「穿越+科幻+少甜」《新婚的我搭上了鄰家少婦》- Season 2

842 回覆
52 Like 6 Dislike
2018-09-13 15:48:37
《新婚的我搭上了鄰家少婦》- Season 2 


《第六十六章》


--------------------

我同無音上直跑返上去,期間不停將垃圾桶推落樓梯阻礙”阿媽”追上黎。

”阿媽”由最初硬食垃圾桶撞擊跌倒,慢慢變成開始用手去擋住。 我地去跑到我層樓時,”阿媽”更進化到蹲下或爬到地上去閃避垃圾桶。

我留意到一點,”阿媽”係可以完全避開晒所以物件。 由垃圾桶飛出黎既垃圾,佢係可以完完全全地閃躲開! 佢可以完全計算到物件既速度下跌軌跡去作出反應!

「嘩…吊啊! 佢好似學習力好高,佢係唔係有AI?」無音都發現到”阿媽”既能力。

「…嗄…..係….啊…..似啦….嗄嗄…」我已經講唔到野,對比無音體能,我真係差好多。

「到啦! 就到空中花園! 吊那媽頂硬上!!!」無音似乎係比緊鼓勵我。

係我拉開空中花園門時偷偷向後望,已經見到”阿媽”係以彈跳方式幾級幾級跳上黎。

「哇…. 點…點…啊嗄嗄…之後…嗄嗄…」我問無音下一步點做好。

「你去果面!」無音指我去空中花園右方花槽,而佢就走向空中花園左方。

分頭走!?我心入面有少少唔好既預感,但已經時間比我再諗,就向空中花園右方花槽走去。

空中花園佔地唔算細,面積正正就係樓下幾個單位既面積。 花園中間位置係升降機,左右兩旁有防火梯,可以圍住升降機行一個圈,而花園四周都種有植物同座位。 一般D人都係上黎食下煙吹下水多。

我跑到右邊花槽位置後”阿媽”已經上到黎空中花園,佢兩頭望。 先望一望左方既無音之後再望我。

佢見到我之後面上又出現憤怒既樣,咬牙切齒的向我跑過黎。

SHIT!!!! 佢目標真係我,真係只有我。

「喂呀…. 唔好追我啦….」我正徬徨著時竟然見到無音走去後樓梯方向! 「無音你條仆街走佬……..」

我應該一早諗到,無音又點會咁好死幫我手!!! 我同佢只係淡淡之交,佢冇可能搵命搏! 死得,今次要靠自己!!

“阿媽”發左癲咁跑過黎,雙手十隻利甲都生長左,就好似X-Men狼人咁向我爪擊!

我立即向”阿媽”投出岩岩係花槽偷偷地拎上手中既泥,我打算將泥掉去佢雙眼令佢失去視力,之後立即走去樓梯逃跑。 雖然我唔肯定佢雙眼係唔係真係用黎睇野,定會有其他方法去追蹤我,不過已經唔到我去想。

【噓】泥巴破空飛向”阿媽”

「SHIT!」

【啪】泥巴擊向”阿媽”身後既柱,並唔係佢避開左。 佢係完全冇動作要去避…. 係… 我射失左… 距離佢個頭有近兩尺距離之遙飛過。

「….」 佢望住我。

「….」 我望住佢。

「哇……..」”阿媽”突然怪叫一聲表情猙獰的飛躍過來,雙手高舉向我揮出尖銳既指甲。

我向右橫跳落返地面,順勢一腳橫掃打算踢跌佢。

“阿媽”好似早已預算好我會出腳掃佢一樣,頭也不回就跳起閃避。 果然佢係有AI,我相信佢從我一直既行為同動作進行好精密既分析。

”阿媽”AI好可能認為我出腳踢失後會立即逃走,佢騰空期間發力扭動身體準備襲擊要逃走既我。

我就知道對付AI要出期不以,所以看準機會右腳運勁撐地借力,左手前臂橫壓向半空中既”阿媽”腰部將佢推開。

「依!?」 “阿媽”腰部既觸感唔係金屬,回想返岩岩攬住佢既感覺都係同真人一樣,但佢係指甲又可以好似狼人咁長出鋼鐵般既爪!? 佢獎左X-MEN!?

