有日屎忽痕一條友去印度食左半個月咖哩

喺印度返咗黎幾人，個人都仲係未平伏到，一來係因為印度同香港既節奏真係好唔同，二來係因為印度真係一個令人驚奇不斷嘅國家，有好多野你都會覺得：哇！乜原來可以咁㗎？總括黎講，呢個半月既旅程俾咗我好多衝擊，無論係視覺上聽覺上嗅覺上同思想上都係，係計上年六月伊朗之行後，另一個比我領悟咗好多嘅經歷，我會覺得，呢個國家一生人點都要最少去一次！

激發我會出發去印度嘅原因有幾個，最主要係因為上年年尾分咗手，好想搵個地方散下心；同埋想完成埋我三十歲完結前想去三十個國家既心願，所以呢半年要去多三個未去過既國家；最後或多或少都因為印度呢個地方嘅傳聞實在太多，好想自己去探索下，同埋俾多d材料去update自己個page，於是一月頭就膽粗粗用左30000里去換咗張香港直飛德里嘅機票，24號就展開咗呢個半個月既旅程。

今次行程主要係玩北印，本身諗左好耐去唔去恆河，因為時間好趕，去恆河就可能去唔晒四色城，不過最後由於個人對恆河有情義結好想親身去睇下，於是就選擇咗 Varanasi而放棄左Jaisalmer（金色城市）。最後用咗幾日時間草草去plan下同book左火車飛就訂咗個大概行程，建議火車飛一定要book咗先因為sleeping class好快賣晒，至於去到做咩個d我就打算到時先算。

Hong Kong -> Delhi (CX直飛 )
Delhi -> Varanasi(恆河) (內陸機)
Varanasi -> Kajuraho(性廟) (通宵火車)
Kajuraho -> Agra(泰姬陵) (火車)
Agra -> Udaipur(白色城市) (通宵火車)
Udaipur -> Jodhpur(藍色城市) (巴士)
Jodhpur -> Jaipur(粉色城市) (火車)
Jaipur -> Delhi (火車)
Delhi -> Hong Kong

主宿方面主要係hostel，有2晚訓火車，1晚訓homestay，最後2日Delhi玩couchsurfing。除左couchsurfing要早d搵之後，其他既其實walk-in都冇問題，不過我都有去booking.com留左先，反正都係去到先pay，同埋2日前可以免費取消。建議住宿要搵d近舊城區既，去景點相對上會方便好多。


恆河晨浴


泰姬陵日出


藍色小城


舊德里

留名

有無俾人呃偷搶？ 利申 想去

無柄唔好去

藍色城好靚

望相都有味

菊花還好嗎?

行前準備

拎特衰去印度係要申請visa既，不過自從有咗e-visa之後，成個過程相對上方便左好多，只要上https://indianvisaonline.gov.in填份form，upload埋相同passport copy，等2－3日就會approve，又快又唔駛自己走去領事館搞。

再之後就要去IRCTC印度鐵路官網申請account，因為如果到時先排隊買火車飛，一來條隊會好長二來好易會冇位，所以最好就申請account然後上網買，申請完之後可以download個叫cleartrip既app，以後用app買飛或者睇返自己買咗既班次都方便好多。

然後就要download定d係印度會好有用既app，除咗上面講既cleartrip之外，記得download定uber同埋olacabs，呢2個都係印度call車app，而ola相對會比uber平d同多d小城市用得到，不過就冇咁多車，為左唔好俾tuktuk司機水你，呢2個app好重要！最後就係用google map或者maps.me 下載定印度既離線地圖，咁到時萬一network收得唔好都起碼搵到路。

最後就講下要帶既行李，經過咗我呢半個月既歷煉之後，有幾樣野喺我成個旅程入面擔當咗好重要嘅角色。



1. 睡袋：本身只係帶黎備用，點知出場率極高，無論係訓火車冇被、夜晚張被唔夠暖、又或者係唔想用hostel張唔知幾耐冇洗過既萬人毯嘅時候都可以用到佢，最緊要係帶羽絨型，因為夠輕夠細又夠暖。

