(開定先)《鐵血戰士: 血獸進化》討論區

梗係望兩個鐘
Youtube有果一幕睇返

超任果隻？

小學雞時睇明珠台，果時岩岩識野睇完未來戰士。
以為呢套係未來戰士2, 點知愈睇愈唔對路。
劇情血腥又恐怖，但就覺得好好睇。
仲要隔多一兩年先知呢套同未來戰士無關

講開AVP2, 唔差在介紹埋人氣好高嘅鐵血異形(Predalien)


Predalien係指以鐵血戰士為宿主寄生後出世嘅異形
因為鐵血本身體質難被寄生, 加上抱面蟲極難接近鐵血, 所以Predalien係一種好罕有嘅存在
Predalien嘅出現對鐵血戰士部落嚟講係一種難以忍受嘅侮辱, 所以每次發現鐵血部落都會派遣最頂級嘅戰士務求將其殲滅

啱啱出世嘅Predalien BB


異形本身會反映出宿主嘅某啲特性, 呢個情況喺Predalien身上尤其顯著
外形上, Predalien擁有鐵血標誌性嘅顎骨, 頭後面仲有鐵血獨有嘅辮髮, 皮膚亦呈鐵血般嘅顏色
血液特性亦冇其他異形咁呈強酸, 反而呈類似鐵血戰士血液嘅中性
其他異形好似Runner咁雖然會有部份宿主嘅特徵, 但就遠遠冇Predalien咁明顯咁多, 好大可能係因為鐵血戰士嘅基因遠比其他宿主霸道


鐵血面具嘅電磁波掃描, 明顯睇到同普通異形嘅綠色唔同




體格同力量上, 結合咗兩者嘅Predalien比普通鐵血戰士同埋異形更大更強
同時擁有異形嘅速度同埋鐵血嘅怪力, 就算係精英級嘅鐵血都未必應付得嚟
Predalien身上嘅厚甲亦具有極高嘅防禦力, 甚至可以用肉身抵擋鐵血未經蓄力嘅等離子炮

AVP2力戰Predalien嘅精英鐵血Wolf


有關於Predalien嘅習性大致分為兩種
一種就係好似獨狼般嘅存在, 獨立遊離於異形巢穴之外
另一種就係AVP2入面描寫嘅咁, 充當一隻異形部落嘅皇后, 呢種Predalien擁有唔經抱面蟲方式繁殖嘅能力, 而係搵到合適嘅宿主之後直接將異形胚胎植入

選擇受孕嘅目標


打個茄輪就大肚......


行為上, Predalien某啲情況下會表現得好似鐵血
例如鍾意將獵物嘅頭骨脊髓扯出嚟, 但之後並唔會收藏
又例如AVP 2當Wolf除低面具準備同Predalien決一死戰嘅時候, 佢冇出手干擾, 而係好似其他正常鐵血咁等Wolf完成動作
呢啲行為暫時未有解釋, 但可以當成寄生後殘留嘅基因記憶

有關於Predalien嘅資料暫時知得咁多

街機果隻係咪超任果隻
有大隻佬，有女人用

記得打機用依隻仲廢過其他又慢

見到neca出左隻Lost hunter好型 巴打知唔知係咩嚟

p2 尾係船個幾隻

第一集成班軍佬掃冧d 樹個幕真係好正

第一集之外全部都唔係太好睇
BTW一直都覺得P2隻City Hunter係傻仔，咁蠢

睇AVP1個陣好鍾意Scar，好撚型！
AVP2黑到乜都睇唔到，好失望

其實「鐵血戰士」 唔係指好似第一集嘅 呀諾果班軍人咩?

predator 應該稱呼為「血獸」 ?

大家明就得, 「血獸」呢個名係04年套《異獸戰》先開始咁稱呼
有Fans唔鍾意用個「獸」字嚟形容Predator呢隻高科技高智慧生物

求link

https://youtu.be/Nh_3bMtsBKA

係youtube睇過啲吐糟影評話咁高科技竟然唔防水
不過有人解釋話鐵血戰士既星球基本上係好似沙漠咁(AVP2 孤狼出發既星球都沙漠咁樣) 水係極度珍貴既資源，所以無諗過要整防水

係.....即使掂到少少水都會導致個系統短路, 雖然之後可以再開返
除咗水, 受到攻擊或者電磁脈衝嘅時候都會解除隱身


就算隱身狀態下都唔係絕對隱形
集中注意力就可以睇得出空氣中嘅輕微扭曲, 移動嘅情況下尤其明顯

所以鐵血比較鍾意喺熱帶叢林呢類地方打獵, 因為茂密嘅樹林入面比較容易掩飾身影
除咗打獵用途, 鐵血嘅飛船, 建築物都會用到隱形系統

留名 鐵血粉
會唔會講下漫畫 漫畫最近好似都有講鐵血掂到普羅米果種黑水都會引起變化

其實想問下
avp最尾就算係架船度爆左隻血獸mix異形出黎
應該都不至於滅團掛
船上面個幾隻 senior血獸會唔夠打?

我覺得係因為劇情需要

可能又係玩偷襲

Avp2 隻 wolf係勁過晒船上面嘅鐵血都只係同隻異形55 波
所以船上面d鐵血比人滅團都合理

我諗都係既
但一隻偷襲5隻 個成功率都好高下
仲要其中有隻長老個feel好勁
掛哂d戰利品頭骨係身
估唔到都比人ko

我以為送武器比黑人女個隻長老血獸應該都勁

異形係咪 普羅米修斯 飲左黑水既工程師變？同埋異后係普羅女主比David 搞到咁？