出發前雖然已經睇左d前人既遊記,不過去完返黎之後我根據返自己既經歷,而整理出呢11件出發伊朗前要注意既事:
1. Visa盡可能係香港搞掂,雖然金鐘個女職員西口西面。
2. 女仔一定要包到實,千其唔好嫌包頭核突。
3. 男仔可以著短袖衫,不過就唔好嘗試著短褲,我試過條褲短左少少有途人伸手想幫我拉返落d搞到我差d甩褲。
4. 最好避開齋戒月,除非你想邊旅行邊減肥。
5. 途中可能有好多人想幫你,唔駛驚,佢地唔係壞人。
6. 坐的士記得傾好價錢先好上車,因為佢地唔係跳錶的。
7. 如果你唔係想有更深刻既體驗,建議你最好唔好影所有政府機關同建築。8. 如果坐完夜既又未夠鐘check-in,其實可以去各大清真寺好好訓返覺先。
9. 全個伊朗都冇酒賣,因為飲酒係犯法既,但當然佢地會有自己既方法飲到酒,如果你無酒不歡既,識多d朋友啦。
10. 自問數學差既,麻煩篤多幾次計數機先好俾錢。
11. 細細個既夢想係做明星既你,今次係個好機會啦,因為無
時無刻都會有路人搵你合照!
