有日屎忽痕一條友去印度食左半個月咖哩

當地支裝水都安全既
日日飲都冇事

新年快樂
身體健康

留名支持

留名...之前去印度 d撚樣真係用手撈d水來洗屎眼 佢地仲大條道理話環保 乾淨....但係佢地忽略一樣嘢...班撚樣用ge水多數都來自屎坑隔離一個水缸。個水缸真係一日幾百人撈過...

樓主加油update呀
支持你

留名

半個月好長時間係恆河果邊咁?
不過的確係比較安全d

3日ja...第一頁有行程

我見d 廁所多數有支水喉

喺開始講我嘅第一程過夜火車之前，好想講下我頭幾日嘅三餐。話說黎之前已經有好多嘅親朋戚友係咁提我唔好亂飲水唔好亂食野，又上網見到好多人話個個去印度都會肚屙，所以我去之前已經買定腸胃藥帶去，因為我好驚去旅行個肚唔舒服，尤其係印度呢個好難搵到廁所嘅地方。





頭幾日我淨係敢去餐廳食野，呢邊嘅餐廳好多都係連埋hostel一齊經營，所以大部分都有rooftop restaurant，可以一路食野一路睇到旁邊d屋d人喺度做緊咩。同埋餐廳嘅食物雖然比起local檔會貴d，但其實都係好平，食一餐可能都係around港幣20蚊左右。同埋而家大部分印度餐廳都會提供餐具俾遊客，所以都唔駛擔心要用手食野，不過食薄餅嘅話我都係prefer用手，因為會食得滋味d，但記得要用右手呀！





至於我最最最鍾意嘅就係lassi，佢係一種yogurt，不過加入咗印度香料，同埋可以因個人口味選擇要咸定係甜。本身我好驚飲完會肚痛，所以揀臨返hostel之前先黎試，點知一試就愛上。同埋佢製作好認真，會將果肉打入去之後再喺上面加水果，如果大家有機會黎Varanasi，可以試下呢間叫Baba Lassi嘅，佢d lassi 真係好足料，但係我前面有9個日本人入咗去，結果我好似等咗差唔多45分鐘先有得食‥

如果突然肚痛可以係恆河除褲就痾?

有冇試special lassi ?

留名

Lm

Lm

lm

冇呀，唔敢試

喺lassi baba牆上留咗名
唔知下次如果巴絲有機會去仲會唔會見到

留

印度火車初體驗

印度嘅火車咁出名，其實都唔係冇原因，雖然今次去我冇機會感受到電影入面個種百幾人迫晒喺同一個車廂，就連車頂都企咗人嘅畫面，但係我仍然都可以感受到印度嘅火車站係有幾咁亂。









由於係印度嘅第一次搭火車，所以我早咗成個幾鐘就去到車站。未入到去已經見到有好多人坐咗喺車站外面，有d係乞錢嘅、有d係等屋企人出黎嘅、有d係架車delay而要等好耐嘅，總之就乜人都有。買飛嘅人龍好長，而且以印度人嘅做野速度黎講，我相信如果真係要walkin買飛嘅可能要早2個鐘到火車站排隊，仲要唔保證有位，所以我嗰時都係選擇咗喺香港上網買定飛先。雖然咁就會令個行程冇咁彈性，但喺印度我都係唔想take呢個risk。


又一次證明拍示牌對印度人係冇作用架



仲有嘅就係印度嘅火車成日都會delay，我有朋友就試過去到火車站先發現佢班車要delay 10個鐘，由於佢已經book好晒之後嘅野，所以就被迫要即刻買機票搭內陸機過去，咁又冇咗幾舊水。不過呢樣野真係彩數問題，避都避唔到，可能係個天見我前幾日對恆河咁尊敬，所以我成個旅程4班火車好好彩一班都冇delay過，真係大吉大利。





印度嘅保安都幾嚴格，無論係火車、地鐵或者景點，入站前行李都要過機同搜身，不過我成日都覺得同大陸一樣只係做樣多過真係做到野。至於入到去月台，又係另一個情景了。婦女們肩並肩依傍坐喺地下；行李零星地散落各處；小販攤檔落力賣水賣花生；乞丐好有恆心咁逐個逐個問人攞錢。走近月台邊，係一陣嗅覺嘅刺激，一肢尿餲味傳入我的鼻，隨住味道的方向望過去，一個印度阿叔正躲喺兩個車卡之間陶醉地放水，當然我知道以佢一個人嘅尿量係做唔出咁濃郁嘅氣味。都無謂阻人屙尿，一望向另一邊，幾個男人正從月台跳下路軌，施施然咁向對面月台走過去，其實行多兩步就有天橋，真係有需要咁趕咩？如果呢件事發生喺香港，港鐵又唔知要停幾耐，又唔知會有幾多香港人受影響了‥







但係我真正想睇嘅，其實係火車內嘅情景，所以我要向第三號月台走過去‥當然係用天橋啦！

Live 左

lm

lm