偵察船
一種可以進行短距離航行嘅飛船, 一般用嚟運載鐵血到各個星球狩獵
偵察船嘅體型大小參差, 可運載鐵血嘅數量亦都唔同, 少至一人, 多至十數人嘅狩獵團
Wolf嘅專屬偵察船
P2搭載整個狩獵團嘅偵察船
偵察船屬於非戰鬥用途, 並未顯示過裝載有任何武器, 而且外殼十分脆弱, 甚至唔能夠承受鐵血肩炮一擊
除咗運輸用途, 偵察船內部基本上都具有一個專門存放戰利品嘅房間, 鐵血可以將獵物頭骨帶返去清潔加工, 再掛喺牆上展示
偵測船另一樣重要嘅作用就係記錄鐵血嘅狩獵錄像, 供鐵血自己返睇改善, 又或者當鐵血身亡嘅時候, 飛船會自動返回母星或附近嘅母艦, 俾其他鐵血知道消息
鐵血可以透過手腕上嘅微型電腦控制飛船嘅動作, 鐵血S入面Classic Predator利用微型電腦入侵並控制飛船起飛, 之後Berserker亦用微型電腦啟動飛船上嘅自爆裝置
母艦
一艘超大型飛船, 通常會作為一個鐵血部落嘅移動基地, 供偵察船停泊, 補給
一艘母艦至少可停泊四部偵察船
母艦上亦為鐵血提供維修升級武器, 食物, 消息, 同存放戰利品
鐵血可以喺飛船上與同族交流狩獵心得, 比試身手, 社交聯誼
通常一艘母艦上會有至少一位部落長老主持大局
母艦一般唔會參與戰鬥, 長期啟用隱形裝置避免被偵測到, 艦上搭載一種大型等離子炮, 威力之大可以一發擊穿星球嘅外殼
艦內亦有搭載自爆裝置, 必要時候可以引發比核彈威力更強嘅爆炸, 不過呢個情況極少會發生
母艦內長期存放住一隻異形皇后, 令鐵血有能力任何時候將任何星球轉變成一個異型狩獵場
母艦極少會降落鐵血母星以外嘅星球, 除咗每一百年一次嘅成人禮
降落倉
從母艦或偵察船上投下, 通常當飛船接近大氣層時供單一個鐵血降落星球表面用, 可以承受大氣層嘅磨擦
接近地面時會展開背部嘅機翼減低速度, 並利用推進器調整方向
倉內設計可以令鐵血承受降落時嘅衝擊, 並有足夠空間俾鐵血存放裝備
