有日屎忽痕一條友去印度食左半個月咖哩

今晚嗰集 睇預告同樓主身形同髮型90% match

去一個地方要幾錢

你要儲人地有夢想

邊同

去過Kolkata做一個月義工
明明好撚污糟，但真心好撚正好刺激
識唔少女仔一個人去，勇到
我是來留名的

痴線

LM 今期追呢篇先

巴打，好多謝你嘅遊記
你文筆好好，寫得好精彩!
依一種旅程真係會令人有好多反思
希望可以繼續分享多啲感動內容!
多謝你!

樓主有冇坐過呢款巴士?

有冇俾人大開眼界

係用右手
不過而家好多餐廳都會提供餐具俾遊客

隔住post都有味
印度住的人係咪真有味
定香港D先係。。。樓主點解決味問題?

Sorry 太多問題好易睇漏
印度人會當你係明星咁成日問你selfie
遊客就多數問下你去邊度玩，留幾耐etc

又live了

lm

恆河夜祭

通向恆河嘅係一條條曲折嘅小巷，兩旁係一間間嘅小商店，賣嘅有印度香料、五顏六色嘅絲製品、充滿印度風情嘅衣褲、大大小小嘅café士多同餐廳等等，彷彿每一間都向你投以招來嘅目光。不過我嘅目光俾佢地吸引住嘅同時，我仍然要好小心睇住路上面嘅每一堆垃圾、每一團糞便，因為我就只係帶左一對鞋，一對我打算去完今個trip就會掉咗佢嘅鞋，雖然係咁，但我仲要著多兩星期。









〝Hello, my friend!〞
〝What's your name?〞
〝Which country?〞
〝Japanese? Korean? Hello! Come come.〞
每一句都等於同你講緊：「喂水魚，你仲唔過黎俾我扼？你係遊客黎架快d過黎消費啦！」
不過因為佢地太過直接了當，所以我反而冇太大反感，反正世界各地有邊個地方係唔會劏遊客架？









走過小巷，黎到恆河前嘅市集，又係一個新天地。人牛結聚、濕貨乾貨比比皆是，有人坐喺街上伸手問你拎錢，有人鍥而不捨咁追住你，為嘅可能只係一兩蚊，好多人會以驚奇嘅眼光望住你，因為你要習慣，黃皮膚嘅人，對佢地黎講係有一種異常嘅吸引力。

終於，我黎到咗呢條我ff咗好多年嘅印度聖河－恆河。







黃昏時嘅恆河霧氣好重，又令佢顯得更加神秘。船伕不斷喺碼頭旁邊招來，問我要唔要坐船遊河；河邊嘅台階上有好多小販開始設起一個個嘅小攤檔，我隨便捉住身邊嘅一個印度人查問，佢話我知原來每晚嘅6點至7點，恆河呢個主台階上都會舉行慶典。我望一望手錶，5點40分，唔怪得周圍越來越多人‥





呢個時候，旁邊有個印度人問我係咪第一次黎恆河，要唔要同佢個family一齊出河喺河上睇夜祭，我望一望隻船，有兩老再加佢老婆同佢個仔，應該係佢地包咗隻船，雖然係咁，我都係不自覺地啟動咗自我保護平台去拒絕佢地，然後佢好肯定咁同我講：「你第一次黎，一定要點都要試一次喺河上面睇夜祭！你唔需要俾錢我地，因為我地包左隻船，我可以同船家講你俾返100rs（約12蚊港紙）佢，應該冇問題。」唔知點解，個一刻我覺得佢好可靠，於是我就跟咗佢上船。

lm

開始講女女女了

一上船佢就同我介紹晒佢成家人嘅名，不過我要同佢講聲唔好意思先in case佢有喺度睇緊（不過我估應該冇），因為我冇一個記得。我喺印度半個月，記得嘅印度人名就得4個，其中2個係我嘅host、1個半扼半氹下做咗朋友、1個係用手抆完屎之後同我握手嘅人，呢幾個之後都會講。總之我覺得印度人嘅名真係好難記，又相似又矯口，講完就唔記得。不過呢一家人都算係我喺Varanasi嘅伯樂，因為佢地本身係印度人，不過移民咗去南非，今次係返黎旅行，所以佢講咗我知好多恆河嘅歷史同義意。





而恆河嘅夜祭，係一個充滿住宗教氣氛嘅節目。台階上嘅人拎住燭光、花環、金器等等作出一連串稀奇古怪嘅動作，每到一d特別位置，周圍嘅印度人會一齊低頭合十。環繞住嘅係富有印度色彩嘅歌曲，雖然我聽唔明，但有時我都會跟住哼下eyaa～ar～yaeaee～恆河上嘅小船越來越多，將我地隻船越推越近岸邊。或者因為我唔係印度教，亦都未係好了解印度教，所以我只可以講我對夜祭嘅評價係：頭15分鐘精彩新奇，之後15分鐘開始抽離，最後半個鐘我走得未‥


















一上岸嘅時候，無啦啦有個男仔衝埋黎問都唔問就喺我頭上點咗粒朱砂問我拎錢，我就話我唔信呢d架wor，跟住旁邊就有個男人話呢個係代表blessing，唔俾錢唔吉利架！既然黎到就入鄉隨俗，始終呢度都係個宗教地方，於是我就俾咗100rs佢打發咗佢走，點知佢臨走前話要我拎手機同佢影張selfie先俾我走，下？呢個係咩心態？

sor 有兩張重覆左
準備要出街所以可能要到夜d先再update到

其實d 味好多都係黎自d香料
又或者係佢地d好強既古龍水
同埋其實你係個邊留得耐，你都唔會點覺得有味了
個鼻習慣左

果邊開始入黑 有時行有d路 自己一個 勁黑無咩野燈
見到對頭有一兩個陌生人 佢搶野我實死緊
好彩無事

冇，我坐單層個d