有日屎忽痕一條友去印度食左半個月咖哩

多謝大家關心，我冇事啦
可以繼續

講開猶太
真係心郁郁想去以色列

你係邊個

up緊
初時見到eat my uncle真係有d驚

冇甜

live

有啊，前幾頁講左

印度嘅城堡同宮殿好多都係以呢d圖案花紋同埋大理石柱構成，對我黎講都幾有似清真，不過又融合咗佢地嘅獨有風格。（其實我唔識，呢句都係睇得多旅遊節目學返黎。）







我自己都好鍾意呢個花園，佢係由好多不同大少嘅幾何圖案嘅樹仔砌成，中間有個星型嘅缺水噴水池，好似以前打機d場景。





雖然之前冇入到去風之宮殿，但估唔到呢度都有個類似嘅窗仔，我終於可以感受到當時妃嬪每日嘅偷竊生活啦！不過其實佢地都幾慘，每日嘅視野就係得咁少，雖然望都成個廣場，但冇辦法同人交流，亦冇人會話俾佢地聽出面發生咩事，所以印度人對女性嘅不尊重，其實係由從前已經開始架啦！







黎咗個幾星期其實每人都會俾印度人叫我幫佢地影相或者係同佢地selfie，原因之前都講過，不過唔知點解今日真係多得誇張，我諗我淨係今日被要求同當地人selfie嘅數目，就已經差唔多等於我咁多日加埋，嗯，可能我今日靚仔咗，我樂意扼自己。







走嗰陣沿路落返樓梯，俾個小販追住sell我野，原本佢開價20蚊一個，我以為係20rs本身都想睇下，點知佢話係20us，我即時頭也不回地走。我一路行佢就一路追住我，我已經冇理佢，佢就自己一直減價，結果佢由山頂追到我落山腳，而價錢亦都由20us (~160HKD)自己劈到去250rs (~30HKD)，我見佢咁有毅力，最後都幫趁咗佢，雖然我覺得都係買貴左，不過我buy佢嘅誠意！





一路落山都有好多小販，呢籮蝦片，我問你敢唔敢食？













臨走前見到個亭，d印度人真係好鍾意係咁喂野食令d白鴿聚晒一齊，不過今次真係最誇張，起碼有成百隻，其實對有密集恐懼症嘅人黎講應該會覺得幾嘔心。



好在我冇。

佢應該係想講 種姓

師兄你好
我今個月月尾會一條友去十日北印呀
New Delhi -> Varanasi -> Agra -> Jaipur -> New Delhi
想問下你呢 agra除左泰姬陵其實仲有無咩特別好去處？因為諗緊agra同jaipur邊日放多一日落去好
同埋你係咪用大機影相架 好靚呀 諗著買番個廣角鏡去影

好翻一出出兩篇

多謝巴打指正, 原來我打錯部手

sorry. 原來我打錯字, 係種姓制度, 好彩有巴打指正

種姓制度將印度人劃分為四個級別既社會地位

1)婆羅門：最高等的瓦爾那，也是整個階序的核心。婆羅門本為祭司，根據《摩奴法典》規定，可從事教授吠陀經、司祭與接受奉獻這三樣工作，但在8世紀以後祭司逐漸不受重視，潔淨便取代前者，成為婆羅門最主要的特徵。此外，婆羅門享有許多特權，如不可處罰、不用交稅、不可殺害、可領回部份充公遺失物等。

2)剎帝利：次等的瓦爾那，《梵書》稱其具有與婆羅門共享「管轄一切生命」的權利。剎帝利是戰士和統治者，掌握實際的政治與軍事權力，但被排除在完整的司祭過程之外，因此不具有宗教上的權力。此外，其負有保護婆羅門之責。

