(開定先)《鐵血戰士: 血獸進化》討論區

長老係另一隻大船

Avp2開頭分左隻小飛船出黎

係, Predalien殺嗰幾隻只係普通鐵血
如果佢喺母艦上面搞事應該活唔過第二朝

異形係咪 普羅米修斯 飲左黑水既工程師變？同埋異后係普羅女主比David 搞到咁？

隔離po已經詳細討論過
https://lihkg.com/thread/767251/page/1

好多問題係上年個聖約post都講個哂

近幾年先出嘅Fire and Stone系列

大致係將普羅米修斯嘅設定加入AVP世界後嘅故仔
除咗有講被黑水感染嘅鐵血, 仲有黑水人造人, 鐵血vs工程師嘅故事
都幾好睇

果幾隻野係隻艦仔射炮
冇記錯

個幾隻冇腦既鐵血仔 射爆架艋搞到跌落地球 搞到地球變左異形同WOLF既戰場

其實真心講.... 完全諗唔到鐵血嘅科技點嚟

作為一隻戰鬥系生物, 可以發展到咁高科技, 一定係有一個種族專門做科學研究, 有咁嘅智慧同知識照計就唔會有咁強嘅攻擊思想, 所以呢樣真係唔明

佢地成個文明發展都係基於打獵, 就好似食痾訓咁已經係生活嘅一部分
好似人類鍾意運動咁, 打獵唔單止係娛樂同工作,更加係佢地喺社會入面證明自己價值嘅唯一方法
我覺得有啲似鐵木真時期嘅蒙古人咁, 信奉天下為一個大嘅獵場, 通過不停挑戰強者尋找真理

有關佢哋嘅科技, 其實部落入面有專門研究武器嘅科學家 , 基本上成個社會都係為戰鬥而服務
成日話戰爭促進科技發展, 一個為戰鬥而生嘅種族科技咁高可以理解

睇完post 知咗好多野

Btw 既然wakada班非洲人都可以咁高科技
咁鐵血戰士都有高科技 其實唔出奇

AVP 1 嗰三隻個面具都好型
Celtic 好正

既然有人對鐵血嘅文化有興趣, 今日就介紹下佢地打獵時需要遵守嘅最高守則

1.
鐵血需要確保目標有被狩獵嘅價值, 即係指有能力保護自己或殺死鐵血自身嘅獵物
老人, 小童, 孕婦或病人係被認為冇狩獵價值嘅目標
某啲情況, 鐵血甚至會主動停用例如等離子炮嘅強力武器, 只求勢均力敵

2.
一旦狩獵失敗, 鐵血寧願選擇光榮地死去, 都唔會苟且偷生
如果有懦夫冇咁做, 會由部落嘅執法者「代勞」

3.
偷取其他鐵血嘅戰利品, 係一種會被鄙視嘅行為及罪行
犯罪者會被放逐於一個冇任何裝備武器嘅星球

4.
殺害同族係最嚴重嘅罪行, 除非係自我防衛或者發生於用作解決紛爭嘅摔角比賽

5.
如果係為咗食物而打獵, 只准選擇獵物族群內嘅弱者, 汰弱留強

6.
遇到其他鐵血嘅獵物瀕死, 出於對其他鐵血嘅尊重, 唔可以出手
但如果獵物仲有抵抗能力, 出手將其獵殺可當作與其他鐵血嘅共同成果

7.
每一個鐵血都有自己專屬嘅狩獵場
未經擁有者同意闖入狩獵場打獵會被視為偷竊, 會被擁有者視為敵人

8.
如果有獵物擊敗鐵血,又或者擊敗更高程度嘅威脅(例如異形), 鐵血會將其視為與自身地位同等
可以選擇贈送武器作為獎勵

9.
當鐵血認可獵物實力並與其進行決鬥, 必須解除隱身摘除面具顯露自身
呢種戰鬥高潮中進行嘅行為被認為係狩獵精神嘅最高體現

10.
一旦有鐵血打破咗以上規則, 將會被視作叛徒(Bad Blood)並會被逐出部落
其他鐵血會將其視為敵人, 部落內甚至會有執法者專門狩獵呢類叛徒

不過偶然會有例外, 例如本身係聲望好高嘅老戰士(Scarface)又或者初出茅廬嘅新手(Unblooded/ Young Blood), 會得到一次機會,但需要通過一連串艱苦嘅挑戰先可以贖回自身嘅榮譽

鐵血食咩？？？

偏好高蛋白生肉, 電影鐵血2入面食生牛肉

樓主啲解說真係好正好好睇

啱啱又出咗新嘅電視預告
仲未評級 , 如果係三級就正
https://www.youtube.com/watch?v=yv4_AQxMeN0

巨型鐵血啲CG重新整過

呢幕好經典

改色冇咁似berserker

有冇網可以睇到

如果獵物擊敗到鐵血，算唔算再証明左自己有被狩獵既價值？ 再被其他鐵血狩獵？

就咁google Predator Fire and Stone
第二個已經係

最高守則入面有提, 其他鐵血會當成同自己一樣地位
所以唔會再搞佢, 鐵血2入面仲送咗把槍俾個黑人添