2. 紙巾：雖然而家好多餐廳同hostel為左方便遊客都有紙巾提供，不過有時候有d地方或者homestay都未必會有，除非你打算學印度人咁用左手‥抹嘴，否則帶定多d紙巾冇死，最好帶埋濕紙巾添。

3. 鎖：因為印度既hostel既locker都係冇鎖提供，所以自己要帶定密碼鎖，有時係火車都可以鎖住個背囊喺床頭。

4. 藥：雖然我好好彩今次旅程無腸胃問題所以一粒腸胃藥都冇食過，不過我d藥都救過2個屙到七彩嘅外國背包客。同埋今次頭幾日係恆河附近吹親有少少傷風，好彩有帶感冒藥食左幾次先好返。

切記切記要帶backpack唔好拖喼，除非你唔怕拖到成喼屎‥


我嘅行裝

呃就點都有，咩國家都會呃遊客，不過小心d就可避免
偷同搶冇遇過
普遍我遇到既都係好人

慶幸冇事
途中識到唔少女仔原來都係自己一個去

其實真係好想去 但真係唔夠膽一個人去
屋企人朋友又冇人有興趣

印度太多強姦新聞, 仲記得有單係個女遊客起火車比成十幾個男人強姦完, 再拋出火車

恆河到底係咪真係咁臭？
係咪真係會有一條條屍體係河上面漂浮？
印度人係咪真係咁咸濕？
強姦非禮係咪周街都見到？
去印度係咪一定會肚屙？
印度人係咪會纏住你問你攞錢？
會唔會言語不通？
泰姬陵憑咩成為七大奇蹟？
新舊德里有咩分別？
印度野會唔會唔岩食？
係咪真係要用手食飯？

呢d一條條問題係我出發前成日會係我腦海中劃過，直至飛機真係起飛，我見到身邊坐既都係印度人個刻，我先發覺原來真係冇乜香港人會去印度‥

第一個識既印度人就係飛機上面，坐我隔離位既一個印度男人，本身我地都冇交談，但因為我實在有太多疑問，於是我忍唔住開口問左佢一句：我第一次黎印度，你有冇咩建議俾我。然後佢醒咗我一句：有時候你要狠心一點！個陣時我聽完明明地又好似唔太明，不過隨住我之後嘅旅程我終於明白到佢呢句話既意思。



不得不提，CX去印度既飛機餐真係好難食，搞到我好驚我黎緊半個真係會冇啖好食，不過由於我係搭夜機凌晨去到德里，驚到時機場會冇野食所以都要被迫食晒。



去到德里機場，我即刻走去排evisa條隊，見佢得10個人左右諗住好快就過左關，點知呢一排等左我差唔多45分鐘。我唔知係佢真係咁嚴謹定係科技仲係停留喺10年前，我見每個人走去打指模最少都要repeat 4－5次先成功完成到，然後佢望住你本passport又好似樹懶咁，一個人起碼要成5分鐘先過到關，不過對我冇咩所謂，反正我點都係要訓機場等到朝早6點幾轉內陸機去Varanasi。

德里機場有樣好就係你一定要有機票證明佢先會俾你入機場入面，如果唔係就只可以係機場出面等，所以即使係訓機場，都唔需要太擔心d行李。正當我悠悠閒訓到4點幾諗住起身入閘個陣，個職員先同我講原來domestic係另一個terminal，要轉shuttle去，嚇到我標屎咁即係出去個站，見到有一大堆印度人企喺度等緊，然後我就諗起之前睇bollywood d戲好似要打交咁迫上巴士，等左10分鐘終於巴士黎，我好成功咁趁d印度人擺行李時迫上咗巴士，不過由於我前一袋後一袋，上到車都差d迫到斷氣。好彩架車開10分鐘左右就到咗我個terminal，我又一支箭咁衝左入閘，成功趕上飛機，我冇諗過機場都未踏出就可以咁刺激。




唔知點解巴士d相全部都影到咁震


架機起飛時剛好日出‥

留名 好想去啲非熱門旅行國家

留名～

留名, 有興趣會去india

留名支持

lm

lm

Lm

lm

雖然我唔覺得印度危險
不過有個男仔陪係會好d
同埋自己危機意識都好重要