有日屎忽痕一條友去印度食左半個月咖哩

竟然搵到我page

其實整體我去嘅地方都俾我係書或者電視上睇到嘅乾淨左

0－5度羽絨睡袋

呢段經歷 寫得好好 其實個船家收20蚊
都唔算貴 仲有野飲同食
仲要自己包起成架船
佢地的生活就係圍住條河

夜晚嘅火車有d凍，好在我自己有睡袋，真係唔太敢用佢d被。同埋出發前求其執咗個travel pack落袋，估唔到個耳塞喺我呢個旅程幾用得著。因為我通常都係訓火車或者hostel，咁少不免點都會有人打鼻鼾，而呢個時間我就係靠一對耳塞去確保我嘅睡眠品質。







於是一大早7點鐘就到咗行程嘅第二個目的地克久拉霍Khajuraho。Khajuraho係一個少人去但我個人覺得幾特別嘅地方，如果唔係出發前有朋友叫我一定要黎呢度，我都未必知有呢個地方，於是我先係原本Agra嘅兩日行程入面抽咗一日出黎。而好好彩我黎呢度之前就搵咗個homestay，佢除咗一早黎火車站接我之外，仲自己揸電單車帶我去睇咗好多間廟。











Khajuraho俾我嘅感覺就好似另一個小吳哥，有好多好有歷史同雕刻好精緻嘅廟，所以呢個地方似東南亞多過似印度。因為呢度係以前月亮王朝昌德拉王朝嘅首都，全盛時期約建造咗85座神廟，但之後受到伊斯蘭人入侵破壞，而家得返22座。







除左廟多同保留左歷史之外，另一個令到Khajuraho出名嘅就係呢度有唔少「性廟」。之所以叫性廟，係因為喺西部廟群入面，就保留咗好多關於「性」嘅石刻，，除左有男女性交、自慰之外，仲可以見到口交、人獸交、男男交等嘅石雕，係無諗過喺咁保守嘅印度會出現。而呢d雕刻仲要好不經意咁零碎咁散落喺一d正常雕象之間，等你細心觀察先會發現，就好似你明明睇緊一d印度嘅神話角色，中間就有忽係見到d人搞緊野咁，又真係幾引人入性嘅。

第一張角度好靚好型

Siri lanka我一定會去，聽講似乾淨既印度
印度空氣真係好差，我日日返去港鼻都係黑mun mun既

你係幾點到delhi？朝早既出一出去都得，而家搭metro出市區好快，半個鐘左右，不過你要睇下自己d行李多唔多同方唔方便

十幾個鐘可以去下月光市集同caughttplace睇下，其實delhi係最冇乜野睇既我覺得

至於夜晚你趁仲有尾班metro早少少搭返去機場會好d，因為搭的士會貴好多同可能會水你

去Jaipur 有冇飲到lassiwala?
幾年前去飲過好好味

live 咗

原來post 頭有答過

有冇買返本Kama Sutra 黎睇下?

留名

Bam
我是來留名的

好好睇，樓主繼續

正評左...好正...好想去但唔敢...
樓主有無比印度佬抽水

好正

但可唔可以唔好quote 哂全部...

有去到拉達克 行左條稱為全球第二最危險公路
真係好難忘

Your Sex, Your Fate!

除咗d廟之外，Khajuraho俾我感覺良好嘅另外一個原因就係得識到個好好嘅host - Ajay。喺我出發去印度之前Ajay已經加咗我whatspp俾咗好多印度嘅資訊我，令我放心咗好多，當我仲喺Varanasi嗰陣，佢都俾咗d tips我教我點樣應付d印度人。然後我搭完通宵火車朝早7點，佢就黎咗火車站接我去佢個homestay。去到呢度可能好多人會諗，佢咁好會唔會有咩企圖架？冇錯呢個就係好典型香港人嘅被害妄想症心態。Anyway，個刻我淨係覺得有個當地人幫自己真係好好多。







