有日屎忽痕一條友去印度食左半個月咖哩

上山前會經過一個濕度較高地區
呢個地區成個地區都係大麻
大麻係野草.不過冇人會食



再上.雲同山已經連成一體
但你可以見到D空氣係幾清
公路旁不時有D當地遊民開D小食店
凍可以飲杯荼


留意下背後果座山已經係冰川
https://scontent-hkg3-1.xx.fbcdn.net/v/t31.0-8/13908892_10209896173786703_5552762377159250210_o.jpg?oh=261f769d0e3767d7580fb99a1769eaef&oe=5B11B426

上到較高地區
我地坐得奈都會停下落車行下



是但係車入面影出去...



D空氣好似清到上左火星.
呢D就係路邊不時會見到嘅士多.
有D可以入去住一晚
留意下個天清到唔係藍色
係清到黑色


我部相機廢.影得唔靚
但你可以想像下夜晚行出黎望上個天會係點!!!!!!!


有時會見到D軍人睇住條路



呢到已經係列城
如果落山唔想要坐幾日車同危險多次
走就建議可以坐飛機
兩個鐘左右

如果你問我個TRIP邊到最值得推介
我會推介金色城市同埋坐廾上列城果條路!
果到D危險比唔上係城市對住咁多人虎視擔擔
(但死左唔好搵我 )

但我聽當地人講
上到列城最靚果個位叫班公湖
呢到就係早掛中國軍疋同印度軍隊丟石仔果到
係軍事區域
印度唔理你係香港人.總之你就係中國人
所以如果你要入去
就要當你好似中國人咁申請
要去德里早30日搞
所以姐係唔會去到
來生不做中國人!

太長唔quote
上面巴打影啲相真係好靚
睇到好想去

Live左
巴打加速

Dream

離開Khajuraho之後，我又要再坐多8個幾鐘頭嘅火車向西邊出發，為咗尋找泰姬陵嘅所在地－Agra。阿格拉杷對我之前去嗰兩個城市，呢度好明顯係大城市好多，亦都係一眾背包客嘅聚腳地。不過如果真係要黎Agra，我覺得其實一日就夠，因為除咗泰姬陵同阿格拉堡，呢度就係個冇咩特別嘅地方。



臨上火車之前Ajay整咗d chapatti俾我做lunch，因為當我去到Agra嘅時候，就已經係夜晚。今晚特登揀間好近泰姬陵嘅，咁我聽朝就可以第一時間入去睇日出。出去搵野食嘅時候行行下見到間〝pay as you wish〞嘅餐廳，姐係佢地冇定價，你覺得值幾多就俾幾多。其實某程度上我都幾唔鍾意呢類餐廳，不過見trip advisor評價好似幾好咪去試下。









一入去到就有個鬼妹叫住咗我，問我坐唔坐過去同佢一齊食，我有少少怕醜，所以雙腳就好自然咁行緊去佢個方向坐在喺佢對面。個女仔叫Cassy，係美國人，辭咗職打算去一年背包旅行，而印度就打算留三個月。佢問我會喺印度玩幾耐，我弱弱的同佢講我只係留半個月，然後佢一臉驚訝問我得半個月點夠呀！我同佢講冇計啦，香港就係咁，俾20日annual你已經好多，最慘嘅就係有時有假都冇時間放。我地一齊交流咗好多大家旅行嘅經歷，而佢亦都share咗好多自己嘅野俾我聽。



傾傾下我地先至發現原來呢間餐廳全部都係由一d以前曾經俾老豆虐待過嘅女人開嘅，而多數都係被老豆用硫酸燒傷咗塊面。原本佢地每個都有自己嘅夢想，有人想做歌手，有人想做醫生，但係因為硫酸而破壞咗佢地嘅一生。不過佢地後來合力開咗呢間café，目的為咗召集更多同佢地有相似經歷嘅人，一齊去對抗呢件事。睇完佢地嘅經歷之後，我更加深深體會到人只要有個夢想有個信念，其實冇咩野係可以真係阻礙自己嘅！







同Cassy道別之後，我一路行返去hostel，一邊喺度諗，雖然我唔可以好似佢咁話飛幾個月就飛幾個月，但係我只要堅持住自己嘅信念，我相信終有一日我都可以完成到自己嘅夢想的！

正皮

七大奇蹟



喺印度，你會見到好多景點都分別有兩個價錢，一個係俾印度人睇，而另一個係俾遊客睇，通常遊客嘅價值會比印度人貴好多，擺明就係連印度政府都話俾你地聽，「我係要劏晒你地呢d遊客！」所以唔需要驚訝，印度就係咁樣嘅一個國家，而位於Agra嘅泰姬陵就係一個活生生嘅例子。




