有日屎忽痕一條友去印度食左半個月咖哩

我今日fb見到呢個都想po出黎，估唔到有人po先
真係好抵呀!

初到白城烏代浦


Google網上圖片

北印度有四色城，分別係白色、藍色、粉色同金色，得到呢個名嘅原因係同城市入面大部分建築物嘅顏色有關。今次我就去咗藍白粉三色城，淨返金色城Jaisalmer冇去。好多人都問我點解唔去，話好可惜，其實我出發前都知道Jaisalmer呢個城市真係好靚，不過我嘅旅程就得15日，我唔想太趕，於是我就要考慮到底要去西邊嘅Jaisalmer定係東面嘅Varanasi。好明顯最後都係恆河贏咗，所以golden city就唯有留返下次再去啦！我相信一個旅程點都要留返少少遺憾比自己嘅，如果唔係又點驅使到自己下次再黎呢？



坐去Udaipur呢度火車係我四程火車之中最長嘅，足足坐咗差唔多13個鐘。本身呢程火車一直都係未confirmed，我仲喺waiting list中，不過好彩我喺Khajuraho個host Ajay話佢識朋友喺印度鐵路入面做，拍晒心口咁向我保證一定會俾到位我，所以係出發當日，佢又真你send咗個message話我個床位confirmed咗，所以話去旅行真係識人去過識字！由於已經有過2次經驗，所以今程火車我訓得好安穩，咩鼻鼾聲呀腳臭味呀完全影響唔到我，一訓醒就到目的地。

經本上個旅程去到差唔多一半，你已經免疫咗大部分初到印度嘅問題，例如俾人煩住唔知點算呀；叫tuktuk唔知開幾多錢好呀；d財物驚俾人偷呀等等。一如以往，一落火車就有好多tuktuk司機走過黎問我去邊，話300rs收我平d載我去。然後我即刻拎個手機開個ola出黎叫車，明明就顯示83rs就可以送到我去guest house，你班人仲打算扼我，我見到佢地望住我喺佢地面前叫ola即刻o咀冇晒反應，我笑笑口頭也不回就上咗車。

科技帶俾我地嘅好處就係多咗資料多咗便利，冇咁容易俾人扼，但同時又會令我地多咗倚賴，少咗好多旅程中嘅神秘同新鮮感，有時真係唔知好事定壞事‥

Live了, 正皮支持

留名學野

吊啦星 你話十五日都唔夠

心諗我全年都無十五日假

好想繼續睇 加速

我試過同D人講廣東話，扮唔識英文

慧禮法師

係真係唔去得 其中去到列城既一個景點
護照有中國兩個字既只能係西藏入去個湖
因為個湖既一邊係屬於中國 一邊係屬於印度

揸BNO 會唔會好d?

呢層唔知 但果到始終係軍事區 我諗外國護照都係要搞一大輪簽證 雖然係西藏果頭 景色理論上係差唔多 但大家要知印度果邊係冇中國人
呢點已經差好遠 印度係一係幾乎冇強國人嘅旅行體驗 係好難得

Udaipur除咗係一個白色城市，佢仲係一個湖嘅城市Lake City。事關我又再次晨咁早去到guest house嘈醒咗個owner，所以佢就唔俾我check-in住，要我周圍下行轉頭先再返去check-in。咁我見有時間，就去咗guest house附近嘅一個幾出名嘅湖Lake Pichola影下相。


剛洗完衫嘅婦人


印度嘅男人通常都係圍塊布就跳落水，不過呢度d水點睇到乾淨過恆河嘅



Udaipur真係一個好靚嘅城市，大部分嘅景點都係環繞住個湖。原來唔單止恆河係咁，其實喺印度只要係附近有水源嘅地方，印度人就會同佢地有互動，例如洗衫呀沖涼呀等等。因為水係印度好珍貴嘅資源，所以佢地都會好小心咁用水，而熱水對佢地黎講更加係奢侈品，所以當我經歷咗5晚冇熱水沖涼嘅生活之後，首次喺Udaipur呢間guest house沖到一個熱水涼個下真係好滿足。






印度人習慣參拜後就會喺頭上點上朱砂

另一個喺舊城區嘅景點就係古廟Jagdish Temple，呢個係烏代浦入面最主要嘅廟，每日仍然都有好多印度人黎參拜。我好鍾意哩喺一角，偷偷咁留意住當地人與人之間嘅互動，比起景色，我覺得更吸引嘅反而係人。

有d 眼濕濕

睇完覺得好難受

號外－ 印度展鵬的故事



跟印度展鵬嘅相遇，係某日喺Udaipur嘅一個菜市場（我估係因為我見條街好多人買菜）。印度煎pan第一眼望見我，就好大聲叫：「Oh man you look like a superstar!」的確個刻我係有d開心又驚喜嘅（雖然後來我先發配原來只要你有眼耳口鼻又係遊客佢地就會當你係superstar )。傾傾下計我先發覺其實佢同香港視帝陳展鵬有幾分相似，雖然多了陣咖哩味，但少咗陣亞視味。

佢一路喋喋不休咁同我講佢嘅夢想，話自己好想做一個明星，可惜總係冇星探發掘到佢，所以佢就要喺呢條好多人經過嘅街上面賣菜等自己多d曝光機會。雖然我唔係一個星探，但我都有d軬佢嘅追夢宣言感動，所以我拍一拍佢膊頭同佢講說：「我係一個香港嘅星探，覺得你好有星味，可惜你黎唔到香港拍劇，如果唔係你可能已經係最佳男主角了！」雖然我唔知佢聽唔聽得明究竟我講緊乜，但我見佢都笑得幾開心，應該都算係幫佢打咗支強生針吧。

臨走前我同佢影咗呢張相，應承佢返到香港之後我一定會將佢嘅故事放上我自己個page同埋我打嘅遊記之中，等多d人可以識佢，都算係做明星嘅第一步啦！

找數真漢子

有無問佢拎簽名呀

送副太陽眼鏡畀佢啦

送副太陽眼鏡畀佢啦
[/quote]
真係似

live 咗 好正好好睇

留名

樓主文筆真係好抵死 食食下飯就噴出黎

雖然多了陣咖哩味，但少咗陣亞視味