你問我答 澳洲移民 (5)

依家我覺得其實TAFE課程既都唔好移民。唔怕辛苦既話bricklaying, carpentry, joiner都仲算好D。

一般係學校官網課程內容入面有CRICOS Code既都係認可既。

咁除左tafe 你建議讀咩好??

你果陣都係自簽189?

Bachelor, 例如 teaching, quantity surveying, social worker, nursing。

但bachelor唔係需要讀既時間更長，投入既錢更多。定抑或對移民有其他著數？認真唔識，想學野🙇🏻‍♂️

成日聽人講話讀得短，快d做野好。可以快d搵錢減輕財政壓力，又可以用exp加分。

讀長d怕唔怕個skill唔再係個list上面?

首先我講戈幾個職業係理論上係可以一畢業後直接移民，因為TAFE係學歷職業所有都要最少一年工作經驗先可以完成評估，但係我上面指戈幾種唔需要工作經驗而考到英語成績就夠申請。

工作經驗係我地做移民眼裡係非常不穩定既一個因素，比起可以自己考出黎既英文。

而且我講戈幾個都係長期短缺兼且對海外人士有一定需求既職業所以我認為唔會tick出清單。

想去澳洲讀碩士方便日後移民，如果讀新聞傳播個d會唔會難喺當地搵到工作同攞到visa?

新聞傳播有D難，比唔上local同埋中文媒體係澳洲始終算少數。

學到野🙇🏻‍♂️

咁我都去望下有咩U有QS Bachelor同讀幾耐. Thanks

你好呀巴打，小弟讀緊USYD speech pathology，仲有成2年先畢業。
想申請pr，但已經擔心緊遲下制度收窄會難申請。
最怕喺冇人請
有冇話點樣可以增加成功申請嘅機會？好似去TAS搵工咁。
定等到26 27申請會好d？

考到4個8就成功機會大好多。年齡當然係25-32最好，多5分。

想問下遞咗公民申請之後出國係咪要通知移民局？移民局會唔會pause咗唔process你個申請，等你返嚟先搞？

女朋友係citizen
屋企有筆錢打算喺澳洲開餐廳
長遠目標都係結婚同移民
想問問結婚前應該咩途徑比較適合？
例如點樣可以合法地過去創業
係咪應該睇投資移民方面？

咁請問如果我bachelor係讀新聞傳播但想master teaching 嘅話，澳洲邊間大學的master of teaching 會相對易考點？

今年28
工商管理degree畢業
3年物管經驗
ielts 6.5

如果轉讀TAFE課程，有諗過鎖匠/冷氣維修/電子技工，係咪比繼續讀master較有機會申請189？

另外，太太如果都讀on list既課程，係咪會多skilled partner 5分？

謝賜教

TAFE / Master 係兩個唔同既方向。兩邊都有機會兩邊都有風險，其實無得比較，最主要係睇你可以讀邊個課程/讀唔讀得成/英文水平。

配偶加分除左occupation要同list之外，仲要通過評估同雅思4個6水平。

我只知道八大大學都讀得比較辛苦，其他就會輕鬆D。唔應該單指Master of Teaching。

女朋友係citizen就快D同居1年/結婚黎移民啦，仲創咩業投咩資？

攞左身份之後先黎澳洲開餐廳吧。

唔使通知，你一出境移民局就知道。

會。

明白呢條路係最簡單直接既
純粹想睇睇有無第二條路可以試下先
因為結婚都唔係一時三刻既事
感謝回覆
題外話其實係咪無可能working holiday身分搞生意？

就算你攞WHV黎做生意都無可能帶到你去滿足其他簽證架啦。

以前細個入左籍有澳洲passport
但係香港讀中學/大學同做野
想問如果想返澳洲做野係咪辭工返去就得？
有冇話要考咩試要咩cert?
因為屋企人已經返晒黎香港
唔該晒

考乜cert，你講返去做嘢？

唔係好明你問緊咩同個邏輯係邊？

睇過AIQS認可既course details, 發現大部分bachelor都係讀3-4年。而Postgrad大部分都要有建築bachelor底, 大概2年。

但其中有間bond u個master of construction management 係咩bachelor底都收,
想問揀master同bachelor對移民有冇咩大分別, 你推唔推介讀呢個master?

同埋係咪揀regional加分重要過間u既名氣? 因為睇AIQS個list好似UNSW最好?

Thanks.