(開定先)《鐵血戰士: 血獸進化》討論區

其實真心講.... 完全諗唔到鐵血嘅科技點嚟

作為一隻戰鬥系生物, 可以發展到咁高科技, 一定係有一個種族專門做科學研究, 有咁嘅智慧同知識照計就唔會有咁強嘅攻擊思想, 所以呢樣真係唔明

漫畫入面鐵血個星球重有個參議院之類 會有大長老同成班老鐵血開會傾計
係電影入面好少會show佢地合作同社會行為個方面既野姐

其實鐵血vs異形呢個真係好岩 大家都係外星高殺傷力既生物 唔知仲以為係同一個人諗出黎

所以我先覺得鐵血嘅世界觀好正, 試諗下, 除戰鬥系之外仲有一班學術系嘅血獸, 同時呢班學術系亦都有咁高嘅科學成就, 與此同時有咁完整嘅議會體制, 其實絕對係生物發展嘅一個奇蹟

換返龍珠入邊撒亞人社群, 雖然同樣都係戰鬥系外星人, 但設定入邊亦都有講最高學歷嘅撒亞人都只係大約等於太陽系第三行星嘅高中程度 (唔計某件撒亞人同地球人混種), 同時行緊君主封建社會體制, 相對之下撒亞人呢個社群絕對唔會有大發展

Avp 2 其實可以做到好好睇....
係班垃圾寫到咁7

另外, AVP又係睇到R晒頭, 全部時間點都錯Q晒

AVP時間點係2004年, 但異形性虐號起飛時間係2104年, 中間差咗100年, AVP又講到座金字塔已經起咗N年, 除非血獸識時空穿梭, 去未來挾隻異形皇后返嚟生蛋, 否則都唔知點樣match得返呢100+N年嘅時間差異

David整異形唔係用基因技術, 佢係靠單憑進化去整, 即使響同一環境之下, 兩隻類似生物都會出現完全唔同嘅進化歷程(猩猩 vs 人類), 所以其實David係冇可能做到兩隻一模一樣/咁類似嘅生命出嚟.....

算啦, 我知我真心咗

一早講左異形聖約同avp係兩個故事，冇關連

我有睇到呢句, 係自己嘗試進行腦內補完將時間align返, 我都話我真心咗啦

老老實實, 套嘢問題唔單止出喺燈光上面
而係想食埋當時好hit嘅青春恐怖片條水
夾硬整幾條人類感情線出嚟真係唔知做乜鳩
重要攝晒鐵血啲戲份

今日介紹鐵血戰士最出名嘅武器

等離子炮



俗稱肩炮, 係鐵血身上最先進最強大嘅遠程武器
配有自動瞄準系統, 肩炮可以發射威力強大嘅能量彈, 擊中時會產生爆炸對目標及周遭造成嚴重傷害
肩炮射出嘅砲彈通常呈淺藍色



肩炮嘅鎖定係靠面具上嘅瞄準系統, 加上背上嘅機械臂自動追蹤鐵血嘅視角, 可以發射出精準度好高嘅砲彈



另外, 肩炮亦可自行調整威力, 經過蓄力嘅肩炮甚至可以一炮擊穿太空船嘅外殼
未成年嘅鐵血係無資格擁有肩炮, Young Blood需要通過成人禮狩獵異形後先可以使用呢種武器



雖然肩炮嘅威力係好勁, 但使用佢狩獵會被鐵血視為榮耀最低嘅一種方式
當面對有價值嘅獵物, 更多時鐵血會主動放棄肩炮, 而使用其他更基本嘅武器

好似面具咁, 每個鐵血嘅肩炮都有分別

Scar


City Hunter

鐵血2入面City Hunter亦使用過從微型電腦發出嘅能量箭, 可以當成肩炮嘅一種


Wolf
唯一嘅雙肩炮

AVP2入面, Wolf將機械臂損壞咗嘅肩炮改裝成手槍

因為脫離咗能量來源, 所以每次發射之後都需要時間充能

Berserker

鐵血S入面Super Predator嘅肩炮似乎能夠連續發射

除咗用作狩獵, 鐵血嘅飛船, 基地都有配備更大型嘅等離子炮

岩岩番睇完
幾好睇
係黑左d

冇忠奸 只有佢同類 獵物 同佢認同既生物

接受唔到 故事好撚求其....
結局仲要係 射導彈完 好撚膠

AVP, 鐵血, 異形呢啲明明可以做到好似星戰, MCU既級數
但係次次都拍到勁黑勁爛勁悶
都唔明班老細諗乜

Geek base不嬲都好高汁，資訊又快，啲編輯個個都有專精既一範咁
有個叫luke既熟SW 熟到癲

鐵血同異形嘅關係, 其實電影AVP入面已經講得好清楚

因為異形極度危險, 所以鐵血視佢地為「究極獵物」

兩個種族嘅淵源可以追溯到最少幾千年前
鐵血會透過捕獲同監禁異形皇后,喺唔同嘅星球上繁殖異形, 以供佢哋狩獵同進行成人禮之用
AVP入面佢哋每隔一百年就會喺地球舉行一次成人禮
據說鐵血嘅母艦上面就長期存放住一隻異形皇后

部落中嘅Young Blood需要狩獵最少一隻異形去證明自己係一個合格嘅獵人


有時都會玩大咗



某啲鐵血部落甚至會用異形作為獵犬


雖然鐵血表現過對異形呢種生物有好深嘅了解, 但AVP世界入面就從未明確表達過鐵血就係異形嘅創造者

睇鐵血打異形真係好正既一件事

其實AVP 真係好正
第一集幾好睇
但第二集真係好失望

第一集我都覺好正 其實第二集佢idea係好好 係衰在拍攝手法同結果衰d 第二集講番第一集隻混種落左地球 跟住搵wolf呢d猛料落地球毀滅哂佢地 打得都算激 1vs n隻異形 但衰在畫面黑過dc 同埋最尾趕收工