有日屎忽痕一條友去印度食左半個月咖哩

1001 回覆
1850 Like 35 Dislike
2018-03-09 21:31:12
live
2018-03-09 21:46:52
而最多故事嘅地方就一定係當地人嘅market。月光市集旁邊嘅地鐵站,永遠都係咁多人,而以印度人嘅速度,買張飛可能要排半個鐘,而且中途你會見到好多so call「趕時間」嘅人忽然插咗去隊頭,不過可能喺印度訓練到個人耐性強咗好多,所以我都變成隻眼開隻眼閉。





學生哥,錢唔多,前面2個好朋友都買到自己鍾意嘅野食,我望住後面嗰個搵一搵褲袋,數數手上嘅散紙之後笑笑口話自己都係唔肚餓,但其實細路仔係唔識講大話。



呢對孖仔,白帽嘅係大哥、黑帽嘅係細佬,大哥一見到我就好想我幫佢影相,不過細路怕醜死都唔肯影,但阿哥又好想細佬一齊影,結果我就一邊望住佢地你推我拉咗好耐,最後喺佢地後面買緊野嘅媽媽都忍唔住出聲,先至肯同阿哥一齊俾我影,但我覺得其實細佬內心都係想影的。



呢個婆婆坐喺度好耐,無論佢點大聲講,身邊的人都係直行直過,我忍唔住走過去俾咗50rs佢,雖然佢唔識英文,不過一個微笑點頭,已經係最好嘅道謝。



2018-03-10 01:48:30
真係好好睇
2018-03-10 01:59:48
2018-03-10 02:37:10
高汁
2018-03-10 09:14:37
留名
對印度真心又愛又恨 文化同歷史真係好有趣但係去果陣好多人好無禮貌同d系統同制度好差(我Delhi去varanasi班車延遲左8個車 係夏天又熱又焗果陣係車站等足咁耐)
2018-03-10 14:23:29
樓主幫佢地影完相點樣sd返比佢地
2018-03-10 19:28:53




舊城區除了一個個故事之外,更加充斥住一股濃厚嘅男人味,汗臭、腳臭、口臭、尿臭形成了「舊德里四臭」,到底印度人唔鐘意沖涼,定還是因為佢地食嘅香料令佢地嘅身體發出呢陣味?我真係無從稽考,不過又或者係呢種味道,令你永遠都唔會忘記曾經黎過呢個地方。





印度人好鍾意飲chai,更甚於香港人鍾意飲凍奶茶凍檸茶、或者係歐洲人飲咖啡,因為印度人真係可以無時無刻都飲chai。Chai嘅發音就好似廣東話嘅〝猜〞同〝差〞嘅mix版,本身都冇咩野,但一上火車就真係好煩厭,因為d小販會一直走黎走去Chai Chai Chai咁,不過d印度人睇黎好受落,幾乎人人手上都有一杯。



Chai其實就係熱奶茶,不過茶膽係用印度嘅茶葉,所以會有印度香料嘅味道同埋會甘甘地,同埋佢地會加好多好多糖,所以一般你飲到嘅Chai都係超甜嘅!我又真係好好奇到底佢地日日咁飲法到底最後有幾多人係會患糖尿嘅呢?我就自主喺Varanasi飲過一杯之後就冇飲過了,我寧願日日飲Lassi仲好。





講開甜,印度人真係好鍾意食甜,成日喺街邊見到d小食忍唔住買黎試下,結果往往都係甜到我反胃想嘔,所以自此之後我每次試親新野都會先問老闆一句:「Is this sweet?」如果佢地答no,即係有少少甜;如果佢地答little sweet,通常都係好甜;如果佢答Yes,就真係唔好試,食一舊隨時食等於食一個月嘅糖。



2018-03-10 19:29:43
我冇諗住sd 返俾佢地wor
相信佢地都冇諗住收返
佢地純粹享受俾人影only
2018-03-10 19:30:33
係呀我frd都試過,仲要係去到車站先知‥
好彩我幾班車都冇乜delay
聽講冬天delay仲嚴重
2018-03-10 19:35:48
https://youtu.be/8GhSeNxrjds

 印度火車一停站,d小販就會轟上黎叫賣,不過呢幾個都算幾安靜ga啦
2018-03-10 19:43:06
真係諗唔明 點解要咁做...

佢地好少會影到相?
2018-03-10 19:46:36
學生哥,錢唔多,前面2個好朋友都買到自己鍾意嘅野食,我望住後面嗰個搵一搵褲袋,數數手上嘅散紙之後笑笑口話自己都係唔肚餓,但其實細路仔係唔識講大話。

2018-03-10 21:07:20
諗唔明+1
自己去旅遊景點見到隔離有人影相都會盡量避開鏡頭唔想俾陌生人影到
r爆頭都諗唔明點解會享受俾陌生人影
2018-03-10 21:13:42
佢地平時都成日自拍,
2018-03-11 10:49:27
我諗佢地係覺得外國人唔常見
有種好似我地以前細個見到電視台就想上吓鏡既慾望掛
2018-03-11 15:29:47
好想好似樓主咁 一個人咁去唔同地方闖下 見識下呢個世界 再係網上同人分享下自己既所見所聞 無奈有好多野放唔低 呢D 念頭只係得個諗
2018-03-12 01:24:55
2018-03-12 13:09:10
後面有重po
2018-03-12 13:52:04
月光市集係舊城區入面最大嘅通集,有好多小路窄巷,一唔小心就好易盪失路,同時我覺得佢係我行過「最印度」嘅市集,因為喺度買野嘅好多都係本地人。





市集由紅堡一帶開始,一直延伸到賈瑪清真寺嘅外圍。而市集賣嘅野五花百門、分門別類,有專賣碗碟器皿嘅印度上海街、有賣電子用品相機sim card嘅印度黃金、亦都有賣阿婆胸圍低褲嘅印度花園街等等,中間又混集咗d賣chai嘅、賣烤肉嘅、賣lassi嘅攤檔,總之9唔搭8得黎又好有特色。









市集後面係賈瑪清真寺,亦係德里最大嘅清真寺,多得遊客們嘅鼎力支持,寺入面嘅遊客應該多過真正嘅伊斯蘭徒。寺入面的確冇外面咁好睇,可能係因為上年去伊朗已經睇過好多好特別好靚嘅清真寺,所以呢個賈瑪清真寺真係不期不待不失望。反而寺外嘅長樓梯坐咗好多人,而乞錢嘅人一排咁坐晒喺門口兩側,形成咗一道力牆,喺佢地身邊行過都幾大壓力。







2018-03-12 13:53:43
咁如果有另一d野你係覺得重要d嘅,又唔一定要學我咁既
得閒去多d旅行lor
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