有日屎忽痕一條友去印度食左半個月咖哩

幾好睇
但自己去都係唔好搞我

好想去印度
但一講出黎上司就死都唔批假比我

正常諗法

下？
原因呢

驚佢死左要再請人

枝水喉當地人係唔會用 會籌埋d水等污濁嘢沈澱 之前見過入面流d蟲出來

你用開邊隻睡袋？

2個女仔去無事,算好彩 去3個唔同地方都遇到好人,覺得人生點都要去一次！

有潔癖係咪唔去得

最怕污糟, 香港嘅熟食市場已經係極點

你的樣貌長得很安全

去得baba 10個有7都係試特別野
如果唔試可以去前d果間，坐得舒服d

又live左

你影火車站果D好似都好乾淨
係唔係因為遊客區先係咁注重衛生

加油update

今日全日出左街update 唔到

你再係咁我就上你fb page炸你

專出假難民嚟香港嘅國家

係咪爛尾啦？

留名等文

岩岩返黎,同你去既地方差唔多,好正,一定會再去!

斯理蘭卡人好友善，地方乾淨好多，女仔自己出去真係好安全。
上次仲望住印度洋歎茶，真係好正
印度雖然有好人，但比例上唔多，同地方真係好恐怖，上次一到機場就有濃霧，返香港眼腫把聲都沙埋

利伸，工作關係經常接觸印度人同去印度

樓主 最近Plan緊去尼泊爾 中途會stay德里10幾個鐘先去加德滿都 咁如果我到時出去德里 大約夜晚12點先搭番車入番機場會唔會有啲危 （絲）

一雙雙等待嘅眼神，係我從印度火車上望到嘅第一樣野。印度嘅火車好長好多卡，而且分咗好多唔同等級，如果車程係超過5個鐘嘅，就會有床位嘅車箱，至於短程嘅就只會得坐位。不過卧室同坐位嘅車廂又分別分為有冷氣同冇冷氣嘅，冇冷氣而又最低級嘅坐位，分分鐘只係港幣10蚊左右就可以坐十個鐘由一個城市去另一個城市。





如果你有睇過印度電影，應該唔會對印度火車陌生，聽聞孟買係最誇張嘅城市，最低級嘅坐位真係會迫到爆晒，因為好多印度人未必負擔得到高級d嘅車票。而印度火車亦都有一個特點，就係因為佢太長，所以越平價嘅車票嘅車卡，就會離月台越遠，可能要行成5分鐘先去到自己嘅車箱。同時，印度火車離站嘅時候開得好慢，所以真係有唔少人會中途跳上車或者跳落車。

https://www.youtube.com/watch?v=bUnfI-Xp_Qg







至於我就買咗卧舖三等卡，亦即係一格入面有6個床位，每邊分上中下，同大陸嘅火車差不多，而對面就只有上下兩舖。揀位方面我個人建議最好當然係揀只有上下嗰邊嘅上舖，因為一來唔駛俾人坐，二來又坐得直個人。下舖通常都係會變成俾人share坐嘅座位，除咗夜晚訓覺嘅時候，而中舖就仲慘，當大家係下舖坐緊嘅時候直頭開都唔開得出黎。上舖雖然係坐唔直個人，但至少有返個私人空間。









一上到火車最吸引到我注意嘅就係印度人嘅腳臭味，佢地嘅腳臭味好得意，唔係個種臭到你要一直掩住個鼻嘅狀態，但又會每隔一陣就不其然飄入你個鼻。而個種味道大概就係印度人成日赤腳行路，但成條路又係屎水又係垃圾然後隻腳乾咗個種味。仲有佢地好習慣一上火車就除鞋，然後將對腳掠去對面位。有次有個印度人坐我對面掠咗隻腳過黎，個時我喺度睇緊netflix睇到好緊張，忽然聞到陣鹹魚味，初時我仲以為自己睇緊4D，最慘就係我個鼻會不自覺咁追蹤氣味嘅來源，仲會大力索咗一下，個下我差d以為自己會客死異鄉，所以我會奉勸大家一句，喺印度千其唔好八卦周圍索，尤其係咁狹窄嘅火車上面‥

咁可能真係唔好去好d