3)吠舍：第三等的瓦爾那。吠舍是農人或牧人，任務是生產食物，並提供各種祭品。《瞿曇》規定吠舍可從事農耕、商業、畜牧與放貸的工作。

4)首陀羅：最低等的瓦爾那。首陀羅是沒有人身自由的奴僕，負責提供各種服務。

咁睇黎樓主應該無同佢地討論過, 不過唔緊要, 我會繼續追遊記

agra fort都ok
可以去amber fort in jaipur同agra fort
delhi個red fort可以唔去，冇野睇

係呀我用sony a6000同iphone x同go pro

哈哈sor我才疏學淺
而家你教返我tim

巴打唔好咁講. 我都係識小小扮代表, 可能直接同佢地討論呢個問題, 大家都會尷尬

250rs買咗咩

Lm

個韓妹睇落都唔錯吖

喺城堡住tuktuk出返黎個時經過呢舊野，原來就係水之宮殿，故名思義就係水內面嘅宮殿囉，好似可以入去，但聽聞同風之宮殿差唔多，出面好睇過入面，所以我就叫司機開慢少少俾我影張相就算。出返舊城區都差唔多5點幾，又未肚餓於是就行下風之宮附近個市集。呢個市集分咗好多唔同嘅區，由衫褲鞋襪到家品電器都一應俱全。





其間都有好多人走過黎想拉我去睇野買野，其實印度係幾好嘅，唯一唔好嘅就係行親街總係一直俾人纏住有時會覺得有d煩，而且開場白仲係千篇一律，除咗之前講嘅「my friend」同「which contry」之外，從佢地嘅開場白都可以大概得知佢地係賣咩，例如：

〝Hi my friend, your shirt is beautiful, where did you buy it?〞放心，佢絕對唔係真係覺得你件衫靚，因為當你答〝Thank you.〞之後，佢就會打蛇隨棍上問你〝How much did you buy it? We have more and with cheaper price.〞所以之後我應對嘅方法就係講一個好平好平甚至係冇可能做到嘅價，但估唔到有一次我講完之後佢話仲有得平d，結果我最後真係跟咗佢去睇，因為真係平到如果唔買好似做錯事咁。



〝Oh sir your shoes are dirty.〞呢個係想幫你擦鞋補鞋嘅，不過我著對舊鞋黎就係為咗掉，所以你做唔到我生意。

〝Hello, my friend how are you?〞然後伸出手同你握手，當你一握佢就會摙你隻手之後叫你〝massage, massage.〞

總之幾乎所有主動行埋黎嘅都係想做你生意架啦，所以唔識拒絕嘅人係有d蝕底。而第一日飛機上坐我隔離個印度人叫我要狠心d我大概明係咩意思，因為印度人真係欺善怕惡架，佢見你越唔識say no就會越蝦你，反而後期我扮下野兇下佢地佢地又真係會驚我，所以喺印度想買野冇問題架，惡d就得架啦！同埋有時候真係會麻木到直情無視佢地就算。不過有時候如果有散紙我都會主辦俾d細路或者乞衣嘅。



呢個係印度人結婚新郎哥嘅造型，見到之後我又諗起其實我一直想買頂清真個d帽仔戴黎玩下，於是就隨街問咗個穆斯林，佢叫咗我去唔知邊度買，之後又諗一諗話我應該唔識去，不如賣佢自己個頂俾我算啦，我問佢幾錢，佢身邊個frd話400rs，然後佢話痴線邊駛咁貴，叫我俾200rs就得，其實我覺得ok靚嘅，個價都合理就買咗了。好在我隨身有帶消毒酒精，噴幾下再戴黎玩下先。





冇錯，我夜晚都係屎忽痕忍唔住搭車過去水之宮殿個邊影下夜景。其實就真係隨咗呢舊野就冇野睇，不過又俾幾個印度佬走過黎r水吹咗陣。佢地好鍾意問〝Is Hong Kong a country?〞原來佢地成日都聽人講係黎自hk，所以好多人都以為香港係一個國家，當然我只係答咗一句：「Of course.」


水之宮附近好多人賣呢d雜豆，而我就覺得係因為呢度實在太無聊，唔食下花生都唔知有咩做‥

手信