有日屎忽痕一條友去印度食左半個月咖哩

係呀
所以我一直keep 住

其實係咪咁多張都係依句

i have been waiting~

基於禮貌、基於為香港同印度建立外交、基於我相信印度人本身都尊重左右手文化，所以呢隻手，我大大力咁握咗落去。Rohit係印度人，23歲（下？），住喺德里附近，只係趁weekend過黎玩下順便見下朋友，就係咁，我同Rohit就成為咗Jodhpur嘅一日旅伴！









焦特布爾舊城區嘅中心係一個鐘樓，一個個嘅攤檔向四邊延伸成為咗一個市集。攤販無意之中分成咗唔同嘅區域，有d似香港嘅深水埗咁，做嘅唔係遊客生意，反而多數係俾當地人各取所需。我喺鐘樓附近搵到間café，係trip advisor上排第一嘅餐廳，Rohit睇一睇個Menu，然後指住其中一樣〝Samosa〞問我食唔食，其實個刻我唔知係咩黎，剩係識向佢點一點頭。然後佢就叫我跟住佢，話帶我食平d。（其實佢個樣都真係有d似男版肥媽）


Jodhpur嘅天氣比起之前幾個城市熱好多，難怪連狗狗都要攤下屍



佢帶咗我去附近嘅一家小店，而店入面就只係賣samosa，原來即係印度咖哩角。只見圍住店嘅都係印度人，一個遊客都冇，所以如果我係自己一個遊客都未必敢行埋黎，呢間d samosa係即刻炸即刻賣，所以拎上手仲係好熱好新鮮，而且價錢只係16rs，亦即係大約2蚊港幣就有一個，比起頭先café入面70rs一個足足平咗幾倍。呢個咖哩角又幾好食，夠脆之餘入面d咖哩薯仔、素菜餡又辣辣地幾開胃，而且佢份量大到食完一個已經飽飽地。





Rohit話印度人鍾意用手食野，因為咁先係最直接可以感受到食物嘅質感同味道，不過一定要用右手，因為左手係代表污糟同唔尊重，佢一提我搞到又諗起今朝個晝面。食完samosa之後，佢又帶咗我去食另一種街頭小食叫Golgappa，呢種小食個樣類似山根不過好脆，然後佢會整穿一個窿仔，再喺入面裝d凍凍地甜甜地嘅液體落去，不過我咬咗一啖就差d喺佢面前嘔出黎，因為我真係覺得好難食、好似豬餿咁，Rohit見我食得咁快問我係咪好鍾意，我即時笑笑口話我想留返個肚再試多d野，咁先可以避開一劫。

係呀
所以我一直keep 住

其實係咪咁多張都係依句

應該唔係
因為我見隔離枱抽左2句都唔同

飽肚之後，我地又返到去鐘樓廣場。頭先因為肚餓，都冇心情都留意呢個咁靚嘅地方。只見廣場嘅中間車水馬龍，tuktuk車司機忙著接送一來一回嘅遊客；野牛同野狗不時停在路邊擋路，令到司機大為勞氣；有人停喺鐘樓嘅陰影處休息，或跟旁邊嘅人打下牙骹。






一到周末，印度人好多時都會成家大細出黎擺檔，順便享下天倫之樂








呢d七彩顏色嘅手環真係好靚，我都忍唔住想買返d返去做手信

之後我地發現原來鐘樓係可以俾我地上去參觀，呢座有百幾年歷史嘅鐘樓，而家一直都係由呢位Mr. Mohd. Lqbal，佢留守咗喺度接近十年，每日都維持住鐘樓嘅運作同修正。仲記得佢一見到我，就俾咗個好溫暖嘅擁抱我，雖然佢英文唔叻，只係可以不斷指住張紙叫我睇，但我睇得出佢好想俾人知道佢對呢個地方嘅忠心同執著。











返落去影相嘅時候，我又見到Mr. Lqbal，佢同我講佢可能就快要退休將工作全盆交俾佢個仔了，佢望住下面個市集，流露出好不捨嘅眼神問我：「如果有一日你要離開一個你留守咗10年嘅地方，每日再見唔到呢10年日日都會同你打招呼對你笑嘅人，你會難過嗎？」

lm

樓主寫得好好又生動
返工對住印度同事已經對呢個地方無曬好感
又懶又懶醒
成日都覺得班印度女同事好勁，係呢d地方生存到仲做到咁高級，女人係印度真係無地位

最難得係印度人都食到日本妹
香港人只可以食手指

呢個真Ge 我識得位印度朋友
佢都好熱情 之後知道佢係好出自真心
就咁Friend咗

樓主有踢開波？

最後個段睇到眼濕濕

樓主個page幾好睇，巴打們

又live左

右手初體驗







返去hostel休息嗰陣，已經係黃昏時份，Rohit話佢今晚會同朋友食飯，問我一唔一齊join。能夠識多個印度朋友，我當然無任歡迎。至於我點解咁信Rohit？唔單止係因為佢都係一個backpacker，而係我感覺到佢係一個真係想同你friend但完全唔係想喺你身上攞著數嘅人。就好似頭先買街頭小食嗰陣佢完全冇問過我攞錢，甚至我之後打算俾返錢佢佢都話唔駛，同埋有時候first impression都好緊要，正如我第一次見到Shasha嗰時已經有防備之心，但今次Rohit俾我嘅感覺係好放心。









返到hostel見個鬼妹仲係訓咗喺床，不過佢已經醒咗，Rohit問佢同唔同埋我地一齊食，不過個鬼妹望一望佢，然後就好有禮拜咁拒絕咗。我見返到黎又冇野做，就同Rohit講不如去附近飲杯啤酒一邊等佢個friend。於是我地屎忽都未坐暖又著返鞋出去，我地搵咗間酒店嘅rooftop café，可以睇晒成個Jodhpur嘅夜景，我拎住杯啤酒行到上最頂望住個夜景，哇！真係好撚‥凍呀！！





飲咗2杯，佢個friend終於黎到，不過我又係唔記得咗佢叫咩名。只係記得我地三個人坐一架電單車，佢朋友開車，Rohit坐最後，而我就好似人肉三文治咁俾人夾咗喺中間，佢地咁大舊差d夾到我斷氣呀！我地去咗一間又係得印度人食嘅餐廳，得4張枱不過坐滿晒嘅，佢地問我想食咩，我見好耐冇食咖哩所以就同佢地講我要食咖哩雞。我唔記得咗呢間餐廳係本地人食開，所以係冇餐具架！於是我只有硬住頭皮學佢地用手食，由於習慣咗會用兩隻手一齊食，所以當佢地用奇怪嘅眼神望住我個陣，我先記得用左手食野係唔禮物嘅，咁我只有嘗試淨係用右手搣塊薄餅蘸d咖哩黎食，其實食食下又真係幾過癮，得閒仲可以啜下手指添！

https://youtu.be/h-myC2bNQFE

睇完有冇令你食指大動呀？

以前成日跑步
小腿好粗

香港d印度人我都不了

樓主㧙得好辛苦 好難忍單手㧙野
比著我就忍唔住成塊拎起黎食了

留名

我都想問點解唔直接成塊拎黎食

因為要搣黎包住d 雞食
同埋想學下佢地搣得好輕鬆
點知咁唔就手