既酒店做野。

我坐係中環公園中係返工途中抽出短短10分鐘食包,邊食邊望住班雷曼苦主,心中暗暗不滿依班人唔知足!!!

哼!!! 抵你班人死。 咁有錢,輸少少都仲要嘈。 睇住班人輸得比我多,可能係我其中一樣安慰。 食完包,都差唔多要上酒店返工。

中環係一個好奇怪既地方!! 雖然外面世界一片慘情,人人都因為輸錢而苦口苦面。 不過中環就好似另一個世界一樣,街上既人有唔笑仍然係笑瞇瞇的,睇唔出佢地有傷痛。 可能係有D人避開左2008既股災吧?

特別係酒店中,可以更加睇得出有一班人仍然過住一D富豪級既生活。 下午時間係高級餐廳內嘆住A5和牛配上高級紅酒。

「哈哈…. 我地對沖又執左10%啦」「一早收到風,梗係做定準備啦。」

我聽到好多好多金融界既人係餐廳講風流既說話! 我一直都有聽過傳聞佢地會一直收到風,但我冇諗過係真既。 我真係好想走上去吊佢地,不過都係流於想像,我仲要養家啊仲要還錢比銀行,當住咁多人面打佢我就仆街了。

鬼叫自己傻仔,唯有努力做野啦。

執完餐準備送台,行到出大廳,我見到經紀陳!!! 佢同條條女食野,我覺得係一個model!

經紀陳笑口淫淫對住條女! FUCK! 佢唔係話自己輸好多咩? 仲可以黎咁高級既餐廳食野? 仲要有條model!!! 佢邊似輸錢? FUCK!!!!

「喂…. 條女係好正,但你都唔好望到實啦,老闆係後面望住梗…」同事提醒我。

我就立即再工作!!! 之後經紀陳食完就攬住條女走左。

「岩岩果個客係唔係成日黎?」 我問係度返長工既同事。

「同個model果個? 間中黎下啦,海嘯之後黎多左。 佢D女就次次唔同,哈~~~ 唔係你條女黎下話?」 同事D開玩笑的問。

「唔係… 果個男人我識,條女我唔識。」

「哦… 咁都好D!! 個男人食完野就會上房,哈~~~ 有錢佬真係好,成日有靚女玩。 唉…. 做野先啦,經理黑面。」

FUCK!!! 條PK經紀,又話自己輸。 根本就係賺好多,好明顯佢係海嘯之後搵好多錢。 聯繫上岩岩D金融佬所講佢地一早收到風。 我可以肯定經紀陳都一早知道股市會大跌!!!!

仆街! 根本股票就係呃人。 做金融果D都係呃人。 經紀陳呃我! Mary都係呃我。 FUCK!!!!
2018-11-02 17:30:38
作為原po 故迷
我建議不如早日end左佢仲好
我唔係想催文
只不過
你日日嘔文又辛苦 故事又開始悶
不如早d完 好好休息 第日再開篇新仲好
2018-11-02 17:57:23

中環係一個好奇怪既地方!! 雖然外面世界一片慘情,人人都因為輸錢而苦口苦面。 不過中環就好似另一個世界一樣,街上既人有唔笑仍然係笑瞇瞇的,睇唔出佢地有傷痛。 可能係有D人避開左2008既股災吧?


其實依段見到響巴開始番緊黎
應該係話響巴神早plan 左點寫
只係每次出得唔夠
所以變得慢晒咁

between, take card
2018-11-03 02:58:39
我越來越唔知自己睇緊咩
其實無音個故事會唔會用外傳去講會好啲
2018-11-03 17:18:10
《新婚的我搭上了鄰家少婦》- Season 2 


《第九十四章》

———————
「依個世界真係好唔公平!!! 你地依班有鉉人就越來越有錢!我地班小市民呢? 辛辛苦苦搵錢生活,想買下股票又輸錢,你班有錢佬炒樓又搞到我地D窮人買唔起樓啊…」無音怒視我。

「….」我唔知可以講D咩回應佢。
———————
《無音篇》 – 8

我好嬲!!! 我本來已經係努力工作做野,點解會咁? 只係想宜活過好一D,但就係比班金融佬係後面玩晒。 有咩消息流到去我地耳邊都已經冇用,班有錢佬一早走晒!!!

我呢? 下場就係落得欠銀行錢!!!

明明我努力搵錢就冇事,就係身邊好多做有錢佬做金融既人不停叫人去投資去借錢,之後就用”合法”既方法去搶左我地小市民既錢啊。

點解佢地咁搶人鉉就冇人去拉,我地老老實實搵錢就比班有錢佬當奴隸既玩?

