有日屎忽痕一條友去印度食左半個月咖哩

用人地既骨灰沖涼

餐廳通常都ok
路邊灘就自己小心

因為印度既路太多減速波

我都有frd 個時去，好似會好好玩

This?

算你啦

不過最令我覺得唔舒服嘅係佢地會用恆河水黎刷牙，我見到都不禁心中大叫WTF，雖然hostel嘅水喉水都可能係來自恆河，但起碼我見到嘅係透明而唔係泥黃色，我仲可以安慰到自己，但親眼睇住佢地咁做又真係另一個層次嘅視覺享受‥

我見到係火化場邊刷牙, 刷牙水係飲埋落肚, 一定吸收到好多鈣

推

剛起身
祝大家身體健康
狗年去多d 旅行

一陣繼續

獨遊真係好爽

無事啲人只係好彩
要搏有事就怨自己

你又唔係女點會危險

好睇

一直都好想自己去 可惜身邊嘅人反對
唯有遲下睇下跟團會唔會好因

Live

每日入黎噤幾次等樓主update

無J所以呢一世都唔會去印度
但係對呢個地方好好奇
睇完呢個post 喺google search左恆河既相見到有死屍
好難想象當地人點敢飲D水

留名
一直都好想去 但呀差同事都會建議一定要有男仔陪

恆河上的黃昏



喺恆河旁邊，有一個個船伕，每當佢地見到你係遊客個陣，佢地就會走埋黎同你講：「Boat? Very cheap!」因為另一個喺恆河好熱門嘅活動，就係坐船遊河。好多人都話黎到恆河，一定要坐船出去睇日出，不過對於我黎講，睇日出係一件好唔friend嘅事，因為要一大早起身，又要抵受住得10度左右嘅低溫。由於我去嗰幾日成個Varanasi朝早都好大霧，所以我就放棄咗坐船睇日出，改為睇口落。





就喺我睇完火葬場諗住行返去嘅時候，呢個船家就走過黎同我搭訕，由於我本身都有出河嘅打算，於是我就打蛇隨棍上問佢價錢，佢話1個鐘150rs（約hkd20），又俾晒卡片我電話號碼我，話自己做咗好多年。咁佢俾我嘅第一印象的確係幾老實嘅，同埋個價錢都幾合理，咁我就同佢講我定好時間再通知佢，跟住佢就拉咗我去坐低話請我飲masala chai，即係印度拉茶，呢杯亦都係我喺印度飲嘅唯一一杯masala chai，因為真係好甜，我覺得好難飲，但係印度人真係好鍾意飲。







日落時份，我去到約好嘅地點，船家叫咗一個有d年紀嘅叔叔黎划船，有時我會自己喺度諗，出咗河其實就等於肉隨砧板上，佢地要屈你錢又得、要搶你野又得，你唔肯嘅掉埋你落去恆河都仲得‥不過呢d全部都係我自己ff姐。相反，個阿叔又幾好人，見有d地方我影得耐d又會停俾我影，見我影佢佢又會擺下pose，中途我問佢可唔可以借俾我划幾下順便影下相，佢又ok喎。不過可能佢見我划得太差，划極都係原地打轉，所以最後都係忍唔住話不如俾我划返，竟然敢睇少我，好我就俾返你自己划！







喺恆河望返上去岸上嘅人，又係另一種感覺，本身只可以從側面望嘅火葬場，如今可以正面望到家屬嘅神情；天上有無數隻風箏，都係小孩子無價嘅玩具，佢地唔知咩係智能電話，又冇得一出世就睇youtube玩ipad，但係佢地有爸爸媽媽哥哥姐姐同佢地一齊放風箏；見到隔離船個陣，大家都會微笑點頭打個招呼，或者幾個黎自唔同國家唔同膚色嘅人能夠喺恆河上面相遇，都算係種緣份。





上岸嘅時候我自己extra再俾咗tips船伕，佢俾咗個感激嘅微笑我，原來付出少少就可以令其他人開心，又真係幾滿足。恆河呢3日，俾咗我好多感受、好多領悟，係時候要搭火車去下一站啦！11個鐘嘅印度火車經歷，唔知又會係點嘅呢？

多謝支持
呢排新年忙d要食飯拜年，不過一有時間就會抽時間update
唔會爛尾

留名支持

支持

好奇問下當地有冇外國礦泉水賣？當地水都好似好危

樓主最後坐船都無狠點
不過少少錢 大家又開心
有咩所謂

俾錯負評

冇啦，有時覺得價錢ok 咪算
俾少少錢人地賺