(開定先)《鐵血戰士: 血獸進化》討論區

avp game入面好似異形都有好多品種
有無專家說明下

明明鐵血發展潛力仲大過異形 可以講番古代班鐵血黎地球起野教人既野 又可以駁番AVP有幕係埃及金字塔上面 好多異形沖上去個到 一輸左就會自爆重新再黎過 仲要鐵血科技咁勁又可以講下佢地自己星球既野 偏偏剩係講開異形戲 開到前傳仲要拍夠2套 鐵血就乜介紹都冇 除左AVP一略略講下之外

但其實第2集幾好睇

有

香港買?

淘寶買 香港都有既 係油麻地現時點 買過一次 但賣貴幾多下 唔想比佢食咁深水

https://lih.kg/767251
#156 都係樓主嚟 極高質
不過我唔知關唔關game事

其實宇宙咁大，存在響同一個世界有乜所謂

neca好多假野wo ching

AVP入面嘅異形設定又有所不同
今晚得閒再一齊探討下

Neca好多假貨，仲要淘寶

好耐之前買 好鐘意呢隻

垃圾味濃

有關AVP入面嘅異形種類同特性大致沿用咗異形2同3嘅設定
即係皇后》異形蛋》抱面蟲》破胸體》成年異形
以下講下遊戲同漫畫入面出現過嘅唔同異形種類

1.Drone


作為異形最常見同為人熟悉嘅形象, Drone嘅設定係指寄生宿主為人類嘅異形
作為異形社會入面嘅最低層, 佢哋嘅工作多數係負責建造巢穴, 尋找獵物同抱面蟲嘅宿主
就好似昆蟲入面嘅工蜂一樣

Drone最大嘅特徵就係光滑嘅頭部, 仲有圓柱式嘅背鰭
因為宿主係人類, 佢哋好多時仲會好似人類咁雙腳站立


戰鬥方面, Drone最常用嘅策略就係偷襲, 而且大部份時間都係單獨行動

戰鬥嘅時候仲會展現出過人嘅智慧同耐心, 甚至識得利用自身嘅酸性血液作為武器


比較出名嘅Drone有異形一嘅元祖, 仲有AVP1入面連殺兩隻鐵血嘅Grid格仔



2.Warrior


宿主一樣係人類, 但Warrior同Drone最大嘅分別係表面一層堅硬嘅外骨胳
凹凸不平嘅頭部, 甚至發展出如同刀片般鋒利嘅臂骨
呢層外骨胳令到Warrior有凌駕於Drone嘅力量同埋承受能力

戰鬥方面, Warrior更加喜歡正面以數量壓倒敵人
Warrior嘅智商普遍比較低, 但咁樣反而令佢哋更加悍不畏死
因為Warrior嘅血管有非常高嘅血壓, 當受傷嘅時候會令酸性血液濺射四周, 造成敵人嚴重傷害
https://www.youtube.com/watch?v=MZWvsIBrfxM

有關Warrior同Drone嘅關係, 官方未有一個確切嘅定論
有Fans認為Warrior係由Drone進化而嚟, 亦有人認為係受到異形皇后嘅影響而轉變
當年異形2導演占士金馬倫因為覺得異形1入面Drone光滑嘅頭部唔適合拍異形2嘅動作戲
所以將異形改良成Warrior嘅樣, 咁樣個道具冇咁易損壞

3.Runner

Runner第一次出現於異形3
同Warrior同Drone唔同, Runner嘅宿主係四肢步行嘅動物, 例如牛羊狗之類
因為宿主嘅原因, Runner只可以四肢站立
外形方面, Runner擁有同Drone一樣光滑嘅頭部, 不過背脊無背鰭, 四肢亦較修長
呢啲特徵令到佢成為咁多異形入面速度最快嘅一種

戰鬥方面, Runner雖然冇其他異形咁耐打, 但會以極高速爬行牆壁天花接近獵物, 攻其不備
此外, Runner仲有一樣特殊嘅能力, 就係識從口中噴出強酸腐蝕敵人


4.Praetorian


淨係喺game出現過
異形皇后嘅禁衛軍, 擁有同皇后相似嘅外表, 不過較細隻同埋得兩隻手
作為異形嘅最終型態, Praetorian唯一嘅職責就係守護皇后, 所以佢哋極少出現喺巢穴外圍
Praetorian嘅體型, 力量都遠在其他異形之上
身高可達三米, 而且擁有極其堅硬嘅外殼, 普通子彈唔能夠對其造成傷害


戰鬥方面, Praetorian會用同皇后相似嘅巨大頭骨進行威力強大嘅撞擊
雖然擁有巨大嘅身軀, 但速度上唔比其他異形稍慢, 而且有口噴強酸嘅能力
Praetorian亦比其他異形擁有更高智商, 甚至某啲場合可以召喚低等級嘅異形出嚟消耗對手
佢哋採取嘅戰鬥方式一般直接攻擊敵人, 唔會亦唔需要隱藏自己進行偷襲


作為皇后嘅最後防線, Praetorian會不惜一齊保護皇后, 撕碎眼前一齊敵人
其強大嘅戰鬥力, 甚至近身戰鬥面對全副武裝嘅鐵血戰士都可以不落下風

5. Queen


大家比較熟悉嘅異形皇后
皇后係一個異型部落入面最強, 最大, 最聰明嘅個體
每一個異形嘅部落都會有一隻皇后作為繁殖同發號施令

外形方面, 皇后擁有一個巨大嘅頭骨, 其形狀同皇冠相似
心口附近亦有一對較細嘅副臂, 背脊嘅背鰭呈尖刺狀
一隻成年嘅皇后身高可達五米, 體重達十噸


皇后雖然擁有部落入面最強大嘅戰鬥力, 但因為佢嘅重要性, 好少會出現於其他生物眼前
更多時皇后會位置於巢穴嘅最深處, 負責生蛋同指揮巢內嘅一齊動作
皇后同用作產卵嘅蛋囊

緊急情況下, 皇后可以強行同蛋囊分離, 但過程會產生巨大嘅痛楚


皇后亦表現過擁有極高嘅智商, 異形2入面皇后就試過同Ripley談判


戰鬥方面, 皇后基本上係禁衛軍嘅全面升級版
輕鬆將生化人撕開兩片


即使係鐵血戰士, 都好少單獨挑戰皇后



最常見嘅異形就係以上幾種, 當然仲會有其他千奇百怪嘅品種, 靠大家自己發掘

啲異型分類解說好正呀，多謝樓主；

Btw，都係「異形1」係太空船同薛歌尼葦花同貓貓玩捉依因嗰隻睇得最緊張

女主先係異形最終boss

我想問四隻血獸打皇后嗰度係隻game？

我想問四隻血獸打皇后嗰度係隻game？

係一隻叫AVP: Evolution嘅手機game
雖然係幾年前, 但係幾好玩, 個故事唔錯

去左重溫avp
血獸個種高科技好型
異形我覺得好核突成日想佢地輸
其實一隻血獸打2隻異形好似已經難難地

血獸除咗面具唔核突咩

乜原來鐵血戰士都有分名架

中學雞果陣睇avp之後有隻槍game avp,可以揀人/異形/鐵血

覺得鐵血好型

上面樓主對異形既解說好詳盡

攪到我即刻想揾返哂黎睇

覺得個 design 同 fallout 既動力甲好似

玩鐵血最爽, 一炮一件
玩異形最過癮, 爬牆玩偷襲
玩人類最刺激, 攞支濕鳩槍打成堆異形