投資股票既錢因為冇消息蝕晒;住又要租人樓不停比人加租! 我做咩要咁傻去返工做野? 我突然生出一個想法。

望住餐廳內生活離地得過份既有錢佬,我決定了要係佢地身上拎返我所失去既野。

放工後我去深水步大量買入好多既偷拍儀器改裝到合適既尺寸長度。

幾日後,我拎去酒店。

由於我可以接觸到酒店系列中住客既資料,我知道有邊一D係酒店既常客! 大約可以推測到佢地book房既目的! 當中有唔少係社會上知名既人士。

我決定安裝偷拍鏡頭到房中,之後再拍低佢地同另一半係房內進行唔見得光既事。

當然,我唔會蠢到去拍D超級富豪! 真係想去死先會拍。 我選擇左一D唔係有名但又成日會book酒店房既人。 經紀陳都係我目標之一。

之後既幾日,我係唔同既酒店唔同既房都分別安裝左偷拍鏡頭!

過左幾日,等全部目標都離開後我再去回收所有鏡頭同片,再慢慢細心地觀賞所有片。

一切都好順利! 最後我要做既就係向佢地恐嚇嘞索! 將影片中主角樣貌睇得清楚既都print出黎再寄到佢地公司,向佢地要錢。 我係嘞索信上要求佢地將現金放入工文袋中再放去一D公眾場所(如公園、繁忙既街道等等地方放低。)

我唔會要佢地好多錢,因為要太多好有可能會令到佢地報警! 只係要佢地10萬左右,總共有10個目標!!! 只要有一個肯比,我都已經可以還到銀行既錢。

我發出左10封信寄去佢地公司,再將太空卡號放比佢地等佢地聯絡我。

只有3個人回我,反應差差,不過有3個中計,我好有信心佢地3個打得比我都唔會報警,反而佢地真係好怕我會將佢地同D女人搞野既片放出街。

第一單我正正係約左經紀陳,佢係其中一個中計既人。

我比約定佢地時間早左2個鐘去到,約既地點係旺角勝利道。 我先行去到勝利道視察環境後再打比仆街經紀陳! 事前我已經約定佢今日要出黎比錢我,地點就冇約實。

「喂!!」我刻意壓低聲音:「依家立即出門口,要10分鐘內黎到旺中!!!」

「咁急…..」經紀陳住係沙田我知道,就係故意要佢趕出黎,一來可以令佢冇得出古惑,二來我要玩下佢!

「係! 唔好玩野,遲一分鐘都唔得! 我知道你住邊,你都唔想你老婆收到份片做禮物架?」我唔覺得自己有錯,一個出賣自己老婆既人,仲要係一個呃人錢既金融吸血鬼!! 我只係要佢10萬,一D都唁過份。

10分鐘後佢真係趕唔到黎。

「喂…大佬…我真係趕唔到,你唔好亂黎啊…」經紀陳就快D喊出黎一樣。

「哼… 我轉左去信和,5分鐘唔見你,你知道我會點啦?」 唔等佢任何回覆我CUT左佢線。

坐係茶餐廳中既我心中暗暗偷笑。 經紀陳你都有今日!!! 夠膽呃我買野,又唔比消息我!!!!

5分鐘後,經紀陳真係去到信和:「我到左啦我到左啦。 點啊… 去邊搵你?」

「你真係到左? 好,依家立即上的士去旺角火車站,到左call我。」

「係…」 經紀陳唯唯諾諾的答應了我。

過左一陣佢又打黎:「我到左啦,你係邊?」

我離開茶餐廳再行出街,走到亞皆老街。「你立即跑去亞皆老街。 2分鐘要到! 快。」我再向去下指令!

「吊…」 經紀陳吊完一聲立即CUT左線。

我開始細心觀察四周有冇可疑既人同時留意經紀陳幾時到。

離遠我見到佢係樓梯跑梗就打比佢:「跑去中旅社!」

經紀陳跑到亞皆老街後就橫過馬路跑到對面。 我睇唔到佢附近有警察跟佢。係佢仲係我視線內時我再打比佢:「跑染布房街,沿火車路行。3分鐘內去到窩打老道。」

收線後得就行返去勝利道走向窩打老道方向。以速度距離計,我同佢應該差唔多時間去到窩打老道。 我再打比佢聽到佢已經好辛苦:「嗄….就到啦大佬…..嗄….」

我對佢講:「跑入太平道!」 我再三確定冇人跟住佢。依條街開始比較少人,我可以輕易確定有冇警察係附近。

確保安全後我就走入勝利道一唐樓梯間:「跑去勝利度將D錢放入垃圾桶度。」

佢照做後我再打比佢:「上後面架的士」 的士係我預早call定安排將經紀陳車走。

「喂… 你要我去邊啊? 我比左袋野你!」 經紀陳問。

「我點齊數會再聯絡你。」 收線後我等左5分鐘,都未有人接近垃圾桶,附近亦唔似有人埋伏。 我將太空卡掉到唐樓一個住宅地毯底,防止如果一陣有差人捉我搜出太空卡。

我保持冷靜地,慢慢走到垃圾桶旁,四周仍舊平靜。 我探手入垃圾桶將袋錢回收後立即離開了。

冇事!!! 真係冇事….. 之後我用相同方法係唔同既地方都拎到另外兩個目標既錢。
2018-11-03 18:19:02
《新婚的我搭上了鄰家少婦》- Season 2 