【啪】 “阿媽”被我推倒,跌到地上,我把握機會立即跳去樓梯。

【嘰…嘰…嘰…】 後方轉來機械移動既聲音。

“阿媽”已經起返身跑上來追擊我,離我只有4-5米左右!

「仆街….」 我已經冇晒氣力,又要跑樓梯… 個仆街無音又唔幫我自己走佬…

由於我比較近右面一條樓梯(岩岩跑上黎係用左面梯),我就出盡力跑向右前方條梯。 “阿媽”速度比我快,已經追上左我至3米距離。 而我再轉個彎就去到梯口。

「SHIT….」 度門被圍住左,咁岩係防火梯前既地面有維修工程,要鋪地面既水泥… 度門就係我前面不遠,但我要跳個圍欄先可以去到,仲要唔知度門有冇LOCK左…… SHIT!!!

「啊….」”阿媽”係我停步間已經黎到我背後雙爪襲來。

我及時側身避開。 但”阿媽”早已預定我閃避既動作,右手橫掃五支鋼鐵尖甲破空向我喉嚨插來。

我亦早有提防側身避開佢第一下爪擊後順勢倒地滾開後再跑向本來無音企既方向跑到花槽去。

“阿媽”係依個時間竟然開口:「羅….大…..舟……可惡……..」,發出既聲音同真人相差無幾。

佢就好似不停學習一樣,我岩岩都只係講過幾句說話,佢就已經可以慢慢了解到同自己發音。 可以講”阿媽”比起2044年時代既AI機械人更優秀!

學習力高而且同真人觸感係一樣。

跑到花槽後,我將柱邊用作淋花花灑既水喉拉出,看準機會以膠喉管將佢纏擾住。 今次冇失手! 咁大個目標咁長既膠喉管,冇可能失手。

佢被膠喉管纏擾住時發呆的望住喉管,似乎佢對於一D新事物會好奇,這正好為我提供機會。 我快步圍住”阿媽”以佢做中心跑圍,將佢手腳一一纏住再將水喉既水龍頭插入去”阿媽”身上膠喉管裹。

”阿媽”被膠喉所阻唔可以追上我,這令我逃生帶來一線生機。 我立即跑去後樓梯。

但我似乎太低估左”阿媽”,佢只係用左好短時間已經將膠喉破壞左,又再度追上我。

「頂….. 仆街……..」一刻間,佢已經追上左我,跑到去防煙門前阻擋我既退路。 更令我絕望既係佢係超前我既同時竟然刺傷左我右腳,一陣冰涼既感覺從右腳大腿發出。

我跪到地上絕望到等,等”阿媽”一步一步如死神般的向我走近…
2018-09-13 16:04:02
今日係動作片
2018-09-13 17:02:37
仲要係暴走
2018-09-13 17:32:43
好撚悶個故事
2018-09-13 18:11:21
又真係有D變左質,
其實番過去揾下人改變下歷史,搞完一輪,番去 2044,

好似仲合理。。。。
2018-09-13 18:34:27
其實樓主覺得個故再寫落去突破不大, 可以完左個故更好,回憶總是美好
2018-09-13 18:43:45
家寶唔係咁樣就一野翻左2044呀?
2018-09-13 18:48:39
好評
2018-09-13 20:25:49
睇到最後
就會留意到無音想表達啲咩
2018-09-13 20:29:09
yes 上個故都估佢唔到有佛學輪迴睇
2018-09-13 21:51:26
《新婚的我搭上了鄰家少婦》- Season 2 


《第六十七章》


--------------------


“阿媽”右手拉後準備用佢雙鋼爪對我作出最後一擊。

個一刻我好唔心息...

“阿媽”既手已經拉到最盡,準備要插向我...

我身邊抖顫得很,汗如豆下。 不停回想自己一生仲有好多野想知好多野未做...

我好想知道自己身世! 好想可以令阿媽明白自己點解唔可以同佢一齊! 好想阿媽可以原諒自己!

