有日屎忽痕一條友去印度食左半個月咖哩

仲有冇

應該仲有5篇左右就出完啦

Sony a6000ja..
舊舊相機

有d 有tune 過少少光暗對比
帶部機去旅行爽好多架，買啦

係
我自己勁鍾意山羊個張

我之前去埃及 d人又係好鐘意講hey my friend 初頭以為想做fd 但後尾一聽到就知9成想sell你野 又想呃9你錢 d人英文愈好愈伏
d野開價開高10倍 之後醒水 所以去親d市集 旅遊區通常殺價殺一折起 佢開1000 我開100

對個d煎餅好有興趣 係咪周街都有 香港食好似好貴咁

係用圍都食到
Ard 2蚊港幣一塊

係
一開始時殺一半就買左覺得好蝕

巴打個洗衫神器係邊到買

第一次喺印度住泥鯭tuk
真係好平，10rs就坐到，不過係因為要等客同兜路會慢d先去到目的地
不過d印度人會成日忍唔住偷偷望你
好好笑

有冇召妓？

離別之預告－重返德里

終於，我嘅印度之行不知不覺去到尾聲，直到我坐上最後一程火車由Jaipur番返去Delhi，我就知道自己一定會唔捨得呢個地方。火車delay咗半個鐘先來到，我急忙通知我個host，因為我返到delhi已經係夜晚11點。我選擇咗喺最後兩晚先玩couchsurfing，一來係因為delhi嘅couch選擇比較多，二來係因為自己已經熟悉咗呢個國家，都唔需要太驚揀中d唔好嘅host。當然揀host之前都要好好睇preview，有d雖然幾高rating但d comments全部都係女黎嘅，我就知道實有問題；有d就要會好好招待你，但最後會問你攞錢；有d就應承你之後放你飛機，總之couchsurfing本來就係咩人都有，尤其是喺印度，風險就更高！不過好好彩嘅係我再一次遇上一個好好嘅host。



Rahul點好法，陣間先講，因為當我聯絡完佢嗰陣，架火車就黎到。可能因為車長知自己遲到，所以架車幾乎冇等人咁濟黎到停一停又馬上開走，從車窗望出去見到有d人真係追住架火車黎上。印度嘅火車就係咁，只要你好彩唔俾人check到嘅，你就可以坐霸王車，所以中途有你會見到有人跳車、有人不停換位、有人哩入廁所，總之就會用盡方法去逃票。



而我最後一程坐嘅就係呢種有冷氣嘅坐位卡，因為由Jaipur到Delhi大概只係4個鐘左右，所以無需要book sleeping，坐一坐就到了。不過book嗰陣無為意book咗架貴車，賣點就係成程車不斷有野食，4個鐘入面你會先食snack再食三文治然後過一陣有咖哩飯同薄餅之後有湯同餅乾條最後仲有雪糕！完全就係挑戰人體構造嘅極限，當我個肚漲到食唔落時見到坐我隔離個伯伯輕輕鬆鬆就食晒嘅時候，我同佢講咗句：「哇阿伯你幾十歲人仲好食得喎！」（當然係用英文）但認真講句，除咗個雪糕之外，其他野都好難食。

意外地架火車雖然delay咗半粒鐘，但竟然準時去到德里，所以我就即刻趕去地鐵站坐最後一班地鐵。原來德里個鐵路圖都唔弱架，第一眼都睇到我眼花繚亂，不過我估唔到連地鐵站賣飛嗰條友都想扼我，明明幅圖寫住一程20rs佢竟然夠膽死同我講40rs，直到我指住幅圖問乜唔係20rs咩？佢先心虛咁口窒窒咁話聽錯以為我買2張，我心諗你從來都冇問我買幾多張囉。



康諾特廣場站算係新德里最繁忙同最大嘅一個站，所以即使咁夜都仲有唔少人，聽講德里嘅地鐵站係唔俾影相架，所以我都係用手機偷偷影咗幾張就算。









呆坐咗半粒鐘先到我個host個站，但原來仲要轉的士，都幾唔方便，好彩過當我去到Rahul留下個陣，佢已經喺度等我同出黎接我。今次係我第三次玩coughsurfing，第一次係喺越南胡志明市，第二次喺伊朗德黑蘭，第三次就係今次，咁岩我呢幾個host嘅共同之處就係，佢地喺呢幾個唔常旅行嘅國家入面，去旅行次數算多嘅人，大概就係因為咁，佢地都鍾意識多d世界各地嘅旅人掛。








佢地間屋嘅大小如果喺香港黎講真係算豪宅架啦，3房2廳2廁，但真係好簡陋，even連床都冇一張架！再打聽返，原來呢度真係德里嘅豪宅區黎！

4個鐘食咁多野

巴打個洗衫神器係邊到買

朋友借俾我架，好似話係上網買

啊樓主
https://lihkg.com/thread/304183/page/1
伊朗遊記不如打埋去

couchsurfing 高rating但comments全部都係女即係代表咩?

即係代表佢唔會host 男仔

Sony a6000
用zesis 16-70

咁都搵到

寫埋佢