有日屎忽痕一條友去印度食左半個月咖哩

雖然樓主講得好正好吸引
但一諗到印度強姦個啲 就不了
Btw 支持樓豬

Lm

恆河好多屍會有巨人觀
Ps食飯唔好search巨人觀

樓主我曾經都比個印度小妹妹點過粒紅點
佢地話係幫你帶黎好運咁話
唔知係係唔係一樣

留名是最好的支持

Lm

good luck and get your Vaseline ready.

邊個黎?

我在恆河看眾生相

經過咗第一晚嘅恆河夜祭，其實感覺都幾震撼，無論係場面止或者見到印度人對宗教嗰一份熱情上，不過由於經歷咗一晚凌晨機＋訓機場＋反覆轉折嘅內陸機＋個幾鐘車程到hostel，我9點幾已經身心俱疲，要宣佈正式收皮。返到hostel個陣，見到間四人房都仲係得我一個，我諗今晚我可以獨佔間房。於是我就鎖咗門除晒衫，以勝利者嘅姿態走去沖涼，點知頂丫！冇熱水嘅？任憑我點扭點開關d制，花灑噴出黎嘅都係凍水，而且仲要係弱弱的水流。雖然一月份印度嘅天氣係幾好，日頭大部分時間都二十幾度，不過一早一晚就會跌到得返十度左右，衰在我尋晚坐咗晚飛機已經冇沖涼，所以我決定豁出去洗頭，不通知親友，於是我經歷咗第一日，就成功令到自己開始流鼻水‥



第二朝早本來好想好似d台灣blog講到好瀟洒咁晨早六點起身走去恆河睇成班印度人晨浴，但我唔知係因為朝早太凍定我唔覺得整熄咗個鬧鐘，當我起身嗰陣已經係8點半。我即刻起身刷牙洗面換衫，再用我嘅奶力盡力喺避開晒d地雷之下盡快黎到河邊，不過我見好多人已經開始抹緊身著緊衫了‥雖然係咁，係間中仍有唔小人喺唔到嘅台階準備落河沖涼，大概係好似我呢d唔知醒嘅人吧。







講到佢地沖涼嘅習慣都幾得意，男嘅通常會就咁著住底褲或者包塊布就落水，而女嘅如果係後生通常都會包晒成身咁落水，而老d嘅就可能會淨係帶個bra加底褲就落水，所以喺思想都算封閉嘅印度黎講其實又幾開放。仲有佢地沖涼基本上係唔會用任何洗頭水沖涼液嘅物體，只係會落水浸下再用d水洗下頭，咦但係我記得明明尋日hostel個人同我講呢度每間hostel都係同恆行相接架wor，咁咪即係‥不過對Varanasi嘅人黎講呢個係出生至今嘅習慣，可能佢地又真係習慣晒掛。





不過最令我覺得唔舒服嘅係佢地會用恆河水黎刷牙，我見到都不禁心中大叫WTF，雖然hostel嘅水喉水都可能係來自恆河，但起碼我見到嘅係透明而唔係泥黃色，我仲可以安慰到自己，但親眼睇住佢地咁做又真係另一個層次嘅視覺享受‥

應該係一樣
其實都係想你俾錢佢

唔係我黎ga‥我冇上過電視
最多都只係電台同facebook 網台個d

洗費好平，食野可以港幣10－20蚊一餐
hostel 30－80蚊晚
火車百幾蚊就可以有床位
的士都係十靚蚊就可以point to point

係呀歐洲要集郵好快
不過我唔中意走馬看花
所以都想spend多d時間係一個國家慢慢感受

中國 台灣 日本 南韓 泰國 越南 柬埔寨 新加坡 馬來西亞 印尼
菲律賓 澳洲 紐西蘭 土耳其 印度 伊朗 英國 法國 德國 意大利
荷蘭 比利時 捷克 盧森堡 梵諦岡 瑞士 西班牙 赫特河公國

今年5月底plan去波蘭同匈牙利過生日trip
咁6月前就剛剛夠30國

推薦一個叫車app比嚟緊想去印度嘅巴絲
叫Ola 個app等於香港call Uber
但可以俾Cash (需要印度電話卡先可以用）
輸入你嘅所在地，再輸入目的地
再簡車種，之後就會顯示所需既盧比
再噤conform booking
等車唔使10分鐘
早兩日搭車 20km 開我價500盧比
原本以為已經好平
點知個app 79盧比就已經搞掂

利申：當地人介紹 可以慳翻唔少錢

其實除左沖涼之外，靜靜遊走係恆河邊都有好多野睇，尤其是可以睇到瓦拉納西人係點樣同呢條河互動。除咗刷牙之外，另一樣叫我吃驚嘅就係當我睇到佢地係恆河邊洗衫掠衫，如果只係普通嘅洗衫當然唔出奇啦，之前都有聽聞過亦睇過好多相，不過令我吃驚嘅係，我見到我間hostel嘅毛巾同床單呀！！呢個真係太刺激啦，雖然你可能話應該都估到啦，但我又真係冇去諗同估唔到咁都親眼俾我見到，而且仲有幾他hostel嘅毛巾同床單，哈哈哈，今個行程真係日日都驚喜十足呀！







其實我去backpack都會自己帶毛巾、睡袋同枕頭套，特別係黎印度更加要準備得好d，但係床單真係冇辦法啦，不嬲都唔鍾意carry咁多野，唔緊要啦，又當係入鄉隨俗囉，反正見到d印度人咁鬼健康，污糟幾日又唔會死嘅，於是我就一於大無畏，繼續訓佢床單，繼續用水喉水刷牙洗面，繼續學習做半個月印度人。





再繼續向前行，見到前面有個比較大嘅廣場，上面有幾個細路係度打板球。原本我以為板球只有喺英國先流行，估唔到原來印度嘅細路都好鍾意玩，因為我喺之後嘅旅程上都見到唔少。所謂板球嘅玩法其實類似棒球，不過就唔係用棍而係用一碌平頭嘅木板。見住佢地打得好開心，有時個波唔小心打咗落河，佢地會即刻跳落去執，然後成身濕晒咁上黎再打過。老實講喺香港都唔知幾耐冇好似咁樣企定定睇d細路打波lu，總覺得身處香港，咁樣企定定睇佢地玩半個鐘已經俾人覺得好浪費時間咁，但係原來即使只係咁樣睇，見到佢地玩得咁開心，自己都不期然會同佢地一齊笑，好似自己都變返細路仔咁。

係呀
我第一頁都有推介呢個
好多city 都用到
平過uber

delhi 用uber 都好方便 好平
唔使怕tuk tuk 騙徒 亂開價
2月夜晚好涼 得9-10度
空氣好差

笑死我 睇字feel到樓主睇到自己hostel床單有幾驚訝 真係眼不見為淨

總覺得身處香港，咁樣企定定睇佢地玩半個鐘已經俾人覺得好浪費時間咁

Sad but true

唔小心search左

但uber 都比ola 貴一倍
我delhi 都係用ola
不過有時會搵唔到車
但我會用ola 個價同tuktuk 講價

其實遠望一片真係幾靚既

跟團會唔會穩陣安全好多？