好想可以結婚... 但我已經返唔到去同藹儀一齊...係依個時代既阿怡我似乎都同佢冇緣份啦...

唔知道自己會唔會可以再輪迴做人呢?

已經唔到自己諗啦,我合上眼準備好接受”阿媽”既一擊。

[鏗]一下金屬撞擊聲。

「咁快放棄? 你老尾西!」

我打開眼望。 ”阿媽”已經倒在地上。

係無音啊! 佢手上拎住知鐵鏟!我知道點解佢要上嚟空中花園啦,因為佢知道依度做緊工程,會有鐵鏟呢個工具喺度佢可以用嚟反擊。

「哼!」無音用鐵鏟尖端插向”阿媽”左手,將佢膊頭同手臂分家了。

無音準備再對”阿媽”右手攻擊之際,佢突然單手撐地雙腳一彈將無音撞倒。

但”阿媽”冇再追擊我同無音。 佢望一望地上既斷臂再望一下自己左邊肩膊後就慢慢後退到後樓梯。

”阿媽”似乎分析到自己唔夠無音同我打,所以準退離開。

無音企返身行到我身邊:「吊你,你好虧呀... 冇燃野下?」

「唔該晒,仲以為你走左...」

”阿媽”見到我地都企返身後就再退到防煙門離開了。

「呼...」我深深嘆一口氣:「佢走左...」

「係啊...不過你唔係打算放過佢下話?」無音檢查鐵鏟損傷程度:「我諗你條仆街都feel到依家有幾大件事!」

我點頭示意自己明白:「你想講阿Tom製造左呢個AI機械人似乎非常之危險,會對世界造成嚴重嘅影響?」

「冇錯!」無音追到防煙門:「你唔你打算眼白白睇住件事惡化落去下? 依家個AI機械人會襲擊人,同我地既未來AI機械人只會聽命於人唔會反抗有好大分別!」

「我明...」的確,我開始明白點解有咁多名人會突然離世,佢地都係生前對AI系統作出反對又或者係有影響力既人!

係阿Tom殺左佢地!

一想到依度,我心立即寒左!

我想像到世界可能由阿tom又或者被AI所全面統治既可怕...
2018-09-13 22:07:14
竟然見到一日兩篇
2018-09-13 22:34:21
由iTom統治嘅世界:

女人將會根據cup數劃分等級,AA級係最上等人種,愈大波就愈下賤。

初音會成為最大宗教,人人都要拜初音。

諗起都覺得恐怖
2018-09-13 22:53:01
但下賤既有咩後果
2018-09-13 22:55:45
到底呀平死左未
2018-09-14 00:13:51
itom咁撚堅抽 喺呢個時空做大爺啦
仲報仇做乜鳩
大把女爭住比佢屌


BTW保安啲戲份全部咁撚型棍嘅
2018-09-14 00:28:49
救世主 無音
2018-09-14 17:30:31
唔通係補今日果篇既
2018-09-14 17:32:25
《新婚的我搭上了鄰家少婦》- Season 2 


《第六十八章》


--------------------

按照同無音既計劃,我先返屋企拎返電話,之後再諗方法避開警察既監視之後再追上無音地。

以我同無音既估計,”阿媽”應該會返去阿TOM果度,因為佢要維修。

而無音觀察左”阿媽”既行動後做左個大膽既假設,就係阿TOM佢既大本型應該都係荃灣。 因為以”阿媽”岩岩既動作似係剛剛出廠冇耐既成品(不過學習力好高)。

我心諗,阿TOM要對付我同時又想搞阿怡,咁佢大本型係荃灣都好合理。

返到屋企拎返電話後再入左廚房拎返廚刀出黎就出發去追返無音。

我先坐升降機去到會所層,再從會所走到平台連接商場既專用門口探頭向外望! 見唔到任何人係度! 無音同我講過佢留意到D懷疑係警察既人都係兩個屋苑正門出入口等我。 而依個會所去商場24小時通道既出入口唔係我地住客既主要出入口,所以我就用依度順利離開左。