《第九十五章》

———————
「我只係拎左30萬,就冇再去要D人比錢,因為好高風險。」無識同我講。「我還晒錢後本來打算好好做人,點知…. 689上場又係另一個惡夢。」

無音再講:「2009年起樓價不停升,宮員開始越來越過份。 平民生活越來越困苦!!! 連最基本既住都成問題!! 但政府冇理過我地依一班窮人,反而我見到既係佢地不停官商勾結,佢地自己顧住自己既銀包,只會不停係市民袋入面搶錢。」

「….」我唔識點講,我唔信佢講咩。

「政府同你班金融狗,死人地產佬都一樣唔係好人,你地全部都只會係窮人身上”合法”搶錢!!!」無音越來越激動。

「你冷靜D先……」

———————

《無音篇》 – 9

2014年9月,香港好多人已經好不滿。 高鐵工程強行上馬超資,政府係庫房拎錢再去補貼工程!

真正普選被政府拖住。

住屋問題仍未被解決!

高宮地產商金融狗用我地平民就係另一個世界般係香港過住離地生活。

2014年9月,被壓迫既市民已經再唔想忍下去。 28日,市民向政府反抗了。

我有去過金鐘,有一齊吸過催淚彈,有被拉到警局。 好多人,真心為香港既人都被拉到差館。

而令依件事爆發既犯人呢? 冇事。 壞人就係”好人”,好人就係”壞人”? 係我被困時所感。

最終,我被放,只係坐左一個星期。 之後我心淡冇再去金鐘了… 我知道我做咩都冇用! 我同自己講,香港冇得改變啦… 放棄啦…

我已經失去期望,對於外間既一切都唔理。 自己開心生活就好了。

我打開偷拍既影片睇,主角係新搬黎冇幾耐既羅生羅太! 我心中有無數既問題:「依個羅生真係好,早排先食左條MANDY,依家又話新婚冇耐。」

我望住羅太,佢生得有幾分似Mary!! 係我鐘意既類型! 不過平胸係敗筆!!!

自從果次我係酒店偷拍之後,我發展自己對偷拍有少少興趣! 但酒店偷拍好易比其他工程部同事發現,所以我轉成偷拍自己做管理員樓盤既單位!

偷睇家庭煮婦真實反應遠遠比係酒店D model好,D model說穿了都係雞,反應假到爆。 係人地屋企偷拍情侶兩公婆做愛,真係正好多。

見住佢地明明平日好斯文,但骨子裹原來係咁淫蕩!!! 諗起佢地床上同現實兩個樣,就好似金融狗高宮一樣,表裹不一啊。

「啊….啊….大舟…. 插我….大力D!!」好似Mary既羅太正興奮地呻吟。我真係好想將我手上羅生同Mandy搞野既片拎出黎比羅太睇,之後同佢講:「你睇下你老公!! 背住你去搞第二個啊。」

當然我冇咁做,為左生活,我唔可以。 只可以老老實實地去工作。

「啊…無音…啊…啊….」 女朋友係床上興奮地叫。

「呀….哇…」 我一輪高速抽插將女朋友推向高潮。

我心想起羅生,又望住自己女朋友,心入面有一種唔信任既感覺出左黎。 到底點解女朋友會同我一齊? 保安搵到幾多錢? 可以照顧到佢咩?

女朋友係一個銀行櫃位,但身上時不時會有名牌,我在想佢會唔會係出面有其他方式賺錢? 例如PTGF!!

我之前係酒店見唔少。個隸幾純都好,都可以為左錢同唔識既人上床。 佢地都係手上拎住名牌手袋。

我係女朋友訓左之後偷偷睇佢電話,不過開唔到,佢lock左機。 突然我聽到電話震動既聲係仍手袋傳來。 (係,係聽到震。)

我打開佢手袋一睇,真係有一部電話! 一個whatsapp傳來,雖然電腦都係lock左,但我可以睇到佢彈出黎既野。一個冇入名既號碼:【星期五晚,1Q $1500 OK?】

我雖然冇試過,但都了解到whatsapp句子既意思吧。

出賣… 又係再一次既出賣…… 我好討厭被出賣。
2018-11-03 19:30:59
將過去幾年既貼地般辛苦寫番出黎
熟悉既無音番黎喇

between, 怪不得無音咁保護呀平
原來佢先同賤丁撞機
2018-11-03 19:31:50
係咪之前劇情太暴走,搞到啲人走曬
2018-11-03 20:41:09
如果呢個係響巴既真實經歷 我會覺得好難過
2018-11-05 10:13:07
2018-11-05 12:33:30
連登逢反必紅,所以最多負皮嘅阿平喺故仔入面最受歡迎
2018-11-06 19:54:18
依幾日忙
遲下出
2018-11-06 21:14:31
No problem.
響巴加油!
2018-11-07 09:26:52
點解iTom會有39個親戚朋友
應該全部都係汁男龍友夥伴
2018-11-07 12:15:57
全部其實都係AI 黎
2018-11-07 14:48:57
AI老豆老母
2018-11-09 16:39:48
2018-11-09 16:47:22
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