有日屎忽痕一條友去印度食左半個月咖哩

Cx 印度餐至好食 係飛機成日食
識食一定掉個pat白色野落個飯

去過公幹加旅行再加斯里蘭卡
唔會再想去印度
臭、人勁無禮貌、景點垃圾
斯里蘭卡隔過海爭勁遠，人有善 乾淨 景點勁靚

安全就一定會
不過就會少左好多貼地既體會
其實個人真係唔覺得印度危險

利申：男仔角度

個pat 野好奇怪
唔會話難食但我唔會鍾意食
都係飲lassi 好

聽閒印度人廁所男女共用
仲會用手抹屎

印度係咩乜都會超載

印度人陣味係咪好撚臭

有無見到靚既印度女人？

印度係咪人民數質仲衰過大陸eg 吐口水 垃周街掉，打尖，搶野

又蝗字又錯字
質素呀

未去過srilanka 都好想去
不過聽人講其實同印度差唔多

Live左 !! g持樓主

是咪去尋找自我?

無時間追PO,想問下用左幾錢

https://youtu.be/s42P9UwPkfw

印度人打板球嘅片

https://youtu.be/s42P9UwPkfw

呢後係恆河夜祭嘅其中一幕
係我第二晚嘅時候再去影嘅
今次就冇出海，喺第二個角度去睇成件事，個感覺又好唔同
不過真係好多好多人啊，走嘅時候真係好似維園行年宵咁

https://youtu.be/s42P9UwPkfw

印度人打板球嘅片

https://youtu.be/6-qNrXWgksg

呢後係恆河夜祭嘅其中一幕
係我第二晚嘅時候再去影嘅
今次就冇出海，喺第二個角度去睇成件事，個感覺又好唔同
不過真係好多好多人啊，走嘅時候真係好似維園行年宵咁

第二段po錯左

睇完d細路打波，個心情都舒暢咗，雖然只係黎咗第二日，但感覺上已經適應咗呢度係節奏，雖然有時會覺得佢地真係好慢，例如order完野食可能要等20分鐘先黎到，但諗深一層，其實我地嘅生活節奏係咪真係有必要咁快呢？





再繼續行，沿路一路又見到好多牛，呢度d牛隻隻都唔同大細唔同顏色，印度人視牛為神聖，但又唔係隻隻牛佢地都會視為聖牛架喎。聽聞係如果隻牛條頸有一駝突出黎嘅肉先至係聖牛，而印度人見到佢地嘅時候通常都會拍拍佢地個頭或者摸下佢地條頸，但通常之後隻牛就會即刻走開，笑死我。



除左牛之外，仲會成日見到有好多狗同山羊喺條街度行黎行去或者攤喺度訓覺，呢d對印度人黎講習以為常嘅野，喺遊客眼中就會變得新奇有趣，所以我喺香港都唔會歧視嗰d影招牌或者雙層巴士嘅人，不過每次我去到外地影食物個陣都好驚會受到旁人白眼。



忽然間見到前面好大煙，我以為唔知邊度燒著咗火燭，呢個時候忽然有個印度人走過黎：「Hello my friend, which country?」一聽到呢句開場白，都已經估到咩事。「No photo, no photo here, funeral.」佢勉強咁將一堆單字砌埋咗一齊，不過好彩我都估到佢想講咩。前面咁大煙應該就係恆河其中一個火葬場，出發前我都聽聞過火葬場係唔俾影相，不過有d印度人會走埋黎同你講只要你俾錢佢，佢就可以帶你去一d可以影相嘅位。我冇應到佢，繼續向住火葬場嘅方向行。「Hey! No photo no photo!」我忍唔住同佢講咗句：「OK I will put my camera in my bag and I won't take any picture ok?」然後佢見我唔落搭就同我講：「Ok my friend, I work here in the funeral. You should give some donation.」然後佢就好似想攔住我唔俾我入去，ok fine，我就陪你玩下，於是我就頭也不回咁轉身走，佢想追過黎，不過呢個時候有對白人夫婦行過，然後佢可能見我冇機會，就即刻走咗過去對夫婦度：「 Hello my friends, you know no photo here?」我見佢唔再煩住我，就喺遠處影咗幾張相，然後就收埋相機去睇下呢個生死共融嘅地方‥

推推推

Live

Hello my friend which country
依句係落後少少嘅地方一聽到都覺得煩
十之八九都係搵錢

留名 有諗過去印度

好奇樓主返咩工?

生死與共的聖河





火葬場，係恆河兩端最嚴肅、最悲傷和最震撼人心嘅地方。恆河兩邊各有一個火葬場，一頭一尾，每天都會飄起一縷縷的濃煙。據說每日喺呢度火化嘅屍體超過200具，每日都要燃燒超過300根梵木。家屬會首先將死者用金絲或者銀絲嘅布包起黎，然後放喺柴火之上任由佢焚燒，當然呢個只係有錢之人嘅「儀式」，窮人嘅家屬就只可以眼白白咁睇住自己嘅親人赤裸裸咁燒死白灰，撒入恆河之中。





火葬場入面亦有一d稱為「旃陀羅」嘅工頭，佢地嘅工作就係加柴加木控制住個火勢，有時又會煽風點火一下，或者整理一下屍體嘅位置。我有理由相信做得呢個位嘅人總係會有少少心理變態，因為我有幾次見到佢地用槌仔扑碎一d燒唔到嘅骨頭嗰時係笑笑口架！

至於燒完嘅骨灰，家屬會將佢地撒入恆河，寓意住即使佢地已經死去，仍然可以沐浴喺恆河之中，讓河水洗清佢地嘅罪，解脫心中嘅痛苦。至於全屍，喺我呢三日嘅旅程入面就冇見過，但聽講如果死者係細路仔或者孕婦，就會以全屍嘅方式掉入海，任由動物食佢地嘅屍體。



同時面對住活嘅家屬同死去嘅親人，忽然間我覺得印度人真係將生死睇得好開，佢地會覺得死亡係人生必然嘅一部分，無咩必要去害怕或者避諱，反而更應該樂觀去面對！嗯，唔怪得佢地可以日日同d骨灰一齊沖涼啦。

機票用miles換，淨係俾稅
所有加埋15日用左4千幾港幣
已經冇慳住食同住

食啲咩多？邊啲會乾淨啲？

佢地好鍾意問，經過就問你，
japan? 答no,
korea? 答no, Oh,
china, 跟住冇喇

咁asian樣黎黎去去都係呢幾個國家嘅人最多架啦

btw幾時有咖哩

有諗過下個月咩撒粉果個節去，不過覺得好痴線都係算

去多幾個國家獨遊先敢去

我之前去印度有坐過
架巴士好似冇咩避震咁
避震硬到唔識講
不過我坐個部係冇咁新淨
聽當地人講係印度出既巴士
牌子好似 TATA