返到去佢又親手整早餐俾我，等我Settle咗之後，Ajay就開始帶我周圍我參觀d廟，佢話我知邊d廟係免費，邊d要收錢，因為印度人好鍾意喺d唔駛門票嘅景點前面同你講要買飛要收錢，所以Ajay就叫我一定要say no。另一樣開心嘅就係可以同佢成家人一齊生活，體驗到佢地嘅生活模式，當我去完d景點返到去嘅時候，佢老婆同仔女就岩岩返到，然後Ajay就叫佢老婆幫我準備埋晚餐。

https://youtu.be/gKJqG42x7O4

呢段片係佢老婆整緊Chapati俾我地食

食完飯之後，佢又帶我去睇當地嘅民族舞。雖然呢d類似嘅表演我喺澳洲、紐西蘭等等嘅原住民村都睇過唔少，不過以呢個價錢睇其實cp值都高嘅。















呢日我深深咁體會到印度係有幾咁重男輕女。首先就係Ajay個老婆全晚都冇點出過一句聲，淨係俾人叫佢煮飯就煮飯，執碗就執碗，但睇得出嗰種唔係因為唔愛佢而對佢差嘅命令，而係一種習慣、一種平常事，因為我唔覺得佢老婆唔開心。第二樣宦關於佢d仔女，Ajay接我嗰陣佢係同我講佢有〝2 sons〞，所以當我一開始見到佢個「細仔」時都不以為意，但當佢除咗頂帽仔就後，我先發覺原來細嗰個係女仔黎嘅，但Ajay仲係一直用〝he〞黎去稱呼佢，我嗰時覺得好奇怪，但又唔好意思問。後來我喺Agra識咗個美國妹，傾返呢件事，佢先同我講原來印度有d老豆好唔鍾意人地知道自己生嘅係女，所以就要當佢仔咁湊。我聽完覺得好慘好可悲，連自己親生嘅都接受唔到，我就知道呢個國家永遠冇可能做到男女平權。



佢女女好可愛呀其實


仔仔成晚都要做功課，好唔開心

不過呢樣野又唔關Ajay事嘅，只係成個印度嘅風氣根本係咁。收錢嘅時候，Ajay只係問我收返屋錢同少少飯錢，冇要求我俾任何tips佢。可能我真係唔適合做一個budget嘅backpacker，因為最後我覺得佢帶我玩足一日，又去廟又去當地菜市場，又幫咗我咁多，於是我就私底下俾多600rs佢做tips。我知道600rs對佢地黎講可能已經係1－2日嘅人工，Ajay好開心咁多謝我，我亦都好開心咁多謝佢，因為佢俾我睇到好多我住hostel冇機會體驗到嘅野‥

















其實Khajuraho都幾靚架

有冇買返本Kama Sutra 黎睇下?

冇呀，見到好多人sell…不過真係唔想拎住

冇wor又‥我都冇咩好俾人抽

有呀.我自己包左車入去.係有D危險
主要危險有兩個
條路有D位岩岩好夠一嫁車過
有對頭車真係要駛到好紋比第二架車過

第二.對路上面有好多石頭.凹凸不平不在話下
重點係D石其實就係係山上面飛落黎
由拳頭咁大到成個波咁大都有.你諗下打中架車會點

第三果條路位於客啤米爾地區
不時會有D恐襲新聞
我去果時D軍人都同我講前兩日先死左幾個軍人
不過上到列城就會好安全

第四果D要經過海拔過5000米嘅地方
有機會會有高山反應
我就冇事
但我朋友就路到七彩
但上到列城只係3-4千米左右.
會好好多

但其實唔洗太擔心
私家車入還好
係路上見得最多係運汽油嘅貨車
果D貪車都冇事你D細車其實都唔算危險
但絕對建議試下用車上去
因為條路真係好靚.!!!!!!
而且上去要4日左右
你可以試下去路邊D原居民開果D帳號包到住
好有特色 個天好清.因為夠高.連水汽同灰塵都冇
夜晚一行出去.台頭成條銀河就係頭頂
有D凍.但如果你訓係草原到.基本上幾分鐘就一定會見到流星飛過

我可以比少少相你睇