一早已好多人排隊

凌晨6點，鬧鐘響，我只係訓咗4個鐘。其實我都幾討厭連旅行都要set定鬧鐘要自己起身，咁同我喺香港有咩分別呢？不過今日係為左睇泰姬陵日出唯有局住起身。間guest house好嘈，夜晚要起身戴返個耳塞先訓得到，好處係佢真係好近泰姬陵，我落去唔駛5分鐘就行到入口。印度人入泰姬陵，只係需要40rs，而遊客要入泰姬陵，就要俾1000rs，足足貴咗25倍！！但問題係你黎到Agra唔會唔睇泰姬陵架嘛，所以其實係有少少肉隨砧板上俾佢地砌架。











另一個早少少去泰姬陵嘅好處就係可以避開人潮，因為每日大約9點之後呢度就會開始人山人海，到時唔好話影相會俾人block住晒，分分鍾連一開始check飛搜身都要排幾個字。




倒影

泰姬陵係蒙兀兒王朝第5代皇帝沙迦罕為咗紀念他嘅第二任妻子姬蔓·芭奴而興建嘅陵墓，當時姬蔓·芭奴喺第14次分娩時，不幸感染產褥熱，死咗喺南征嘅軍營中。佢臨終前向沙迦罕提出咗3個遺願，其中一項就係為她起一座全世界最美麗的陵墓。泰姬陵結集咗印度同波斯式建築，睇落係幾靚嘅。不過對於泰姬陵打入咗世界新七大奇蹟，好多人都有唔同嘅聲音，而反對聲亦唔少，有d人覺得泰姬陵背後嘅故事唔係一段歷史，只係一段好普通嘅愛情；又有d人覺得，泰姬陵只不過係見印度人喺個咁惡貧窮嘅環境之下仲可以起到個咁貴咁精緻嘅陵墓，所以先會得以加許。



無論係點，泰姬陵呢度真係一個好好嘅影相打卡位，我都不經不覺喺度留左兩個鐘影咗好多相。




附近有個公園可以由高處遠望泰姬陵另一個角度，我都係誤打誤撞搵到，入面仲有好多印度情侶喺度偷情添

Live左

間CAFE入面D女仔好慘

係呀
同佢地傾左好耐
聽左好多故事
覺得佢地真係好堅強

Live左

號外－出賣床照系列。



由Khajuraho坐火車去Agra嘅時候，係火車識咗呢對波蘭夫婦，同佢地好有緣，因為我地從Varanasi去Khajuraho嘅火車上面就已經有過一面之緣，不過個日我地只係互相confirm下有冇上錯車，而冇真正認同交流。所以今次見返面，大家都覺得好橋，所以就互相介紹認識咗，佢地兩公婆每年都會backpack旅行1－2次，已經去過好多個國家，歐洲差唔多去晒咁濟，真係好羨慕。咁啱我本來都打算今年6月生日trip去波蘭同匈牙利，所以就趁機問咗佢地好多野。

我成日都覺得一個人旅行比咗我好多機會去認識世界各地唔同嘅人，反而同朋友或者另一半去，就通常少左好多機會同其他人交流，所以偶爾我都會幾enjoy毒獨遊架。

好，發完up瘋，聽日就要講到我去到印度第一個顏色城嘅經歷，仲識咗個令我疑神疑鬼嘅印度兄弟。

屌 live咗

好靚阿

居然live左
好羨慕大家有勇氣去呢啲地方
真係靚到筆墨難以形容
如果我生多碌鳩就好
年紀再大啲就會比好多野綁住去唔到

有無人一齊？心郁郁

平飛印度！尋訪千年古國！6月30日前出發，來回新德里/孟買$690 – 斯里蘭卡航空 (詳情：https://flyday.hk/54791)

Incredible India！自從睇完本一百萬零一夜，小編就好想去印度見識下！宜家斯里蘭卡航空推出咗優惠，6月30日前出發，來回新德里/孟買$690 (連稅$2,062)！連稅二千頭飛到去印度真係好抵！平時要三千幾架！呢個千年古國，有世界遺產泰姬陵、超越生死嘅恆河、無數嘅宗教節日！亦有各種稀奇古怪嘅事物同埋文化！有種講法喺世上只有兩種人，一種是去了印度後唔想再去，一種是去咗仲想去嘅！印度治安未算太理想，所以大家要小心再小心，搵多幾個朋友一齊去就完美喇！

好可憐 咁對自己個女

好抵喎 有D心動

咁咪仲驚

Live咗

岩呀，大個左個家庭、之後有子女、再老d可能身體會有毛病
就越難去有咁既機會