時間係5點30分,天色仍然好暗,加上已經係冬季街上幾乎冇行人。 我可以好容易察覺到會唔會有人跟蹤自己,而我亦好小心地先走到附近唐樓梯底暗角位置再三確定冇人跟上來再打比無音。

「喂…你老尾係咪出左街啦? 小燃心D唔好比人跟到啊。 」

「冇啊。 你跟到去邊啊?」我已經無視佢既粗口啦。

「去到路德圍啊,你老尾!! 佢行得好快,你快9 D追我地啦。」

「OK!!!」 頂… 已經去到邊遠,我又要跑氣都未抖順又要再跑。「嗄….嗄…….」

由我屋苑行去路德圍大約15分鐘時間,我跑去就只係用左7分鐘左右:「喂…. 你地去到邊啊嗄…….嗄…….,我去到路德圍啦….嗄…….」
「吊9你,唔好慢D!! 係福來村啦你老尾西! 佢上燃梗橋過對面啊….你快啦…」

「邊條天橋啊…嗄…..荃灣咁….多天橋….嗄…」我怪無音唔講清楚! 因為荃灣出名好多天橋。

「豬西… 福來村過對面荃錦中心果條啊…你老尾!!!!」無音堅持自己冇錯…

「得啦…跑梗黎啦。」

收線後我跑去追上佢地,由路德圍去到無音講果條橋大約只係幾分鐘時間。

我去到天橋底時我電話響起來,係Uncle Ben:「喂…大舟,個私家偵探岩岩打比我,話佢跟到阿TOM發現佢係荃灣一個叫美港貨倉既地方度出現,但次後個私家偵探話想入去睇下見唔見到Alice,不過佢冇再搵我啦… 我同佢失左聯絡成大半日。」

「美港貨倉…」我拎住電話講出。

「係啊…大舟,阿TOM都係荃灣,個私家偵探又唔知做咩事冇左聲氣。 我咁早打比你就係怕你有事,想叫你唔好再留係屋企啊,你快D走啦。」

「好…唔該….」 我收左Uncle Ben線,呆望對面馬路。 一個以牆身以紅磚砌成既建築物,建築物前有數棵高樹,外牆隱約可見數個白色大字「MAYKONG GODOWN 美港貨倉」。

才收線後無音就打黎:「喂… 我見佢入左天橋對面既美港貨倉啊,我跟入去先,你快D跟上黎啊。」

「喂…」 係我想阻止無音入去時佢已經收左線。

我跑上橋去到美港貨倉大鐵閘前再打比無音。

【嘟….嘟….】 電話響左好耐,無音都係冇聽。

美港貨倉大鐵閘係比汽車出入用,被人用鎖頭鎖上左。

從敞大既汽車出入用既鐵閘前望入內部,入面完全黑漆漆一片全無生氣,我可以透過馬路上的暗黃馬路燈光看到鐵閘前方係一大片草地,由於太陰暗我只可以睇到前方10米內既景物,再深入一點已經被四周既黑暗吞噬!

而鐵閘左方係另一個建築物外牆,左方正正就係美港貨倉既主樓。

「無音….」 我細細聲向鐵閘內叫,希望無音會聽到。

「….」可惜我等左陣都係冇回應。

我見車用鐵閘旁有一個小鐵門,明顯係比人進出之用,小鐵門沒有鎖上。 唔通無音就係經小鐵門入左去?

鐵閘內異常寧靜,氣氛非常陰深可怕。 沒有上鎖既小鐵門看上去就好似一個陷阱般,在引導我進入去把我吞噬到黑暗中一樣。

但我為左世界既安危,都係選擇左進入依個地方。
2018-09-14 17:39:25
補上美港貨倉相

汽車出入口鐵閘




小鐵門(我真係去左影到佢冇上鎖,平日都係鎖左。)
2018-09-14 17:58:55
有埋實境

偵探molamola
偵探會唔會俾阿平模型採緊精
2018-09-14 18:21:14
繼上次賤丁架車同餐飯之後再有相
其實響巴真身應該係呀平
2018-09-14 18:31:14
唔怪得阿平咁堅揪
2018-09-14 20:25:03
係喎 我地無考慮過女保安呢個可能性 原來唔係響巴 係響絲
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